အခန်း (၆၄) ပေကျန်း ဆေးဖက်ဆိုင်ရာ တပ်ဖွဲ့ဝင်များ

“မဆိုးဘူး၊ ဒီတိုက်ပွဲဗျူဟာက မမျှော်လင့်ထားတာမျိုးပဲ"

"ကိုယ်ရေးကိုယ်တာ ရန်ငြိုးတွေလည်း ပါနေပုံရတယ်"

"ရလဒ်ကတော့ တကယ်ကို ကောင်းမွန်တယ်"

"တိုက်ပွဲ ခုနစ်ပွဲလောက် ကြည့်ပြီးတဲ့နောက်မှာတော့ လှည့်ကွက်နဲ့ နည်းဗျူဟာတချို့ကို မြင်

လိုက်ရပြီ"

"အတန်း (၂) ရဲ့ တပ်မှူးက ဘယ်သူလဲဆိုတာ သိချင်မိတယ်” ဟု စစ်ဝတ်စုံဝတ်ထားသော အမျိုးသားက ပြုံးလျက် ပြောလိုက်သည်။

“တပ်မှူးကတော့ ကျူညီအစ်ကိုထဲက အစ်ကိုကြီးလို့ ပြောကြတာပဲ” ဟု ကျောင်းအုပ်ကြီး ယန်က ပြုံးရင်း ပြန်ဖြေသည်။

“ဘယ်ဘက်က တစ်ယောက်က ညာဘက်က တစ်ယောက်ထက် ပိုပြီး အားကိုးရပုံရတယ်"

"သူ့ရဲ့ အခြေခံကျွမ်းကျင်မှုတွေကလည်း ညာဘက်က တစ်ယောက်ထက် ပိုပြီး ခိုင်မာတယ်” ဟု စစ်ဝတ်စုံဝတ် အမျိုးသားက ဆိုသည်။

“ငါတို့ ဒီတိုက်ပွဲရဲ့ ဗီဒီယိုမှတ်တမ်းကို သင်ကြားရေးအထောက်အကူပြုပစ္စည်းအဖြစ် သုံးသွားမယ်"

"သူတို့က အရမ်းငယ်သေးပြီး အဘက်ဘက်မှာ အတွေ့အကြုံ မရှိသေးပေမဲ့ တိုက်ပွဲရဲ့ အနှစ်သာရဖြစ်တဲ့ စိတ်ပိုင်းဆိုင်ရာရော ရုပ်ပိုင်းဆိုင်ရာပါ တိုက်ခိုက်တာကို သဘောပေါက်သွားကြပြီ"

"နောက်ပြီး ကောင်းချီးပေးခြင်း က ဒီလောက်အထိ အစွမ်းထက်ပြီး အသုံးဝင်လိမ့်မယ်လို့ ဘယ်သူမှ ထင်ထားမှာ မဟုတ်ဘူး” ဟု ကျောင်းအုပ်ကြီး ယန်က ပြောသည်။

“တစ်ခုခုတော့ မှားနေသလိုပဲ၊ ကျောင်းအုပ်ကြီးယန်၊ သူတို့အတွက် ပထမဆုံး အတွေ့အကြုံဖြစ်နေရင်တောင် အတန်း (၁) က ကလေးတွေက ဒီလောက်အထိ ဆိုးဆိုးရွားရွား ထိခိုက်မသွားသင့်ဘူး” ဟု စစ်ဝတ်စုံဝတ် အမျိုးသားက စိုးရိမ်တကြီး ပြောသည်။

“အဲဒီကလေးရဲ့ ကောင်းချီးပေးခြင်းက ငွေအဆင့်ဖြစ်နေလို့ပါ” ဟု ကျောင်းအုပ်ကြီး ယန်က ရှင်းပြလိုက်သည်။

“ဟမ်"

စစ်ဝတ်စုံဝတ် အမျိုးသားသည် ခေတ္တမျှ ကြောင်အသွားပြီးနောက် “ငွေအဆင့်လား၊ ဒီလောက်အထိ ရှားပါးတဲ့ အရည်အသွေးမျိုး..."

'ဪ... မှန်သားပဲ၊ သူ့မိဘတွေက ဟန်ချန်းနဲ့ ကျန်းဟုန်ယဲ့ ကိုး' ဟု တွေးတောမိသွားသည်။

“သူက တကယ့် ကံကောင်းတဲ့ကောင်လေးပဲ"

"သူ့ရဲ့ အရည်အချင်းက အနိမ့်ဆုံးအဆင့်မှာ ရှိနေပေမဲ့ အဲဒီ ကြယ်တာရာ အတတ်ပညာတွေကို ဘယ်လိုများ စုပ်ယူနိုင်ခဲ့လဲဆိုတာ အံ့သြစရာပဲ” 

ကျောင်းအုပ်ကြီး ယန်က သက်ပြင်းချရင်း စိတ်လှုပ်ရှားစွာ ဆက်ပြောလေ၏။

"ဒါပေမဲ့ သူ့ကို ဆေးဘက်ဆိုင်ရာ ကြယ်တာရာ ပုတီးစေ့တွေနဲ့ ဆုချရမယ်"

“ငါတို့ဆီမှာ ရှိတဲ့ အရင်းအမြစ်တွေထဲမှာခေါင်းလောင်း က အုပ်စုလိုက် ကုသဖို့အတွက် တကယ့်ကို ကောင်းတဲ့ ဆေးဘက်ဆိုင်ရာ အတတ်ပညာ ပဲ"

စစ်ဝတ်စုံဝတ် အမျိုးသားက ထိုသို့ ပြောသော်လည်း မကြာမီမှာပင် စိတ်ပျက်လက်ပျက်

ဖြင့် ဆက်ပြောပြန်၏။

"ကျောင်းအုပ်ကြီးယန်၊ ကျွန်တော် ခင်ဗျားကို မယုံတာ မဟုတ်ပါဘူး"

"ဒါပေမဲ့ ခင်ဗျားပြောတာသာ မှန်မယ်ဆိုရင် သူက လာဗာဘီလူးဖြူ ကြယ်တာရာ ပုတီးစေ့ အလုံး ၁၀၀ ပေးရင်တောင် ခေါင်းလောင်း အတတ်ပညာကိုရနိုင်မှာ မဟုတ်ဘူး"

"ငွေအဆင့် ကောင်းချီးပေးခြင်းကို ရနိုင်ခဲ့တာတောင် သူတကယ့်ကို ကံထူးနေလို့ပဲ"

ထိုစကားကို ကြားသောအခါ ကျောင်းအုပ်ကြီး ယန်က စိတ်ထဲတွင် ခေါင်းယမ်းလိုက်မိပြီး 'ကျန်းရှောင်ဖီက ခေါင်းလောင်း အတတ်ပညာကို ရထားပြီးသားပဲကို' ဟု တွေးလိုက်သည်။

ကျန်းရှောင်ဖီသည် သိသိသာသာ အရည်အချင်းနိမ့်ပါးသော ကလေးတစ်ယောက် ဖြစ်နေသော်လည်း ကြယ်တာရာ အတတ်ပညာ သုံးခုအထိ ရရှိထားခြင်းမှာ အတော်လေး သရော်စရာကောင်းပြီး မဖြစ်နိုင်သလိုပင် ထင်ရ၏။

သို့သော် အမှန်တရားမှာ ကျန်းရှောင်ဖီတွင် ငွေရောင်အဆင့် ကြယ်တာရာ အတတ်ပညာသုံးခု အမှန်တကယ်ရှိနေခြင်းပင်။

ခေတ္တမျှ စဉ်းစားပြီးနောက် ကျောင်းအုပ်ကြီး ယန်က ၎င်းမှာ ကျန်းရှောင်ဖီ၏ မိဘများကြောင့်သာ ဖြစ်နိုင်သည်ဟု ယူဆလိုက်သည်။ 

ကျန်းရှောင်ဖီသည် သူ၏ မိသားစုပိုင်ဆိုင်မှု အမြောက်အမြားကို ဖြုန်းတီးပစ်ခဲ့ဟန်တူပြီး၊ သူ့မိဘများက သူ့ကို အဆုံးစွန်ထိ ကာကွယ်စောင့်ရှောက်ထားသောကြောင့်သာ ထိုအတတ်ပညာများကို ရရှိခဲ့ခြင်း ဖြစ်ပေလိမ့်မည်။

'ဒီကလေးကို ဆုအဖြစ် ငါဘာပေးရမလဲ'

'ကျူညီအစ်ကိုတွေနဲ့ အဲဒီ Eurasian ကောင်မလေးကိုတော့ ကျောင်းက သတ်မှတ်ထားတဲ့အတိုင်း ဆုချလို့ရတယ်'

'ဒါပေမဲ့ ရာနှုန်းပြည့် ရှားပါးတဲ့ ဆေးဘက်ဆိုင်ရာ နိုးထသူကိုတော့ ဘယ်လို ကြယ်တာရာ ပုတီးစေ့မျိုး ပေးရမလဲ'

နောက်ဆုံးတော့ ကျန်းရှောင်သည် ကြယ်မှုန်

အဆင့်မှာပဲ ရှိနေသေးပြီး ကြယ်တာရာအတတ်ပညာသုံးခုကို ပိုင်ဆိုင်ထားပြီးပြီ။ 

တစ်နည်းအားဖြင့် သူသည် နောက်ထပ် အတတ်ပညာတစ်ခုသာ ထပ်မံရရှိနိုင်တော့မည်။ 

အကယ်၍ သူ့ကို ကျောင်းအတွက် ဆက်လက် ဂုဏ်ဆောင်စေချင်လျှင် သူနှင့် ကိုက်ညီမည့် ကြယ်တာရာ ပုတီးစေ့အမျိုးအစားကို သေချာစဉ်းစားရမည်။

စင်ပေါ်ရှိ လူတိုင်းသည် အချင်းချင်း တီးတိုးစကားဆိုနေကြစဉ်၊ အတန်း (၂) မှ ကျောင်းသားများက ပျော်ရွှင်စွာ အော်ဟစ်အားပေးနေကြသည်။ 

စုရို့၏ တိုက်ရိုက်ထုတ်လွှင့်မှုကို 

ကြည့်ရှုသူများကြားတွင်လည်း ဆူညံပွက်လောရိုက်သွားသည်။

“တောက်... ဒါက ဘယ်လို ကုသရေးသမားလဲကွာ"

“ဒါက တိုက်ခိုက်ရေး ကုသ သမားပဲ"

“မဟုတ်ဘူး၊ သူက ဝန်ထုပ်ဝန်ပိုးပဲ"

“သူကတိပေးခဲ့တဲ့ ပျော်ရွှင်မှုတွေက ဘယ်

ရောက်ကုန်ပြီလဲ"

“ဆေးဘက်ဆိုင်ရာ တပ်ဖွဲ့တွေ ဘာဖြစ်ကုန်တာလဲ"

"ဘာလို့ ဆေးအိတ်ကို ချထားပြီး M4 သေနတ်ကို ကောက်ကိုင်လိုက်ရတာလဲ"

“အဲဒီ အတတ်ပညာက တကယ်ပဲ ကောင်းချီးပေးခြင်း ဟုတ်မဟုတ် ဘယ်သူသိလဲ"

“ငါ အရင်က ကောင်းချီးပေးခြင်းတွေ အကြိမ်ကြိမ် ခံယူဖူးပါတယ်"

"ငါ့ကိုယုံစမ်းပါ၊ အဲဒါက တကယ့်ကို အရသာရှိတာ၊ အထူးသဖြင့် မင်းငယ်ငယ်ရွယ်ရွယ်မှာဆိုရင်ပေါ့"

"မင်း မထိန်းချုပ်နိုင်တဲ့ ကာမဂုဏ်ခံစားမှုလိုမျိုးတောင် ခံစားရတာ"

“မင်းဆိုလိုတာက အသက်ကြီးလာရင် ထိန်းချုပ်လို့ရသွားမယ်ပေါ့ ဟုတ်လား"

“အစ်ကိုရာ၊ အဲဒါ နည်းနည်းတော့ မပိုလွန်းဘူးလား၊ ကျွန်တော်လည်း နိုးထသူတစ်ယောက်ပဲ၊ ဒီနှစ်မှာ တက္ကသိုလ် တတိယနှစ်တောင် ရောက်နေပြီ"

"ကျွန်တော့်အဖွဲ့ထဲမှာလည်း ဆေးဘက်ဆိုင်ရာ နိုးထသူ တစ်ယောက်ပါတယ်"

"ကောင်းချီးပေးခြင်း ခံယူရတာ ကောင်းတာတော့ အမှန်ပဲ၊ ဒါပေမဲ့ အဲဒီလောက်ကြီးတော့..."

"မဟုတ်ပါဘူးဗျာ၊ ဟုတ်ရဲ့လား"

“ပေကျန်းရဲ့ နတ်ဘုရားစွမ်းရည်ပဲ၊ အမလေး"

“အဆိပ်သင့် ကုသသူ ကျန်းရှောင်ဖီ...ကျေးဇူးပြုပြီး ကျွန်တော့်ဆီ လာခဲ့ပါ"

“အား... ကျွန်မတော့ ဆေးဘက်ဆိုင်ရာ နိုးထသူ ကောင်လေးတစ်ယောက်ကို အိမ်ခေါ်သွားမှ ဖြစ်တော့မယ်"

“မနက်ကျရင် သူ့ကို နမ်းမယ်၊ ညကျရင်တော့...”

“အအေးမိတာ၊ ဖျားတာ၊ နှာစေးတာ၊ တီဘီရောဂါ၊ ကြွက်တက်တာနဲ့ ကာမစိတ်အားနည်းတာ..."

"သူ အကုန်ကုပေးနိုင်တယ်"

"ပေကျန်း ဆေးဘက်ဆိုင်ရာ တပ်ဖွဲ့၊ မင်းရဲ့ တစ်ခုတည်းသော ရွေးချယ်မှု"

“...”

ကျန်းရှောင်သည် အရည်အသွေးပွိုင့် နောက်တစ်ခု ထပ်မံရရှိလိုက်သဖြင့် အတိုင်းမသိ ဝမ်းသာသွားသည်။

ပြိုင်ဘက် ဘာပဲဖြစ်သွားဖြစ်၊ ပြိုင်ပွဲကတော့ အွန်လိုင်းပေါ် ရောက်သွားမည်ဖြစ်ပုံရ၏။

အကယ်၍ သူနိုင်လျှင် သူသည် အရည်အသွေးပွိုင့် အမှတ်တစ်ခု ရရှိမည်ဖြစ်သည်။ 

ကျန်းရှောင် စိတ်လှုပ်ရှားမှုကို မထိန်းနိုင်တော့ပေ။

နိုးထသူ ကျောင်းသားများအတွက် ကျောင်းမှ စီစဉ်ပေးသော ပြိုင်ပွဲများစွာ ရှိပြီး အနိုင်ရသော အဖွဲ့တိုင်းကို အရည်အသွေးပွိုင့် တစ်မှတ် ပေးမည်။

'မိုက်လိုက်တာ'

ရုတ်တရက်ဆိုသလို ကျန်းရှောင်သည် တတိယနှစ်သို့ အဆင့်တိုး မတက်ချင်တော့ဘဲ ပထမနှစ်မှာပင် ဆက်နေချင်လာသည်။

သူသည် ရေကန်ငယ်လေးထဲက ငါးကြီးတစ်

ကောင် ဖြစ်ချင်နေသည်။ 

'အဲဒါက ပိုပြီး စိတ်ဝင်စားဖို့ကောင်းပြီး ပျော်စရာမကောင်းပေဘူးလား'

'ဘာလို့ ငါက ရေကန်ကြီးထဲက ငါးကလေး ဖြစ်နေရမှာလဲ'

'ရှယန်သာ ငါ့ကို တိုက်ခိုက်ရင် ငါ ချက်ချင်း သေသွားမှာပေါ့'

“ကျောင်းသား၊ ကျေးဇူးပြုပြီး မင်းတို့ရဲ့ စခန်းကို ပြန်ပါ” ဟု ဒိုင်လူကြီးက ကောက်ကျွင်းဝိန် ကို ပြောလိုက်သည်။ 

ဒိုင်လူကြီးသည် ကောက်ကျွင်းဝိန်က ဘယ်သူဖြစ်ကြောင်းနှင့် သူဘာဆက်လုပ်မည်ကို ရှင်းရှင်းလင်းလင်း သိနေပုံရ၏။

“ငါ မင်းရဲ့ စိန်ခေါ်မှုကို စောင့်နေမယ်၊ ကောင်လေး" ဟု ကောက်ကျွင်းဝိန်က ခေတ္တစဉ်းစားပြီးနောက် ပြောလိုက်သည်။ 

ထို့နောက် သူသည် လှည့်ထွက်သွားသည်။

သူက သူ့ညီထက် အများကြီး ပိုသန်မာပုံရ၏။

'အနည်းဆုံးတော့ သူက ငါ့ကို ချက်ချင်းတက်မရိုက်ဘူးပဲ'

တကယ်တော့ ကျန်းရှောင်က အဲဒီလိုပဲ ဖြစ်စေချင်တာပါ။

ပြိုင်ဘက်က မှားလိုက်တဲ့ အမှားတိုင်းက ကျန်းရှောင်ကို သူ့ရဲ့ ပန်းတိုင်တွေဆီ ပိုနီးစပ်သွားစေဖို့ ကူညီပေးမှာပဲ။

ကျောင်းသားများသည် မိနစ်ပိုင်းအတွင်း စုရုံးမိကြပြီး ဆုပေးပွဲ အခမ်းအနားကို တရားဝင် စတင်လိုက်သည်။

“အတန်း (၃) ကိုယ်စားလှယ် ဆုတက်ရောက်ယူပေးပါရန်"

ကျောင်းသားများ အားပေးနေကြစဉ် အတန်း (၄) မှ နိုးထသူ ကျောင်းသား လေးဦးသည် စင်မြင့်ကြီးပေါ်သို့ တက်လာပြီး စင်ပေါ်ရှိ ခေါင်းဆောင်များကို ဦးညွှတ်နှုတ်ဆက်ကာ ကျောင်းအုပ်ကြီး ယန်ထံမှ အားပေးစကားနှင့်

အတူ တောက်ပသော ကြယ်တာရာ ပုတီးစေ့တစ်လုံးစီကို လက်ခံရရှိကြသည်။

ကျောင်းအုပ်ကြီး ယန်က အတော်လေး ကြင်နာပုံရသည်။ 

ကျန်းရှောင်သည် ဤထူးဆန်းသော ကမ္ဘာတွင် အံ့သြစရာများစွာကို မြင်တွေ့ခဲ့ပြီးပြီ။ 

ကျန်းပင်အထက်တန်းကျောင်းသည် ပေကျန်းပြည်နယ်ရှိ အဆင့်မြင့်ဆုံး နာမည်ကြီးကျောင်း ဖြစ်သည်။ 

ဤကျောင်း၏ ကျောင်းအုပ်ကြီးအနေဖြင့် ကျောင်းအုပ်ကြီး ယန်သည် အမှန်တကယ်ပင် အစွမ်းထက်ပြီး အဆင့်အတန်း မြင့်မားသူ ဖြစ်ပေလိမ့်မည်။

ကျန်းရှောင်သည် သူက ဤမျှအထိ ဖော်ရွေပြီး ရိုးသားလိမ့်မည်ဟု မမျှော်လင့်ထားပေ။

ဒုတိယဆု ရရှိသူများအတွက်မူ အနည်းငယ် စိတ်မကောင်းစရာ ဖြစ်နေသည်။ 

အဘယ်ကြောင့်ဆိုသော် ဆုတက်ယူရန် စင်ပေါ်တွင် တိုက်ခိုက်နိုင်စွမ်း ကျန်ရှိနေသေးသော ဝက်ဝံနက်တစ်ဦးတည်းသာ ရှိနေသောကြောင့်

ဖြစ်သည်။ 

ကျန်သုံးဦးမှာ ကျောင်းဆေးခန်းသို့ ပို့ဆောင်ခြင်း 

ခံထားရ၏။

နောက်ဆုံးတွင် ချန်ပီယံများ ဆုယူရမည့်အချိန် ရောက်လာသည်။

အတန်း (၂) ကျောင်းသားများ စိတ်လှုပ်ရှားစွာ အားပေးနေကြစဉ်၊ အတန်း (၂) အဖွဲ့ဝင် လေးဦးစလုံးမှာ တစ်ဦးတစ်ယောက်မျှ မကျန်ဘဲ ရှေ့ရှိ စင်မြင့်ဆီသို့ ရဲရဲဝံ့ဝံ့ လျှောက်လှမ်းသွားကြသည်။

ကျန်းရှောင်သည် စနစ်တကျ ဦးညွှတ်လိုက်ပြီး ဤနေရာတွင် ထူးဆန်းသော အပြုအမူများ လုပ်ရန် မလိုအပ်ဟု ခံစားလိုက်ရသည်။ 

သို့သော် ဆုကို မရယူမီတွင် စစ်ဝတ်စုံဝတ် အမျိုးသားသည် သူ့အပေါ် အတော်လေး နွေးထွေးပျူငှာနေသည်ကို ကျန်းရှောင် သတိပြုမိလိုက်သည်။

ကျန်းရှောင်သည် သူ၏ ကောင်းချီးပေးခြင်း စွမ်းရည်ကို စစ်သား ဖီကဲချိုး ရှေ့တွင် ပြသခဲ့သည်မှာ ကြာပြီဖြစ်သော်လည်း စစ်တပ်အရာရှိများက သူ့ကို တစ်ခါမှ လာမရှာဖူးချေ။ 

'ဘာလို့လဲ၊ အခုမှ ငါ့ကို စိတ်ဝင်စားလာတာလား'

'စိတ်ရှုပ်စရာပဲ'

သို့သော် ထိုသို့မဟုတ်ပေ။ 

စစ်တပ်၏ အတွင်းပိုင်းဖွဲ့စည်းပုံမှာ အလွန်

ရှုပ်ထွေးသည်။ 

ကျန့်နန်ရွာတွင် တပ်စွဲထားသော စစ်တပ်သည် ဤနေရာမှ စစ်သားများနှင့် အဖွဲ့အစည်း မတူညီပေ။

ကျန့်နန်ရွာမှ စစ်သားများသည် ကျန်းရှောင်၏ ကြယ်တာရာ နေရာ ကိုးခုကို သိပ်ဂရုမစိုက်ခဲ့ကြသော်လည်း၊ ဤစစ်ဝတ်စုံဝတ် အမျိုးသားကမူ ကျန်းရှောင်ကို ပို၍ စိတ်ဝင်စားပုံရသည်။

ကျန်းရှောင်မှာမူ ဘာမှ မသိဘဲ ကျောင်းအုပ်ကြီး လက်ထဲမှ သူ့ကို ပေးမည့် ဆုလာဘ်ကိုသာ မျက်တောင်မခတ်ဘဲ စိုက်ကြည့်နေတော့သည်။ 

၎င်းမှာ တောက်ပနေသော ကြယ်တာရာ ပုတီးစေ့လေး တစ်လုံးပင် ဖြစ်သည်။

ဆရာက ရှင်းပြနေစရာ မလိုဘဲ ကျန်းရှောင်၏ စိတ်ထဲတွင် အ

ချက်အလက်များစွာ စီးဝင်လာသည်။

ကျန်းရှောင် ကြည့်လိုက်ပြီးနောက် အလွန်

အံ့အားသင့်သွားသည်။

ဆေးဘက်ဆိုင်ရာ နိုးထသူများသည် တန်ဖိုးရှိပြီး အလွန်လိုအပ်သောကြောင့် ပိုကောင်းသော အရင်းအမြစ်များကို ရရှိလိမ့်မည်ဟု သူသိထားသော်လည်း...