MM Story Teller

Chapter 141

Viewers 19k

🐯Chapter 141

"ခရီးလမ်းသာယာဖြောင့်ဖြူးပါစေ၊ရှေးဟောင်းကမ္ဘာ" ၏အဓိကတာဝန်မှာ ကြမ်းတမ်းသောဒေသတွင် ရှင်သန်ရန်ဖြစ်သော်လည်း ပျော်ရွှင်ရန်နှင့် ဖျော်ဖြေရန်အတွက် ဧည့်သည်တော်များက ရှေးဟောင်းကမ္ဘာမှ တိုက်ရိုက်ထွက်သွားရန်မှာမဖြစ်နိုင်ပေ။ NPCများကိုလမ်းညွှန်ရန် နှင့်တူသည့်တာဝန်များ ရှိလိမ့်မည်ဖြစ်ပြီး ထိုကဲ့သို့စီစဥ်ထားသည်။

စက်ရုပ်များမရှိသော်လည်း ယခုအခါ ဧည့်သည်အယောက် ၅၀ က...

အချိန်ရတဲ့အခါမှ သကြားခဲ သကြားခဲကိုမေးကြည့်ရမယ်...

တစ်ခဏကြာပြီးနောက် ကုယွီမြန်ကို သူ့အလှည့်ရောက်ပြီဖြစ်ကြောင်း သတင်းလာပေးသည်။

ပြသာနာအား ယာယီဖယ်ထားရုံသာတတ်နိုင်ပြီး ဆုယူရန်အတွက် ဝန်ထမ်းများနှင့်အတူ ထွက်သွားသည်။

ကလေးများကို သူနှင့်အတူ ခေါ်မသွားနိုင်ခဲ့ပေ။

ကုယွီမြန်က ဝန်ထမ်းများညွှန်ကြားသည့်အတိုင်း ရှည်လျားပြီး ကျဉ်းမြောင်းသော စင်နောက်အားဖြတ်၍ ပလက်ဖောင်းရှေ့တွင် ရပ်နေခဲ့သည်။ ကြယ်တာရာကောင်းကင်၏ ဆုပေးပွဲ အခမ်းအနားကို ခေတ်ဟောင်းပုံစံ ပြုလုပ်ခဲ့သည်။

၎င်းက အကျော်ကြားဆုံး ပြည့်ပြည့်ဝဝ ခံစားကြည့်ရှုနိုင်သည့် ဆုစင်မြင့်၊ အတုအယောင် နောက်ခံစသည်တို့အား အသုံးမပြုခဲ့ချေ။

ကုယွီမြန်က အောက်ခံခုံပေါ်တွင် ရပ်နေခဲ့ပြီး ပလက်ဖောင်းတစ်ခုလုံး ဖြည်းညင်းစွာထလာကာ သူ၏အမြင်အာရုံက တဖြည်းဖြည်း တောက်ပလာသည်။ ထို့နောက် အားပေးသံများနှင့် လက်ခုပ်သံများက သူ့အား လွှမ်းခြုံသွားသည်။

စင်မြင့်က 360ဒီဂရီ ပရိသတ်ထိုင်သောနေရာဖြင့် ဝန်းရံထားပြီး ခန်းမတစ်ခုလုံး၏ အလယ်ဗဟိုတွင်

ရှိသည်။ အမိုးခုံးမှ အလင်းတန်းလေးက ကုယွီမြန်၏ မျက်တောင်များပေါ်တွင် ရပ်တန့်သွားပြီး သူ့မျက်နှာတစ်ဖက်ခြမ်းတွင် အလင်းအလွှာတစ်လွှာ ပေါ်လာသည်။

ယခုအခိုက်အတန့်တွင် စတူဒီယိုထဲရှိ အခြေအနေအား လေထဲရှိမျက်နှာပြင်ကြီးတွင် ရောင်ပြန်ဟပ်နေသည်။

ကုယွီမြန်ပေါ်လာသည့် စက္ကန့်ပိုင်းတွင် မှတ်ချက်မျက်နှာပြင်၌ မှတ်ချက်မီလီယံ ရာချီ၍ တစ်ချိန်တည်းပေါ်လာသည်အား လူတိုင်း ရှင်းလင်းစွာ မြင်ခဲ့ရသည်။

[မင်းလုပ်နိုင်တယ်: အားးး....]

[ဝတ်စုံ၊စွတ်ဖားနဲ့ရေခဲတွေကိုချစ်တယ်:အား... ကြည့်လို့ကောင်းတဲ့ ရှု့ထောင့်ပဲ အား...အေးချမ်းသာယာတဲ့အချိန် တိုက်ရိုက်ထုတ်လွှင့်မှုကြည့်ရတာ တကယ်ကွဲပြားတာပဲ...]

[တရုတ်ပြည်တောင်ဘက်ကကျားက ဘယ်တော့မှချိန်းမတွေ့ဘူး: မြန်မြန်ရေ ဂုဏ်ယူပါတယ်နော်...]

[မိုင်းတွင်းထဲမှာ မိသားစုတစ်ခုရှိတယ် : စင်အောက်က ပထမတန်းမှာထိုင်ရင်း ငါငိုမိတော့မယ်...]

ကုယွီမြန်က ပြုံး၍ ကြည့်ရှုသူများအား လက်ယမ်းပြလိုက်သည်။

ဆုပေးပွဲတစ်ခုလုံး လုပ်ငန်းစဥ်က မကြာသော်လည်း ပျော်ရွှင်ရန် လုံလောက်သည်။ အဆုံးတွင် တိုက်ရိုက်ထုတ်လွှင့်မှုက ဖျော်ဖြေရေးကဏ္ဍဖြစ်ပြီး အချို့ဖျော်ဖြေရေးပရောဂျက်များကို အလယ်တွင် ထည့်သွင်းထားသည်။ on-siteဧည့်သည်များ နှင့်off-siteက

အပြန်အလှန်ဆက်သွယ်မှုများလည်း ရှိခဲ့သည်။ အနိုင်ရရှိသည့် တင်ဆက်သူများနှင့် ပရိသတ်များအပြင် အခြားတင်ဆက်သူများနှင့် ဆွေမျိုးများလည်း ရှိသေးသည်။

ကုယွီမြန်နှင့်ကလေးများ၏ အပြန်အလှန်ဆက်သွယ်မှုက လုပ်ငန်းစဥ်တစ်ခုလုံးတွင် အလွန်ချစ်စရာကောင်းလှသည်။

ကလေးများ၏ ဗိုက်ကလေးများ၊ နားရွက်များနှင့် လက်ဖဝါးလေးများ၊ မြေခွေးလေး၏အမြီးကြီး၊ ထန်ယွမ်၏ လူသားနှင့်တူသည့် စိုစွတ်သော မျက်လုံးကြီးများနှင့် အာ့ဟာလေး၏ သူ၏အမြီးအား လျှပ်စစ်ပန်ကာတစ်ခုအဖြစ် အရူးအမူး ဝှေ့ယမ်းခြင်းတို့ဖြစ်သည်။

အပြန်အလှန်ဆက်သွယ်သောအခါ ကုယွီမြန်၏အမူအကျင့်လည်း ရှိသည်။ အထူးသဖြင့် အစွန်းရောက်သော အသွားနှစ်ဖက်ဓါးလေး ရွှယ်ထွမ်က အခြားတင်ဆက်သူများအား

သူ၏ထက်ရှသောလက်သည်းများကို ပြသနေသည်။ သို့သော် ကုယွီမြန်၏ စကားလုံးအနည်းငယ်ဖြင့် ချီးမွမ်းခံရပြီးနောက် သူ၏ဝမ်းဗိုက်ဖြူဖြူအားလွယ်ကူစွာပြသလာလေသည်။

၎င်းက လူတိုင်း၏ချစ်စရာကောင်းမှုပစ်မှတ်ပေါ်တွင် ကခုန်နေသကဲ့သို့ဖြစ်ပြီး မျက်နှာပြင်ပေါ်နှင့် အပြင်ဘက်တွင် အော်ဟစ်မှုများဖြစ်စေခဲ့သည်။

နေ့လယ်ခင်း၌ ပလက်ဖောင်းပေါ်တွင် နေ့လယ်စာ

စီစဥ်ပေးသည်။ ကုယွီမြန်ကိုယ်တိုင် ဟင်းအနည်းငယ်ချက်ခဲ့သည်။ ၎င်းက ရိုးရှင်းသောနည်းလမ်းဖြစ်၍ အချိန်တိုအတွင်းပြီးခဲ့သည်။

၎င်းဟင်းကို ကြက်သွန်ဖြူနံရိုးမီးကင်ဟုခေါ်သည်။

လတ်ဆတ်၍နူးညံ့သော နံရိုးအတုများကို ကြက်သွန်ဖြူအရည်ဖြင့် ဖုံးအုပ်ထားပြီး ကြက်သွန်ဖြူအား မွှေကြော်ထားသည်။ ၎င်းတို့အား တရှဲရှဲမြည်နေသော ဟော့ပေါ့အိုးထဲမှ ဆွဲထုတ်လိုက်သည်။ နံရိုးတစ်ခုလုံးက အဆီပြန်ပြီး မွှေးကြိုင်ကာ နှမ်းဖြူများဖြူးထားပြီး အတွင်းဘက်တွင် နူးညံ့၍ အပြင်ဘက်တွင် ကြွပ်ရွသည်။ ၎င်းတွင် မှန်ကန်သော ကြက်သွန်ဖြူ အရသာပမာဏ ရှိခဲ့သည်။

လာရောက်ရန်ကျရှုံးခဲ့သော ကြည့်ရှုသူများက ဤမြင်ကွင်းအားကြည့်ပြီး သံပုရာသီးများစားရ၍ ပင်ပန်းနေပြီဖြစ်သည်။

"....."

ဆုပေးပွဲအခန်းအနားတစ်ခုလုံး၏ တိုက်ရိုက်ဗီဒီယိုအား ရက်များစွာကြာ သိမ်းထားခဲ့ကြသည်။

'ခရီးလမ်းသာယာဖြောင့်ဖြူးပါစေ၊ရှေးဟောင်းကမ္ဘာ'ကို ရိုက်ကူးတော့မည်ဖြစ်၍ ကောမိသားစုက အခြားဧည့်သည်များအကြောင်း ကြားထားသည်။

တိုက်ရိုက်ထုတ်လွှင့်မှုပလက်ဖောင်း၏ ပင်မစာမျက်နှာအား ဖတ်သောအခါ ကောရှစ်အာက ယခင်ရက်အနည်းငယ်မှ

လူသစ်ပြိုင်ပွဲ ဗီဒီယိုအပိုင်းအစအား မြင်လိုက်သည်။ ထိုထဲတွင် ကုယွီမြန် အဓိကလုပ်ခဲ့သည် ဟင်းပွဲအား မူလအခြေအနေအတိုင်းထိန်းသိမ်းထားလိုက်သည်။

မွှေးကြိုင်သော ကြက်သွန်ဖြူနှင့် နံရိုးမီးကင်...

ကမာဆော့စ်နှင့် ဟင်းချက်ဝိုင်ဖြင့် မချက်မီအထိ နှပ်ထားခဲ့သည်။ နံရိုးအတန်းလေးများ၏အပေါ်ယံမျက်နှာပြင်က ကြွပ်ရွနေသည်။ အနီရောင်ဆော့စ်အမျိုးအစားကြောင့် မျက်နှာပြင်က တောက်ပပြီး အဆီပြန်နေကာ ဝိုင်နှင့်ကြက်သွန်ဖြူ၏အနံ့ဖြင့် နံရိုးက မွှေးကြိုင်နေသည်။

ဗီဒိယိုအပိုင်းအစတွင် ကုယွီမြန်အား ရိုက်ကူးမထားမိပေ။အဓိကအရာမှာ ရှည်သွယ်ပြီးလှပသောလက်တစ်စုံဖြစ်ပြီး ကုယွီမြန်၏ထုတ်လုပ်ရေးsiteပေါ်မှ ဖြစ်စဥ်တစ်ခုလုံးအား အကြမ်းဖျင်း ပြုပြင်ထားခြင်းဖြစ်သည်။

ဒီလူသားက ကုယွီမြန်လား...

ကောရှစ်အာက ကောင်လေးအပေါ် ထင်မြင်ချက်တစ်ခုရှိနေခဲ့သည်။ ကောမိသားစုက ကုယွီမြန်မွေးဖွားသောအခါ သွားရောက်ကြည့်ရှု့ခဲ့ဖူးသော်လည်း သူသက သေချာပေါက် သူတို့ဘိုးဘေးမဟုတ်ပေ။ ထို့ကြောင့် လွန်ခဲ့သောလအနည်းငယ်က သူ့အား စာရင်းမှပယ်ခဲ့ကြသည်။

၇ယောက်မြောက်ကော၏ သီအိုရီကဲ့သို့ အကျိုးသက်ရောက်မှုနှင့် အခြေအနေ၏အင်အားဖြင့် ပို၍ဖြစ်နိုင်ချေရှိသောအရာအတွက် ဖယ်ထုတ်လိုက်သည်။ ထို့ကြောင့် ဤကိစ္စက သိသိသာသာ ရိုးရှင်းသောအရာဖြစ်သော်လည်း သူတို့အတွက် ခက်ခဲလာခဲ့သည်။

သို့သော် ယခုအခါ....

ကောရှစ်အာ :"..."

ရင်းနှီးတဲ့ခံစားချက်တစ်ခု ရှိတယ်...

သွားရည်ကျနေရင်း ငိုဖို့ဆန္ဒပြင်းပြနေတယ်…

-----

ဆုပေးပွဲအခမ်းအနားတွင် ပါဝင်သည့်အကြောင်းအရာက နည်းပါးသော်လည်း လုပ်ငန်းစဥ်မှာ အလွန်ကြာမြင့်သည်။ နေ့လယ်စာစားပြီးနောက် တင်ဆက်သူနှင့် ပရိသတ်များအကြား အပြန်အလှန်ဆက်သွယ်ရမည့်အချိန်ဖြစ်သည်။

၎င်းကို ညနေ၅နာရီမထိုးမီအထိ တရားဝင်မကြေငြာခဲ့ပေ။

ကြယ်တာရာကောင်းကင်က ပရိသတ်ထိုင်ရာနေရာဘေးတွင် အစည်းဝေးခန်းတစ်ခု ပြင်ဆင်ထားခဲ့သည်။ ကုယွီမြန်က ထိုနေရာတွင် 'ခရီးလမ်းသာယာဖြောင့်ဖြူးပါစေ၊ရှေးဟောင်းကမ္ဘာ' ရှိုးအတွက် လက်မှတ်ရေးထိုးရန် ရှိနေခဲ့သည်။

အစီအစဥ်မှုး တုန်နန်က ရှိုး၏အရေးကြီးမှုနှင့် ရင်းနှီးမြှုပ်နှံသူများထံ ကုယွီမြန်၏အရေးပါမှုအား ပြသရန် လူကိုယ်တိုင်လာရောက်ခဲ့သည်။

အမှန်တွင် ကုယွီမြန်က ကြယ်တာရာကောင်းကင်၏ မဏ္ဍိုင်ဖြစ်သော်လည်း အလွန်ငယ်ရွယ်သည်။သူ၏စီးပွားရေးလုပ်ငန်း အလားအလာအားပြည့်ပြည့်ဝဝ မစူးစမ်းရသေးသော်လည်း ပရိသတ်များစွာရှိ၍ ကြယ်ပွင့်များအောက် မနိမ့်ကျပေ။ ထို့အပြင် သူ၏ကိုယ်ရည်ကိုယ်သွေးနှင့်လုပ်ပုံကိုင်ပုံက ရင့်ကျက်ပြီး နူးညံ့သိမ်မွေ့ကာ သူ၏စိတ်အားထက်သန်မှုမှာလည်း အလွန်မြင့်မားသည်။သူ့အား အပျက်သဘောဆောင် အကဲဖြတ်မည့်သူမရှိချေ။

သူ့တွင် ခိုင်မာသောနည်းစနစ်ရှိခြင်းကြောင့်လား သို့မဟုတ် သူသည်နှစ်သက်ဖွယ်ကောင်းသောကြောင့်လား နှစ်ခုလုံးကြောင့်လားမသိပေ။

"NPCနဲ့ပတ်သတ်ပြီး မေးလို့ရမလား...."

ကုယွီမြန်က စာချုပ်အား ရည်ညွှန်းလိုက်သည်။ ထိုအပိုင်းသာလျှင် သူယခင်မြင်ဖူးသည့်စာချုပ်နှင့် ကွဲပြားနေခဲ့သည်။

တုန်နန်က ခေါင်းညိတ်ပြီးပြောခဲ့သည်။

"NPC တစ်ယောက်က ရှိုးတစ်ခုလုံးမှာ ပူပေါင်းပါဝင်မှာမဟုတ်ဘူး...ကြည့်ရှုသူရဲ့ရှု့ထောင့်ကလည်း ဧည့်သည်တွေနောက်ကိုပဲ လိုက်လိမ့်မယ်... ဒါပေမဲ့ NPCက တာဝန်အတွက်လမ်းညွှန်မှု၊ သဲလွန်စ အဖြေတွေ၊ မမမျှော်လင့်ထားတဲ့ဥတွေ အစရှ်ိသည်သဖြင့် အခြေအနေပေါ်မှုတည်ပြီးပေါ်လာလိမ့်မယ်... NPCရဲ့ အထောက်အထားနဲ့ပတ်သတ်ပြီး မစ္စတာကုကို တိတိကျကျတော့ ရှင်းမပြနိုင်ဘူး...ဒါပေမဲ့ NPCနဲ့ဧည့်သည်တော်တွေက အဆင့်အတန်းအတူတူလောက်ရှိတယ်ဆိုတာတော့ အခိုင်အမာပြောနိုင်ပါတယ်..."

ကုယွီမြန် :"...."

သူ ခေါင်းမညိတ်မီ အချိန်ခဏယူ၍ ဂရုတစိုက်စဥ်းစားခဲ့သည်။

နာရီဝက်ကြာပြီးနောက် ပရိသတ်ထိုင်ရာနေရာ အပြင်ဘက်တွင် ကုယွီမြန်က လေပေါ်ဝဲထိုင်ခုံတစ်ခု ကိုယ်တိုင်ဝယ်ခဲ့ပြီး တံခါးဝတွင် ရပ်လိုက်သည်။ စာချုပ်ချုပ်ပြီးသောအခါ ထန်ယွမ်နှင့် မြေခွေးလေးတို့ကို ဝန်ထမ်းမှခေါ်ဆောင်သွားခဲ့သည်။ နှင်းကျားသစ်လေးက ကုယွီမြန်အား မတွယ်ကပ်ဘဲ မိဘတစ်ယောက်အနေဖြင့် သူ၏ကိုယ်ပိုင်တာဝန်များကို ဆက်လက်တာဝန်ယူခဲ့သည်။ သူက ကလေးသုံးယောက်အားပြင်းပြင်းပြပြ စောင့်ကြည့်နေခဲ့သည်။

ထန်ယွမ်လေးက ယခုအခါ လူသားပုံစံကလေးတစ်ယောက်ဖြစ်နေသော်လည်း သူ၏သဘာဝအတိုင်း နှစ်လိုဖွယ်ရှိမှုအပေါ် မှီခိုနေပြီး ချစ်စရာ မြေခွေးလေး၊ ဟက်စကီးလေးနှင့်အတူလုပ်ကိုင်ခဲ့၍ ဝန်ထမ်းများက သူတို့ကို အလွန်ချစ်စရာကောင်းသည်ဟုထင်ပြီး အဆာပြေမုန့်များဆက်၍ ဖြည့်ပေးနေမိစေသည်။

ထန်ယွမ်လေးနှင့်မြေခွေးလေးက ငြင်းပယ်ရန် အလွန်ရှက်ရွံ့နေခဲ့ပြီး သူတို့၏ဗိုက်ကလေးများအားဖြည့်ရန် လုံလုံလောက်လောက်စားသောက်နေခဲ့ကြသည်။

ကုယွီမြန် ကလေးလက်တွန်းလှည်းအားတွန်းပြီး သူတို့၏ဗိုက်ကလေးများကိုကြည့်ကာ ကူကယ်ရာမဲ့စွာ ခံစားမိခဲ့သည်။

"ကြည့်ရတာ ငါတို့ဒီည ညစာကို နောက်ကျမှစားရတော့မယ့်ပုံပဲ..."

သူ ပရိသတ်ထိုင်ခုံများအား ဖြတ်လာရင်းဖြင့် ကလေးများကိုပြောလိုက်သည်။ သူအပေါ်သို့ကြည့်လိုက်သည်နှင့်တစ်ပြိုင်နက် သူတို့က လူအုပ်စုဖြင့် ဝန်းရံခြင်းခံထားရကြောင်း တွေ့ရှိခဲ့သည်။

"မြန်မြန် ငါမင်းနဲ့ထပ်ပြီး လက်ဆွဲနှုတ်ဆက်လို့ရမလား..."

"ဒီကိုကြည့်ပြီး ပြုံးပြပါဦး...အား ဝှက်သယ်ဖတ်...သူငါ့ကိုကြည့်နေတယ်ဟ..."

"ကလေးတွေနဲ့အတူရပ်ပေးနိုင်မလား...အမှတ်တရအနေနဲ့ ပုံတစ်ပုံလောက် သိမ်းထားချင်လို့ပါ...ကျေးဇူးပြု၍..."

နေ့လယ်ခင်း လှုပ်ရှားမှု ပြီးသွားပြီးနောက် ဆုပေးပွဲအခမ်းအနားပြီးပြီဟု ပြောနိုင်သည်။ ယခု ကုယွီမြန်ကို စောင့်နေကြသည့် လူအများစုက မြို့တော်ကြယ်တွင်မနေထိုင်ကြသော ဤနေရာသို့ လာရောက်ရန်ခက်ခဲသည့်

ငယ်ရွယ်သောကောင်မလေးများ ဖြစ်ကြသည်။

ဤလူသားနှင့်ကလေးများကို နောက်မည်သည်အချိန်မှ ပြန်တွေ့နိုင်မည်မှန်း သူတို့သေချာမသိနိုင်ပေ။ လူတိုင်းကလည်း ကုယွီမြန်မထွက်ခွာသေးကြောင်း သိနေခဲ့သည်။

သူတို့ကဘယ်လိုလုပ်ပြီး အိမ်စောစောပြန်နိုင်ပါ့မလဲ...

ကလေးများက သိသိသာသာပင်ပန်းမှုနှင့် ပျင်းရိငြီးငွေ့မှုအား မပြသသေးသည့်အပြင် ဟက်စကီးလေးသည်လည်း ဆက်နေရန် စိတ်အားတက်ကြွနေခဲ့သောကြောင့် ကုယွီမြန်က စိတ်အခြေအနေကောင်းကောင်း နှင့်လက်ခံလိုက်သည်။

"အခုနောက်ကျနေပြီ...လူတိုင်း အိမ်စောစောပြန်သင့်တယ်..."

ကုယွီမြန်က ညင်သာစွာတိုက်တွန်းခဲ့သည်။

အခြေခံအားဖြင့် သူတို့က မကျေနပ်နိုင်သေးပေ။ အချိန်တစ်ခဏကြာပြီးနောက် မိန်းကလေးအများစုက တစ်လှမ်းချင်းနောက်ဆုတ်ကာ စိတ်လှုပ်ရှားမှု၊ စိတ်ကျေနပ်မှုတို့နှင့်အတူ အိမ်သို့ပြန်သွားခဲ့ကြသည်။ ယခုအခါ နောက်ဆုံးမိန်းကလေး အလှည့်သို့ရောက်လာသည်။ ကောင်မလေးက အလွန်လှပသော ထူးဆန်းသည့်မျက်နှာနှင့် ခရမ်းရောင်ဖျော့ဖျော့ဆိုးထားသည့် လက်သည်းများရှိသည်။

သူမက ကုယွီမြန်နှင့် သူ့ပခုံးပေါ်တွင် သမ်းဝေနေသော နှင်းကျားသစ်လေးကိုကြည့်လိုက်သည်။ သူမ ရုတ်တရက် ပြုံးလိုက်ပြီး နှင်းကျားသစ်လေးထံသို့ တိုက်ရိုက်ခွင့်တောင်းလိုက်သည်။

"ရွှယ်ထွမ်လေးရေ...ငါ့ကိုတစ်ခါလောက်ဖက်ပေးနိုင်မလား..."

နှင်းကျားသစ်၏ သမ်းဝေမှုက လေထုအလယ်တွင် ရပ်တန့်သွားသည်။ သူ့မျက်ခုံးများတွန့်သွားပြီး လည်ပင်းအနီးမှ အ‌မွေးများထောင်လာသည်။

၎င်းမှာ သူ၏တုံ့ပြန်မှုဖြစ်သည်။

နှင်းကျားသစ်လေးနှင့် ကုယွီမြန်က ခြေတစ်လှမ်းနောက်ဆုတ်လိုက်ပြီး သူ့ခေါင်းအားယမ်းလိုက်သည်။

"တောင်းပန်ပါတယ်... ကျွန်တော့်မိသားစုဝင် ထွမ်ထွမ်ကသူစိမ်းတွေထိတာကို မကြိုက်လို့ပါ..."

"အာ...အဲဒီလိုလား... ကလေးက စွမ်းရည်မဖွံ့ဖြိုးသေးဘူးမလား... သူ့ရဲ့လက်ဖဝါးလေးတွေကို ဖိကြည့်လို့ရလား..."

သူက စွမ်းရည်မဖွံ့ဖြိုးသည့်သူဖြစ်သောကြောင့် သူ့(နှင်းကျားသစ်)ကို သူတို့လုပ်ချင်တာလုပ်နိုင်သည်ဟူသော သဘောပင်။

"......"

ဤစကားအားနားထောင်ပြီးနောက် ကုယွီမြန်၏မျက်နှာပေါ်မှအပြုံးက ရုတ်တရက်ပျောက်ကွယ်သွားသည်။

သူက မည်သည့်မိန်းကလေးကိုမှ မနှစ်သက်ခြင်း သို့မဟုတ် ဒေါသထွက်ခြင်းမျိုး မဖြစ်ဖူးပေ။

သို့သော် သူ့ရှေ့မှ မိန်းကလေးအား အမှန်တကယ် မနှစ်သက်ပေ။

သူမက သူ၏ကြည့်ရှုသူပင် မဖြစ်နိုင်ချေ။ သူ၏တိုက်ရိုက်ထုတ်လွှင့်မှုအား တစ်ကြိမ်မျှ ကြည့်ဖူးလျှင်ပင် အိမ်ရှိကလေးတိုင်းက ကုယွီမြန်၏ နှလုံးသားထဲတွင် ရတနာလေးများဖြစ်ကြောင်း သူမ မသိဘဲနေလိမ့်မည်မဟုတ်ပေ။

အထူးသဖြင့် 'စွမ်းရည်မနိုးထသူ'ဟူသည့် စကားလုံးအား သူ မနှစ်သက်ပေ။

"ဝု…ဝု...ဝု...ဝု...ဝု..."

မြေခွေးလေး၊ ဟက်စကီးလေးနှင့် ထန်ယွမ်လေးကလည်း အရူးများမဟုတ်ချေ။ သူတို့က အခုလေးတင် လှပသောအစ်မထံ သူတို့၏အမြီးများ လှုပ်ယမ်းနေခဲ့ကြသည်။ သို့သော် ယခုအခါ ဟက်စကီးလေးတွင် ရက်စက်သော မျက်နှာထားတစ်ခုရှိနေသည်။

ကုယွီမြန် မနှစ်သက်သော သူများကို သူကလည်း မနှစ်မြို့ပေ။

နှင်းကျားသစ်လေး၏မျက်လုံးများက ကျဥ်းမြောင်းသွားပြီး သူ၏မျက်လုံးများထဲတွင် အလင်းတစ်လွှာရှိနေခဲ့သည်။

ကောင်မလေးက သူ့လက်များအားဆန့်ပြီး လက်သည်းအား ပျင်းရိစွာကြည့်နေခဲ့သည်။ အချိန်အတော်ကြာ စောင့်နေပြီးနောက် ကုယွီမြန်၏စကားသံကို မကြားခဲ့ရ၍ သူမအနည်းငယ်စိတ်မရှည်ဖြစ်လာပြီး ပြောလိုက်သည်။

"တင်ဆက်သူကု... ရှင်ဘာလို့ အရမ်းတွန့်တိုရတာလဲ...ဒါက ဒီအတိုင်း..."

"မရဘူး..."

"......"

ကောင်မလေးက စိုက်ကြည့်လာခဲ့သည်။

"ဘာလို့လဲ..."

🐯🐯🐯

Prev Next