MM Story Teller

Chapter 179

Viewers 32k

Chapters 379

🌍Chapter 179

ခတ္တမျှကြာပြီးနောက်ထန်မော့ကဆိုလိုက်သည်။

"ဒီတစ်ခေါက်အဆင့်မြင့်တာက အရက်တစ်ခေါက်ကနဲ့ ကွာမယ်လို့မထင်ထားဘူး"

ဖူ၀မ်သော်ကမေးလိုက်သည်။

"ပထမတစ်ခေါက်တုန်းကမင်းသွားကြည့်တာလား"

ထန်မော့မှာ အနည်းငယ်အနေခက်နေသေးသော်လည်း သူ၏ရင်ထဲတွင် အမည်ဖော်မရသော ခံစားချက်တစ်မျိုးကလည်းရှိနေသေးသည်။

သူကစိတ်၀င်တစားမေးလိုက်သည်။

"ခင်များ ဗားရှင်း၂.၀မြှင့်တာကိုမတွေ့လိုက်ရဘူးလား"

"ကိုယ်ဂိမ်းတစ်ခုထဲရောက်နေခဲ့လို့"

အဲလိုကိုး...

ထန်မော့ရှင်းပြလိုက်သည်။

"အဲတုန်းကအနက်ရောင်မျှော်စင်က KTVကလိုရောင်စုံအလင်းတွေကိုလွှတ်တာ၊ ပြီးတော့ ဗားရှင်းအသစ်လိုင်းပေါ်တက်လာပါပြီဆိုပြီး ပြီးသွားတာပဲ"

ဖူ၀မ်သော်ကပြန်မေးလိုက်သည်။

"အဲဒါပဲလား"

"ကမ္ဘာပေါ်က လက်ရှိကစားသမားဦးရေကိုလည်း ကြေညာပေးခဲ့သေးတယ်"

ထန်မော့၏ မျက်လုံးတို့ရုတ်ချည်း ကျဥ်းမြောင်းသွားလျက် အနက်ရောင်မျှော်စင်ကို ကြည့်လိုက်လေသည်။

အနက်ရောင်မျှော်စင်၏အပေါ်ပိုင်းတွင် အဖြူရောင် အလင်းစက်လေးတစ်ခုက တစ်ဖြတ်ဖြတ်လင်းနေခဲ့သည်။ ထိုအလင်းစက်မှ သေးလွန်း၍ မြင်နိုင်ရန်ပင်ခက်ခဲလှသည်။ ထန်မော့အာရုံစူးစိုက်ကြည့်လျက် အမြန်လိုက်ရေတွက်ရန်ကြိုးစားနေခဲ့သည်။ ထိုအလင်းစက်များအလွန်လျှင်မြန်စွာ တဖြတ်ဖြတ်လင်းနေသည်က လူတစ်ဦး၏ အမြင်အာရုံနှင့် လိုက်မမီနိုင်သဖွယ်။ ထန်မော့မှာ လိုက်လံရေတွက်နေပါသည့်တိုင် ထိုနံပါတ်မှာ မှန်သလား မှားသလားမသေချာချေ။

၄င်းမှာနောက်ဆုံးတစ်ကြိမ်ဖြတ်ခနဲလင်းသွားပြီးနောက် ရပ်တန့်သွားခဲ့သည်။

ထန်မော့ကတီးတိုးရေရွတ်လိုက်လေသည်။

"၉၉၂၇ကြိမ်"

ဖူ၀မ်သော်သည်လည်း လိုက်ရေတွက်နေခဲ့ခြင်းဖြစ်၍ လူ၂ဦးမှာ စကားပြောရန်အချိန်မရှိခဲ့ချေ။ ထိုစဥ်ဖူ၀မ်သော်မှာ ပထမအလင်းစက်၏အပေါ်မှ နောက်ထပ်အလင်းစက်တစ်ခုကိုတွေ့လိုက်ရပြန်သည်။ ဤတစ်ကြိမ်တွင် ၄င်း၏အလျင်မှာ အနည်းငယ်ပိုနှေးပြီး ၄င်းရပ်တန့်သွားသည်နှင့် ဖူ၀မ်သော်က ဆိုလာသည်။

"၃၆၄ကြိမ်"

လွန်ခဲ့သည့်၃လက ပထမအလင်းစက်မှ ၆၂ကြိမ်သာလင်းပြီး ဒုတိယအလင်းစက်မှမူ တစ်၀က်မျှသာလင်းခဲ့ကြောင်းမှတ်မိနေဆဲပင်။ သူ၏ရင်ထဲတင်းကြပ်သွားလျက် ဖူ၀မ်သော်လည်း တစ်ခုခုပြောရန်နှုတ်ခမ်းကိုဟလိုက်သည်။ ထိုစဥ် မှိန်ဖျော့ဖျော့အလင်းစက်တစ်ခုက ဒုတိယအလင်းစက်အပေါ် ရုတ်တရက်လင်းလာခဲ့ပြန်သည်။

ထန်မော့၏မျက်လုံးတို့ မှေးကျဥ်းသွားမိသည်။

အမှောင်ထုထဲတွင် တတိယအလင်းစက်မှ အလွန်ဖျော့တော့လွန်းနေ၍ မြင်ရရန်ပင်ခက်ခဲလှသည်။

ထို့နောက် ၄င်းမှာ ဖြတ်ခနဲလင်းလာခဲ့လေသည်။

၄င်းမှာ အနည်းငယ်တဖြတ်ဖြတ်လင်းသွားပြီးနောက် ပြန်လည်ရပ်တန့်သွားခဲ့လေသည်။

ထို့နောက် မြူးကြွသော ကလေးသံ၏ကြေညာမှုတစ်ခုထွက်ပေါ်လာခဲ့လေသည်။ မရေတွက်နိုင်သောကလေးများ၏ သံပြိုင်သီဆိုသံက ကောင်းကင်ကြီးပေါ်တွင် ဖုံးလွှမ်းလျက်။ ထိုသီချင်းမှာ အလွန်မြူးကြွလျက် အနက်ရောင်မျှော်စင်မှာလည်း ထန်မော့ပြောခဲ့သလိုပင် KTVမီးရောင်များနှယ် ရောင်စုံအလင်းများတဖြတ်ဖြတ်လင်းလာပြီး တစ်မြို့လုံးကို ထိုမီးရောင်များနှင့် ကခုန်နေစေသည့်နှယ်။

အေးစက်သောလေပြည်၏အောက်တွင် ထိုသီဆိုသံမှာ အနည်းငယ်ပြောင်းလဲသွားပုံပင်။ ထိုသီချင်းပြီးဆုံးသွားသည်နှင့် အေးစက်သော စက်ရုပ်လိုအသံ၏ကြေညာမှုကိုကြားလိုက်ရလေသည်။

"တင်းတောင်~ ၂၁.၄၂သန်းသော ကစားသမားတွဟာ ဂိမ်းထဲကို အောင်မြင်စွာ ၀င်လာကြပါပြီ"

"ဂိမ်းကိုသိမ်းနေပါသည်။"

"ကစားသမားအချက်အလက်များကို သိမ်းနေပါသည်။"

"ဂိမ်းအချက်အလက်များကို စစ်ဆေးနေပါသည်"

"သိမ်းခြင်းအောင်မြင်ပါသည်"

"နောက်ဆုံးကျန်ကစားသမားများအတွက် ဂိမ်းကို ဖွင့်လိုက်ပါပြီ"

"တင်းတောင်~ ၂၀၁၈ မတ်လ ၁၅ရက် အနက်ရောင်မျှော်စင်ဗားရှင်း ၃.၀ကို တရား၀င်ဖွင့်လိုက်ပါပြီ။ ကစားသမားအားလုံးကို ဂိမ်းကနေကြိုဆိုပါတယ်"

"ကစားသမားများအားလုံး မျှော်စင်ကိုတိုက်ခိုက်ကြပါ"

“တင်းတောင်~ ပျော်စရာဂိမ်းလေးဖြစ်ပါစေ"

အနက်ရောင်မျှော်စင်ဗားရှင်းအသစ် မြှင့်တင်မှုမှာ ပြီးဆုံးသွားပြီးနောက် ပတ်၀န်းကျင်မှာ တဖန်ပြန်လည်တိတ်ဆိတ်သွားခဲ့လေသည်။

ထန်မော့ အင်္ကျီဆိုင်ထဲရှိမိမိ ပုန်းနေသောနေရာမှ တစက်လေးတောင်မရွေ့ခဲ့ချေ။ သူ ၃မိနစ်အထိစောင့်ခဲ့ပြီးနောက် တစ်ဖက်မောလ်ထဲမှ ပိန်ပါးပါးအရိပ်တစ်ခုပြေးထွက်လာသည်ကိုတွေ့လိုက်ရလေသည်။ ထိုအရိပ်မှာ အနီးဆုံးရှိ လမ်းချိုးတစ်ခုဆီပြေး၀င်ကာ ပျောက်ကွယ်သွားခဲ့လေသည်။ နောက်ထပ် ၅မိနစ် ထပ်စောင့်ပြီးနောက် ထန်မော့နှင့် ဖူ၀မ်သော်တို့လည်း အင်္ကျီဆိုင်ထဲမှ ထွက်ခွာလာကြတော့သည်။

ညအမှောင်ထဲတွင် သူတို့၂ဦးမှာ လေပွေတစ်ခုနှယ်။ သူတို့သည် သစ်ပင်များ၏ အရိပ်အောက်မှ ဖြတ်သန်းသွားလျှင် အရွက်များကသာ လှုပ်ခါ၍ ကျန်ရစ်လေသည်။

ထို့နောက် သူတို့အတူ ကားပါကင်သို့ပြန်ရောက်လာပြီး ဖူ၀မ်ရှန်းနှင့် ဆုံခဲ့လေသည်။

ဖူ၀မ်ရှန်းမှာ ထန်မော့မှန်းအတည်ပြုပြီးမှ သူ၏လက်ထဲရှိ တင်းကြပ်စွာဆုပ်ကိုင်ထားသော လက်နက်များကိုချလိုက်သည်။

"ဘာတွေဖြစ်တာလဲ"

ထန်မော့၏ အမူအယာမှာ ရှုပ်ထွေးလျက်။ ၄င်းမှာမဆိုးရွားသော်လည်း မကောင်းတာတော့သေချာသည်။ ဖူ၀မ်ရှန်းလည်း သူ၏အစ်ကိုဖြစ်သူကို ချက်ချင်းကြည့်လိုက်မိသည်။ ဖူ၀မ်သော်လည်း ဂိုထောင်တံခါးကို ဆွဲချကာပိတ်လိုက်ပြီး ကားထဲသို့၀င်ထိုင်လိုက်ကာ ၃ယောက်သား ထိုကားဂိုထောင်ထဲတွင် တိတ်တဆိတ်ပုန်းကွယ်နေခဲ့ကြသည်။

မှောင်မည်းနေသော ကားပါကင်မှာ တိတ်ဆိတ်မှုတို့ လွှမ်းခြုံလျက်။

ထန်မော့ အိတ်ထဲမှ ဓါတ်မီးတစ်ခုကိုထုတ်ယူလျက် အပေါ်သို့ ထောင်ကာ ထွန်းလိုက်သည်။ အဖြူရောင်အလင်းမှာ မျက်နှာကျက်မှတဆင့် တန်ပြန်လာပြီး ကားပါကင်တစ်ခုလုံးကို အနည်းငယ်လင်းလက်သွားစေသည်။ သူသည်ကျောက်တုံးတစ်တုံးကိုယူလျက် ကားပါကင်ထဲမှ ဓါတ်ဆီပုံးတစ်ခုကို မှောက်လိုက်ပြီး ၄င်းဖြင့် ကျောက်တုံးကိုဆွတ်ကာ ကြမ်းပြင်ပေါ် တစ်ခုခုကိုရေးဆွဲလိုက်လေသည်။

"အစက်၃ခုရှိတယ်၊ ပထမအလင်းစက်က အရမ်းမြန်တယ် အကြိမ်လင်း၁၀၀၀၀နီးပါးရောက်တယ်၊ သူစလင်းလာတုန်းက ခင်များရော ကျွန်တော်ရော သတိမထားလိုက်မိဘူး"

ထန်မော့လည်း ဖူ၀မ်သော်ကို တစ်ချက်ကြည့်လိုက်ပြီး ကြမ်းပြင်ပေါ်တွင် အ၀ိုင်းတစ်ခုကို ရေးဆွဲလိုက်ကာ ၄င်း၏ဘေးမှ ၉၉၂၇ဟုရေးလိုက်သည်။

သူကဆိုလိုက်သည်။

"ဒီဟာကအကြမ်းဖျင်းရေထားတာဆိုတော့ သူ့အကြိမ်ရေက ၁၀၀၀၀လောက်တော့ ကျိန်းသေရှိလောက်တယ်"

ဖူ၀မ်သော်ကလည်းဆိုလာသည်။

"ဒုတိယတစ်ခုက ၃၆၄ကြိမ်"

ထန်မော့ခေါင်းည်တ်လျက် စက်၀ိုင်းလေးတစ်ခုကိုရေးဆွဲကာ ၄င်းဘေးမှ ၃၆၄ကိုရေးလိုက်သည်။

လူ၂ဦးမှာ ထိုစက်၀ိုင်း၂ခုကို စိုက်ကြည့်နေခဲ့ကြပြီး စကားတစ်ခွန်းမျှမဆိုကြချေ။ ဖူ၀မ်ရှန်းမှာ ထို၂ဦးပြောနေသမျှကို တစ်ခုမှနားမလည်သော်လည်း ကြားတော့၀င်မဖြတ်ခဲ့။ မိနစ်၀က်ခန့်ကြာပြီးနောက် ထန်မော့ တတိယစက်၀ိုင်းတစ်ခုကို ထပ်မံဆွဲလိုက်သည်။ ကြမ်းပြင်ကိုပွတ်တိုက်သွားသည့်အခါ ကျောက်တုံးထံမှ အသံကျယ်ကျယ်ထွက်လာခဲ့သည်။ ထန်မော့မှာ ထိုတတိယစက်၀ိုင်း၏ဘေးတွင် ၂ဟုရေးလိုက်သည်။

"ဒီအလင်းစက်ကအားပျော့တယ် ပြီးတော့၂ကြိမ်ပဲ လင်းတယ်"

ဖူ၀မ်သော်နံပါတ်ကိုကြည့်လျက် မေးလာခဲ့သည်။

"လွန်ခဲ့တဲ့၃လတုန်းက ဗားရှင်း ၂.၀မြှင့်တုန်းကရော ဒီအလင်းစက်တွေရှိလား"

“ရှိတယ်"

ထန်မော့မှာ ယခုလေးတင်ဆွဲလိုက်သော စက်၀ိုင်း၃ခု၏ဘေးတွင် စက်၀ိုင်း၂ခုကိုဆွဲလိုက်သည်။

"ဒီအလင်းစက်ကအရင်ဆုံး ၆၂ကြိမ်လင်းလာတယ်။ ဒီဟာကတော့တိကျတယ်။ ကျွန်တော်တချိန်လုံးသေချာစောင့်ကြည့်နေတာမို့ လွဲတာမျိုးမရှိဘူး။ ပြီူတော့ ဒီဒုတိယအလင်းစက် အနက်ရောင်မျှော်စင် ၂.၀ဗားရှင်းမှာ အလင်းစက်၂စက်ပဲရှိတယ်။ ပထမအလင်းစက်က ကျွန်တော်တို့အခုတွေ့ခဲ့တဲ့ အလင်းစက်၂စက်လိုပဲ ထင်ထင်လင်းလင်းရှိတယ်။"

ထန်မော့ကျောက်တုံးကိုရွေ့လျက် နံပါတ်တစ်ချို့ကိုချရေးလိုက်သည်။

"သူကတော့ တစ်ကြိမ်ပဲ လင်းခဲ့တယ်"

အနက်ရောင်မျှော်စင်မှာ ၃လအတွင်း ၂ကြိမ်အဆင့်မြှင့်ခဲ့သည်။ အကြိမ်တိုင်းတွင် ဗားရှင်းအသစ်ကိုမကြေညာခင်တိုင်း ထိုအလင်းစက်လေးများလင်းလာလေ့ရှိလေသည်။ ထို့အပြင်အလင်းစက်များကိုလည်း တောက်ပသောအလင်းစက်နှင့် မှိန်ဖျော့သောအလင်းစက်ဟူ၍ ၂မျိုးခွဲခြားထားသေးသည်။ ၂.၀ဗားရှင်းတွင် အလင်းစက်၂ခုရှိခဲ့ကာ ၃.၀ဗားရှင်းတွင်တော့တောက်ပသောအလင်းစက်တစ်ခုပိုလာခဲ့သည်။

ထန်မော့တည်ငြိမ်စွာဆိုလိုက်သည်။

"ပြီးတော့ တစ်ကြိမ်စီတိုင်း လင်းတဲ့အကြိမ်ရေ ပိုများလာတယ်"

ဖူ၀မ်သော်ကဆိုလိုက်သည်။

"၆၂ကြိမ်ကနေ အကြိမ်၉၀၀၀ထိပိုလာတယ်၊ ဒုတိယအလင်းစက်ကလည်း ပိုလင်းလာပြီး အကြိမ်ရေ ၃၆၄ခါလင်းလာတယ်။ အဲဒီ၃လတုန်းက မင်းနဲ့ လော့ဖုန်းချန်း ဘယ်လိုတွေးခဲ့လဲ"

ဖူ၀မ်သော်က မိမိနှင့်လော့ဖုန်းချန်း ဤအလင်းစက်များအကြောင်းဆွေးနွေးခဲ့သည်ကို ခန့်မှန်းမိသည်အား မအံ့သြမိချေ။ အဘယ်ကြောင့်မူ ထို၂.၀ဗားရှင်းမြှင့်တင်ပြီး ၂ရက်အကြာတွင် ဖူ၀မ်သော် တိုက်အဖွဲ့အစည်းကိုတွေ့ခဲ့၍ဖြစ်သည်။

ဖူ၀မ်သော်ခန့်မှန်းသည်မှာ ထူးတော့မထူးဆန်းလှ။ ထန်မော့နှင့် လော့ဖုန်းချန်း၏ သဘာ၀အရ ဤအဖိုးတန် သတင်းကိုဆွေးနွေးရန် ကျော်သွားကြမည်မဟုတ်ချေ၊

ထန်မော့ဖူ၀မ်သော်ကိုကြည့်လျက် ပြန်ဖြေလိုက်သည်။

"အဲတုန်းက ကျွန်တော်တို့ရဲ့ ယူဆချက်ကတော့ ဒီအလင်းစက်တွေက အနက်ရောင်မျှော်စင်အထပ်တွေနဲ့ သက်ဆိုင်တယ်ဆိုတာပဲ"

ဖူ၀မ်သော်အံ့သြသွားပုံမပေါ်ပေ။

ဖူ၀မ်ရှန်းမယ တချိန်လုံးသူတို့၂ဦးကိုတိတ်တဆိတ်နားထောင်နေခဲ့ကာ ယခုမျှသာ နားလည်သွားခဲ့တော့သည်။

ထန်မော့ကရှင်းပြလာသည်။

"အနက်ရောင်မျှော်စင်မှာ အထပ်ပေါင်း ၇ထပ်ရှိတယ်။ လောလောဆယ် ကမ္ဘာပေါ်မှ ၃ထပ်ကိုဖြတ်ကျော်နိုင်တဲ့သူမရှိသေးဘူး။ ဒုတ်ယထပ်အထိပဲရောက်နိုင်ကြသေးတယ်"

ထန်မော့ ကြီးမားသောစက်၀ိုင်းကြီးတစ်ခုကိုဘေးတွင်ဆွဲလိုက်သည်။

"ပထမအလင်းစက်က အနက်ရောင်မျှော်စင်ရဲ့ပထမထပ်၊ ဒုတ်ယအလင်းစက်က ဒုတိယထပ်ကို ကိုယ်စားပြုတယ်။ နို၀င်ဘာ ၂၂ရက်မှာ ဖူ၀မ်သော် ခင်များက ကမ္ဘာပေါ်မှာပထမဆုံးဒုတ်ယထပ်ကို ရှင်းနိုင်တဲ့သူဖြစ်လာခဲ့တာ။ အဲဒီကစပြီး ကမ္ဘာပေါ်ကတခြားနယ်မြေကစားသမားတွေလည်း မျှော်စင်ကိုတိုက်ခိုက်လာကြတယ်။ နောက်ဆုံးကျန်တဲ့နယ်မြေတစ်ခုက အနက်ရောင်မျှော်စင်ပထမထပ်ကို ဒီဇင်ဘာ၁၈ရက်နေ့မှာ ရှင်းခဲ့တာ။

အဲဒါကြောင့် ဇန်န၀ါရီ၁ရက်နေ့ ၂.၀ဗားရှင်းမြှင့်တင်တဲ့အချိန် ပထမထပ်ကိုရှင်းထားတဲ့ ကစားသမား ၆၂ယောက်ရှိတယ်ဆိုတာ မဖြစ်နိင်တာမျိုးမဟုတ်ဘူး။ အရေးအကြီးဆုံးက အဲဒီတုန်းကမှိန်ဖျော့ဖျော့အစက်ဟာ ဒုတိယထပ်ကို ကိုယ်စားပြုနေတယ်ဆိုတာပဲ"

ဖူ၀မ်ရှန်းကခန့်မှန်းလာသည်။

"သူကအနက်ရောင်မျှော်စင်ဒုတိယထပ်ကို ကိုယ်စားပြုတာလား"

ထို့နောက်သူကလျင်မြန်စွာခေါင်းခါလိုက်ကာ

"ဒါပေမယိ့အဲဒီအချိန်တုန်းက ဘယ်သူကမှ ဒုတိယထပ်ကိုမရှင်းရသေးဘူးလေ။ ကမ္ဘာပေါ်ကနယ်မြေ၁၀ခုမှာ ဒုတိယထပ်ကိုပထမဆုံးရှင်းနိုင်တဲ့သူကို တရား၀င်ကြေညာပေးရမှာလေ"

"အဲဒီအချိန်တုန်းက ဘယ်သူကမှ ဒုတိယထပ်ကို မရှင်းရသေးဘူး။ ရက်နည်းနည်းကြာပြီးတော့ မင်းအစ်ကိုကရှင်းလိုက်တယ်"

ဖူ၀မ်ရှန်းမှာ သံသယတချို့ဖြင့်

"ဒီဒုတိယအစက်ကဘာကိုဆိုလိုတာများလဲ၊ တစ်ကြိမ်လည်း လင်းလာသေးတယ်"

ထန်မော့ကဆိုလာသည်။

“ဒီဟာက လော့ဖုန်းချန်းနဲ့ငါ ခန့်မှန်းချက်လောက်ပါပဲ။ အလင်းစက်တွေက အနက်ရောင်မျှော်စင်အထပ်တွေကိုကိုယ်စားပြုတယ်။ ဒုတိယအလင်းစက်က တ၀က်တပျက်ပဲလင်းပြီး မှိန်လည်းမှိန်တယ်။ ဆိုလိုတာက တစ်ယောက်ယောက်ကမျှော်စင်ဒုတိယထပ်ကို တိုက်ခိုက်ခဲ့ပေမယ့် ကျရှုံးခဲ့တယ်ဆိုတာပဲ။ အဲဒါကြောင့်အပြည့်အ၀လင်းမလာခဲ့ဘူး။ ဥပမာ"

ထန်မော့ဖူ၀မ်သော်ကို ကြည့်လိုက်သည်။

"ကျွန်တော်မှတ်မိသလောက်ဆို နို၀င်ဘာလကုန်ခါနီးမှာ ဗိုလ်ချုပ်ဖူလည်း မျှော်စင်ဒုတိယထပ်ကို ဆွဲသွင်းခံခဲ့ရပေမယ့် ကျရှုံးခဲ့တယ်"

ဖူ၀မ်သော်နှုတ်ခမ်းတို့ အသာအယာတွန့်ကွေးသွားခဲ့သည်။

၄င်းမှာလွန်ခဲ့သော ၃လကပင်ဖြစ်သည်။ ထိုစဥ်က ထန်မော့မှာ ဖူ၀မ်သော်၏အသံကို ရုတ်တရက်ကြားလိုက်ရပြီ မျှော်စင်ဒုတိယထပ်အတွက် ကြက်ဆင်ဥကိုဖွင့်ရန် ကူညီပေးခဲ့ရသည်။ သို့သော် ဖူ၀မ်သော်မှာ ဂိမ်းကိုကျရှုံးခဲ့သည်က နှမြောစရာပင်။ သူ့ကိုယ်သူသတ်သေ၍ သိမ်းမှတ်ကိုပြန်ဖွင့်ခဲ့ပြီး ဂိမ်းထဲမှယာယီထွက်ခွာနည်းကိုရှာတွေ့ခဲ့သည်။

လက်ရှိရရှိထားသမျှ သတင်းအရဆိုလျှင် ထိုအလင်းစက်များမှာ မျှော်စင်အထပ်များကို ရည်ညွှန်း၍ အကြိမ်ရေကမူ ထိုတစ်ထပ်စီ၏ ကစားသမားများကို ရည်ညွှန်းလေသည်။ အားလုံးမှာ အကျိုးအကြောင်းသင့်တိုက်ဆိုင်လွန်းလှသည်။

ထန်မော့မှာ ကြမ်းပြင်ပေါ်မှ စက်၀ိုင်းများကို ငုံ့ကြည့်လိုက်ပြီး သူ၏လေသံမှာ ပကတိတည်ငြိမ်လျက်

" အခုဆို ဒုတိယထပ်ကိုရှင်းထားတဲ့ကစားသမားက ကမ္ဘာပေါ်မှ ၃၆၄ယောက်ရှိလာပြီ။ ပြီးတော့ ၂ယောက်လောက်က တတိယထပ်ကို တိုက်ခိုက်ခဲ့ပေမယ့် ကျရှံးခဲ့တယ်၊ သူတို့ကသေသွားတာလည်းဖြစ်နိုင်သလို သီသီလေးလွတ်လာတာလည်းဖြစ်နိုင်တယ်။ ဒီ၂ယောက်က ကျွန်တော်လည်းမဟုတ်သလို ခင်များလည်းမဟုတ်ဘူး"

ဖူ၀မ်ရှန်း၄င်းကိုကြားလျှင် တွေးတောလိုက်မိသည်။

"သူတို့က တရုတ်တွေပဲလား"

ဖူ၀မ်သော်သည် အနက်ရောင်မျှော်စင် ပထမထပ်နှင့် ဒုတိယထပ်ကို ပထမဆုံးရှင်းနိုင်ခဲ့သူဖြစ်ပြီး တရုတ်ပြည်၏ အသန်မာဆုံးကစားသမားဆိုသည်ကို သံသယ၀င်စရာမလိုချေ။ သို့သော် သူသည် တတိယထပ်ကိုမူ ရှင်းရန်မကြိုးစားမိသေးချေ။ ထိုသို့ဆိုတိုင်း တခြားတရုတ်ကစားသမားများလည်း မကြိုးစားမိသေးဟုမဆိုလိုချေ။

ထန်မော့ကဆိုလိုက်သည်။

"ကျွန်တော်သိသလောက်ဆို ရှန်ဟိုင်းမှာ အဲလိုလူမရှိဘူး။ ယေဘုယျဆိုရရင် တရုတ်ပြည်ကမြို့တိုင်းလည်းအခုရောက်နေတဲ့ မြို့နဲ့အတူတူပဲ။ လူဦးရေက ပေကျင်းတို့ရှန်ဟိုင်းတို့လိုလည်းမများသလို မြို့ကြီးတွေလို ကစားသမားအဆင့်လည်း သိပ်မမြင့်ဘူး"

ဥပမာ ယခု ဗားရှင်း ၃.၀အဆင့်မြှင့်ဆင်ခြင်းကို လာစနည်းနာသူမှာ ဟန်ဒန်းတစ်မြို့လုံးတွင် လူတစ်ဦးသာရှိလေသည်။

ထန်မော့ ဖူ၀မ်သော်ကိုကြည့်လိုက်သည်။

"အကယ်၍ မျှော်စင်တတိယထပ်ကိုရှင်းဖို့ကြိုးစားတဲ့ ကစားသမား၂ယောက်ကသာ တရုတ်ပြည်ကဆိုရင် ပေကျင်းကပဲဖြစ်ဖို့များတယ်။ ဗိုလ်ချုပ်ဖူ ခင်များ ပေကျင်းမှာ စွမ်းအားကြီးတဲ့ခိုး၀င်သူအဖွဲ့ရှိတယ်လို့ပြောခဲ့တယ်မလား"

"ထျန်းရွှမ်လို့ခေါ်တဲ့ အဖွဲ့အစည်းပဲ"

ဖူ၀မ်သော်မှာ ကျောက်တုံးဖြင့် ကြမ်းပြင်ပေါ်တွင် ပေကျင်း၏မြေပုံအကြမ်းကို ရေးဆွဲလိုက်သည်။

"သူတို့တည်နေရာက ချောင်ယန်ခရိုင်မှာ၊ လွန်ခဲ့တဲ့လေးလ ပေကျင်းကထွက်လာတုန်းက သူတို့အဖွဲ့ခေါင်းဆောင်က ပထမထပ်ကို ရှင်းပြီးသွားပြီ။ အခုလေးလကျော်သွားပြီဆိုတော့ သူကအနက်ရောင်မျှော်စင်တတိယထပ်ကို စိန်ခေါ်ကြည့်တာလည်းဖြစ်နိုင်တယ်"

ထန်မော့ကမေးလိုက်သည်။

"သူ့စွမ်းရည်ကဘာများလဲ"

ဖူ၀မ်သော်က ပြန်တွေးတောလိုက်ပုံပေါ်ကာ

"အသေးစိတ်တော့မသိပေမယ့် သူကဧရိယာတစ်ခုရဲ့ အလေးချိန်ကို ထိန်းချုပ်နိုင်သလိုမျိုးပဲ"

ထို့နောက် ဖူ၀မ်သော်၏ လေသံမှာရပ်တန့်သွားလျက် ပေကျင်း၏မြေပုံကိုကြည့်လိုက်လေသည်။

သီးသန့်ကားဂိုထောင်လေး၏လေထုမှာ ရုတ်ချည်းအေးခဲသွားခဲ့သယောင်။ ဖူ၀မ်သော်၏လက်မှာ လေထဲတွင်ရပ်တန့်သွားပြီး ထန်မော့၏မျက်လုံးမှာလည်း ပြူးကျယ်သွားခဲ့သည်။ သူတို့၏အမူအယာများက တစ်ခုခုမှားယွင်းနေသည်ဟု ဖော်ပြနေခဲ့လေသည်။ ထို့နောက် သူတို့၂ဦးမှာ တစ်ဦးကိုတစ်ဦးကြည့်လျက်ပြိုင်တူရေရွတ်လိုက်ကြသည်။

"သူက ရွမ်၀မ်ရှုလို့ခေါ်တာလား"

"သူကရွမ်၀မ်ရှုလား"

🌍

Prev Next