စုန့်ချွမ်နဲ့ ရှန့်ဟောင်ဟောင်

ဖော်ပြချက်

ကျွန်မ... ရှန့်ဟောင်ဟောင်က ရွာမှာ နာမည်ကြီး မိန်းမကြမ်းကြီးပါ။

ကျွန်မ ကွာရှင်းတဲ့နေ့မှာပဲ ကျွန်မက မီးဖိုချောင်သုံးဓားတစ်ချောင်းကို ကိုင်ပြီး ယောက္ခမဟောင်းရဲ့ဆံပင်တွေကို ရိတ်ပစ်ခဲ့တယ်။ ပြီးတော့ ကျွန်မ တစ်နှစ်ပတ်လုံး မွေးမြူထားတဲ့ဝက်ကို သတ်ပစ်လိုက်တယ်။

ဒါပေမယ့် ကျွန်မ ကွာရှင်းပြီးလို့ လတစ်ဝက် မပြည့်ခင်မှာပဲ အောင်သွယ်တစ်ယောက်က ကျွန်မ မိဘတွေရဲ့အိမ်တံခါးလာခေါက်ပြီး ကျွန်မအတွက် အိမ်ထောင်ရေးတစ်ခု စီစဥ်ပေးခဲ့တယ်။

အဲဒီလူက တစ်ဖက်ရွာက မုဆိုးဖို။ သူ့မိန်းမ ဆုံးသွားတာ ငါးနှစ်ရှိနေပြီ။

သူက မုဆိုးဆိုတော့ တစ်ခါ တောင်ပေါ်ကို တက်သွားရင် ရက်အတော်ကြာအောင် အိမ်ပြန်လာလေ့ မရှိဘဲ တောင်ပေါ်မှာ သုံးရက်ကနေ ငါးရက်အထိ နေ့လေ့ရှိတယ်။ သူက သူ တောင်ပေါ်သွားတိုင်း သူ့ကလေးနှစ်ယောက်ကို အိမ်မှာ ထားခဲ့ရတာ စိတ်ပူတာကြောင့် ကလေးထိန်းပေးမယ့် တစ်ယောက်ယောက်ကို ရှာချင်ခဲ့တာလေ။

"သူ့မိသားစုမှာ သူနဲ့ သူ့ကလေးနှစ်ယောက်ပဲ ရှိတယ်။ နင် သူ့မိသားစုမှာ အိမ်ထောင်ပြုလိုက်ရင် နင်က အိမ်ကို ဦးစီးရမယ့်သူပဲ။ စုန့်ချွမ်က စာနာတတ်တဲ့လူဆိုတော့ နင့်ကို ဘယ်တော့မှ နစ်နာစေမှာ မဟုတ်ဘူး"

အောင်သွယ်ရဲ့ အဲ့စကားကို ကြားတာနဲ့ ကျွန်မ အိမ်ထောင်ပြုဖို့ ချက်ချင်း  သဘောတူလိုက်တယ်။

(T/N: FML ဘက်က ခံစားချက်တွေကို ပြောထားတာမို့ စကားပြော ပုံစံနဲ့ ရေးထားပါတယ်။ စကားပြောပုံစံကို သဘောကျမှ ဖတ်ကြပါနော်၊ နောက်တစ်ခုက ခေါင်းစဥ်ပါ မူရင်းခေါင်းစဥ်က တရုတ်စကားပုံတစ်ခုပါ၊ E-tran ကတော့ ဘယ်လို နာမည်ပေးရမှန်း မသိလို့ စုန့်ချွမ်နဲ့ ရှန့်ဟောင်ဟောင် လို့ပဲ ML နဲ့ FML ရဲ့ နာမည်ကို ပေးထားတယ်တဲ့၊ ကိုယ်သွားကြည့်လိုက်တော့ “ရှစ်ချွမ်ကျို့ဟောင်” တဲ့ ML နဲ့ FML ရဲ့ နာမည်ကို လေးတွေ ပါတယ်၊ ဆိုလိုချင်တဲ့ အဓိပ္ပါယ်က လူတိုင်းက ပြီးပြည့်စုံနေတာမျိုး မဟုတ်ဘဲ ဆယ်ခုမှာ ကိုးခုကောင်းရင် ကောင်းတယ်လို့ သတ်မှတ်နိုင်တယ် လို့ ပြောချင်တာမျိုးပါ၊ ကိုယ်ကတော့ လိုအပ်ချက်တွေ ရှိပေမယ့် အဆင်ပြေပါတယ် ဆိုတဲ့သဘောမျိုးနဲ့ “လိုအပ်ချက်တို့ ရှိနေသည့်တိုင်....” လို့ ခေါင်းစဥ်လေး ပေးလိုက်တယ်)