MM Story Teller

Chapter 186

Viewers 32k

🌍Chapter 186

မှောင်မည်းနေသော ဂိုထောင်ကျဥ်းကျဥ်းလေးထဲတွင် ဖူ၀မ်သော်မှ သူ၏ရှေ့မှကောင်ကလေးကို ငုံ့ကြည့်လိုက်မိသည်။ အေးစက်သောလက်ဖ၀ါးတစ်ဖက်မှာ သူ၏ပါးပြင်ကိုထိကပ်ထားစဥ် သူ၏မျက်၀န်းတို့ ၀ိုင်းစက်နေမိလေသည်။ အေးစက်သော ညလေပြည်တို့က တံခါးမှတဆင့်တိုး၀င်လာပြီး ထန်မော့၏ ဆံပင်တို့ကို ထိုးဖွသွားခဲ့သည်။

ထန်မော့ ဖူ၀မ်သော်၏မျက်နှာပေါ်တွင် ဤကဲ့သို့အမူအယာမျိုးကို တစ်ခါမျှမမြင်ဖူးခဲ့ချေ။ ၄င်းမှာ တုန်လှုပ်မှုနှင့် ထူးခြားသောခံစားမှုတချို့ရောနှောနေကာ ဖော်ပြရန်မစွမ်းသာ။

ဖူ၀မ်သော် ထန်မော့အား ရှုပ်ထွေးနေသောမျက်၀န်းများနှင့်ကြည့်လာခဲ့လျှင် ထန်မော့လည်း တစ်ဖက်လူ၏ပါးပြင်ကို ထိကိုင်နေသော လက်ကတောင့်တင်းသွားမိလေသည်။ ထို့နောက် သူ၏စိတ်တို့ပြန်လည်တည်ငြိမ်သွားခဲ့သည်။

ထန်မော့ကရှင်းပြလိုက်သည်။

"အဲဒီအမျိုးသမီးခိုး၀င်သူရဲ့ စွမ်းရည်က အသားချင်းထိရုံလောက်မရိုးရှင်းဘူး။ ကျွန်တော်ကတဖက်လူကို ပိုပြီးရင်းရင်းနှီးနှီးထိလေ စွမ်းရည်ကိုရဖို့ပိုလွယ်လေပဲ။ အဲဒါကြောင့် တိုက်ခိုက်နေတုန်းက သူက ကျွန်တော့်ရဲ့ပါးတွေ လည်ပင်းတွေကိုထိသွားတာပေါ့။ အဲဒီနေရာတွေက လက်ကိုကိုင်တာထက် ပိုပြီး တရင်းတနှီးရှိတယ်လေ"

မှန်၏။ မျက်နှာကိုထိရုံဖြင့် စွမ်းရည်ကိုရနိုင်မှတော့ သူဘာကြောင့် ယုံကြည်ချက်မရှိရမည်နည်း။

ဖူ၀မ်သော်ကမေးလိုက်သည်။

"သူက မင်း ပါးနဲ့ လည်ပင်းကိုထိခဲ့တယ်ပေါ့"

ထိုစဥ်က ဖူ၀မ်သော်မှာ ကျန်ခိုး၀င်သူတစ်ယောက်နှင့် တိုက်ခိုက်ခြင်းတွင် အာရုံစိုက်ထားခဲ့ရ၍ ထန်မော့၏အခြေအနေကို သတိမထားမိခဲ့ချေ။

ထန်မော့မှာ သိပ်မတွေးပဲ ပြန်ဖြေလိုက်သည်။

"အင်း"

ဖူ၀မ်သော်၏ မျက်လုံးတို့ကျဥ်းမြောင်းသွားခဲ့သည်။

"ပိုပြီးရင်းနှီးတဲ့နေရာတွေကိုထိရင် စွမ်းရည်ယူတဲ့ကြာချိန်ပိုတိုသွားမှာလား"

ထန်မော့ဖြေလိုက်သည်။

"အင်း"

ဖူ၀မ်သော်မှ ဘာမှမဆိုတော့သော်လည်း ထန်မော့အား'ဒီလိုစွမ်းရည်မျိုးလည်းရှိသေးတာလား'ဟူသော အကြည့်မျိုးဖြင့်ကြည့်နေခဲ့လေသည်။

ထန်မော့"..."

"တကယ်ပါဆို"

ထန်မော့မှာ သူ၏စွမ်းရည်စာအုပ်အား တဖက်လူကို ထိုးပြလိုက်ချင်သော်လည်း သူကိုယ်သူစိတ်ထိန်းထားလိုက်သည်။

ဖူ၀မ်သော် ပြုံးလိုက်ပြီး ဘာမှထပ်မပြောတော့ချေ။

မိုးကြောင့်လားမဆိုနိုင် ထန်မော့၏ လက်များမှာ အေးစက်နေခဲ့သည်။ သူ၏လက်ဖ၀ါးပြင်က ရေငွေ့တချို့ဖြင့် စိုရွှဲနေခြင်းပင်။ ထန်မော့အတွက်လည်း ဖူ၀မ်သော်၏ မျက်နှာကို ထိရန်အတွက် သတ္တိတချို့စုစည်းခဲ့ရသည်။ မည်သို့ပင်ဆိုစေဤသည်မှာ သာမာန်ထိတွေ့မှုမျှသာဖြစ်ကာ ကိစ္စကြီးမဟုတ်ချေ။

၄င်းမှာ မျက်နှာတစ်ခုသာဖြစ်သည်။ သူ၏မျက်နှာနှင့် ဖူ၀မ်သော်မျက်နှာနှင့် ဘယ်ဟာကိုထိထိအတူတူပင်။

ထန်မော့၄င်းကိုတွေးလျက် သူ၏ဘယ်လက်ဖြင့် ဖူ၀မ်သော်၏ ပါးပြင်ကို ကပ်ထားလိုက်သည်။

ထိုအနေအထားအတိုင်း၅မိနစ်မျှထိန်းသိမ်းထားပြီးနောက် ထန်မော့မျက်မှောင်ကျုံ့လိုက်မိသည်။

"သိပ်မမြန်သေးသလိုပဲ"

ထို့နောက် သူကကျန်လက်တစ်ဖက်ကိုမြှောက်လျက် ဖူ၀မ်သော်၏ နောက်ပါးတစ်ဖက်ကို ထိလိုက်သည်။ ၄င်းကိုလုပ်ပြီးနောက်သူတစ်ခုခုကို နားလည်သွားသည့်ဟန် တန့်သွားမ်လေသည်။

နေပါဦး ဒီပုံစံက...

ထန်မော့ ခတ္တမျှစိုက်ကြည့်နေပြီးနောက် သူ၏လက်ဖ၀ါး၂ဖက်ကြားမှ မျက်နှာကို ခပ်တည်တည်နှင့် တစ်ချက်ညှစ်လိုက်လေသည်။

ဖူ၀မ်သော်၏နှုတ်ခမ်းတို့မှာ စုချွန်ထွက်လာခဲ့သည်။

ထန်မော့၏နှုတ်ခမ်းတို့ ချက်ချင်းပြုံးသွားခဲ့သည်။

ဖူ၀မ်သော်"..."

ထန်မော့ တဖက်လူ၏အမူအယာကိုမြင်လျှင် ဖျစ်ညှစ်ထားသည်ကို အမြန်ပြန်ရုတ်လိုက်သည်။ သူ့ကိုအပြစ်မတင်နိုင်ပါချေ။ သူဖူ၀မ်သော်၏ မျက်နှာကို လက်၂ဖက်နှင့် ကိုင်ပြီးနောက် မဖျစ်ညှစ်ပဲမနေနိုင်ခဲ့ချေ။ ဤအနေအထားက မျက်နှာကိုညှစ်ရန် အလွန်အဆင်သင့်လွန်းနေသည်။ ဖူ၀မ်သော်သည်လည်း သူ့အား 'ကိုယ့်ပါးကိုဖျစ်'ဟူသော အမူအယာဖြင့် ငုံ့ကြည့်နေခဲ့သည်မဟုတ်ပါလား။

ရယ်မောလိုက်ပြီးနောက် ထန်မော့တည်ငြိမ်စွာဆိုလိုက်သည်။

"ဆောရီး"

"ကိစ္စမရှိပါဘူး"

ထန်မော့ချောင်းဟန့်လိုက်ကာ ဘာမှမဆိုတော့။ ထို့နောက်သူက လေသံနိမ့်နိမ့်နှင့်မေးမြန်းသံကိုကြားလိုက်ရလေသည်။

"မင်းကဒီနှစ်ဆိုအသက်ဘယ်လောက်ရှိပြီလဲ"

ထန်မော့ခေါင်းကိုမော့လျက်

"၂၃နှစ် ဘာလို့လဲ"

ဖူ၀မ်သော်ခေါင်းညိတ်လိုက်ကာ

"သိပြီ၊ မင်းကကိုယ့်ထက် ၃နှစ်ငယ်တာပဲ"

တဖက်လူမှာ မည်သည့်ရည်ရွယ်ချက်နှင့်မေးမှန်းမသိခဲ့သော်လည်း ယခုတော့နားလည်သွားချေပြီ။ ဤသည်မှာ သူက ကလေးဆန်သည်ဟု ရည်ညွှန်းနေခြင်းပင်။ သူထပ်မံမော့ကြည့်လိုက်လျှင် ဖူ၀မ်သော်က သူ့အား ပြုံးလျက်ငုံ့ကြည့်နေသည်ကိုတွေ့လိုက်ရလေသည်။ မြင့်မားသောတစ်ဦးကိုတစ်ဦး အပြန်အလှန်နားလည်မှုက ထန်မော့နှင့်ဖူ၀မ်သော်အား ဂိမ်းတိုင်းတွင် အတူပူးပေါင်းဆောင်ရွက်နိုင်စေရန်ကူညီပေးလေသည်။ ထိုမြင့်မားသောနားလည်မှုကပင် ဤလူက သူ့အားကလေးဆန်သည်ဟုပြောနေမှန်း နားလည်စေသည်။

ထန်မော့ငြင်းဆန်ချင်ခဲ့သော်လည်း သူပြန်တွေးကြည့်မိလျှင် သူ၏အခုလေးတင်အပြုအမူမှာ အမှန်တကယ်ကလေးဆန်နေခဲ့ပုံပင်။

ဤအဖြစ်အပျက်ကြောင့်ပင် သူတို့၏ကြားမှ အနေခက်သောလေထုက အနည်းငယ်ပြေလျော့သွားခဲ့သည်။

ထန်မော့လည်း ဖူ၀မ်သော်၏မျက်နှာကိုဆက်ကိုင်ထားရင်း စွမ်းရည်ကိုရရှိရန်စောင့်ဆိုင်းနေခဲ့လေသည်။ သို့သော် နောက်ထပ်၅မိနစ်ကုန်လွန်သွားသည့်တိုင် သူကစွမ်းရည်ကို အာရုံမခံမိသေးချေ၊

ကြည့်ရသည်မှာ ဖူ၀မ်သော်၏စွမ်းရည်က သူမျှော်လင့်ထားသည်ထက် ပိုစွမ်းအားကြီးပုံပင်။

ထန်မော့ကဆိုလိုက်သည်။

"ကျွန်တော်ခင်များကိုကြာကြာထိထားရမယ်ထင်တယ်။ အဲဒီအမျိုးသမီးက ကျွန်တော့်စွမ်းရည်ကိုမရခင် ၁၀မိနစ်လောက် ကျွန်တော်တို့ထိခဲ့တာ။ အဲဒါတောင် သူ့စွမ်းရည်က မူရင်းဗားရှင်းလေ။ ကျွန်တော့်ဟာက ပွားယူထားတာဆိုတော့ သူ့ထက်လိုအပ်ချက်ပိုမြင့်လောက်တယ်။ ပြီးတော့ ခင်များရဲ့စွမ်းရည်ကလည်း အရမ်းမြင့်လောက်တယ်။ စွမ်းရည်ကပိုသန်မာလေ ရဖို့ခက်လေပဲ"

"မင်းတခြားနေရာတွေကို ထိလို့ရပါတယ်"

ထန်မော့ခတ္တမျှမတုန့်ပြန်နိုင်ဖြစ်သွားခဲ့သည်။ သူ၏စကားတို့တ၀က်တပျက်နှင့်ရပ်သွားရသည်။

"ဒါပေါ့ ခင်များရဲ့စွမ်းရည်က သန်မာတော့ ပိုကောင်း..."

ထို့နောက် သူ၏မျက်လုံးတို့၀ိုင်းစက်သွားလျက်

"ကျန်တဲ့နေရာတွေကိုလည်း ထိလို့ရတယ်..."

ဖူ၀မ်သော်က တည်ငြိမ်ပုံပေါ်သော်လည်း သူ၏နှုတ်ခမ်းထောင့်တို့မှာတော့မြင့်တက်သွားခဲ့သည်။

"တခြားပိုရင်းနှီးတဲ့နေရာတွေကို ထိရင် ကြာချိန်ပိုတိုသွားမှာပဲလေ"

သူကကျိုးကြောင်းဆီလျော်စွာဖြင့် ဆိုလာခဲ့သည်။

"ကိုယ့်မျက်နှာကိုထိတာက လက်ကို ထိတာထက်ပိုရင်းနှီးတယ်ဆိုရင် ကိုယ့်မျက်နှာထက် ပိုရင်းနှီးတဲ့နေရာတွေကို ထိရင်ပိုမကောင်းဘူးလား"

ထန်မော့"..."

"မင်းတခြားနေရာတွေကို ထိမယ်ဆိုလည်း ကိုယ်ကတော့ စိတ်မရှိဘူး"

ဖူ၀မ်သော်ကအဆုံးတွင်မှ ထပ်ပေါင်းဆိုလာသည်။

"ကိုယ့်စွမ်းရည်ကိုစစ်ဆေးဖို့အတွက်ပေါ့"

ထန်မော့သဘောတူလိုက်သည်။

"အိုကေ"

ဖူ၀မ်သော်၏မျက်လုံးများမှာ ထန်မော့ကိုစူးစိုက်ကြည့်နေခဲ့သည်။ ထန်မော့၏ အမူအယာများအမျိုးမျိုးပြောင်းလဲသွားပြီးနောက် အိုကေဟု ညှစ်ထုတ်ကာဆိုလိုက်သည်ကို သူကစိတ်၀င်တစားကြည့်နေခဲ့လေသည်။ ထန်မော့၏တုန့်ပြန်မှုမှာ စိတ်၀င်စားစရာကောင်းကာ အနည်းငယ်လည်း ချစ်စရာကောင်းလှသည်။ သို့သော် ရုတ်တရက် ဖူ၀မ်သော်၏ အပြုံးတို့တောင့်တင်းသွားပြီး ဆက်မရယ်နိုင်တော့ချေ။

အဘယ်ကြောင့်မူ အေးစက်သော လက်တစ်ဖက်မှ သူ၏ မေးဖျားမှတဆင့်လျှောဆင်းလာခဲ့၍ပင်။

ထန်မော့၏ လက်တစ်ဖက်မှာ ဖူ၀မ်သော်၏ မျက်နှာပေါ်တွင်သာရှိသေးသော်လည်း ကျန်တစ်ဖက်မှာ ဖူ၀မ်သော်၏ လည်တိုင်သို့လျှောဆင်းလာခဲ့လေသည်။ အေးစက်သောထိတွေ့မှုက ဖူ၀မ်သော်၏ရင်ထဲ ထူးဆန်းသော ခံစားချက်များနှင့် ပြည့်နှက်လာစေသည်။ သူသည်တဖက်လူ၏လက်ကို တားလိုက်ချင်ခဲ့သော်လည်း ထိုလက်ဖ၀ါးမှာ အောက်သို့လျှောဆင်းသွားခဲ့ချေပြီ။

ထန်မော့သည် အမူအယာမဲ့စွာဖြင့် လက်တစ်ဖက်ကဖူ၀မ်သော်၏ မျက်နှာကိုထိထားဆဲဖြစ်သည်။

တခြားတစ်ဖက်ကမူ ကုတ်တစ်ထပ်နှင့် ရှပ်အင်္ကျီတစ်ထပ်ခံထားသည့်တိုင် တဖက်အမျိုးသား၏ ပြင်းထန်သောဟော်မုန်းနှင့် ကြွက်သားစိုင်များကို ခံစားမိဆဲပင်။ သူကစိတ်ကိုဆုံးဖြတ်လျက် လက်ကိုဆက်လက်ရွေ့လျားလိုက်သည်။ ၀မ်းဗိုက်နေရာသို့ထိတွေ့မိလျှင် ထန်မော့တောင့်တင်းသွားမိသည်။ သူကဖူ၀မ်သော်အား ထူးဆန်းစွာမော့ကြည့်လိုက်မိလေသည်။

ဖူ၀မ်သော်၏ အသက်ရှူနှုန်းများရပ်တန့်သွားလုနီးပါးပင်။

ထန်မော့ကမေးလိုက်သည်။

"ခင်များမှာတကယ်ကြီး eight packsရှိတယ်ပေါ့"

ဖူ၀မ်သော်ကမျက်ခုံးပင့်လျက်

"ကိုယ့်မှာမရှိသင့်ဘူးလား"

One packသာရှိသည့် ဆွံ့အသွားသော ထန်မော့"..."

တဖက်လူ၏ ရင်ဘတ်နှင့် ကြွက်သားများကို ထိခြင်းမှာ ထန်မော့၏ အကန့်အသတ်ပင်။ သူကအကွေးတစ်ဦးဖြစ်၍ ဤထက်ပို တရင်းတနှီးမထိနိုင်တော့ချေ။ သူကအမျိုးသားတစ်ဦးကို ဤသို့ထိတွေ့ဖို့နေနေသာသာ အကွာအဝေးတစ်ခုသာ ထားချင်ခဲ့တာဖြစ်သည်။ သို့သော် ဤအပေါစားစွမ်းရည်က သူ့ကိုထိုသို့ဖြစ်ခွင့်မပေးခဲ့ချေ။

[စွမ်းရည်: တပြားမှ၀ှက်ထားဖို့မစဥ်းစားနဲ့]

[ပိုင်ရှင်: လင်းယာရွှီ(ခိုး၀င်သူ)]

……

[ကန့်သတ်ချက်: သင်သည်တစ်ဖက်လူကိုအကြာကြီးထိရန်လို၊ အထူးသဖြင့်အသားကိုတိုက်ရိုက်ထိရန်လိုအပ်]

ထန်မော့မှာ သူ၏မျက်လုံးရှေ့မှာ ဖူ၀မ်သော်၏ ရှပ်အင်္ကျီကော်လာကို တည်ငြိမ်စွာစိုက်ကြည့်နေခဲ့သည်။ သူသည်စကားတစ်ခွန်းမှမဆိုခဲ့ဘဲ ဖူ၀မ်သော်သည်လည်း သူ၏ကိုယ်ပေါ်မှ အထိအတွေ့ကြောင့် တိတ်ဆိတ်နေခဲ့သည်။ မည်မျှကြာသွားမှန်းမသိသည့်အချိန်တွင် ထန်မော့ရုတ်ချည်းမော့ကြည့်လာခဲ့သည်။

"ကျွန်တော့်လက်ကို အထဲထည့်လို့ရမလား"

သူနားကြားမှားမိတာလား...

ထန်မော့ကဆိုလိုက်သည်။

"အသားချင်းတိုက်ရိုက်ထိမှ ထိရောက်မှာ"

“…”

ခတ္တမျှကြာပြီးနောက် ဖူ၀မ်သော်က သဘောတူလာခဲ့သည်။

"အိုကေ"

ဖူ၀မ်သော် သူ၏ဂျက်ကတ်မှ ကြယ်သီးများကို ဖြုတ်လိုက်သည်။ ဂျက်ကတ်ကိုချွတ်လိုက်ပြီးနောက် သူခတ္တမျှစဥ်းစားနေပြီးမှ သူ၏ရှပ်အင်္ကျီကြယ်သီးများကထံလက်လှမ်းလိုက်သည်။ သူ၏လှုပ်ဆောင်မှုများမှာ လျှင်မြန်သော်လည်း ထန်မော့၏ မျက်လုံးထဲတွင်တော့ အနှေးပြကွက်တစ်ခုနှယ်။ ကြယ်သီးတစ်လုံးစီကိုဖြုတ်လိုက်တိုင်း အ၀တ်၏ပွတ်တိုက်သံက

ဆိတ်ဆိတ်နေသော ဂိုထောင်လေးထဲ ကျယ်လောင်လွန်းနေခဲ့သည်။

ဖူ၀မ်သော် ရှပ်အင်္ကျီကိုချွတ်လိုက်ပြီး ထန်မော့လည်း သူ၏လက်ကို ရွေ့လျားလိုက်သည်။

အေးစက်သော လက်ဖ၀ါးမှာ သူ၏အရေပြားကိုလာထိချိန်တွင် ဖူ၀မ်သော် နှုတ်ခမ်းကိုလျှာဖြင့်အသာသပ်လျက် သူ၏ရှေ့မှ လူငယ်လေးကို အနီးကပ်ကြည့်လိုက်မိသည်။

ထန်မော့က တစ်ဖက်လူ၏ စွမ်းရည်ကိုရရှိရန်သာ ၀တ္တရားအရ လုပ်နေရပုံပေါ်ပြီး သူ၏မျက်နှာပေါ်တွင် မည်သည့်အမူအယာမျိုးမှမရှိချေ။ ဖူ၀မ်သော်သည် ထန်မော့၏ ရင်ထဲမှ ရေရွတ်နေသော ဗစ်တာဟူသောအမည်ကို ကြားနိုင်လိမ့်မည်မဟုတ်။

ထန်မော့မှာgayတစ်ဦးဖြစ်သည့်တိုင် ဆန့်ကျင်ဘက်လိင်များနှင့်လည်း သင့်လျော်သောအကွာအဝေးတစ်ခုအမြဲထားတတ်သည်။ သူကအလွန်တိတ်ဆိတ်သူဖြစ်ကာ စာဖတ်ရခြင်းကို ကြိုက်နှစ်သက်သည်။ သူ တက္ကသိုလ်တွင်လည်း ချစ်ကျွမ်း၀င်ရန် စိတ်ကူးမရှိခဲ့။ ထို့နောက် တက္ကသိုလ်တက်နေရင်းတွင်ပင် သူ၏အခန်းဖော်ကျေးဇူးဖြင့် bridgeဂိမ်းကိုစွဲသွားခဲ့သည်။ ထို့နောက်ဗစ်တာကိုတွေ့ခဲ့ရသည်။ သူသည်ကား လူတစ်ဦးကိုသဘောကျသည်နှင့် ခံစားချက်မပြောင်းလဲပဲ ထိုလူတစ်ဦးကိုသာ အာရုံစိုက်တတ်သူမျိုးပင်။

သို့သော်...

ထန်မော့ခေါင်းကိုမော့လျက် သူ၏ရှေ့မှ အမျိုးသားကို တိတ်တဆိတ်ကြည့်လိုက်မိသည်။ လူ၂ဦး၏အကြည့်မှာ လေထဲတွင် တွေ့ဆုံသွားခဲ့လေသည်။ ထို့နောက် ထန်မော့လျင်မြန်စွာ အကြည့်လွှဲလိုက်ကာ ထပ်မံမကြည့်ရဲတော့ချေ။

သူ၏နှလုံးမှာ အလွန်လျင်မြန်စွာခုန်နေခဲ့သည်။

သူသည် ဗစ်တာတစ်ဦးတည်းကိုသာချစ်ခဲ့ဖူးပြီး ဗစ်တာကသာလျှင် သူ့အားရင်ခုန်မြန်စေရန်လုပ်နိုင်သူအမြဲဖြစ်ခဲ့သည်။ ယခုအချိန်တွင်မူ ဖူ၀မ်သော်က သူ၏ရှပ်ကိုဖွင့်လျက် လှပသောကြွက်သားများကိုဖော်ပြလာသည်က ထန်မော့ကိုအနည်းငယ်ရေငတ်သလိုခံစားရစေလေသည်။

သူ၏မျက်လုံးများမှာ ကြယ်သီးများကို တစ်လုံးချင်စီဖြုတ်နေသော ဖူ၀မ်သော်၏ သွယ်လျသောလက်ချောင်းများတွင်စွဲကပ်နေခဲ့သော်လည်း ယခုတော့တစ်ဖက်လူ၏ ကိုယ်ထံမှ အကြည့်မလွှဲနိုင်တော့။ သူတို့ချင်းအလွန်နီးကပ်နေ၍ ဤထူးဆန်းသောတုန့်ပြန်မှုမျိုးဖြစ်လာသည်လည်း ဖြစ်နိုင်ပေသည်။ ထန်မော့လည်း သူ့ကိုယ်သူအတွေးမများမိစေရန် ထိန်းချုပ်လျက် သူသည် ဖူ၀မ်သော်၏ လှပသော ၀မ်းဗိုက်ကြွက်သားများကို ဂရုတစိုက် ထိတွေ့လိုက်သည်။

ထန်မော့သည် သူ တစ်ဖက်လူ၏တို့ဖူးကို အလွန်စားချင်နေပုံများပေါက်နေသလားဟုတွေးနေမိသည်။ ထိုစဥ်သူ၏ပေါင်နေရာသို့ ခပ်မာမာအရာတစ်ခုလာထောက်သည်ကို ခံစားမိလျှင် ၄င်းမှာ ဘယ်အရာမှန်း ရုတ်တရက်မစဥ်းစားမိခဲ့ချေ။ ထန်မော့မှာ တန့်သွားပြီး တွေးလိုက်မိသည်။

ဒီဟာက ဘာလဲ...

အတွေးတစ်ခုက သူ၏ဦးနှောက်ထဲဖြတ်ပြေးသွားလျှင် သူ့ကိုယ်သူမထိန်းချုပ်နိုင်ခင် ၄င်းကို ထိကြည့်လိုက်မိလေသည်။

ဖူ၀မ်သော် "အဟွတ်..."

ထန်မော့"..."

ထန်မော့အလျင်အမြန်မော့ကြည့်လိုက်မိသည်။ သူ၏ခြေထောက်ကိုလာထောက်နေသော အရာမှာ သူနှင့်မဆိုင်သည့်အလား ဖူ၀မ်သော်မှာ သူ့အား တည်ငြိမ်စွာကြည့်နေခဲ့သည်။

နှစ်ဦးသားတစ်ယောက်ကိုတစ်ယောက်ကြည့်လိုက်မိကြသည်။

အတော်လေးကြာပြီးနောက် ထန်မော့မနေနိုင်ပဲ မေးလိုက်မိသည်။

"ကျွန်တော်တစ်ခုလောက်မေးပါရစေ ဗိုလ်ချုပ်ဖူ ခင်များက အဖြောင့်မဟုတ်ဘူးလား"

ထိုသို့မေးပြီးမှ ထန်မော့မှာ သူ၏မေးခွန်းမှာ အနည်းငယ် ကြောင်တောင်တောင်နိုင်သည်ဟု ခံစားလိုက်ရသည်။ အဖြောင့်တစ်ဦးက ကျန်ယောကျ်ားတစ်ဦးကြောင့် မမာလာနိုင်ဟု မည်သူပြောသနည်း။ ဤသည်မှာ အလိုအလျောက်တုန့်ပြန်မှုမျှသာဖြစ်ကာ သူကအတွေးလွန်နေခြင်းဖြစ်သည်။

သို့သော် ထန်မော့ပြန်လည်တောင်းပန်ရန် တွေးနေတုန်းမှာပင် သူသည်ဖူ၀မ်သော်၏ စကားသံကိုကြားလိုက်ရလေသည်။

"ကိုယ်ယောကျာ်းလေးတွေကိုမကြိုက်ဘူးလို့ ဘယ်တုန်းကပြောခဲ့ဖူးလို့လဲ"

ရှုပ်ထွေးသွားသော ထန်မော့"..."

တဆိတ်လောက်ပါ...သူကယောကျာ်းလေးတွေကို ကြိုက်တယ်ပေါ့...

ဖူ၀မ်သော် ထန်မော့၏ ထိတ်လန့်နေသော မျက်နှာကိုကြည့်နေခဲ့သည်။ သူကတစ်ခုခုပြောချင်ပါသော်လည်း သူ၏ညီငယ်လေးဖူကြောင့် သူလည်းရှက်ရွံ့နေမိသည်။

လက်ရှိတွင် ထန်မော့က ဖူ၀မ်သော်၏မျက်နှာနှင့် ၀မ်းဗိုက်ကိုအသာထိထားပြီး ဖူ၀မ်သော်၏ ညီငယ်လေးကလည်း ထန်မော့၏ပေါင်ကို ထိထားခဲ့လေသည်။ မိနစ်၀က်ခန့်ရပ်နေပြီးနောက် ထန်မော့သည် ဤသို့ဆက်နေနေ၍မဖြစ်တော့ဟု ခံစားလာမိသည်။ သူလက်ကိုပြန်ရုတ်တော့မည်ဟု ပြင်လိုက်စဥ်မှာပင် အပြင်ဘက်မှ ထိတ်လန့်နေသော အသံကိုကြားလိုက်ရလေသည်။

"ဘာတွေလုပ်နေကြတာလဲဟင်"

စာရေးသူမှာပြောစရာရှိတယ်။

ထန်ထန်:ခင်များက အဖြောင့်မဟုတ်ဘူး?!

လူအိုကြီးဖူ: ကိုယ်ကမကွေးဘူးလို့ ဘယ်တုန်းကပြောခဲ့လို့လဲ။

[ညီငယ်လေးဖူက ဆောင့်ကြွားကြွားနှင့်ထောက်ခံနေ]

ထန်ထန်:MMP ဘာပြောရမှန်းတောင် မသိတော့ဘူး။

🌍

Prev Next