MM Story Teller

Chapter 187

Viewers 32k

🌍Chapter 187

ထန်မော့နှင့် ဖူ၀မ်သော် အံ့အားသင့်စွာ လှည့်ကြည့်လိုက်ကြသည်။

ထန်မော့သည် ဖူ၀မ်ရှန်းကိုမြင်လျှင် အိပ်ယာထဲတွင် လက်ပူးလက်ကြပ်မိခြင်းဟူသော ခေါင်းစီးကို ရုတ်ချည်းတွေးမိသွားခဲ့သည်။ သူ ထိုအတွေးကို ချက်ချင်းခါထုတ်လိုက်ပြီး တစ်ခုခုပြောရန် ပြင်လိုက်လေသည်။

"ရှောင်ရှန်း မင်းအတွေးလွန်နေပြီ ငါကမင်းအစ်ကိုရဲ့ စွမ်းရည်ကို ပွားယူနေရုံပဲ"

ဖူ၀မ်ရှန်း၏ မျက်တောင်များတုန်လှုပ်သွားလျက် သူအစ်ကိုဖြစ်သူ၏ ဗလာဖြစ်နေသော ရင်ဘတ်နှင့် ၀မ်းဗိုက်ကိုထိထားသော ထန်မော့၏ လက်ဖ၀ါးကို ကြည့်လာခဲ့သည်။

ကလေးတစ်ယောက်ကို လိမ်နေတယ်...

ဖူ၀မ်ရှန်ူ ဓါတ်ဆားရည်များဖြည့်ပြီးသည့်နောက် သူ၏အစ်ကိုနှင့် ထန်မော့တို့ပျောက်နေသည်ကိုတွေ့သွားခဲ့သည်။ ကလေးမှာ စိတ်ရှည်ရှည်နှင့် စောင့်နေခဲ့သည့်တိုင် ထို၂ဦးမှာ ပြန်မလာခဲ့ချေ။ သူကစိတ်ပူလာခဲ့ပြီး ထိုဂိုထောင်အသေးလေးကိုတွေ့သွားခဲ့သည်။ ထို့အပြင်တံခါးမှာလည်း ပိတ်မထားသည်ဖြစ်၍ ဖူ၀မ်ရှန်းလည်း သိပ်တွေးမနေပဲ ၀င်လာခဲ့ခြင်းဖြစ်သည်။ ထို့နောက် သူ၏ဘ၀တွင် ဘယ်တော့မှ မမေ့နိုင်လောက်မည့်မြင်ကွင်းတစ်ခုကိုမြင်လိုက်ရလေသည်။

ထန်မော့က သူ၏အစ်ကိုဖြစ်သူကို နံရံတွင်ဖိထားခဲ့ပြီး အ၀တ်များကိုဖွင့်ထားကာ သူ့ကိုထိနေခဲ့သည်။

ကြောက်စရာအကောင်းဆုံးအရာက...

ဖူ၀မ်ရှန်း သူ၏အစ်ကိုဖြစ်သူ၏ ဘောင်းဘီထံအကြည့်ရောက်သွားခဲ့သည်။

သူ့အစ်ကိုကမာနေတယ်...

'ငါ့အစ်ကိုက တကယ်တော့အကွေးပဲ' 'အစ်ကိုနဲ့ အစ်ကိုထန်နဲ့က ဒီလိုဆက်ဆံရေးမျိုးရှိတာလား'

'သူတို့နန်ကျင်းအထိ ငါ့ကိုရှာဖို့ အတူတူရောက်လာကြတာ မအံ့သြတော့ပါဘူး'

အစသဖြင့် အတွေးပေါင်းများစွာ သူ၏ခေါင်းထဲတွင် ဖြတ်ပြေးသွားပြီးနောက် သူခေါင်းကို အသာငုံ့လျက် ဆိုလိုက်သည်။

"နှောင့်ယှက်မိလို့တောင်းပန်ပါတယ်'

ထန်မော့"..."

လုံး၀အနှောင့်အယှက်မဖြစ်ပါဘူးနော်...

ထန်မော့ရှင်းပြရန်အတွက် သူ၏လက်ကို အလျင်အမြန်ပြန်ရုတ်ရန်ပြင်လိုက်သည်။ သို့သော်ဖူ၀မ်သော်က သူ၏လက်ကိုဖမ်းဆုပ်ထားခဲ့လေသည်။ တချိန်ထဲမှာပင် သူ၏ညီငယ်အား အေးစက်စွာကြည့်လိုက်ကာ

"နည်းနည်းလောက် ပိုတွေးတတ်ဦး"

ထန်မော့၏ဖြေရှင်းချက်မှာ ဖူ၀မ်သော်၏ စကားလေးလေးလုံးမျှနှင့် ဖိနှိပ်ခံလိုက်ရသည်။ ၄င်းကိုကြားလျှင် ဖူ၀မ်ရှန်းက မ၀ံ့မရဲနှင့် ခေါင်းကိုမော့လာပြီး ဘာမှမဆိုရဲတော့ချေ။

ထန်မော့ ပါးစပ်ဟကာ ဖူ၀မ်ရှန်းအား ရှင်းပြရန်ပြင်လိုက်သော်လည်း ရုတ်ချည်းရပ်တန့်သွားခဲ့သည်။

ဖူ၀မ်သော်နှင့် ဖူ၀မ်ရှန်းမှာလည်း ထန်မော့၏ လက်ဖ၀ါးကို အံ့အားသင့်စွာ ကြည့်လာခဲ့သည်။ ထန်မော့၏လက်ချောင်းများကြားမှ အလင်းများ တိုးထွက်လာသည်ကို တွေ့လိုက်ကြရသည်။ ၄င်းမှာ အလွန်မစူးရှသော်လည်း ဂိုထောင်ကျဥ်းကျဥ်းလေးကိုတော့ အနည်းငယ်လင်းထိန်သွားစေသည်ပင်။

ထန်မော့ဖူ၀မ်ရှန်းကိုကြည့်နေစဥ်က ထိုအလင်းပေါ်မလာခဲ့သေးချေ။

ထန်မော့သူ၏လက်အား ဖူ၀မ်သော်၏ ၀မ်းဗိုက်ကြွက်သားများပေါ်မှ ပျော်ရွှင်စွာ ရုတ်လိုက်ပြီး မြေကြီးတွင်ဖိကပ်လိုက်သည်။

ထိုနောက် စူးရှသောအသံတစ်ခုနှင့်အတူ ထန်မော့လက်ကိုမြှောက်လိုက်လျှင် အလင်းလုံးတစ်ခုထွက်ပေါ်လာခဲ့သည်။ ထန်မော့၄င်းကိုဖမ်းယူလိုက်ပြီး ထိုအလင်းလုံး၏ အကျဥ်းချုပ်ကို ဖတ်ကြည့်ရန် ကြိုးစားလိုက်သည်။ ထို့နောက် သူ၏အမူအယာမှာ အေးခဲသွားပြီး ထန်မော့ ဖူ၀မ်သော်နှင့် ဖူ၀မ်ရှန်းအား ရှုပ်ထွေးစွာ ကြည့်လာခဲ့သည်။

"ဒီဟာက...ကျွန်တော်လည်း ဘယ်လိုပြောရမလဲမသိဘူး ဗိုလ်ချုပ်ဖူ ခင်များကြည့်ကြည့်မလား။ နည်းနည်းရှုပ်ထွေးနေလို့"

[စွမ်းရည်: မျိုးရိုးဗီဇပြန်လည်ပေါင်းစပ်ဖွဲ့စည်းခြင်း]

[ပိုင်ရှင်: ဖူ၀မ်သော်( ခိုး၀င်သူ)]

[အမျိုးအစား: ထုတ်လုပ်ခြင်း]

[အဆင့်: ၇]

[ကန့်သတ်ချက်: မသိ]

[မှတ်ချက်: ဤစွမ်းရည်ကိုပိုင်ဆိုင်ဖူးသော နောက်ဆုံးသူ...မသိ]

ထန်မော့နှင့် ဖူ၀မ်ရှန်းတို့ ဓါတ်ဆီဆိုင်ကို ပြန်လာပြီးနောက် ဖူ၀မ်သော်ကမူ ကျန်ရစ်ခဲ့လေသည်။

ထန်မော့ တဖက်လူက လိုက်မလာသည်ကိုမြင်လျှင် သူ၏ခြေလှမ်းများကိုရပ်လျက် မျက်လုံးများမှတဆင့် အကြောင်းပြချက်ကိုမေးလိုက်မိသည်။

ဖူ၀မ်သော်က ဂိုထောင်လေးထဲတွင်ရပ်နေခဲ့ပြီး သူ၏ဘောင်းဘီအား အလွန်တည်ငြိမ်စွာပင် ငုံ့ကြည့်ပြလိုက်လေသည်။

ထန်မော့မျက်တောင်များလှုပ်ခါသွားလျက် ကလေးကို ဓါတ်ဆီဆိုင်သို့အလျင်အမြန်ဆွဲသွားခဲ့လေသည်။ ဖူ၀မ်သော်မှာ သူ၏ ကိုယ်ရေးကိုယ်တာ ပြဿနာကိုဖြေရှင်းရန် ဂိုထောင်လေးတွင် ကျန်နေရစ်ခဲ့ခြင်းဖြစ်သည်။

နာရီ၀က်နီးပါးကြာမြင့်ပြီးနောက် ဖူ၀မ်သော် ဓါတ်ဆီဆိုင်သို့ပြန်ရောက်လာခဲ့သည်။

ဓါတ်ဆီဆိုင်တွင် ထန်မော့က သူမြင်တွေ့ခဲ့ရသမျှ ဖူ၀မ်သော်စွမ်းရည်၏ အချက်အလက်မှန်သမျှကို ချရေးထားခဲ့လေသည်။ ဖူ၀မ်သော်ပြန်ရောက်လာလျှင် ထန်မော့ခေါင်းကိုလှည့်လျက်အကြည့်ချင်း ဆုံသွားမိသည်။

ထန်မော့တစ်ဖက်လူ၏ ဘောင်းဘီအား အပြစ်ရှိစိတ်ဖြင့် တစ်ချက်ကြည့်လိုက်မိသည်။ အပြဿနာကိုဖြေရှင်းပြီးဖြစ်သည်အားမြင်သော် သူချောင်းအသာဟန့်လျက် မျက်နှာပူစွာ အကြည့်လွှဲလိုက်တော့သည်။

နံရံပေါ်တွင် နာရီတစ်လုံးကိုချိတ်ထားပြီး ၄င်းမှာ ၁၀နာရီ ၂၃မိနစ်ကို ညွှန်ပြနေခဲ့သည်။

ထန်မော့ကဆိုလိုက်သည်။

"အချိန်ကကွက်တိပဲ။ ကျွန်တော့်စွမ်းရည်က တဖက်လူရဲ့စွမ်းရည်ကို စစ်ဆေးပြီးရင် မိနစ်၃၀အတွင်းပဲ သုံးလို့ရတယ် မိနစ်၃၀ကျော်သွားရင် ကျွန်တော်ခင်များရဲ့စွမ်းရည်ကိုသုံးလို့ရတော့မှာမဟုတ်ဘူး"

ထန်မော့ပြောပြီးနောက် စားပွဲပေါ်မှ အလင်းလုံးကိုကောက်ယူလိုက်သည်။

ထိုအနက်ရောင်အလင်းလုံးမှာ အနက်ရောင်တွင်းပေါက်ကြီးလိုပင်။ ဖူ၀မ်ရှန်း ၄င်းကိုလှမ်းမထိမိပဲ မနေနိုင်ခဲ့ချေ။ သို့သော် သူမထိလိုက်ရသေးခင်မှာပင် ထိုအလင်းလုံးထဲမှ အလင်းလုံးအသေးလေးတစ်ခုခွဲထွက်လာခဲ့ပြီး လေထုထဲတွင် ဖုန်မှုန့်များလို ပြန့်ကျဲသွားခဲ့သည်။ ထန်မော့ထိုအလင်းလုံးကို ခိုင်မာစွာဆုပ်ကိုင်လျက် သူ၏လက်ဖ၀ါးများကို ပိတ်လိုက်လေသည်။

ထို့နောက် စူးရှသောအသံတစ်ခုနှင့်အတူ ထန်မော့သူ၏ညာလက်ကိုမြှောက်လိုက်လေသည်။ တောက်ပသောအလင်းရောင်အောက်တွင် ထန်မော့၏လက်ချောင်းမှာ လှုပ်ရှားလာခဲ့သည်။ ထို့နောက်သူ ညာလက်ကို ညင်သာစွာဝေ့ယမ်းလိုက်လေသည်။

ရုတ်ချည်း သူ၏လက်ခလယ်မှာ အနက်ရောင်အလင်းတစ်ခုဖြာထွက်လာခဲ့သည်။ ထို့နောက် အနက်ရောင်အလွှာတစ်ခုက မျက်စိနှင့်မြင်နိုင်သောအလျင်နှင် လျင်မြန်စွာပေါ်လာခဲ့လေသည်။ ထို့နောက်၄င်းက သူ၏လက်ခယ်အား ချက်ချင်းလွှမ်းခြုံသွားခဲ့သည်။

ဖူ၀မ်သော်၏ မျက်လုံးများမှာ ကျဥ်းမြောင်းသွားလျက် ဖူ၀မ်ရှန်းမှာမူ အံ့အားသင့်စွာ အာမေဋိတ်သံပြုလိုက်မိလေသည်။

ထန်မော့ သတ္တုအဖြစ်ပြောင်းလဲသွားသော လက်ခလယ်ကို အသာထိကြည့်လိုက်မိသည်။ ၄င်းမှ သတ္တုအတိဖြစ်ကာ အေးစက်ပြီး ချောမွေ့နေခဲ့သည်။ သူကထိုလက်ကို ဖူ၀မ်ရှန်းရှေ့သို့ ဆန့်ပေးလိုက်လျှင် ထိုကလေးက သူ၏လက်ချောင်းကို ထိကြည့်လာခဲ့သည်။

"ဒီဟာက ဘာသတ္တုလဲ သံလား မဂ္ဂနိလား"

၄င်းမှာအနက်ရောင်ပေမို့အရင်ဆုံးတွေးမိမည်က သံနှင် မဂ္ဂနိပင်။

ထို့နောက် ထန်မော့သူ၏လက်ကို ဖူ၀မ်သော်ရှေ့တွင် ဆန့်ပြလိုက်သည်။

ဖူ၀မ်သော်မှာ သူ၏သတ္တုအဖြစ်ပြောင်းသွားသော လက်ချောင်းကို တိုက်ရိုက်ထိမလာခဲ့။ သူ၏ညာလက်ကိုမြှောက်လိုက်ပြီး ၄င်း၏လက်ခလယ်မှာ အနက်ရောင်သတ္တုအဖြစ်ပြောင်းလဲသွားခဲ့လေသည်။ ထို့နောက် လက်ချောင်း၂ချောင်းကို အတူယှဥ်ကြည့်လိုက်သည်။

"မာကြောမှုကတော့အတူတူလိုပါပဲ။ ဒါပေမယ့် နည်းနည်းတော့ကွာတယ်"

ထန်မော့လက်ချောင်းမှာ အရောင်မသိမသာ ပိုဖျော့ပြီး ဖူ၀မ်သော်၏ သတ္တုက အလွန်မည်းနက်ပြီး အေးစက်သော ရောင်ပြန်တစ်ခုကိုထုတ်လွှင့်နေခဲ့သည်။

ဖူ၀မ်သော်ကမေးလိုက်သည်။

"မင်းဒီလက်တစ်ချောင်းကိုပဲ ပြောင်းလို့ရတာလား"

ထန်မော့ကပြန်ဖြေလိုက်သည်။

"ကျွန်တော်ခင်များရဲ့စွမ်းရည်ကို ကူးပြီးရင်း သူ့ရဲ့ ၁၀ရာခိုင်နှုန်းလောက်ကိုပဲ သုံးလို့ရတယ်၊ ကျွန်တော်လက်တစ်ချောင်းလုံးကို သတ္တုအဖြစ်တော့ပြောင်းနိုင်လောက်တယ်၊ ဒါပေမယ့်အဲလောက်မှ မလိုတာ"

ထို့နောက် ထန်မော့ဤစွမ်းရည်ကို ရရှိပြီး မိနစ်၃၀ပြည့်သွားပြီဖြစ်၍ အနက်ရောင်သတ္တုမှာ တဖြည်းဖြည်းချင်းပျောက်ကွယ်သွားခဲ့တော့သည်။

ဤသည်ကို မစမ်းကြည့်ခင်က ထန်မော့ထင်နေခဲ့သည်မှာ ဖူ၀မ်သော်၏ စွမ်းရည်က အရေပြားအပေါ်ယံလွှာကို သတ္တုအဖြစ်ပြောင်းလဲပြီး ပုံစံပြောင်းလဲနိုင်သည်ဟုပင်။ သို့သော် ထိုစွမ်းရည်ကို စမ်းသပ်ကြည့်ပြီးနောက် သူ၏ခံစားချက်က ပို၍ ရှင်းလင်းသွားခဲ့သည်။

"ခင်များကျိုးသွားတဲ့ အပိုင်းတွေကို ပြန်ပေါက်အောင်လုပ်နိုင်လား"

ဖူ၀မ်သော်မျက်ခုံးပင့်လျက်

"ခံစားမိလို့လား"

ထန်မော့ခေါင်းညိတ်လိုက်သည်။

"ကျွန်တော်ခင်များစွမ်းရည်ကိုရတော့အဲလိုခံစားမိတာ။ ကျွန်တော်လက်ကိုဖြတ်လိုက်ပြီးရင် ပြန်ပေါက်အောင် လုပ်လို့ရတယ်လို့ခံစားရတယ်။"

ထန်မော့ပို၍ဂရုစိုက်သည်မှာ

"ခင်များရဲ့စွမ်းရည်က မျိုးရိုးဗီဇာပြန်လည်ပေါင်းစပ်ဖွဲ့စည်းခြင်းလို့ခေါ်တယ်"

ထန်မော့သူ၏အသင်းဖော်များကို တည်တံ့စွာကြည့်လိုက်ကာ

"ကျွန်တော်အဲလိုစကားစုမျိုး အရင်ကလည်းကြားဖူးတယ်။ အထက်တန်းကျောင်းသားတိုင်းလည်း သိလောက်မယ်ထင်တာပဲ။ ဒါပေမယ့် ကျွန်တော်သိသလောက်ဆိုရင် မျိုးရိုးဗီဇပြန်လည်ပေါင်းစပ်ခြင်းက ခင်များရဲ့စွမ်းရည်နဲ့ ဘာမှမဆိုင်သလိုပဲ"

မျိုးရိုးဗီဇပြန်လည်ပေါင်းစပ်ဖွဲ့စည်းခြင်းဆိုသည်မှာ

Sexual reproductionဖြစ်စဥ်တွင် မျိုးရိုးဗီဇဆဲလ်များ ကျပန်းပေါင်းစပ်ပြီး ဆဲလ်အသစ်များကို မွေးထုတ်ပေးခြင်းဖြစ်သည်။

လူသားများတွင် chromoxomes ၂၃စုံရှိကာ တစ်စုံချင်းစီအတွက် မျိုးရိုးဗီဇဆဲလ်အရေအတွက်တချို့အထိရှိသည်။ ထန်မော့ ဖူ၀မ်သော်၏ စွမ်းရည်ကို ပွားယူပြီးချိန်တွင် အသုံးပြုပုံနှင့် ကန့်သတ်ချက်တို့ကို မသိခဲ့ရချေ။ ထို့နောက် ၄င်း၏အမည်မှသာ စွမ်းရည်၏ ဇစ်မြစ်ကို တွေးတောနိုင်လေသည်။

ဖူ၀မ်ရှန်းမှာ ထန်မော့ white boradပေါ်တွင်ရေးထားသော စွမ်းရည်၏ အမည်ကို ကြည့်လိုက်သည်။ သူကငယ်ရွယ်သော်လည်း IQမြင့်ကာ အတန်းများကျော်တက်ခွင့်ရခဲ့သူဖြစ်သည်။ သူကမှန်းဆချက်တချို့ကို ပြုလုပ်လာခဲ့သည်။

"မျိုးရိုးဗီဇဆဲလ်တွေက သက်ရှိတွေရဲ့အသွင်ကို ထိန်းချုပ်ပေးနိုင်တယ်၊ ဥပမာ အသားအရောင် ဆံပင်အရောင်တို့လိုပေါ့ ကျွန်တော်စာအုပ်တစ်အုပ်ကနေဖတ်ဖူးတာ။ ဒါပေမယ့် သူကဘယ်လောက်ပဲ ပေါင်းစပ်ဖွဲ့စည်းတာတွေလုပ်ပါစေဦး လူအသားကနေ သတ္တုအဖြစ်တော့မပြောင်းနိုင်ဘူးလေ၊ အာ.. Geရဲ့စွမ်းရည်က ပေါင်းစပ်ဖွဲ့စည်းတဲ့ဖြစ်စဥ်ပြီးတာနဲ့ iron manအဖြစ်ပြောင်းသွားအောင် လုပ်ပေးတာများလား"

ထို့နောက် ထိုကလေးမှာ သူ့ဘာသူခေါင်းခါလိုက်ကာ

"ခုဏက အစ်ကိုထန်မော့လည်း Geရဲ့စွမ်းရည်ကို သုံးပြီး သတ္တုအဖြစ်ပြောင်းနိုင်ခဲ့တာပဲ"

ထန်မော့နှင့် သူ၏အစ်ကို၏ ဆဲလ်များမှာ ပြန်လည်ဖွဲ့စည်းပြီးနောက် သတ္တုအဖြစ်ပြောင်းသွားခြင်းဖြစ်နိုင်ပါသလော။

၄င်းမှာ အဓိကပြဿနာပင်

ထန်မော့ကဆိုလိုက်သည်။

"မျိုးရိုးဗီဇဆဲလ်တွေကိုပြန်လည်ဖွဲ့စည်းတာက သက်ရှိတွေပဲပါ၀င်ရမှာလေ၊ သတ္တုက သက်ရှိဆဲလ်မှမဟုတ်တာ။ ဒီဟာက ဇီ၀ဗေဒအဆင့်နဲ့ဆိုင်တဲ့ ပြဿနာမဟုတ်တော့ဘူး။ ငါတို့ကသက်ရှိတွေမဟုတ်တော့ဘဲ အသွင်းပြောင်းနိုင်တဲ့ ပစ္စည်းတွေဖြစ်လာတာ၊ အဲဒါကအထူးဆန်းဆုံးအချက်ပဲ။ နာမည်နဲ့ အသုံးပြုပုံကြားမှာ ဆက်သွယ်ချက်ရယ်လို့မရှိဘူး။ ခင်များရောတွေးမိတာရှိလား"

ထန်မော့ဖူ၀မ်သော်ကို လှည့်ကြည့်လိုက်သည်။

ဖူ၀မ်သော်မှာ ထန်မော့ရေးထားသော မျိုးရိုးဗီဇ ပြန်လည်ပေါင်းစပ်ဖွဲ့စည်းခြင်းဟူသည်ကိုကြည့်နေခဲ့ပြီး ခေါင်းအသာခါလာခဲ့သည်။

"ကိုယ်သိတာဆိုလို့ ကိုယ့်ရဲ့စွမ်းရည်က ကိုယ့်ရဲ့ခန္ဓာကိုယ်အစိတ်အပိုင်းတွေကို ပုံပြောင်းလို့ရတယ်ဆိုတာရယ် ကျိုးသွားပြတ်သွားတာတွေကို ပြန်ပေါက်အောင်လုပ်လို့ရတယ်ဆိုတာပဲ။ အတိအကျအသုံးပြုနည်းကိုတော့မသိဘူး။ ဒါပေမယ့်ကိုယ်ပိုပြီး သိချင်တာက ဒီဟာပဲ"

ဖူ၀မ်သော်၏ လက်က အောက်သို့ညွှန်ပြလာခဲ့သည်။

ထန်မော့မှာသူ၏လက်ညိုးညွှန်ရာအတိုင်း ကြည့်လိုက်မိသည်။

"မှတ်ချက်: ဤစွမ်းရည်ကို ပိုင်ဆိုင်ဖူးသော နောက်ဆုံးသူ ...မသိ"

ဖူ၀မ်ရှန်းမှာထိုစာကြောင်းကိုဖတ်ပြီးနောက် သူ၏ဦးနှောက်မှာ လျင်မြန်စွာ အလုပ်များသွားတော့သည်။ ထို့နောက်သူက အံ့သြတကြီးရေရွတ်လာခဲ့သည်။

"ဒီစွမ်းရည်ကို ပိုင်ဆိုင်ဖူးတဲ့ နောက်ဆုံးလူ ဟုတ်လား..."

ထန်မော့ ဖူ၀မ်သော်အား မော့ကြည့်လိုက်လျှင် ဖူ၀မ်သော်ကသူ့ကိုပြန်ကြည့်လာခဲ့သည်။

မှန်၏။ ထန်မော့နှင့် ဖူ၀မ်သော်ဤစွမ်းရည်အကြောင်း စသိရကတည်းက ထိုမျိုးရိုးဗီဇပေါင်းစပ်ဖွဲ့စည်းခြင်းသို့မဟုတ် ကြောက်မက်ဖွယ် အဆင့်၇ ဆိုသည်ကိုရော ဂရုမစိုက်ခဲ့ချေ။

သူတို့ဂရုစိုက်သည်က ဤစွမ်းရည်ကိုပိုင်ဆိုင်ဖူးသော နောက်ဆုံးသူဟူသော မှတ်ချက်ဖြစ်သည်။

ထိုမှတ်ချက်မှာ တစ်၀က်တပျက်ဖြစ်နေသော်လည်း သံသယမရှိသည်မှာ...

ကစားသမားတစ်ဦး...

ထန်မော့က တရား၀င်ကစားသမားဖြစ်ပြီး ဖူ၀မ်သော်ကခိုး၀င်သူတစ်ဦးဖြစ်သည်။ သို့သော် အနက်ရောင်မျှော်စင်အနေနှင့်ကြည့်မည်ဆိုပါက သူတို့၂ဦးလုံးမှာ ကစားသမားများဖြစ်လေသည်။

ဤစွမ်းရည်ကို ပိုင်ဆိုင်ဖူးသော နောက်ဆုံးသူဆိုသည်က ဘာကိုဆိုလိုသနည်း။ ဤစွမ်းရည်ကို တစ်ယောက်ယောက် ပိုင်ဆိုင်ခဲ့ဖူးသေးသည်လော။ သို့ဆိုပါက ထန်မော့နှင့် ဖူ၀မ်သော်၏ လက်ရှိသိထားသမျှ အနက်ရောင်မျှော်စင်အပေါ် ယူဆချက်များအားလုံး ပြောင်းပြန်လှန်သွားပေတော့မည်။

အကယ်၍ ဤစွမ်းရည်နှင့် အခြားတစ်စုံတစ်ယောက်ရှိခဲ့ဖူးသည်ဆိုပါက ဤစွမ်းရည်များမှာ လူသားများ၏ပိုင်ဆိုင်မှုမဟုတ်ပဲ အနက်ရောင်မျှော်စင်၏ ဖန်တီးမှုဟု ဆိုလိုခြင်းပင်။ ထိုနည်းဖြင့်သာ စွမ်းရည်များကတူညီနိုင်သည်။ ထပ်ပေါင်းဆိုရပါလျှင်...

"ဒီစွမ်းရည်ကိုပိုင်ဆိုင်ဖူးတဲ့နောက်ဆုံးသူ...ဆိုတော့ အဲဒီလူကသေပြီလို့ဆိုလိုတာပဲ အဲဒါကြောင့် နောက်ဆုံးသူလို့ ပြောထားတာ ဒါမှမဟုတ်...."

ဖူ၀မ်သော်နှင့် ဖူ၀မ်ရှန်းတို့ ထန်မော့ကို အတူတကွကြည့်လိုက်မိကြသည်။

ထန်မော့မှာအပြင်ပန်းတွင် အလွန်တည်ငြိမ်ပုံပေါ်သော်လည်း သူ၏နှလုံးမှာ အလွန်လျင်မြန်ခုန်ပေါက်နေခဲ့သည်။ သူသည်ကား လျို့၀ှက်ဆန်းကြယ်သော အနက်ရောင်မျှော်စင်၏ နောက်ကွယ်မှအမှန်တရားကြီးတစ်ခုကို ဖမ်းဆုပ်မိလိုက်ပြီဟု ခံစားနေရလေသည်။ သူကအသက်ကိုပြင်းပြင်းရှူလျက် ဖြည်းဖြည်းချင်းရှူထုတ်လိုက်သည်။ ထို့နောက် သူ၏အသင်းဖော်၂ဦးပေါ် အကြည့်များမှာ ပကတိတည်ငြိမ်နေခဲ့လေသည်။ သူကဆိုလိုက်သည်။

"ကမ္ဘာကြီးအွန်လိုင်းပေါ်တက်လာပြီ။ ဒီစကားကအရမ်းကိုထူးဆန်းတယ်မလား။ ကျွန်တော်ရှန်ဟိုင်းမှာရှိတုန်းက လော့ဖုန်းချန်းကျွန်တော့်ကိုတစ််ခါပြောဖူးတာက နိုင်ငံတော်က အနက်ရောင်မျှော်စင်ရဲ့ ဇစ်မြစ်ကို တစ်ခါခန့်မှန်းမိဖူးတယ်တဲ့"

ထန်မော့ဖူ၀မ်သော်ကို ကြည့်လိုက်သည်။ ဖူ၀မ်သော် ဤအကြောင်းကို သိလိမ့်မည်ဖြစ်ကြောင်း ထန်မော့အလွန်သေချာနေခဲ့သည်။

"နိုင်ငံတော်က အနက်ရောင်မျှော်စင်ဟာ ဂြိုလ်သားတွေရဲ့ လုပ်ရပ်လို့ ထင်ကြေးပေးဖူးတယ်။ ဂြိုလ်သားမျိုးနွယ်တစ်စုက ဘာကြောင့်မှန်းမသိပေမယ့် အနက်ရောင်မျှော်စင်ကို ကမ္ဘာပေါ်မှာ လာထားသွားတယ်၊ တကယ်တော့ လူအများစုကလည်း ဒီလိုတွေးကြတာပါပဲ။ ဘယ်သူမှအတိအကျမသိကြတာပဲရှိတယ်။ ဒီတော့ အနက်ရောင်မျှော်စင်တွေက တကယ်ပဲ ဂြိုလ်သားတွေလာထားသွားတာဆိုရင် ဒီမျိုးရိုးဗီဇပြန်လည်ပေါင်းစပ်ဖွဲ့စည်းခြင်းကို ပိုင်ဆိုင်ဖူးတဲ့ နောက်ဆုံးသူဆိုတာက သေသွားပြီးတဲ့ လူသားတစ်ယောက်ဒါမှမဟုတ် အနက်ရောင်မျှော်စင်ရဲ့ အဆုံးသတ်ကို ကျော်လွန်ခဲ့တဲ့ ကစားသမားတစ်ယောက်လား"

🌍

Prev Next