MM Story Teller

Chapter 188

Viewers 32k

🌍Chapter 188

လွန်ခဲ့သော ၁နှစ်ခန့်က အရေအတွက် တစ်သောင်းခန့်ရှိသော အနက်ရောင်မျှော်စင်များ ကမ္ဘာအနှံ့အပြားတွင်ပေါ်လာခဲ့သည်။ ကမ္ဘာပေါ်မှ အင်အားကြီးနိုင်ငံများမှာ သုတေသနအဖွဲ့အစည်းများ အလျင်အမြန်ဖွဲ့စည်းပြီး အနက်ရောင်မျှော်စင်ကို လေ့လာခဲ့ကြသည်။ လူထုသည် ကြောက်ရွံ့နေကြသော်လည်း အနက်ရောင်မျှော်စင်များက ထိုအတိုင်းတည်ငြိမ်နေခဲ့ကြသည်။ နှစ်၀က်ခန့်ကြာသည်အထိ ကမ္ဘာမြေကြီး၏အပေါ်တွင် ပုံရိပ်ယောင်အသွင်ဖြင့် ရှိနေခဲ့ကြသည်။

သုတေသနပညာရှင်များက အနက်ရောင်မျှော်စင်ကို မထိတွေ့နိုင်သလို အနက်ရောင်မျှော်စင်ထံမှ သုတေသန ရင်းမြစ်များကို မရယူနိုင်ခဲ့ချေ။ ၄င်းမှာ ရောင်ပြန်တစ်ခုလိုပင်။ ကိုယ်ထည်အစစ်အမှန်မရှိ၍ လူသားများက ၄င်းကိုမြင်ရုံသာမြင်နိုင်ကာ မထိတွေ့နိုင်ချေ။

သို့ဆို၍ လူသားများမှာ ထို၆လအတွင်း အနက်ရောင်မျှော်စင်များကို လေ့လာရန်မကြိုးစားခဲ့ဟုမဆိုလိုချေ။

"အင်တာနက်ပေါ်ကလူအများစုက အနက်ရောင်မျှော်စင်တွေက ဂြိုလ်သားတွေရဲ့ အာကာသယာဥ်လို့ထင်ကြတယ်၊ လူနည်းစုကပဲ အင်အားစုကြီးတချို့ရဲ့ ခြိမ်းခြောက်မှုလို့ထင်ကြတာ၊ အရင်ဆုံးကျွန်တော်တို့ ဒုတိယဖြစ်နိုင်ချေကို ဖယ်ထုတ်ထားလို့ရတယ်"

ထန်မော့ ဖူ၀မ်သော်ကိုကြည့်လိုက်လျှင် တဖက်လူက ငြင်းဆိုမလာခဲ့ချေ။ ထန်မော့ကဆက်ပြောလိုက်သည်။

" ဒါကြောင့် ဂြိုလ်သားတွေရဲ့ လက်ချက်ဆိုတဲ့ဖြစ်နိုင်ချေပဲကျန်မယ်"

အနက်ရောင်မျှော်စင်များမှာ ဂြိုလ်သားများနှင့် ဆက်စပ်နေသည်။ ထိုကဲ့သို့ထင်မြင်ချက်များမှာ ကမ္ဘာကြီးအွန်လိုင်းပေါ်တက်မလာခင်က ရေပန်းအစားဆုံးပင်။ သို့သော် မည်သူကမှ သကွသေအတိအကျမပြနိုင်ကြချေ။

ထန်မော့ပြောပြီးနောက် ဖူ၀မ်သော်ကိုသာလှည့်ကြည့်လိုက်လေသည်။

တိတ်ဆိတ်နေသော ဓါတ်ဆီဆိုင်တွင် လေတိုးသံကိုသာလျှင် ကြားနေရသည်။

'ဤစွမ်းရည်ကိုပိုင်ဆိုင်ဖူးသော နောက်ဆုံးလူ'ဟူသော မှတ်ချက်မှာ အလွန်အရေးကြီးသော အချက်အလက်ပင်။ သို့သော် ထိုနောက်ဆုံးကစားသမားတစ်ဦးဘာဖြစ်သွားသည်ဆိုသည်ကိုတော့ ပြောမပြထားချေ။ ထိုသူများက သေဆုံးသွားသည်လား သို့မဟုတ် အနက်ရောင်မျှော်စင်ကိုရှင်းနိုင်ခဲ့သည်လား။ သို့မဟုတ် ထိုထက်ပိုထူးခြားသောတစ်စုံတစ်ခုလည်းဖြစ်ကောင်းဖြစ်နိုင်သည်။

အတော်ကြာတိတ်ဆိတ်နေပြီးနောက် ဖူ၀မ်ရှန်း နှုတ်ခမ်းကို မဟပဲ မနေနိုင်ခဲ့ချေ။

"တကယ်ပဲ ဂြိုလ်သားတွေသာဆို ဘယ်လိုလုပ်ကြမလဲ"

ထိုကလေးမှာ ဤစကားကိုဆိုနေစဥ် အတတ်နိုင်ဆုံးတည်ငြိမ်အောင် ကြိုးစားနေခဲ့သည်။ သို့တိုင်အောင် ပြတင်းပေါက်အပြင်မှတဆင့် အဝေးရှိကောင်းကင်ပေါ် တွဲလွဲခိုနေသော အနက်ရောင်မျှော်စင်ကြီးကို တစ်ချက်မျှ လှမ်းမကြည့်မိပဲ မနေနိုင်ခဲ့ချေ။ သူမျည်မျှပင် စိုက်ကြည့်နေပါစေ ထိုမျှော်စင်ကြီးမှာ ထိုနေရာတွင် ထီးထီးကြီး မလှုပ်မယှက်တည်ရှိနေဆဲဖြစ်သည်။

"ဘာမှကောင်းတာမရှိဘူး"

ထိုအသံကိုကြားလျှင် ဖူ၀မ်ရှန်းမှာ သူ၏အစ်ကိုဖြစ်သူကို အလျင်အမြန်လှည့်ကြည့်လိုက်၏။

ဖူ၀မ်သော်က တည်ငြိမ်စွာဖြင့်ဆိုလာခဲ့သည်။

"အနက်ရောင်မျှော်စင်က ဂြိုလ်သားတွေနဲ့ဆိုင်ဆိုင် မဆိုင်ဆိုင် တစ်နေရာရာကလာတယ်ဆိုတာ သေချာတာပဲ။ လောလောဆယ်ငါတို့အတွက်အရေးအကြီးဆုံးက အသက်ရှင်အောင်ကြိုးစားပြီး ဂိမ်းကိုရှင်းဖို့ပဲ။ ဂိမ်းတွေကိုရှင်းရင်းနဲ့မှ ငါတို့သဲလွန်စတွေပိုရလာပြီး သူ့ရဲ့ ရည်ရွယ်ချက်အမှန်ကိုနားလည်လာမှာပေါ့။"

ဖူ၀မ်ရှန်း၏ လည်ချောင်းမှာတင်းကြပ်သွားလျက် ထန်မော့ကိုကြည့်လိုက်မိသည်။ သူကထန်မော့တစ်ခုခုပြောရန်မျှော်လင့်နေခြင်းပင်။ သို့သော် ထန်မော့ပြုံးလာလိမ့်မည်ဟု မမျှော်လင့်ထားခဲ့ချေ။ သူကပြတင်းပေါက်ထံလျှောက်သွားးပြီး အပြင်ဘက်မှ အနက်ရောင်မျှော်စင်ကြီးက်ုကြည့်ကာ ဖူ၀မ်သော်နှင်ထပ်တူညီသော စကားကိုဆိုလိုက်လေသည်။

"တကယ်ပဲ ကောင်းတဲ့အရာမဟုတ်ပါဘူး။ အနက်ရောင်မျှော်စင်တွေဟာ ဂြိုလ်သားတွေရဲ့ဖန်တီးမှု ဟုတ်သည်ဖြစ်စေ မဟုတ်သည်ဖြစ်စေ။ ကမ္ဘာကြီးအွန်လိုင်းပေါ်တက်လာတာကသူ့ကြောင့်ပဲလေ၊ တို့တွေလုပ်နိုင်တာဆိုလို့ ဂိမ်းတွေကိုဖြေရှင်းပြီး အသက်ရှင်အောင်ကြိုးစားဖို့ပဲ"

အပြင်ဘက်တွင် အလင်းရောင်လေးတစ်ချက်လက်သွားခဲ့သည်။ ဖူ၀မ်ရှန်းလည်း ဘာမှမဆိုတော့ပဲ နှုတ်ခမ်းကိုပိတ်လိုက်တော့သည်။

မှန်၏။ လက်ရှိ သူတို့ရရှိထားသာ သတင်းအချက်အလက်မျှနှင့်ဆိုပါက အနက်ရောင်မျှော်စင်များမှာ ဂြိုလ်သားများနှင့် ဆက်စပ်နေသည်ဟုသာခန့်မှန်းနိုင်ပြီး အတည်ပြုနိုင်စွမ်းမရှိချေ။ လောလောဆယ်အရေးအကြီးဆုံးမှာ ဂိမ်းများကိုရှင်းပြီး အသက်ရှင်ရန်ကြိုးစားခြင်းသာ။

ပေကျင်းသို့ ၂ရက်အတွင်း အလျင်အမြန်သွားရန်မှာအလွန်ပင်ပန်းလွန်းသည်။ ဖူ၀မ်ရှန်း ကြမ်းပြင်တွင်လှဲလျောင်းကာ အိပ်ပေါ်သွားခဲ့ချေပြီ။

ထန်မော့နှင့် ဖူ၀မ်သော်ကတော့အိပ်မပျော်ချေ။

ကလေးဖြစ်သူအား အနက်ရောင်မျှော်စင်၏အမှန်တရားမှာ အရေးမကြီးဟုဆိုခဲ့သော်လည်း သူကိုယ်တိုင်ကတော့ မျက်မှောင်ကျုံ့လျက် ရရှိထားသမျှ အချက်အလက်အသေးစိတ်ကို ပြန်လည်တွေးတောနေခဲ့သည်။ သူ့အနေနှင့် အနက်ရောင်မျှော်စင်၏အမှန်တရားမှာ ဂြိုလ်သားများနှင့်ဆက်စပ်နေရုံမျှ မရိုးရှင်းနိုင်ဟုခံစားရလေသည်။ တကယ်ပဲ ဂြိုလ်သားများဆိုပါက အဘယ်ကြောင့် ကမ္ဘာပေါ်သို့ အနက်ရောင်မျှော်စင်များ ချခဲ့ရပါသနည်း။ အဘယ်ရည်ရွယ်ချက်နှင့်နည်း။

အကယ်၍ သူတို့သာ ကမ္ဘာမြေကိုသိမ်းယူလိုပါက လူသားမျိုးနွယ်တစ်ခုလုံးကို တိုက်ရိုက်ရှင်းထုတ်ပစ်နိုင်သည်ပင်။ အနက်ရောင်မျှော်စင်ကဲ့သို့ လျို့၀ှက်ဆန်းကြယ်သော အရာများကို ဖန်တီးနိုင်သော ဂြိုလ်သားများမှာ လူသားမျိုးနွယ်စုကို အလွယ်တကူရှင်းပစ်နိုင်သည်မှာ သံသယ၀င်စရာမရှိချေ။ ၄င်းအစား အနက်ရောင်မျှော်စင်များကိုဖန်တီးလျက် လူသားများ ကိုယ်တိုင် ဂိမ်းရှုံးကာ မျိုးသုဥ်းသွားသည်ကို စာင့်ဆိုင်းနေခြင်းလား။

"လူသားတွေဂိမ်းဆော့ပြီး အချင်းချင်းသတ်နေကြတာကို ကြည့်ရတာကြိုက်တဲ့ အဲဒီဇာတ်လမ်းတွေလိုမျိုးတော့မဖြစ်နိုင်ပါဘူး"

ထန်မော့မနေနိုင်ပဲ ရေရွတ်လိုက်မိသည်။

"စိတ်၀င်စားစရာတစ်ခုခုတွေ့လို့လား"

ထန်မော့ဘေးသို့လှည့်ကြည့်လိုက်သည်။

ဖူ၀န်သော် သူ၏ဘေးတွင် ထိုင်ချလာသည်။ သူတို့၂ဦးမှာ ဓါတ်ဆီဆိုင်မှ ရုံးခန်းအသေးလေးထဲတွင် ထိုင်နေခဲ့ကြသည်။ တံခါးတစ်ချပ်ခြားနေသည်ဖြစ်၍ တဖက်ခြမ်းတွင်အိပ်နေသော ကလေးကို အနှောင့်အယှက်ပေးမိမည်မဟုတ်ချေ။

ထန်မော့ကပြန်လည်တုန့်ပြန်လိုက်သည်။

"သိပ်စိတ်၀င်စားဖို့မကောင်းပါဘူး။ ပျင်းစရာကြီး"

ဖူ၀မ်သော် ၄င်းကိုကြားလျှင် မျက်ခုံးအသာပင့်လာသည်။

ထန်မော့ထိုအကြောင်းကို ဆက်မပြောချင်ခဲ့ပေ။ သူတို့သည်အနက်ရောင်မျှော်စင်၏အမှန်တရားကို မသိချေ။ အရာရာတိုင်းကခန့်မှန်းချက်မျှသာ။ သူကစကားလမ်းကြောင်းပြောင်းလိုက်သည်။

"ဘာပဲဖြစ်ဖြစ် ဒီတစ်ကြိမ် ခင်များရဲ့ စွမ်းရည်ကို သိလိုက်ရတာအတော်ကောင်းပါတယ်။ အဆင့်၇တောင်နော်"

ထန်မော့ကပြန်လည်တွေးတောလိုက်ကာ

"ကျွန်တော် စွမ်းရည်၂၀ကျော်စုမိထားပေမယ့် ခင်များစွမ်းရည်တစ်ခုထဲကသာ အဆင့်၇ရှိတာ။ ကျန်တာတွေက အလွန်ဆုံးမှ အဆင့်၅လောက်ထိပဲတွေ့ဖူးတယ်"

ကစားသမားတစ်ဦး၏ စွမ်းရည်ကို အဆင့်မြှင့်တင်နိုင်သော်လည်း ၄င်းအား စွမ်းရည်စာအုပ်ထဲတွင် စုဆောင််းလိုက်သည်နှင့် အဆင့်မြှင့်တင်၍မရဆော့ချေ။ ပိုင်ရို့ယောင်၏အဆင့်၅စွမ်းရည်ဖြစ်သောသေခြင်းတရား အရိပ်အယောင် စွမ်းရည်မှာ အားလုံးထဲမှ အဆင့်အမြင့်ဆုံးဖြစ်ခဲ့သည်။

"မင်းဒီလိုရုပ်ရှင်မျိုးကြည့်ဖူးလို့လား"

ထန်မော့မှာ ခတ္တမျှတန့်သွားလျက်

"လူတွေအချင်းချင်းပြန်သတ်ကြတာကို ဖြော်ဖြေရေးလိုကြည့်ကြတဲ့ ရုပ်ရှင်မျိုးကိုပြောတာလား ကြည့်တော့ကြည့်ဖူးတယ် နာမည်ကြီး 'saw'ဆိုတဲ့ ကားအပါအ၀င်ပေါ့၊ ခင်များရောကြည့်ဖူးလား"

“ကြားဖူးပါတယ်"

"အဲဒီကားက ဂိမ်းတွေအများကြီးကိုဒီဇိုင်းဆွဲတဲ့ ဗီလိန်တစ်ယောက်အကြောင်းမလား"

အချိန်များကုန်လွန်သွားခဲ့သည်။ ထန်မော့မှာ ဖူ၀မ်သော်အမှန်တကယ်ကို ကြည့်ဖူးသော ကားများမရှိဟု မမျှော်လင့်ထားခဲ့ချေ။ တကယ်တမ်းတွင် ထန်မော့လည်း ထိုသို့ရုပ်ရှင်များကိုကြည့်ရသညိထက် စာဖတ်ရသည်ကို ပိုသဘောကျတာတာဖြစ်သည်။

ထန်မော့က ဆင်တူဇာတ်ကားတချို့ကို ဖူ၀မ်သော်အား အကျဥ်းချုပ်ပြောပြခဲ့ပြီး ဖူ၀မ်သော်က တည်ငြိမ်စွာဆိုခဲ့သည်။

"အဲလိုသာဆို အနက်ရောင်မျှော်စင်တွေက ဂြိုလ်သားတွေ ကမ္ဘာပေါ် လာချသွားတဲ့ ဂိမ်းပေါ့၊ ဇာတ်သိမ်းအရဆို လူသားမျိုးနွယ်လည်း ပျက်စီးသွားလိမ့်မယ်"

ထန်မော့ပြုံးလိုက်မိသည်။ ထိုသူမှာ အလွန်လျင်မြန်စွာ သင်ယူနိုင်ပြီး ဟောလိ၀ုဒ်ရုပ်ရှင်များ၏ ဖြစ်ရိုးဖြစ်စဥ်ကိုပင် ခန့်မှန်းနိုင်နေပြီဖြစ်သည်။

"ဗိုလ်ချုပ်ဖူ ခင်များ အနက်ရောင်မျှော်စင် ဘယ်နှစ်ထပ်လောက် ရှင်းပြီးသွားပြီလဲ"

ဖူ၀မ်သော်ကထူးဆန်းသော အမူအယာဖြင့်ပင်

"၂ထပ်"

ထန်မော့က အဓိပ္ပါယ်ပါပါ ခေါင်းညိတ်လျက်

"ဒီိလိုပေါ့၊ ခင်များက လူသားမျိုးနွယ်ရဲ့ အဆုံးသတ်ကိုတောင် ခန့်မှန်းနိုင်ပြီဆိုတော့ ကျွန်တော်က ခင်များ ၇ထပ်မြောက်ကိုတောင်ရှင်းပြီးပြီ ထင်လိုက်တာ"

ဖူ၀မ်သော် ခတ္တမျှတိတ်ဆိတ်နေပြီး မှ ဆိုလာခဲ့သည်။

“ဒီဟာက ကိုယ်ခုနက ကလေးဆန်တယ်ပြောလို့ ပြန်လက်စားချေတာလား"

ထန်မော့၄င်းကို မျှော်လင့်မထားခဲ့။ သူကတစ်ဖက်လူ၏စကားကြောင့် တန့်သွားပြီးမှ ဂိုထောင်လေးထဲ ဘာဖြစ်ခဲ့သည်ကို ပြန်တွေးမိသွားခဲ့သည်။ သူ ၄င်းကိုတွေးမိလျှင် မျက်နှာပူဆဲပင်။ ထန်မော့ချောင်းဟန့်လိုက်ပြီး တိတ်သွားတော့သည်။

ဖူ၀မ်သော်က သူ၏အတွေးများကို ဖတ်နိုင်သည့်အလားပင်။ သူ၏နှုတ်ခမ်းထောင့်တို့ တွန့်ကွေးသွားလျက် တမင်တကာဆိုလာသည်။

"ကိုယ်တကယ်ပဲ ကောင်လေးတွေကို စိတ်၀င်စားပါတယ်"

"အဟွတ် အဟွတ် အဟွတ်..."

ထန်မော့ ကိုယ့်တံတွေးနှင့်ကိုယ်ပြန်သီးတော့မတတ်ဖြစ်သွားပြီး ဖူ၀မ်သော်ကို လှည့်ကြည့်လိုက်မိသည်။

ဖူ၀မ်သော်မှာ အလွန်တည်ငြိမ်နေလျက် သူပြောခဲ့သည်တို့တွင် မည်သည့်ပြဿနာမျှရှိမနေသည့်အတိုင်းပင်။ သူ၏မျက်၀န်းများမှာ ထန်မော့အား နက်ရှိုင်းရှိုင်း စိုက်ကြည့်လျက်

" ယောကျာ်းတစ်ယောက်ကို ကြိုက်တာက ကွေးနေတာဆိုရင် ကြည့်ရတာကိုယ်လည်း ကွေးနေတာပဲ"

သူ၏မျက်လုံးများမှာ အလွန်တည်ငြိမ်လျက် စိတ်ရင်းကိုဖော်ပြနေပြီး အမှန်တရားကိုပြောပြနေခြင်းဖြစ်သည်။

ထန်မော့မှာ ထိုစစ်မှန်သော ၀န်ခံမှုနှင့် နက်ရှိုင်းသော မျက်၀န်းများကြောင့် အနည်းငယ်တုန်လှုပ်သွားပါသော်လည်း သူ၏နှလုံးသားမှာ လျင်မြန်စွာပြန်လည်တည်ငြိမ်သွားခဲ့သည်။ သူသည် သူ၏ရှေ့မှ ရိုးသားပွင့်လင်းသော အမျိုးသားကိုကြည့်လျက် လက်တစ်ဖက်ကို ဆန့်ထုတ်ပေးလိုက်လေသည်။ ဖူ၀မ်သော်မှာ ထန်မော့အဘယ်ကြောင့် ရုတ်တရက် လက်ဆန့်ပေးလာသည်ကို နားမလည်ခဲ့ချေ။ ထို့နောက်သူ၏မျက်စိရှေ့မှ ကောင်ချောလေးက ပြုံးလိုက်သည်ကို သူတွေ့လိုက်ရသည်။

"တိုက်ဆိုင်လိုက်တာ၊ ကျွန်တော်လည်း အတူတူပဲလေ"

ဖူ၀မ်သော်၏နှလုံးသားမှာ ပြင်းထန်စွာ ခုန်ပေါက်မိသွားသည်။

အတော်လေးကြာပြီးနောက် ဖူ၀မ်သော်လည်း လက်ကိုဆန့်ထုတ်လျက် ဖြူသွယ်သွယ်လက်လေးကိုဆုပ်ကိုင်လိုက်သည်။ ထို့နောက်လူ၂ဦးက လက်ချင်း ရှိတ်လိုက်ကြလေသည်။

ထို့နောက် ထန်မော့တွင်အတွေးတစ်ခုရှိလာခဲ့သည်။

"ဒါနဲ့ ဒီကိစ္စကိုကျေးဇူးပြုပြီး ရှောင်ရှန်းကို မပြောပါနဲ့။ ခင်များရဲ့ စွမ်းရည်ကို ကူးယူရုံပဲဆိုတာ ရှင်းပြရတာတင်အတော်ခက်နေပြီ။ ဒီကိစ္စကိုပါပြောလိုက်ရင် သူအထင်လွဲသွားလိမ့်မယ်"

ဖူ၀မ်သော်ကလည်း သူ၏ညီငယ်ကို သိပ်များများစားစား ပေးသိလိုစိတ်မရှိချေ။

"အင်း ကိုယ်မပြောပါဘူး"

အပြင်ဘက်တွင်အိပ်နေသော ဖူ၀မ်ရှန်း"..."

ထန်မော့သည် သူ၏ကိုယ်ရေးကိုယ်တာ အကြောင်းများကို ပြောရခြင်းအားမကြိုက်သူပင်။ သူ ဖူ၀မ်သော်နှင့်အသင်းဖော်ဖြစ်လာသည်မှာ ၃လခန့်ရှိပြီဖြစ်သော်လည်း သူ၏ရင်တွင်းဖြစ်များကို ၂ခါသာပြောဖူးသေးသည်။ တစ်ကြိမ်မှာ သူ၏နောက်ခံနှင့် ကျန်တစ်ကြိမ်မှာ သူ၏လိင်တိမ်းညွတ်မှုကိုဖြစ်လေသည်။ ၄င်းမှာလည်း ဖူ၀မ်သော်နှင့် တူညီသောအချက်ဖြစ်၍ သူဖုံးကွယ်မထားခြင်းပင်။ ထိုထက်ပို၍ ထန်မော့ ဘာကိုမျှ ထပ်ပြောလိမ့်တော့မည်မဟုတ်ချေ။ သို့သော် ဖူ၀မ်သော်က သူ၏ကိုယ်ရေးကိုယ်တာကို အလွန်စိတ်၀င်စားနေခဲ့သည်။

"မင်းမှာ ကောင်လေးရှိလား"

ထန်မော့"..."

ဤသည်မှာ သူဗီရိုထဲ(come out)မှ စထွက်လာစဥ်က သူ၏မိဘများမေးခဲ့ဖူးသော မေးခွန်းနှင့် တစ်ပုံစံထဲပင်။

ထန်မော့တည်ငြိမ်စွာပင် ထေ့ငေါ့လိုက်သည်။

"ခင်များမှာ ရှိတယ်ပေါ့"

ဖူ၀မ်သော်"..."

ဘာလို့ စင်ဂယ်ခွေး၂ကောင်က တစ်ယောက်ကိုတစ်ယောက် ထိခိုက်အောင် လုပ်နေကြပါလိမ့်...

စင်ဂယ်ခွေး ဖူ၀မ်သော်၏ တုန့်ပြန်မှုအရ ဤလူတွင် ရည်စားကောင်လေးရှိရန်မဆိုထားနှင့် အချစ်အကြောင်းတောင် မပြောဖူးလောက်ဟု ထန်မော့ အလိုလိုခန့်မှန်းမိလိုက်လေသည်။ သူသည်အင်တာနက်ပေါ်မှ နာမည်ကြီး ၀တ္တုတစ်ခုကိုသတိရသွားမိသည်။ အကယ်၍ အမျိုးသားတစ်ဦးမှာ အသက်၂၅ပြည့်သည်အထိ လူပျိုစင်စစ်ဖြစ်နေသေးပါက ထိုသူက မှော်စွမ်းအားများကို သုံးပြီး မှော်ဂါထာများရွတ်နိုင်သော မှော်ဆရာတစ်ဦးဖြစ်လာလိမ့်မည်ဟုပင်။

သူက ဤနှစ်တွင်မှ ၂၃နှစ်သာရှိသေးသည်ဖြစ်ကာ ဖူ၀မ်သော်မှာတော့ ၂၆နှစ်ရှိလေပြီ။ သူကတော့ မှော်ဆရာ မဖြစ်သေးသော်လည်း ဖူ၀မ်သော်ကတော့မပြောနိုင်ချေ။

၄င်းကိုတွေးတောရင်း ထန်မော့သည် ဖူ၀မ်သော်အား

'ရဲဘော် အားတင်းထား'ဟူသော အမူအယာဖြင့် ကြည့်လိုက်မိလေသည်။ ဖူ၀မ်သော်သည် သူကဂိုထောင်လေးထဲတွင် ဖြစ်ပျက်ခဲ့သည်ကို တွေးတောနေဆဲဟု ယူဆကာ ဆိုလာခဲ့သည်။

"ကိုယ်တောင်းပန်ပါတယ်"

ထန်မော့တန့်သွားမိလျက်

"အာ..."

ဘာလို့ဒီမှော်ဆရာအိုကြီးက သူ့ကိုတောင်းပန်နေရတာလဲ...

ဖူ၀မ်သော်ကအလွန်စိတ်ရင်းဖြင့်ဆိုလာခဲ့သည်။

"ကိုယ်မင်းကြောင့် ထလာလို့လေ"

ထလာတယ်...

ဘာကထလာတာလဲ သူနဲ့ရောဘာဆိုင်လို့လဲ...

🌍

Prev Next