မင်မင်ရဲ့ထုံးစံအတိုင်း ဓားမပါတာလေးသေချာရွေးထားတာ 🥝

လှောင်ပြောင်ခံ အမွေဆက်ခံသူအဖြစ်မှ ရာဇ၀တ်မှုဗေဒပါရမီရှင်ဖြစ်လာခြင်း

ဇာတ်လမ်းအကျဉ်း
ရဲသင်တန်းကျောင်းသား ကျန်းရော့ချန်း (Jian Ruochen) သည် ၁၉၉၀ ပြည့်လွန်နှစ်များက ဟောင်ကောင်အခြေစိုက် ဝတ္ထုတစ်ပုဒ်ထဲသို့ ကူးပြောင်းရောက်ရှိသွားခဲ့သည်။ သူဖြစ်သွားသည့် ဇာတ်ကောင်မှာ မိသားစု၏ အမုန်းခံရသည့် "တကယ့်သခင်လေးအစစ်" ဖြစ်ပြီး၊ လူချစ်လူခင်များသော "သခင်လေးအတု" နှင့် နှိုင်းယှဉ်ခံရရန် ဖန်တီးထားသည့် အပိုဇာတ်ကောင် သာဖြစ်သည်။
မူရင်းဇာတ်လမ်းတွင် ထိုအပယ်ခံသခင်လေးသည် မိသားစုမေတ္တာနှင့် အချစ်ကို ရရှိရန်အတွက် ဘီလီယံ ၁၀ ချီတန်သော အမွေအနှစ်ကို စွန့်လွှတ်ခဲ့သည်။ သို့သော် နောက်ဆုံးတွင် ဖခင်ဖြစ်သူ၏ အထင်သေးမှုကို ခံရကာ ချစ်သူကလည်း စွန့်ပစ်သွားခဲ့သည်။ ထို့ပြင် ရန်သူ့လက်ထဲသို့ ထိုးအပ်ခြင်းခံရပြီး သခင်လေးအတု၏ ကျန်းမာရေးအတွက် သူ၏ကျောက်ကပ်နှင့် နှလုံးကိုပါ အထုတ်ယူခံခဲ့ရသည်။
ထိုအကြောင်းကို သိလိုက်ရသော ကျန်ရော့ချန်း၏ တုံ့ပြန်မှုမှာ- [ဖုန်းကို ကြည့်နေသော မြေအောက်ရထားပေါ်က ဘိုးတော်ကြီး၏ ရုပ်ပြောင်အတိုင်း]

"ဒါတွေက ဘာအဓိပ္ပာယ်မရှိတဲ့ အပေါစားဇာတ်ကွက်တွေလဲ? ရာဇ၀တ်မှုဆိုင်ရာဥပဒေ ဘယ်မှာလဲ?"
သူ ကူးပြောင်းရောက်ရှိသွားသည့်နေ့သည် မူရင်းခန္ဓာကိုယ်ပိုင်ရှင်က အချစ်အတွက် အမွေငြင်းပယ်နေသည့်နေ့ ဖြစ်နေသည်။
ဗြိတိသျှလူမျိုး အိမ်စေအဘိုးကြီးက မေးသည်- "သခင်လေး... ဘီလီယံ ၁၀ ချီတဲ့ ပိုက်ဆံထက် အချစ်ကိုပဲ ရွေးချယ်မယ်ဆိုတာ တကယ်ပဲ သေချာပါသလား?"
ကျန်းရော့ချန်း: "ဘာအချစ်လဲ? ဘာအဓိပ္ပာယ်မရှိတာတွေ ပြောနေတာလဲ? ဘီလီယံ ၁၀ ချီတဲ့ အမွေကိုပဲ ယူမယ်။"
ကြွယ်ဝသော အမွေအနှစ်ကို ဆက်ခံပြီးနောက် ကျန်းရော့ချန်းသည် သူ၏ ကျွမ်းကျင်မှုဟောင်းကို ပြန်လည်အသုံးချကာ ရဲတပ်ဖွဲ့တွင် ရာဇဝတ်မှုဆိုင်ရာ စိတ်ပညာအတိုင်ပင်ခံ ဖြစ်လာခဲ့သည်။ မူရင်းဝတ္ထုထဲတွင် တစ်ခန်းလျှင် ရာဇဝတ်မှု သုံးခုကျူးလွန်လေ့ရှိသော မူရင်းဇာတ်လိုက်မင်းသားကို တရားဥပဒေလက်ထဲ အပ်ရန် သူ ဆုံးဖြတ်လိုက်တော့သည်။
နောက်ပိုင်းတွင်...
* ဖမ်းဆီးခံရသည့် လူသတ်သမား: "အဲဒီနေ့က ကျွန်တော် စုံထောက်ကျန်ရဲ့ ဘေးနားကနေ ဖြတ်လျှောက်သွားရုံတင်ပါ၊ သူက ချက်ချင်းပဲ ကျွန်တော့်ကို မြေကြီးပေါ် ဖိချပြီး ရဲလက်အပ်လိုက်တာပဲ။"
* ဖမ်းဆီးခံရသည့် မူးယစ်ဆေးဂိုဏ်း: "ကျွန်တော် ဆံပင်ညှပ်ဆိုင်မှာ ထိုင်နေတုန်း စုံထောက်ကျန်က ဘေးနားမှာ လာထိုင်တယ်။ သူက ကျွန်တော့်ကို ပိုကောင်းတဲ့ ဆံပင်ညှပ်ဆရာနဲ့ မိတ်ဆက်ပေးမယ်ဆိုပြီး ထောင်ထဲကို တန်းပို့လိုက်တာပဲ။ အခုတော့... ကျွန်တော် ကတုံးဖြစ်နေပြီ။"
* ဖမ်းဆီးခံရသည့် ဓားပြ: "ဝါး... ကျွန်တော်က စုံထောက်ကျန်ဆီကနေ သိန်း ၁၀ ပဲ လုမလို့ပါ။ သူက ကျွန်တော့်ကို သိန်း ၅၀၀ ပေးပြီး ထွက်သွားတော့ဆိုလို့ ကျွန်တော် ပထမတော့ နားမလည်ဘူး။ နောက်မှ သိလိုက်ရတာက သိန်း ၁၀ လုရင် ထောင်ဒဏ် ၁၀ နှစ်ပဲ ကျမှာ၊ အခု သိန်း ၅၀၀ ဆိုတော့ တစ်သက်တစ်ကျွန်း ကျအောင် သူက လုပ်လိုက်တာ!"
ကျန်းရော့ချန်းက ကျန်းမိသားစုကနေ ထွက်ခွာသွားပြီးနောက် သူ့အပေါ် မကောင်းခဲ့သူတိုင်းက နောင်တရလာကြသည်။
မီဒီယာများရှေ့တွင်:
ဖခင်ဖြစ်သူ: "သူက အမြဲတမ်း ငါ့ရဲ့ ဂုဏ်ယူစရာသားပါ။ ငါ့ရဲ့ ပိုင်ဆိုင်မှု အားလုံးကို သူ့ကိုပဲ ပေးချင်တယ်!"
ကျန်းရော့ချန်း: "ခင်ဗျားရဲ့ အကြွေစေ့တွေကိုပဲ သိမ်းထားလိုက်ပါ။ ကျွန်တော် စိတ်မဝင်စားဘူး။"
သခင်လေးအတုက တောင်းပန်သည်: "အစ်ကို... အစ်ကိုက လူကောင်းတစ်ယောက်ဆိုတာ ကျွန်တော် သိပါတယ်။ ကျေးဇူးပြုပြီး ကျွန်တော့်ကို ကယ်ပါဦး။"
ကျန်းရော့ချန်း: "မင်းက လူကောင်းမှမဟုတ်တာ။ မင်း နေရမယ့်နေရာက ထောင်ထဲမှာ။"
ချစ်သူဟောင်းက ဒူးထောက်တောင်းပန်သည်: "တစ်ခါလောက်ပဲ ခွင့်လွှတ်ပေးပါ၊ ကိုယ် မင်းကို အမြဲ ချစ်ခဲ့တာပါ။"
ကျန်းရော့ချန်းက ပြုံးလျက်: "နောင်တရနေပြီလား? ဒါဆို နားထောင်ထား— ကျန်းမိသားစုက အခွန်ရှောင်မှု၊ ပြည်သူ့လုံခြုံရေး ထိခိုက်စေမှုနဲ့ ဂိုဏ်းဖွဲ့ဓားပြတိုက်မှုတွေ ကျူးလွန်ထားတယ်။ သေဒဏ်ပဲ။ မင်းလား? မင်းကတော့ အင်္ဂါအစိတ်အပိုင်း မှောင်ခိုကူးမှု၊ တရားမဝင် ဇီဝဆေးဝါးထုတ်လုပ်မှု၊ ငွေခဝါချတဲ့ လုပ်ငန်းတွေအပြင် ရှေးဟောင်းပစ္စည်း မှောင်ခိုမှုတွေပါ ပါနေတာပဲ... ဂုဏ်ယူပါတယ်၊ မင်းအတွက် 'သံပဲစေ့' (သေနတ်ကျည်ဆန်) တစ်စေ့ အဆင်သင့်ပဲ။"
နောက်ပိုင်းတွင်...
ရာဇဝတ်ကောင်များ ကြောက်လန့်ရသည့် အနောက်ကော့လွန်းနယ်မြေ မှုခင်းနှိမ်နင်းရေးဌာနမှ အဆင့်မြင့်ရဲအုပ် ကွမ်းရင်းကျွင်း (Guan Yingjun) က ကျန်းရော့ချန်း၏ လက်ဖျားလေးများကို ညင်သာစွာ နမ်းရှိုက်ရင်း ပြောလိုက်သည်-
"ငါတို့ဆီမှာ ရာဇဝတ်မှုဆိုင်ရာ စိတ်ပညာကျွမ်းကျင်သူ တစ်ယောက် လိုနေတာ။ တခြားဌာနကို မသွားဘဲ ငါတို့ဆီမှာပဲ နေလိုက်ပါလား?"
ဇာတ်ကောင်စရိုက်များ:
* ကျန်းရော့ချန်း (Bottom): ဉာဏ်နီဉာဏ်နက်များ၊ အလွန်ချမ်းသာ၊ မြေခွေးအိုကြီးကဲ့သို့ ပါးနပ်သူ။
* ကွမ်းရင်းကျွင်း (Top): အပြင်ပန်း အေးစက်သော်လည်း အတွင်းစိတ် ထက်သန်ပြင်းပြသူ၊ အမှန်တရားကို မြတ်နိုးသူ။


Total 208