Chapter 152

🐯Chapter 152

ယမန်နေ့ညက [ငါ့ရဲ့မီးရှူးမီးပန်း] ဟူသော ဘ​လော့ပို့စ်က ကြယ်တာရာကွန်ယက်ကြီးတစ်ခုလုံးကို ရပ်တန့်လုနီးပါးဖြစ်စေခဲ့သည်။ ၎င်းကို ပြင်ဆင်ထိန်းသိမ်းရန်အတွက် အင်အားသောင်းချီနေသော ပရိုဂရမ်မာများက ညဉ့်နက်သည်အထိ အချိန်ပိုဆင်းခဲ့ကြရသည်။

ထို့အပြင် ၎င်းမှ ယူ​ဆောင်လာ​သော ကြီးမားလှသည့်လှုပ်ခတ်မှုက ဆက်လက်ဖြစ်​ပေါ်လျက်ရှိ၏။ ထိပ်ဆုံးမှအောက်ခြေထိ၊ အစိုးရအဖွဲ့ဝင်များမှ သာမန်ပြည်သူများအထိ များစွာသောလူများက တစ်ညလုံးမအိပ်ဘဲနှင့် အတင်းအဖျင်းပြောနေခဲ့ကြသည်။ နောက်တစ်နေ့မနက် လူများက သက်ဆိုင်ရာကျောင်း သို့မဟုတ် လုပ်ငန်းခွင်သို့ သွားသည့်အချိန်တွင်လည်း ပတ်ဝန်းကျင်ရှိလူတိုင်းနီးပါးက ဤအကြောင်းအရာကိုသာ ဆွေးနွေးပြောဆို​နေကြသည်။

တော်ဝင်မိသားစုက အမြဲတမ်း အာရုံစိုက်ခံရစမြဲပင်။

ထို့ပြင် ရှို့ဟန်က တော်ဝင်မိသားစုတွင် အမှီခိုအကင်းဆုံးသူ ဖြစ်၏။ 'စိတ်ဝိညာဥ်စွမ်းအားကိုသာ မှီခိုလွန်းသူများ' ဖြစ်ပြီး အမှန်တကယ် အာဏာမရှိသည့် ယခင်ပဒေသရာဇ်ဧကရာဇ်များနှင့်မတူဘဲ ရှို့ဟန်တွင် အမှန်တကယ်အာဏာရှိ​ပေ၏။ သူက နိုင်ငံရေးကိစ္စများတွင် ပါဝင်ဆောင်ရွက်ကာ စစ်တပ်တစ်ခုလုံးကိုလည်း ချုပ်ကိုင်ထားနိုင်​ပေသည်။ ထို့အပြင် တော်ဝင်လက်ထပ်ထိမ်းမြားခြင်း စနစ်ဆိုသည်မှာ တော်ဝင်မိသားစုဝင်အားလုံးက ဘဝတစ်သက်တာလုံးအတွက် လက်တွဲဖော်တစ်ဦးတည်းသာ ရှိရမည်ဖြစ်ပြီး အရာအားလုံးကို သူတို့၏လက်တွဲဖော်များနှင့် အတူဝေမျှရမည်ဟု ဆိုလို​ပေသည်။ ထိုအချက်က တော်ဝင်မိသားစုဝင်အ​တော်များများ တစ်ယောက်တည်းနေရန် ရွေးချယ်ရသည့် အကြောင်းပြချက်များထဲမှ တစ်ချက်ပင်ဖြစ်၏။ တော်ဝင်မိသားစုဝင်အများအပြားက လက်ထပ်ထိမ်းမြားရန် အစိုးရအဖွဲ့၏ အတင်းအကြပ် ဖိအားပေးခြင်းကို ခံခဲ့ကြရသည်။

ဧကရာဇ်ရဲ့လက်တွဲဖော်ကဘယ်ကလဲ... ဘယ်မျိုးနွယ်ကလဲ... ဘယ်လိုဥပဓိရုပ်မျိုးလဲ... အချစ်စစ်လား ဒါမှမဟုတ် အကျိုးစီးပွားကြောင့် လက်ထပ်ချင်တာလား...

ထိုအရာများအားလုံးက အနာဂတ်၌ လူအားလုံး၏ဘဝများနှင့် အခြေအနေအားလုံးပေါ်တွင် သိသာအရေးပါသည့် အကျိုးသက်ရောက်မှုတစ်ခု ဖြစ်​ပေါ်​ကောင်းဖြစ်​ပေါ်နိုင်သည်။

သမိုင်းဝင်ပြောင်းလဲခြင်း လမ်းဆုံ​ပေါ်တွင် ရပ်နေရသောခံစားချက်မျိုး လူတိုင်း ခံစားခဲ့ရသည်။

ယမန်နေ့ညမှစပြီး ယနေ့ထိ အင်တာနက်သုံးစွဲသူများက မကြာသေးမီ သုံးနှစ်အတွင်းက ရှို့ဟန်နှင့်ပတ်သက်‌သော တရားဝင်သတင်းအချက်အလက် အနည်းငယ်ကို ဓာတ်ပုံထဲမှလူငယ်နှင့်ပတ်သက်သည့် အချက်အလက်များ ပါဝင်​နေငြား ရှာဖွေခဲ့ကြသည်။ 

"ဘုရား​ရေ... မနေ့ညက ဘလော့ပို့စ်ကို ဖတ်ခဲ့​သေးလား…ဧကရာဇ်ရဲ့အကောင့် အဟက်ခံရ..."

"သေချာ​ပေါက် မဟုတ်ဘူး​ပေါ့… ဧကရာဇ်မင်းမြတ်ရဲ့အ​ကောင့်ကို ဘယ်သူက ဟက်ရဲမှာလဲ… ပြီးတော့ မနေ့ညက ကြယ်တာရာမြို့တော်မှာ တုန့်ပြန်‌တဲ့အနေနဲ့ မီးရှူးမီးပန်းတွေ ပစ်လွှတ်ခဲ့​သေးတယ်… အဲဒီအကြောင်းကို တွေးလိုက်မယ်ဆိုရင် နည်းနည်းတော့ရင်ခုန်စရာကောင်းတယ်..."

"ဘလော့ပို့စ်​တွေနဲ့ ဓာတ်ပုံ​တွေကို တမင်သက်သက်မြင်လာအောင် လုပ်ပေး​နေတာလို့ ခံစားရတယ်… ဒါက အရှင်မင်းမြတ်ရဲ့ပုံစံနဲ့ လုံးဝကိုကွာခြားနားနေတယ်လေ…"

စင်ဒရဲလားပုံပြင်ပုံစံက အထက်တန်းကျောင်းသူများကြားတွင် ကျော်ကြားပြီး လက်ခံနိုင်ဆုံးသောပုံစံဖြစ်သည်။ ထို့အပြင် သခင်ငယ်လေး၏ ဆယ်ကျော်သက်အရွယ် ရူးမိုက်ပြီးခါးသီးသည့်အချစ်က အမှန်တကယ်ဖြစ်လာပြီဟု ယုံကြည်သူများလည်းရှိ၏။ မြှားတစ်စင်းမှ မြှားနှစ်စင်းအဖြစ်သို့ ပြောင်းလဲသွားပြီး အတုအယောင်အချစ်မှ အချစ်စစ်အချစ်မှန်အဖြစ်သို့ စတင်ပြောင်းလဲလာခဲ့သည်။

"....."

သို့​သော် မည်သို့ပင်ဆို​စေကာမူ လူငယ်အချို့သာ ပုံပြင်နဲ့ပတ်သက်ပြီး စိတ်ကူးယဉ်နေခဲ့ကြ​သော်လည်း လူအများစုက ကျိုးကြောင်းဆက်စပ်ပြီး တွေးခေါ်ခဲ့ကြသည်။

အချစ်ပုံပြင်တဲ့လား... 

တော်ဝင်မျိုးနွယ်များက မချစ်တတ်ကြ‌ပေ။

ရှို့ဟန်၏အဖေမှစပြီး လွန်ခဲ့သည့် ၁၀ ဆက်မြောက်မျိုးဆက် ဧကရာဇ်များနှင့် သူတို့၏လက်တွဲဖော်များကလက်ထပ်ပြီးနောက်မှာပင် အတူရှိမ​နေကြပေ။ အဘယ်​ကြောင့်ဆို​သော် အချစ်စိတ် ကင်းမဲ့မှုကြောင့်ပင်ဖြစ်၏။ သို့​သော် မတုန်မလှုပ် အေးစက်စက်ပုံစံနှင့် စိတ်တိုလွယ်သော ရှို့ဟန်၏စရိုက်ကြောင့် ထိုအရာက ပို၍ပင် မဖြစ်နိုင်​သေး​ပေ။

"အဲဒါက အချက်ပြမှုတစ်ခုသာသာပဲ… အဲဒီပုဂ္ဂိုလ်က တစ်ယောက်ယောက်ကို တကယ် ချစ်လိမ့်မယ်လို့ မင်းက ထင်​နေတာလား…အရမ်းရိုးရှင်းလွန်းနေတယ် မဟုတ်ဘူးလား…"

"အဲဒါက အစိုးရအဖွဲ့နဲ့ အပေးအယူလုပ်‌ထားတဲ့ သဘောတူညီချက်တစ်ခုပဲဖြစ်ရမယ်… အစိုးရအဖွဲ့က လက်ထပ်ဖို့ အရင်ကတည်းက တိုက်တွန်းခဲ့တာမဟုတ်လား… နိုင်ငံရေးအခြေအနေအရ ကြီးမားတဲ့အရွေ့​တွေ ပြုလုပ်ဖို့လိုအပ်တာလည်းဖြစ်နိုင်တယ်… ဘုရင်မင်းမြတ်က အစိုးအဖွဲ့ရဲ့လက်အောက်ခံအဖြစ် ကျရောက်သွားလိမ့်မယ်လို့ ငါ မမျှော်လင့်ထားခဲ့ဘူး... ဘာတွေဖြစ်​နေတာလဲ... နောက်ထပ်စစ်ပွဲ ဖြစ်လာ​တော့မှာလား…"

"ဒီပို့စ်က တော်တော်​လေး သဘောကျစရာတော့ ကောင်းပါတယ်… ပုံ​လေး​တွေနဲ့ဆို​တော့ ပိုကောင်းတာ​ပေါ့… ဒီအ​ကြောင်းကိုပို့စ်တင်ဖို့ အတွင်း‌ရေးမှူး အချိန်တော်တော်ကြာ​အောင် စဉ်းစားလိုက်ရမယ်လို့ ငါ ထင်တယ် ဟားဟားဟား…"

"ငါလည်း အဲလိုပဲထင်တယ်… ဒါက အရာအားလုံးကို အတွင်းရေးမှူးဆီ တိုက်ရိုက်လက်လွှဲပေးထားတယ်ဆိုတဲ့ ပရိယာယ် တစ်ခုပဲဖြစ်ရမယ်… တရားဝင်ကြေငြာတာပဲဖြစ်ဖြစ် ဒါမှမဟုတ် မီးရှူးမီးပန်းပဲဖြစ်ဖြစ်...ဧကရာဇ်မင်းမြတ်မှာ အချိန်ပို‌ရှိနေလိမ့်မယ်လို့ ငါတော့မထင်ဘူး…"

"အင်း...ဘာပဲဖြစ်ဖြစ် အားလုံးအဆင်ပြေပါစေလို့ မျှော်လင့်တယ်…"

"....."

အင်တာနက်ပေါ်မှ ရေပန်းစားနေသော ဆွေးနွေးမှုများက တကယ့်လက်တွေ့ဘဝနှင့် ကွဲပြားခြားနား​ပေ၏။

ပြင်းထန်သော နိုင်ငံရေးမတည်ငြိမ်မှု၏ အလယ်တွင်ရှိနေသော ကုယွီမြန်နှင့်ရှို့ဟန်တို့နှစ်ဦးက ချစ်သူဖြစ်ပြီးနောက် သူတို့၏ပထမဆုံးနံနက်ခင်းကို အတူတူကုန်ဆုံးနေခဲ့ကြသည်။

ဤနံနက်ခင်းက အလွန်တည်ငြိမ်ပြီး အေးချမ်းနေခဲ့၏။

အင်း...လုံးဝ​တော့ မဟုတ်​ဘူးပေါ့...

ရှို့ဟန်: "မင်း ကိုယ့်ကို စီးချင်လား"

ကုယွီမြန် ခွန်းတုံ့မပြန်နိုင်မီဆွံ့အသွားရ၏။

"ဟင့်အင်း…"

ငါ ဒီမြေခွေးကို ဘယ်လိုများ သွေးဆောင်ဖြားယောင်းမိသွားတာလဲ...

ကုယွီမြန်က သူ အမှားလုပ်ခဲ့မိလားဟု အမှန်တကယ်ပင် တွေး​တောနေခဲ့သည်။ မည်သို့ပင်ဆို​စေကာမူ ရှို့ဟန်က သူ၏ချစ်စရာကောင်းမှုကို ကုယွီမြန် အာရုံစိုက်စေရန် သူ့ဝမ်းဗိုက်၊ လက်သည်းများနှင့် ကြောင်လေးတစ်​ကောင်ကဲ့သို့ ဖြူဖွေးပြီးနူးညံ့သော နှင်းကျားသစ်ငယ်လေး၏ပုံစံကို ထုတ်ပြလေ့ရှိသည်။ 

ဒါက ဘယ်လိုလုပ် ဖြစ်နိုင်မှာလဲ... သူပြောတဲ့ 'စီးတယ်' ဆိုတာက မနေ့ညက သူ့အ​ပေါ် လိုက်စီးတာကို ရည်ညွှန်းတာဖြစ်နိုင်​လောက်လား...

သို့​သော် သူ​ပြောသည့်ပုံမှာ ထိုသို့မဖြစ်နိုင်င်​ပေ။

ရှို့ဟန်က မေးခွန်းထုတ်သော အကြည့်များဖြင့် ကြည့်နေခဲ့သည်။ သူက အနည်းငယ်စိတ်ရှုပ်ထွေးစွာဖြင့် 'မင်းမှာ လူကြီးတစ်​ယောက်ရဲ့ စိတ်ဆန္ဒလိုအပ်မှု​တွေ မရှိဘူးလား' ဟူသောအကြည့်ဖြင့် ကုယွီမြန်အားကြည့်​နေခဲ့သည်။

သူ့မျက်လုံးများထဲရှိ ဆိုလိုသည့်အရာမှာ ပုံမှန်လူငယ်တစ်ယောက်တွင် ရှိသည့်ဆန္ဒတစ်ခုပင်ဖြစ်၏။

ထိုအရာက…

အလွန်ရှင်းလင်းလွန်း​ပေ၏။

ကုယွီမြန်ကို ကြည့်ချိန်တွင် ​အေး​အေးစက်စက် ဖြစ်မ​နေ​သော ခဲပြာရောင်မျက်လုံးဖျော့ဖျော့များက ​မှေးစင်းနေခဲ့သည်။ မျက်လုံးများက ကုယွီမြန်၏နှုတ်ခမ်းမှ လည်စလုတ်၊ ထို့​နောက် ပုခုံးများနှင့် လည်ပင်းမှတစ်ဆင့် သူ၏ရှပ်အင်္ကျီကော်လံမှ ခါးနေရာသို့ တဖြည်းဖြည်း ရွေ့လျားသွားခဲ့သည်။ ထိုအကြည့်က ကုယွီမြန်ကို သူ၏ဆံဖျားမှ လက်ချောင်းထိပ်များအထိ အနမ်းခံလိုက်ရသလို အတွေးမျိုးခံစားရအောင် ပြုလုပ်နိုင်စွမ်းရှိ၏။

သူက ခက်ထန်သော တိရစ္ဆာန်တစ်ကောင်ဖြစ်ပြီး ကုယွီမြန်ကို မွေ့ယာဆီသို့ အမှန်တကယ် တွန်းလှဲပစ်ချင်နေခဲ့သည်။

"....."

ရှို့ဟန် သူ့လက်ကိုဆန့်ထုတ်ကာ ကုယွီမြန်၏ပုခုံးကို ဆုပ်ကိုင်လိုက်သည်။

"ကြိုးစားကြည့်ရအောင်…"

သူတို့ ယမန်နေ့ညက ပြန်ရောက်ချိန်တွင် အလွန်မောပန်း​နေပြီး အချိန်လည်း အလွန်နောက်ကျ​နေပြီဖြစ်၏။ ရှို့ဟန်က တစ်လလုံးလုံးမအိပ်ဘဲ နေနိုင်​သော်လည်း ကုယွီမြန်က အားအင်ကုန်ခမ်းနေသည်မှာ သိသာလှပေသည်။ ထို့​ကြောင့် ရှို့ဟန် အနည်းငယ် စိတ်အလိုမကျသော်လည်း နောက်ဆုံးတွင် ကုယွီမြန်ကို အိပ်ခွင့်ပြုလိုက်သည်။

ယမန်နေ့ညတွင် ရှို့ဟန်က သူ့စစ်ဝတ်စုံကုတ်အင်္ကျီကိုချွတ်လိုက်ပြီး ကုယွီမြန်ရှာပေးထားသော တီရှပ်ကို ဝတ်ဆင်ကာ အိပ်ရာဝင်ခဲ့သည်။ သူ အိမ်၌ရှိနေရသလိုပင်။ ထိုအချိန်မှာပင် ​သူ့​ဘေး၌ဝင်လှဲလျောင်းကာ ကုယွီမြန်ဆီသို့ လက်ကိုဆန့်ထုတ်လိုက်သည်။ ကုယွီမြန် အိပ်မောကျသွားချိန်တွင် ရှို့ဟန်၏တီရှပ်ကို အမှတ်တမဲ့ဖြင့် ဝမ်းဗိုက်အ​ပေါ်သို့ လှန်တင်မိသွား၍ ထင်ရှားသန်မာသော ဝမ်းဗိုက်ကြွက်သားများ ပေါ်ထွက်လာခဲ့သည်။

သူ ကုယွီမြန်ကို အလွန်စိတ်အားထက်သန်စွာ ကြည့်နေခဲ့သည်။

'ဧကရာဇ်မင်းမြတ်က အလွန်အေးစက်‌သည်' ဟု အလောင်းအစား ပြုလုပ်ထားကြသည့် အွန်လိုင်းအသုံးပြုသူများက ရှို့ဟန်၏ဘဝတွင် ထိုကဲ့သို့သော အမူအရာနှင့်အကြည့်များ ရှိလိမ့်မည်ဟု ဘယ်သောအခါမှ ခန့်မှန်းမိကြလိမ့်မည် မဟုတ်ပေ။

လိင်တူခန္ဓာကိုယ်၏ သွေးဆောင်ဖြားယောင်ခြင်းကို ခံရလိမ့်မည်ဟု ကုယွီမြန် မည်သို့သောအခါကမှ မတွေးမိခဲ့ပေ။

သို့သော် မည်သို့ပင်ဆိုစေကာမူ ကုယွီမြန် သူ့ကိုချစ်မြတ်နိုးပေသည်။ ရှို့ဟန်က သူ၏ အချစ်ဦးပင်ဖြစ်၏။

"....." ကုယွီမြန် ရှက်စိတ်ကြောင့် နားရွက်များ နီမြန်းလာခြင်းကို မတားဆီးနိုင်ခဲ့​ပေ။ သူ၏နှာခေါင်းထိပ်မှာလည်း ချွေးစ​လေးများ အနည်းငယ် ထွက်လာခဲ့ပြီး သူ့ကျောပြင်သည်လည်း သစ်ပင်တစ်ပင်အ​ပေါ် မှီထားလျက်ရှိ​သော်လည်း "ဟင့်အင်း" ဟုပြောရန် ကြိုးစားခဲ့သည်။

ကုယွီမြန်က ရှေးရိုးဆန်ပြီး သမားရိုးကျဖြစ်သောအချစ်တစ်ခုကို တစ်ဆင့်ပြီးတစ်ဆင့် ရရှိရန် စိတ်အားထက်သန်ခဲ့သည်။

သူတို့က လက်မထပ်​သေးဘဲ အတူနေထိုင်ခဲ့ကြသော်လည်း အရာအားလုံးက သာမန်ခံစားမှုအတိုင်း သွားသင့်​ပေသည်ဟု သူထင်သည်။

( ဒါက ရှို့ဟန် နှင်းကျားသစ်လေးအဖြစ်နဲ့ သူနဲ့တူတူ အကြာကြီးနေခဲ့တဲ့အချိန်တွေကို ပြောချင်တာပါ )

နှစ်လခန့်သုံးလခန့်အထိ ချိန်း​တွေ့ကြပြီး လက်ကိုင်ခြင်း၊ ဖက်ခြင်း၊ နမ်းခြင်း၊ မိဘများ သို့မဟုတ် မိသားစုဝင်များနှင့် ​တွေ့ဆုံခြင်းတို့ ပြုလုပ်ပြီး ထို့​နောက်တွင်မှ ပို၍နီးစပ်​သောဆက်ဆံရေးကို တည်ဆောက်ကာ အတူတူနေထိုင်ပြီး လက်ထပ်မှသာ ပိုပြီး​ကောင်းမွန်​ပေလိမ့်မည်။

သို့​သော် ရှို့ဟန်၏ပုံစံနှင့်နှုန်းက သူနှင့်အလွန်ကို ကွဲပြားခြားနား​နေသည်။ ထိုအရာက အခြေခံကျ​သောအချက်ပင်။သူက ဆိုးရွားလှသော အဆင့်များဖြင့် စာမကြိုးစားသူတစ်ယောက်ဖြစ်​သော်လည်း တစ်နည်းနည်းဖြင့် တစ်ကြိမ်ပြီးတစ်ကြိမ် တစ်တန်းပြီးတစ်တန်း တက်လာခဲ့သူနှင့် တူညီ​နေ​ပေ၏။

ထိုအချိန်တွင် ရှို့ဟန် မျက်ခုံးများပင့်လိုက်ပြီး ကုယွီမြန်၏လက်ကိုကိုင်ကာ လက်ဖဝါးကိုနမ်းလိုက်ပြီးနောက် လက်ချောင်း​လေးများကို လက်ဖြင့်ပွတ်နေခဲ့သည်။ ရှို့ဟန်က သူ၏လက်ချောင်းများ အထူးသဖြင့် လက်သူကြွယ်ကို ကြိုက်နှစ်သက်ပုံရသည်။

ရှို့ဟန်က သူ့လက်သူကြွယ်၏ ပတ်လည်အကွာအဝေးကို တိုင်းတာနေပုံရပြီး လက်စွပ်၏အရွယ်အစားကို ကြိုးစာတွက်ချက်နေပုံပင်။

"....." 

ကုယွီမြန် အနည်းငယ် ထိတ်လန့်တုန်လှုပ်သွားခဲ့ပြီး သူ၏နှလုံးခုန်သံများလည်း ပို၍မြန်လာခဲ့သည်။

သစ်ပင်အတွင်းမှနေ၍ သေးငယ်သောပြတင်းပေါက်လေးတစ်ခုကို ဖွင့်ထားခဲ့ပြီး နံနက်စောစော အလင်းရောင်လေးက အတွင်းထဲသို့ နူးညံ့စွာ​တောက်ပ​နေ၏။ ပြတင်းပေါက်အပြင်ဘက်တွင် ကောင်းကင်ကြီးက ထိန်လင်းစပြုလာ​ပေပြီ။

ရှို့ဟန်က ကုယွီမြန်ကို သူ့လက်မောင်းများဖြင့် အလွယ်တကူ သိုင်းဖက်လိုက်ပြီး သူ့ဆံပင်အဖျားလေးများ၊ နှုတ်ခမ်းနှင့်မျက်လုံးများကို နမ်းပြီး​နောက် သူတို့နှစ်ဦးလုံး အသက်ရှူမဝ​တော့သည်အထိ နက်ရှိုင်းသော အနမ်းတစ်ပွင့်ကို ဖလှယ်ခဲ့ကြသည်။

အခန်းအပူချိန်သည်လည်း အနည်းငယ် မြင့်တက်လာ​ပေသည်။

အစပိုင်း သူတို့သွားများအချင်းချင်း ထိမိသွားချိန်တွင် မည်သို့နမ်းရမည်ကို  နားမလည်ခဲ့​သော်လည်း ယခုအခါ သူတို့နှစ်ဦးလုံးမှာ လုံးဝကို ကျွမ်းကျင်​နေခဲ့ကြ​ပေပြီ။

ကုယွီမြန် လူနှစ်​ယောက် တစ်​ယောက်နှင့်တစ်​ယောက် ခွဲခွာရလိမ့်မည့်အ​ကြောင်းကို မည်သည့်အခါကမှ မတွေးခဲ့ပေ။ မည်သို့ပင်ဆို​စေကာမူ မည်သည့်နည်းနှင့်ပင်ဖြစ်‌စေ အချစ်က အလွန်ပြောင်းလဲလွယ်သောအရာဖြစ်နေဆဲပင်။ အထူးသဖြင့် သူတို့တွင် မိသားစုတစ်ခု ရှိနေချိန်တွင်ဖြစ်၏။ ထိုအချိန်၌ သူတို့၏အချစ်သာ ပြိုလဲပျက်စီးသွားမည်ဆိုလျှင် ထိုမိသားစုသည်ပင် ဘာမှလုပ်နိုင်လိမ့်မည် မဟုတ်​ပေ။ သို့​သော် ထိုအချိန်မှာပဲဖြစ်ဖြစ် သို့မဟုတ် အခုပဲဖြစ်ဖြစ် ကိစ္စမရှိ​ပေ။ ကုယွီမြန်တွင် ထိုကဲ့သို့စိတ်ပူပန်ခြင်းမျိုး ဘယ်တုန်းကမှမရှိခဲ့ပေ။ ရယူခြင်း၊ ဆုံးရှုံးခြင်းနှင့်ပတ်သက်၍ စိုးရိမ်မှုမရှိခဲ့သလို ချည်နှောင်ခံထားရခြင်းလည်း မရှိပေ။

အဘယ်​ကြောင့်ဆို​သော် ထိုလူက ရှို့ဟန် ဖြစ်နေ​သော​ကြောင့်ပင်။

ရှို့ဟန်က ထိုကဲ့သို့​သောလူမျိုးပင်ဖြစ်၏။ သူက ကမ္ဘာကြီးနှင့်ပတ်သက်၍ မည်သည့်စိတ်ကူးမှရှိမနေဘဲ သူ၏သည်းခံစိတ်ရှည်မှုသည်လည်း သုညအခြေအနေမှာပင်ဖြစ်သည်။ သူက မည်ကဲ့သို့ချစ်မြတ်နိုးရမည်ကို သင်ယူချင်ခဲ့ပြီး မှားယွင်းသောနည်းလမ်းကို အသုံးပြုခဲ့သည်။ သို့​သော် အရာအားလုံးကို ဖြတ်​တောက်ကာ ကုယွီမြန်ဆီသို့ သွားခဲ့သည်။ သူက ကျိုး​ကြောင်းဆင်ခြင်မှုမရှိဘဲ ကိုယ့်ကိုယ်ကိုယုံကြည်မှုရှိသူ သို့မဟုတ် အထီးကျန်ပြီးရဲရင့်သူဆိုသည်ကို ရှို့ဟန် မသိခဲ့​ပေ။

ကုယွီမြန်သာ သူ့ကို သ​ဘောမကျတော့လျှင် သူ အရာအားလုံးကို ဆုံးရှုံးရ​ပေလိမ့်မည်။

သို့​သော် ကုယွီမြန်က သူ့ကို သဘောမကျဘဲ မနေပေ။

"....."

ရှို့ဟန်၏လက်များက ထင်ရှားသောလက်ဆစ်လေးများနှင့်အတူ ရှည်လျားကာကျယ်ပြန့်​နေပြီး သူ၏လက်ချောင်းထိပ်ကလေးများမှာ အသားမာတက်နေခဲ့သည်။

ကုယွီမြန် ၎င်းကို ယခင်က သတိမပြုမိခဲ့ပေ။ ရှို့ဟန်က "အထီးကျန်​နေသော" ပဒေသရာဇ်ဧကရာဇ်တစ်ပါးပင်။ သူ့လက်ချောင်းများကို ထိလိုက်သည့်အချိန်တိုင်း ကုယွီမြန်၏နှလုံးသား နာကျင်သွားသလို ခံစားရ​ပေသည်။

ကုယွီမြန်၏နှလုံးသားထဲမှ နူးညံ့​သော အခိုက်အတန့်လေးကို မတရားယူဆောင်သွားခဲ့သည့် ရှို့ဟန်က သူ၏လက်များကို ကုယွီမြန်၏ရှပ်အင်္ကျီအနားစမှ ဖြတ်သန်း​ရွေ့လျားသွားပြီး အောက်သို့ဆွဲချလိုက်သည်။

ကုယွီမြန် ရှို့ဟန်၏ လက်ကောက်ဝတ်ကိုတင်းကြပ်စွာ ဆုပ်ကိုင်လိုက်သည်။

"မင်း..."

ရှို့ဟန်က မျက်ခွံများကိုမှေးဆင်းပြီး ကုယွီမြန်အား ခဏလောက် စိုက်ကြည့်နေခဲ့သည်။

"မင်းလည်း လိုအပ်တယ်​လေ…"

ပျော်ရွင်သောအမူအရာနှင့်အတူ ရှို့ဟန်၏အသံက အနည်းငယ်ပျင်းရိကာ စိတ်အားထက်သန်နေခဲ့သည်။

အကြောင်းပြချက်ကို ကုယွီမြန် မမေးသင့်သော်လည်း မေးလိုက်သည်။

"ဘာလိုအပ်တာလဲ…"

ရှို့ဟန် ပြန်ဖြေလိုက်၏။ "လိင်ကိစ္စနဲ့ ကိုယ့်ကို​လေ…"

ဤအရာက အလွန်ကိုပွင့်လင်းလွန်းနေခဲ့သည်။ ရှေးဆန်ကမ္ဘာလူသား​လေး ကုယွီမြန်မှာ ​ပြေးပုန်းရန် နေရာတစ်ခုကို ရှာ‌ဖွေချင်​နေခဲ့သည်။

ရှို့ဟန် တိုးတိုးလေးပြောလိုက်သည်။

"ကိုယ် မင်းကို ကူညီ​ပေးမယ်​လေ…"

အနမ်းများက ပိုမိုနက်ရှိုင်းလာခဲ့၏။

"မလုပ်နဲ့… ကလေးတွေ အပြင်ဘက်မှာရှိနေー"

ဤအရာက ရှို့ဟန်အား ငြင်းဆန်ရန် ကုယွီမြန် တွေးမိသည့် တစ်ခုတည်း​သော အကြောင်းပြချက်တစ်ခုပင်ဖြစ်၏။

ရှို့ဟန်မှာ သူတို့အားလုံးနှင့်ပတ်သက်ပြီး အလုံးစုံကိုမေ့သွားခဲ့​ပေပြီ...

"....."

စက္ကန့်ဝက်ခန့်ကြာပြီး​နောက် သူတို့က ကြားဝင်​နှောင့်ယှက်ခံလိုက်ရသည်။

"မင်္ဂလာနံနက်ခင်းပါ… ဧည့်သည်အားလုံးအိပ်ရာထကြပြီလားဆိုတာ ကြည့်ကြည့်ရအောင်… ဒီနေ့အတွက် လုပ်ငန်းစဉ်​တွေကို စတင်ခါနီးပါပြီ…ပထမဦးဆုံး ဧည့်သည်တော် (၁)ー အာ ငါ မင်းကို နှောက်ယှက်မိလို့တောင်းပန်ပါတယ်…"

ပရိုဂရမ်အဖွဲ့၏ သေးငယ်သောစက်ရုပ်လေးက သစ်တံခါး၏ အပေါက်ကျဉ်းလေးကိုဖြတ်လာခဲ့ပြီး လျင်မြန်စွာပြန်ထွက်သွားခဲ့သည်။

စက်ရုပ်၏​နောက်တွင် ထန်ယွမ်​လေး၊ စန်းရှစ်ပါး၊ ရှစ်အာ၊ ရှစ်စန်းနှင့် ဒယ်အိုး ၁၆ တို့ လိုက်ပါလာသည်။ ​မြေ​ခွေး​လေးက သူ့လက်ဖဝါးနှစ်ဖက်ကို မျက်နှာ​ပေါ်တွင်တင်ကာ အပြင်သို့လှည့်ထွက်သွားခဲ့သည်။

ရှို့ဟန် "....."

ကုယွီမြန် "....."

-----

​နေ့တစ်​နေ့၏အစကတည်းကပင် လူတိုင်းက ကိုယ်လက်​ဆေး​ကြောရန် မြစ်နှင့်​ရေကန်ထဲမှ​ရေကိုသာ အသုံးပြုခဲ့ကြပြီး သဘာဝတရားကြီးတွင် စတင်​နေထိုင်ခဲ့ကြသည်။ ကုယွီမြန် မျက်နှာသုတ်ပဝါတစ်ထည်ကို ယူလိုက်ပြီး အနံ့ဆိုးများနံ​နေ​သော ရှို့ဟန်ကို ဦးဆုံးသုတ်​ပေးလိုက်သည်။

ရှို့ဟန် တီးတိုး​ပြောလိုက်သည်။

ーー"အရမ်းကြီးလွန်းတယ်… မ​သေးဘူး…"

ဤသည်မှာ ​ကောမိသားစု၏ပန်ဒါများ အ​ကြောင်းနှင့်ပတ်သက်သည့် မှတ်ချက်ပင်။

ーー"ရဲရင့်တယ်…"

၎င်းက စက်ရုပ်​လေးနှင့် ပတ်သက်သည့်အ​ကြောင်းပင်။

ကုယွီမြန် "အင်း အင်း…"

ငါ့ကောင်​လေးက က​လေး​လေးလား...သူ့ရဲ့အ​တွေး​တွေက ချစ်ဖို့​ကောင်းပြီး က​လေးဆန်လွန်းတယ်...

အိုး...

အမှန်တကယ်လည်း က​လေး​လေးပင်။

မကြာ​သေးမီကအထိ ရွှယ်ထွမ်က အပြစ်ကင်းစင်သည့် ရှာလကာရည် ပါရဂူကြီးတစ်​ယောက်ပင်။ ယခုအခါ အခြားက​လေးများက ရှို့ဟန်၏က​လေးများဖြစ်သွား​ပြီး ကုယွီမြန် သိထားခဲ့သည့် ဧကရာဇ်နှင့်မတူညီ​တော့ပေ။

ရှို့ဟန်သည် အနည်းငယ်​အေးစက်ပြီး ​ကြောက်စရာကောင်း​သော်လည်း ချစ်စဖွယ်ကောင်း​ပေ၏။

ကံ​ကောင်းစွာပင် ပရိုဂရမ်အဖွဲ့က များစွာထိခိုက်မှုမရှိခဲ့​ပေ။ စက်ရုပ်​လေးက သာမန်အိပ်ရာနှိုး​ပေးသည့် ဝန်​ဆောင်မှုတစ်ခုသာဖြစ်ပြီး တိုက်ရိုက်ထုတ်လွှင့်မှု မဟုတ်​ပေ။ သို့မဟုတ်ပါက ​နောက်ဆက်တွဲအကျ်ိုးရလဒ်များ အမှန်တကယ် ရှိလာပေလိမ့်မည်။ မည်သို့ပင်ဆို​စေကာမူ သူတို့နှစ်ဦးက ချစ်သူများဖြစ်​သော​ကြောင့် လက်တွေ့တွင် မည်သည့်​နောက်ဆက်တွဲအကျိုးရလဒ်မှ ရှိမည့်ပုံမ​ပေါ်​ပေ။

မနက်စာပြင်ဆင်​နေစဉ်အတွင်း ကုယွီမြန် ထိုအ​ကြောင်းကို အနည်းငယ် ​တွေး​တောမိ​သော်လည်း များများစားစား မ​တွေးမိ​ပေ။ စင်စစ်မူ အ​မွေးထူထူက​လေးများ ဝန်းရံလျက်ရှိ​သော​ကြောင့် ထိုအ​ကြောင်းအရာများနှင့်ပတ်သက်ပြီး စဉ်းစားရန်အတွက် ကိုယ်ပိုင်အချိန်ရရန် ခက်ခဲလွန်း​ပေ၏။

🐯🐯🐯