MM Story Teller

Chapter 197

Viewers 33k

🌍Chapter 197

ထန်မော့သည် ပြောနေစဥ်မှာလည်း ဇီးကွက်နှင့် စွပ်ပြုတ်ခွက်ကို စိုက်ကြည့်နေခဲ့သည်။ ထိုပစ္စည်း၂ခုပေါ်တွင် အပြာရောင်အလင်းက ဖြည်းညှင်းစွာတောက်ပလာခဲ့သည်။ ဇီးကွက်မှာ ထိုအလင်းရောင်ကြောင့် လန့်သွားပြီး ထပျံလိုသော်လည်း မမြင်နိုင်သောလှောင်ချိုင့်ထဲတွင်ပိတ်မိနေခဲ့လေသည်။

အလယ်မှ အပြာရောင်နံရံမှာ မှိန်ဖျော့ပျောက်ကွယ်သွားပြီးနောက် နာရီပေါ်မှ ပစ္စည်း၆ခုလည်း ပျောက်ကွယ်သွားတော့သည်။

စက္ကန့်လက်တံ၏ ရွေ့လျားခြင်းမှာရပ်တန့်သွားပြီး ထန်မော့၏ ခြေထောက်အောက်မှ နာရီလက်တံကြီးမှာ နာရီလမ်းကြောင်းအတိုင်း ဘယ်ဘက်သို့ ရွေ့သွားခဲ့သည်။ တချိန်တွင်းမှာပင် ယုန်နက်ကြီးအောက်မှ မိနစ်လက်တံမှာလည်း ရွေ့လျားလာခဲ့သည်။

သူတို့၂ဦးစလုံးမှာ ဤမြင်ကွင်းကို အံ့အားသင့်လျက် ကြည့်နေခဲ့ကြလေသည်။

မူလတွင် ထန်မော့နှင့် ယုန်နက်အကြား အကွက်၃၀ခြားနေခဲ့သည်။ ယခုမူ သူတို့၂ဦးစလုံး နာရီလက်တံလမ်းကြောင်းနှင့် ၄င်း၏ပြောင်းပြန်အဖြစ် ကိုယ်စီရွေ့လာကြပြီး တစ်ကွက်စီတိုးသွားကြသည်။ သူတို့၏အောက်မှ မိနစ်နှင့် နာရီလက်တံများမှာ ၂၈ကွက်သာကွာတော့သည်။

"ကစားသမား သုညနဲ့ ၆ ကျေးဇူးပြုပြီး နာရီနဲ့ မိနစ်လက်တံတွေအတိုင်း မှန်ကန်တဲ့နေရာမှာ ရပ်ပေးပါ"

ထန်မော့မှာ နာရီလက်တံညွှန်ပြထားသော ဆန့်ကျင်ဘက်သို့လျှောက်သွားလိုက်သည်။ သူသည်ကြမ်းပြင်ကို စိုက်ကြည့်လျက် သူ၏ဦးနှောက်မှာလျှင်မြန်စွာ လည်ပါတ်နေခဲ့လေသည်။

တီဗွီနှင့်မီးအိမ်ကြားမှာ အမှန်တရားမှာ သံသယ၀င်စစရာမလိုအောင် မှန်ကန်လေသည်။ စားပွဲနှင့် လေးကြားမှ အမှန်တရားမှာလည်း ရိုးရှင်းကာ မှားနိုင်ချေမရှိချေ။ ထို့ကြောင့် အဖြစ်နိုင်ဆုံးသောအမှားမှာ ဇီးကွက်နှင့် စွပ်ပြုတ်သာလျှင်ဖြစ်နိုင်သည်။ ပစ္စည်းတစ်စုံကို အောင်အောင်မြင်မြင်ထုတ်ပယ်နိုင်ပါက ကစားသမားအနေနှင့် ရှေ့သို့တစ်ကွက်တိုးနိုင်သည်။ အကယ်၍ ထုတ်ပယ်လိုက်သော ပစ္စည်းများမှာ အမှားအပြစ်ဖြစ်နေခဲ့လျှင် တစ်ကွက်ပြန်ဆုတ်ရမည်။

ယခုသူသည်တစ်ကွက်မျှသာ ရှေ့တိုးနိုင်ခဲ့သည်ဖြစ်၍ တစ်ခုခုမှားနေသည်ဟူသော အဓိပ္ပါယ်ပင်။

"တီဗွီ နဲ့ မီးအိမ်...စားပွဲနဲ့လေး ဒီနှစ်ခုကတော့မှန်တယ်...ဒီတော့ငါရှေ့၂ကွက်တိုးသွားမယ်...ဇီးကွက်နဲ့ စွပ်ပြုတ်ကြားက အမှန်တရားကမှားနေတော့ နောက်တစ်ကွက်ပြန်ဆုတ်ရတယ်...ဒါကြောင့် ရှေ့ကိုတစ်ကွက်ပဲတိုးလို့ရတာ...

ထန်မော့ရင်ထဲမှ တိတ်တဆိတ်တွေးနေခဲ့သည်။ သို့သော် စက္ကန့်ပိုင်းအတွင်းတွင် သူကခေါင်းကိုမော့လျက် ယုန်ကိုကြည့်လိုက်လေသည်။

ယုန်နက်ကြီးမှာ ၄င်း၏ အကွက်တွင်တဖန်ခုန်ပေါက်နေသည်ကို တွေ့လိုက်ရပြန်သည်။ ၄င်းကထန်မော့ကြည့်နေသည်ကိုမြင်လျှင် ထူးဆန်းသောအပြုံးကြီးဖြင့် ၄င်း၏သွားများကိုဖော်ပြလာကာဆိုလာခဲ့သည်။

" ငါမင်းကို ကျွတ်ကျွတ်၀ါးပစ်မှာ"

ထန်မော့၏ မျက်လုံးတို့ပြူးကျယ်သွားခဲ့သည်။

မှားနေပြီ...

မေးခွန်းကအရမ်းလွယ်တာကို ဒီယုန်ကဘယ်လိုမှားဖြေလိုက်တာလဲ...

ထန်မော့က နာရီလည်ခြင်းအတိုင်း ရှေ့တိုးသွားသော်လည်း ထိုယုန်ကြီးကမူ နာရီပြောင်းပြန်လည်သည့်အတိုင်း ရွေ့သွားခဲ့သည်။ သူကရှေ့သို့တိုးသော်လည်း ယုန်ကြီးကနောက်သို့ဆုတ်ခဲ့ရသည်။ ၄င်းမှာ ယုန်နက်မှ အမှန်တရား၂ခုကိုမှားဖြေပြီး တစ်ခုမှန်သွား၍ပင်ဖြစ်သည်။ ထို့ကြောင့်ပင် မိမိတို့၂ဦးကြားမှ အကွာအဝေးမှာ တိုတောင်းသွားခဲ့သည်။

စားပွဲ လေးနှင့် တိဗွီး မီးအိမ်တို့မှာ အလွန်သိသာလွန်းလှသည်။ ယုန်နက်မှာ လူသားနေထိုင်မှုဘ၀ကိုသိပ်နားမလည်၍ မှားဖြေမိခြင်းပေလား။

အမည်မသိခံစားချက်တို့တိုး၀င်လာလျှင် ထန်မော့ လက်ချောင်းများ တင်းကြပ်သွားမိသည်။ ထို့နောက်တွင် သူသည်နာရီ၏အသံကို ကြားလိုက်ရပြန်သည်။

"သုညကစားသမားဟာ အဆင့်၃ မီးခိုးရောင်အမှားအပြစ်ကို အသက်သွင်းမိပြီး ကစားသမား ၆ကတော့ အဆင့်၄ မှားယွင်းသောအမှန်တရားကို အသက်သွင်းမိလိုက်ပါပြီ"

"သုညကစားသမားဟာ တစ်ကွက်တိုးလာပြီး ကစားသမား၆ကတော့ တစ်ကွက်ဆုတ်ပေးပါ"

"ရှိုးဒင်းဂါးရဲ့ အပြစ်ဒဏ်သေတ္တာကိုဖွင့်နေပါပြီ"

ထန်မော့မှာ 'တစ်ကွက်ဆုတ်ပေးပါ'ဟူသော အသံကိုကြားသည်နှင့် အေးစက်သွားမိသည်။ မည်သည်ကမှားယွင်းသွားမှန်း မစဥ်းစားလိုက်ရသေးခင်မှာပင် သူ၏ခေါင်းနောက်မှ ဓါးတစ်ချောင်းပြေး၀င်လာခဲ့သည်။

ငွေရောင်ဓါးများမှာ လေထုထဲမှ ရုတ်တရက်ပေါ်လာလေသည်။ ၄င်းတို့မှာ ထန်မော့ထံ အရပ်မျက်နှာအစုံမှ ဦးတည်လာနေခဲ့သည်။ ကျဥ်းမြောင်းသော နေရာကြောင့် ထီးကလေးကိုသုံးရန်မသင့်တော်သဖြင့် ထန်မော့ ထိုဓါးများကို ကိုယ်တိုင်သာရှောင်လိုက်ရသည်။ တဖက်တွင်တော့ ယုန်နက်ကြီး၏ အပြစ်ဒဏ်လည်း ရောက်ရှိလာခဲ့လေသည်။ ပြင်းထန်သောမီးတောက်များက ယုန်နက်ကြီးအား တမဟုတ်ချင်းဖုံးလွှမ်းသွားလျက် ၄င်း၏ သစ်သားကိုယ်ထည်ကို လောင်ကျွမ်းနေခဲ့သည်။ ယုန်နက်ကြီးမှ ဆိုးရွားသောအော်သံတစ်ခုကိုပြုလုပ်လာခဲ့သည်။

"အား...ငါအဲဒီလူသားကိုစားချင်တယ်..."

ထို့နောက် ကြမ်းပြင်ပေါ်လှိမ့်လျက် မီးကိုငြိမ်းသတ်ရန် ကြိုးစားလိုက်သည်။

အမှန်တရား၏နာရီပေါ်တွင် လူငယ်တစ်ဦးမှာ ဓါးများနှင့် တိုက်ခိုက်နေပြီး ယုန်တစ်ကောင်မှာတော့ ကြမ်းပြင်တွင်လှိမ့်နေခဲ့သည်။

၃မိနစ်ကြာပြီးနောက် မီးလည်းငြိမ်းသွားပြီး ဓါးများလည်း ပျောက်ကွယ်သွားခဲ့လေသည်။

ထန်မော့မှာ အသက်ကိုပြင်းပြင်းရှူလျက် ရင်ဘတ်မှာ နိမ့်ချည်မြင့်ချည်လှုပ်ရှားနေခဲ့သည်။ သူ၏နဖူးမှာ ချွေးများနှင့်စိုရွှဲနေပြီး သူ၏တကိုယ်လုံးမှာ ဓါးပျံများကို ရှောင်ရင်း ပြတ်ရှရာများဖြင့် ပြည့်နေခဲ့သည်။

သို့တိုင်သော် သူတစ်ချက်ကလေးမှမနားပဲ တဖက်မှ ယုန်နက်ကို ကြည့်လိုက်လေသည်။ မီးတောက်ကြောင့် ၄င်း၏ကိုယ်မှာ မည်းတူးသွားသော်လည်း ထိုမည့်သည့်အရာနှင့်လုပ်ထားသော သစ်သားကြောင့်လဲတော့မသိ ၄င်းမှာ လုံး၀ကြီးလောင်မသွားခဲ့ချေ။

ယုန်က မီးကိုငြိမ်းရန် နောက်ဆုံးတစ်ကြိမ်လှိမ့်လိုက်ပြီး ထရပ်လာခဲ့သည်။ ၄င်းမှာ ထန်မော့အား အေးစက်စွာကြည့်လျက် သွားဖြဲကာ ပြုံးလိုက်သည်။ ၄င်းမှာ တမင်သက်သက် ကြားထဲမှ အကွက်များကို ကြည့်လျက်ဆိုလာခဲ့သည်။

"အိုး...ရုတ်တရက်ကြီး ဘာလို့ပိုနီးလာတာလဲ"

၄င်း၏ မျက်နှာပေါ်မှ အပြုံးတုနှင့်အတူ ရယ်မောလျက်ဆိုလိုက်သည်။

"ဟီးဟီးဟီး မင်းကိုစားမယ်လို့မပြောခဲ့ဘူးလား"

ထိုစဥ်တွင် ထန်မော့နှင့် ယုန်နက်ကြားတွင် ၂၈ကွက်သာ ကွာဝေးတော့သည်၊

ထန်မော့ခေါင်းကိုငုံ့လျက် ဘာမျှမဆိုခဲ့ချေ။

တစ်ခုခုတော့ လုံး၀ကိုမှားနေပြီ...

အမှန်တရားနာရီမှ ထန်မော့အားတစ်မီတာကျယ်သော လှောင်ချိုင့်ထဲ ဖမ်းချုပ်ထားခဲ့သည်။ သူသည် နံရံတွင် ရိုးရှင်းစွာမှီချလိုက်ပြီး အဓိကပြဿနာကို တိတ်တဆိတ်စဥ်းစားလိုက်လေသည်။

တီဗွီနဲ့ မီးအိမ် စားပွဲနဲ့ လေး...

ထို၂ခုထဲတွင် သူရှာတွေ့ခဲ့သောအမှန်တရားတစ်ခုမှာ မှားယွင်းနေခဲ့သည်။

ဤဂိမ်းတွင် ထန်မော့ ၆နာရီတွင် စတင်ခဲ့ပြီးသူက ကစားသမား၆ဖြစ်သည်။ အနက်ရောင်ယုန်မှာ ၉နာရီတွင်ရပ်နေကာ သူကသုညကစားသမားဖြစ်သည်။ ယခုလေးတင် အမှန်တရားနာရီဆိုလိုက်သည်မှာ...

"သုညကစားသမားက တစ်ကွက်တိုးပြီး ကစားသမား၆ တစ်ကွက်ဆုတ်ပေးပါ"

အမှန်တရားနာရီက ထန်မော့အား တစ်ကွက်ဆုတ်ရန်ပြောခဲ့သည်။

ဆိုလိုသည်က ဤနာရီမှာ နာရီလားရာ၏ပြောင်းပြန်အတိုင်းလည်နေသည်ဟုပင်။ ပြောင်းပြန်လည်ခြင်းက ရှေ့တိုးရန် နည်းလမ်းလည်းဖြစ်သည်။ ယခုထန်မော့မှာ ပုံမှန်အတိုင်း ရွေ့ခဲ့သည်ဖြစ်ရာ တစ်ကွက်ဆုတ်လိုက်ရသည်ဟု ဆိုလိုခြင်းပင်။

"အမှန်တရားနာရီပေါ်က ပစ္စည်းတွေအကုန်လုံးဟာ ၂ခုစီကို တူညီတဲ့အမှန်တရားတစ်ခုစီသတ်မှတ်ထားတယ်...ပြောရရင်တော့ အမှန်တရားတစ်ခုပဲရှိတယ်"

ထန်မော့တိတ်တဆိတ်ရေရွတ်လိုက်သည်။

ထန်မော့တစ်ကွက်ဆုတ်ခဲ့ရသည်ဖြစ်၍ ၆ခုထဲမှ ရွေးချယ်ခဲ့သော ၄ခု၏ အမှန်တရားထဲမှ ၂ခုသာမှန်သည်ဟူသော အဓိပ္ပါယ်ပင်။ ထိုအထဲတွင် ထန်မော့မသေချာဆုံးမှာ ဇီးကွက်နှင့်စွပ်ပြုတ်တို့ဖြစ်သည်။ သို့သော်လည်း ကျန်လေးခုထဲမှ မည်သည့်၂ခုကမှားနေသည်ကိုလည်း သူရှုပ်ထွေးနေမိလေသည်။

တီဗွီပင်ဖြစ်စေ မီးအိမ်ဖြစ်စေ လေးဖြစ်စေ စားပွဲပင်ဖြစ်စေ သူရှာတွေ့ခဲ့သော အမှန်တရားမှာ တစ်ခုတည်းသော အမှန်တရားဖြစ်ပုံမရခဲ့ချေ။ သို့သော် သူရွေးချယ်ခဲ့သော အမှန်တရားမှာ မှန်ကန်ခဲ့သည်ကိုတော့ပြောစရာပင်မလိုချေ။

ထန်မော့ခေါင်းကို ငုံ့လျက် သူ၏မျက်ခုံးတို့ ကျုံ့နေခဲ့လေသည်၊

အဆုံးတွင်သူက သက်ပြင်းရှည်ကြီးချလိုက်ကာ

"အမှန်တရားကို အနက်ရောင်မျှော်စင်ကဆုံးဖြတ်တာပဲ"

ထိုအဖြေဖြင့်သာရှင်းပြနိုင်တော့သည်။

ထန်မော့ရှာတွေ့ခဲ့သော တစ်ခုချင်းစီ၏ အမှန်တရားများမှာ မှားယွင်းခဲ့ခြင်းမဟုတ်ပေ။ သို့သော် အနက်ရောင်မျှော်စင်သတ်မှတ်ထားသော အမှန်တရားနှင့်တော့ ကွဲပြားနိုင်လေသည်။ သို့ဆိုလျှင်...

ထန်မော့ ယုန်နက်ကို အေးစက်စွာကြည့်လိုက်သည်။

ယုန်နက်က စိတ်ပျော်ရွှင်စွာ သီချင်းညည်းနေခဲ့သည်။ ၄င်းနှင့် ထန်မော့ကြားမှ အကွာအဝေးမှာ လျော့သွားချေပြီ။ ၄င်း၏ကိုယ်ကြီးကို ကျေနပ်စွာလှုပ်ယမ်းရင်း အမည်မသိ သီချင်းကို ညည်းနေခဲ့သည်။ ၄င်းမှာ ထန်မော့တွေ့ခဲ့ဖူးသော အနက်ရောင်မျှော်စင်မွန်းစတားများလိုပင် ကီးလွဲနေသော သီဆိုသံဖြင့် ကစားသမားများကို တချိန်လုံး စားချင်နေတတ်သည်၊ ၄င်းမှာ တုံးအကာ ရန်စခံရရန်လည်း လွယ်ကူပုံပင်။ သို့သော်ထန်မော့ တစ်ကွက်ဆုတ်လိုက်ရချိန်တွင် ၄င်းမှာ တစ်ကွက်တိုးလာနိုင်ခဲ့သည်။

အနက်ရောင်ယုန်မှာ မျှော်စင်မွန်းစတားဖြစ်၍လည်းဖြစ်နိုင်ပါသည်။ ၄င်းမှာထို့ကြောင့် ဤဂိမ်းကိုပိုနားလည်ပြီး မည်သို့ရှင်းရမည်ကို သိနေခြင်းလည်း ဖြစ်နိုင်သည်။ ထို့ကြောင့်ပင် ထန်မော့က ပို၍ အာရုံစိုက်မိသည်။

သူသည်ပြိုင်ဘက်ကို အထင်မသေးနိုင်ချေ။

ထန်မော့ သူ၏လက်ကို အိတ်ကပ်ထဲသို့ ထိုးထည့်လျက် ရွှေဒင်္ဂါးကိုပွတ်သပ်လိုက်သည်။ သူသည်အချိန်မကျခင်အထိ ဤဒင်္ဂါးပြားကို သုံးမည်မဟုတ်ချေ။

နောက်တစ်လှည့်၏ ပစ္စည်းများပေါ်မလာခင် ၅မိနစ်အလိုတွင် ထန်မော့ကြမ်းပြင်ပေါ်တွင် တဖန်ထိုင်ချလျက် ယုန်နက်ကြီးကို ကြည့်လိုက်ပြန်သည်။ ယုန်နက်မှာ ၄င်းကိုမြင်လျှင် ၄င်း၏ပါးစပ်အနည်းငယ်တွန့်သွားခဲ့သည်။ ၄င်းမှာ နှာမှုတ်လျက် ဂရုစိုက်မနေပဲ တဖက်သို့လှည့်သွားခဲ့လေသည်။ ထိုစဥ်ထန်မော့ အသာမေးလိုက်သည်။

"မင်းဘယ်တစ်ခုကိုမှားသွားတာလဲ"

ယုန်နက်မှာ ထန်မော့ထိုသို့မေးလာမည်ဟု မမျှော်လင့်ထားခဲ့၍ ထေ့ငေါ့လာခဲ့သည်။

"ငတုံး ငါကမင်းကိုပြောမယ်ထင်နေလား"

ထန်မော့ ၄င်းကိုတည်ငြိမ်စွာကြည့်နေပြီး ဘာမျှမဆိုခဲ့ချေ။

လူတစ်ယောက်နှင့် ယုန်တစ်ကောင်မှာ တစ်ဦးကိုတစ်ဦး စိုက်ကြည့်နေခဲ့ကြလေသည်။ ၅မိနစ်ကုန်လွန်သွားပြီးနောက် နာရီ၏အလယ်တွင် အပြာရောင် အလင်းတန်းဆယ့်ခြောက်ခုပေါ်လာခဲ့သည်။ ထန်မော့မှာ များပြားသော အလင်းတန်းများကို မြင်လျှင် တုန်လှုပ်သွားခဲ့သည်။ သို့သော်သူ၏နှုတ်ခမ်းတို့ကမူ တွန့်ကွေးသွားခဲ့လေသည်။ ပစ္စည်းများပိုများလေလေ သူမှန်ကန်စွာထုတ်ပယ်ပြီးလျှင် အကွက်တိုးနိုင်ချေပိုများလေဖြစ်သည်။

"အချိန် သုညနာရီ ၂၀မိနစ်...တည်နေရာ အမှန်တရားနာရီ... ပစ္စည်း၁၆ခုပေါ်လာခဲ့ပါပြီ"

"တစ်မိနစ်ပြီးတာနဲ့ သုညကစားသမားနဲ့ ကစားသမား၆ ကျေးဇူးပြုပြီး အမှန်တရားတွေကို ထုတ်ပယ်ပေးကြပါ"

ရှည်လျားသော စက္ကန့်လက်တံမှာ တဖန်ရွေ့လျားလာပြန်သည်။ အမှန်တရားနာရီမှ ပစ္စည်းများကို ထုတ်ပါတယ်ရန်ကြေညာပြီးသည်နှင့် သူသည်ယုန်နက်ကြီးကိုမော့ကြည့်လိုက်လျှင် ၄င်း၏ မျက်နှာမှာ ပျက်ယွင်းသွားပြီးမှ ရုတ်ချည်း စိတ်အေးသွားပုံကိုဖော်ပြလာခဲ့သည်။

ထန်မော့မျက်မှောင်ကျုံ့လိုက်မိသည်။

ထိုပစ္စည်း၁၆ခုထဲတွင် သူနှင့်ရင်းနှီးသောတစ်ခုခုပါနေပုံပင်။

၄င်းတို့ကိုတွေးနေရန် အချိန်မရှိတော့ချေ။ ထန်မော့ ပစ္စည်း၁၆ခုကို ဂရုတစိုက်စူးစမ်းလိုက်သည်။ ဤတစ်ကြိမ် အမှန်တရားနာစီပေါ်တွင် ပေါ်လာသော ပစ္စည်းများမှာ သိပ်မရိုးရှင်းလှချေ။ သူမြင်ဖူးသော ပစ္စည်း၁၃ခုရှိပြီး တစ်ခုကိုသူသိလေသည်။ သို့သော်ထိုတစ်ခုကိုမြင်လျှင် ထန်မော့၏ အမူအယာမှာပျက်ယွင်းသွားမိသည်။

၄င်းမှာ ငှက်ပျော၀ိုင်ဖြစ်လေသည်။

ထန်မော့သည် တစ်ခါက ရှောင်ကျီထုံးက ဤငှက်ပျော၀ိုင်ကို ထုတ်ယူလျက် သေခါနီး မိန်းမငယ်တစ်ဦးကို ကယ်ဖူးသည်အား သတိရလိုက်သည်။

ဤငှက်ပျော၀ိုင်ထွက်ပေါ်လာမှုကြောင့် အနက်ရောင်မျှော်စင် နှင့်သက်ဆိုင်သော ပစ္စည်းများလည်း ထွက်ပေါ်လာလိမ့်မည်ဖြစ်ကြောင်း သတိပေးနေခဲ့လေသည်၊ ထို့ကြောင့် သူ့အတွက် ၄င်းတို့၏ ကွဲပြားသော အမှန်တရားများကို ရှာဖွေရန် အဆမတန်ပင် ပိုခက်ခဲလာမည်ပင်။ အချိန်မှာ အကန့်အသတ်ရှိသည်။ ထန်မော့အရင်ဆုံးသူသိသော ပစ္စည်း ၁၃ခုကိုအရင်ဆုံးကြည့်လိုက်ကာ ၄င်းတို့ကြားမှ ခွဲခြားထားသော အမှန်တရားအစုံလိုက်ကိုရှာဖွေလိုက်သည်။

အဆုံးတွင် ထန်မော့သည် ငှက်ပျောသီး၀ိုင်နှင့် ကျန်ထူးဆန်းသော ပစ္စည်း၃ခုကိုကြည့်လိုက်သည်။ ထိုပစ္စည်း၃ခုမှာ...

-နဖူးတွင် ဂျိုသေးသေးလေးပါသော မီးခိုးရောင်ကြွက်

-အလယ်တွင် အနီရောင်ရေစက်ကလေးရှိနေသော ဖောက်ထွင်းမြင်ရသော အပြာရောင်ကျောက်တုံး

နောက်ဆုံးတစ်ခုမှာ အမွှေးအများကြီးပါသော ဂွမ်းရုပ်တစ်ရုပ်ပင်။

တစ်မိနစ်ကြာပြီးနောက် စက္ကန့်လက်တံမှာ ၁၂နေရာတွင် ရပ်တန့်သွားပြီး အပြာရောင်နံရံမှာ မီးခိုးရောင်ကြွက်ကလေး၏ခေါင်းပေါ်သို့ ကျလာခဲ့လေသည်။

ထန်မော့နှင့် ယုန်နက်တို့က ကိုယ်စီအဖြေများကို ပေးလိုက်ကြသည်။ ထန်မော့တစ်ခွန်းဆိုလိုက်တိုင်း ပစ္စည်းအစုံလိုက်မှာ အပြာရောင်အလင်းနှင့်အတူ ပျောက်ကွယ်သွားကြလေသည်။

သူသည် ပစ္စည်း၁၂ခုကို ရှင်းထုတ်လိုက်ပြီး သူ၏အကြည့်တို့မှာ ကျန်ရှိနေသော ပစ္စည်း၄ခုထံကျရောက်သွားခဲ့သည်။

ထန်မော့ထိုပစ္စည်း၄ခုကိုကြည့်လျက် ပါးစပ်ကိုဟလိုက်ပြီးနောက် ပြန်ပိတ်သွားခဲ့လေသည်။

အပြာရောင်နံရံမှာ ရုတ်ချည်းမြင့်တက်သွားပြီး ထန်မော့လည်း တဖက်မှ ယုန်နက်ကို ကြည့်လိုက်လေသည်။ ထို့နောက် ယုန်နက်၏ အမူအယာမှာလည်း သိပ်မကောင်းလှသည်ကို တွေ့လိုက်ရလေသည်။ သူကမျက်ခုံးအသာပင့်လျက် အမှန်တရားနာရီ၏ အဖြေကိုစောင့်နေခဲ့လေသည်။

ကလစ်...

ထန်မော့နှင့် ယုန်နက်၏ ခြေထောက်အောက်မှ လက်တံများမှာ စတင်ရွေ့လျားလာခဲ့ပြန်သည်။

ထန်မော့၏ အောက်မှ နာရီလက်တံမှ ဘယ်ဘက်သို့ ၂ကွက်ရွေ့သွားခဲ့သည်။ ဆိုလိုသည်က သူ၂ကွက်ဆုတ်ရမည်ပင်။ တဖက်မှာတော့ ယုန်နက်၏အောက်မှ မိနစ်လက်တံမှာ လေးကွက်ရွေ့သွားခဲ့သည်။ ထန်မော့မှာ ၄င်းကို မြင်လျှင် သူ၏နှုတ်ခမ်းထောင့်တို့ ကွေးညွတ်သွားခဲ့သည်။

"လေးကွက်တောင်ပြန်ဆုတ်ရမှာလား"

ယုန်နက်ကြီး၏ အမူအယာမှာ မဲမှောင်သွားလျက် ဟိန်းဟောက်လာခဲ့လေသည်။

"ပါးစပ်ပိတ်ထား"

"သုညကစားသမားဟာ အဆင့်၃ မီးခိုးရောင်အမှားအပြစ်နဲ့ ကစားသမား၆ဟာ အဆင့်၃အမှားအပြစ်ကို အသက်သွင်းမိလိုက်ပါပြီ... သုညကစားသမားက ၄ကွက်ဆုတ်ပြီး ကစားသမား၆က ၂ကွက်ဆုတ်ပေးပါ"

ထိုအသံအဆုံးသတ်သွားသည်နှင့် ထန်မော့နှင့် ယုန်နက်တို့၏ ခြေထောက်အောက်တွင် စုပ်အားတစ်ခုပေါ်လာခဲ့လေသည်။ ၄င်းမှ အစပိုင်းတွင် သိပ်မသိသာသော်လည်း ထန်မော့မှာ သူ၏ကိုယ်တဖြည်းဖြည်းလေးလံလာသည်ကို ခံစားမိလာသည်။ တစ်ခုခုမှားနေသည်ကို သတိထားမိချိန်တွင် ကြမ်းပြင်ကိုငုံကြည့်လိုက်သည်နှင့် အနက်ရောင်အပေါက်သေးသေးလေးမှ ပန်းကန်လုံးတစ်လုံးစာအထိ ကျယ်လာကြောင်းတွေ့လိုက်ရလေသည်။

ထိုအနက်ရောင်အပေါက်မှာ ကျယ်လာပြီး စုပ်အားမှာလည်း ပိုမိုပြင်းထန်လာခဲ့သည်။ ပြင်းထန်သော စုပ်အားမှာ ထန်မော့၏ အ၀တ်အထည်များကို စုပ်ယူသွားခဲ့သည်။ သူ အကွက်၏ထောင့်ကိုသွားလျက် မမြင်ရသောနံရံအား လက်ဖြင့်ထိန်းကိုင်ထားခဲ့သည်။ ယုန်နက်ကြီး၏ အခြေအနေမှာ သူ့ထက်ပိုဆိုးလေသည်။

အနက်ရောင်မျှော်စင်မှ ပေးလာမည့်အပြစ်ဒဏ်ကတွင်းနက်ကြီးဖြစ်လိမ့်မည်ဟု သူတို့မထင်ထားခဲ့ချေ။ ယုန်နက်ကြီး၏ ကိုယ်မှာ ရုရှား ထပ်တစ်ရာအရုပ်မျိုးဖြစ်သည်။ ထန်မော့ကဲ့သို့ ခြေနှင့်လက်တို့ကိုသုံးလျက် ကိုယ်ကိုဟန်ချက်ညီအောင်မထိန်းနိုင်ချေ။ ၄င်းမှာ အကွက်ပတ်လည်အား ရူးသွပ်စွာ ပတ်ပြေးနေရုံသာတတ်နိုင်လေသည်။

စုပ်အားက ပိုပြင်းထန်လာပြီး ထန်မော့ ခေါင်းမှ နာကျင်မှုတစ်ခုကို ခံစားလိုက်ရသည်။ ၄င်းမှာ သူ၏ဆံပင်များ အမြစ်မှ ဆွဲနှုတ်ခံနေရသည့်အလားပင်။

အဆုံးတွင် ၃မိနစ်ကုန်လွန်သွားပြီးနောက် အနက်ရောင်တွင်းပေါက်ကြီးမှာလည်း ပျောက်ကွယ်သွားတော့သည်။

🌍

Prev Next