Chapter 176

🌍Chapter 176

"သူ့ကိုယ်သူသတ်လိုက်တယ်ဆိုတာက ဘာကို​ပြောချင်တာလဲ" 

"တကယ်​တော့ အစတုန်းက နင်နင်းက ကျွန်​တော်တို့နန်ကျင်းအဖွဲ့ကလူပဲ... သူ့စွမ်းရည်ကသန်မာပြီး စကား​ပြောရတာလည်း သိပ်မကြိုက်ဘူး...ကြားတာ​တော့သူက ​ခေါင်းဆောင်​ရှောင်းနဲ့ အစ်မ​ရှောင်ထျန်းတို့နဲ့အတူ ကြီးလာတာတဲ့...အတန်း​ဖော်​တွေလို့​ပြောတယ်"

ဖူ၀မ်ရှန်း ကားမှန်ကိုချလျက် ​လေ​အေးများကို ကားထဲသို့၀င်လာ​စေလိုက်သည်။ ထိုက​လေးက သူ၏လွယ်အိတ်ကိုကိုင်လျက် ထန်​မော့ကိုကြည့်လာခဲ့သည်။

"အစ်မ​ရှောင်ထျန်း​​သေ​ပြီးတော့ အာ...​ပျောက်သွားပြီး​တော့ နင်နင်းလည်း နန်ကျင်းဗျူဟာအဖွဲ့ကို​​ပြောင်းသွားတာပဲ"

ဖူ၀မ်​သော်မှာ အဓိကအချက်ကို ဖမ်းဆုပ်လိုက်သည်။

"သူ့ကိုယ်သူသတ်​သေခဲ့တာလား" 

ဖူ၀မ်ရှန်းက​ခေါင်းညိတ်လိုက်ကာ ခတ္တမျှတန့်သွားပြီး​နောက် နားလည်သွားပုံဖြင့် ဆိုလာသည်။

"Ge နဲ့ အစ်ကိုထန်က နားလည်မှုလွဲ​နေပြီ... နို၀င်ဘာ ၁၅ရက်က​နေ ၁၈ရက်အတွင်း တစ်​ယောက်​ယောက်ကို သတ်ခဲ့တဲ့သူက ခိုး၀င်သူ​တွေဖြစ်လာတယ်​လေ ကိုယ့်ကိုယ်ကိုသတ်​သေခဲ့တဲ့သူကကျ တစ်​ယောက်​ယောက်ကိုသတ်လိုက်တာ​ဆို​ပေမယ့် အဲဒီလူက​သေသွားမှာပဲ... ခိုး၀င်သူလည်းဖြစ်မလာနိုင်ဘူး"

"ဒါဆိုမင်းကဘာကို​ပြောချင်တာလဲ" 

"နင်နင်းကတကယ်သတ်​သေသွားပြီး ​သေလည်း​သေသွားတယ်...ဒါ​ပေမယ့်သူ့နှလုံးခုန်တာရပ်ပြီး စက္ကန့်ပိုင်းမှာပဲ အစ်မ​ရှောင်ထျန်းကသူ့ကိုရှာ​တွေ့သွားတာ"

ဖူ၀မ်ရှန်းကဆက်​ပြောလာသည်။ 

"သူတို့​လေး​ယောက်မှာဆို အစ်မ​ရှောင်ထျန်းက တရား၀င်ကစားသမား​လေ...ခေါင်း​ဆောင်ချိုင်နဲ့ ​ခေါင်း​ဆောင် ​ရှောင်းတို့က အရံကစားသမား​တွေ... အစ်မနင်နင်းက ခိုး၀င်သူ...အစ်မ​ရှောင်ထျန်းတစ်​ယောက်ပဲ တရား၀င်ကစားသမားဖြစ်ခဲ့တာ.. အစ်ကိုထန်​ရော ဂိမ်း​ဆော့ပြီး​တော့ ဘာဆုရခဲ့လဲ"

ထန်​မော့ရင်ထဲမှာ အ​ဖြေကိုခန့်မှန်းမိပြီးဖြစ်​လေသည်။ 

"လက်နက်တစ်ခု... မီးခြစ်ဆံကြီးတစ်ခုပဲ"

"အင်း အစ်မ​ရှောင်ထျန်းလည်း အကူပစ္စည်းတစ်ခုရခဲ့တယ်​လေ...တဖက်လူက ၅မိနစ်အတွင်း​သေသွားတာဖြစ်​နေသ၍ ကယ်လို့ရတယ်...သူ့မှာအဲဒီပစ္စည်းပဲရှိတာ...ကမ္ဘာကြီးအွန်လိုင်း​ပေါ်မတက်ခင်က အစ်မ​ရှောင်ထျန်းနဲ့ အစ်မနင်းနင်းက အခန်း​ဖော်​တွေတဲဲ့... အဲဒီ၃ရက်အတွင်း အစ်မနင်းနင်းအ​မေဆုံးသွားတယ်​လေ...သူ့အ​မေကကျန်းကျန်းမာမာပဲ...အိမ်မှာ ​နေရင်း ရုတ်တရက်ဆုံးသွားတာ​လေ ..သူ့တကိုယ်လုံး​သွေး​တွေ​ပေ​နေပြီး​တော့ တရားခံကိုလည်း ​စောင့်ကြည့်ကင်မရာတွေ​ပေါ်မ​တွေ့ရဘူးတဲ့"

လူတစ်​ယောက်​သေသွားသည်နှင့် ၄င်းကိုယ်​ပေါ်မှ ဆဲလ်များချက်ချင်း​သေသွားသည်ဟု မဆိုလို​ပေ။ ​အောက်ဆီဂျင်များများသုံး​လေ ​သေဆုံးတာမြန်​​လေဖြစ်သည်။ ​ယေဘုယျအားဖြင့် ဦး​နှောက်ဆဲလ်များက ​သေဆုံးမှုအမြန်ဆုံးပင်။ ၄င်းတို့မှာ ၃​ ၄မိနစ်အတွင်း​သေဆုံးသွားမည်ဖြစ်ကာ ၄င်းပြီး​နောက် နှလုံးဆဲလ်များလည်း ​သေဆုံးလိမ့်မည်။

အနက်​ရောင်​မျှော်စင်၏ ​​မှော်ဆန်​သောပစ္စည်းအကူအညီဖြင့် ၅မိနစ်အတွင်း​သေဆုံးသွားသူကို ကယ်တင်ရန်မဖြစ်နိုင်သည်တော့မဟုတ်​ချေ။

ဖူ၀မ်သော်က​မေးလိုက်သည်။

"သူ့အ​မေကအနက်​ရောင်​မျှော်စင်ဂိမ်းထဲကို၀င်သွားတာလား" 

က​လေးမှာ​​ခေါင်းညိတ်လိုက်သည်။

"​ခေါင်း​ဆောင်က​တော့ အဲလိုကအဖြစ်နိုင်ဆုံးတဲ့...နင်နင်းအ​မေက ဂိမ်းကိုရှုံးသွားတာ​တော့စိတ်မ​ကောင်းစရာပဲ...နင်းနင်းတို့က သားအမိနှစ်​ယောက်ပဲရှိတာ​လေ အခုကသူ့အ​မေက ဒီလိုမျိုးဖြစ်သွား​တော့ သူလည်းလက်မခံနိုင်ခဲ့ဘူး​... အဲတုန်းက သူကသူ့အ​မေကို သွား​တွေ့ချင်ခဲ့တာ...ဒါ​ပေမယ့် အခြားတစ်ခုဖြစ်သွားတယ်​လေ"

ထန်​မော့နှင့် ဖူ၀မ်​သော်မှာ ဖူ၀မ်ရှန်းကိုလှည့်ကြည့်လိုက်ကြသည်။ 

ထိုက​လေးမှာ သူ၏လွယ်အိတ်ကို​ဘေးဖယ်ပြီး ထန်​မော့နှင့်ဖူ၀မ်​သော်ကို ​လေးနက်စွာကြည့်လာခဲ့သည်။ ထန်​မော့မှာ ဆက်​ပြောမည့်အရာအတွက် ဖူ၀မ်ရှန်းမှာ စကားပလ္လင်အ​တော်ခံခဲ့ရမှန်း နားလည်သွားသည်။

ထန်​မော့နှင့်ဖူ၀မ်​သော်တို့က နင်နင်းဖြစ်ပျက်ခဲ့သမျှနှင့် ဘာမှသက်ဆိုင်ခြင်းမရှိ​ချေ။ သူမမှာ သူမ၏အတိတ်အ​ကြောင်း တပါးသူသိမသိ ဂရုမစိုက်ပုံ​ပေါ်သည်။ ထိုအ​ကြောင်းကို နန်ကျင်းအဖွဲ့တစ်ခုလုံးလည်း သိကြသည်။ သို့​သော် နင်နင်းခိုး၀င်သူဖြစ်လာရခြင်းအ​ကြောင်းအရင်းမှာ​တော့ နန်ကျင်းကထွက်လာပြီဖြစ်​သော ထန်​မော့တို့နှင့် ဘာမှသက်ဆိုင်ခြင်းမရှိသည်မှာ အမှန်ပင်။

သို့တိုင်​အောင် ဖူ၀မ်ရှန်းမှာ ၄င်းကို​ပြောပြဆဲပင်။ 

ဖူ၀မ်ရှန်းမှာ ချိုင်ရုန်မဟုတ်​ချေ။ သူဤအ​ကြောင်းမှ​တော့အ​ကြောင်းပြချက်ရှိရ​ပေမည်။

ထန်​မော့မှာ ထိုက​လေး၏အ​လေးအနက်အမူအယာကိုကြည့်လျက် ​မေးလိုက်သည်။ 

"ဒါဆို ဘာကို​ပြောချင်တာလဲ"

ဖူ၀မ်​ရှန်းမှာ သူ၏အ​တွေးတို့ကို ထန်​မော့နှင့် ဖူ၀မ်​သော်ထံမှ ဖုံးကွယ်ထား၍မရမှန်း သိ​လေသည်။ သို့တိုင်​အောင် ဤမျှမြန်မြန်ရိပ်မိသွားမည်ဟု မ​မျှော်လင့်ထားမိ​ချေ။ သူကခြုံကိုရိုက်မ​​နေ​တော့ပဲ တိုက်ရိုက်ပင် ဆိုလိုက်သည်။ 

"​ခေါင်​ဆောင်း​ရှောင်း​ပြောတာက နင်နင်းနဲ့ ​ခေါင်း​ဆောင် ချိုင်တို့လိုပဲ အစ်ကိုနဲ့ Geက နှလုံးခုန်မြန်တဲ့ လက္ခဏာကိုကြုံခဲ့ဖူးမှာပဲတဲ့"

"နှလုံးခုန်မြန်တဲ့ လက္ခဏာဟုတ်လား" 

ထန်​မော့မျက်လုံးများ ကျဥ်း​မြောင်းသွားမိသည်။

"နင်နင်းနဲ့ ချိုင်ရုန်က အဲလိုကြုံခဲ့ရတာလား"

"ဟုတ်တယ် ​ခေါင်​ဆောင်​ရှောင်းရဲ့ နှလုံးခုန်နှုန်းက ၂၁၀ရှိတယ်...နင်းနင်းကပိုမြင့်တယ် ၃၀၈​လေ... နှလုံးခုန်မြန်​နေလွန်းလို့ သူကစိတ်သိပ်မထိန်းနိုင်ခဲ့ဘူး...သူ့မှာအဖျား​တောင်ရှိ​နေခဲ့တာ... အဲဒါ​ကြောင့် နင်နင်းအ​မေရဲ့မ​တော်တဆမှုပြီး​တော့ နင်နင်းက သူ့အိမ်ကိုပြန်သွား​ပေမယ့် အစ်မ​ရှောင်ထျန်းက အ​ဖော်လိုက်​ပေးချင်​ပေမယ့် အလုပ်​ကြောင့် မအားခဲ့ဘူး​လေ .. ပြီး​တော့အစ်မနင်နင်းကကိုယ့်ကိုယ်ကို သတ်​သေလိုက်တယ်"

​ဖူ၀မ်ရှန်းကဆက်​ပြောလာသည်။

"​​ခေါင်း​ဆောင်​ရှောင်းက​ပြောပြ​​ပေမယ့် ကျွန်​တော်ကအစ်မနင်နင်းကို ဒီလိုမျိုး အားနည်းတဲ့သူမျိုးလို့မထင်ထားဘူး"

လူတချို့မှာ သန်မာပြီး အလွယ်တကူမရှုံးနိမ့်နိုင်​သော သူဟုထင်ရ​သော်လည်း တကယ်တမ်းတွင် ထိုသူများမှာ အ​ရေးကြီး​သော တစ်ခုခု​​ပျောက်ဆုံး​နေခြင်းဖြစ်နိုင်​လေသည်။

ဖူ၀မ်ရှန်း၏မျက်လုံးများမှာ တဖြတ်ဖြတ်​တောက်ပ​နေခဲ့သည်။ ဖူ၀မ်​သော်၏ ​ပြောစကားအရဆိုလျှင် ဤက​လေးမှာ အလယ်တန်းကိုတိုက်ရိုက်​ကျော်တက်၍ရ​သော်လည်း သူ၏မိဘများက သူ့အား သူ၏အသက်အရွယ်နှင့်ကိုက်ညီ​သော ပတ်၀န်းကျင်နှင့်ကင်းကွာ​နေမည်စိုး၍ မူလတန်းသာဆက်တက်​စေခဲ့သည်ဟုပင်။ သို့​သော် သူက က​လေးတစ်​ယောက်ဖြစ်​နေဆဲပင်။ ကမ္ဘာကြီးအွန်လိုင်း​ပေါ်တက်လာပြီး​​နောက် သူ၏မိဘများကို ဆုံးရှုံးလိုက်ရပြီး သူကရှင်သန်ခဲ့သည်။ ထို့​ကြောင့်သူ့ထက်ပို၍သန်မာ​သော နင်နင်းမှာ ထိုအခက်အခဲကို ​ကျော်လွှားနိုင်ခဲ့လိမ့်မည်ဟု ထင်​​နေခြင်းပင်။

ဖူ၀မ်ရှန်းမှာ သူမ၏ခံစားချက်များကို နားလည်နိုင်မည်မဟုတ်​ချေ။ ထိုစဥ်ကသူမရင်ထဲ​တွင် မည်သို့ဖြစ်​နေမည်လဲ မည်သူမှသိမည်မဟုတ်။ လူတိုင်း၏ နာကျင်မှုကို ခံနိုင်ရည်အားမှာ ကွဲပြားကြသည်။ ထန်​မော့သည်လည်း နာကျင်မှုကိုအလွန်​ကြောက်တတ်ခဲ့သည်။ သူငယ်စဥ်ကတည်းက အပ်များကိုအလွန်​ကြောက်ခဲ့ဖူးသည်။ သူ့အား​ဆေးထိုးဖို့ မိဘများက​ဆေးရုံကို​ခေါ်သွားတိုင်း ငိုယို​လေ့ရှိသည်။ ၄င်းကသူ့ကိုအားနည်းသည်ဟုမဆိုလို​ပေ။ လူတိုင်းမှာ နာကျင်မှုတိုင်းအတွက် ခံနိုင်ရည်အားခြင်းကွဲပြား၍ပင်။

တခြားသူတစ်​​ယောက်အတွက် ပုရွက်ဆိတ်ကိုက်ခြင်းက ပို၍နာကျင်တာလည်းဖြစ်နိုင်​လေသည်။

ထန်​မော့မှာသူ့ကိုယ်သူဖျက်ဆီးပစ်နိုင်သည့် အ​တွေးမျိုးကို ​တွေးကြည့်ရန်ကြိုးစားလိုက်မိသည်။ အ​တော်ကြာ​တွေး​နေမိသည့်တိုင် အ​ဖြေကထွက်မလာခဲ့​ချေ။ ယခု​တော့သူက သူ၏မိဘများ​သေဆုံးခြင်းနှင့် အချစ်ဆုံးသူငယ်ချင်းများ မရှိ​တော့သည်ကိုလည်း ကြုံခဲ့ရပြီး​ချေပြီ။ မည်သည့်အရာကမှ သူ့ကို မပြိုလဲ​စေနိုင်​တော့။ သူကအသက်ရှင်ဖို့ကိုသာ လိုလား​တော့သည်။

ထန်​​မော့မှာ က​လေးအတွက်မသင့်​လျော်​သော ​ခေါင်းစဥ်ကို ​ဘေးဖယ်လိုက်ပြီး ​မေးလိုက်သည်။ 

"နန်ကျင်းအဖွဲထဲမှာ နင်နင်းနဲ့ ချိုင်ရုန်ကပဲ နှလုံးခုန် မြန်တာကို ကြုံခဲ့ရတာလား"

ဖူ၀မ်ရှန်းက​ခေါင်းညိတ်လိုက်သည်။ 

"ကျွန်​တော်ထွက်မသွားခင်က ​ခေါင်း​ဆောင်းရှောင်းက ကျွန်​တော့်ကို ဒါ​တွေ အစ်ကိုတို့ကို ပြန်​ပြောပြဖို့​ပြောခဲ့တာ...သူက အစ်ကိုတို့လည်း ဒီဟာကိုကြုံခဲ့ရမှာပဲ လို့ခန့်မှန်းမိလို့​ ကျွန်​တော့်ကို သတိ​ပေးခိုင်းလိုက်တာ...ဒီနှလုံးခုန်မြန်တဲ့ လက္ခဏာက ကစားသမားရဲ့ စွမ်းရည်သန်မာတာ မသန်မာတာကို ဆုံးဖြတ်​ပေးတာမျိုး မဟုတ်ဘူးတဲ့...ဒါ​ပေမယ့်လည်း ဒီလိုကြုံခဲ့ရပြီး အခုထိအသက်ရှင်​နေတဲ့သူတိုင်းက​တော့ ထိပ်ဆုံး က​စားသမားတွေပဲ"

​ရှောင်ကျီထုံးက ထန်​မော့အား ဤသည်တို့ကို ကိုယ်တိုင်မ​ပြောပြခဲ့​ချေ။ ထိုအစား ဤအ​ကြောင်းအရာကို ဖုံးကွယ်ထားခဲ့ပုံသာ​ပေါ်သည်၊ သူတွင်ရရှိထား​သော သတင်းအချက်အလက်မှာအကန့်အသတ်ရှိကာ ​လော့ဖုန်းချန်း​လောက် မများ​ချေ။ ထန်​မော့တိတ်ဆိတ်သွားပြီး သူသိသမျှ နှလုံးခုန်မြန်ခြင်းကို ကြုံတွေ့ခဲ့ရ​သော ကစားသမားများအ​ကြောင်းကို ​တွေး​နေမိသည်။

အခုထိ​တော့ သူ၊ ဖူ၀မ်​သော်၊ ချိုင်ရုန်၊ နင်နင်းနှင့် တိုက်အဖွဲ့အစည်းမှ နျဲ့​ဖေးပင်။ သူတို့၅​ယောက်လုံး နှလုံးခုန်မြန်ခြင်းကို ခံစားခဲ့ရသည်။ ​လော့ဖုန်းချန်းမှာ ၄င်းကို အနက်​ရောင်​မျှော်စင်၏ ​​ရွေးချယ်မှုဟု အမည်​တပ်ထားသည်။

တရား၀င်ကစားသမားနှင့် ခိုး၀င်သူ ၂မျိုးလုံးတွင် စွမ်းရည်များရှိကြ​သော်လည်း နှလုံးခုန်မြန်ခြင်းကို ကြုံ​တွေ့ခဲ့ရသူများက သာမာန်ကစားသမားများထက်ပိုလေသည်။ ချိုင်ရုံမှာ အရံကစားသမားမျှသာဖြစ်​သော်လည်း ၄င်းကိုကြုံ​တွေ့ခဲ့ရသည်။ 

"အနက်​ရောင်​မျှော်စင်နဲ့ အနက်​ရောင်​မျှော်စင်ကစားသမား​တွေကြားမှာ တိုက်ရိုက်ဆက်နွယ်မှုမျိုး မရှိဘူး"

ထန်​မော့တွက်ဆလိုက်သည်။ 

"​လော့ဖုန်းချန်းလည်း​ပြောခဲ့တာပဲ အနက်​ရောင်​မျှော်စင်က​ရွေးချယ်ခဲ့တဲ့ လူ၄​ယောက်ထဲမှာ ဘယ်သူမှရှင်မကျန်ခဲ့ဘူးလို့...ဒါ​ပေမယ့်ရှင်ကျန်ခဲ့တဲ့သူ​တွေကလည်း အသန်မာဆုံးကစားသမား​တွေဖြစ်လာတာပဲ"

ဖူ၀မ်​သော်လည်းဆိုလာခဲ့သည်။ 

"စွမ်းရည်​တွေက​​တော့ အနက်​ရောင်​မျှော်စင်နဲ့ဆိုင်မှာမဟုတ်ဘူး... အနက်​ရောင်​မျှော်စင်က ဒီဟာကို နှိုး​ဆော်​ပေးတဲ့ ပျက်ကပ်တစ်ခုပဲဖြစ်ရင်ဖြစ်မယ်...လူတိုင်းရဲ့စွမ်းရည်​တွေကကွဲပြားတယ်... သူတို့ရဲ့ ကိုယ်ပိုင်ခန္ဓာကိုယ်ထဲကထွက်လာတာပဲ ဖြစ်နိုင်တယ်...

ဒီ​တော့အနက်​ရောင်​မျှော်စင်ရဲ့ ​ရွေးချယ်မှုဆိုတာ အနက်​ရောင်​မျှော်စင်နဲ့မဆိုင်​လောက်ဘူး...အဲဒီလူ​တွေကပဲတစ်ခုခုထူးခြား​နေတာဖြစ်နိုင်တယ်"

ထန်​မော့၏ မျက်လုံးများ​တောက်ပသွားခဲ့သည်။ 

"ခင်များ​ပြောချင်တာ စွမ်းရည်​တွေနဲ့ နှလုံးခုန်တာ​တွေက အနက်​ရောင်​မျှော်စင်နဲ့ ဘာမှမဆိုင်ဘူး​ပေါ့... ကျွန်​တော်တို့ကိုယ်ထဲမှာ အစကတည်းကရှိ​နေတဲ့ဟာ​တွေ​ပေါ့"

"ဖြစ်နိုင်​ချေတစ်ခု​လောက်ပါပဲ" 

ဖူ၀မ်​သော် ထန်​မော့ကိုကြည့်လိုက်မိသည်။

"ဒါဆို ကိုယ်တို့ကြားက တူညီတဲ့အချက်​တွေကဘာ​တွေလဲ အဲဒါကအဓိကအချက်ပဲ"

ထန်​မော့မှာ ထိုယူဆချက်ကို အလွန်စိတ်၀င်စားမိ​လေသည်။

သူနှင့်​လော့ဖုန်းချန်းမှာ တရား၀င်ကစားသမား၊ ခိုး၀င်သူနှင့် စွမ်းရည်ရှိ​သော အရံကစားသမားများကို ​လေ့လာခဲ့ဖူးသည်။ အရံကစားသမားအများစုမှာ စွမ်းရည်မရှိကြ​သော်လည်း အနက်​ရောင်​မျှော်စင်ပထမထပ်ကို တိုက်ခိုက်ပြီးသည်နှင့် စွမ်းရည်ရရှိလာကြလိမ့်မည်။ ထို့​ကြောင့် လူသားများတွင် ထိုစွမ်းရည်များကပုန်း​အောင်း​နေခြင်းလား သို့တည်းမဟုတ် အနက်​ရောင်​​မျှော်စင်မှ လူသားတို့ကို​ပေးခဲ့သည့်အရာလားဟု သိလိုခဲ့ခြင်းပင်။

ထိုသို့ဆိုလျှင် အနက်​ရောင်​မျှော်စင်မှာ ထိုစွမ်းရည်များကို မည်သို့​ရွေးချယ်ပြီး ​ပေးအပ်ခဲ့ပါသနည်း။ ထန်​မော့၏စွမ်းရည်မှာ ​စျေး​ပေါ​သော စာအုပ်ဖြစ်ကာ ဖူ၀မ်​သော်၏ စွမ်းရည်မှာ သူ၏ကိုယ်ကို သတ္တုအဖြစ်​ပြောင်းလဲခြင်းဖြစ်၍ ဖူ၀မ်​ရှန်းကမူ ကုသစွမ်းအင်ရေထုတ်လုပ်နိုင်ခြင်းပင်။ 

ထန်​မော့က စာဖတ်ရသည်ကို ကြိုက်​သောစာကြည့်တိုက်မှူးဖြစ်ခဲ့၍​လား.. ဖူ၀မ်​သော်သည်လည်း Iron Manကိုကြည့်ခဲ့ဖူး၍​လား...ဖူ၀မ်ရှန်ကလည်း ဓါတ်ဆားရည်ကို ကြိုက်၍​လား...

ထန်​မော့ ထိုထူးဆန်း​သောအ​တွေးကို ခါထုတ်လိုက်မိသည်။

သူ့အ​နေနှင့် ဖူ၀မ်​သော်အား Iron Manကိုကြိုက်လား​မေးလိမ့်မည်မဟုတ်​​ချေ။

၄င်းမှာလည်း အ​ကြောင်းပြချက်မဖြစ်နိုင်​ချေ။ 

အဖြစ်နိုင်ဆုံးမှာ ထိုစွမ်းရည်များကလူသားများ၏ ကိုယ်ထဲတွင် ပုန်း​အောင်း​နေပြီး အနက်​ရောင်​မျှော်စင်က ၄င်းတို့ကို ထွက်​ပေါ်လာ​အောင် လှုံ့​ဆော်လိုက်ခြင်းမျှသာဖြစ်လိမ့်မည်။

သို့ဆိုလျှင် နှလုံးခုန်မြန်ခြင်းဖြစ်စဥ်ကလည်း အနက်​ရောင်​​မျှော်စင်နှင့် တိုက်ရိုက်သက်ဆိုင်လိမ့်မည်မဟုတ်​ချေ။

ထန်​မော့၄င်းကို​တွေး​တောလိုက်မိသည်။ 

"အရင်ဆုံး ကျွန်​တော်တို့ အ​ခြေခံအကျဆုံးအချက်ကိုဖယ်ထုတ်ပစ်ရမယ်...နင်းနင်းကမိန်းက​လေးဆို​တော့ လိင်အမျိုးအစားနဲ့မဆိုင်ဘူး...ဒုတိယအ​နေနဲ့ IQအရဆို ​​ဖူ၀မ်​သော်...ကျွန်​တော်နဲ့တိုက်ဆိုင်သလို ​နျဲ့​ဖေးကလည်း အ​တော်​လေး စဥ်းစား​တွေး​ခေါ်တတ်တဲ့သူ...နင်နင်းကလည်း ဒီအချက်ကိုမီ​ပေမယ့် ချိုင်ရုန်ကျ​တော့... ပါမနေပြန်ဘူး"

ဖူ၀မ်ရှန်းကသ​ဘောတူလာသည်။ 

" ​ခေါင်း​ဆောင်ကတကယ်တုံးတာ" 

ထန်​မော့နှင့် ဖူ၀မ်​သော်မှာ လူ၅​ယောက်ကြားမှ တူညီ​သောအချက်များကို တိုက်ကြည့်ကြ​သော်လည်း တစ်ခုမှထွက်မလာခဲ့​ချေ။ ထို၅​ယောက်ထဲတွင် အနည်းဆုံးတစ်​ယောက်က​တော့ စံနှုန်းကိုမမီပဲဖြစ်​နေတတ်သည်။ ​​ကောင်းကင်ကလည်းတဖြည်းဖြည်း​မဲ​မှောင်လာသည်နှင့် ထန်​မော့လည်း ​​နောက်ခန်းတွင်သွားထိုင်ပြီး တိုက်ဆိုင်​သောအချက်များကို ရှာ​ဖွေရန်အတွက် ဖူ၀မ်ရှန်းအား နင်နင်းနှင့် ချိုင်ရုန်၏အ​ကြောင်းများကို ပို​မေးလိုက်သည်။

ထိုစဥ်ဟွန်းသံကျယ်​လောင်စွာထွက်​ပေါ်လာပြီး ထန်​မော့နှင့်ဖူ၀မ်ရှန်း ​ရှေ့ခုံကိုကြည့်လိုက်မိကြသည်။ 

ဖူ၀မ်​သော် မျက်ခုံးကိုပင့်လိုက်သည်။

"ဆားဗစ်ဧရိယာကို​ရောက်ပြီ... ခဏ၀င်နားချင်လား"

ထန်​မော့အပြင်ဘက်ကိုကြည့်လိုက်လျှင် ​ကောင်းကင်ကြီးမှာ လုံး၀​မှောင်မဲ​နေပြီဖြစ်ကာ လ​ရောင်ပင်​တောက်ပ​နေခဲ့ပြီဖြစ်​ကြောင်း ​တွေ့သွားခဲ့သည်။

၃​ယောက်သားကားထဲမှထွက်လိုက်ကြပြီး လူသူကင်းမဲ့​သော ဆားဗစ်ဧရိယာထဲ အနားယူရန် ​ဆုံးဖြတ်လိုက်ကြသည်။ 

ဖူ၀မ်ရှန်းမှာ အငယ်တုန်းကအနိုင်ကျင့်ခံရဖူး၍လားမဆိုနိုင်၊ သူ၏အစ်ကိုကြီးကို အလွန်​ကြောက်ရွံ့​လေသည်။  ထို့​နောက် ဖူ၀မ်​သော်မှာ စစ်တပ်ထဲ၀င်သွားပြီး ရာထူး​ရောနာမည်ပါ ကြီးလာခဲ့၍ သူကပို၍​တောင် အနားကိုမကပ်ရဲ​တော့​ချေ၊ ဖူ၀မ်​သော် ထိုက​လေးကို တစ်ချက်ငုံ့ကြည့်လိုက်သည်နှင့် ဖူ၀မ်ရှန်းက ချက်ချင်းထန်​မော့​ဘေးတွင် လာထိုင်ခဲ့သည်။ 

ထန်​မော့တိတ်တဆိတ်​တွေးလိုက်မိသည်။

ငါကကျ​ကြောက်ဖို့မ​ကောင်းလို့များလား...

ဖူ၀မ်ရှန်းကသူ့ကိုကြည့်လာခဲ့ပြီး 

"အစ်ထန်ကတစ်​နေကုန်မအိပ်လည်း ကိစ္စမရှိဘူးမလား... ကျွန်​တော်​လေ အစ်ကိုနဲ့ Ge...တို့ရဲ့ ထူးဆန်း​​ထွေလာဆပ်ကပ်အ​ကြောင်းကို သိချင်လို့" 

ဖူ၀မ်​သော်အကြည့်ကသူ့ထံကို​ရောက်လာခဲ့လျှင် ဖူ၀မ်ရှန်းအသံကတိုး၀င်သွားခဲ့သည်။

"အစ်ကိုတို့၂​ယောက်နဲ့ ကစားသမား၂၁​ယောက်က အချင်းချင်းကြံစည်ရတာလား...ဘယ်လိုဖြစ်ကြတာလဲ... ပြီး​တော့ အနက်​ရောင်​မျှော်စင်တိုက်ခိုက်ဂိမ်း ရတနာ​ကော်ရစ်တာမှာ​ရောပဲ... အမြဲရယ်နေတဲ့ အဲဒီလူထူးလူဆန်းက​ရော ဘယ်လိုရှုံးသွားတာလဲ...ကျွန်​တော်ဘယ်လိုပဲ​တွေး​တွေး စဥ်းစားမရဘူး...ကျွန်​တော့်ကို​ပြောပြပါလားဟင်"

ထန်​မော့"..." 

မင်းကမင်းအစ်ကိုကို အပူမကပ်နိုင်တာနဲ့ပဲ ငါ့ဆီကို​ရောက်လာတယ်​ပေါ့...

ထန်​မော့မျက်လုံးတို့ ကျည်း​မြောင်းသွား​သော်လည်း မည်သို့ပင်ဖြစ်​စေသူကလည်း ဤညအိပ်မည်မဟုတ်၍ ဤက​လေးကို စကား​ပြောရလျှင်လည်း ကိစ္စမရှိပါ​စေ။ သူတို့မှာ အနာဂါတ်တွင်လည်း အသင်း​ဖော်များဖြစ်လာမည်ဖြစ်၍ သူဤအတိုင်းလျစ်လျူမရှုလိုက်နိုင်​ချေ။ 

သို့​သော် သူမ​ပြောခင်​တော့ ​သေချာ​ပေါက်...

ထန်​မော့ကပြုံးလိုက်သည်။ 

"လက်ထုတ်လိုက် လက်​ဆွဲနှုတ်ဆက်ရ​အောင်"

🌍