ဖော်ပြချက်

ချူချူတစ်ယောက် ရုတ်တရက်  စာအုပ်တစ်အုပ်ထဲကို ကူးပြောင်းသွားပြီး  ရက်စက်ကြမ်းကြုတ်သော အမျိုးသမီးဥက္ကဌတစ်ယောက် ဖြစ်လာခဲ့သည်။  မူလပိုင်ရှင်က အမျိုးသားဇာတ်ဆောင်ကို စွဲလမ်းနေရုံသာမက အမျိုးသမီးဇာတ်ဆောင်ကိုလည်း ထိခိုက်စေခဲ့သည်။

နောက်ဆုံးတွင် မကောင်းသည့်သူက မကောင်းသောအဆုံးသတ်ဖြင့် ဇာတ်သိမ်းသွားခဲ့ပြီး သူမတို့မိသားစု၏စီးပွားရေးက ချွတ်ခြုံကျသွားကာ သူမကိုယ်တိုင်လည်း ရုပ်ပျက်ဆင်းပျက် ဖြစ်သွားခဲ့သည်။

စာအုပ်ထဲသို့ ပထမဆုံး ကူးပြောင်းဝင်ရောက်လာသည့်နေ့တွင် ချူချူက ဇိမ်ခံပစ္စည်းများပြည့်နေသည့် ဗီရိုကြီးကို ဖွင့်ကြည့်နေခဲ့ပြီး နေ့ချင်းညချင်း ချမ်းသာသွားသည့် ဆင်းရဲသားတစ်ဦး၏ခံစားချက်ကို အပြည့်အဝ နားလည်လာခဲ့သည်။

ချူချူ : ငါ့ကို လာနောက်နေတာလား? ချမ်းသာတဲ့ဥက္ကဌတစ်ယောက်က Michelin စားသောက်ဆိုင်တွေက အရသာရှိတဲ့အစားအစာတွေကို မကြိုက်ဘူးလား? ဒါမှမဟုတ် Chanel က ရုပ်ထွက်မလှဘူးလို့ ခံစားနေရတာလား?

ချူချူ : ကောင်းပြီလေ... ဒေဝါလီခံလိုက်ရအောင်!!

သူမက အမျိုးသမီးဥက္ကဌအဖြစ် အပြည့်အဝ ခြယ်လှယ်ချင်ခဲ့သော်လည်း သူမပင် မမျှော်လင့်ထားဘဲ သူမက အမျိုးသမီးများအတွက် အားကျဖွယ် ပရော်ဖက်ရှင်နယ်စံနှုန်းတစ်ခု ဖြစ်လာခဲ့သည်။

မူရင်းအမျိုးသမီးဇာတ်ဆောင် : အခု ငါ့ရဲ့ရည်မှန်းချက်က ဥက္ကဌချူလို လွတ်လပ်တဲ့ အမျိုးသမီးတစ်ယောက် ဖြစ်ဖို့ပဲ၊ အချစ်က ငါ့ရဲ့ ဘဝတက်လမ်းကို နှောင့်နှေးစေတယ်။

မူရင်း အမျိုးသား ဇာတ်ဆောင် ? ? ?