MM Story Teller

Chapter 140

Viewers 19k

🐯Chapter 140

ကုယွီမြန် မျက်လုံးဖွင့်လိုက်သည့် စက္ကန့်ကတည်းက ရှို့ဟန်နိုးနေခဲ့သည်။

သူ၏ လည်စလုတ်မှာ အပေါ်အောက်အကြိမ်များစွာ ရွေ့သွားသည်။

နှလုံးခုန်သံ...

သူ၏နှလုံးခုန်သံအား မဖုံးကွယ်နိုင်ခဲ့ပေ။

သူက ရှေးဟောင်းကမ္ဘာ၏ သမိုင်းနှင့်ယဉ်ကျေးမှုအား အကျဉ်းချုံး သုံးသပ်ရန် လိုအပ်သည်။ သို့မဟုတ် ချက်ချင်းအပြင်ထွက်၍ မည်သူနှင့်မဆို တိုက်ခိုက်ရန် လိုအပ်သည်။

သို့သော် သူက ကုယွီမြန်ကို လွှတ်ပေးရန် တွန့်ဆုတ်နေသည်။

ရှို့ဟန်က ကုယွီမြန်အား မသေမသပ်နှင့် တင်းတင်းကြပ်ကြပ်ဖက်ထားသည်။ သူ အိပ်ပျော်နေစဥ် ကုယွီမြန် သူ့အားဖက်ထားသည့်အတိုင်း ဖက်ထားသည်။ ထိုအချိန်တွင် သူက ကုယွီမြန်နှင့် အလွန်ရင်းနှီးခဲ့သည်။ ယခုအခါ ရုတ်တရက် အသက်ရှုရန်ပင် ခက်ခဲလာသည်။ သူ တစ်ခဏမျှ တုံ့ဆိုင်းသွားပြီး သူ၏လက်ပတ်ကွန်ပျူတာအားဖွင့်လိုက်သည့်အခါ သူ၏ဘယ်ဘက်မျက်လုံးရှေ့တွင် သက်တန့်ရောင်အလွှာတစ်ခုပေါ်လာသည်။

သူ မေးခွန်းမေးလိုက်သည်။

[အသက်ရှုဖို့ ဘာလို့ခက်ခဲနေတာလဲ...]

အဖြေ ၁ : [မင်းနေမကောင်းဖြစ်နေလို့ပါ... အသက်ရှုလမ်းကြောင်းနဲ့ဆိုင်တဲ့ရောဂါနှင့် ပတ်သတ်တဲ့ကိုးကားချက်များ...ပို၍လေ့လာရန် {links}...]

အဖြေ ၂ :[မင်းကအရမ်းအိုနေလို့လည်းဖြစ်နိုင်တယ်... ငါ့အဖိုးလည်း မကြာခဏဖြစ်တတ်တယ်...]

ရှို့ဟန် : "........"

အလွန်ကန့်ကွက်သောမျက်နှာထားဖြင့် ထပ်ထည့်လိုက်သည်။

[သူ့ကိုဖက်ထားတဲ့အချိန်မှာ ဘာလို့အသက်ရှုရခက်တာလဲ...]

အဖြေ ၁: [တစ်ကိုယ်တည်းသမား သမင်လေးက

ဒီမေးခွန်းကိုဖြေဖို့ ငြင်းဆိုတယ်...]

အဖြေ ၂ :[ငရုတ်ဆော့...တစ်ကိုယ်တည်းငှက်က

ဒီမေးခွန်းကိုဖြေဖို့ ငြင်းဆိုတယ်... သေစမ်း...ဒီမှာရှိတဲ့ ပိုစ့်တွေက အကူအညီအတွက်လို့ထင်ခဲ့တာ...သူ့ရဲ့အချစ်ကိုပြဖို့ ဒီကိုရောက်လာတာလား...]

ဤအကြိမ်တွင် အဖြေနှင့်ပတ်သတ်ပြီး ရှို့ဟန်ကျေနပ်သွားသည်။

သူ အင်တင်တင်နှင့် ခေါင်းညိတ်ခဲ့သည်။

တွေးကြည့်ပြီးနောက် ထပ်၍မေးလိုက်ပြန်သည်။

[မင်းသဘောကျတဲ့သူဆီကနေ "ချစ်စရာကောင်းတယ်" လို့ ချီးမွမ်းခံရတာ ဘာအဓိပ္ပါယ်လဲ..."]

အဖြေ ၁:[အခြေအနေ၃မျိုးရှိတယ်...

၁။သူမက မင်းကို သူမရဲ့မောင်ငယ်လေးလို ဆက်ဆံတာ...

၂။သူမက မင်းကို အရံတစ်ယောက်လို အသုံးချတာ...

၃။သူမက မင်းကို သူမမောင်လေးရဲ့အရံလို့ ထင်နေတာ...]

အဖြေ ၂:[မိန်းကလေးတွေက ချစ်ဖို့ကောင်းတယ်လို့

ချီးမွမ်းကြတယ် ဘာလို့လဲဆိုတော့ သူတို့ကစားချင်လို့....ယောကျာ်းလေးတွေက ချစ်ဖို့ကောင်းတယ်လို့ မချီးမွမ်းလုနီးပါးပါပဲ... ချစ်ဖို့ကောင်းတယ်ဆိုတာ လူကောင်းကတ်ကို ပြောချင်တဲ့ အခြားနည်းလမ်းတစ်ခုပဲ...]

အဖြေ၃ :[ချစ်ဖို့ကောင်းတယ်ဆိုတဲ့ အဓိပ္ပါယ်က

'မင်းကအဆင်ပြေပေမယ့် ငါတို့ကအချစ်အတွက်

မသင့်လျော်ဘူးတဲ့'...မင်းတောင့်ခံထားသင့်တယ်...]

ဤမေးခွန်းက လူတိုင်း၏ပဲ့တင်သံအား နှိုးဆွပေးနိုင်ပုံရသည်။ ဤအချိန်တွင် တက်ကြွသောသူများမှာ ကောလိပ်ကျောင်းသားများနှင့် အထက်တန်းကျောင်းသားများဖြစ်သည်။ လွန်ခဲ့သောအနှစ်နှစ်ဆယ် စစ်ကြီးပြီးဆုံးပြီးနောက် အင်ပါယာ၏ ပညာရေး လေထုတစ်ခုလုံးက

အတော်ကလေး လျော့သွားခဲ့သည်။ အလုပ်ဖိအားမရှိသော လူငယ်များက စိတ်ပိုင်းဆိုင်ရာ ပြဿနာများတွင် အကောင်းဆုံးဖြစ်သည်။

ထို့ပြင် ရှို့ဟန်၏ကြယ်ကွန်ရက် အကောင့်မှာ အမည်အရင်းမဖော်လိုသည့် နေရာအားလုံးတွင် အထူး VIP ဖြစ်၍ မကြာမီတွင် တုန့်ပြန်မှု ရာချီရခဲ့ပြီး အားလုံးမှာ တူညီသောအကြောင်းအရာဖြစ်သည်။

တောင့်ခံထားရမည့် ရှို့ဟန် ...

ရှို့ဟန် :"....."

ရှို့ဟန် :".........."

-----

မိနစ်ဝက်အကြာ မကြာသေးမီက သူနှင့်စေ့စပ်ထားသူက

လက်ထပ်မည့်ရက်အား ဆုံးဖြတ်လိုက်သောကြောင့် မစ္စတာ ဖန်းနစ်ခ်မှာ သူ့ဧကရာဇ်၏ အဓိကပစ်မှတ်များထဲမှတစ်ယောက် ဖြစ်လာခဲ့သည်။ ဥပမာ:နံနက် ၂ နာရီတွင် သူက ဘဏ္ဍာရေးအစီရင်ခံစာများကို စစ်ဆေးနေရဆဲဖြစ်သည်။

အထီးကျန်သော ညလယ်ခေါင်တွင် အရှင်ဧကရာဇ်၏ဆက်သွယ်ရေးကိရိယာထံမှ စာရခဲ့သည်။

ဖန်းနစ်ခ်၏လက်များ ကြက်သီးမွှေးညင်းများထလာရသည်။

"အရှင်ဧကရာဇ်...ကျွန်တော်ပါ..."

ရှို့ဟန်က အေးစက်စွာပြောလိုက်သည်။

"ငါ့ရဲ့လက်ပတ်ကွန်ပျူတာက ပျက်သွားပြီး စာအမှားတွေ အများကြီးတက်လာနေတယ်..."

ဖန်းနစ်ခ် :"ဟင်...ဒါပေမဲ့ အရှင့်ရဲ့လက်ပတ်ကွန်ပျူတာက တော်ဝင်မိသားစုကနေ အထူးပြုလုပ်ထားတာပါ...သီအိုရီအရဆိုရင် သူက မပျက်နိုင်ပါဘူး...ပျက်စီးသွားတဲ့သတင်းကိုလည်း ပြန်ပို့မှာပါ..."

ရှို့ဟန်က ကြားဖြတ်ပြောလိုက်သည်။

"ဒါက ပျက်နေပြီ..."

ဖန်နစ်ခ် ချက်ချင်းပင်ပြောလိုက်သည်။

"ကောင်းပါပြီ.."

နှစ်ပေါင်းများစွာအသက်ရှင်လာပြီးနောက် အကောင်းဆုံးအတွေ့အကြုံမှာ သူ၏အရှင်ဧကရာဇ်ပြောသမျှ အမြဲမှန်၏။

"ဒါ့ထက် ဒီလူငယ်မျိုးဆက်ရဲ့ ပညာရေးတာဝန်ကို ပိုပြီး တင်းကြပ်သင့်တယ်..."

ရှို့ဟန်က အမူအရာမဲ့စွာပြောလိုက်သည်။

"သူတို့အတွက် စာလေ့လာတာက အရမ်းလွယ်ကူနေတယ်... အခွန်တွေတိုးပြီး ပညာရေးနဲ့ဆိုင်တဲ့ငွေကြေးထောက်ပံ့မှုကို မြှင့်တင်တဲ့သူတွေက အရူးတွေလား... မနက်ဖြန် ငါ့အတွက်အစီအစဥ်တစ်ခုဆွဲပေး..."

ဖန်းနစ်ခ် : "ကောင်းပါပြီ..."

ဘယ် 'လူငယ်မျိုးဆက်သစ်တွေ'ကများ အရှင်ဧကရာဇ်ကို ရန်စလိုက်တာလဲ...

-----

နောက်တစ်နေ့...

'ခရီးလမ်းသာယာဖြောင့်ဖြူးပါစေ၊ရှေးဟောင်းကမ္ဘာ'

ရသစုံအစီအစဉ်က လက်ရှိ အကျော်ကြားဆုံးတိုက်ရိုက်ထုတ်လွှင့်မှုအဖြစ် စတင်ရိုက်ကူးသည်မှာ ၇ရက်သာရှိသေးသည်။ ၇ရက်ကြာ ရသစုံအစီအစဉ်က ၁၂နာရီတိုက်ရိုက်ထုတ်လွှင့်မှုနှင့် နေ့စဥ် ၁၂နာရီကိုယ်ပိုင်အချိန် အပြင် အခြားရုပ်ရှင်ကိုလည်း အပတ်တိုင်း ထုတ်လွှင့်သေးသည်။ထို့ကြောင့် စတင်ရိုက်ကူးရန် အဆင်သင့်ဖြစ်နေခဲ့သည်။

ဤရက်များတွင် ဧည့်သည်အားလုံးက တစ်ပတ်အတွင်း ရရှေးဟောင်းကမ္ဘာမြေပေါ်၌ တရားဝင်စုဝေးကြမည်ဖြစ်ကြောင်း အတည်ပြုခဲ့သည်။ ထို့အပြင် ယနေ့က

လူများစွာ စောင့်မျှော်နေသော လူသစ်ပြိုင်ပွဲ၏ ဆုပေးပွဲအခမ်းအနားလည်းဖြစ်သည်။

မနက် ၄နာရီကတည်းက ကြယ်အားလုံးမှ ကြည့်ရှုသူများနှင့် ပရိသတ်များမှာ စောစီးစွာရောက်ရှိနေပြီး ဝင်ရောက်ရန် ပထမဆုံးအခွင့်အရေးအတွက် စီတန်းစောင့်နေကြသည်။

၎င်းက မယုံနိုင်ဖွယ်ရာကောင်းသည်။

နံနက် ၇နာရီ၌ သကြားခဲ သကြားခဲက ပြတင်းပေါက်မှတစ်ဆင့် လူတန်းကြီးအားမြင်လိုက်သည်။ သူမ မနေနိုင်ဘဲ ပင့်သက်ရှိုက်လိုက်မိသည်။

"60%လောက်က မြန်မြန်အတွက်လာတာလား..."

"အနည်းဆုံး 70% ဒါမှမဟုတ် 89%ပဲ..."

လုပ်ဖော်ကိုင်ဖက်များမှ ပြောခဲ့သည်။

၎င်းမှာ ကိစ္စကြီးမဟုတ်ပေ။ ပထမဆုံး လူသစ်ဆုပေးပွဲက ဤကဲ့သို့ခမ်းနားသောပွဲတစ်ခု မဟုတ်ခဲ့ပေ။ ဒုတိယအနေနှင့် ကုယွီမြန်၏ပရိသတ်များက အမှန်တကယ် မှတ်မိလွယ်သည်။

သူတို့က ကုယွီမြန်ပုံစံ အရုပ်ကလေးများနှင့် သားပေါက်လေးများ၏ ပုံစံအရုပ်များကို ကိုင်ဆောင်ထားပြီး တီရှပ်များ၊ ကုယွီမြန်နှင့်ပတ်သက်သည့် ပိုစတာများ အစရှိသဖြင့် ကိုင်ဆောင်ထားသည်။ သူတို့က တန်းစီရာတွင်လည်း တည်ငြိမ်ပြီး ယဉ်ကျေးသိမ်မွေ့ကြသည်။ အများစုမှာ အခြားတင်ဆက်သူများ၏ ပရိသတ်များကဲ့သို့ တိကျသော အသက်အရွယ်နှင့် လိင်အပိုင်းအခြားမရှိဘဲ၊ ကုယွီမြန်၏ ပရိသတ်များက အသက်အရွယ်မျိုးစုံကျောင်းသားများ အလယ်တန်းမှ အထက်တန်း၊ လူလတ်ပိုင်း အိမ်ထောင်ရှင်မများ၊ သူတို့၏သားသမီးများနှင့် ခင်ပွန်းများ၊

များစွာသောအန်တီကြီးများ၊ နေဝင်ချိန်ရောင်နီ ညီအစ်မများပင်လျှင် ပါဝင်သည်။

တရားဝင်အဖွင့်မှာ ၉နာရီတွင်ဖြစ်သည်။ ဤပရိသတ်များက ဆူညံခြင်း ပင်ပန်းခြင်း မရှိကြဘဲ တိတ်ဆိတ်စွာစောင့်ဆိုင်းနေကြသည်။ သူတို့၏အရည်အချင်းမှာ အလွန်ကောင်းမွန်သည်။

ထို့နောက် တံခါးအပြင်ဘက်တွင် ပွက်လောရိုက်သွားသည်။

"အာ...၂နာရီပဲကျန်တော့တယ်..."

လိုင်းထိပ်ဆုံးမှ ကောင်မလေးက သူ၏အဖော်နှင့် စကားပြောနေခဲ့သည်။

"အချိန်ကျတော့မယ်..."

ကောင်မလေး ၂ယောက်က ဤလိုင်းတွင် နံနက်၄နာရီကတည်းက 'အလှကုန်တွေကိုလွှင့်ပစ်မယ်'နှင့်'သစ်တော်ပန်းပွင့်အဖြူရောင်လေး' အမည်ကဒ်လေးများဖြင့် မတ်တပ်ရပ်နေခဲ့ကြသည်။ သူမတို့က ကုယွီမြန်တိုက်ရိုက်ထုတ်လွှင့်မှု၏ အမာခံပရိသတ်များ ဖြစ်ကြသည်။ သူတို့၏

မှတ်ချက်များက ရှိုးတိုင်းနီးပါးတွင်ရှိသည်။

သူတို့ ငိုက်မျည်းနေချိန်တွင် ကောင်မလေး၂ယောက်က ရင်းနှီးကျွမ်းဝင်သောအသံအား သူတို့နောက်မှ ရုတ်တရက် ကြားလိုက်ရသည်။

"မင်းတို့ကိုစောင့်ခိုင်းရလို့ အားနာပါတယ်..."

ကောင်မလေး၂ယောက် :"...."

သူတို့၏ခေါင်းအား ဖြည်းဖြည်းချင်းလှည့်လိုက်သည်။

ကောင်မလေး၂ယောက် :"..."

ဘေ့စ်ဘောဦးထုပ်ဝတ်ဆင်ထားသော ကုယွီမြန်က

သူ၏ပခုံးပေါ်တွင် သမ်းဝေနေသော နှင်းကျားသစ်လေးနှင့်အတူ အထုပ်များစွာအား ကိုင်ဆောင်ထားပြီး ဘေးနားရှိ စက်ရုပ်ကလေးမှ ကူ၍ကိုင်ထားပေးသည်။ သူက ဦးထုပ်အဖျားအားပင့်ပြီး ကောင်မလေးများကိုပြုံးပြကာ နူးညံ့သော စက္ကူအိတ်လေး၂ခုအား ကမ်းပေးသည်။

"ချိစ့်ဌာပနာမုန့်ပါ... နည်းနည်းအေးနေလောက်ပေမယ့်

အရသာရှိပါတယ်...ဒီနေ့လာပေးလို့ ကျေးဇူးတင်ပါတယ်..."

သူက နံနက်ခင်းနေကဲ့သို့ နွေးထွေးသည်။ အရပ်ရှည်ရှည် သွယ်လျသောခန္ဓာကိုယ်၊ အပြုံးနှင့်အတူကွေးသွားသော ညိုဖျော့ဖျော့မျက်ဝန်းများနှင့် ဟူဒီဝတ်ထား၍ ကျောင်းသားတစ်ယောက်နှင့်တူသော်လည်း စိတ်နေသဘောထားနှင့်စကားပြောပုံက သူ့အား အလွန်ယုံကြည်စိတ်ချရသော အစ်ကိုကြီးတစ်ယောက်ကဲ့သို့ ခံစားရစေသည်။

သူက အလွန်နူးညံ့သိမ်မွေ့ပြီး ချောမောလှသည်။

ကောင်မလေး၂ယောက်မှာ စိတ်လှုပ်ရှားနေခဲ့ပြီး စကားမပြောနိုင်ခဲ့ပေ။ သူတို့၏မျက်နှာများ နီရဲနေခဲ့သည်။

"ကျေဇူးတင်ပါတယ်...ကျေဇူးတင်ပါတယ်... ကျေးဇူးတင်ပါတယ်...ကျေဇူးတင်ပါတယ်... အချိန်မရွေးထွက်လာနိုင်မလား...မဟုတ်... မဟုတ်ဘူး...တစ်ခုခုပြင်ပေးဖို့မလိုပါဘူး... အာ ဒါက အရမ်းမွှေးတာပဲ...ကျေးဇူးတင်ပါတယ်..

ဝူး...ဝူး...လက်ဆွဲနှုတ်ဆက်လို့ရမလား..."

"ဒါပေါ့..."

ကုယွီမြန်က ပြုံးပြီး ကောင်မလေးများနှင့် ညင်သာစွာ

လက်ဆွဲနှုတ်ဆက်၍ အနောက်သို့ ချိစ့်ဌာပနာမုန့်များ ဆက်ပို့ပေးခဲ့သည်။

ကုယွီမြန်၏နောက်တွင် :" ဝှက်သယ်ဖတ်...ငါဒီလက်ကိုဘယ်တော့မှ မဆေးတော့ဘူး..."

"ငါ့အမေဆီက အိမ်ထောင်စုစာရင်းသွားတောင်းလိုက်ဦးမယ်...တကယ်ချစ်မိသွားပြီ..."

ကောင်မလေးနှစ်ယောက်က စာရိုက်ပြီး ကိုယ်ပိုင်ဘလော့နှင့်မှတ်ချက်မျက်နှာပြင်ပေါ်တွင်တင်လိုက်ကြသည်။

[အားးး]သူတို့ အလွန်စိတ်လှုပ်နေခဲ့ကြပြီး ဘာလုပ်ရမည်ကို မသိတော့ပေ။

တရားဝင်တိုက်ရိုက်ထုတ်လွှင့်မှုက ဖွင့်နေပြီးဖြစ်သော်လည်း ၎င်းမှာ တရားဝင်မစတင်သသေးဘဲ အချို့ကြယ်တာရာကောင်းကင် ကြော်ငြာများသာရှိသည်။

[အလှကုန်တွေကို လွှင့်ပစ်မယ် :အားး... ငါမြန်မြန်ကိုတွေ့ခဲ့တယ်...သေစမ်း...သူက တိုက်ရိုက်ထုတ်လွှင့်မှုမှာထက် ပိုပြီး ချောတယ်…ဒါ နှလုံးသားရဲ့ခံစားချက်ပဲ...]

[သစ်တော်ပန်းပွင့် အဖြူရောင်လေး :ဝူးဝူး... ဆုပေးပွဲစင်ပေါ်မှာ ခဏပဲကြည့်ခွင့်ရမယ်လို့ထင်ခဲ့တာ...သူနဲ့လက်ဆွဲနှုတ်ဆက်ခွင့်ရမယ်လို့ မထင်ခဲ့ဘူး...ဝူး ဝူး...ငါ့ဘဝကြီးကထိုက်တန်သွားပြီ... ပြီးတော့ ချိစ့်ဌာပနာမုန့်က တကယ်အရသာရှိတယ်...သူတို့က ဒီမနက်ခင်းမှ လတ်လတ်ဆတ်ဆတ်ဖုတ်ထားတာ...]

ကြီးမားသော မှတ်ချက်အရေအတွက်က တိတ်ဆိတ်နေသောထုတ်လွှင့်မှုတွင် တရစပ် တက်လာခဲ့သည်။ လက်မှတ်မလုနိုင်သော သူများနှင့် မလာနိုင်သောသူများက

စိတ်လှုပ်ရှားနေခဲ့ကြသည်။

[ပဲတောင့်ရှည်:ဒီသံပုရာသီးကိုကြည့်...ကြီးပြီးတော့ ချဥ်တယ်...]

[augjcj: ငါပြောခဲ့တာနဲ့ပတ်သတ်ပြီး ပိုပိုပြီး ဝမ်းနည်းလာပြီ... မြန်မြန်ကဘယ်လိုတောင် လူတိုင်းကို အဆာပြေမုန့်ပေးနိုင်ရတာလဲ...]

တမြန်နေ့တွင် ကုယွီမြန်က အဆာပြေမုန့်များယူလာပေးမည်ဟု ပြောခဲ့သော်လည်း ကံစမ်းမဲပုံစံမျိုးနှင့်ဟု ထင်ခဲ့ကြသည်။

ဒီလောက်လူအများကြီးကို သူဘယ်လိုတောင်အများကြီးယူလာနိုင်တာလဲ....

ပွဲကျင်းပရာနေရာတွင် အစားအစာများမရှိပေ။ ထို့ကြောင့် သူတို့ပေးချင်လျှင် ကြိုတင်လုပ်ရန်လိုအပ်ပြီး လူတိုင်းအား အပြင်မှာ စားခွင့်ပြုရမည်ဖြစ်သည်။

တစ်စုံတစ်ယောက်မှ တစ်ခုခုပို့ချင်လျှင် စက်ရုပ်ငယ်လေးများဖြင့် ပို့နိုင်သည်။

သူတို့က ကုယွီမြန်မှ ပွဲစတင်မှီ ၂နာရီစော၍ အဆာပြေမုန့်များဖြင့် လာလိမ့်မည်ဟု မထင်ခဲ့ကြချေ။

သူ မပင်ပန်းဘူးလား...

ထို့ပြင် သူ့အား ထွမ်ထွမ်လေးနှင့် အပြင်မှာမြင်ရခြင်းက ပို၍ကြည့်ကောင်းသည်။

လူတစ်အုပ်စုလုံး ဆူညံ့ပွက်လောရိုက်နေသည် ဆိုသည်မှာ ချဲ့ကားပြောခြင်းမဟုတ်ပေ။ နောက်တန်းရှိ ပရိသတ်များက သူတို့ မျက်နှာချင်းဆိုင်တွေ့ရတော့မည်အား သိထားပြီးဖြစ်၍ တစ်ချိန်တည်းမှာပင် အလွန်စိတ်လှုပ်ရှားနေသော်လည်း သူတို့က ငြိမ်သက်စွာစောင့်ရန် လေးစားမှုရှိနေသေးပြီး ရှေ့သို့တွန်းခြင်း မရှိပေ။ မူလတွင် တန်းစီခြင်းမှာ ငြီးငွေ့ဖွယ်ကောင်းခဲ့သော်လည်း ယခုအခါ ရုတ်တရက်အလွန်စိတ်ဝင်စားစရာကောင်းပြီး မျှော်လင့်ချက်များ ပြည့်လာခဲ့သည်။

on-site ဓာတ်ပုံဆရာတစ်ယောက်တွင် အကြံတစ်ခုရခဲ့ပြီး တိုက်ရိုက်ထုတ်လွှင့်မှု ဇာတ်ကြောင်းအားဖျက်၍ on-site၏တိုက်ရိုက် ရိုက်ချက်တစ်ခုအဖြစ်ပြောင်းခဲ့သည်။ အတွင်းအပြင်အဆင်လုပ်ငန်းစဥ်များအပြင် လူတန်းများဖြင့် ကြည့်ရှုသူအရေအတွက်က သေချာပေါက် စတင်တိုးလာခဲ့သည်။

သူတို့ အမှန်တကယ် မခံစားနိုင်သော်လည်း အခြားမြင်ကွင်းများတွင် ကုယွီမြန် သူ၏ကြည့်ရှုသူများနှင့်အပြန်အလှန်တုံ့ပြန်မှုကို မြင်ရခြင်းက ကောင်းမွန်လှသည်။

ထို့ပြင် အမှန်တကယ် စိတ်ဝင်စားဖွယ်ကောင်းသည်။

ဥပမာ ကုယွီမြန် ကလေးတစ်ယောက်၏ခေါင်းအားထိလိုက်သည်။ ကုယွီမြန်၏မျက်နှာက သူ့ခေါင်းဘေးရှိ ရွှယ်ထွမ်လေးနှင့် စကားပြောသောအခါ နူးညံ့သိမ်မွေ့သည်။ ချစ်စဖွယ် ရွှယ်ထွမ်လေးက ကုယွီမြန်၏ခေါင်းအား ပွတ်နေသည်။

ရွှယ်ထွမ်လေး၏ အမွေးလေးများလွင့်နေသော ဟာသပုံများလည်းရှိသည်။ နေဝင်ချိန်ရောင်နီ ညီအစ်မများသည်လည်း အလွန်ပျော်ရွှင်နေကြပြီး ကုယွီမြန်ကို တစ်ယောက်ပြီးတစ်ယောက် နှုတ်ဆက်နေကြသည်။

နံနက်ခင်းတွင် ကြည့်ရှုသူအရေအတွက်က မျက်တောင်တစ်ခတ်အတွင်း သန်း ၄၀၀ ကျော်သွားသည်။

"......"

၂နာရီကြာပြီးနောက် ဆုပေးပွဲအခမ်းအနားကို တရားဝင် စတင်ခဲ့ပြီး နောက်ဆုံးတွင် ကုယွီမြန်က မုန့်အားလုံးကို ပရိသတ်များထံ ပို့နိုင်ခဲ့သည်။

သူ့တစ်ယောက်တည်းသာဆိုလျှင် အားလုံးအား ဖြတ်၍ပေးပြီးသည့်တိုင်အောင် စတင်နိုင်လိမ့်မည် မဟုတ်ပေ။

အနိုင်ရရှိသူ ၄ယောက်ရှိပြီး တစ်ယောက်ချင်းစီတွင်

နားနေခန်းတစ်ခုစီရှိသည်။

"အာ..."

ယနေ့ သူတို့စောစောထခဲ့ရသောကြောင့် မြေခွေးလေး၊ ပန်ဒါလေးနှင့် ဟက်စကီးလေးက မနိုးကြသေးပေ။ လက်ဆောင်ပေးသောအခါ သူတို့အား သူနှင့်အတူခေါ်မလာခဲ့ပေ။ ကလေးများကို နားနေခန်းတွင်နေပြီး ခဏအိပ်ရန်ပြောထားခဲ့သည်။

ကုယွီမြန် အမွေးပုံထဲသို့ ပြန်နစ်သွားသည်။

ထန်ယွမ်လေးက မြေခွေးလေး၏အမြီးပေါ်တွင် အိပ်နေခဲ့ပြီး ကုယွီမြန်၏လက်မောင်းထဲသို့ လှိမ့်ကာ သူ၏လက်ကလေးအား စုပ်နေခဲ့သည်။ နှင်းကျားသစ်လေးက ပြုံး၍ ဆိုဖာအစွန်းသို့သွားပြီး လှိမ့်ရင်း ဆိုဖာပေါ်မှပြုတ်ကျတော့မည့် ဟက်စကီးလေးအား ပြန်ခေါ်ခဲ့သည်။

ကုယွီမြန်က သူ့အားပြုံး၍ကြည့်နေခဲ့သည့်အခါ ရုတ်တရက် နှင်းကျားသစ်လေး၏လှုပ်ရှားမှုရပ်တန့်သွားပြီးနောက် အနည်းငယ်တောင့်တင်းစွာလျှောက်လာခဲ့သည်။

ကုယွီမြန် : "......"

အရမ်းချစ်ဖို့ကောင်းတာပဲ...

သကြားခဲ သကြားခဲက 'ခရီးလမ်းသာယာဖြောင့်ဖြူးပါစေ၊ရှေးဟောင်းကမ္ဘာ' အချက်အလက်အား စားပွဲပေါ်တင်ထားသည်။ ကုယွီမြန် တစ်ချက်ကြည့်ပြီး အမျိုးမျိုးသော

စည်းမျဥ်းများက ပြောင်းသွားလိမ့်မည်ဟု မထင်ထားခဲ့ပေ။

"စုစုပေါင်းဧည့်သည် ရှစ်ဦးရှိတယ်...အလွှာပေါင်းစုံက ခုနှစ်ယောက်နဲ့ သိပ္ပံအကယ်ဒမီကညအထူးဖိတ်ကြားထားတဲ့ ဧည့်သည်ရှိမယ်...ခုနစ်ရက်အတွင်းရိုက်ကူးမှုပါ... ရှေးဟောင်းကမ္ဘာမြေရဲ့ဖွံ့ဖြိုးတိုးတက်ရေး ပရောဂျက်ကိုလည်း ရပ်ဆိုင်းလိမ့်မယ်... NPCအဖြစ် အထူးဧည့်သည်တွေရှိလိမ့်မယ်... စုစုပေါင်းအရေအတွက်က ၁ယောက်ကနေ ၅၀ အထိ အပြောင်းအလဲဖြစ်နိုင်ပါတယ်..."

ပထမ၂ခုက အဆင်ပြေပါတယ်... ဒါပေမဲ့ တတိယတစ်ခုက အထူးဧည့်သည်တော်တွေလား... NPC အယောက်၅၀တောင်လား…

🐯🐯🐯

Prev Next