MM Story Teller

Chapter 171

Viewers 32k

Chapters 379

🌍Chapter 171

ဖူ၀မ်ရှန်း ဂိမ်းကိုရှင်းလင်းလိုက်ပြီးနောက် နန်ကျင်း၏ လေထုမှာ ပို၍ ပေါက်ကွဲလုမတတ်ဖြစ်လာခဲ့သည်။

ထန်မော့နှင့် ဖူ၀မ်သော်မှာ တံဆိပ်ပြားများကိုရှာနေစဥ် ကစားသမား ၄ယောက်နှင့်တိုးခဲ့သည်။

ယုန်ခေါင်းများမှာလည်း ပိုသန်မာလာကာ အပြေးလည်းပိုမြန်လာခဲ့သည်။

"ယုန်ခေါင်းတွေထက် ကစားသမားတွေဆီကနေ တံဆိပ်ပြားတွေရဖို့ပိုလွယ်တာပဲ"

ထန်မော့သည် လျှပ်စစ်ပစ္စည်းဆိုင်တစ်ခုတွင်၀င်ပုန်းနေစဥ် ဖူ၀မ်သော်ကိုကြည့်လိုက်သည်။

"လူတိုင်းဒီအကြောင်းကိုသိပြီးပြီ ...သူတို့ကတံဆိပ်ပြားတွေကိုခိုးချင်တာမဟုတ်ဘူး...ကျွန်တော်တို့ကို သတ်ပြီးမှ တံဆိပ်ပြားတွေကိုယူချင်တာ"

ဖူ၀မ်သော်ကဆိုသည်။

"ရှောင်ကျီထုံးက I တံဆိပ်ပြားကို ယုန်ခေါင်းတွေဆီကရနိုင်တယ်ပြောပေမယ့် ဖြစ်နိုင်ချေကအတော်နည်းတယ်"

ထန်မော့တွေးတောလျက် တစ်ခုခုပြောရန်ပြင်လိုက်စဥ် မနီးမဝေးမှ ကျယ်လောင်သောအသံတစ်ခုကိုကြားလိုက်ရလေသည်။ လူ၂ယောက်မှာ ချက်ချင်းလှည့်ကြည့်လိုက်ကြသည်။ သူတို့သည် ယုန်ခေါင်းတစ်ယောက်မှာ နံရံကို၀င်တိုက်ကာ ပြုတ်ကျလာသည်ကိုတွေ့လိုက်ရလေသည်။ ၄င်းမှာ မူးဝေစွာထရပ်လိုက်ပြီးနောက် ထန်မော့နှင့် ဖူ၀မ်သော်ထံသို့ အကြည့်ရောက်လာခဲ့သည်။

ယုန်ခေါင်းက အော်လိုက်သည်။

"ကျစ်ကျစ်"

"သွားတော့"

ထန်မော့နှင့်ဖူ၀မ်သော်ချက်ချင်းပင်တိုက်ခိုက်လိုက်သည်။ ပြင်းထန်သော တိုက်ခိုက်သံများက နန်ကျင်းတစ်ခုလုံးဆူညံနေခဲ့သည်။ တရုတ်ပြည်၏ ကျန်ခရိုင်၉ခုတွင်လည်း ကမ္ဘာမြေကြီးတွင် သွေးများစွန်းထင်းလျက် ခန္ဓာကိုယ်များထပ်နေခဲ့လေသည်။ ထိုလူတို့ကိုသတ်လိုက်သော ကစားသမားမှာ အလောင်းပေါ်မှ တံဆိပ်ပြားများနှင့် ၄င်းတို့ကိုသတ်၍ရလာသော တံဆိပ်ပြားများကိုကောက်ယူကာ အဝေးသို့ဆက်လျှောက်သွားခဲ့ကြလေသည်။

၂နာရီအတွင်း၌ ယုန်ခေါင်းနောက်ဆုံးတစ်သုတ်လည်းပေါ်လာခဲ့သည်။ ထန်မော့သည် စတိုးဆိုင်၏အပြင်ဘက်တွင်သူ့ကို ခြုံခိုတိုက်ခိုက်ရန်စောင့်နေခဲ့သော အမျိုးသမီးကစားသမားတစ်ဦးကိုသတ်ခဲ့ရသည်။ သူသည်တဖက်လူ၏ အိတ်ကပ်ထဲမှ တံဆိပ်ပြား၆ခုကိုယူလိုက်သည်။ ထန်မော့သည် ဒုတိယမြောက် တံဆိပ်ပြားပေါ်မှ စာလုံးကိုမြင်သော် တန့်သွားခဲ့လေသည်။ သူသည်ဖူ၀မ်သော်အား ထိုတံဆိပ်ပြားနှင့်အတူ ပြုံးလျက် လက်ဝေ့ယမ်းပြလိုက်သည်။

"ဒီမှာ I "

ဖူ၀မ်သော်လည်း တံဆိပ်ပြားပေါ်မှ စာလုံးကိုကြည့်လျက် ပြုံးလိုက်သည်။

"နာရီ၀က်ကျော်လောက်ကျန်သေးတယ်"

ထန်မော့ဆိုသည်။

"အင်း...နာရီ၀က်ကျော်ကျန်သေးတယ်...သွားရအောင် ရှောင်ကျီထုံးနဲ့သွားဆုံရအောင်"

***

ရှင်းကျဲခု နန်ကျင်းတွင်...

ထရိုဂျန်မြင်းရုပ်မှာ ၃ရက်ကို၁ခါသာသုံးနိုင်သည်။ ဤတစ်ကြိမ်တွင်ထန်မော့သည် ရှောင်ကျီထုံးကိုရှာရန် မြင်းရုပ်ကို မသုံးနိုင်တော့ချေ။ ညအမှောင်ထဲတွင် လူ၂ယောက်မှာ ရှော့ပင်းစင်တာတစ်ခုထဲသို့ လျင်မြန်စွာ၀င်သွားခဲ့သည်။ ထန်မော့သည် ထိုရှော့ပင်းစင်တာထဲမှ အလှပြင်ပစ္စည်းကောင်တာသို့သွားလိုက်သည်။ သူသည်ထိုကောင်တာကိုစူးစမ်းနေခဲ့ပြီး တစ်မိနစ်အကြာတွင် တစ်ခုခုကိုထိလိုက်သည်။

ထန်မော့ကဆိုသည်။

"ရှောင်ကျီထုံးတို့အုပ်စုရောက်နေပြီ ဒုတိယထပ်မှာ"

ထန်မော့သူ၏လက်ကိုပြန်လွှတ်လိုက်လျှင် သူထိနေခဲ့သော အရာမှာ ၅ထောင့်ကြယ်သဏ္ဍာန်၂ခုဖြစ်သည်ကိုတွေ့လိုက်ရသည်။ ထန်မော့သည် အရေးပေါ်လှေကားများပေါ်မှ ဒုတိယထပ်သို့လျှင်မြန်စွာတက်သွားခဲ့သည်။ သူတို့အပေါ်သို့တက်သွားပြီးနောက်ဖူ၀မ်သော်သည် နံရံကို၃ကြိမ်ခေါက်ခဲ့သည်။ ထို့နောက် အရေးပေါ်လှေကား၏တဖက်နံရံဆီမှ ခေါက်သံ၃ချက်ပြန်ထွက်လာပြီး ထန်မော့တံခါးကိုတွန်းဖွင့်လိုက်သည်။

ရှောင်ကျီထုံးနှင့်ကျန်လူများမှာ အထဲ၌စောင့်နေခဲ့ပြီးဖြစ်သည်။

ရှောင်ကျီထုံးမှာ ထန်မော့နှင့် ဖူ၀မ်သော်ကိုမြင်လျှင် မေးလိုက်သည်။

"ရှောင်ရှန်းရောဘယ်လိုလဲ"

ဖူ၀မ်သော်ကပြန်ဖြေလိုက်သည်။

"လုံခြုံတဲ့နေရာမှာ ဂိမ်းပြီးတော့မှ သွားခေါ်လိုက်မယ်"

ရှောင်ကျီထုံး၄င်းကိုကြားသော် ပြုံးသည်။

"တံဆိပ်ပြားတွေစုပြီးပြီလား"

ထန်မော့မငြင်းဆန်ခဲ့။ ထိုအစားပြန်မေးလိုက်သည်။

"ခင်များတို့ရော"

ယုန်ခေါင်းများကိုသတ်ရုံမျှဖြင့် ထို I တံဆိပ်ပြား ၁၀ခုကိုရှာဖွေရန်မဖြစ်နိုင်ချေ။ ထန်မော့မှာ သူကံဆိုးသည်ကို၀န်ခံပါသည်။ ထန်မော့နှင့်ဖူ၀မ်သော်မှာ ၁၁နာရီကျော်ရှာဖွေခဲ့သည့်တိုင် I တံဆိပ်ပြား၂ခုကိုသာ စုမိခဲ့သည်။ ထို၂ခုကိုရှာတွေ့သည်မှာပင် ဖူ၀မ်သော်၏ ကံကြောင့်ဖြစ်နိုင်လေသည်။

သို့သော် ရှောင်ကျီထုံး၏ ကံကမူ ကောင်းလှသည် လွန်ခဲ့သော၂နာရီခန့်က သူတို့တွင် I တံဆိပ်ပြား၂ခုသာရှိခဲ့သည်။

ရှောင်ကျီထုံးကလည်းဆိုသည်။

"ကျွန်တော်တို့အကုန်ရထားပြီ...အပိုတစ်စုံတောင်ရှိသေးတယ်"

၄င်းမှာမမျှော်လင့်ထားသော အဖြေပင်။ ထန်မော့အံ့အားသင့်လျက်မေးလိုက်သည်။

"ခင်များအားလုံးကိုရှာတွေ့ခဲ့တယ်ပေါ့"

ရှောင်ကျီထုံးပြုံးလျက် ခေါင်းညိတ်လိုက်သည်။

ဘာဖြစ်ခဲ့သည်တို့ကိုခန့်မှန်းလျက် ထန်မော့နှုတ်ခမ်းတို့ပွင့်ဟသွားခဲ့သည်။ သူဖူ၀မ်သော်ကိုလှည့်ကြည့်လိုက်လျှင် ဖူ၀မ်သော်မှာလည်း သူ့ကိုကြည့်နေခဲ့လေသည်။ လူ၂ဦးမှာ တိတ်ဆိတ်လျက် ရှောင်ကျီထုံးသည် ထို I တံဆိပ်ပြား ၁၁ခုကို ၂နာရီအတွင်း မည်သို့ရှာခဲ့သည်ကိုခန့်မှန်းနေခဲ့လေသည်။

မည်သို့ပင်ဆိုစေ အခြေအနေမှာ ဤသို့ဖြစ်လာခဲ့ပြီဖြစ်ပြီး သူတို့အားလုံးတွင် surprise တံဆိပ်ပြားတစ်စုံစီရှိနေခဲ့ပြီးဖြစ်သည်။ ဖူ၀မ်ရှန်းမှာ ဂိမ်းကိုရှင်းခဲ့ပြီးဖြစ်၍ ထိုအမှိုက်ထိန်းသိမ်းရေးဌာန၏ တံခါး၏ အ၀ါရောင်အောက်သို့ surprise တံဆိပ်ပြားအစုံလိုက်ကိုထားလိုက်သည်နှင့်ဂိမ်းကိုရှင်းနိုင်မြင်ဖြစ်ကြောင်းသိကြပြီးဖြစ်သည်။

အရေးအကြီးဆုံးဦးစားပေးရမည်မှာ...

"အထဲကို ဘယ်လို၀င်ကြမလဲ"

ထန်မော့မေးလိုက်သည်။

ရှောင်ကျီထုံး နန်ကျင်း၏မြေပုံကြီးကိုဖွင့်လိုက်သည်။

ထန်မော့၄င်းကိုသေချာစိုက်ကြည့်လိုက်ရာ ထိုမြေပုံမှာ အလွန်အသေးစိတ်ကျသည်ကိုတွေးခဲ့ရသည်။ ရှင်းကျဲခုအနီးမှ လမ်းတိုင်းမှန်သမျှပါရှိကာ အဆောက်အဦးများကြားအကွာအဝေးနှင့် အဆောက်အဦးများ၏ အနိမ့်အမြင့်ကိုပင်မှတ်သားထားလေသည်။ လမ်းဆုံလမ်းခွတစ်ခု၏ အလယ်တွင် အနီရောင်ငါးထောင့်ကြယ်တစ်ခုဖြင့်မှတ်ထားပြီး ၄င်းမှာ ရှင်းဟွေ့အမှိုက်ရှင်းလင်းရေးဌာနပင်ဖြစ်သည်။

ရှောင်ကျီထုံးမြေပုံကိုထောက်ပြလိုက်သည်။

"ဒီနေရာကိုရွေးတာက နင်နင်းနဲ့မကြာမကြာ အနက်ရောင်မျှော်စင်ဆီကိုသွားနေကျဆိုတော့ ပတ်၀န်းကျင်တွေကိုရင်းနှီးနေလို့...နန်ကျင်းရဲ့ အမှိုက်ရှင်းလင်းရေးဌာန၁၁ခုထဲမှာ ကစားသမားအများဆုံး ခြုံခိုတိုက်ခိုက်ဖို့စောင့်နေမယ့်နေရာက ရှင်းဟွေ့အမှိုက်ရှင်းလင်းရေးဌာနဆိုတာ သံသယတောင်ဖြစ်စရာမလိုဘူး..ကမ္ဘာကြီးအွန်လိုင်းပေါ်မတက်ခင်ကလည်း လူဦးရေအထူထပ်ဆုံးနေရာပဲ..တချိန်တည်းမှာလည်း ကျွန်တော်တို့နဲ့အရင်းနှီးဆုံးနေရာလည်းဖြစ်နေတယ်"

ရန်သူနည်းနည်းကိုရင်ဆိုင်ရန်ရွေးချယ်ရမည်ထက် ရှောင်ကျီထုံးမှာ သူ့ကိုယ်သူယုံကြည်ရန် ရွေးချယ်ခဲ့သည်။ သူ၏အဖွဲ့အင်အားမှာ ရန်သူ၏အင်အားထက်ပိုအရေးကြီးလေသည်။

"ဒီမှာ..ဒီမှာ ပြီးတော့ဒီမှာ"

ရှောင်ကျီထုံးနေရာ၇ခုကိုညွှန်ပြလိုက်သည်။

"ခြုံခိုတိုက်ခိုက်ဖို့အလွယ်ဆုံးနေရာ၇ခုပဲ...ဒီရုံးက အမှိုက်ရှင်းလင်းရေးဌာနဲ့ မီတာ၁၅၀လောက်ဝေးတယ်..သူတို့ဒီအဆောက်အဦးရဲ့ အထပ်၂၀မြောက်ကနေ တိုက်ခိုက်လာရင်"

ရှောင်ကျီထုံးသည် အသင့်လျော်ဆုံးနေရာ ၃ခုကိုလျင်မြန်စွာရှာလိုက်သည်။

"နောက်ဆုံးနာရီပိုင်းက အတော်ပြင်းထန်မှာပဲ"

ရှောင်ကျီထုံးကဆိုသည်။

"အဲဒီတစ်နာရီပြီးတာနဲ့ ဘယ်ကစားသမားမှ အမှိုက်ရှင်းလင်းရေးဌာနကို၀င်ခွင့်မရှိတော့ပဲ မျှော်စင်တိုက်ခိုက်ခြင်းဂိမ်း ခက်ခဲမှု အဆင့်ကိုအတင်းဆွဲသွင်းခံလိုက်ရလိမ့်မယ်...တစ်မြို့လုံးကကစားသမားတွေကလည်း ဒီထဲကို၀င်ရဖို့ ဒီနေရာမှာလာစုကြမှာ...ယုန်ခေါင်းနောက်ဆုံးတစ်သုတ်ပေါ်လာဦးမှာဆိုပေမယ့် အဲဒါကလည်းအရေးမပါတော့ဘူး...ကစားသမားတွေကိုသတ်တာက တံဆိပ်ပြားရဖို့အလွယ်ဆုံးနည်းလမ်းပဲ..နောက်ဆုံးကျန်တဲ့၁၀မိနစ်မှာ ပုန်းပြီးစောင့်နေတဲ့သူတွေလည်း အမှိုက်ရှင်းလင်းရေးဌာနထဲကို ပြေး၀င်လာကြလိမ့်မယ်..အဲဒီအချိန်အထိစောင့်လို့မရဘူး အခြေအနေကရှုပ်ထွေးပြီး အထဲကို၀င်ဖို့ ပိုခက်ခဲသွားလိမ့်မယ်"

ထန်မော့အနောက်ဘက်လမ်းတစ်ခုကိုညွှန်ပြလိုက်သည်။

"ကျွန်တော်တို့ ဒီဘက်က၀င်လာခဲ့မယ်"

ရှောင်ကျီထုံး သူ့ကိုကြည့်လျက် ခေါင်းညိတ်လိုက်သည်။

"အိုကေ နင်နင်းနဲ့ကျွန်တော်က အလယ်လမ်းကသွားမယ်...ချိုင်ရုန်နဲ့ နန်ကျင်းအဖွဲ့က အရှေ့လမ်းကလာ"

"၃ဖွဲ့ခွဲပြီး တစ်ပြိုင်တည်း၀င်တာက သူတို့အာရုံစိုက်နေတာကို ရှုပ်ထွေးအောင်လုပ်လို့ရသလို သူတို့အင်အားကိုလည်း ပြန့်ကျဲသွားအောင်လုပ်ပြီးသားဖြစ်သွားမယ်"

ထန်မော့ထိုသို့နည်းလမ်းချရာတွင် မကျွမ်းကျင်လှချေ။ သူကဖူ၀မ်သော်ကိုကြည့်လျက် တိုက်ရိုက်မေးလိုက်သည်။

"ဘယ်လိုလုပ်ကြမလဲ"

ရှောင်ကျီထုံးမှာ ထိုအခါမှ ဖူ၀မ်သော်၏ နောက်ခံကိုပြန်လည်သတိရသွားခဲ့သည်။

ဤနေရာရှိမည်သူကမျှ ဖူ၀မ်သော်လောက် ထိုသို့အဖွဲ့တိုက်ခိုက်ရေးဗျူဟာများဆွဲရာတွင် မကျွမ်းကျင်နိုင်ချေ။

ဖူ၀မ်သော်မြေပုံတစ်ခုလုံးကိုကြည့်လိုက်သည်။ သူ၏အကြည့်မှာ မြေပုံပေါ်မှ အမှတ်အသားပြုလုပ်ထားသောနေရာမှန်သမျှကို တစ်ခုချင်းစီကြည့်လိုက်လေသည်။ အဆောက်အဦးများအကွာအဝေးနှင့် အနိမ့်အမြင့်များကို ဂရုတစိုက်ကြည့်ပြီးနောက်အဆုံးတွင် သူ၏အကြည့်များမှာ မြောက်ဘက်အစွန်ဆုံးမှ အဆောက်အဦးမြင့်ကြီးတစ်ခုအပေါ်ကျရောက်သွားခဲ့သည်။ သူကတည်ငြိမ်သောအသံဖြင့်ဆိုလာခဲ့သည်။

"ဒီအဆောက်အဦးကအတော်မြင့်တယ် ..အပေါ်ထပ်ကနေဆို အမှိုက်ရှင်းလင်းရေးဌာနတစ်ခုလုံးကို ခြုံကြည့်လို့ရတယ်..ဒီနေရာကတိုက်ခိုက်ဖို့အသင့်တော်ဆုံးပဲ...အဆောက်အဦးတွေအားလုံးထဲမှာ ဒီတစ်ခုက ကစားသမားတွေခြုံခိုတိုက်ခိုက်ဖို့အများဆုံးစောင့်နေမယ့်နေရာပဲ"

ဖူ၀မ်သော်၏လက်ချောင်းတို့က အမှိုက်ရှင်းလင်းရေးဌာနအနီးမှ အဆောက်အဦး ၃ခုကိုဖြတ်ပြေးသွားခဲ့သည်။

"ဒီနေရာ၃ခုကအဆောက်အဦးနဲ့အရမ်းနီးတယ်..မြောက်ဘက်အဆုံးကအဆောက်အဦးပေါ်တက်ချင်ရင် ဒီပထမအဆောက်အဦးကနေ ဒုတိယအဆောက်အဦးကို နောက်ဆုံးတတိယအဆောက်အဦးကိုသွားလို့ရတယ်... ကျွန်တော်တို့၃ဖွဲ့က တောင်ဘက် အရှေ့ဘက်နဲ့ အနောက်ဘက်ကနေ လာပြီးမြောက်ဘက်ကိုချန်ခဲ့မယ် ဒီအဆောက်အဦးမှာက စောင့်နေမယ့်ကစားသမားတွေအများကြီးရှိနေလို့ မြောက်ဘက်ကသွားလို့မဖြစ်ဘူး..ပြီးတော့အမှိုက်ရှင်းလင်းရေးဌာနကိုမ၀င်ခင် ဒီအဆောက်အဦးကို ဖောက်ခွဲပစ်ရမယ်"

ထန်မော့တန့်သွားမိသော်လည်း ဖူ၀မ်သော်ဆိုလိုသည်ကို ချက်ချင်းနားလည်လိုက်သည်။

"အာရုံပြောင်းဖို့လား"

ဖူ၀မ်သော်ပြုံးသည်။

"အတိအကျဆိုရင် တောင်ဘက် အရှေ့ဘက်နဲ့ အနောက်ဘက်မှာ တိုက်ခိုက်ဖို့ မြောက်ဘက်ကိုဆူညံအောင်လုပ်ပေးတာပေါ့"

ထန်မော့မှာ ဤအကြံ၏အလုပ်လုပ်ပုံကိုတွေးရင်း အလုပ်များနေခဲ့လေရာ ဖူ၀မ်သော်၏ အေးစက်စက် ဟာသကိုသတိမထားမိခဲ့ချေ။ ဖူ၀မ်သော် ဂရုမစိုက်ပဲ မျက်ခုံးသာပင့်လိုက်သည်။

ထန်မော့ကဆိုလာသည်။

"ဟုတ်တယ် ဒီအဆောက်အဦး၃ခုကို မြောက်ဘက်ကအဆောက်အဦးကိုဖောက်ခွဲဖို့ လမ်းကြောင်းအဖြစ်သုံးလို့ရတယ်...ပုန်းပြီးစောင့်နေကြတဲ့ ကစားသမားတွေကလည်း သူ့သန်မာမှုနဲ့သူဆိုတော့သေမှာမဟုတ်ဘူး..ဒါပေမယ့်ကျွန်တော်တို့ကမြောက်ဘက်ကလာနေတယ်လို့ထင်သွားပြီး လူတိုင်းမြောက်ဘက်ကိုသွားကြမှာပဲ..အဲဒီအချိန်မှာ ကျွန်တော်တို့ ကျန်တဲ့ဦးတည်ရာ၃ခုကနေပြေး၀င်လာမယ်"

ရှောင်ကျီထုံးသဘောတူလိုက်သည်။

"အိုကေ ရှောင်ရှောင်းမှာ ပေါက်ကွဲမှုအကြီးစားပစ္စည်းတစ်ခုရှိတယ်"

ဆံပင်ရွှေရောင်နှင့်ကောင်လေး စပါကတီတစ်ခွက်ကိုလျင်မြန်စွာဆွဲထုတ်လျက် ရှောင်ကျီထုံးအား ကမ်းပေးလာခဲ့သည်။

"ခေါင်းဆောင်"

ရှောင်ကျီထုံးသည်ထိုစပါကတီကိုယူလျက် ထန်မော့နှင့် ဖူ၀မ်သော်ကိုကြည့်လိုက်သည်။

"ပြဿနာတစ်ခုပဲရှိတယ်...ဘယ်သူသွားမလဲ"

"ငါသွားမယ်"

"ကျွန်တော်သွားမယ်"

လူ၄ယောက်မှာ တပြိုင်တည်းဆိုလာခဲ့ကြသည်။

နင်းနင်းနှင့်ချိုင်ရုန်က ထန်မော့နှင့်ဖူ၀မ်သော်ကို ကြည့်လိုက်ကာ ရှောင်ကျီထုံးမှာလည်း မျက်လုံးများကို မှေးကျဥ်းလိုက်လေသည်။ သူကဆိုသည်။

"ခင်များတို့၂ယောက်က သန်မာတယ်...အနောက်ဘက်လမ်းကို ၂ယောက်တည်းသွားလို့ပြဿနာမရှိဘူး...ဒါပေမယ့် တစ်ယောက်က အဆောက်အဦးကိုဖောက်ခွဲဖို့သွားတုန်း တစ်ယောက်တည်း အနောက်ဘက်လမ်းမှာကျန်ခဲ့ရင်..သိပ်မသင့်တော်ဘူးထင်တယ်..နင်နင်းကိုသွားပါစေ..သူကမြန်တယ်...သူအဆောက်အဦးကိုဖောက်ခွဲပြီးတာနဲ့ လွတ်အောင်ပြေးနိုင်တယ်"

ချိုင်ရုန်ကဆိုသည်။

"ငါလည်းအရမ်းမြန်သလို...အရမ်းသန်မာတယ်လေ...နင်နင်းကလူတွေအ၀ိုင်းခံထားရရင် လွတ်နိုင်မှာမဟုတ်ဘူး"

နင်နင်းကအေးစက်စွာဆိုလာသည်။

"ကျွန်မလွတ်နိုင်တယ်"

ချိုင်ရုန်ကမေးလာသည်။

"နင်နင်း ငါတို့နောက်ဆုံးတစ်ခေါက်တိုက်ခိုက်ကြတုန်းက ငါနိုင်တာကိုမေ့သွားပြီလား"

နင်နင်း၏ အေးစက်သောမျက်နှာပေါ်တွင်ဒေါသအရိပ်အယောင်တစ်ခုဖြတ်ပြေးသွားခဲ့လေသည်။ သူမသည် နှာခေါင်းရှုံ့လျက် ထိုလူကိုဂရုမစိုက်ရန်သာဆုံးဖြတ်လိုက်လေသည်။

ရှောင်ကျီထုံးကဆိုသည်။

"ဒါဆို ချိုင်ရုန်..."

"မဟုတ်ဘူး ကျွန်တော်သွားမယ်"

ရှောင်ကျီထုံး ထန်မော့အား ရှုပ်ထွေးစွာကြည့်လာခဲ့သည်။

ထန်မော့ရှင်းပြလိုက်သည်။

"ကျွန်တော့်အမြန်နှုန်းက နင်နင်းထက်သာလားဆိုတာရော ခွန်အားက ခေါင်းဆောင်ချိုင်ထက်သာလားဆိုတာရောမသေချာပေမယ့် ကျွန်တော်မှာ ပစ္စည်းတစ်ခုရှိတယ်...ဒီပစ္စည်းနဲ့ဆို ကျွန်တော်မြေဆွဲအားကို လျစ်လျူရှူပြီး ဘယ်မျက်နှာပြင်မှာမဆိုလျှောက်လို့ရတယ်"

ရှောင်ကျီထုံး၏ မျက်လုံးတို့ပြူးကျယ်သွားလျက် သူချက်ချင်းနားလည်သွားခဲ့သည်။ ထို့နောက်သူ့တွင်အတွေးပေါ်လာခဲ့သည်။

"ဒါပေမယ့်မင်းသွားရင် အနောက်လမ်းမှု လူတစ်ယောက်ပဲရှိမှာ"

ထန်မော့ကရှင်းပြသည်။

"အဲဒီအဆောက်အဦးကိုဖောက်ခွဲဖို့ ကျွန်တော်၁မိနစ်ပဲလိုတယ်..သူအဲလောက်ထိတောင့်ခံနိုင်ပါတယ်"

နောက်တွင်ရပ်နေသော ဖူ၀မ်သော်က ၄င်းကိုကြားသော် လူရွယ်၏မျက်လုံးများကိုကြည့်လိုက်လေသည်။ သူတစ်ခုမျှမဆိုခဲ့သော်လည်း ထန်မော့မှာ သူ့အတွက် အရာရာကိုဆုံးဖြတ်ပေးသွားခဲ့သည်။

ဤခံစားချက်မှာ အနည်းငယ်စိတ်၀င်စားစရာပင်...

ဖူ၀မ်သော်၏နှုတ်ခမ်းတို့တွန့်ကွေးသွားလျက် ဘာမျှမဆိုခဲ့ချေ။

သို့နှင့် ဆုံးဖြတ်ပြီးသွားကြလေသည်။

ရှောင်ကျီထုံးသည် နန်ကျင်းဗျူဟာအဖွဲ့မှ အကူပစ္စည်းများကို လူတိုင်းကိုမျှဝေလိုက်ပြီး တိုက်ခိုက်ရေးအစီအစဥ်တစ်ခုကိုဆွဲလိုက်သည်။ သူသည်စပါကတီခွက်ကိုထန်မော့အား ပေးလိုက်ပြီး သူ့အားတည်ငြိမ်စွာကြည့်လျက်ဆိုသည်။

" အသက်ရှင်နေပါ...ဒီဟာကိုမင်းကိုပေးလိုက်မယ်"

ထန်မော့ထိုစပါကတီခွက်ကို သူ၏အိတ်ကပ်ထဲသို့မထည့်ခင် အသုံးပြုပုံကိုကြည့်လိုက်သည်။

[ပစ္စည်း: ခွေးခေါင်းနဲ့ စပါကတ်တီခွက်]

[ပိုင်ရှင်: အက်ဒ်၀ါ့ဂျော့]

[အရည်အသွေး: ထူးရှယ်]

[အဆင့်: ၁]

[တိုက်ခိုက်မှု: သန်မာ]

[အသုံးပြုပုံ: ဒီစပါကတီခွက်ကိုပစ်လိုက်တာနဲ့ပေါက်ကွဲသွားလိမ့်မယ်၊ ပေါက်ကွဲမှုပြင်းအားကတော့ အီတလီ ၁၈၉၇စတိုင် ၇၅မီလီမီတာ အမြှောက်လောက်ရှိမယ်]

[ကန့်သတ်ချက်: တစ်ခါသုံးပစ္စည်း]

[မှတ်ချက်: တစ်ခါတုန်းကတစ်ယောက်ယောက် ခွေးခေါင်းထည့်ဖို့မေ့သွားခဲ့တယ်...အဲဒါနဲ့စပါကတီကိုစားပြီး သူ့ကိုယ်သူသတ်သေလိုက်ပါရော]

🪩

Prev Next