MM Story Teller

Chapter 108

Viewers 19k

🐯Chapter 108

သစ်ပင်အိမ်၏ ပထမထပ်နှင့် ဒုတိယထပ်အား ကြိမ်ကြိုးတံတားဖြင့် ဆက်ထားသည်။ ကုယွီမြန်က တခဏမျှလေ့လာပြီးနောက် အကောင်ပေါက်လေးကောင်လုံးအား

ရွှေ့လိုက်သည်။ ပထမထပ်အတွင်းထဲတွင် အခန်း ၅ခန်းပါဝင်ပြီး ဒုထိယထပ်မှာ လုံးဝပြောင်းပြန်ဖြစ်သည်။ သစ်ပင်အိမ်ကို သေဆုံးသွားသောအပင်ဖြင့် ပြုလုပ်ထားခြင်းဖြစ်သည်။ ဒုတိယထပ်မှာ သေးငယ်သောနေရာတစ်ခုသာဖြစ်ပြီး ပထမထပ်၏ အခန်းတစ်ခုအရွယ်သာရှိသည်။

သို့သော် နူးညံ့သောမွေ့ယာ၊ အရုပ်ခေါင်းအုံး၂လုံးနှင့် ပုံပြင်စာအုပ်များဖြင့် ကာရံထားသည်။

ဒုတိယထပ်တွင် တစ်ယောက်ထဲသာအိပ်နိုင်သည်။ သူတို့က မခုန်ပေါက်နိုင်၊မလှိမ့်နိုင်ချေ။ သူတို့က ကျယ်ပြောသောညအားကြည့်ပြီး လှဲချလိုက်သည်။ သူတို့လက်ဆန့်လိုက်လျှင်

လ အားထိတွေ့နိုင်သကဲ့သို့ဖြစ်ပြီး လပေါ်တွင် အိပ်နေရသည်နှင့် အနည်းငယ်တူသည်။

ဤကဲ့သို့သော ဒီဇိုင်းမျိုးက ကလေးများကြား ကျော်ကြားရသည့်အကြောင်းရင်းကို ကုယွီမြန် ရှာဖွေကြည့်ရန်ပင် မလိုအပ်တော့ချေ။ သေချာပေါက်ပင် ပန်ဒါလေးက ပျော်ရွှင်စွာဖြင့် မြေခွေးလေးကို အိပ်ယာထဲဆွဲသွင်း၍ ကုယွီမြန်ထံသို့ စိုစွတ်သောမျက်လုံးများဖြင့်ကြည့်ကာ သူ့အားမြန်မြန်လာရန် တိုက်တွန်းနေသည်။

ကုယွီမြန်က နှင်းကျားသစ်လေးနှင့် အာ့ဟာလေးကိုချီပြီး အိပ်ယာထဲသို့လှဲလိုက်သည်။ ၎င်းက အလွန် သက်သောင့်သက်သာဖြစ်လှသည်။

သူတို့က အဝေးရှိ စိတ်ကူးယဉ်မြို့တော်မှ အသံများကိုကြားနိုင်သည်။ နတ်သူငယ်လေးများက သူတို့၏ အတောင်ပံကိုခတ်ပြီး တောထဲသို့ဝင်ကာ လူပုလေးများသည်လည်း မိုင်းအလုပ်သမား၏မီးအိမ်များကို ပိတ်လိုက်သည်။

အိပ်မက်မက်ရမည့်အချိန်ပင် ဖြစ်ချေသည်။

နောက်တစ်ရက်၏ အရုဏ်တက်ချိန်ရောက်ရန် ကြာလိမ့်မည် မဟုတ်ဘဲ မှော်ဆန်သောမြို့တော်တစ်ခုလုံး မနက်ပိုင်းတွင် ပြန်လည်အသက်ဝင်လာလိမ့်မည်။

ကုယွီမြန်က နှင်းကျားသစ်လေးကို ဖက်ထားပြီး သူ၏လည်ပင်းဘေးတွင် ခေါင်းနှစ်ကာ အသက်ပြင်းပြင်းရှုလိုက်သည်။ သူ အနည်းငယ်အိပ်ငိုက်နေပြီးဖြစ်ပြီး နူးညံ့သောအသံဖြင့် ကြည့်ရှုသူများအား နှုတ်ဆက်လိုက်သည်။

"ဒီနေ့ ကျွန်တော်တို့ရဲ့တိုက်ရိုက်ထုတ်လွှင့်မှု ပြီးပါပြီ...နောက်နေ့မှပြန်တွေ့ကြမယ်နော်... နောက်ကျတဲ့ထိ မနေကြပါနဲ့... ဒါဆို. ကောင်းသောညပါ..."

ကြည့်ရှုသူများမှာ ညနေခင်းတစ်ခုလုံး တိုက်ရိုက်ထုတ်လွှင့်မှုနောက်လိုက်ပြီး သူတို့ကိုယ်တိုင် စိတ်ကူးယဉ်မြို့တော်တွင် သွားလာဆော့ကစားခဲ့ရသကဲ့သို့ ထင်မိသည်။ အစပိုင်း မြေအောက်မြစ်မှစ၍ နောက်ပိုင်း နဂါးကြီး၏ ကျောပေါ်တွင်စီးခြင်း မှ ကောင်းကင်မြို့တော်အထိ၊ အချို့မှားယွင်းခဲ့ရသည့်အရာများရှိသော်လည်း ယေဘုယျအားဖြင့် အလွန်ပျော်ရွှင်ခဲ့ရသည်။

နောက်ဆုံး ၎င်းက နူးညံ့သိမ်မွေ့သော အဆုံးသတ်တစ်ခုပင်ဖြစ်သည်။ ထို့ပြင် နောက်ထပ်အံ့အားသင့်ဖွယ် ဒုတိယနှင့် တတိယနေ့များရှိဦးမည်ပင်။

[အဖြူရောင်အိပ်ယာဝင်သီချင်းလေး : ကောင်းသောညပါ... တင်ဆက်သူရဲ့ စကားကိုနားထောင်ပြီး တိုက်ရိုက်ထုတ်လွှင့်မှုကိုဆက်သွားဖို့ မပြောနိုင်ဘူး...]

[ဘိုင်အို : မနက်ဖြန်ပြန်တွေ့မယ်... နောက်နေ့မနက် ၈နာရီကို မျှော်လင့်နေမိပြီ..]

[မတ်ရှ်မယ်လိုထဲမှာအိပ်နေတယ် : အာ... 'မြန်မြန်' တိုက်ရိုက်ထုတ်လွှင့်မှုကိုဆက်လုပ်ပြီး အိပ်ရာဝင်စေချင်တယ်...ဒါပေမယ့် ငါတတ်နိုင်တာ ဘာမှမရှိဘူး...]

ထိုအရာက အမှန်တကယ် မဖြစ်နိုင်ချေ။ ကုယွီမြန် ပြုံးကာ တိုက်ရိုက်ထုတ်လွှင့်မှုမှ ထွက်သည့်ခလုတ်အားနှိပ်ပြီးနောက် မျက်နှာပြင်က တဖြည်းဖြည်း မှိန်ကျသွားသည်။ကလေးများအား လက်ထဲတွင်ပွေ့ပြီးနောက် ယွမ်ယွမ်နှင့် ချိုးချိုး၏ အသက်ရှုသံအား နားထောင်ရင်း သူလည်းအိပ်ပျော်သွားသည်။

"..."

ကုယွီမြန်၏ ယနေ့တစ်နေ့တာလုံး တိုက်ရိုက်ထုတ်လွှင့်မှု အစမှအဆုံးအထိ ကျော်ကြားမှုစက္ကန့်တိုင်းအား နောက်ခံတွင်မြင်နိုင်ပြီး မှတ်ချက်မျက်နှာပြင်၏ အရှိန်အဟုန်တိုးလာမှု၊ ကြည့်ရှုသူအသစ်များနှင့် အခြားဒေတာများ တိုးဝင်ရောက်လာမှုက အလွန်အံ့သြစရာကောင်းသည်။ အထူးသဖြင့် သူ၏ကြည့်ရှုသူများမှ ပရိသတ်အဖြစ်သို့ပြောင်းလဲနှုန်းပင်။

ယနေ့ညနေ ကြယ်တာရာကောင်းကင် ပလက်ဖောင်းပေါ်တွင် ကိုယ်ပိုင်ဘလော့အသေးစားများမပါဘဲ ပရိသတ် အရေတွက်သည်ပင် ၁၀သန်း တိုးလာသည်။ ကြည့်ရှုသူအသစ်များ၏ ၉၀ရာခိုင်နှုန်းက ပရိသတ်အဖြစ်သို့ပြောင်းသွားသည်။ သူ၏တိုက်ရိုက်ထုတ်လွှင့်မှု ပြီးဆုံးသွားသော်လည်း သူ၏ကျော်ကြားမှုမှာ သူငယ်ချင်း၊မိတ်ဆွေအသိုင်းအဝိုင်းတွင် ဆက်လက်ပျံ့နှံ့နေပြီး ကိုယ်ပိုင်ဘလော့များတွင်လည်း လှုပ်လှုပ်ရွရွဖြစ်စေသည်။

စိတ်ကူးယဉ်မြို့တော်အရာရှိများပင် သူတို့၏ကိုယ်ပိုင်

ဘလော့များဖြင့်ရိုက်ကူးထားသည့် ကုယွီမြန်၏ ပုံ၃ပုံအားတင်ပေးခဲ့ပြီး နှစ်မိနစ်အတွင်းမှာပင် ထပ်ဆင့်မျှဝေမှုက လွယ်ကူစွာ ၁သိန်းကျော်သွားခဲ့သည်။

ကုယွီမြန်၏ တိုက်ရိုက်ထုတ်လွှင့်မှုက ရှည်လျားသော်လည်း ကြည့်ရှုပြီးနောက် ၎င်းက လူတိုင်းအား မတင်မကျဖြစ်စေသည်။ စိတ်ကူးယဉ်မြို့တော်တွင်ပြသခဲ့သော်လည်း လူများစွာ၏စိတ်ကူးယဥ်မှုအား ကျော်လွန်သွားစေသည်။ ကြည့်ရှုသူများ၏ ၆၇ရာခိုင်နှုန်းက

နောက်နေ့စောစောထပြီး တိုက်ရိုက်ထုတ်လွှင့်မှုအားကြည့်ရန် နိုးစက်ချထားလိုက်သည်။

ကြယ်တာရာကောင်းကင် ပလက်ဖောင်းမှ ဝါဒဖြန့်မှုအမျိုးမျိုးကြောင့်လည်း ဖြစ်နိုင်သလို တင်ဆက်မှုမှာ အမှန်တကယ် လုံလုံလောက်လောက် ဆွဲဆောင်မှုရှိသောကြောင့်လည်းဖြစ်နိုင်သည်။

ကုယွီမြန်၏တိုက်ရိုက်ထုတ်လွှင့်မှု မပိတ်မှီ နောက်ဆုံးစက္ကန့်တွင် ကြည့်ရှုသူအရေအတွက်မှာ သန်း၂၅၀အထိ တက်သွားသည်။

ကုယွီမြန်က ပန်ဒါလေး၊ မြေခွေးလေးနှင့်အတူ အိပ်ပျော်သွားသော်လည်း ဟက်စကီးလေးအတွက် မလွယ်ကူခဲ့ချေ။

သူက တစ်ခဏမျှစောင့်ပြီးနောက် အားအင်အပြည့်ဖြစ်လာသည်။ ယခုအခါ သူ့ကိုယ်သူ နဂါးတစ်ကောင်ကဲ့သို့ခံစားရပြီး၊ငါးတစ်ကောင်ကဲ့သို့ သစ်ပင်အိမ်၏ဒုတိယထပ်ရှိရေကန်ထဲသို့ တိုက်ရိုက်ခုန်ချချင်နေသည်။

"အာဝူး~ "

သူက ကုယွီမြန်၏ဘောင်းဘီစအားကိုက်ကာ ဆွဲချရန် ကြိုးစားလိုက်သည်။ လူသား အိပ်နေသည်အား မြင်ရသောအခါ သူပို၍ပင်စိတ်လှုပ်ရှားလာသည်။ သူ့ရှေ့ခြေထောက်နှစ်ချောင်းက ဒုတိယထပ်၏အစွန်းတွင်ရပ်နေပြီး အမြှီးအားယမ်းကာ ရေကန်ကိုငုံ့ကြည့်နေသည်။

စာရေးဆရာများနှင့် ပန်းချီဆရာများက ခပ်ဆင်ဆင်တူကြသည်။ မကြာသေးမီက ဟက်စကီးလေးမှာ စာမူမရေးဖြစ်သော်လည်း သူ့ဦးနှောက်ပတ်လမ်းက တတ်နိုင်သမျှ

တွေးနေသေးသည်။ အမှန်တကယ်၌ သူက ရေမကူးတတ်ချေ။ သူ့စွမ်းရည်က မြေခွေးလေးဦးနှောက်စွမ်းအား၏ ဝိညာဉ်စနစ်နှင့် ဆင်တူသည်။

စကြဝဠာတစ်ခုလုံးတွင် စွမ်းရည်များကျော်ကြားရခြင်းမှာ သူတို့က စွမ်းအားကြီးသောကြောင့်ပင်။ အမှန်တကယ်တွင် စွမ်းရည်များက အဆင့်အမျိုးမျိုး အမျိုးအစားခွဲခြားနိုင်ပြီး Aအဆင့်အထက် စွမ်းရည်များက သက်ရှိတစ်ကောင်အား

သိသိသာသာ ပြောင်းလဲစေနိုင်သည်။ ဥပမာအားဖြင့် မြေခွေးလေး၏စွမ်းရည်ကို အသုံးပြုသောအခါ သူက သာမန်သာဖြစ်ပြီး ကုယွီမြန်၏မိသားစုအတွင်းတွင် သူနေထိုင်သကဲ့သို့ အနည်းငယ်ရှက်ရွံ့တတ်သည့် ကလေးတစ်ယောက်ပုံစံသာဖြစ်ကာ မပြောင်းလဲပေ။

မြေခွေးလေးက သူ့ဦးနှောက်စွမ်းရည်အား စတင်အသုံးပြုသောအခါ သူ၏စဥ်းစားဆုံးဖြတ်နိုင်စွမ်းနှင့် ဗဟုသုတအသစ်များမှတ်နိုင်စွမ်းက ထိပ်တန်း သိပ္ပံပညာရှင်များ၏အထက်တွင်ဖြစ်သည်။ မြေခွေးလေး၏စွမ်းရည်မှာ

Aအဆင့်သာဖြစ်သည်။

SSSအဆင့် စွမ်းရည် သို့မဟုတ် စိတ်စွမ်းအားမှာ စိတ်ကူးကြည့်ရန်ပင် ခက်ခဲသည်။

နောက်ဥပမာမှာ ဟက်စကီးလေးပင်။ သူက ယုံကြည်စိတ်ချ၍မရသော အာ့ဟာဖြစ်သော်လည်း သူ၏အမူအကျင့်က အနည်းငယ် ကလေးဆန်ကာ တစ်ခါတစ်လေ

ပုံမှန်မဟုတ်သည့်အရာများလုပ်လိမ့်မည်။ အကယ်၍ ဤတစ်လျှောက်လုံး ကံကောင်းမှုကြောင့်သာမဟုတ်လျှင် သူက အသက်ဆုံးရှုံးပြီးလိမ့်မည်။ သို့သော် သူက Aအဆင့်စိတ်စွမ်းရည်ပိုင်ရှင်ဖြစ်ပြီး ၎င်းက စိတ်ကူးစိတ်သန်း၊ မျှဝေခံစားမှုနှင့် ယုတ္တိရှိရှိတွေးခေါ်မှုများကို တိုးတက်စေသည်။ဝတ္ထုတစ်ပုဒ်ရေးသည့်အခါ ဤစွမ်းရည်အား လွန်ကဲစွာအသုံးပြုပြီး များစွာသောဆုများရရှိသည်မှာ အံ့သြစရာမဟုတ်ပေ။

သို့သော် ဤစွမ်းရည်က သူအမှန်တကယ် ရေနစ်သည့်အခါ ကယ်တင်နိုင်လိမ့်မည်မဟုတ်ချေ။

"အာဝူး~"

ဟက်စကီးလေးက ရေအားဂရုတစိုက်ကြည့်ပြီး ရေ၏မည်သည့်နေရာသို့ရောက်နိုင်ကြောင်း စတင်တွေးတောနေသည်။

နှင်းကျားသစ်လေးက မျက်လုံးတစ်ဖက်ဖွင့်၍ ဟက်စကီးလေးအား ပျင်းရိစွာတစ်ချက်ကြည့်ပြီးသမ်းဝေရင်း ကုယွီမြန်၏ဘေးသို့တိုးဝင်သွားသည်။

အဲ့ဒီအရူးက ငါနဲ့ဘာမှမဆိုင်ဘူး..

နှင်းကျားသစ်လေးက ပျင်းရိစွာလှည့်လိုက်ပြီးနောက် အတွေးတစ်ခုပေါ်လာသည်။ ဥပမာ ကုယွီမြန်က ရေများစိုရွှဲ၍နှာချေနေသော ဟက်စကီးအားမြင်သောအခါ သို့မဟုတ် သေနေသော ဟက်စကီးအားမြင်သောအခါ…

သူ ငိုမှာများလား…

နှင်းကျားသစ်လေးက သူ၏လူသားမှာ ဤခေတ်နှင့်မသက်ဆိုင်ကြောင်းသိသော်လည်း ဤနေရာတွင် ၁နှစ်ကြာနေလာပြီးနောက် သူငိုသည်အား တစ်ခါမျှမမြင်ခဲ့ဖူးချေ။

စိတ်ကူးကြည့်ရုံဖြင့်ပင် သူ့အားစိတ်မသက်မသာဖြစ်စေသည်။

ဟက်စကီးလေးက သူ့ခြေထောက်များကို အစွန်းတွင်ထားပြီး ခုန်ချရန်အသင့်ဖြစ်နေသည်။ ထို့နောက် တိုက်ရိုက် ခုန်ချလိုက်သည်။

"အာဝူး..."

ရေထဲခုန်ချရာတွင် သူကျရှုံးသွားသည်။

သူက လက်တစ်ဖက်တည်းဖြင့် မညှာမတာနှင့် အန္တရာယ်ရှိစွာ ဆွဲထားခြင်းခံရသည်။

"အာဝု~"

ဟက်စကီးလေး၏ ခြေလေးချောင်းလုံးက တွဲလောင်းကျကာ လေထဲတွင် ဝှေ့ယမ်းနေရင်း ထို"လူသား"အားရုတ်တရက် လှည့်ကြည့်လိုက်သည်။ ဟက်စကီးလေးမှာ ထိုလူသား၏ မျက်လုံးများနှင့် စိတ်ခံစားချက်မှာ မဖော်ရွေကြောင်း ခံစားနိုင်ပြီး မသိစိတ်မှ လည်စပ်မွှေးများထောင်လာကာ မကြာမီတွင် ရင်းနှီးသောအနံ့အားရလိုက်သည်။

သူစိတ်ရှုပ်ထွေးသွားပြီး လည်ချောင်းထဲမှ "ဝု ဝု"ဟု အသံပေးလိုက်သည်။ နောက်စက္ကန့်တွင် သူ အိပ်ယာထောင့်သို့ပစ်ချခံလိုက်ရသည်။ ထုတ်ချင်းပေါက်မြင်ရသော ကြိုးတစ်ချောင်းက လေထဲတွင်ပေါ်လာပြီး ဟက်စကီးလေး၏ နောက်ခြေထောက်များကို ချည်လိုက်သည်။ ထို့ကြောင့် သူက အန္တရာယ်ရှိသော ခုန်ပေါက်မှုမျိုးကို နောက်ထပ်လုပ်နိုင်လိမ့်မည် မဟုတ်ချေ။

"ကောင်းကောင်းနေ.."

အမျိုးသား၏ ခဲပြာရောင်မျက်လုံးများက စိုးရိမ်ပူပန်သည့်အရောင်များဖြင့် ကုယွီမြန်ကိုကြည့်လိုက်သည်။ ခဏရပ်သွားပြီးနောက် သူ၏အသံက ပို၍အေးစက်ကာ ဟက်စကီးလေးဘက်က်ိုလှည့်၍ စိတ်မရှည်စွာဖြင့်ပြောလိုက်သည်။

"သူ့ကိုငိုအောင်မလုပ်နဲ့..."

-----

နောက်တစ်နေ့ စိတ်ကူးယဥ်မြို့တော်၏ နံနက်ခင်းမှာအခြားနေရာများနှင့်ကွဲပြားသည်။ ပထမဆုံးအိပ်ယာထသည့်သူမှာ စာနှင့်သတင်းစာပို့သည့် နတ်သူငယ်ဖြစ်သည်။ သူက မိုးမသောက်မှီ အတောင်ပံများကိုဖြန့်ပြီး ထောင်ပေါင်းများစွာသော မိသားစုများထံ ပျံသန်းသွားသည်။ မိုးသောက်သောအခါ လူပုလေးများနိုးလာပြီး သူတို့၏မြေအောက်လိုဏ်ဂူထဲမှထွက်ကာ သံထုရိုက်ကြသည်။ ပထမဆုံး မိုးပျံရထား စတင်ထွက်လာပြီးနောက် သစ်ပင်ကမ္ဘာ၏ အကိုင်းအခက်များနှင့် အရွက်များ အတွန့်လိပ်ဖြန့်လိုက်ရာ ကမ္ဘာတစ်ခုလုံး လင်းထိန်သွားသည်။

ယနေ့က ထူးခြားသောနေ့တစ်နေ့ပင်ဖြစ်၏။ သစ်ပင်ကမ္ဘာတွင် အရောင်စုံဘယ်ရီသီးများဖြင့် ဖုံးအုပ်နေသည်။ အရွက်များမှာ အဝါရောင်နှင့် အနီရောင်ပြောင်းလဲသွားပြီး ကမ္ဘာတစ်ခုလုံး အရောင်စုံနေသည်။ ရာသီဥတုမှာလည်း အလွန်သာယာသည်။ မှန်ကဲ့သို့သော လမင်းရေကန်က

မနက်ခင်း၏အပြာရောင်ကောင်းကင်အရောင်ဖြင့် ရောင်ပြန်ဟပ်နေသည်။

လမင်းရေကန်တွင် နေထိုင်ကြသော ရေလူသားများက အသက်ရှုရန် အပေါ်သို့တိတ်တဆိတ်တက်လာကြပြီး သစ်ပင်အိမ်မှ ထူးဆန်းသောအသံကြောင့် ထိတ်လန့်သွားကာ "ပလုံ" ခနဲ ရေကန်အောက်ခြေသို့ ပြန်လည်ငုတ်လျှိုးသွားသည်။

အလယ်ရှိသစ်ပင်အိမ်လေးထဲတွင် အခြား ပလုံးပထွေးအသံတစ်သံရှိနေသည်။

"အာ ဝု...အာဝူး...အာဝူး..."

ဟက်စကီးလေးက ကြိမ်အခင်းပေါ်တွင် တစ်ဝက်တစ်ပြတ် တွဲလောင်းကျနေသည်။ သူက အန္တရာယ်ရှိသောအနေအထားဖြင့် တစ်စုံတစ်ယောက်ထံမှ အရူးလုပ်ခြင်းခံထားရသည့်ပုံပေါ်သည်။ ဤကဲ့သို့သော အနေအထားတွင် သူအိပ်ပျော်နိုင်သည်မှာ သနားစရာပင်။ ဟက်စကီးလေးက ရူးကြောင်ကြောင်နှင့် လျှာလေးတွဲလောင်းကျလျက် အိပ်မက်ထဲတွင် စကားပြောနေသည့်ပုံပေါ်ကာ သူ၏ခြေချောင်းများမှာ လေထဲတွင် လှုပ်ယမ်းနေသည်။

"အာ့အာရေ..."

ကုယွီမြန်က ထူးဆန်းသောအနေအထားဖြင့် အကောင်လေးအားချီပြီး အိပ်ယာထဲသို့ပြန်ထည့်ထားလိုက်ကာ သူ့အား ထန်ယွမ်လေးနှင့်မြေခွေးလေးတို့ဘေးတွင် အိပ်စေသည်။

"မင်းဘယ်လိုလုပ် ဒီရောက်နေတာလဲ... အိပ်နေရင်းလမ်းထလျှောက်တာလား..."

နှင်းကျားသစ်လေးက ကုယွီမြန်၏ပခုံးပေါ်တွင် သူ့ခေါင်းအားလှိမ့်လိုက်သည်။ သူက ကုယွီမြန်၏ ပါးကို သူ့လက်ဖဝါးလေးဖြင့်ဖိကာ ရေကူးနေသည့် ပုံစံဖန်တီးပြလိုက်သည်။

သူဆိုလိုသည့်အဓိပ္ပါယ်အား ကုယွီမြန် နားလည်သွားသည်။

" အာ့အာက အခုသူ့ကိုယ်သူ ငါးတစ်ကောင်လို့ထင်နေတာလား..."

ကုယွီမြန် ကူကယ်ရာမဲ့သွားရသည်။ သူတို့စတွေ့သည့် ပထမဆုံးနေ့မှာပင် ဟက်စကီးလေးက အထီးကျန်ဝံပုလွေဖြစ်နေကာ သူ၏အသံအားလုံးက "အာဝူး"သာဖြစ်သည်။

သို့သော် သူ့တွင်ပြစရာမရှိချေ။ စိတ်ကူးယဉ်မြို့တော်သို့ ရောက်လာပြီးနောက် နဂါးကြီးနှင့်အမျိုးမျိုးသော ရေနေသတ္တဝါများကိုမြင်လိုက်ရသည့် အတွက်ကြောင့်ဖြစ်နိုင်သည်။ သူ၏ဆန္ဒနှင့်မျိုးနွယ်က ချက်ချင်းပြောင်းလဲသွားကာ ကောင်းကင်၌ ပျံသန်းချင်ပြီး ရေထဲတွင်လည်း ကူးခတ်ချင်နေသည်။ ၎င်းက အနည်းငယ် အန္တရာယ်များသည်။

သူသည် ခွေးတစ်ကောင်းသာဖြစ်ကြောင်း အဘယ်ကြောင့် လက်မခံနိုင်ရသည်ကို ကုယွီမြန် မသိတော့ချေ။

"ငါ ဂရုစိုက်လိုက်မယ်..."

ကုယွီမြန်က ထွမ်ထွမ်အား ချီထားပြီး သူ၏မျက်လုံးများထဲတွင် အပြုံးလေးဖြင့် ဂရုတစိုက်ကြည့်လိုက်သည်။ ပထမတွင် နှင်းကျားသစ်လေးက ကုယွီမြန်အား မပြောင်းလဲဘဲကြည့်ပြီး သူ၏မျက်လုံးများမဖွင့်နိုင်တော့သည့်တိုင်အောင် ကြည့်နေခဲ့ကာ သူ၏နားရွက်ထိပ်များ နီရဲလာသည်။ ကုယွီမြန် သူ့နားရွက်လေးအားနမ်းပြီး

ပြောလိုက်သည်။

"ထွမ်ထွမ်..မင်းသူတို့အပေါ်ဂရုစိုက်တဲ့အတွက်

ငါဝမ်းသာတယ်..."

ကုယွီမြန်က နှင်းကျားသစ်လေး၏အမူအကျင့်နှင့်ပတ်သက်ပြီး အမြဲတမ်း စိတ်ပူနေခဲ့ရသည်။

ယွမ်ယွမ်နှင့်ချိုးချိုးတွင် သူတို့ကိုယ်ပိုင် သေးငယ်သော ချို့ယွင်းချက်များရှိသော်လည်း သူတို့က ရွှင်လန်းတက်ကြွသည်။ နှင်းကျားသစ်လေးသာလျှင် အခြားကလေးများနှင့် မပတ်သက်ဘဲ တစ်ချိန်လုံး လူတိုင်းနှင့်တစ်ဖက်သတ်ဖြစ်နေခဲ့သည်။

သူက ဟက်စကီးလေးအား ဂရုစိုက်ရန် လက်ဦးမှု ယူလိမ့်မည်ဟု မမျှော်လင့်ခဲ့ချေ။ ကုယွီမြန် အမှန်တကယ်ကျေနပ်သွားပြီး အနည်းငယ်စိတ်သက်သာရာ ရသွားခဲ့သည်။

နှင်းကျားသစ်လေး : "..."

မပျော်ရွှင်စွာဖြင့် သူ၏ခဲပြာရောင်မျက်လုံးများကျဥ်းမြောင်းသွားသည်။

အဲ့ဒီအရူးတွေကို ဘယ်သူကဂရုစိုက်လို့လဲ...

ကိုယ်က မင်းအတွက်စိတ်ပူတာ ရှင်းနေတာကို...

"အင်း..ထွမ်ထွမ် အိပ်ချင်သေးလား..."

ငြင်းဆန်သည့် အဖြေတစ်ခုရပြီးနောက် ကုယွီမြန် ဆက်ပြောလိုက်သည်။

"ဒါဆို သူတို့ကို နည်းနည်းလောက် ပိုအိပ်ခိုင်းလိုက်ရအောင်... မနက်စာအဆင်သင့်ပြင်ကြစို့..."

ကုယွီမြန်က သူ့လက်မောင်းထဲတွင် နှင်းကျားသစ်လေးကိုချီပြီး သစ်ပင်အိမ်၏ ဒုတိယထပ်မှပထမထပ်သို့ဆင်းလာခဲ့သည်။ နံနက်စောစောမှ ညပိုင်းအထိ လမင်းရေကန်ထဲရှိ လှိုင်းလုံးကြီးများထဲတွင် ကောင်းကင်ကြီး ရောင်ပြန်ဟပ်နေသည်။ အလွန်ရိုးရှင်း၍ စွဲမက်ဖွယ်ကောင်းသော အနံ့ရှိသည့် ဆောင်းဦးအစောပိုင်း မြူပါးပါးလေးက ရေကန်အား ဖုံးလွှမ်းထားသည်။

🐯🐯🐯

Prev Next