၂၆

အင်တာနက်သုံးစွဲသူများက ဧည့်သည်များ၏နောက်ခံကို ပျော်ရွှင်စွာ ရှာဖွေနေချိန်မှာ "ရှီရန်းနဲ့ပိုင်ကျင်းထျန်တို့ရဲ့ပြောကို​ပြောရမယ့်အ​ကြောင်းများ" ဆိုသောပို့စ်က ရေပန်းစားလာသည်။

အစပိုင်းတွင် ၎င်းကို ဖိုရမ်တစ်ခုတွင်သာ ဆွေးနွေးခဲ့ကြသော်လည်း နောက်ပိုင်းတွင် ပို၍ပို၍ရေပန်းစားလာပြီး တိုက်ရိုက်ရေပန်းစားသောအကြောင်းအရာတစ်ခု ဖြစ်လာသည်။

ဂျီဝမ်ဖုန်းသည် ခေတ်စားနေသောအကြောင်းအရာကို ပထမဆုံးရှာဖွေတွေ့ရှိခဲ့ပြီး ရှီရန်ကို ချက်ချင်းရှာ တွေ့သည်။

ပို့စ်ကိုဖတ်ပြီးနောက် ရှီရန်၏ပါးစပ်ထောင့်များ တွန့်တက်သွားသည်။

၎င်းသည် မူရင်းရှီရန်က ပိုင်ကျင်းထျန်ကို လိုက်ခဲ့သည် ဟူသော အချက်ပင် ဖြစ်သည်။

ယင်းအချိန်သည် ပိုင်ကျင်းထျန်သည် လက်​ဝှေ့သမားဒရာမာတွင် အမျိုးသားဇာတ်ဆောင်အဖြစ်သရုပ်​ဆောင်​နေချိန်ဖြစ်သည်။

ဤခန္ဓာကိုယ်၏မူလပိုင်ရှင်နှင့်ပိုင်ကျင်းထျန် တို့သည် ဇာတ်ဝင်ခန်းအနည်းငယ်သာရိုက်ကူးခဲ့ကြပြီး ထိုအချိန်တွင် မူရင်းရှီရန်သည် ဇာတ်ကောင်ထံ မစီး​မျောနိုင်ခြင်း​ကြောင့် ဒါရိုက်တာထံမှ ကြိမ်းမောင်းခြင်းခံရသည်။

ဤခန္ဓာကိုယ်၏မူလပိုင်ရှင်က ငိုသောအခါ လူတိုင်းက စောင့်ကြည့်နေကြသည်။ ပိုင်ကျင်းထျန်တစ်​ယောက်တည်းကသာ သူမကို လက်ကိုင်ပုဝါတစ်ထည် ပေးပြီး သူမကို မည်သို့သရုပ်​ဆောင်ရမည်ကိုပင် သင်ပေးခဲ့သည်။

ထိုအချိန်မှစ၍ မူရင်းရှီရန်သည် ပိုင်ကျင်းထျန်ပေါ်တွင်စိတ်ဝင်စားလာပြီး အစွဲအလမ်းကြီးသောအမာခံပရိသတ်တစ်ဦးဖြစ်လာသည်။

ထိုအ​ကြောင်း အဖော်ထုတ်ခံရပြီးနောက် သူမကို အစွဲအလမ်းကြီးသောအမာခံပရိသတ်တစ်ဦးအဖြစ် တံဆိပ်ကပ်ခံခဲ့ရကာ သူမ၏နာမည်ပျက်သွားရသည်။ လူတိုင်းက သူမကို ဆူပူကြိမ်းမောင်းနေကြသောကြောင့် ပိုင်ကျင်းထျန်သည် ဤခန္ဓာကိုယ်၏မူလပိုင်ရှင်ကို မုန်းတီးခဲ့သည်။

"ဒီအဖြစ်အပျက်ကို ငါသိတယ်။ ဒါပေမယ့် မင်းပုံစံနဲ့မတူဘူး။ ဒါက နားလည်မှုလွဲနေတာများလား။" ဂျီဝမ်ဖုန်းက မေးသည်။

သူ သိသောတည်ငြိမ်ပြီး ဉာဏ်ပညာရှိသောလူက ယခုလို ရူးသွပ်သောအကျင့်ကို မည်သို့ ပြုမူနိုင်မည်နည်း။

ရှီရန်သည် သူမ၏နှာခေါင်းကို ထိလိုက်သည်။ "ကျွန်မ လုပ်ခဲ့မိတယ်။"

ငါနဲ့ ဒီခန္ဓာကိုယ်ရဲ့ မူလပိုင်ရှင်နဲ့ ဘာတွေကွာခြားနေလို့လဲ။

ဂျီဝမ်ဖုန်းက မယုံနိုင်စွာ ကြည့်နေသည်။ "မင်း သူ့ကို သွေးဆောင်ဖို့ ဟိုတယ်ကို လိုက်သွားပြီး လျှို့ဝှက် ဓာတ်ပုံရိုက်ပြီး သူ့ကို ဆေးခတ်ခဲ့တာလား။ မင်းတကယ်လုပ်ခဲ့တာလား။"

ငါတို့နေထိုင်တဲ့ကမ္ဘာကြီးမှာ ရှီရန်က အဲဒီတုန်းက အရမ်းရူးသွပ်ခဲ့တာပဲ။

ငါဘာလို့ ဒီလိုပုံစံနတ်သမီးလေးကို

ချစ်စရာကောင်းတယ်လို့ ခံစား​နေရတာလဲ

"ကျွန်မက ငယ်ရွယ်ပြီး တစွတ်ထိုးဆန်ခဲ့တယ်​လေ။" ရှီရန်က သူ့မျက်ခုံးကို ပွတ်သပ်ပြီး ပြောလိုက်သည်။

ရှီဝန်ဖေး၏လှုံ့ဆော်မှုသည် တစ်ခါတစ်ရံတွင် ပါဝင်နေသော်လည်း ဤကိုယ်ခန္ဓာ၏မူလပိုင်ရှင်သည် သူမ၏ကိုယ်ပိုင်ဆန္ဒနဲ့ဆန့်ကျင်သည့်အရာကို မပြုလုပ်ခဲ့ပေ။

ဂျီဝမ်ဖုန်းလည်း ဆွံအသွားသည်။

ဤအရာများသည် မနှစ်ကမှဖြစ်ပုံပေါ်သည်။

"မင်းအ​ကြောင်းကိုကူညီဖြေရှင်းဖို့ ပိုင်ကျင်းထျန်ကို အကူအညီတောင်းဖို့ မဖြစ်နိုင်ဘူးထင်တယ်" ဂျီဝမ်ဖုန်းရုတ်တရက် ခေါင်းကိုက်လာသည်။

၎င်းသည် အတုအပဖြစ်လျှင် အင်တာနက်အသုံးပြုသူများကို အမှန်အတိုင်းပြောရန် သူ့မှာနည်းလမ်းပေါင်း တစ်သောင်းရှိသည်။

'သို့​သော် အမှန်တရားဖြစ်​နေပါက... ၎င်းက ခက်လိမ့်မယ်'

"အဆင်ပြေပါတယ်။ ငါ ဖြေရှင်းလိုက်မယ်" လို့ ဂျီဝမ်ဖုန်းကပြောသည်။

ထို့နောက် ဖုန်းခေါ်ဆိုမှုတစ်ခုပြီးတစ်ခုခေါ်ပြီး အမိန့်ပေးသည်။

တစ်ချိန်တည်းမှာပင် သူသည် မှတ်ချက်များကို စတင်ဖတ်ရှုသည်။

[အစွဲအလမ်းကြီးတဲ့ပရိတ်သတ်က နာမည်ကြီးတစ်ယောက်ဖြစ်လာနိုင်လား။]

[ထုတ်လုပ်ရေးအဖွဲ့က ကိုကိုထျန်နှင့်အတူ ရှိုးမှာ စွဲလမ်းနေသောပရိသတ်တစ်ဦးကို ပါဝင်ခွင့်ပေးတာက ရူးနေလို့ပဲဖြစ်ရမယ်။]

[ကိုကိုထျန်အတွက် ငါ့နှလုံးသားလေး နာကျင်နေတယ်။ သူက ဒီ​လောက်စက်ဆုပ်ရွံရှာစရာကောင်းတဲ့မိန်းမတစ်ယောက်နှင့်အတူ ရှိုးတစ်ခုသွားရမယ်။ ပြီးတော့ အဲဒါကလည်း ရို့မန့်တစ်ဆန်တဲ့ရှိုးပွဲ]

[ကျုံးယူဖန်က သူမကို စွန့်ပစ်ခဲ့တာက အံ့သြစရာတောင်မဟုတ်ပေ။ သူမက ဟန်ဆောင်ကောင်းလွန်းတယ်။]

[သူမက ငါတို့​ဖေး​ဖေးရဲ့ခြေချောင်းတစ်ချောင်းနဲ့​တောင် နှိုင်းယှဉ်လို့မရနိုင်ဘူး။]

[တကယ်လို့ပရိုဂရမ်အဖွဲ့ကသူမကို ဧည့်စာရင်းမှ မဖယ်ရှားရင် အစီအစဉ်ကို ငါတို့ကြည့်မယ်လို့​တောင်စဉ်းစားမ​နေနနဲ့​တော့။]

[ထုတ်လုပ်ရေးအဖွဲ့ကနေ ထွက်သွားစမ်း!! နင် တစ်သက်လုံး ပိတ်ပင်ခံရမယ်!!]

ရှီရန်နှင့်ရှီဝန်ဖေးတို့၏အရင်တစ်ခေါက်အဖြစ်အပျက်အပြီးတွင် ရှီရန်အ​ပေါ် လူတိုင်း၏အထင်အမြင်မှာ ပိုမိုကောင်းမွန်လာခဲ့သည်။ ယခုမူ ပိုမိုဆူပူကြိမ်းမောင်းမှုများလည်း ရှိလာသည်။

ဂျီဝမ်ဖုန်း သူမ ကြည့်​နေသည်ကို မမြင်နိုင်တော့သဖြင့် သူမလက်ထဲမှ တက်ဘလက်ကို လုယူသွားသည်။ "မကြည့်နဲ့​တော့။"

အင်တာနက်ကနေ တိုက်ခိုက်ခံရသည်မှာ မည်မျှ ကြောက်စရာကောင်းသည်ကို သူကောင်းကောင်းသိသည်။

"ဒါက စိတ်ဝင်စားစရာပဲ။" ရှီရန်က အမှုမထားသလို ပခုံးတွန့်လိုက်သည်။

ဂျီဝမ်ဖုန်း၏စိုးရိမ်သောကရောက်​နေ​သောအမူအရာကိုမြင်လိုက်ရသဖြင့် သူမ ရယ်မိသွားသည်။ "ကျွန်မက အဲ့ဒီလောက်ထိ မနူးညံ့ပါဘူး။ စကားလုံးတွေက ကျွန်မကို မနာကျင်​စေနိုင်ဘူး။"

“ဒီကိစ္စကို ငါတို့ မတုံ့ပြန်နိုင်ဘူး။ ငါ့စိတ်ကူးက မသိမသာတုံ့ပြန်ပြီး ပွဲမှာ လူတိုင်း အမှန်တရားကို မြင်အောင် လုပ်ဖို့ပဲ။"

"ဒါက ထုတ်လုပ်ရေးအဖွဲ့ရဲ့ ကျော်ကြားမှုကို တိုးစေရုံသာမကဘဲ သူတို့ကို နှစ်သိမ့်ပေးနိုင်လိမ့်မယ်။ မဟုတ်ဘဲ နှုတ်ထွက်လိုက်ရင် မင်းအတွက် ပိုအကျိုးယုတ်သွားလိမ့်မယ်။"

"အို​ကေ။" ရှီရန်ခေါင်းညိတ်လိုက်သည်။

ထို့နောက်  ရှီရန်၏ကိုယ်ရေးကိုယ်တာအကောင့်မှ ထုတ်ပြန်ချက်တစ်ခု ထုတ်ပြန်သည်။

[ရှီရန်]- မှတ်ချက်တွေကို ကျွန်မ မကြောက်ပါဘူး။ ဒီရှိုးပွဲကနေတစ်ဆင့် ကျွန်မ ဘယ်လိုလူလဲဆိုတာ လူတိုင်းမြင်တွေ့ရမှာပါ။

[ နင်က ဒီပွဲမှာ ပါချင်သေးတာလား? ထွက်သွားလို့ရနိုင်မလား? နံစော်နေတဲ့လောက်တစ်ကောင်က ဘာစိတ်ဝင်စားစရာရှိလို့လဲ။]

[ပွဲမှာ ငါတို့ရဲ့ကိုကိုထျန်ပါမှာကို သူမ သိတဲ့အတွက်ကြောင့် ဝင်ပါချင်နေတာပေါ့။]

[နင် ဘယ်လိုလူစားမျိုးလဲဆိုတာကို လူတိုင်းသိတယ်။ နင့်နာမည်ပုံရိပ်ကို ပြောင်းလဲဖို့ကြိုးစားနေတာကို ရပ်လိုက်တော့။]

[နင့်ရဲ့ ရာထောင်ချီတဲ့ ပရိသတ်တွေကို ပိုက်ဆံနဲ့ဝယ်ထားတာမလား။ ဒီလို အနံ့ထွက်​နေတဲ့ပိုးကောင်ကို တကယ်ပံ့ပိုးပေးမယ့်သူကောရှိလို့လား?]

ရှီရန်မှာ တုံ့ပြန်မှု မရှိပေ။ ထိုအစား ဂျီဝမ်ဖုန်းက ဒေါသထွက်နေပုံရသည်။

"ချီး၊ ဒီကီးဘုတ်စစ်သည်တွေက တကယ်လွန်လွန်းတယ်။" ဂျီဝမ်ဖုန်းဒေါသအရမ်းထွက်ပြီး တက်ဘလက်ကို ပစ်ချချင်စိတ်​ပေါက်လာသည်။

"သူတို့ကို ကြည့်မ​နေနဲ့။" ရှီရန်က ခံစားမ​နေဘဲ သမ်းလိုက်သည်။

ဂျီဝမ်ဖုန်းသည် စိတ်ဓာတ်ကြံ့ခိုင်လွန်းသောရှီရန်ကို သူချီးကျူးသင့်သလားတောင် မသိ​တော့​ပေ။

၎င်းကလည်း သူ့ကို ထပ်ပြီး အံ့သြတွေးတောစေသည်။ ရှီရန်ဟာ တကယ်ပဲ ရူးသွပ်တဲ့အရာတစ်ခုခု လုပ်တော့မှာလား?

"ဒီတစ်ခါတော့ ငါတို့ ဘာမှစလုပ်မှာမရှိဘူးဆိုတော့ နောက်ဘာဖြစ်မလဲဆိုတာက
ပရိုဂရမ်အဖွဲ့အပေါ် မူတည်တယ်။ ပရိုဂရမ်အဖွဲ့က မင်းကို ဖယ်ချင်ရင် ငါတို့ ဘာမှလုပ်လို့မရဘူး။"

ဂျီဝမ်ဖုန်းသည် အားကိုးရာမဲ့နေသည်။ ယခုတွင် ရလဒ်ကိုသာစောင့်မျှော်နေနိုင်သည်။

ရှီဝန်ဖေးဘက်အခြမ်းတွင်

သူမသည် အင်တာနက်ပေါ်မှ တစ်ဖက်သတ်​ကျော်ကြား​နေမှုကို ကြည့်ပြီး နားရွက်တက်ချိတ်​လောက်သည်အထိ ပြုံးနေသည်။

"ဒီတစ်ခါတော့ ရှီရန်က နင့်နဲ့တူတူ ပရိုဂရမ်မှာ ပါနေမှာကို စိတ်ပူနေစရာ မလိုတော့ဘူး။ ရုပ်ရှင်ဘုရင်ပိုင်က ရှီရန်ကို ဖယ်ရှားဖို့ ထုတ်လုပ်ရေးအဖွဲ့ကိုတောင် တောင်းဆိုထားပြီးသားလို့ ကြားရတယ်။"

ရှီဝန်ဖေးသည် တက်ဘလက်တွင် စွဲနေသည်။ "နောက်ဆုံးတော့ သူမက
ရူးမိုက်တဲ့မိန်းကလေးပဲ"

သူမသည် စကားအနည်းငယ်ပြောကာ ရှီရန်အား လှုံ့ဆော်ပေးခဲ့သော်လည်း ရှီရန်ကတကယ်လုပ်မည်ဟု မမျှော်လင့်ခဲ့ပေ။

"ဒီတစ်ခါတော့ သူမကို သေချာပေါက် ဖယ်ရှားတော့မှာ သေချာတယ်။ ဂျီဝမ်ဖုန်းက သူမနာမည်ကို ပွဲမှာ ရှင်းလင်းချင်နေသေးတယ်။ သူက အိပ်မက်မက်နေတာပဲ"

ယခုအချိန်တွင် အစီအစဉ်အဖွဲ့မှ ရှီရန်၏အစီအစဉ်ကို ဖျက်သိမ်းကြောင်း ကြေညာရန် လူတိုင်းနီးပါး စောင့်မျှော်နေကြသည်။

ထိုအချိန်တွင် KT အဖွဲ့ကစီအီးအိုရုံးခန်းတွင်

"တတိယသခင်လေး၊ ကျွန်တော်တို့ရဲ့နောက်ဆုံးပေါ်ရှိုးကဧည့်သည်တစ်ဦး အရှုပ်တော်ပုံတစ်ခုမှာ ပါဝင်လာပြီး အင်တာနက်တစ်ခုလုံးက သူမကို သပိတ်မှောက်နေကြတယ်။ ပရောဂျက်အဖွဲ့က ထိုအနုပညာရှင်ကို ဖယ်ရှားဖို့ အရေးပေါ်အစီအစဉ်ကို စလုပ်​နေကြပြီး မစ္စဝန်ကို ရှိုးမှာအစားထိုးပါဝင်ဖို့ ကြိုးစားနေကြပါတယ်။"

အမှန်တကယ်တွင် ပရောဂျက်အဖွဲ့က ထိုကိစ္စကို တိုက်ရိုက်ဆုံးဖြတ်နိုင်သည်။

သို့သော်လည်း မစ္စဝန်ပါ၀င်ပတ်သက်နေသောကြောင့် အတွင်းရေးမှူးအား ညွှန်ကြားချက်ပေးရန် တောင်းဆိုသေးသည်။

ချူးကျင်းချန်းသည် သူ၏လက်မနှင့် လက်ခလယ်ကြားရှိ ရွှေရောင်မျက်မှန်ကို ကိုင်ထားသည်။ "သူမ မပါဝင်ဘူး။"

သူက သေချာပြန်ဖြေသည်။

"ဟုတ်ပါတယ်။ ကျုံးယူဖန်လည်း ဒီအစီအစဉ်မှာ ပါဝင်နေတယ်။ သူ့ရဲ့ စေ့စပ်ထားသူ ရှီရန်နဲ့ ကောလဟာလထွက်​နေတဲ့ကြားလူဖြစ်တဲ့ ရှီဝန်ဖေးကို လူသိရှင်ကြားစတန့်တစ်ခုအနေနဲ့ အသုံးပြုဖို့ ဖိတ်ခေါ်ထားပေမယ့် ဒီအရှုပ်တော်ပုံတွေကို အဖော်ထုတ်ခံရဖို့ မမျှော်လင့်ထားပါဘူး။"

ရင်းနှီးသောနာမည်ကိုကြားလိုက်သောအခါ ချူးကျင်းချန်း၏မျက်လုံးများ မှိန်သွားသည်။

အထူးလက်ထောက်ကို သူ့လက် ဖြန့်လိုက်သည်။

လက်ထောက်က တက်ဘလက်ကို ချက်ချင်း လွှဲပေးလိုက်သည်။ ၎င်းသည် ရှီရန်အကြောင်းရေးထား​သောပို့စ်ဖြစ်သည်။

"ရှီရန်ရဲ့မန်နေဂျာက မတုံ့ပြန်ဘူးလား" ချူးကျင်းချန်းက ကြည့်ရင်း မေးသည်။

“သူတို့က သူမရဲ့ဇာတ်ရုပ်မှန်အစစ်ကို ပွဲမှာပြချင်တယ်လို့ ပြောပါတယ်။  ပွဲမှာ ဆက်နေချင်ပြီး ထုတ်လုပ်ရေးအဖွဲ့ကို အကြောင်းပြချက်အဖြစ် တမင်တကာ သုံးနေတာ ထင်ရှားပါတယ်။"

မှတ်ချက်များ သည်းမခံနိုင်စရာပင်ဖြစ်သည်။ ချူးကျင်းချန်း၏မျက်လုံးများသည် အေးစက်နေသော်လည်း သူ၏ အပြုံးသည် ပို၍ပင် ရက်စက်နေလေသည်။

"ပိုင်ကျင်းထျန်ကော ဘယ်လိုလဲ။"

အထူးလက်ထောက်က "ရှီရန်းကို ဖယ်ရှားဖို့ ထုတ်လုပ်ရေးအဖွဲ့ကို ခြိမ်း​ခြောက်ထားပါတယ်။ မဟုတ်ရင် သူက ရှိုးပွဲကနှုတ်ထွက်သွားမှာပါ" ဟု ပြန်လည်ဖြေကြားသည်။

"ခြိမ်းခြောက်တာလား?" ချူးကျင်းချန်း၏ မျက်လုံးများသည် အေးစက်သွားသည်။

သူ တက်ဘလက်ကို ဖယ်ထားလိုက်သည်။
"သူမကို ဖယ်ထားစရာ မလိုဘူး။ ဆက်ခေါ်ထားလိုက်။"

"ဒါပေမယ့်-" လက်ထောက်က ဆက်​​ပြောသည်။

"သူတို့ ဒါကို နားမလည်ရင် သူတို့ရဲ့ အလုပ်တွေကို အမြန်ဆုံး ပြောင်းသင့်တယ်လို့ ပရောဂျက်အဖွဲ့ကို ပြောလိုက်။" ချူးကျင်းချန်း၏လေသံမှာ မေးခွန်း​တောင်ထုတ်စရာမလို​တော့ပေ။

“ဟုတ်ကဲ့ပါ” လက်ထောက်က ခေါင်းညိတ်ကာ ချက်ချင်း ပြန်ထွက်သွားသည်။

ပရောဂျက်အဖွဲ့မန်နေဂျာက အပြင်မှာစောင့်နေပြီး အတွင်းရေးမှူးက ချက်ချင်း နှုတ်ဆက်သည်။

အတွင်းရေးမှူးသည် ချူးကျင်းချန်း၏စကားကို ပရောဂျက်မန်နေဂျာထံ ပြောကြားလိုက်သည်။

ပရောဂျက်မန်နေဂျာသည် ငိုချင်သော်လည်း မျက်ရည်မကျနိုင်​ပေ။ "အတွင်းရေးမှူး၊ စီအီးအိုက ဘာကိုဆိုလိုတာလဲ"

"ပိုင်ကျင်းထျန်က ဒီရှိုးကထွက်ဖို့ မဖြစ်နိုင်ပါဘူး။ သူ့မှာ KT ကို စော်ကားဖို့ သတ္တိမရှိဘူး။မန်နေဂျာဝမ်၊ ရှိုးပွဲတစ်ခုအတွက် လူကြိုက်များမှုက ဘယ်လောက်အရေးကြီးတယ်ဆိုတာကို ကောင်းကောင်းသိသင့်တယ်။"

ပရောဂျက်မန်နေဂျာက ၎င်းကို ခဏလောက် တွေးကြည့်ပြီးမှ သဘော​ပေါက်သွားသည်။ "နားလည်ပါပြီ။"