Volume 1 (သေမျိုးနယ်မြေ ၂၂၄)
Chapter 224 (အင်အားပူးပေါင်းခြင်း)
"ငါ ညကင်းစောင့်လုပ်ဖို့ စိတ်မဝင်စားဘူး" အန်းချင်းယွီက တည်ငြိမ်စွာ ပြောသည်။ "ငါက 'လျှို့ဝှက်ဆန်းကြယ်' ကို ငါ့စိတ်ထဲကအကြောင်းအရာနဲ့ ခွဲခြမ်းစိတ်ဖြာပြီး ကမ္ဘာကြီးရဲ့ စစ်မှန်တဲ့ဘက်ခြမ်းကို ပိုလေ့လာချင်တာ၊ ငါလိုက်ရှာနေတာက အမှန်တရားပဲ။
ငါ ညကင်းစောင့်မှာ ပါဝင်လိုက်ရင် စည်းမျဉ်းအမျိုးမျိုးတွေနဲ့ ချည်နှောင်ခံရမှာ၊ အရူးသိပ္ပံပညာရှင်လို ဒီသတ္တဝါတွေရဲ့ အလောင်းတွေကို ခွဲခြမ်းစိတ်ဖြာခွင့်မပြုဘဲ အဓိပ္ပါယ်မဲ့အရာတွေအတွက် ငါအချိန်အများကြီး ကုန်ဆုံးရလိမ့်မယ်"
အန်းချင်းယွီပြောတာကို နားထောင်ပြီးနောက် လင်ချီးယဲ့ မှင်တက်သွား၏။
အရူးသိပ္ပံပညာရှင်… မင်းမှာ မင်းရပ်တည်ချက်နဲ့ ပတ်သက်ပြီး ရှင်းရှင်းလင်းလင်း အကြံဉာဏ်ရှိတာပဲ။
အန်းချင်းယွီပြောတာမှန်သည်။ သူသည် ညကင်းစောင့်ကို ပါဝင်ခဲ့လျှင် သူ့အဖွဲ့ဝင်များက အရူးအုပ်စုမဟုတ်သရွေ့ မကောင်းဆိုးဝါးစမ်းသပ်မှုများ ပြုလုပ်ရန် သူ့ကို သေချာပေါက် ခွင့်ပြုမည်မဟုတ်ပေ။
ဤသည်မှာ အမှန်တရားကို လိုက်စားသူ အန်းချင်းယွီအတွက် ပြင်းထန်သော ထိုးနှက်ချက်ဖြစ်သည်မှာ သေချာပါသည်။
နန်ထော်မြွေမိစ္ဆာကိစ္စကို သူဖြေရှင်းပြီးချိန်တွင် လင်ချီးယဲ့ကို သူ့အား ညကင်းစောင့်တွင် ပါဝင်ခိုင်းရန် စီစဉ်ပေးဖို့ အကူအညီတောင်းဆိုခဲ့သည်။ ထိုအချိန်တုန်းက သူသည် ညကင်းစောင့်က မည်သို့အဖွဲ့အစည်းဖြစ်သလဲဆိုတာ သူမသိသေးဘဲ တားမြစ်အပျက်အစီး မနိုးထသေးပေ။ သူသည် လျှို့ဝှက်ဆန်းကြယ်များဖြင့် နီးကပ်ချင်ပါက ၎င်းသည် သူ့အတွက် တစ်ခုတည်းသော နည်းလမ်းဖြစ်သည်။
သို့သော် ယခုအချိန်မှာ ကွဲပြားသွားကာ သူ့တွင် ပြီးပြည့်စုံဆုံးစံပြပတ်ဝန်းကျင်ရှိသောကြောင့် ဘာကြောင့် ဒုတိယအကောင်းဆုံးအတွက် သူအခြေချပြီး ညကင်းစောင့်ကို သွားသင့်သနည်း။
လင်ချီးယဲ့သည် သူ့ရှေ့ရှိ အန်းချင်းယွီကိုကြည့်ကာ သက်ပြင်းချလိုက်သည်။
ယခုမေးခွန်းမှာ အန်းချင်းယွီကို သူ ညကင်းစောင့်ထံ လွှဲပြောင်းပေးရမည်လား။
အန်းချင်းယွီသည် တစ်ချိန်က နန်ထော်မြွေမိစ္ဆာကိစ္စကို ဖြေရှင်းရန် သူနှင့်အတူ အလုပ်လုပ်ခဲ့သည်။ သူတို့သည် အချိန်အတော်ကြာအောင် အဆက်အသွယ်မလုပ်ခဲ့သော်လည်း ပင်ကိုယ်ဗီဇအရ အန်းချင်းယွီသည် လူဆိုးမဟုတ်ကြောင်း သူသိသော်လည်း သူလျှောက်လှမ်းသည့်အရာမှာ သာမန်လူများနှင့် မတူပေ။
ထို့အပြင် ပြီးခဲ့သောနှစ်မှာ သူသည် လူ့အဖွဲ့အစည်းလုံခြုံရေးကို အန္တရာယ်ဖြစ်စေမည့် တစ်စုံတစ်ရာ မပြုလုပ်ခဲ့ပေ။ သူ့မြေအောက်ဓာတ်ခွဲခန်းရှိ ကိရိယာများပင် စွန့်ပစ်ထားသောပစ္စည်းများကို သူကောက်ယူခဲ့သည်။ သူသည် 'လျှို့ဝှက်ဆန်းကြယ်' အလောင်းအနည်းငယ်ကို တိတ်တဆိတ် ယူဆောင်သွားသည့်တိုင် သူသည် ကိုယ်ကျင့်တရားရှိပြီး ညကင်းစောင့်အတွက် အလောင်းတစ်ဝက်ကို ချန်ထားခဲ့သည်။
လင်ချီးယဲ့သည် ခဏမျှ တုံ့ဆိုင်းသွားပြီး ထပ်ပြောလိုက်သည်။ "ငါနောက်ထပ်မေးစရာရှိတယ်၊ တရုတ်နှစ်သစ်ကူးတုန်းက ငါ့ကိုစာပို့ခဲ့တာ မင်းလား"
"ငါပဲ" အန်းချင်းယွီက ခေါင်းညိတ်ပြသည်။ "ဒါပေမယ့် အဲဒါက ရိုးရှင်းတဲ့အကူအညီပါ"
"ငါ့အတွက်တော့ အဲဒါက 'ကိတ်မုန့်တစ်ပိုင်း' လို မရိုးရှင်းဘူး" လင်ချီးယဲ့က အသက်ပြင်းပြင်းရှူရင်း "အဲဒီကိစ္စအတွက် ငါမင်းကိုအကြွေးတင်နေတာဆိုတော့ ဒီတစ်ခေါက် ငါပြန်ဆပ်သင့်တယ်"
"မင်းဆိုလိုတာက…"
"ငါမင်းကိုမဖမ်းဘူး၊ ဒါပေမယ့် မင်း လူ့အဖွဲ့အစည်းလုံခြုံရေးကို အန္တရာယ်ဖြစ်စေမယ့်တစ်စုံတစ်ခုလုပ်ရင် မင်းဘယ်လောက်ပဲ ခက်ခက်ခဲခဲ ပုန်းနေပါစေ ငါမင်းကိုရှာမယ်" လင်ချီးယဲ့က မျက်လုံးများကျဉ်းမြောင်းကာ ပြောလိုက်သည်။
အန်းချင်းယွီ၏နှုတ်ခမ်းထောင့်က အနည်းငယ်မြင့်တက်လာပြီး သူ၏ရှက်ရွံ့သောမျက်နှာတွင် ရိုးသားသော အပြုံးတစ်ခု ပေါ်လာသည်။
"ကောင်းပြီ" သူသည် ခေါင်းညိတ်ပြပြီးနောက် တစ်စုံတစ်ခုကို သတိရသွားပုံရပြီး လှည့်လိုက်ကာ စမ်းသပ်စားပွဲဆီသို့ လျှောက်သွားသည် "ငါ့နောက်လိုက်ခဲ့၊ ငါမင်းကိုပြမယ်"
လင်ချီးယဲ့သည် စမ်းသပ်စားပွဲဆီသို့ သူ့နောက်ကနေလိုက်သွားကာ ၎င်းပေါ်တွင် လဲလျောင်းနေသော အလောင်း ၃ လောင်းကို ကြည့်ပြီး မျက်ခုံးကို အနည်းငယ် ပင့်တင်လိုက်သည်။
"မင်း ဒီအလောင်းတွေကို တွေ့ချင်တာကြောင့် ရင်ခွဲရုံကို သွားခဲ့တာလား" အန်းချင်းယွီက မေးသည်။
"ဟုတ်တယ်"
"ကြည့်ဖို့မလိုဘူး၊ သူတို့ရဲ့ သေဆုံးမှုနည်းလမ်းက မှုခင်းဆေးဆရာဝန်ပေးတဲ့ အလောင်းစစ်ဆေးချက် အစီရင်ခံစားနဲ့ လုံးဝကိုက်ညီတယ်" အန်းချင်းယွီသည် သူ့ကုတ်အင်္ကျီဖြူကို ဝတ်ဆင်ပြီး တည်ငြိမ်စွာ ပြောသည်။ "သေစေတဲ့ဒဏ်ရာက ရင်ဘတ်မှာပဲ၊ သံမှိုက နှလုံးကို ဖောက်သွားတာ၊ ဆေးအကြွင်းအကျန်တွေ၊ တိုက်ခိုက်တဲ့လက္ခဏာတွေ မရှိဘူး၊ ခန္ဓာကိုယ်ကို ရိုက်ကပ်ထားတဲ့ သံမှိုလေးချောင်းဆီကနေ ဒဏ်ရာတွေနဲ့ လက်ချောင်းဆယ်ချောင်းပြတ်နေတာကလွဲရင် တခြားဒဏ်ရာတွေမရှိဘူး"
"တစ်နည်းပြောရရင် ဒီအလောင်းသုံးလောင်းနဲ့ပတ်သက်ပြီူ ထူးခြားတာဘာမှမရှိဘူးပေါ့" လင်ချီးယဲ့က အနည်းငယ် မျက်မှောင်ကြုတ်လိုက်သည်။
"မင်းပြောချင်တာက အရက်ဆိုင်ထဲမှာ အလောင်းနဲ့ ပတ်သက်ပြီး မူမမှန်တာတစ်ခုခုရှိနေတယ်လို့ ထင်နေတာမလား" အန်းချင်းယွီ၏မျက်လုံးများ တောက်ပလာသည်။
"အလောင်းကို ရှာတွေ့ပြီးတာနဲ့ အဲဒီအမှုတွေကို အထူးပြုကိုင်တွယ်တဲ့ ညကင်းစောင့်ဌာနဆီ ပို့လိုက်တယ်၊ ငါက ငါ့မျက်စိနဲ့ကိုယ်တိုင်မတွေ့ရသလို ငါကိုယ်တိုင် အလောင်းခွဲစိတ်ခဲ့တာမဟုတ်ဘူး…"
"မဟုတ်ဘူး၊ ငါလည်း ဒီအလောင်းကို မတွေ့ရသေးဘူး" လင်ချီးယဲ့သည် ခေါင်းခါပြပြီး "မနက်ဖြန်အထိ ငါတွေ့လို့မရသေးဘူး၊ ဒါပေမယ့် အခင်းဖြစ်ရာဓာတ်ပုံတွေအရ ထူးဆန်းတဲ့အရာတွေကို ငါတွေ့ခဲ့တယ်"
"ထူးဆန်းတဲ့အရာတွေလား" အန်းချင်းယွီသည် သူ့မျက်လုံးများကို အနည်းငယ် ကျဉ်းမြောင်းလိုက်သည်။ "ဥပမာ… သွေးထွက်ပမာဏလား"
လင်ချီးယဲ့ အံ့အားသင့်သွားသည်။ "မင်းလည်း သတိထားမိတာလား"
အန်းချင်းယွီ၏ကျွမ်းကျင်မှုဖြင့် ရှောင်ဟေးရှာမတွေ့စေဘဲ အရက်ဆိုင်ထဲသို့ ဝင်ရန် မခက်ခဲသောကြောင့် သူသည် သူ့ကိုယ်ပိုင်မျက်စိဖြင့် အခင်းဖြစ်ရာကို မြင်ခဲ့ပြီး ဗီဒီယိုကိုပင် ကြည့်ခဲ့မည်ဟု လင်ချီးယဲ့သံသယမရှိပေ။
အန်းချင်းယွီသည် သူ့ကို အဓိပ္ပါယ်ပါပါကြည့်ကာ လှည့်ပြီး တခြားဖက်သို့ လျှောက်သွားသည်။ "ငါ့နောက်လိုက်ခဲ့"
လင်ချီးယဲ့သည် ပွင့်လင်းသောနေရာတစ်ခုဆီသို့ သူ့နောက်ကနေလိုက်သွားခဲ့သည်။ ပွင့်လင်းသောနေရာတစ်ဖက်တွင် နံရံတစ်ခုပေါ်မှာ အဖြူရောင်မြေဖြူခဲဖြင့် ရေးဆွဲထားသော လူပုံသဏ္ဌာန်ရှိသည်။ အနေအထားက အခင်းဖြစ်ပွားရာနေရာက တစ်ခုနှင့်နီးပါးတူသည်။
နံရံပေါ်ရှိ လူရုပ်သွင်၏ လက်ဆယ်ချောင်းပေါ်တွင် နီမြန်းသော သွေးစွန်းကွက်များ ရှိနေသည်။
"ငါလည်း အခင်းဖြစ်ပွားရာမှာ သွေးနည်းနည်း လျော့နေတာကိုလည်း တွေ့ခဲ့တယ်၊ ဒါကြောင့် မှုခင်းဖြစ်ပွားတဲ့အချိန်က အခင်းဖြစ်ပွားရာနေရာကို အတုယူလိုက်တယ်၊ ငါ့ဘယ်ဘက်လက်ခုပ်က သွေးထွက်ပမာဏနဲ့ ငါ့ညာဘက်လက်ခုပ်က သွေးထွက်ပမာဏကို ဓာတ်ပုံထဲက သွေးစွန်းကွက်တွေအတိုင်း အတုယူခဲ့တယ်"
အန်းချင်းယွီသည် သူ့ဘေးရှိ စားပွဲမှ ခွက်နှစ်လုံးကို ကောက်ယူလိုက်သည်။ ဘယ်ဘက်လက်က ခွက်၏ အမြင့်မှာ ညာဘက်လက်က ခွက်ထက် သိသာစွာပို၍မြင့်ပြီး အရည်စုစုပေါင်းမှာ သုံးဆနီးပါး ပိုများနေသည်။
"ခဏနေပါဦး" လင်ချီးယဲ့က အန်းချင်းယွီကို ကြားဖြတ်လိုက်သည်။ "မင်းက မှုခင်းဖြစ်ပွားတဲ့အချိန်က သွေးထွက်ပမာဏကို အတုယူခဲ့တာလား၊ မင်းဘယ်လိုအတုယူခဲ့တာလဲ"
အန်းချင်းယွီသည် လင်ချီးယဲ့၏မျက်လုံးများကို ကြည့်ပြီး စကားတစ်ခွန်းမှ မပြောဘဲ ပြုံးလိုက်သည်။
"မင်း... မင်းရဲ့လက်ချောင်းတွေကို ဖြတ်လိုက်တာလား" လင်ချီးယဲ့သည် မျက်မှောင်ကြုတ်ကာ မေးလိုက်သည်။
"ငါ့မှာ ပုတ်သင်ရဲ့ အရမ်းလျင်မြန်တဲ့ပြန်လည်အသစ်ဖြစ်ခြင်းစွမ်းရည် ရှိပါတယ်၊ ငါလိုချင်သလောက် လက်ချောင်းပြတ်တွေကို ပြန်လည်အသစ်ဖြစ်ဖို့က မခက်ပါဘူး" အန်းချင်းယွီက တည်ငြိမ်စွာ ပြောခဲ့သည်။
လင်ချီးယဲ့: "…"
သူ့ရှေ့က ကောင်လေးက သေချာပေါက် အရူးတစ်ယောက်ပဲ။
"ဒီအလောင်းမှာ သွေးထွက်နှုန်းက သာမန်လူတစ်ယောက်ထက် အများကြီး လျော့နည်းသွားတာ တွေ့ရတယ်"
လင်ချီးယဲ့သည် ခေါင်းငုံ့ပြီး ခဏလောက်စဉ်းစားလိုက်သည်။ "ဒါဆို ဘာကိုဆိုလိုတာလဲ၊ ဒါက ပထမဆုံးမှုခင်းဖြစ်ပွားရာနေရာ မဟုတ်ဘူးလား၊ မဖြစ်နိုင်ဘူး၊ ဗီဒီယိုက ဖြစ်စဉ်တစ်ခုလုံးကို ရှင်းရှင်းလင်းလင်း မှတ်တမ်းတင်ထားပါတယ်၊ အဲဒီ 'လျှို့ဝှက်ဆန်းကြယ်' က သွေးဆာတဲ့အကျင့်စရိုက်များ ရှိနေတာလား၊ ဒါမှမဟုတ်… လက်ချောင်းတွေကို ဖြတ်ဖို့ အသုံးပြုတဲ့ ကိရိယာက သွေးစီးဆင်းမှုကို ပိတ်ဆို့စေတာလား"
"ဒါတစ်ခုတည်းကြောင့် ငါတို့ ကောက်ချက်မချနိုင်ဘူး" အန်းချင်းယွီသည် ခေါင်းခါပြီး လေးနက်စွာ ပြောလိုက်သည်။ "ငါ အရက်ဆိုင်ထဲက အလောင်းကို ကြည့်ရလိမ့်မယ်"
"မင်းဝင်လို့မရဘူးလေ"
"မင်းငါ့ကို ခေါ်သွားလို့ရတယ်လေ"
လင်ချီးယဲ့သည် ထိုစကားကိုကြားသောအခါ အနည်းငယ် မျက်မှောင်ကြုတ်သွားသည်။ အန်းချင်းယွီ၏အမူအရာသည် စနောက်နေမှန်းမဟုတ်ကြောင်း အတည်ပြုပြီးနောက်တွင် သူက ခေါင်းခါပြီး ပြောလိုက်သည်။ "ငါမင်းကိုမဖမ်းတာပဲ ကောင်းနေပြီ၊ ငါမင်းကို အထဲမခေါ်ဘူး"
"ငါမင်းကို အကူအညီတစ်ခု အကြွေးတင်နေတယ်လို့ မှတ်ယူလိုက်လေ"
"…မင်းရဲ့အကူအညီက ဘာအသုံးဝင်လို့လဲ"
"ငါမသိဘူး၊ ဒါပေမယ့် အဲဒါက အသုံးဝင်မှာပါ" အန်းချင်းယွီက ယုံကြည်မှုရှိစွာ ပြောသည်။ "ဒါ့အပြင် ငါ့အကူအညီနဲ့ မင်း ဒီအမှုကို မြန်မြန်ဖြေရှင်းနိုင်တယ်၊ မင်းကလည်း အရမ်းဉာဏ်ကောင်းတယ်ဆိုပေမယ့် ငါ့ထက် နည်းနည်းနိမ့်ကျပါသေးတယ်"
လင်ချီးယဲ့သည် ခေါင်းကို တင်းတင်းလှည့်လိုက်ပြီး အန်းချင်းယွီ၏ မျက်လုံးများကို စိုက်ကြည့်နေသည်။
အန်းချင်းယွီသည် နှစ်ကြိမ်ချောင်းဟန့်ပြီး ပြောလိုက်သည်။ "ငါဆိုလိုတာက အလောင်းတွေနဲ့ ပတ်သက်ရင် မင်းထက်ငါပိုတော်တယ်လို့"
"ဒီအမှုကို ဖြေရှင်းဖို့ မင်းဘာလို့ စိတ်အားထက်သန်နေတာလဲ" လင်ချီးယဲ့က မေးလိုက်သည်။
"ဒီလိုအမှုတွဲကို ပြုလုပ်ခဲ့တဲ့ အဲဒီ 'အရာ' က အရမ်းဉာဏ်ကောင်းတယ်လို့ ငါခံစားရတယ်" အန်းချင်းယွီသည် သူ့နှုတ်ခမ်းကို သပ်လိုက်၏။ "လျှို့ဝှက်ဆန်းကြယ်က ပိုရှုပ်ထွေးလေလေ ငါပိုပြီးဖြေရှင်းလေလေပဲ၊ နောက်ဆုံးအကြိမ် လျှို့ဝှက်ချက်ကို ပုံဖော်ဖို့ ပြင်းပြင်းထန်ထန် တွန်းအားပေးခဲ့တဲ့ အချိန်က နန်ထော်မြွေမိစ္ဆာနဲ့ ရင်ဆိုင်ရတဲ့အချိန်ပဲ။
အမှောင်မြေအောက်ခန်းထဲမှာ အလောင်းတွေကို အချိန်အတော်ကြာ ခွဲစိတ်ပြီးနောက် ငါ့အရသာကို ပြောင်းလဲချင်ခဲ့တာ"
လင်ချီးယဲ့သည် တိတ်တဆိတ် မျက်ဆန်လှန်လိုက်၏။ "ပုံမှန်မဟုတ်တဲ့လူ"
TK Team (Chapter 224)
