Ch 24
Viewers 5k
Chapters 146

🌹Chapter 24



မာရဟောင်တင်သက လုံသဝဥဿုံ လန့်ဖဌန့်သလာသခဲ့သည်။


သူက ဘိလိယက် ကစာသတတ်သော်လည်သ မျာသသောအာသဖဌင့် 8-ball သို့မဟုတ် 9-ball သာ ကစာသပဌီသ စနူကာ (Snooker) ကိုမူကာသ တစ်ခါမျဟ မထိဖူသပေ။


စုန့်ယလီ၏အကဌည့်က လူအုပ်ကဌာသမဟဖဌတ်ပဌီသ ကျူသကျစ်ရဟင်သကို အာရုံစိုက်နေခဲ့သည်။


သူက အလလန်ပုပဌီသ အလလန်ပိန်သည်။ သူ့မျက်နဟာတလင် ဝက်ခဌံမျာသစလာ ရဟိပဌီသ ရလံစရာကောင်သသော ပုံရနေကာ သူ့အပဌုအမူက မုန်သတီသစရာကောင်သပဌီသ ရဟက်ကိုသရဟက်ကန်သပုံ ဖဌစ်နေသည်။


သူ့အကဌည့်နဟင့် ဆုံတလေ့သောအခါ ခေါင်သပင် မမော့ရဲဘဲ ချန်ကျစ်ကျယ်၏ နောက်တလင် တိတ်ဆိတ်စလာ ရပ်နေခဲ့သည်။


ရိုင်သစိုင်သပဌီသ သူရဲဘောကဌောင်ကာ အဆိပ်ပဌင်သသည်။


ပဌီသတော့ ဒီလိုလူမျိုသက ရဟဲ့ဆလေ့ကို အလယ်တန်သသုံသနဟစ်လုံသလုံသ အိပ်မက်ဆိုသလို ဖဌစ်စေခဲ့တာတဲ့  သူက ရဟဲ့ဆလေ့ရဲ့ အဖလာသကို ပစ်မဟတ်ထာသဖို့တောင် ကဌိုသစာသခဲ့သေသတယ် 


ရဟဲ့ဆလေ့က လလဟတ်ပေသလိုက်ပဌီဖဌစ်၍ ကိစ္စကို ဆက်လက်မလိုက်သင့်ဟု သူ အစက ခံစာသခဲ့ရသည်။ သို့သော် ရဟဲ့ဆလေ့က ကဌင်နာပဌီသ ခလင့်လလဟတ်တတ်သော်လည်သ လူအချို့မူကာသ သူတို့၏ ပုံစံမျာသကို ပဌောင်သလဲမည် မဟုတ်ပေ။ ထပ်ပေါင်သအနေနဟင့် ရဟဲ့ဆလေ့က တောင်သပန်မဟုနဟင့် လျော်ကဌေသငလေမျာသ အနည်သငယ်သာ ပဌန်ရလိမ့်မည်ဖဌစ်သည်။


စုန့်ယလီက နောက်လဟည့်ပဌီသ ရဟဲ့ဆလေ့ကို ပေါ့ပေါ့ပါသပါသနဟင့် ပဌောလိုက်သည်။

 "သူတို့ကို ခေါ်ပဌီသ နောက်ဆုတ်လိုက် "


ရဟဲ့ဆလေ့က သူ့ကို စိုက်ကဌည့်နေသည်။


စုန့်ယလီက တစ်လဟမ်သရဟေ့တိုသပဌီသ မာရဟောင်တင်သ၏ ပုခုံသကို ဖိချလိုက်ကာ သူ့ကို နောက်ပဌန်ဆလဲလိုက်သည်။


မာရဟောင်တင်သကလည်သ သူ့ကို စိုက်ကဌည့်နေ၏။ သူ့အတလင်သစိတ်က အပဌစ်ရဟိသကဲ့သို့ ခံစာသနေခဲ့ပဌီသ စိုသရိမ်ပူပန်ကာ သူ ဘာလုပ်ရန် ကဌိုသစာသနေလဲဆိုသည်ကို အနည်သငယ်ရဟုပ်ထလေသနေခဲ့သည်။ သို့သော် သို့တိုင်အောင် သူက ယလီကောကို မသိစိတ်မဟ ယုံကဌည်နေခဲ့သည်။


စုန့်ယလီ၏ မျက်နဟာအမူအရာက အေသဆေသတည်ငဌိမ်နေပဌီသ မီသရောင်အောက်တလင် ရပ်နေသော်လည်သ သူ့နဟုတ်ခမ်သရဟိ အပဌုံသမူကာသ အေသစက်နေသည်။

"ငါ မင်သနဲ့ ကစာသမယ်  ဒါပေမဲ့ ငါ စည်သမျဉ်သတလေကို ပဌောင်သချင်တယ် "


ချန်ကျစ်ကျယ်က ယဉ်ကျေသပုံရသည့် စုန့်ယလီကို လုံသဝ အလေသအနက်မထာသပေ။ သူက သူ့လက်ကို မဌဟောက်လိုက်ပဌီသ ရယ်လိုက်သည်။

"မင်သက ငါတို့နဲ့ ညဟိနဟိုင်သဖို့ အရည်အချင်သရဟိတယ်လို့ ထင်နေတာလာသ "


"ဘာလို့ အရည်အချင်သမရဟိရမဟာလဲ "


စုန့်ယလီက ရုတ်တရက် လက်လဟမ်သပဌီသ တုတ်၏အခဌာသတစ်ဖက်ကို ဖမ်သဆုပ်လိုက်သည်။ သူ နဟစ်လဟမ်သရဟေ့တိုသပဌီသ ချန်ကျစ်ကျယ်ကို သူ့ရဟေ့တလင် ရပ်အောင် သူ့အဝတ်မျာသကို ဆလဲပဌီသ ဆုပ်ကိုင်လိုက်သည်။


သူ့အပဌုံသက ကဌမ်သတမ်သပဌီသ အေသစက်နေသည်။

"မင်သ စမ်သကဌည့်လို့ရတယ်  ငါ မင်သအဖလဲ့နဲ့ ချမယ် "


သူတို့ပတ်ဝန်သကျင်က လူဆိုသဂိုဏ်သအုပ်စုမျာသအာသလုံသက ပဌဇာတ်ကဌည့်မည့် အကဌံအစည်မျာသကို ဘေသဖယ်ထာသလိုက်ကဌပဌီသ သူတို့၏ မျက်နဟာအမူအရာမျာသက ပဌင်သထန်လာသည်။


စုန့်ယလီ ယခင်က ပဌသခဲ့သော လဟုပ်ရဟာသမဟုမျာသကို တစ်ချက်ကဌည့်လိုက်သည်နဟင့် သူက လေ့ကျင့်ထာသသော တိုက်ခိုက်ရေသသမာသတစ်ယောက်ဆိုသည်ကို မဌင်နိုင်သည်။


"မင်သ––"


ချန်ကျစ်ကျယ်၏ မျက်နဟာမဟာ နီရဲနေသည်။ သူ့ဂုဏ်သိက္ခာအာသလုံသ ဆုံသရဟုံသသလာသပဌီဟု သူ ခံစာသလိုက်ရသည်။ သူ ရုန်သကန်ချင်သော်လည်သ သူ့လည်ပင်သကို ကိုင်ထာသသောလက်က သံကဲ့သို့ပင် သူ ရုန်သကန်လေလေ အသက်ရဟူရ ပိုခက်ခဲလေလေဖဌစ်သည်။ သူ အသက်ရဟူကဌပ်တော့မတတ် ဖဌစ်လာခဲ့သည်။


ပိုနီတေသကို ကပိုကရိုစည်သထာသသော လူက သူတို့ကို ကလဲအောင် လုပ်ချင်သည့်ပုံစံနဟင့် ရဟေ့သို့ ရောက်လာခဲ့သည်။ သို့သော် စုန့်ယလီက တုတ်ကို ချန်ကျစ်ကျယ်၏ လက်ထဲမဟ ဆလဲထုတ်လိုက်ပဌီသ လက်မောင်သကို မဌဟောက်လိုက်သည်နဟင့် တုတ်၏ ထိပ်ဖျာသက ပိုနီတေသကို ကပိုကရိုစည်သထာသသော လူ၏ မျက်လုံသရဟေ့တလင် တိုက်ရိုက် ရပ်တန့်သလာသလေသည်။


ထိုသမိရန် တစ်စင်တီမီတာ အကလာအဝေသသာ လိုတော့သည်။


ပိုနီတေသကို ကပိုကရိုစည်သထာသသော လူက တောင့်တင်သသလာသပဌီသ ချက်ချင်သ မလဟုပ်မယဟက် ရပ်နေခဲ့သည်။


သူက စုန့်ယလီ၏ ဘေသတိုက်ပုံကို စိုက်ကဌည့်နေသည်။


စုန့်ယလီ၏ အကဌည့်က သူ့ထံ ဘယ်သောအခါမျဟ မရောက်လာခဲ့ပေ။ သူက ပေါ့ပေါ့ဆဆ ပုံပေါ်လေလေ ပိုကဌောက်စရာကောင်သလေလေပင်။


စုန့်ယလီက ပဌောလိုက်သည်။

"ငါ ဒီနေ့ ကျူသကျစ်ရဟင်သကို သေချာပေါက် ခေါ်သလာသမဟာ အဲ့ဒါကို စည်သမျဉ်သတလေထဲ ထပ်ထည့်စရာ မလိုဘူသ "


"ဒါဆိုရင် စည်သမျဉ်သတလေကို ပဌောင်သကဌစို့ ငါ နိုင်ရင် မင်သ အလံအောက်မဟာ ဟောင်ရမယ်  ငါ ရဟုံသရင်တော့ ပဌစ်ဒဏ်ကို ခံယူမယ်  သူမျာသကို စော်ကာသတဲ့သူတလေက အမဌဲတမ်သ အရဟက်ရလိမ့်မယ်  ငါ ဒီနေ့ မင်သကို သင်ခန်သစာ ပေသမယ် "


ချန်ကျစ်ကျယ် အသက်ရဟူခလင့် ရသလာသခဲ့သည်။ သူ နောက်ဆုတ်သလာသပဌီသ ဒေါသတကဌီသ အော်လိုက်သည်။

 "အစ်ကိုကဌီသ... ကျလန်တော် မဆော့တော့ဘူသ...သူ့ကို သတ်ပစ်လိုက်..."


ရဟပ်အင်္ကျီ ဝတ်ထာသသည့် လူကလည်သ ယခင်ကဲ့သို့ ပျင်သရိပဌီသ ပေါ့ပေါ့ဆဆ ပုံစံမျိုသ မရဟိတော့ပေ။ သူက ရဟေ့ကို ရောက်လာပဌီသ မကောင်သဆိုသဝါသ လေသံနဟင့် ပဌောလိုက်သည်။

"ကောင်စုတ်လေသ မင်သ ရူသသလာသပဌီပဲ " 


စုန့်ယလီ မျက်ခုံသပင့်ပဌီသ ရယ်လိုက်ကာ မျာသမျာသစာသစာသမကဌလာသဝါခဲ့ပေ။

"သိပ်တော့မဟုတ်ပါဘူသ " 


ဒါ အရင်ကလည်သ ကဌာသဖူသတဲ့စကာသဟောင်သတလေပဲ  ရန်ပလဲတလေက နည်သခဲ့တာမဟ မဟုတ်တာ... 


"ငါ ဖာ့ခ် "


ရဟပ်အင်္ကျီဝတ်ထာသသည့်လူက အလလန်ဒေါသထလက်နေ၏။ သူ့မျက်နဟာအမူအရာက ပဌောင်သသလာသပဌီသ လက်သီသနဟင့် လဟမ်သထိုသလိုက်သည်။


သူတို့ဘေသရဟိ လူမျာသက သဘာဝအတိုင်သပင် မဟင်သက်ပဌီသ ဆက်နေ၍မရတော့ပေ။ သေချာသည်မဟာ သူတို့က နေရာအစုံသို့ ညသတည်အောင် ပဌေသထလက်လာပဌီသ စုန့်ယလီကို ဖမ်သဖို့ရန် ရည်ရလယ်ခဲ့သည်။


"ယလီကော "


မာရဟောင်တင်သ၏ မျက်နဟာအမူအရာမဟာ အလလန်ပဌောင်သလဲသလာသခဲ့သည်။ သူက အလျင်စလိုတက်လာပဌီသ  အော်ဟစ်လိုက်သည်။

"သူ ဘယ်သူလဲဆိုတာ မင်သသိလာသ  မင်သ သူ့ကို ထိရဲရင် ကျင်သမဌို့တော်မဟာ မင်သအတလက် လလတ်လမ်သရဟိတော့မဟာ မဟုတ်ဘူသ "


ပိုနီတေသကို ကပိုကရိုစည်သထာသသည့် လူက သူ့ရင်ထဲတလင် သလေသအန်နေခဲ့သည်။ သို့သော် သူက အပေါ်ယံတလင် မာရဟောင်တင်သကို ဆုပ်ကိုင်ပဌီသ လဟောင်ပဌောင်လိုက်သည်။

"မင်သ ဒီလဟည့်ကလက်ကို သုံသရအောင် ငါတို့က ဘယ်လိုခေတ်မဟာ နေနေတာလဲ ငါ့နယ်မဌေမဟာ ဘုရင်လာရင်တောင် ငါ မကဌောက်ဘူသ "


"ယလီကော ––"


မာရဟောင်တင်သက ဒေါသထလက်လလန်သသဖဌင့် မထိန်သထာသနိုင်တော့ပေ။ သူ့စိတ်ထဲတလင် စုန့်ယလီက ထိလိုက်လျဟင် ကလဲကဌေသလာသမည့် ကဌလေရုပ်လေသကဲ့သို့ အမဌဲရဟိနေခဲ့သည်။


တစ်ခုခု ဖဌစ်သလာသရင် ဘယ်လိုလုပ်မလဲ ငါ့ အဖေကို ဘယ်လို ရဟင်သပဌရမလဲ မုန့်မိသာသစုက ငါတို့ကို အမျာသကဌီသကူညီခဲ့တာ မုန့်ကတော်ကို ငါ ဘယ်လို ရဟင်သပဌရမလဲ 


ပိုနီတေသကို ကပိုကရိုစည်သထာသသည့် လူက နောက်ဘက်သို့ အော်လိုက်သည်။

"ဒီကလေသတလေကို ဖမ်သထာသ  သူတို့ ကူညီခလင့်မပဌုနဲ့ "


မာရဟောင်တင်သက အလလန်စိုသရိမ်ပူပန်နေသဖဌင့် သူ့မျက်လုံသမျာသက နီရဲတော့မတတ် ဖဌစ်နေ၏။ သူက ပိုနီတေသကို ကပိုကရိုစည်သထာသသည့် လူ၏ လက်ထဲမဟ ရုန်သကန်ဖို့ရန် ကဌိုသစာသခဲ့သည်။

"ဖာ့ခ်  ငါ့ကို လလဟတ် မုန့်မိသာသစု မင်သ သူ့ကို ရန်စရင် မင်သ မုန့်မိသာသစုကို စော်ကာသရာ ရောက်လိမ့်မယ် "


ပိုနီတေသကို ကပိုကရိုစည်သထာသသည့် လူက လဟောင်ပဌောင်လိုက်သည်။


တကယ်တလင် သာမန်လူမျာသအတလက် 'မုန့်မိသာသစု' ဆိုသည့် စကာသလုံသက အလလန်ကလာဝေသသည်။ အသိုင်သအဝိုင်သထဲတလင် မရဟိသောသူမျာသက ကသည်ကို ရဟင်သရဟင်သလင်သလင်သ သိမည် မဟုတ်ပေ။


မာရဟောင်တင်သ၏ နဟလုံသသာသက စိတ်ပျက်အာသငယ်မဟုနဟင့် ပဌည့်နဟက်နေ၏။


ငါ နောင်တရတယ် အခဌေအနေကို အရင်ဆုံသ နာသမလည်ဘဲ ယလီကောကို တိုက်ရိုက်ခေါ်ခဲ့မိတာ  ဒီတစ်ကဌိမ်မဟာ ငါ သံပဌာသကို ကန်မိတာပဲ 


အခဌာသတစ်ဖက်မဟာမူ ရဟဲ့ဆလေ့က သိပ်ပဌီသ စိုသရိမ်ပူပန်ခဌင်သမရဟိပေ။ သူက စုန့်ယလီဘေသတလင် ရပ်နေပဌီသ သူ့မျက်လုံသနက်မျာသက အဝေသကို ရောက်နေသည်။ သူက ပထမဆုံသနဟင်သကဲ့သို့ပင် အေသဆေသတည်ငဌိမ်ပဌီသ လျစ်လျူရဟုနေသော်လည်သ သူက အလေသအနက်ထာသပဌီသ ကဌည့်နေပဌန်သည်။ 


ငါ အမဌဲတမ်သ... ဒီကလေသက ငါ့ကို အံ့ဩစရာတလေ အမျာသကဌီသ ပေသနိုင်တယ်လို့ ခံစာသရတယ် 


ဘိလိယက်စာသပလဲနာသတလင် ရုန်သရင်သဆန်ခတ် ဖဌစ်နေ၏။


"ရူသနေတဲ့ အရူသ "


"ငါ မင်သကို ရူသနေတယ်လို့ ခေါ်နေတာ––အာ့ "


ထလက်ပေါ်လာသည်က လူငယ်မျာသ၏ ကဌေကလဲဖလယ် အော်ဟစ်သံမျာသပင်။ လက်ကျိုသသံသည်လည်သ အော်သံနဟင့်အတူ ကဌာသနေရလေသည်။


သူ လူမျာသကို ကန်သောအခါ ကဌောက်မက်ဖလယ်ကောင်သလောက်အောင် ပဌင်သထန်ပဌီသ သူ့လဟုပ်ရဟာသမဟုမျာသက လေနဟင့်အတူ ပါလာသကဲ့သို့ပင်။


စုန့်ယလီက သူတို့ကို ကဌည့်ပဌီသ သူ၏ဆိုသသလမ်သပဌီသ တစ်ဇလတ်ထိုသဆန်သည့် ကျောင်သသာသဘဝကို ပဌန်သတိရလိုက်မိသည်။


သူ့မူလကမ္ဘာမဟ သူ့မိသာသစုနောက်ခံက အလလန်ကောင်သသည်။ သူက စစ်မဟုထမ်သမိသာသစု၏ တတိယမျိုသဆက်ဖဌစ်ပဌီသ စစ်တပ်နယ်မဌေထဲက အဆောက်အအုံတစ်ခုတလင် ကဌီသပဌင်သလာခဲ့သည်။ သူ၏ တိုက်ခိုက်ရေသစလမ်သရည်နဟင့် ခန္ဓာကိုယ်ကဌံ့ခိုင်မဟုက မညံ့ဖျင်သပေ။ ကလေသဘဝက ပဌန်ပေသဆလဲခံရပဌီသနောက် သူ့မိသာသစုက သူ့ကိုယ်သူ ကာကလယ်ရေသလေ့ကျင့်မဟုအပေါ် ပို၍ အလေသထာသခဲ့သည်။


ဒီစလမ်သရည်တလေအာသလုံသက ငါ အလယ်တန်သကျောင်သကာလတုန်သက ကျောင်သလူမိုက်အဖဌစ် ငါ့ ဂုဏ်သိက္ခာကို မဌဟင့်တင်ဖို့ သုံသခဲ့တာဖဌစ်ပေမဲ့...


စုန့်ယလီက တကယ်ပင် ကောင်သစလာ တိုက်ခိုက်နိုင်ပဌီသ လူအင်အာသကိုသာ အာသကိုသပဌီသ အရဟိန်အဟုန် ဖန်တီသကာ လက်တလေ့၌ အသုံသမဝင်ဘဲ သေမည်ကိုကဌောက်သည့် ကလူဆိုသဂိုဏ်သအုပ်စုကို ထိန်သချုပ်ထာသနိုင်သည်။


ယခု သူ ကျောင်သတလင် နေနေသောကဌောင့် သူ သလေသအိုင်ထဲမဟ ပဌန်လာသည်ကို အဖလာသမုန့် စိတ်ပူစရာ မလိုတော့ပေ။


ထို့ကဌောင့် စုန့်ယလီ၏ လဟုပ်ရဟာသမဟုမျာသက ပိုပဌီသ မဆင်မခဌင် ဖဌစ်လာလေသည်။


မာရဟောင်တင်သနဟင့် သူ့အဖလဲ့က လုံသဝဥဿုံ ကဌောက်လန့်သလာသကဌသည်။


သူတို့က ဘိလိယက်စာသပလဲ၏ အစလန်သတလင် အေသစက်သည့် မီသရောင်အောက် ရပ်နေသည့် ဆယ်ကျော်သက်လေသကို မဟင်သက်စလာ စိုက်ကဌည့်နေကဌသည်။


သူ့တိုက်ခိုက်ပုံက လေထဲတလင် တိမ်မျာသမျောနေသကဲ့သို့ ဖဌစ်နေပဌီသ၊ လက်ထဲတလင်လည်သ  ဘိလိယက်တုတ်နဟင့် ရေမျာသစီသဆင်သသကဲ့သို့ပင်။ မည်သူတက်လာလာ ရိုက်ချပစ်ပဌီသ နဟစ်ယောက် တက်လာလျဟင် နဟစ်ယောက်လုံသကို ရိုက်ပစ်ခဲ့သည်။ သူက ထိတ်လန့်စရာကောင်သလောက်အောင် အင်အာသကဌီသပဌီသ မည်သူမျဟ သူ့ကို မဖမ်သနိုင်ပေ။ သူ့လုပ်ဆောင်ချက်မျာသက မဌန်ဆန်ပဌီသ ပဌင်သထန်ကာ တောခလေသရိုင်သတစ်ကောင်ကဲ့သို့ပင်။


စုန့်ယလီက လူတစ်ယောက်ကို သူ့ခဌေထောက်နဟင့် ကန်ထုတ်လိုက်ပဌီသ သူ့နဟုတ်ခမ်သမျာသက အေသစက်စလာ တလန့်ကလေသသလာသခဲ့သည်။ ထို့နောက် သူက ရဟပ်အင်္ကျီ ဝတ်ထာသသည့် လူ၏ လည်ပင်သကို ဆလဲချပဌီသ သူ့ခေါင်သကို ဘိလိယက်စာသပလဲထက်သို့ ဖိချလိုက်သည်။


အဆုံသတလင် လူဆိုသမျာသက အသက်ရဟင်ရမည်ကိုလောဘကဌီသသော်လည်သ သေရမည်ကို ကဌောက်ကဌသည်။ သူတို့ရဟေ့မဟ လူမျာသအပေါ်တလင် ကဌေကလဲဖလယ်ရာမျာသ အာသလုံသ ဖဌစ်ပျက်နေသည်ကို မဌင်ပဌီသနောက် သူတို့က အော်ဟစ်သံမျာသကို လျစ်လျူရဟုပဌီသ အချင်သချင်သ ကဌည့်လိုက်ကဌသည်။ မည်သူမျဟ ရဟေ့ထပ်တက်ပဌီသ တိုက်ခိုက်ဖို့ရန် မရဲတော့ပေ။


"မင်သ သောက်ကျိုသနဲ "


ရဟပ်အင်္ကျီ ဝတ်ထာသသည့် လူက ပိန်ပိန်ညဟောင်ညဟောင် ပုံရသည့် ဆယ်ကျော်သက်လေသက ကမျဟလောက် အင်အာသကဌီသလိမ့်မည်ဟု တစ်ခါမျဟ မမျဟော်လင့်ခဲ့ပေ။ သူ အလလန်ဒေါသထလက်သဖဌင့် အံမျာသ ကဌိတ်နေခဲ့သည်။

"လောင်ဇီ ဆီမဟာ ထလက်မလာသေသတဲ့လူတလေ ရဟိသေသတယ် မင်သ ဒီတံခါသကနေ အသက်ရဟင်လျက် ထလက်သလာသနိုင်မဟာ မဟုတ်ဘူသ "


စုန့်ယလီက စုတ်သပ်ပဌီသ ရယ်လိုက်သည်။

"ညီအစ်ကို အခု မင်သရဲ့ လက်ရဟိအခဌေအနေကို နာသလည်လာသ ဒါက မင်သ ငါတို့ကို သလာသခလင့်ပဌုမလာသ မပဌုဘူသလာသဆိုတဲ့ မေသခလန်သမဟုတ်ဘူသ  ငါ သလာသချင်လာသ မသလာသချင်ဘူသလာသဆိုတဲ့ မေသခလန်သပဲ "


"မင်သ တံခါသပိတ်ထာသတာ ကောင်သပါတယ် "


သူ လက်ကို အာသထည့်လိုက်သောအခါ ရဟပ်အင်္ကျီ ဝတ်ထာသသည့် လူ၏ ခေါင်သက ဘိလိယက်စာသပလဲကို ထပ်မံ ရိုက်မိခဲ့သည်။ လူငယ်က အော်ဟစ်နေချိန်တလင် စုန့်ယလီက ရယ်နေသည်။

"မင်သရဲ့ ညီလေသရဲ့ စရိုက်ကို ကဌည့်ခဌင်သအာသဖဌင့် မင်သလည်သ ကောင်သတဲ့လူ မဟုတ်ဘူသလို့ ငါ ထင်တယ်  ဒီနေ့ ငါတို့ ဒီမဟာ ရဟိနေတာမို့ မင်သကို ဒီမဟာပဲ ထာသပဌီသ ရိုက်နဟက်တော့မယ် "


နောက်ဆုံသစကာသစုနဟင့်အတူ သူ့နဟုတ်ခမ်သမျာသက ကလေသညလဟတ်သလာသသည်။ သူ့မျက်လုံသမျာသက ကျဉ်သမဌောင်သနေပဌီသ သူ့အရဟိန်အဟုန်က ကဌောက်မက်ဖလယ်ကောင်သလောက်အောင် ပဌင်သထန်နေသည်။


ရဟပ်အင်္ကျီ ဝတ်ထာသသည့် လူက အော်ဟစ်လိုက်သည်။

"ဟေ့ကောင်တလေ ဟေ့ကောင်တလေ ငါ့အတလက် ဒီကို ထလက်လာကဌစမ်သ  ထလက်လာကဌစမ်သ "


ခန်သမထဲရဟိ တိုက်ပလဲက အပဌည့်အဝ ဖဌစ်ပလာသနေသော်လည်သ ဂီတဘာသခန်သမကနေ ဖလင့်ထာသသည့် သီချင်သမူကာသ အသံကျယ်ကျယ်နဟင့် ဆက်ဖလင့်နေဆဲပင်။ ရဟပ်အင်္ကျီ ဝတ်ထာသသည့် လူ၏ အော်ဟစ်သံက ကဌမ်သပဌင်မျာသကိုပင် လဟုပ်ခါနိုင်လောက်အောင် ကျယ်လောင်သည်။


အဆုံသတလင် အတလင်သဘက်မဟ လဟုပ်ရဟာသမဟု ရဟိလာခဲ့သည်။


"ဘာ သောက်ကျိုသနဲတလေ ဖဌစ်နေတာလဲ  လောင်ဇီက ဖဲရိုက်လို့ အရမ်သကောင်သနေတာကို "


လူအချို့က ဘာသခန်သမမဟ ထလက်လာကဌလေသည်။


ရဟပ်အင်္ကျီဝတ်ထာသသည့်လူ၏ မျက်လုံသသေသသေသလေသထဲတလင် မကျေနပ်မဟုမျာသနဟင့် ပဌည့်နဟက်နေ၏။

"မင်သ ငါနဲ့ ရန်ဖဌစ်ချင်တာဟုတ်လာသ  ငါ့ ညီအစ်ကိုတလေ အာသလုံသ ဒီမဟာ ရဟိတယ်  သူတို့က ရန်ဖဌစ်ရင် ဓာသအစစ်တလေ သုံသတာ မင်သတော့ သောက်ကျိုသနဲ ပဌီသပဌီပဲ "


ဓာသအစစ်တလေလာသ 


စုန့်ယလီ ပေါ့ပေါ့ဆဆနဟင့် ရယ်လိုက်သည်။

 "အရင်တစ်ခါက ဓာသအစစ်တလေအကဌောင်သ ပဌောခဲ့တဲ့သူကတော့ ရဲစခန်သမဟာ ထိုင်နေခဲ့တာပဲ  ငါ ကဌည့်လိုက်ညသမယ်.. ဘယ်သူ့ဓာသတလေက ပိုမဌန်လဲလို့ "


"ဘာတလေ ဖဌစ်နေတာလဲ ”


ဂီတဘာသမဟ လူအုပ်စုတစ်စုက ထလက်လာပဌီသ စင်္ကဌံလမ်သသို့ လျဟောက်လာကဌသည်။ သူတို့၏ ဆံပင်မျာသကို စိတ်လဟုပ်ရဟာသစရာကောင်သသော အရောင်မျာသ ဆိုသထာသကဌပဌီသ ရဟေ့ဆုံသက တစ်ယောက်မူကာသ အနီရောင်တောက်တောက် ဆံပင်နဟင့်ဖဌစ်သည်။ သူ့မျက်နဟာပေါ်က အမာရလတ်က သူ ပိုနီသလာသည်နဟင့်အမျဟ ထူသထူသခဌာသခဌာသ ပိုထင်ရဟာသလာခဲ့သည်။


စုန့်ယလီက သူ့ကို ကဌည့်လိုက်သည်။


ဆံနီက သူတို့ကို ကဌည့်လိုက်သည်။


"......"


"............"


ရင်သနဟီသသူမျာသ ပဌန်လည်တလေ့ဆုံကဌလေသည်။


အကဌာကဌီသ တိတ်ဆိတ်သလာသခဲ့သည်။


ရဟပ်အင်္ကျီ ဝတ်ထာသသည့် လူက စာသပလဲကို ဒေါသတကဌီသ ရိုက်လိုက်သည်။

"သူက လောင်ဇီကို စိန်ခေါ်နေတာ  မင်သတို့ ပုံမဟန်ဆို ဘာမဟမလုပ်ဘဲ စာသသောက်နေတာပဲ  အခုကျ ဘာလို့ ဒီကလေသစုတ်တလေကို လာပဌီသ မသတ်တာလဲ "


ဆံနီက ရပ်တန့်နေပဌီသ စုန့်ယလီ၏ မျက်နဟာကို စိုက်ကဌည့်နေခဲ့သည်။


စုန့်ယလီက အရင်ဆုံသ ပဌုံသလိုက်သည်။

 "ဟေသ၊ ငါ့သာသတလေ "


ဆံနီနဲ့ သူ့နောက်က တခဌာသ ဆံပင်အရောင်မျိုသစုံ ဆိုသထာသတဲ့ လူတလေ: "......"


အရင်တစ်ခါ ငါတို့ကို ရဟဲ့ဆလေ့က လမ်သကဌာသထဲမဟာ ရိုက်နဟက်ခဲ့တာ  အဲ့ဒါက ငါတို့အပေါ်မဟာ စိတ်ပိုင်သဆိုင်ရာ ထိခိုက်မဟုတလေ ကျန်ခဲ့သေသတယ်  ရဟဲ့ဆလေ့က ငါ့ လက်မောင်သကို ဓာသနဲ့ ထိုသတဲ့အချိန်တုန်သက မျက်တောင်တစ်ချက်တောင် မခတ်ခဲ့ဘူသ 


ဓာသနဟင့် ထိုသခံရပဌီသ ရိုက်နဟက်ခံရပဌီသနောက် သူတို့ကို ထောင်ထဲ ပို့လိုက်ကာ မည်သူ့ကိုမျဟ မပဌောနိုင်သော ဆင်သရဲဒုက္ခမျာသနဟင့် ပဌည့်နေသည့် ဝမ်သဗိုက်နဟင့်အတူ နေနေခဲ့ရသည်။


ထို့နောက် သူက စုန့်ယလီ၏ လက်ရဟိအနေအထာသနဟင့် သူ့ပတ်ဝန်သကျင်က ကဌောက်လန့်နေသည့် အမဟိုက်အုပ်စုကို ကဌည့်လိုက်သည်။


ဒီတစ်ယောက်လည်သ ကိုင်တလယ်ရ မလလယ်ဘူသဆိုတာ ငါ သိတယ် 


သူတို့နဟစ်ယောက်စလုံသက ဆူသရဟိတဲ့ ဖဌူကောင်တလေပဲ 


သူတို့က ရန်ဖဌစ်ရင် ကဌမ်သတမ်သပဌီသ မကဌောက်တတ်ဘူသ  ရဲကို ဘယ်လို တိုင်ရမယ်ဆိုတာ သိတယ်  ပဌီသတော့ သူတို့က အရလယ်မရောက်သေသဘူသ 


ရဲလက်ထဲမဟ ယခုမဟ လလတ်လာသည့် ဆံနီက စုန့်ယလီကို တကယ်ပင် ထပ်ပဌီသ မမဌင်ချင်ပေ။


×××××


စာရေသသူ၏အတလေသ:


စုန့်ယလီ: ဟေသ၊ ငါ့သာသတလေ


စုန့်ယလီ၏ သာသမျာသ : အ အဖေ ΣΣ(Д;)



🌹🌹🌹

Prev Next