အပိုင်း ၈၇-၈၈

Part 87

ကျန်းဟယ်လင်း၏ ​မွေး​နေ့ပွဲကို ​နေ့လည်ပိုင်းမှာ စား​သောက်ဆိုင်တစ်ခုတွင် ကျင်းပ​ပေးခဲ့သည်။

ကျန်းဟွမ်ရဲ့ အတွင်း​ရေးမှူးက အားလုံးကို ပြင်ဆင်​ပေးထားပြီး ကိတ်မုန့်လာပို့​ပေးဖို့ကိုလည်း တစ်​ယောက်​ယောက်ကို ခိုင်းထားပြီးသားပင်။

သူမရဲ့အ​​မေက သူမ​မွေး​နေ့မှာ အတူမရှိခဲ့​သော်လည်း ကျန်းဟယ်လင်းက​တော့ မ​ပျော်ရွှင်တာမျိုး မဖြစ်​ပေ။ သူမ​မွေး​နေ့ ဖြစ်တဲ့ အတွက်​ကြောင့် သူမအစ်မက ​မောင်​လေးကို ထိန်း​ပေးထားပြီး သူမအ​ဖေက သူမကို ကိတ်မုန့်ရဲ့ ပထမဆုံးအပိုင်းကို လှီးကာ ခွံ့​ကျွေးခဲ့သည်။

သူမအ​မေသာ ရှိပါက ကိတ်မုန့်ရဲ့ ပထမဆုံး အပိုင်းကို သူမ​မောင်​လေးကိုသာ ​ကျွေးမည် ဖြစ်သည်။ သူမ မ​ကျွေးရင်လည်း သူမ​​မောင်​လေးက ငိုယိုကာ ​မြေ​ပေါ် လူးလှိမ့်​နေမည်ပင်။

ဒီ​​နေ့မှာ​တော့ သူမ​မောင်​လေးက မျက်နှာတင်းတင်းနဲ့ စိုက်ကြည့်​နေသည်။ ဒါ​ပေမယ့်လည်း သူမအစ်မရဲ့ ဖိအား​အောက်မှာ သူမ​မောင်​လေးက ဘာပြသနာမှ မလုပ်ရဲ​ပေ။

ဒါက တကယ့်ကို.... ​ပျော်စရာ​ကောင်းပြီး စိတ်လှုပ်ရှားစရာလည်း ​ကောင်းတဲ့ ​မွေး​နေ့ပွဲပဲ။

ကျန်းဟယ်လင်းက ကိတ်ကို ပထမဆုံးကိုက်လိုက်ပြီး ဘာ​ကြောင့်ရယ်မသိ မျက်ရည်များ ကျဆင်းလာ​တော့သည်။

ကျန်းဟွမ်က​တော့ သူ့သမီးငယ်​လေးရဲ့ မျက်ရည်​တွေက ​နောက်ကွယ်အ​ကြောင်းအရင်းကို ခပ်ယဲ့ယဲ့ နားလည်​နေတာ​ကြောင့် မတတ်သာပဲ အလွန် ရှက်ရွံ့လာပြီး နှလုံးသားထဲမှ အပြစ်ရှိစိတ်တို့ကို ခံစားလာရသည်။ ဒါ​ပေမယ့် ဒီလိုအချိန်မှာ သူ့သမီးငယ်​လေးကို ဘယ်လို နှစ်သိမ့်ရမှန်း မသိတာ​ကြောင့် ကျန်းယန်ရှန့်ကိုသာ အရှက်​ပြေ ကြည့်လိုက်နိုင်​တော့သည်။

ကျန်းယန်ရှန့်က သူမလက်ကို ဆန့်ထုတ်ကာ ကျန်းဟယ်လင်း၏ ​ခေါင်းကို နှစ်ကြိမ်မျှ ပုတ်​ပေးလိုက်သည်။

သူတို့အားလုံး မွန်းလွဲပိုင်းမှသာ အိမ်ပြန်​ရောက်လာကြသည်။

​နေ့ခင်း​ကြောင်​တောင်ကြီး လျန့်ယင်းယင်း အိမ်မှာရှိ​နေတာ​ကြောင့် အားလုံး အံ့အားသင့်သွားကြ​လေသည်။

"ကဒ်သွား မကစားဘူးလား" ကျန်းဟွမ်က ​မေးလိုက်သည်။

"ဘာလဲ... ဒီ​နေ့က ဟယ်ဟယ့် ​မွေး​​​နေ့ မဟုတ်ဘူးလား... ဒါ​ကြောင့် ကျွန်မ အိမ်​စော​စောပြန်လာတာ" 

လျန့်ယင်းယင်းက အထွန့်တက်လိုက်သည်။

 "အမှန်တိုင်း ​ပြောရရင် ရှင်တို့အားလုံး ကစားကွင်း သွားကြတာကို ကျွန်မကို ဘာလို့ မ​ခေါ်တာလဲ..."

ကျန်းဟွမ် နည်းနည်း​လောက် မလွယ်ကူ​တော့သလို ခံစားလိုက်ရသည်။

ကျန်းဟွမ်က သူ့အမူအယာကို မ​ပြောင်းဘဲ​ပြောလိုက်သည်

 " ငါတို့ ဒီ​နေ့ ဟယ်ဟယ့်​မွေး​နေ့ပွဲ လုပ်​ပေးကြမှာကို လူတိုင်းသိ​နေကြတာပဲ... ဒါ​ကြောင့် ငါတို့အားလုံး ​စော​စောထကြတာ... မင်းက ဘယ်လို ​စော​စောထရမယ်မှန်း ဘာလို့ မသိရတာလဲ..."

ဒါက အလုံးစုံ မှန်ကန်​နေတာ​တော့ မဟုတ်ဘူး။ ကျန်းရှို့ချန်က အ​စောကြီးကတည်းက ဒီ​​နေ့ အပြင်သွားမယ့်အ​ကြောင်း ​မေ့သွားခဲ့ပြီးပြီ။ ကျန်းဟယ်လင်းက မနက်တုန်းက အ​ပေါ်ထပ်ကို တက်ပြီး သူ့ကို သွားနှိုး​ပေးခဲ့ရတာ ဖြစ်သည်။ သူမက "ကစားကွင်း သွားရ​အောင်လို့" ​ပြောလိုက်ချင်းပဲ သူက ချက်ချင်း ထလာတာဖြစ်သည်။

သို့​သော်လည်း ထိုစကား​တွေက လျန့်ယင်းယင်းကို ပါးစပ်ပိတ်သွား​စေဖို့ လုံ​လောက်​လေသည်။ သူမက ရုတ်တရက်ပဲ အမှားလုပ်တဲ့သူ ဖြစ်သွားသည်။

ကျန်းဟယ်လင်းက စိတ်သက်သာရာရသွားဟန် သက်ပြင်းချလိုက်​ပေမယ့် စိတ်ပျက်တာမျိုး​တော့ မဖြစ်သွား​ပေ။ သူမရဲ့ အ​မေရင်းက သူမ​မွေး​နေ့ကို ​မေ့သွားတာလို့ ​ပြောလိုက်​ပေမယ့် ကျန်းဟယ်လင်းအတွက် အထူးတဆန်း ဖြစ်မ​နေခဲ့ဘူး။ 

သူမက ကျန်းယန်ရှန့် အ​ပေါ်ထပ် တက်သွားတာကို ကြည်ပြီး ဘာစကားမှ မ​ပြောဘဲ ​"အစ်မ" လို့ခေါ်လိုက်သည် ထို့​နောက် သူမလည်း လိုက်တက်သွား​လိုက်သည်။

ကျန်းရှို့ချန်ကိုလည်း အန်တီဝမ်က အဝတ်အစားလဲ​​ပေးဖို့ အ​ပေါ်ထပ်ကို ဆွဲ​ခေါ်သွားခဲ့သည်။

လျန့်ယင်းယင်းက​တော့ သူမရဲ့က​လေး​တွေက အရင်တုန်းကလို သူမနဲ့ ရင်းနှီးမှု မရှိ​တော့ဘူးလို့ အမှန်တကယ် ခံစားလိုက်ရသည်။ ထို့ထက် ပိုပြီးဆိုး​နေတာက ကျန်းဟွမ်ကပါ သူမအ​ပေါ် သ​ဘောထား​တွေ ​ပြောင်းလဲ​နေပုံ​​ပေါ်သည်။

ထိုအရာက လျန့်ယင်းယင်းကို စိတ်ပူပန်​စေရသည်။

သူမက ညုတုတု​ ​ပြောကာ ကျန်းဟွမ်ရဲ့ လက်​မောင်းကို ဖမ်းဆွဲလိုက်သည်။

 "လုပ်ပါ... ရှင်လည်း ကျွန်မ ​အ​ကြောင်း မသိတာလည်း မဟုတ်ဘဲ... ကျွန်မ မ​နေ့က ညနက်တဲ့အထိ ဒရာမာဇာတ်လမ်း ကြည့်​နေတာကို ဘယ်လို ​စော​စောထနိုင်ပါ့မလဲ?~"

သူမက ​ကျောင်းထွက်ပြီး​နောက် Kမြို့ကိုလာကာ အ​ပျော်မယ် အဖြစ် အလုပ်လုပ်ခဲ့သည်။ သူမကို ညီအစ်မတစ်​ယောက်က တစ်ချို့​သော ညစာစားပွဲများကို ​ခေါ်သွား​ပေးခဲ့သည်။ သူမက ကျန်းဟွမ်နဲ့ ဆုံခဲ့ပြီး အသက်ငယ်စဥ်ကတည်းက သူ့​နောက်သို့ လိုက်ခဲ့ရသည်။

ထိုအချိန်က သူမက ငယ်ရွယ်နုပျိုကာ ကလူ၏သို့ မြူ၏သို့ အမူအယာများနှင့် ချစ်စရာ​ကောင်းတဲ့ပုံစံ​လေး​ကြောင့် ကျန်းဟွမ်က သူမပုံစံ​လေးကို အထူး နှစ်ခြိုက်ခဲ့သည်။

အခုချိန်မှာ​တော့ ကျန်းဟွမ်၏ စိတ်ပိုင်းဆိုင်ရာ ခံစားချက်များက ​ကွဲပြား​နေပုံပင်။

အခုချိန်မှာ လျန့်ယင်းယင်း​၏ ညုတုတု ပုံစံ​​လေးက အရင်တုန်းကလို ချစ်ဖို့မကောင်း​တော့​ပေ။ ပြီး​တော့လည်း ထိုအချိန်တုန်းကသူ့ အသက် ဘယ်​လောက် ရှိခဲ့လို့လဲ...

အခုချိန်မှာ သူ့အသက် ဘယ်​​လောက်​တောင် ရှိပြီလဲ...

ကျန်းဟွမ်၏ ယခု အသက်အရွယ်မှာ​တော့ အရင်တုန်းက ထိုပုံစံများကို မကြိုက် နှစ်သက်​တော့​ပေ။ ဒါ​ကြောင့် ထိုအရာ​တွေက ကျန်းဟွမ်ကို မဆွဲ​ဆောင်နိုင်​တော့ဘူး။

အထူးသဖြင့် ဒီ​နေရာ ဖြစ်တဲ့ သူ့ကိုယ်ပိုင်အိမ်မှာ က​လေး​တွေနှင့် အန်တီ​တွေလည်း ရှိ​နေ​သေးသည်။ ဒီ​နေရာက အပြင်က လျှို့ဝှက် ​အ​ပျော်အိမ်တစ်ခု မဟုတ်​တော့ဘဲ ထို​နေရာကို သွားခဲ့တာကလည်း သူအ​ပျော်ရှာဖို့ အတွက်ပင်။ သူ့ကိုယ်ပိုင်အိမ်မှာ သူ့က​​လေးများ၏ ​​ရှေ့တွင်​တော့ မိဘတစ်​ယောက် အ​နေနှင့် သင့်တင့်​လျောက်ပတ်စွာ ​နေထိုင်သင့်​ပေသည်။

ဒါ​ပေမယ့် သူတစ်​ယောက်တည်းပဲ ကိုယ်တိုင် မ​ဆောင်ရွက်နိုင်ဘူး။ လျန့်ယင်းယင်းလည်း အ​မေတစ်​ယောက် ဖြစ်​နေပြီကို ဘာလို့များ ဒီလို ဆက်လုပ်​​နေ​ရ​သေးတာလဲ?

လျန့်ယင်းယင်း၏ ညုတုတု ပုံစံများနှင့် သူမ၏ ​ပေါ်​ပေါ်ထင်ထင် သ​ဘောထားများက လွန်ခဲ့​သော ဆယ်နှစ်က လုပ်ခဲ့တဲ့ ပုံစံအတိုင်း မ​​ပြောင်းလဲခဲ့။ သို့​​သော်လည်း ကျန်းဟွမ်၏ သူမအ​​ပေါ် လိုအပ်ချက်တို့က​တော့ ​ပြောင်းလဲသွားခဲ့ပြီပင်။

အတိတ်တုန်းက​တော့ သူက သူမရဲ့ ငယ်ရွယ်နုပျို​တဲ့ ခန္ဓါကိုယ်ကို စွဲလန်းခဲ့​ပေမယ့်လည်း ယခုမှာ​တော့ သူ့က​လေး​တွေနဲ့ မိသားစုကို ထိန်းသိမ်း​စောင့်​ရှောက်နိုင်တဲ့ ဇနီး တစ်​​ယောက်ကိုပဲ အလိုရှိ​တော့သည်။ ဒီလိုအပ်ချက်က အရင်ကနဲ့ တူနိုင်ပါအုံးမလား...

ကျန်းဟွမ်က နူးနူးညံ့ညံ့ ​ပြောလိုက်သည်။

 "အိမ်မှာ ​ဒါမျိုးထပ်မလုပ်နဲ့... က​​​လေး​တွေ ကြည့်​နေတယ်​လေ..."

လျန့်ယင်းယင်း အနည်းငယ် ရှုပ်​ထွေးသွားသည်။

ကျန်းဟွမ် စကား​ပြောပြီးသွား​တော့ သူမကို ဖယ်ထုတ်ချင်သည့်အလား သူ့လက်ကို ခါယမ်းလိုက်သည်။

လျန့်ယင်းယင်းက လျင်မြန်စွာပဲ သူ့လက်​မောင်းကို မှီတွယ်ကာ သတိထား ​ပြောလိုက်သည် "က​လေး​တွေအားလုံး အ​ပေါ်ထပ် ​ရောက်ကုန်ကြပြီ"

"ဒါဆိုလည်း ထပ်မလုပ်နဲ့" 

ကျန်းဟွမ်က မျက်​မှောင်ကြုတ်ကာ ​ဆိုသည်

 "မင်း အသက် ဘယ်​လောက် ရှိ​နေပြီလဲ... မင်းက က​လေး နှစ်​ယောက် အ​မေ ဖြစ်​နေပြီးပြီ... မိန်းမငယ်​လေးလို ဟန်​ဆောင်မ​နေနဲ့​တော့... ​နောက်ဆုံးအကြိမ် ဒီအ​ကြောင်း ​ပြောထားတာကရော ​အားလုံး အလကား ဖြစ်သွားတာလား"

မိန်းမငယ်​လေးလို ဟန်​ဆောင်​နေတာတဲ့လား....

လျန့်ယင်းယင်း သူမမျက်နှာ​ပေါ် ဖြတ်ရိုက်ခံရသလို ခံစားလိုက်ရတာ​ကြောင့် မျက်နှာ တစ်ခုလုံး ပြာနှမ်းပြီး နီရဲလာသည်။

သူမရဲ့ နှလုံးသားထဲမှာ အကြီးအကျယ် တုန်လှုပ်​နေမှုကို ခံစား​နေရပြီး ကျန်းဟွမ်ကို သွားခွင့်မ​ပေးနိုင်ခဲ့​ပေ။ သူမက အံကြိတ်လိုက်ပြီး အပြုံးလေး တစ်ခုကို ချိတ်ဆွဲကာ ​ပြောလိုက်သည်။

 "အပြင်မှာ ပူတယ်​... အ​ပေါ်ထပ်တက်ပြီး ​ရေချိုးရ​အောင်​လေ..."

ကျန်းဟွမ်က သူ့လက်ကို ခါလိုက်​သော်ငြား သူမကို​တော့ ခါမထုတ်နိုင်ခဲ့​ပေ။ ထိုအစား သူ့ကို တင်းတင်းကြပ်ကြပ် ဖက်တွယ်ခံလိုက်ရသည်။ ကျန်းဟွမ် သူ့​​ခေါင်းကို ခါရမ်းကာ သူမလက်​မောင်းကို ကိုင်ပြီး အ​ပေါ်ထပ်တက်သွားခဲ့ရ​လေသည်။

......

ကျန်းယန်ရှန့် ​ခြေလှမ်းရပ်လိုက်လိုက်ချင်း ကျန်းဟွမ်နဲ့ လျန့်ယင်းယင်းတို့လည်း ဆင်းလာကာ သူမကို ​နောက်က​နေ လှမ်း​ခေါ်လိုက်သည်။

ကျန်းယန်ရှန့် သူမ​ခေါင်းကို လှည့်လိုက်ပြီး ကျန်းဟွမ်ကို မြင်​သောအခါတွင်​တော့ သူ တစ်ခုခု ကွဲပြား​နေမှန်း ခံစားလိုက်ရ​လေသည်။ သူမ မျက်​မှောင်ကြုံ့မိသွားသည်။ ကျန်းဟွမ် သူမဆီ ​လျှောက်လာသည့် အခါတွင်​တော့ သူ့အမူအရာက စိတ်​အေးလက်​အေး ဖြစ်​နေပုံရပြီး သူ့မျက်ခုံးအကြားတွင်လည်း သက်​တောင့်သက်သာ ဖြစ်​နေပုံရသည်။

လျန့်ယင်းယင်းကို ထပ်ကြည့်မိလိုက်သည့် အချိန်တွင် သူမမျက်နှာအမူအယာမှာ ​နွေဦးအလားပင်။ အရွယ်​ရောက်ပြီးသား ဝိဥာဏ်ရှိ​နေတဲ့ ကျန်းယန်ရှန့်က ဘယ်လိုများ နားမလည်ဘဲ​နေပါ့မလဲ...

ကျန်းယန်ရှန့် ခဏ​​လောက် ဆွံ့အသွားရသည်။ အ​ပေါ်တက်ပြီး အဝတ်လဲ ​ရေချိုးရုံ​လေးနဲ့တင် သူမအ​ဖေနဲ့ ထိုမိန်းမက ဇာတ်လမ်းရိုက်ခဲ့​သေးသည်။

ကျန်းယန်ရှန့်က ​ခေါင်းပြန်လှည့်ကာ လမ်း​မြန်မြန် ​လျှောက်ပြီး အခု​လေးတင် ချစ်မှု​ရေးရာ ကိစ္စ​တွေ ပြုလုပ်ထားကြတဲ့ လူနှစ်​ယောက်အနားက​နေ ​ဝေး​ဝေး​ပြေး​တော့သည်။

ခန်းမငယ်​လေးထဲတွင်​တော့ သူမက တမင် သက်သက်ပင် ကျန်းဟယ်လင်း၏ ​ဘေးမှာ ထိုင်လိုက်သည်။ ထို​နေရာက ကျန်းဟွမ် မကြာခဏ ထိုင်​လေ့ရှိသည့် ​​နေရာနှင့် အ​ဝေးဆုံးမှာ ဖြစ်သည်။

လူတိုင်း ထိုင်လိုက်တာကို ​တွေ့​တော့ အန်တီတစ်​ယောက်က သစ်သီး​တွေ ယူလာ​ပေးသည်။

ကျန်းယန်ရှန့်က အခုချိန်မှာ ဘာကိုမှ စားချင်စိတ်မရှိ​သဖြင့် ​နေရာမှ မ​ရွေ့​ပေ။

လျန့်ယင်းယင်းက ကျန်းဟွမ်ကိုသာ မလွတ်တမ်း အာရုံစိုက်​နေပြီး အသီးခက်ရင်းကိုကိုင်ကာ သူ့ကို ​ကျွေးဖို့ ကြိုးစား​နေသည်။ ကျန်းဟွမ်က ခက်ရင်းကိုယူကာ သူမကို အဓိပ္ပါယ်ပါပါ တစ်ချက်ကြည့်ကာ က​လေး​တွေ​ရှေ့မှာ တမင်သက်သက် တရင်းတနှီးအပြုအမူများကို ​ရှောင်ဖယ်လိုက်​လေသည်။

Xxxxx

Part 88

ကျန်းဟယ်လင်းက အသီးစားပြီးသည့်နောက် ဂိမ်းစက်ကိုချကာ ​ရေချိုးခန်းဆီ သွား​တော့သည်။

 ကျန်းရှို့ချန်က ဂိမ်းကစားပြီး​နောက် သူ့​ခေါင်းကို ​မော့လိုက်သည်။

ပထမဆုံး အကြည့်မှာတင် သူ အသီးမစားချင်ဘဲ ​ရေခဲ​ချောင်းသာ စားချင်ခဲ့သည်။ သူမနက်က အချိန်​ကောင်း​လေး ရှိခဲ့​သော်လည်း အရမ်းပူလွန်းသည်။ သူအိမ်ပြန်​ရောက်​ရောက်​တော့ အပူသက်သာ​စေဖို့ ​ရေခဲ​ချောင်း စားချင်​နေတုန်းပင်။

သူက ဆိုဖာ​ပေါ်မှ ခုန်ထွက်ကာ မီးဖို​ချောင်ထဲက ​ရေခဲ​သေတ္တာဆီ ​ပြေးသွားပြီး ဖွင့်လိုက်သည်။

သူက ​ရေခဲမုန့်တစ်ခုကို ယူလိုက်ပြီး ကျန်ယန်ရှန့် အသီးမစားတာကို သတိရသွားတာ​ကြောင့် မ​နေနိုင်ဘဲ တုန့်ဆိုင်းသွား​လေသည်။ ခဏ​လောက် စဥ်းစား​နေပြီး​တော့မှ ကျန်းရှို့ချန်က ​နောက်တစ်ခုကို ထပ်ယူလိုက်ပြီး ​တ​တောက်​တောက် ပြန်​ပြေးသွားသည်။

"အစ်မအတွက်" သူက ဂရုမထားသည့်​လေသံနှင့် ​ပြောကာ ​ရေခဲမုန့်ကို ကျန်းယန်ရှန့်ဆီ ကမ်း​ပေးလိုက်သည်။ 

ကျန်းဟွမ်နှင့် လျန့်ယင်းယင်းက ရပ်ကာ အမြဲတမ်း စကားနားမ​ထောင်တတ်ဘဲ တစ်ခြားသူကို ဘယ်​တော့မှ ​တွေးမ​ပေးတတ်ခဲ့​သော ထိုက​လေးကို အံ့သြတကြီး ကြည့်​နေကြသည်။

အတိတ်မှာတုန်းက သူက အရသာရှိတဲ့တစ်ခုခုကို ယူရင် တစ်ခြားသူ​တွေအတွက်လည်း ယူ​ပေးရမယ် ဆိုတာကို ဘယ်တုန်းကများ သတိရဖူးလို့လဲ... ဒါ​ပေမယ့်လည်း အခုချိန်မှာ ကျန်းယန်ရှန့်အတွက် တစ်ခုခု ယူလာ​ပေးဖို့ အမှန်တကယ် သတိရသွား​လေပြီ။

ကျန်းဟွမ်နဲ့ လျန့်ယင်းယင်းတို့ တစ်ချိန်လုံး ထို​နေရာမှာ ထိုင်​နေခဲ့တာ​ပေမယ့် ကျန်းယန်ရှန့်က သူမဖုန်းကိုပဲ ငုံ့ကြည့်​နေပြီး ကျန်းရှို့ချန်ကို ​ရေခဲမုန့်ယူလာဖို့ မ​ပြောခဲ့တာကို သူတို့ ​သေ​သေချာချာ ကိုတွေ့လိုက်ရသည်။

ကျန်းယန်ရှန့် ကိုယ်တိုင်လည်း အံ့အားသင့်ခဲ့ရသည်။

အမှန်တကယ်က​တော့ သူမပြန်လည်​မွေးဖွားလာပြီးသည့် ​နောက်မှာ ကျန်းရှို့ချန်ကို စည်းကမ်းတင်းကြပ်ခဲ့​သော်လည်း သူမက ကျန်းရှို့ချန်၏​ကောင်းကျိုးအတွက် လုပ်ခဲ့တာ မဟုတ်​ပေ။ သူမအရင်ဘဝက ကျန်းရှို့ချန်ကို ​တွေ့ရတာ အရမ်းကို ပင်ပန်းခဲ့ရသည်။ ထို့​ကြောင့်သူမက သူ့အ​ပေါ်​ကောင်းမ​ပေး နိုင်ခဲ့​ဘူး။ သူမက အနာဂါတ်မှာ ကျန်းရှို့ချန် တစ်ခြားသူ​တွေအ​ပေါ် အန္တရာယ်​ပေးမှာကို ကြိုတင်ကာကွယ်ရုံသာ။

ဒါ​ပေမယ့် သူမ ​ရှေ့က ကျန်းရှို့ချန်က​တော့.... သူမမှတ်ဥာဏ်ထဲက ပုံစံနဲ့ အနည်းငယ် ​သွေဖယ်​နေပုံရသည်။

ကျန်းယန်ရှန့်က ခဏ​လောက် တိတ်သွားပြီးမှ ယူလိုက်ပြီး "​ကျေး​ဇူး"ဟု ​ပြောလိုက်သည်။

သူ့ဘဝမှာ ပထမဆုံးအကြိမ်အဖြစ် ကျန်းယန်ရှန့်က ​ကျန်းရှို့ချန်ကို ​ကျေးဇူးတင်ခဲ့တာ ဖြစ်သည်။ ထိုအရာက ကျန်းရှို့ချန်အတွက် အရမ်းကို အိမ်မက်ဆန်လွန်း​သော အ​တွေ့အကြုံလည်း ဖြစ်​လေသည်။

မှုန်မှိုင်း​နေ​သော မျက်နှာ ဖြင့်ပင် သူက ခပ်​တောင့်​တောင့် ဆိုလိုက်သည် "ရ...ရပါတယ်"

"​​ကျေးဇူးပါ"နှင့် "ရပါတယ်"ဆို​​တာကို ​ပြောဆိုရခြင်း၏ သိတတ်ယဥ်​ကျေးမှုကို စဥ်းစား ကြည့်ရလျှင် ကျန်းယန်ရှန့် သူ့ကို တုတ်နှင့်လက်ဝါးကို အသုံးပြုပြီး သင်​ပေးခဲ့တာ ဖြစ်​လေသည်။ 

ကျန်းဟွမ်က ထို​မောင်နှမ၏ အပြန်အလှန် ဆက်ဆံပုံကို ကြည့်ကာ အံ့သြမှု​ကြောင့် မျက်​တောင်များ ခတ်သွားရသည်။ ထိုအရာက ပုံမှန်အားဖြင့် သာမန်​က​​လေးများ ရှိသင့်​​​သော ယဥ်​ကျေးမှု ဖြစ်​သော်လည်း ကျန်းရှို့ချန်လို က​လေးဆိုးတစ်​ယောက်က ပြုမူလိုက်​သော အခါတွင်​တော့..... ကျန်းဟွမ်က ရိုးရိုးသားသားပင် အံ့သြတကြီး ဖြစ်သွားကာ ရင်ထဲလှုပ်ရှားသွားရသည်။ 

ကျန်းယန်ရှန့် ကျန်းရှို့ချန်ကို စပြီး စည်းကမ်းတင်းကြပ်လိုက်ကတည်းက ကျန်းရှို့ချန်၏ တိုးတက်လာမှုများက အများကြီး စိတ်​အေး​စေရသည်။ 

လျန့်ယင်းယင်းက​တော့ သူနဲ့ ဆန့်ကျင်ဘက်ပင်။

သူမအရမ်း ရက်စက်သလို ခံစား​နေရသည်။

ဒါက သူမ​မွေးပြီး ပျိုး​ထောင်ခဲ့ရတဲ့ သား​လေးပင်။ သူမက သူ့ကို "ကျန်းယန်ရှန့်က မိသားစုရဲ့ အပိုလူ"ဟု ဘယ်​လောင်​တောင် ရိုက်သွင်း​ပေးခဲ့ရလဲ... ဒါ​တောင် ဘာ​ကြောင့်များ ကျန်းယန်ရှန့်နဲ့ ရုတ်တရက်ကြီး နီးကပ်သွားရတာလဲ...

သူမလို ​မွေးမိခင်ကို​တောင်မှ သူ့ဆီက စားဖို့ ​သောက်ဖို့ တစ်ခုခု လာမ​ပေးဖူးခဲ့ဘူး!

လျန့်ယင်းယင်း ရုတ်တရက်ပဲ သူမသူငယ်ချင်းမ​တွေ​ ​ပြောတဲ့ ကျန်းယန်ရှန့်က သူမက​လေး​တွေကို သိမ်းသွင်းဖို့ လျှို့ဝှက်ကြံစည်​နေတာ ဆိုတာကို သတိရလိုက်သည်။ သူမက ထိုအချိန်တုန်းက ထိုအ​ကြောင်းကို အများကြီး မ​တွေးခဲ့မိ​ပေ။ သူမက သူတို့ကို ​သူမ​​ကိုယ်တိုင် မွေးခဲ့ပြီးဘယ်သူနဲ့ နီးကပ်သင့်လဲဆိုတာကို သိသင့်သည်ဟု ​တွေးခဲ့မိတာ ဖြစ်သည်။ ဒါ​ပေမယ့် အခု​တော့ သူမ​ရှေ့မှာ ရှင်းလင်းတဲ့ သက်​သေ​တွေ ရှိ​နေပြီ။ 

ကျန်းယန်ရှန့်! နင်​တော်​တော် ဥာဏ်​ကောင်းတာပဲ!

သူမ ​လျှော့တွက်မိသွားခဲ့တာ!

လျန့်ယင်းယင်းက ​​ဒေါသ​ကြောင့် မူး​ဝေလာကာ ကျန်းယန်ရှန့်ကို စား​တော့ဝါး​တော့မတတ် စိုက်ကြည့်​နေသည်။

သူမက​တော့ ကျန်းယန်ရှန့် ပြန်လည်​​မွေးဖွားလာတဲ့ လတစ်ဝက်ဆိုတဲ့ ကာလတို​လေးနဲ့တင် ဒီ15နှစ်ပဲ ရှိ​သေးတဲ့ ​ကောင်မ​လေးနဲ့ ရင်ဆိုင်ရတိုင်း အရင်ကရှိခဲ့တဲ့ တည်ငြိမ်မှု​တွေ ​ပျောက်ဆုံးသွားတာကို နားမလည်ခဲ့ပေ။

အတိတ်မှာတုန်းက သူမနှုတ်ခမ်း​ထောင့်မှာ အပြုံး​လေးတစ်ခု ရှိ​နေပြီး ဆွ​ပေး​နေတဲ့ မျက်လုံး​တွေနဲ့ သူမစကား​တွေထဲက ​ထေ့လုံး​ငေါ့လုံး​တွေက မိန်းမငယ်​​လေးကို စိတ်ဆိုး ​​ဒေါသထွက်​စေကာ စိတ်ဂ​ယောင်​​ချောက်ချား​တောင် ဖြစ်​စေနိုင်ခဲ့သည်။

အခု​တော့ သူမ​နေရာမှာ တည်ငြိမ်ပြီး တိတ်ဆိတ်တဲ့​ ​ကောင်​မ​​လေးကို အစားထိုးခံရပြီး ​တော်​တော်​လေး ​ပြောင်းလဲသွားခဲ့သည်။

ထိုကဲ့သို့​သော ရန်ပွဲတွင်​တော့ စိတ်လှုပ်ရှားလွယ်ပြီး စိတ်မရှည်သူကသာ ပထမဆုံး ကျရှုံးမြဲ ဖြစ်သည်။

ကျန်းယန်ရှန့်က သူမ​ခေါင်းကို ငုံ့ကာ ​ရေခဲမုန့်ကို တစ်လုတ်ကိုက်စားလိုက်သည်။

ကျန်းရှို့ချန် သူမကို ​ပေးလာသည့် ​ရေခဲမုန့်က ထူးဆန်း​နေသည်။ ထိုအ​ကြောင်းကို ​တွေး​နေရင်း ထို စိုက်ကြည့်​နေ​သော မျက်လုံးများကို ရုတ်တရက် ခံစားလိုက်မိသည်။ သူမ​ခေါင်းကို ​မော့ကြည့်လိုက်​တော့ သူမအ​ဖေနှင့် သူဇနီးက သူမကို စိုက်ကြည့်​နေကြတာကို ​တွေ့လိုက်ရ​လေသည်။ ထိုလူနှစ်​ယောက်ရဲ့ မျက်လုံး​တွေက မတူညီတဲ့ အမူအယာ​တွေကို ပြ​နေရုံ​လေးတင်။

လျန့်ယင်းယင်း၏ အကြည့်က အဆိပ်ပြင်းကာ ​ကြောက်စရာ ​ကောင်း​နေ​သော်လည်း ကျန်း​ဟွမ်၏အကြည့်များက ​အထင်ကြီးခြင်းနှင့် စိတ်သက်သာရာရ​နေပုံ ဖြစ်ပြီး တစ်ခုခု ​ပြောချင်​​သော်လည်း ​ပြောမထွက်ပုံပင်။ 

ကျန်းယန်ရှန့်က ကျန်းဟွမ်၏ တစ်ခုခု​ပြောချင်​နေပုံကို လျစ်လျူရှုကာ ​ရေခဲမုန့်ကို ​နောက်တစ်ကိုက်ကိုက်လိုက်သည်။ သို့​သော်လည်း တုံ့ဆိုင်း​နေပြီးမှ နက်နက်ရှိုင်းရှိုင်း ​ပြောင်းလဲသွား​သော အမူအယာဖြင့် တခြားလူကို တည့်တည့် စိုက်ကြည့်လိုက်သည်။

ကျန်းဟွမ်က မူလက ခံစားချက်အပြည့် ဖြစ်​နေ​သော်လည်း ရုတ်တရက် ကျန်းယန်ရှန့်၏ မျက်လုံးများက တစ်ခုခုမှား​နေသလို ခံစားလိုက်ရသည်။ သူက သူမ၏အကြည့်တစ်​လျှောက် လိုက်ကြည့်လိုက်​သောအခါ သူ့​​ဘေးမှာထိုင်​နေသည့် လျန့်ယင်းယင်းက သတ်မလို ဖြတ်လို ကြည့်​နေတာကို ​တွေ့လိုက်ရသည်။

ကျန်းဟွမ်:"..." 

ကျန်းဟွမ်က လျန့်ယင်းယင်းကို သူ့​နောက်လက်ဖြင့် လှုပ်ရမ်းသည်: "ဘာ​တွေ လုပ်​နေတာလဲ..."

လျန့်ယင်းယင်းက အသိစိတ်ပြန်ဝင်လာသည်။ ဘာ​ကြောင့်များ ကျန်းဟွမ်​ရှေ့မှာ သူမရဲ့ ပုံစံအမှန်ကို ပြမိပါလိမ့်? ​သေစမ်း!

သူမက ခပ်​မြှောက်​မြှောက် ပြုံးလိုက်ပြီး ​ပြောလိုက်သည် "ကျွန်မက ရှို့ရှို့အ​ကြောင်း​တွေး​နေတာပါ... ရှို့ရှို့ အခုဘယ်​လောက်လိမ္မာလိုက်လဲ"

"ဟုတ်တာ​ပေါ့" ကျန်းဟွမ်က ထူးမခြားနားပုံစံဖြင့် ​ပြောလိုက်သည် "ယန်ယန်က သူ့​မောင်​လေးကို ​ကောင်း​ကောင်း သင်​ပေးထားတာပဲ"

လျန့်ယင်းယင်းက ဆိုးဆိုးဝါးဝါး ​ဒေါကန်သွားရ​ပေမယ့်လည်း သူမရင်ထဲက အမုန်း​တွေကို ဖုန်းကွယ်ထားရသည်။

ကျန်းဟွမ်က သူ့သမီးကို ထပ်ကြည့်ဖို့ ​​ခေါင်းပြန်လှည့်လိုက်သည်။

သူ့သမီးရဲ့ နှုတ်ခမ်း​ထောင့်​လေး​တွေက အနည်းငယ် ​​ညွတ်နေပြီး ​ရေခဲမုန့်ကို ဖြည်းဖြည်းချင်း စားကာ သူမအကြည့်​တွေက ဖုန်း​ပေါ်ကို ပြန်ရောက်​နေသည်။ သူမက ဇနီး​မောင်နှံ နှစ်​ယောက်ကြားက စကားဝိုင်းကို မြင်လည်းမမြင် ကြားလည်း မကြားသည့်ပုံပင်။

သူ့သမီးငယ်​လေး ​ရေချိုးခန်းက​နေ ပြန်​ရောက်လာသည့် အချိန်မှာ​တော့ သူ့သား ​ရေခဲမုန့်စား​နေတာကို ​တွေ့လိုက်ပြီး သူမသည်လည်း တူတူပဲစား​တော့မည်ဟု ​ပြောလိုက်သည်။ သူ့သားက ကျယ်ကျယ်​လောင်​လောင်ရယ်​တော့သည်။

 "သား ဒီအရသာရဲ့ ​နောက်ဆုံး ကျန်တဲ့ နှစ်ဘူးကို စားလိုက်ပြီးပြီ"

သူ့သမီးငယ်​လေးက အရမ်း​​ဒေါသထွက်ကာ တစ်ခုခုယူဖို့ သွားခဲ့သည်။

က​လေးနှစ်​​ယောက်က တတွတ်တွတ် ​ပြော​နေကြတာ ဖြစ်သည်။

ထိုကဲ့သို့​သော သက်ဝင်လှုပ်ရှား​နေသည့်အချိန်​လေးမှာ တိတ်တိတ်ဆိတ်ဆိတ် ဖုန်းကြည့်​နေသည့် မိန်းက​လေးကသာ အရမ်းကို ရင့်ကျက်ပုံ ​ပေါ်​နေသည်။

ထိုကဲ့သို့ နှိုင်းယှဥ်လိုက်​​သောအခါတွင်​တော့ ကျန်းဟွမ် ကျိတ်ပြီး သက်ပြင်းချမိသွား​လေသည်။

အသက် 30ပြည့်ခါနီးဖြစ်​​သော သူ့ဇနီးက သူ့ရဲ့ 15နှစ်သား သမီးကြီး​လောက်​တောင် မ​ကောင်းပါလား။ 

မကြာခင်မှာပဲ ​သောကြာ​နေ့ကုန်ဆုံးကာ စ​နေ​နေ့ ​ရောက်လာခဲ့သည်။ 

လွန်ခဲ့တဲ့ တစ်ပတ်က ကျန်းမိသားစုက​နေ ထွက်လာခဲ့​သော လျန့်သခင်​လေးက ပြန်​ရောက်လာခဲ့သည်။

"ကျွန်​တော့် အ​​ဒေါ်ရှိလား... ကျွန်​တော် ဟယ်ဟယ်နဲ့ ရှို့ရှို့တို့နဲ့ အတူကစား​ပေးဖို့ လာခဲ့တာ"သူက အပြုံး​လေးနှင့် ​ပြောလိုက်သည်။

ထိုသူက မွန်ရည်ပြီး သ​ဘော​ကောင်းတဲ့ ပုံစံ ဖြစ်​နေကာ ဘယ်လိုပဲကြည့်ကြည့် မ​ကောင်းတဲ့လူပုံ မ​ပေါ်​ပေ။

ကံမ​ကောင်းစွာပဲ ကျန်းဟွမ်နဲ့ လျန့်ယင်းယင်းက အိမ်မှာ ရှိမ​နေခဲ့​ပေ။ ကျန်းယန်ရှန့်​တောင်မှ လက်​ဝှေ့ထိုး​လေ့ကျင့်ဖို့ အချိန်ရှိ​နေသည်။

ထိုစကားကို ကြားချိန်မှာ​တော့ လျန်ကျန့် မျက်ခုံးပင့်မိသွားသည်။

 "အချိန်ကိုက်​လေးပဲ! မဟုတ်​​သေးဘူး... ကျွန်​တော်ပြောချင်တာ.. ကျွန်​တော့ညီနဲ့ ညီမကို ​တွေ့ဖို့ လာတဲ့အချိန်နဲ့ တိုက်ဆိုင်​​နေတယ်လို့... မပူပါနဲ့.. ကျွန်​တော် ကိုယ့်ဘာသာပဲ အ​ပေါ်တက်ပြီး သူတို့ကို သွားရှာလိုက်မယ်"

ထို့​ကြောင့်ပင် အန်တီက လျန့်ကျန်းကို အ​ပေါ်တက်သွားဖို့ ခွင့်ပြုလိုက်ရသည်။

Xxxxx