MM Story Teller

Chapter 109

Viewers 19k

🐯Chapter 109

ယနေ့တွင် သူက ထပ်တစ်ရာမုန့်ကြွပ်လုပ်မည်ဖြစ်၍ အချို့ပါဝင်ပစ္စည်းများမှာ ကြိုတင်ပြင်ဆင်ရန် လိုအပ်သည်။ ကုယွီမြန်က မုန့်ဖုတ်ရာ၌ ဂျုံမုန့်ညက်တွင်စပ်သည့် ဆီ၊

ဂျုံမှုန့်၊ သကြား၊ ဆားနှင့် ထပ်တစ်ရာမုန့်ကြွပ်လုပ်ရာတွင် သုံးသည့် ဆီအား ပြင်ဆင်ထားသည်။ သူ ရိုးရှင်းသောမုန့်ကြွပ်အားလုပ်လိမ့်မည်။

ထိုအချိန်တွင် သူက စိတ်ကူးယဥ်မြို့တော် အပန်းဖြေဥယျာဥ်မှ တရားဝင်ဆက်သွယ်စာ ရခဲ့သည်။

အပန်းဖြေဥယျာဥ်လား... ကြယ်တာရာကောင်းကင် မဟုတ်ဘဲ စိတ်ကူးယဥ်မြို့တော်လို့ ပြောလိုက်တာ သေချာကြားလိုက်ပါတယ်..

" ဟဲလို ကုယွီမြန်ပါ..."

ကုယွီမြန်က လက်မအား၍ ပြန်ဖြေရန် နှင်းကျားသစ်လေးအား အလင်းမျက်နှာပြင်ပေါ် သူ့လက်ဖဝါးလေးဖြင့် ထိခိုင်းလိုက်သည်။

"မစ္စတာကု အခုအားလားမသိဘူး ပြောစရာ ကိစ္စရှိလို့ပါ..."

အပန်းဖြေဥယျာဥ်ကဝန်ထမ်းက ငါ့ကိုရှာနေတာလား...သူ့တို့အတွက် ဘာလုပ်ပေးနိုင်လို့လဲ...

ကုယွီမြန်၏လက်မှာ ရပ်တန့်သွားပြီး နှင်းကျားသစ်လေးအား သံသယဝင်အချို့ဖြင့်ကြည့်လိုက်သည်။ သူက

လျှို့ဝှက်ဇာတ်ကြောင်းတစ်ခုခုနှင့် ပတ်သတ်နိုင်သည်ဟု ယောင်ဝါးဝါး ခန့်မှန်းပြီး ပြောလိုက်သည်။

" ကျွန်တော်အားပါတယ်... မင်းပြောချင်တာကိုပြောပါ..."

ကုယွီမြန်က အမှားတစ်ခုမှမလုပ်ခဲ့ပေ။ ၎င်းက သေချာပေါက် လျှို့ဝှက်ဇာတ်ကြောင်းနှင့် ဆက်စပ်နေသည်။

" ကျွန်တော် မနေ့က ရှုပ်ထွေးအောင် လုပ်မိသွားလို့ တောင်းပန်ပါတယ်… မြို့အရှင်ရော အဆင်ပြေရဲ့လား…"

ထိုအရာရှိမှာ မစ္စတာဖန်းနစ်ခ်ထံမှ အထူးဖုန်းခေါ်ဆိုမှုရရှိခဲ့၍ ယခုအချိန်၌ သူက စကားအပြောအဆိုကို အလွန်သတိထားနေပြီး ပြောလေသည်။

"ဒါပေါ့ အဆင်ပြေပါတယ်... ဒီအကြောင်းကို မင်းစိတ်ပူစရာမလိုပါဘူး..."

နှင်းကျားသစ်လေးက အဖြေအား စိတ်ကျေနပ်မှုရှိပြီး အနည်းငယ်ခေါင်းညိတ်လိုက်သည်။

"ဘာအကြောင်းများဆွေးနွေးချင်လို့လဲ..."

စိတ်ကူးယဥ်မြို့တော်၏ တရားဝင်ကိုယ်ပိုင်ဘလော့များက

ကမ္ဘာလှည့်ခရီးသွားများ၏ အရည်သွေးမြင့်ပုံများကို ရွေးချယ်ကာ ကိုယ်ပိုင်ဘလော့သို့ပို့ပေးတတ်သည့် အကျင့်ရှိသည်။ ယမန်နေ့ည၌ သူတိုက ကုယွီမြန်၏ပုံများကိုရွေးချယ်ပြီးနောက် တုံ့ပြန်ချက်မှာ အံ့အားသင့်စရာပင်။စိတ်ကူးယဥ်မြို့တော်၏ ကိုယ်ပိုင်ဘလော့တည်ဆောက်ပြီးကတည်းက ထိုပုံများ၏မှတ်ချက်မှာ အမြင့်ဆုံးဖြစ်သည်ဟု ပြောလျှင် ချဲ့ကားထားခြင်းမဟုတ်ချေ။

"ဒါကြောင့် မင်းစိတ်ကူးယဥ်မြို့တော်မှာ လည်ပတ်တဲ့အခါ

တိုက်ရိုက်ထုတ်လွှင့်မှုတစ်ခုလုပ်ဖို့ ကျွန်တော်တို့ ဖိတ်ခေါ်ချင်လို့ပါ... ပြီးတော့ ကြော်ငြာကြေးအကြောင်း..."

"အဟွတ်..."

ကုယွီမြန်က နှင်းကျားသစ်အား ကိုင်ပြီး ချောင်းအနည်းငယ်ဆိုးကာ နှင်းကျားသစ်လေး၏ နားရွက်ကို ပွတ်လိုက်သည်။ သူက ဤအကြောင်းအရာအား ကလေးများရှေ့တွင် မပြောချင်ပေ။ သူ၏စိတ်ကူးမှာ ကလေးများ

အလယ်တန်းကျောင်းသို့မတက်ခင်အထိ သူတို့၏မိသားစု၏ ဘဏ္ဍာရေးအခြေအနေအကြောင်း များစွာသိရန်မလိုအပ်ချေ။ သူက ပိုက်ဆံအလုံအလောက် ရှိနေလျှင် ရပြီဖြစ်သည်။

ထို့ပြင် စိတ်ကူးယဥ်မြို့တော်မှာ အလွန်ကောင်းမွန်ရာ

သူ အလကားပင် ကြော်ငြာပေးချင်သည်။

အခြားတစ်ဖက်က သူ၏အဓိပ္ပါယ်အား ချက်ချင်းနားလည်သွားပြီး ပြောလေသည်။

"ဒီအကြောင်းနောက်မှပြောရအောင်... လျှို့ဝှက်ဇာတ်ကြောင်းက ကစားနေတဲ့အချိန် အချိန်မရွေးပွင့်သွားနိုင်ပါတယ်... ဒါက်ို လက်ခံနိုင်ပါသလား..."

အရာရှိက ကုယွီမြန်၏ကျော်ကြားမှု၊ စီးပွားဖြစ်နိုင်သည့်တန်ဖိုးနှင့် တိုက်ရိုက်ထုတ်လွှင့်မှုတို့အား ကျယ်ကျယ်ပြန့်ပြန့် အကဲဖြတ်ခဲ့သည်။ ဤလျှို့ဝှက်ဇာတ်ကြောင်းအား ကုယွီမြန်မှ စူးစမ်းရှာဖွေခြင်းက ယခင် မျှော်မှန်းထားသည့် နည်းလမ်းအားလုံးထက် ပိုသင့်လျော်သည်။

ကောင်းကင်မြို့တော်က မပြီးသေးသော်လည်း ဖွင့်ရန် တစ်ခုတည်းသောနည်းလမ်း မဟုတ်ချေ။

ကုယွီမြန် ဂရုတစိုက်စဥ်းစားလိုက်သည်။

"ကောင်းပါပြီ..."

၎င်းက အနည်းငယ်စိတ်ဝင်စားစရာကောင်းသည်ဟု

ထင်သည်။ ထို့အပြင် သူ့ကလေးများကလည်း သဘောကျပေလိမ့်မည်။

၎င်းမှာ အန္တရာယ်မရှိသောအရာဖြစ်သော်လည်း

ကုယွီမြန် မလုပ်ချင်လျှင် သူတို့ဘက်က မေးခွန်းထုတ်လိမ့်မည်မဟုတ်ချေ။ ကံကောင်းသည်မှာ ကုယွီမြန်က လက်ခံခဲ့သည်။

"တခြားတစ်ခုခုရှိသေးလား..."

ကုယွီမြန် ပြုံး၍မေးလိုက်သည်။

"ဟုတ်ကဲ့ နောက်ဆုံးတစ်ခုကျန်ပါသေးတယ်..."

ကုယီမြန် : "ဟင်..."

"ကျွန်တော်တို့အားလုံး မင်းကိုအရမ်းကြိုက်ကြတယ်... ပုံတချို့ကို လက်မှတ်ထိုးပေးနိုင်မလား..."

ကုယွီမြန် : "..."

နာရီဝက်ကြာပြီးနောက် ပန်ဒါလေး နိုးလာပြီး သူ၏မျက်လုံးများကိုပွတ်ကာ ကုတင်ပေါ်မှ ဖြည်းညင်းစွာ ဆင်းလာသည်။ ကုယွီမြန်၏ လက်အားဆွဲ၍ သူ့အားမျက်နှာသစ်ရာတွင် ကူညီပေးရန် ပြောလေသည်။ မြေခွေးလေးနှင့် ဟက်စကီးလေးမှာ စောစောနိုးခဲ့သည်။ တစ်ယောက်က ကုယွီမြန် မနက်စာပြင်ဆင်ရာတွင် ကူညီပေးပြီး အခြားတစ်ယောက်မှာ ဖင်ထိုင်ချပြီး ရေနှင့်ဆော့နေသည်။

ကုယွီမြန် တစ်ချက်ကြည့်ပြီးနောက် ဟက်စကီးလေးအား ပြန်ဆွဲခေါ်လာသည်။ သူ အဆင်သင့်ဖြစ်တော့မည်ဟု ခံစားရ၍ မနက်၈နာရီတွင် တိုက်ရိုက်ထုတ်လွှင့်မှုအား အချိန်မှီဖွင့်လိုက်သည်။

"ဟဲလို တင်ဆက်သူ ကုယွီမြန်ပါ..."

လျင်မြန်စွာမြင့်တက်လာသော ကြည့်ရှုသူများအားကြည့်ပြီး ကုယွီမြန် သူ့မျက်လုံးများကို မကွေးဘဲ မနေနိုင်ခဲ့ချေ။

"မနက်စာစားပြီးရင် ကျွန်တော်တို့ရဲ့ စိတ်ကူးယဉ်မြို့တော်ခရီးစဥ်ကို တရားဝင်စတင်ပါမယ်..."

ကြည့်ရှုသူအများအပြားက အချိန်မှန်နိုးစက်ပေးထားသောကြောင့် တိုက်ရိုက်ထုတ်လွှင့်ပြီး ၁မိနစ်အကြာတွင် လူပေါင်း၁၀သန်းက ဝင်ရောက်လာသည်။

[မလုပ်ပါနဲ့..မလုပ်ပါနဲ့ : အား မနက်စာနဲ့ စိတ်ကူးယဥ်မြို့တော်... ဒီနေ့တင်ဆက်သူက ဘယ်လိုခရီးစဥ်မျိုးရှိမလဲ မသိဘူး...]

[သစ်တော်ပန်းပွင့်အဖြူရောင်လေး : ငါနိုးစက်ပေးထားခဲ့တာ မနက်၆နာရီကတည်းက… ထိုင်ထ လေ့ကျင့်ခန်းလုပ်ပြီး ငါခြေထောက်တွေ ကျဥ်နေပြီ QAQ]

[မတ်ရှ်မယ်လိုက မြန်မြန့်လောက် မချိုဘူး : အခု ၈နာရီမှာတိုက်ရိုက်လွှင့်တာစတယ်... စိတ်ကူးယဥ်မြို့တော်ရဲ့ခရီးစဥ်က များသောအားဖြင့် မနက်၉နာရီကနေ ညနေ၉နာရီအထိ... ဒီနေ့တိုက်ရိုက်ထုတ်လွှင့်မှုက အရမ်းရှည်မှာပေါ့... ရုတ်တရက်ကြီး စိတ်လှုပ်ရှားလာပြီ...]

စိတ်ကူးယဥ်မြို့တော်က လက်မှတ်ဝယ်ခြင်း၊ တန်းစီခြင်း နှင့်ကိုယ်ပိုင်ခရီးစဥ် စသည့် ပုံမှန်အစဥ်အလာအတိုင်းမဟုတ်သည့် နစ်မြှုပ်နေသော အပန်းဖြေဥယျာဥ်ဖြစ်သည်။ အပန်းဖြေဥယျာဥ်မှာ ကမ္ဘာလှည့်ခရီးသွားတိုင်းအတွက် ခရီးစဥ်စီစဥ်ပေးပြီး ခရီးသွားတိုင်းသည်လည်း စိတ်ကူးယဉ်မြို့တော်၏ လုပ်ငန်းစဥ်များကိုနားလည်ကာ သူတို့မြို့တော်တွင် အမှန်တကယ်နေထိုင်သကဲ့သို့ဖြစ်လိမ့်မည်။

"ဟုတ်တယ် ကျွန်တော်တို့ ဒီနေ့အကြာကြီး တိုက်ရိုက်ထုတ်လွှင့်ရမှာ..."

ကုယွီမြန် ခေါင်းညိတ်ပြပြီးထောက်ခံလိုက်သည်။

အဆုံးတွင် သူက စိတ်ကူးယဥ်မြို့တော်၏ သြဇာရှိသူများနှင့် သဘောတူညီမှု ယူပြီးပြီဖြစ်သည်။

ကြည့်ရှုသူများက လှုပ်လှုပ်ရှားရှားဖြစ်ပြီး ဘာလုပ်ရမည်မသိချေ။

ကြယ်တာရာကောင်းကင်မြို့တော်၏ အချိန်ပြည့်တင်ဆက်သူ၏ နေ့စဥ်ပျမ်းမျှ တိုက်ရိုက်ထုတ်လွှင့်မှုအချိန်က ၁၀နာရီကျော်သော်လည်း ကုယွီမြန်က နတ်ဘုရားကဲ့သို့ပင်။ သူက အလွန်ဆုံး ၅နာရီသာရှိပြီး တစ်ခါမျှ ၁၀နာရီ

အထိတိုက်ရိုက်မထုတ်လွှင့်ဖူးပေ။

[မြန်မြန် ငါဒီမှာရောက်ပြီ... ကောင်းကင်က လကြီးကိုကြည့်ပါဦး လုံးဝန်းမနေဘူးလား...ဒီနေ့ ၁၀နာရီကျော်တောင် ကြည့်မှာပေါ့..]

[နောက်ဆုံးတော့ အကြာကြီးတိုက်ရိုက်ထုတ်လွှင့်တော့မယ် ငါငိုနေပါပြီ...]

[ငါအိပ်မက်မက်နေတယ်လို့ထင်တယ်...တစ်ယောက်ယောက် ဆွဲဆိတ်ပေးပါ့လား...]

ကုယွီမြန် :"..."

ဘာလို့ လူတိုင်းက ချဲ့ကားပြောနေကြတာလဲ...

ငါ့ရဲ့တိုက်ရိုက်ထုတ်လွှင့်မှုတွေက အရမ်းတိုနေခဲ့တာလား...

ကုယွီမြန် အပြစ်ရှိစိတ်ခံစားလိုက်ရသည်။

"မနက်စာလုပ်ပြီး စားကြရအောင်..."

ကကုယွီမြန်က ပန်ဒါလေး၏လက်ဖဝါးအားကိုင်၍ ပွတ်ရင်း ပြောလိုက်သည်။ ပန်ဒါလေးက သူ့လက်ချောင်းကိုကိုင်တာ ခေါင်းလေးဖြင့် တိုးဝှေ့လာခဲ့သည်။

"တကယ်တော့ မနက်စာကအဆင်သင့်ဖြစ်တော့မှာ

ခဏနေရင် စားလို့ရပြီ..."

သူက အပေါ်ယံတွင် မုန့်ကြွပ်အလွှာပါသော ပင်လယ်စာစွပ်ပြုတ်တစ်မျိုးအား လုပ်နေခြင်းဖြစ်သည်။ ၎င်းက တရုတ်နှင့် အနောက်တိုင်းစတိုင်နှစ်မျိုးလုံးတွင် ရနိုင်သော်လည်း ၎င်းမှာ အနောက်တိုင်းဟင်းလျာဖြစ်သည်။ပင်လယ်စာမလိုင်စွပ်ပြုတ်အား ချက်ပြုတ်ခြင်းနှင့် ထပ်တစ်ရာမုန့်ကြွပ်ပြင်ဆင်ခြင်းဟူ၍ နှစ်ပိုင်းခွဲထားသည်။ယခုအကြိမ်တွင် ပင်လယ်စာစွပ်ပြုတ်အတွက် ပြင်ဆင်ထားသည့် ပါဝင်ပစ္စည်းများမှာ ပုဇွန်၊ ကဏန်းခြေထောက်အသားနှင့် ပင်လယ်ကမာတို့ဖြစ်သည်။

ပုဇွန်နှင့် ကဏန်းခြေထောက်တို့မှာ အခွံခွာပြီးပြီဖြစ်ပြီး လတ်ဆတ်စေရန် ကကမာနှင့်အတူ ရေခဲထဲတွင်ထည့်ထားကာ အသုံးပြုရန် အဆင်သင့်ပင်။ စွပ်ပြုတ်အား မီးဖိုလေးပေါ်တွင် အဖြူရောင်အနှစ်များတက်သည်အထိ ကျိုထားသော ချင်းအနည်းငယ်နှင့်ဟင်းချက်ဝိုင်ပါသည့် ငါးစွပ်ပြုတ် လုပ်မည်ဖြစ်သည်။

"ကြက်သွန်ဖြူနဲ့ အာလူးတွေကို အတုံးသေးသေးလေးတွေလှီးကြမယ်ပြီးရင် စွပ်ပြုတ်လုပ်ဖို့ အိုးထဲထည့်ရမယ်..."

ကုယွီမြန် စဥ်းစားပြီးနောက် ပြောလိုက်သည်။

"ယေဘုယျအားဖြင့်ပြောရရင် ကြက်သွန်နီလည်းပါတယ်... တော်တော်များများက ကြက်သွန်နီအပေါ် ဆိုးဆိုးဝါးဝါးတုံ့ပြန်ကြတယ် အထူးသဖြင့် ကြောင်လေးတွေ..ခွေးလေးတွေ... ဒါကြောင့် ဂရုစိုက်ကြပါ..."

ကုယွီမြန် လှီးထားသော ကြက်သွန်ဖြူနှင့် အာလူးများကို သံလွင်ဆီထဲသို့ တိုက်ရိုက်ထည့်ပြီး အပူပေးလိုက်သည်။ မကြာမီတွင် ကြက်သွန်ဖြူနှင့် အာလူး၏ မျက်နှာပြင်များက ရွှေရောင်တောက်ပြောင်ပြီး အလွန်မွှေးကြိုင်လာသည်။

ကုယွီမြန်က ဂျုံမှုန့်နှင့် ထောပတ်အား တစ်လှည့်စီထည့်ကာ ဆက်၍ချက်ပြုတ်သည်။ ထောပတ်များ အရည်ပျော်ပြီး တရှဲရှဲ အသံမြည်လာကာ လျစ်လျူမရှုနိုင်သော ဆွဲဆောင်မှုရှိသည့် အနံ့တစ်ခုထွက်ပေါ်လာသည်။ နှာခေါင်းထဲသို့

အဖြူရောင်အငွေ့များလည်း ဝင်လာသည်။

ကလေးအချို့က ချက်ချင်း အနံ့ဖြင့်ဆွဲဆောင်ခံလိုက်ရပြီး

သူတို့၏နှာခေါင်းလေးများကိုရွှေ့ရင်း ကုယွီမြန်၏ လက်မောင်းတွင်းသို့ဝင်ကာ အိုးထဲသို့ စိုက်ကြည့်နေကြသည်။

"စိတ်မပူပါနဲ့..."

ကုယွီမြန် သူတို့၏ခေါင်းလေးများအား တစ်ယောက်ချင်းပွတ်ပေးပြီးနောက် ခုံးကောင်ပြုတ်အား အိုးထဲသို့လောင်းထည့်လိုက်ပြီး အမြင့်ဆုံးအပူချိန်သို့ထားလိုက်သည်။

ကုယွီမြန်က ဇွန်းရှည်အားကိုင်၍ စွပ်ပြုတ်ကျက်သည်အထိ မွှေလေသည်။

ထို့နောက် ဘရန်ဒီ ဇွန်းအပြည့်အနည်းငယ်အား လောင်းထည့်လိုက်ပြီး အာလူးနှင့် သစ်ကြံပိုးခေါက်များထည့်လိုက်သည်။ အာလူးများနူးညံ့သည်အထိ ချက်ပြုတ်ပြီးနောက် ပြောင်းဖူးထည့်ပြီး မှို၊တရုတ်နံနံနှင့် မုန်လာဥနီများကို တစ်လှည့်စီလှီးထည့်သည်။

ပွက်ပွက်ဆူလာပြီးနောက် ကုယွီမြန်က ပုဇွန်၊ကဏန်းခြေချောင်းနှင့် ကမာကောင်များထည့်ပြီး လက်ဆတ်သော မလိုင်လောင်းထည့်၍ ရောမွှေလိုက်သည်။ နောက်ဆုံးတွင် အရသာရှိစေရန် ဆားနှင့် ငရုတ်ကောင်းအမဲ ထည့်လိုက်သည်။

အကောင်ပေါက်လေးများနှင့် ကြည့်ရှုသူများက အသက်အောင့်ထားမိပြီး အရက်မီးဖိုးပေါ်မှ စွပ်ပြုတ်အိုးအား စောင့်ကြည့်နေကြသည်။

မကြာမီတွင် ပျစ်သောပင်လယ်စာစွပ်ပြုတ်အိုးက မီးဖိုပေါ်တွင် ဆူပွက်လာပြီး ရံဖန်ရံခါတွင် ပူဖောင်းအကြည်လေးများ ပေါ်လာသည်။ အိုးထဲရှိဟင်းရည်မှာ နို့နှစ်ရောင်ရှိသည်။ အနီရောင်ဖျော့ဖျော့နှင့် နူးညံ့သောပုဇွန်၊ ကဏန်းခြေချောင်းအသား၊အဖြူရောင် ကမာကောင်အသား၊မုန်လာဥနီအတုံးများနှင့် အစိမ်းရောင် တရုတ်နံနံတို့မှာ အရောင်စုံ အလှဆင်ထားသည်။

အသွင်အပြင်ဖြင့်ပင် လူတိုင်း၏စားချင်စိတ်အား နှိုးဆော်ပေးနေသည်။ ထို့ပြင် အနံ့ထွက်လာပြီးနောက်

စွပ်ပြုတ်၏ သန်မာသောနို့နံ့နှင့် အငန်နံ့အားသယ်ဆောင်လာသည်။ ဘရန်ဒီနံ့အနည်းငယ်ကိုပင် ရနိုင်သေးသည်။

"အီ..."

ပန်ဒါလေး၏လက်ကလေးများက ကုယွီမြန်၏အဝတ်စအားဆွဲထားပြီး သွားရည်များကို မျိုချနေသည်။ သူ၏ခေါင်းမှာ ကုယွီမြန်၏လက်မောင်းတွင်းသို့ တိုးဝင်လာရာ နှင်းကျားသစ်လေးက သူ၏လုံးဝန်းသော ခေါင်းအား တွန်းထုတ်လိုက်သည်။

ဟက်စကီးလေးက သူ့လက်သည်းများကို မကုတ်ခြစ်ဘဲမနေနိုင်တော့သည့်အပြင် သူ့ခေါင်းအားစိတ်လှုပ်ရှားစွာ ယမ်းခါနေခဲ့သည်။ မြေခွေးလေးထံမှ တားဆီးခြင်းမခံရလျှင် သူ၏ခေါင်းက အိုးထဲသို့တိုက်ရိုက်နှစ်ကာ စွပ်ပြုတ်များ

သောက်နေလိမ့်မည်။

မှတ်ချက်မျက်နှာပြင်၏ အကန့်များက အထူးပြုလုပ်ချက်မျိုးစုံဖြင့်လိမ့်နေပြီး အပူလှိုင်းအားတစ်ခုအား ဖြစ်ပေါ်စေသည်။

[ဗီဗီယန် : ဘုရားရေ... အရမ်းမမွှေးလွန်းဘူးလား... ဒါက လတ်ဆတ်ထူပျစ်ပြီး အရောင်အစုံနဲ့ မွှေးပျံ့တဲ့စွပ်ပြုတ်တစ်ခွက်ပဲ...]

[ကျင်း ၉၀အောက်မနည်းသရွေ့ နာမည်မပြောင်းဘူး:

အား... တင်ဆက်သူ မင်းနိုင်ပါတယ် ငါဒီနေ့စားဖို့အစီအစဥ်မရှိဘူး... အခုတော့ အော်ဒါမှာလိုက်မိပြီ ငါ့ရဲ့

ဝိတ်ချတဲ့အစီအစဥ် ထပ်ပျက်ပြန်ပြီ QAQ]

[ကျွီယိ : ငါစားချင်တယ်...ကျေးဇူးပြုပြီး...

သွားရည်တွေမျိုချနေပြီ...]

[ဂျူနီယာဘီ : ညီအစ်ကို ဒီဟင်းပွဲက အယ်လ်ဘတ်မှာ

ရမှာမလား...အရမ်းမမွှေးလွန်းဘူးလား...ငါတိတ်တိတ်လေး VIP ကတ်ထုတ်လာပြီ...]

ယနေ့နံနက်တွင် ကြည့်ရှုသူအရေအတွက်မှာ သိသိသာသာ ထိုးတက်သွားပြီး တစ်ချက်တည်းဖြင့် သန်း၆၀ကျော်သွားကာ ဆက်လက်၍ တက်နေသေးသည်။

"ကျွန်တော်တို့ မုန့်ကြွပ်အလွှာကို ထပ်ထည့်ရမယ်..."

ဂျုံ၊ ဆီ၊ သကြား၊ ဆားဖြင့်လုပ်ထားသည့် မုန့်ကြွပ်လုံးအားလုပ်ထားပြီးပြီဖြစ်ပြီး အပေါ်တွင် ရွှေရောင်ဥအနှစ်ထည့်ထားသည်။ ကုယွီမြန်က ပင်လယ်စာစွပ်ပြုတ်အား မုန့်ဖုတ်ပန်းကန်ငါးလုံးထဲသို့ ထည့်ပြီး ပန်းကန်လုံးများကို မုန့်ကြွပ်အလွှာဖြင့်ဖုံးကာ မီးဖိုထဲတွင် ခဏမျှဖုတ်လိုက်သည်။ ယခုအခါ အားလုံး ပြီးသွားလေပြီ။

အပေါ်ယံလွှာကို ကြွပ်ရွမှုအပြည့်ဖြင့် ဖုံးအုပ်ထားပြီးအတွင်းထဲမှ စွပ်ပြုတ်ပျစ်ပျစ်လေးက မွှေးပျံ့သော အနံ့အားထုတ်လွှတ်နေသည်။

ဟက်စကီးလေး၏လျှာက ဟောဟဲလိုက်နေပြီး သူ၏ ရှေ့ခြေနှစ်ချောင်းက ကုယွီမြန်၏ လက်ကောက်ဝတ်ပေါ်တွင် ရှိကာ သူ့အသံမှာ မရပ်တန့်ချေ။ မကြာမီတွင် သူ၏အမြီးက ယပ်တောင်တစ်ခုသဖွယ် ဖြစ်လာသည်။ နှင်းကျားသစ်လေးကလည်း ကုယွီမြန်၏ လက်ဖဝါးကို နင်းကာ ယခုသူစားချင်ကြောင်း ပြသရန်အတွက် မေးစေ့ကိုမော့လိုက်သည်။

ကြည့်ရှုသူများက ကလေးများအား ကြိုက်နှစ်သက်ပြီး မခုခံနိုင်ကြချေ။ စက္ကန့်ပိုင်းအတွင်းမှာပင် မှတ်ချက်မျက်နှာပြင်တွင် မှတ်ချက်ထောင်ပေါင်းများစွာ တစ်ချိန်တည်းစီးဆင်းသွားသည်။ လေထုမှာ အလွန်နွေးထွေးလှသည်။

"အင်း...မင်းတို့စားလို့ရပြီ..."

ကုယွီမြန်က သူ့မိသားစုမှကလေးများက အလွန်ချစ်စရာကောင်းသည်ဟု တွေးမိပြီး မရယ်ဘဲမနေနိုင်တော့ချေ။ ပါးချိုင့်လေးက သူ၏နှုတ်ခမ်းဘေးတွင်ပေါ်လာသည်။

နှင်းကျားသစ်လေး တစ်ခဏမျှ စိတ်ဆိုးသွားပြီး အနီးရှိ

စွပ်ပြုတ်ပန်းကန်ကပင် ရုတ်တရက် ဆွဲဆောင်မှုမရှိတော့ချေ၊

"ထွမ်ထွမ် ဘာလုပ်နေတာလဲ..."

ကုယွီမြန်က နှင်းကျားလေး၏နှာခေါင်းထိပ်လေးအား ခပ်ဖွဖွဖျစ်ပြီး ကလေးများထံသို့ ပန်းကန်လုံးများကမ်းပေးလိုက်သည်။ ကလေးများကိုလည်း ဇွန်းနှင့် ခရင်းသုံးနည်းအား ပြသလိုက်သည်။

"ပထမဆုံး မုန့်ကြွပ်ကို ခရင်းနဲ့စွပ်ပြုတ်ထဲကိုနှစ်လိုက်...

နူးညံ့သွားတဲ့အထိ နှစ်ထားပြီးရင် စွပ်ပြုတ်နဲ့အတူ စားလို့ရပြီ..."

မြေခွေးလေးက သူ၏သွားရည်များကိုမြိုချပြီး ကုယွီမြန်၏ လက်မောင်းတွင်းမှ ဆင်းလိုက်သည်။ သူ၏လက်ဖဝါးလေးများဖြင့် ခရင်းအား ကိုးယိုးကားယားကိုင်လိုက်ပြီး ကုယွီမြန်၏စကားများအရ မုန့်ကြွပ်အား

စွပ်ပြုတ်ထဲသို့နှစ်လိုက်သည်။ မြေခွေးလေးနှင့်ပန်ဒါလေးက ပျော်ရွှင်စွာဖြင့် သူတို့၏မျက်လုံးများကို တစ်ချိန်တည်း

မှိတ်ချလိုက်သည်။

ကြွပ်ရွပြီး နူးညံ့သော ပင်လယ်စာစွပ်ပြုတ်က နှုတ်ခမ်းနှင့်လျှာကြား စီးဆင်းသွားသည်။ ကြွယ်ဝချိုမြိန်သော မလိုင်၊လတ်ဆတ်သော ပုဇွန်နှင့် ကဏန်းအသား၊ ကြည်လင်ပြီး

ချိုမြိန်သောဘရန်ဒီတို့လည်း ပါဝင်၏။ စွပ်ပြုတ်၏အရသာမှာ ချိုမြိန် နူးညံ့ပြီး စေးကပ်သည်။ ၎င်းမှာ ချိုသည်၊လတ်ဆတ်သည် ပျစ်နှစ်သည်။အရသာမျိုးစုံက ဤကြွပ်ရွသောစွပ်ပြုတ်၏ ဇွန်းသေးလေးထဲတွင် ရှိနေသည်။ သောက်ပြီးသည့်နောက် လူတိုင်းအား သူတို့၏ လက်ချောင်းများကို စုပ်ချင်အောင်လုပ်နေသည်။

"အာဝူး...အာဝူး..."

ဟက်စကီးလေးက လှည့်ပတ်လှိမ့်နေပြီး ကုယွီမြန်၏ဘောင်းဘီအားပွတ်ကာ သူ၏ပျော်ရွှင်မှုအား ပြသနေသည်။ နှင်းကျားသစ်လေးက ကျေနပ်အားရစွာ

စောင်းကြည့်လိုက်သည်။

မျက်နှာပြင်ပေါ်တွင် နှင်းကျနေသကဲ့သို့ မှတ်ချက်များ ပြင်းထန်စွာကျနေသည်။

[အသုံးပြုသူ aiuf :အားးးး မြေအောင်းရှဥ့်လိုမျိုးအော်နေမိပြီ...]

[ချင်းချင်းက ကြောင်ဘာသာစကား အဆင့် ၄ကိုအောင်ချင်တယ် : သေစမ်း... ငါအိပ်မက်မက်နေတယ်လို့ထင်နေတာ... ဒီလိုအရသာရှိတဲ့အစားအစာက တကယ်ရှိတာလား...]

[ဟဟဟ သို့မဟုတ် ဟော့ : ယုန်လေး သူ့ရဲ့ပန်းတိုင်ကို ရောက်သလို ခံစားချက်မျိုးပဲ... ကြွပ်ရွတဲ့အလွှာရဲ့အရသာက စွပ်ပြုတ်နဲ့ အရမ်းလိုက်တယ်... အရမ်းမွှေးပေမယ့် မအီဘူး... ဒီမနက် ဒါကိုသောက်လိုက်ရလို့ အရမ်းပျော်သွားပြီ...]

[ကြောင်လေးရဲ့မြောင် : မြောင် မြောင် မြောင်… ငါသက်တန့်ရောင် အီးမပေါက်နိုင်ဘူး... ငါမင်းကို ကျန်တဲ့လက်ဆောင်တွေ အားလုံးပေးလိုက်ပါပြီ =333=]

[တရုတ်ပြည်တောင်ဘက်ကကျားက ဘယ်တော့မှချိန်းမတွေ့ဘူး : ငါတကယ်စားချင်တယ်... ကုယွီမြန်ရဲ့လက်မောင်းထဲမှာလှဲပြီး မနက်စာစားချင်တယ်... သွားရည်လိုမျိုး သံပုရာသီးကိုထားခဲ့ပြီ...]

ပိတ်ရက်နံနက်ခင်းတွင် လူအတော်များက အိပ်ရသည်အားကြိုက်နှစ်သက်ပြီး တိုက်ရိုက်ထုတ်လွှင့်မှု ပလက်ဖောင်းတွင် လူမများတတ်ချေ။ သို့သော် ကုယွီမြန်စတူဒီယို၏ ကျော်ကြားမှုကြောင့် ကြည့်ရှုသူဦးရေက သိသိသာသာ မြင့်တက်နေသည်။

ကန့်သတ်ချိန်ကာလ နာရီဝက်ပြီးဆုံးသွားသည်။ စတူဒီယိုထဲမှလေထုက ယနေ့၏ ကျော်ကြားမှုစာရင်းအား ပြုလုပ်ပေးပြီး တစ်ချိန်တည်းမှာပင် အချိန်နှင့်တစ်ပြေးညီ ကျော်ကြားမှုစာရင်းတွင် ထိပ်ဆုံး၃နေရာသို့ တိုက်ရိုက်တက်သွားကာ မကြာမီတွင် ပထမနေရာအား ယူလိမ့်မည်ပင်။

ယခုအချိန်တွင် တောက်ပသောအပြာရောင်ကောင်းကင်က လမင်း ရေကန်ထဲတွင် ရောင်ပြန်ဟပ်နေသည်။ ရေကန်ပေါ်မှဖြတ်တိုက်လာသော လေပြေလေညင်းလေးက ထူးခြားသောရေငွေ့နံ့နှင့် ဆောင်းဦးရာသီ သစ်ရွက်များ သယ်ဆောင်လာသည်။ စိတ်ကူးယဥ်မြို့တော်၏ အလယ်ရှိ

ကောင်းကင်မီးရထား၏ တဂျုန်းဂျုန်းမြည်သံအားလည်းကြားနေရသည်။ စိတ်ကူးယဥ်မြို့တော်သား အားလုံး စတင်လှုပ်ရှားသွားလာနေကြသည်။

နံနက်ခင်း စျေးနှင့်ဆိုင်ခန်းများဖွင့်လှစ်ပြီး ငှက်များက အကော်ဒီယံများ၏လက်ထဲတွင် သီချင်းဆိုနေကြပြီး သူတို့၏ခရီးစဥ်စတင်တော့မည်ဖြစ်သည်။

🐯🐯🐯

Prev Next