သခင်လေးအစစ်ရဲ့လဖက်စိမ်းနည်းဗျူဟာများ

🍒 Intro

သခင်လေးအစစ်နှင့် အတု ဇာတ်လမ်းထဲမှ သခင်လေးအစစ် ဖြစ်သည့် အန်းချင်သည် မွေးစားမိဘများ၏နှိပ်စက်ခြင်းကို ဆယ့်ရှစ်နှစ်တိုင်တိုင် ခံစားခဲ့ရသည်။

သူသည် ဒုက္ခတွင်းထဲမှ ရုန်းထွက်ပြီး သူ အိမ်သို့ ပြန်ရောက်လာချိန်တွင် တောက်ပနေသော သခင်လေးအတုမှာ မိဘများ၏မေတ္တာကို ခံယူနေဆဲဖြစ်သော်လည်း သူကမူ မရှိလည်းဖြစ်သည့် လူပိုတစ်ယောက်အလား ဖြစ်နေခဲ့သည်။

ထို့ကြောင့် မူလက နူးညံ့ပြီး ချစ်စရာကောင်းသော သခင်လေးသည် အဆင့်မြင့် လက်ဖက်စိမ်းတစ်ယောက်အဖြစ် ပြောင်းလဲသွားခဲ့သည်။

အန်းချင်က "မေမေ၊ သား မေမေ့ကို မနှောင့်ယှက်သင့်ပါဘူး၊ ဒါပေမဲ့ မေမေက ကိုကို့အပေါ် အရမ်းကောင်းတာ တွေ့တော့ သား မနေနိုင်ဘဲ အနားကပ်မိသွားတယ်" 

အန်းမိခင်သည် မျက်ရည်သုတ်ပြီး သူမ ဘဏ်ကတ်ကို ထုတ်ပေးလိုက်သည်။

အန်းချင်က "သားက နှင်းကျတဲ့ညမှာ ခိုက်ခိုက်တုန်အောင် ချမ်းပြီးသေလု နီးပါးဖြစ်ခဲ့ရလို့ ဒီလို အနွေး ထည်တွေ ဝတ်ထားရတဲ့ ကိုကို့ကို တကယ်ပဲ အားကျမိတယ်" 

အန်းဖခင်သည် ဝမ်းနည်းသွားပြီး တန်ဖိုးကြီးဇိမ်ခံကားတစ်စီး ပို့ပေးခဲ့သည်။

အန်းချင်က "အိမ်ထဲက အရာအားလုံးက ကိုကို့အပိုင်တွေပါ၊ သားက ဇိမ်ခံပစ္စည်းတွေကို မတောင်းဆိုရဲပါဘူး၊ သားက ဒီမိသားစုထဲကို ဝင်ချင်ရုံ သက်သက်ပါပဲ"

အန်းဖခင်နှင့် မိခင်တို့သည် ရင်ဘတ်ကို ဖိလျက် သူတို့နာမည်ပေါက် ခြံနှင့်အိမ်ကို အန်းချင်ထံ လွှဲပြောင်းပေးခဲ့ကြသည်။

အန်းချင် နှလုံးသားထဲရှိ နူးညံ့မှုမှန်သမျှသည် လွန်ခဲ့သောတစ်နှစ်ခန့် နှင်းကျသော ညတစ်ည၌ ကျန်ရစ်ခဲ့ပြီဖြစ် သည်။

ထိုအမျိုးသားသည် လေပြင်းနှင့် နှင်းမုန်တိုင်းကြားမှ ရောက်လာပြီး သူ့ထံ၌ရှိသော တစ်ခုတည်းသောငွေကို ပေးကာ

"အသက်ငယ်ငယ်လေးနဲ့ အိမ်ကနေ ထွက်ပြေးဖို့ ဘယ်ကနေ သင်လာတာလဲ" 

ယခုအခါ သူသည် တီဗီပေါ်မှ ရင်းနှီးနေသော ထိုအမျိုးသား မျက်နှာကိုကြည့်လိုက်ပြီး ဖေကျစ်ကျင်းက သူ့ကို မေ့သွားပြီဖြစ်ကြောင်း သိလိုက်ရသည်။ သို့သော် ကိစ္စမရှိပါ၊ သူသည် ဂဏန်းသုညအလုံးရေ မည်မျှမှန်းမသိသော ဘဏ်ကတ်များကို လက်ထဲတွင် ဆုပ်ကိုင်ထားလေသည်။

ဖေကျစ်ကျင်းက ဒီဝတ္ထုထဲက ဇာတ်ကောင်တွေကို ကြိုက်တယ်တဲ့လား ? မူပိုင်ခွင့်ဝယ်ပြီး သူ့ကို သရုပ်ဆောင်ခိုင်းလိုက်မယ်..

ဖေကျစ်ကျင်းက ပရိသတ်တွေ ရိုက်ကွင်းလာလည်တာကို လိုချင်တယ်တဲ့လား ? လူတစ်စုကို ပိုက်ဆံပေး ငှားရမ်းပြီး သူ့အတွက် အင်အားအကြီးဆုံးပံ့ပိုးမှုကို စီစဉ်ပေးလိုက်မယ်။

ဖေကျစ်ကျင်းက ချစ်သူရှာချင်နေတယ်တဲ့လား ? သူက ချစ်သူရှာရဲသေးတယ်ပေါ့။

သူသည် ဖေကျစ်ကျင်းကို ရှာရန် အပြေးသွားပြီး

"ဘာလို့ ချစ်သူရှာချင်ရတာလဲ၊ ဘယ်သူနဲ့ ချစ်သူတော်ချင်လို့လဲ ?"

ဖေကျစ်ကျင်းက "မင်းလေ" 

အန်းချင်......