MM Story Teller

Chapter 65

Viewers 7k

🌍Chapter 65

ထန်မော့မှာ လိုရင်းကိုသာ တိုက်ရိုက်ဆိုလိုက်သည်။

"ရှန်းရှန်း ငါ့မှာမင်းရဲ့အတွေးကိုလိုတဲ့ မေးခွန်းတစ်ခုရှိတယ်"

"ဘာများလဲ"

"ကျန်တဲ့ ခိုး၀င်သူ ၆ယောက်မှာ အစားကြူးတဲ့မျက်နှာဖြူဆိုတဲ့ နာမည်ပြောင်နဲ့တစ်ယောက်ရှိတယ်... သူကဘယ်သူလဲဆိုတာ သေချာမသိသေးဘူး။ ရွေးချယ်စရာ၂မျိုးရှိတယ်... တစ်ယောက်က လွန်ခဲ့တဲ့ ၁လလောက်က တိုက်အဖွဲ့သားတွေနဲ့ တိုက်ခိုက်ဖူးတဲ့ ၂၅နှစ်အရွယ် ယောကျာ်းတစ်ယောက်...သူကသိပ်၀င်မပါခဲ့ဘဲလှည့်ပြေးသွားတယ်"

ထန်မော့ အကျဥ်းချုံးပြောပြလိုက်သည်။

"ကျန်တဲ့တစ်ယောက်က ၁၇နှစ်အရွယ်ကောင်လေးပဲ သူကမျက်လုံးနှစ်ဖက်ကို ပိုးစအမည်းနဲ့ကာထားတာ ဒါပေမယ့် မမြင်ရတာမျိုးမဟုတ်ဘူး သူပေါ်လာတိုင်း သူ့အနားမှာ သက်တော်စောင့်လိုလို ခိုး၀င်သူတစ်ယောက်အမြဲပါလာတတ်တယ်"

ထန်မော့ ချန်ရှန်းရှန်းကိုကြည့်လိုက်သည်။

"ဘယ်တစ်ယောက်က အစားကြူးတဲ့တစ်ယောက်လို့ထင်လဲ"

ချန်ရှန်းရှန်း အတော်ကြာတွေးတောနေပြီးမှ ပြန်လည်မေးလာခဲ့သည်။

"သူကဘယ်သူမို့လို့လဲ အရေးကြီးတဲ့သူလား"

"အတတ်နိုင်ဆုံး ဖြစ်လာနိုင်တာမှန်သမျှကို သတိထားချင်လို့ပါ"

"ကျွန်မကတော့ ဒုတိယတစ်ယောက်လို့ထင်တယ်"

ထန်မော့က မေးလိုက်သည်။

"ဘာလို့လဲ"

“ဘယ်သူလဲဆိုတာ အတိအကျခန့်မှန်းဖို့လောက်ထိတော့ သတင်းကလုံလောက်မနေဘူး ဒါပေမယ့် ကျွန်မရဲ့ခံစားချက်အရဆိုရင်တော့ သေချာပေါက်သူပဲ"

ထန်မော့ကဆိုလိုက်သည်။

"ဒီလောက်ဆို လုံလောက်ပါပြီ"

ထန်မော့သည် အရေးပေါ်ခန်းထဲမှ ကျောင်းသားလေးများကို တစ်ချက်မျှ ကြည့်လိုက်ပြီးနောက် လွန်ခဲ့သည့် ၃ရက်ကတည်းက စတည်းချနေခဲ့သည် ဗန်ကားဆီသို့ ပြန်သွားလိုက်သည်။ ထို့နောက် စွမ်းရည်စာအုပ်မှချန်ရှန်းရှန်း၏ စာမျက်နှာကို လှန်လှောလိုက်သည်။

[ကန့်သတ်ချက်: ကိစ္စတစ်ခုအပေါ်ကောက်ချက်ချမှု မှန်ကန်နိုင်ချေ ၅၀ရာခိုင်နှုန်းရှိသော ဥာဏ်ရည်။ ကိုယ်ခွန်အား တိုးတက်မှုနှုန်း သုည]

ကောက်ချက်ချမှု မှန်ကန်နိုင်ချေ ၅၀ရာခိုင်နှုန်း။ ဤသည်မှာ ချန်ရှန်းရှန်းတစ်စုံတစ်ခုကို တွက်ချက်၍ အဖြေထုတ်နိုင်စွမ်းမှာ ၅၀ရာခိုင်နှုန်းအထိ မှန်ကန်နိုင်သည်ဟု ဆိုလိုသည်မဟုတ်။ ထိုအစား အမည်မသိ ပြဿနာတစ်ခုကိုရင်ဆိုင်ရရာတွင် သူမအတွက် အဖြေထုတ်နေရန်မလိုအပ်ဘဲ သူမခန့်မှန်းသမျှ မှန်ကန်နိုင်ချေ ၅၀ရာခိုင်နှုန်းရှိခြင်းဖြစ်သည်။

ဤသည်မှာ အမြင့်ဆုံးမှန်ကန်နိုင်ချေဖြစ်ပြီး အနိမ့်ဆုံးအခြေအနေကိုတော့ မသိရသေးချေ။

သို့သော်လည်း ဤမျှမှန်ကန်နိုင်နှုန်းမှာပင် ကြောက်ခမန်းလိလိဖြစ်နေခဲ့ချေပြီ။

ထန်မော့နှင့် လော့ဖုန်းချန်းမှာ အစားကြူးသည့်မျက်နှာဖြူအား ကျန်တစ်ယောက်ဟုသာ တွက်ဆထားခဲ့ကြသော်လည်း သူ ချန်ရှန်းရှန်း၏ အလိုလိုသိစိတ်ကို ယုံကြည်ရန် ဆုံးဖြတ်လိုက်သည်။

ထို့နောက် သူ ကြမ်းပြင်ပေါ်သို့လက်လှမ်း၍ စက်၀ိုင်းတစ်၀ိုင်းကို ဆွဲလိုက်လေသည်။

နောက်တစ်နေ့ညနေ့တွင် တိုက်အဖွဲ့အစည်းမှ ၁၀ယောက်နှင့် ထန်မော့က အဖွဲ့၆ဖွဲ့အဖြစ် ခွဲလိုက်ကြသည်။ မိမိတို့ကိုယ်ကို ရုပ်ဖျက်ပြီးသည်နှင့် တိတ်တဆိတ်ပင် မောလ်ထဲမှ ထွက်ခွာလာကြလေသည်။ လူစု ခွဲသွားခြင်းဖြစ်ပြီး ၅နာရီထိုးတွင်မှ နန်ကျင်းလမ်းတွင် ပြန်ဆုံလိုက်ကြသည်။

ကောင်းကင်ကြီးမှာ မှောင်မည်းလျက် တိမ်မည်းများက ဖုံးအုပ်နေခဲ့သည်။

ထန်မော့ မျက်နှာချင်းဆိုင်အဆောက်အအုံ၏ အသင့်စား စားစရာဆိုင်တစ်ခုတွင် ပုန်းအောင်းနေခဲ့ပြီး ကောင်းကင်အား တိတ်တဆိတ်စောင့်ကြည့်နေခဲ့သည်။ တိမ်မည်းများက ပိုပိုထူထပ်လာပြီး ကောင်းကင်ကြီးမှာ တမဟုတ်ချင်းမှောင်မည်းလာတော့သည်။ လျှပ်စစ်မီးဟူ၍မရှိ၊ မီးအလင်းရောင်လည်း မရှိပဲ ကမ္ဘာကြီးတစ်ခုလုံး ပကတိမည်းမှောင်လျက်။

လော့ဖုန်းချန်းဆိုခဲ့သလိုပင် ၄နာရီအကြာ ည၈နာရီထိုးတွင် KFCဆိုင်၏ မှန်ပြတင်းပေါက်သို့ လေးလံသော မိုးစက်များ အရှိန်ပြင်းပြင်းနှင့် ကျဆင်းလာတော့သည်။

မိုးသက်မုန်တိုင်းမှာ ကမ္ဘာမြေကြီးပေါ်ရိုက်ခတ်လာခဲ့လေပြီ။ မိုးစက်များမှာ အရှိန်ပြင်းလွန်း၍ လမ်းတစ်ခုလုံး မြူများကျဆင်းနေသည့်နှယ် မှုန်ရီဝေ၀ါးနေခဲ့သည်။ ထိုမိုးသည်းသည်းထဲတွင် အရိပ်၁၀ခုမှာ ခိုး၀င်သူများပုန်းအောင်းနေသော အဆောက်အအုံဆီသို့ လျင်မြန်စွာပြေးသွားခဲ့ကြလေသည်။

ထိုကုန်တိုက်ထဲသို့ရောက်ရှိလာပြီးနောက် လူဆယ်ယောက်သည် တစ်ယောက်ကိုတစ်ယောက် အပြန်အလှန်ကြည့်လျက် ခေါင်းငြိမ့်လိုက်ကြသည်။

တိုက်အဖွဲ့အစည်းမှ လူ၉ယောက်မှာ အုပ်စု၃စုဆီခွဲလျက် ၁၂ထပ်ဆီသို့ အရေးပေါ်လှေကားများမှ တဆင့်တက်သွားခဲ့ကြလေသည်။ ထန်မော့ကမူ တစ်ဦးတည်းပင်။

မိုးသံမှာ လူသူကင်းမဲ့သော ကုန်တိုက်ထဲတွင် ပဲ့တင်ထပ်နေခဲ့ပြီး ပေါ့ပါးသောတို့၏ ခြေသံများကို ဖုံးလွှမ်းထားခဲ့သည်။

၅မိနစ်အတွင်းမှာပင် လူ၁၀ယောက်က ၁၂ထပ်သို့ရောက်ရှိသွားခဲ့သည်။ သူတို့ အမှောင်ထဲတွင် ကိုယ်စီပုန်းအောင်းနေခဲ့ပြီး တစ်ဦးကို တစ်ဦးမမြင်နိုင်ကြချေ။

ထန်မော့က ငှက်မွှေးနှယ် ပေါ့ပါးသော ခြေသံများနှင့် ရုပ်ရှင်ရုံထဲသို့ လှမ်း၀င်သွားခဲ့သည်။ သူသည်နှလုံးခုန်သံတစ်ချက်ချင်းစီတိုင်းတွင် စက္ကန့်များကို ရေတွက်ရင်း ရုပ်ရှင်ရုံထဲတွင် ပုန်းအောင်းနေသော ခိုး၀င်သူများကို ရှာဖွေရန် ကြိုးစားနေခဲ့သည်။

ထန်မော့က လေးခုမြောက်ရုံထံလျှောက်သွားနေခဲ့ခြင်းဖြစ်ကာ တံခါး၀သို့ ရောက်ရောက်ခြင်း၌ပင် သူ၏ခြေလှမ်းတို့ တုံ့ခနဲ ရပ်သွားမိလေသည်။

သူသည် နားတစ်ဖက်ကို လေးခုမြောက်ရုံ၏ နံရံကိုကပ်လျက် အတွင်းမှ လှုပ်ရှားမှုများကို ဂရုတစိုက် နားထောင်လိုက်သည်။ ထန်မော့မျက်လုံးများကို မှိတ်လိုက်ပြီး သူ၏အာရုံထဲတွင် လော့ဖုန်းချန်းဆွဲပေးခဲ့သော ရုံ၏ပုံကြမ်းကို မြင်ယောင်လာခဲ့လေသည်။ သူ၏သိစိတ်အလုံးစုံမှာ နားစွင့်ခြင်းကို အာရုံစိုက်ထားမိစဥ် သူ၏နှလုံးခုန်သံ တဒုန်းဒုန်းကိုပင် ကြားလာမိလေသည်။

ထို့နောက်တွင် တိုးညှင်းသော အသက်ရှူသံ...

ထန်မော့၏မျက်ခုံးများ စုကျုံ့သွားလျက် သူအသံတစ်သံအား ကြားလိုက်ရလေသည်။ ထိုခိုး၀င်သူများမှာ ရှေ့ဆုံးတန်း ၄တန်းတွင် ထိုင်နေကြခြင်းဖြစ်ပေမည်။ အသက်ရှူသံမှာ အလွန်ပြင်းနေခဲ့သည်။ ၄င်းမှာ ယောကျာ်းတစ်ဦးဖြစ်ပုံပင်။

ထန်မော့ သူ၏စိတ်ထဲမှ အချိန်ကိုရေတွက်နေခဲ့သည်။

၁၁၀၀ ၁၁၀၁ ၁၁၉၈ ၁၁၉၉ စက္ကန့်...

၁၂၀၀စက္ကန့်...

ထန်မော့ ထီးကလေးကိုဆွဲထုတ်လိုက်ပြီး စကားစုကို ရွတ်ဆိုလိုက်ကာ တံခါးကိုဆောင့်ကန်ပြီး ဖွင့်ချလိုက်တော့သည်။ ထို့နောက်သူသည် တတိယတန်း၏ အလယ်တွင် ထိုင်နေသော ခိုး၀င်သူထံ ချက်ချင်း ဦးတည်လိုက်သည်။ သူတိုး၀င်လိုက်ချိန်၌ပင် တိုက်အဖွဲ့၀င် ၃ယောက်၏ ကျန်ဦးတည်ရာ သုံးခုမှ ပြေး၀င်လာသော အသံများကိုလည်း ကြားလိုက်ရလေသည်။

ရှုပ်ထွေးမှုကား စတင်လာခဲ့ချေပြီ။

ထန်မော့၏ ချောင်းမြောင်းတိုက်ခိုက်မှုမှာ အတော်လေးအကျိုးဖြစ်ထွန်းခဲ့ပုံပင်။ ခိုး၀င်သူများမှာ အနားယူနေခြင်းဖြစ်ပုံရပြီး မိမိတို့ ရုတ်ချည်းရောက်ရှိလာမှုကို မမျှော်လင့်ထားခဲ့ကြချေ။ ထန်မော့၏ထီးမှာ ထိုအလယ်ခုံမှ လူ၏ ပုခုံးကို ဖောက်၀င်သွားခဲ့သည်။ အရိုးကျိုးသံနှင့်အတူ ထိုယောကျာ်း၏ နာနာကျင်ကျင်အော်ဟစ်သံ ထွက်ပေါ်လာခဲ့သည်။

"ဘယ်သောက်ကောင်လဲ သေချင်နေတာပဲ"

လေထုထဲမှ ပွတ်တိုက်သံတစ်ခုနှင့်မတူ ထန်မော့၏ နားရွက်မှာ လှုပ်ခတ်သွားလျက် ညာဘက်သို့ ဖြတ်ခနဲရှောင်လိုက်သည်။ သို့သော် ထိုအရာကရုတ်ချည်းလှည့်လာပြီး သူ၏ညာလက်ကို ပတ်လာခဲ့လေသည်။

"လျှပ်စီး... မီးကိုဖွင့်လိုက်တော့"

ဘေးရုံမှ ကျယ်လောင်သောအမျိုးသမီးသံတစ်ခု ထွက်လာခဲ့သည်။

ဘန်း...

မျက်စိကျိန်းဖွယ်လျှပ်စီးအလင်းတစ်ခုနှင့်အတူ ရုပ်ရှင်ရုံ၏ ကော်ရစ်တာမှ ဗို့အားပြင်းမီးသီးတစ်ခု ချက်ချင်းလင်းလာခဲ့လေသည်။ မှောင်မည်းနေသော ပတ်၀န်းကျင်မှာ တမဟုတ်ချင်း လင်းလက်သွားခဲ့သည်။ ထိုအလင်းရောင်ကြောင့်ပင် ထန်မော့နှင့် ခိုး၀င်သူများမှာ တစ်ဦးကိုတစ်ဦး ရှင်းရှင်းလင်းလင်း မြင်နိုင်သွားကြလေသည်။

မျက်မှန်နဲ့လူပဲ...

ထန်မော့နှလုံးမှာ အသာဆောင့်ခုန်သွားခဲ့သည်။

ထိုလူ၏ ညာလက်မှာ ရှည်လျားသော ရာဘာကြိုးတစ်ခုကိုဆုပ်ကိုင်ထားလျက် ထိုသားရေကြိုး၏တစ်ဖက်မှာ ထန်မော့၏ လက်ကောက်၀တ်ကို ချည်နှောင်ထားခဲ့လေသည်။ သူ၏ဘယ်လက်မှာတော့ ထူးခြားသော အနေအထားဖြစ်နေခဲ့သည်။ ပုခုံးရိုးမှာ သွင်သွင်ကျိုးသွားခြင်းကြောင့် မလှုပ်ရှားနိုင်သည်မှာ အသေအချာပင်။

ထန်မော့နှင့် မျက်မှန်နှင့်လူမှာ တစ်ဦးကိုတစ်ဦး အပြန်အလှန်စိုက်ကြည့်နေပြီးမှ ရုတ်ချည်း လှုပ်ရှားလိုက်ကြသည်။

ထန်မော့သည် ထီးကလေးကို မြှောက်လျက် ဖွင့်ချလိုက်သည်။ မျက်မှန်နှင့်လူမှာ ညာလက်ကိုမြှောက်လျက် ပျော့ပျောင်းသော ရာဘာကြိုးမှာ ထန်မော့ကို ဆွဲလျက် မြေကြီးပေါ်သို့ ဆောင့်ချလိုက်သည်။

ထန်မော့ အလျင်အမြန်ပင် ထီးကလေးကို အောက်ပို့လျက် သူ၏ခန္ဓာကိုယ်အား မြေကြီးပေါ် ရိုက်ခတ်မိခြင်းမှ ကာကွယ်လိုက်သည်။ ထီး၏ထိပ်ဖျားမှာ မြေကြီးပေါ် ထိလိုက်သည်နှင့် ပြန်လည် တွန်းကန်လျက် မြောက်တက်သွားခဲ့သည်။

နာကျင်မှုကြောင့် ထန်မော့အား စိုက်ကြည့်နေသော မျက်မှန်နှင့်လူ၏ မျက်လုံးများမှာ ဝေ၀ါးနေခဲ့သည်။ ထိုလူမှာ ရာဘာကြိုးကို ယမ်းလျက် ထန်မော့အား အဆက်မပြတ် နံရံများ မျက်နှာကျက်များကို ရိုက်ချပစ်နေခဲ့သည်။ ထန်မော့မှာ ထီးကလေးကို ဦးတည်ရာပြောင်းလျက် ရိုက်ချက်များအားလုံးကို ခုခံနေခဲ့သည်။

ထီးကလေးမှာ ကွေးသွားလိုက် ပြန်ဆန့်သွားလိုက်ဖြင့် ထန်မော့အား တစ်ကြိမ်ပြီးတစ်ကြိမ်ကာကွယ်ပေးနေခဲ့သည်။ မျက်မှန်နှင့်လူမှာ ထန်မော့အား မျက်နှာကျက်ပေါ်နောက်တစ်ကြိမ် မြှောက်တင်လိုက်စဥ် သူ ရုတ်ချည်း ထီးကိုပိတ်လျက် ဘေးနံရံကို ထိပ်ဖျားဖြင့် ထိုးချလိုက်သည်။

မျက်မှန်နှင့်လူ အံ့အားသင့်သွားခဲ့သည်။

ထီးကလေးမှာ မျက်နှာကျက်တွင် ခိုင်ခိုင်မာမာထိုးစိုက်နေခဲ့ပြီး ထန်မော့မှာ မျက်နှာကျက်တွင် တွဲလွဲခိုနေခဲ့သည်။ လက်တစ်ဖက်မှာတော့ ရာဘာကြိုးနှင့်ပတ်ခံထားရပြီး ကျန်တစ်ဖက်မှာတော့ ထီးကလေးကို မြဲမြဲဆုပ်ထားခဲ့လေသည်။ သူကအောက်မှ မျက်မှန်နှင့် လူအား သရော်လိုက်သည်။

"လာစမ်းပါ"

မျက်မှန်နှင့်လူမှာ ဒေါသတကြီးနှင့် ရာဘာကြိုးကို ဆောင့်ဆွဲပစ်လိုက်သည်။ ထန်မော့၏ညာဘက်လက်မှာ ရာဘာကြိုးထံမှ ဆောင့်ဆွဲခံလိုက်ရလျက် ကျန်တစ်ဖက်မှာမူ ထီးကလေး၏လက်ကိုင်အား တင်းကြပ်စွာ ဆုပ်ထားခဲ့သည်။ လူနှစ်ဦးမှာ အပြင်းအထန်အားပြိုင်နေကြသော အနေအထားပင်။ ထိုစဥ် မျက်မှန်နှင့်ယောကျာ်းမှာ မျက်တောင်တစ်ခတ်အတွင်းမှာပင် လက်ကိုလှုပ်လျက် ရာဘာကြိုးနောက်တစ်ခုကို ပစ်လိုက်ပြီး ထန်မော့၏ကျန်လက်တစ်ဖက်ကို ရစ်ပတ်လိုက်တော့သည်။

ထိုစဥ် မျက်နှာကျက်ပေါ်မှ ထန်မော့မှာ ပါးစပ်ကိုကျယ်ကျယ်ဟလိုက်သည်။ ထို့နောက် အသက်ကိုပြင်းပြင်းရှူသွင်းကာ မှုတ်ထုတ်လိုက်လေသည်။

ဘုန်း...

ပြင်းထန်သော လေပွေမုန်တိုင်းတစ်ခုမှ ထန်မော့၏ပါးစပ်ထဲမှ ထွက်လာခဲ့သည်။

မျက်မှန်နှင့်လူ၏ ဒုတိယရာဘာကြိုးမှာ ထီးကလေးကိုဆုပ်ကိုင်ထားသော ထန်မော့၏လက်တစ်ဖက်ကို ရစ်ပတ်ထားခဲ့သည်။ ထိုလူ၏မျက်နှာတွင် အံအားသင့်မှုတစ်ချက်ထင်ဟပ်သွားလျက် ထွက်ပြေးရန်ပြင်တော့သည်။ သို့သော် မကျယ်၀န်းလှသော အခန်းတွင်းတွင် ပြင်းထန်သောလေပွေမှာ နေရာအနှံ့ ပြင်းထန်စွာ တိုးဝှေ့သွားခဲ့လေသည်။ အဆင့်၈နီးပါး ဟာရီကိန်းနှယ် လေပွေမုန်တိုင်းတစ်ခုမှာ ရုပ်ရှင်ရုံတွင်းမှ ခုံများကို လွတ်ထွက်သွားစေပြီး မျက်မှန်နှင့်လူ ရှောင်ပြေးချိန်ပင် မရလိုက်ချေ။ ထိုလူမှာ ပြင်းထန်သောလေဖြင့် ကြီးမားသော စခရင်ကြီးထံ ဆွဲဆောင့်ခြင်းခံလိုက်ရလေသည်။

လေပွေမှာ ပြင်းထန်စွာ တိုက်ခိုက်နေဆဲပင်။

လေပြင်းမှာ ရုပ်ရှင်ရုံတစ်ခုလုံး ဗြောင်းဆန်သည်အထိ တိုက်ခတ်ပြီးနောက် ထန်မော့ထံသို့ပြန်လည်ရောက်ရှိလာခဲ့သည်။ ထန်မော့က ယခုအလွန် အသာစီးရထားသော အခြေအနေတွင်ဖြစ်သည်။

သူ ဤရာဘာကြိုးအား ထိုမျက်မှန်နှင့်လူထံပြန်ပို့ရန် အခွင့်အရေးကို စောင့်နေခဲ့ခြင်းဖြစ်သည်။ ဤသည်မှာ မိမိကို သူနှင့်အတူချည်နှောင်ထားသော တဖက်ရန်သူကို ရိုက်ချရန် အခွင့်ကောင်းပင်။

လတ်တလောတွင် သူက ရုပ်ရှင်ရုံ၏ ထောင့်နေရာတွင်ဖြစ်သည်။ လေပြင်းတိုက်ခတ်မှုကြောင့် မျက်မှန်နှင့်လူမှာ ကြီးမားသော စခရင်ကြီးတွင် ကပ်နေခဲ့သည်။ ထိုလေပြီးမှာ နံရံကို ထိခတ်လျက် ထန်မော့ထံပြန်လည်ဦးတည်လာသည်နှင့် ထိုတွန်းကန်အားက သူ့အား မျက်နှာကျက်တွင် ဖိထားလျက် မြဲမြံနေစေခဲ့သည်။ မျက်မှန်နှင့်လူမှာ သူ့အား ဆွဲ၍မရတော့ချေ။

သို့သော် မျက်မှန်နှင့်ယောကျာ်းမှာ ထိုအခြေအနေကို လျင်မြန်စွာ တုန့်ပြန်နိုင်ဆဲဖြစ်သည်။ သူ၏ညာလက်အား ကြီးမားသော စခရင်ကြီးကို ထောက်ကန်ကာ အနည်းငယ်ရပ်နိုင်ရန် ကြိုးစားလိုက်သည်။ အနည်းငယ်မျှ ထရပ်နိုင်လျှင်ပင် လမ်းလျှောက်နိုင်ပြီဖြစ်သည်။ သူသည်အံကိုကြိတ်လျက် ထန်မော့အား ပြင်းပြင်းထန်ထန်စိုက်ကြည့်ကာ တစ်လှမ်းပြီးတစ်လှမ်း တိုးလာခဲ့လေသည်။

အဆင့်၈ လေပွေမုန်တိုင်းမှာ အားပြင်းလှသော်လည်း ထိုခိုး၀င်သူကို အနိုင်ယူနိုင်လောက်သည်အထိတော့ မစွမ်းချေ။

မျက်မှန်နှင့်လူက ရာဘာကြိုးအား တင်းတင်းဆုပ်ကိုင်လိုက်သည်။ ထိုရာဘာကြိုးနှစ်ခုမှာ လေပွေ၏တွန်းကန်အားကြောင့် ပါးလွှာနေပြီး မျက်မှန်နှင့်လူမှာ ထန်မော့၏လက်ကောက်၀တ်တွင် ပတ်နေသော ရာဘာကြိုးကို တင်းတင်းဆွဲလျက် ပြင်းထန်သောလေပွေထဲတွင် ရှေ့သို့လျှောက်လာခဲ့တော့သည်။ သူ၏နှုတ်ခမ်းတွင်မူ ရူးသွပ်သော အပြုံးတစ်ခုချိန်ဆွဲလျက်ပင်။

သူသည်လေပွေဒဏ်၏သက်ရောက်မှုကိုလည်း မခံစားရတော့ချေ။ နောက်ထပ်မိနစ်၀က်သာရလျှင် သူ ထန်မော့အား တိုက်ရိုက်ဖမ်းနိုင်ပြီး လေစွမ်းအင်ကိုလည်း ရပ်တန့်ပစ်တော့မှာဖြစ်သည်။

အစမှအဆုံးအထိ ဆယ်စက္ကန့်မျှသာဖြစ်သည်။

'အဝေးမှ စွမ်းအင်များကို ကျားတစ်ကောင်လို စုပ်ယူခြင်း' စွမ်းရည်မှာ ၁မိနစ်ခန့်ကြာမြင့်ကာ တစ်နေ့တွင် ၂ကြိမ်သာ အသုံးပြုနိုင်သည်။ ထန်မော့ ထိုမျက်မှန်နှင့်လူ သူ့ထံ တစ်လှမ်းပြီးတစ်လှမ်းလျှောက်လာသည်အား တည်ငြိမ်စွာ ကြည့်နေခဲ့သည်။ သူ ထီးကလေး၏ လက်ကိုင်ကိုတင်းတင်းဆုပ်လျက် သူ၏လက်ကောက်၀တ်ကို အသာလှုပ်ရှားလိုက်သည်။

နောက်ထပ် စက္ကန့်ပိုင်းတွင် ထန်မော့ရုတ်ချည်း ပါးစပ်ကို ပိတ်လိုက်ပြီး ရုပ်ရှင်ရုံတစ်ခုလုံးကို ကြမ်းတမ်းစွာ တိုက်ခတ်နေခဲ့သော လေပြင်းမှာ ချက်ချင်းရပ်တန့်သွားခဲ့သည်။

မျက်မှန်နှင့်လူမှာ တန့်သွားမိလေသည်။ သို့သော် မျက်တောင်တစ်ခတ်အတွင်းမှာပင် ထန်မော့မှာ အဘယ်ကြောင့် ဤစွမ်းရည်ကို အသုံးပြုရန် လက်လျှော့လိုက်သည်အား နားလည်သွားခဲ့သည်။ လေပြင်းကြောင့် အတင်းအကြပ်ဆွဲဆန့်ခံထားရသော ရာဘာကြိုးမှာ ဖိအားအပြောင်းအလဲကြောင့် ရုတ်ချည်း ပြန်ကျုံ့သွားခဲ့သည်။ မျက်မှန်နှင့်လူမှာလည်း ထိုပြင်းထန်သော ကျုံ့အားကြောင့် ထန်မော့ရှိရာသို့ ရာဘာကြိုးနှင့်အတူ တိုက်ရိုက်လွင့်ပါသွားခဲ့တော့သည်။ ထန်မော့သည်ချက်ချင်းဆိုသလို မျက်နှာကျက်တွင် ထိုးစိုက်ထားသော ထီးကလေးကို ဆွဲနှုတ်လိုက်ပြီး ရာဘာကြိုး၏ဆွဲငင်မှုနောက်သို့ လိုက်လျက် မျက်မှန်နှင့်အမျိုးသားဆီ ပြေး၀င်သွားတော့သည်။

စက္ကန့်၀က်အတွင်းတွင် လူနှစ်ဦးမှာ လေထဲတွင် အရှိန်ပြင်းစွာ ကိုင်ဆောင့်ခံလိုက်ရသည်။ ထီးကလေး၏ ထိပ်ဖျားမှာ မျက်မှန်နှင့်လူ၏ ရင်ဘက်ကိုဖောက်လျက် ကျောဘက်မှ ထိုးထွက်လာခဲ့လေသည်။

ထို့နောက် အသံကျယ်ကြီးနှင့်အတူ လူနှစ်ဦးမှာ ကြမ်းပြင်ပေါ်သို့ ပြုတ်ကျသွားခဲ့တော့သည်။

ထန်မော့သည် မျက်မှန်နှင့်လူ၏ နှလုံးနေရာကို ထိုးဖောက်သွားသော ထီးကလေးကို ဆွဲနှုတ်လိုက်ပြီး သူ၏လက်မှ ရာဘာကြိုးကို ဖြတ်ချလိုက်သည်။ ထို့နောက်ငုံ့ကိုင်းလျက် ထိုလူအမှန်တကယ် သေမသေစစ်ဆေးလိုက်လေသည်။ အားလုံးပြီးနောက် ထီးကလေးကို ကောက်ကာ လေးခုမြောက်ရုပ်ရှင်ရုံမှ ထွက်လာခဲ့တော့သည်။

ရုပ်ရှင်ရုံကော်ရစ်တာ၏ မီးရောင်အောက်တွင် ခန္ဓာကိုယ် ၃ခုမှာလဲလျောင်းနေခဲ့သည်။

နောက်ထပ် ရုံရှင်ရုံခန်းထဲတွင်လည်း ခန္ဓာကိုယ် ၃ခုကို ထပ်တွေ့လိုက်ရလေသည်။

နှစ်ယောက်မှာ တိုက်အဖွဲ့အစည်းမှဖြစ်ကာ ကျန်တစ်ယောက်မှာတော့ ခိုး၀င်သူပင်ဖြစ်လေသည်။

ယခုအချိန်တွင် ခိုး၀င်သူ ၄ယောက်နှင့် တိုက်အဖွဲ့၀င် ၃ယောက်မှာ သေဆုံးသွားခဲ့ချေပြီ။

သေဆုံးသွားခဲ့သော တိုက်အဖွဲ့၀င်သုံးဦးစလုံးတွင် မီးလောင်ကျွမ်းထားသော လက္ခဏာများရှိနေခဲ့လေသည်။

ယခုခိုး၀င်သူ ၂ဦးသာလျှင် ကျန်တော့သည်။

ထန်မော့ရင်ထဲမှ တင်းကြပ်သွားလျက် ထိုရုံထဲမှ အမြန်ထွက်လာခဲ့လေသည်။ သူထွက်လာစဥ်မှာပင် ဆံပင်တိုတိုအရပ်မြင့်မြင့်နှင့် မိန်းကလေးတစ်ဦးက ဂျက်အား လှမ်းကန်လိုက်သည်ကို တွေ့လိုက်ရလေသည်။ ထိုစဥ် သူမ၏ညာလက်မှာဝေ့ယမ်းသွားပြီး မီးတောက်တစ်ခုက ဂျက်ထံပြေး၀င်လာခဲ့လေသည်။

"သတိထား"

🪩

Prev Next