Chapter 180

Volume 8 : ပတ်ဝန်းကျင်ထိန်းသိမ်းရေးဌာန

Chapter 180 (ကြည်လင်သောရေနှင့်စိမ်းလန်းသောတောင်တန်း ၀၅)

မနေ့ညက သဲမုန်တိုင်းတွေ တိုက်ခတ်ပြီးသည့်နောက်မှာတော့ သူတို့၏ ပရောဂျက်ကို သဲသဲနဲ့ လုံးလုံးမြုပ်ပြီး ယက်လုပ်ထားသော ခြံစည်းရိုး အလယ်မှာ ကျိုးသွားသည်။ လူတိုင်းသည် အခြေစိုက်စခန်းမှ ထွက်လာကာ နေရာတိုင်းရှိ အရှုပ်အထွေးများကို ကြည့်ပြီး စာကြည့်တိုက်ကို အကြိမ်ပေါင်းများစွာ တိတ်တဆိတ် အော်ဟစ်ကြိမ်းမောင်းကြသည်။

သို့သော် သူတို့သည် အဖြစ်မှန်များကို လက်ခံရုံသာရှိပြီး ပြန်လည်စတင်နိုင်သည်။

လူတိုင်းသည် သူတို့၏ စိတ်ကို မြန်မြန်ဆန်ဆန် ပြုပြင်ပြောင်းလဲခဲ့ကြသည်။ လင်းမန့်လော်သည် ကျန်းဖျင်စစ်၊ ခယ်ရှောင်ပင်းနှင့် ကျန်းရှောင်နျန်တို့ကို အတူတကွ လယ်ကွင်းထဲလေ့လာရန် တောင်းဆိုခဲ့ပြီး သဲနုန်း၏ အကွာအဝေးကို တိကျစွာ တိုင်းတာကာ ခယ်ရှောင်ပင်း၏ လက်တော့ပ်တွင် အတိုင်းအတာ အသေးစားပုံစံတစ်ခုကို ပြုလုပ်ခဲ့သည်။

အခြေစိုက်စခန်းသို့ပြန်ရောက်ပြီးနောက် လူတိုင်းသည် အသေးစိတ်တွက်ချက်ကာ နောက်ဆုံးတွင် ငါးလွှာသောသဲအတားအဆီးတစ်ခုတည်ဆောက်ခြင်းသည် သဲနုန်းများအားလုံးကို ပိတ်ဆို့နိုင်သည်ဟု တွေးဆခဲ့ကြသည်။ ခယ်ရှောင်ပင်းက ပြောသည်။ 

"ဒါဆို ငါးလွှာအတားအဆီးအတိုင်း ငါတို့ ဒီဇိုင်းထုတ်မှာလား"

ကျန်းဖျင်စစ်သည် တခဏမျှ တိတ်ဆိတ်သွားပြီး ရုတ်တရက် ပြောလာသည်။ 

"ငါတို့ရဲ့ တွက်ချက်မှုရလဒ်တွေအားလုံးက မနေ့ညက သဲနှုန်းစံနှုန်းပေါ်တွင် အခြေခံထားတာ… တကယ်လို့ ရက်အနည်းငယ်အတွင်း ပိုပြင်းထန်တဲ့သဲမုန်တိုင်းတစ်ခု ရှိလာရင် ဒီအတားအဆီးငါးလွှာက ရပ်တန့်လို့မရနိုင်ဘူး"

လင်းမန့်လော်က ဂရုတစိုက် စဉ်းစားပြီး ခေါင်းငြိမ့်သဘောတူခဲ့သည်။ 

"အဲဒါက အဓိပ္ပာယ်ရှိတယ်… မနေ့ညက သဲမုန်တိုင်းက သေချာပေါက် အမြင့်ဆုံးအဆင့် မဟုတ်ဘူး… နောက်ပိုင်းကာလမှာ ပိုအားကောင်းလာတဲ့ သဲမုန်တိုင်းတွေကို တားဆီးဖို့အတွက် တွက်ချက်ထားတဲ့ရလဒ်တွေကို အခြေခံပြီး အတားအဆီးတွေကို အလွှာပေါင်းများစွာ ထပ်ထည့်ရမယ်"

ကျန်းဖျင်စစ်: "ရှစ်လွှာအထိတိုးတာက အဆင်ပြေလောက်တယ်"

ခယ်ရှောင်ပင်းကို ကီးဘုတ်ကို ခပ်သွက်သွက်လေးရိုက်ရင်း ပြောလိုက်သည်။

"နောက်ဆုံးအတားအဆီးအဖြစ် အရင်က ရှောင်နျန်တူးထားတဲ့တွင်းကိုသုံးပြီး ရှေ့ကိုတိုးပြီး စီနီယာအစ်မလင်းရဲ့အကြံပြုချက်အရ 10 မီတာတိုင်း သဲအတားအဆီးတစ်ခုကို ဆောက်လိုက်ရအောင်… နံရံတစ်ခုစီက အကျယ် အတူတူပဲမလား"

လင်းမန့်လော်: "ဒါက မတူဘူး… အမွေးတန်းပရောဂျက်ရဲ့ နံရံတွေက ပြန့်ကျဲနေဖို့ လိုပြီး သဲနုန်းတွေကို အမျိုးမျိုးသော လမ်းကြောင်းတွေမှာ ဖြန့်ကျက်ရတယ်… ငါပုံတစ်ပုံဆွဲပြမယ်… ရှောင်ခယ်က ငါအကြမ်းဖျင်းဆွဲထားတာကို သဲပုံစံလုပ်လို့ရတယ်"

သူမသည် အကိုင်းအခက်တစ်ခုကိုယူပြီး သဲပေါ်မှာ ပုံတစ်ပုံကို အမြန်ဆွဲလိုက်သည်။

ခယ်ရှောင်ပင်းက အနီးကပ်ကြည့်လိုက်သည်။ စီနီယာအစ်မလင်း ဒီဇိုင်းထုတ်ထားသော သဲအတားအဆီးသည် အတိုနှစ်ခု၊ အရှည်တစ်ခုနှင့် အတိုနှစ်ခု ပြန့်ကျဲနေသည်။ နံရံ၏အစွန်းမှသဲနုန်းလျှောများကို အပြိုင်နံရံမှ ပိတ်ဆို့သွားလိမ့်မည်။ ထို့အပြင် သဲမုန်တိုင်းထဲတွင် မည်မျှပင် သဲနုန်းများ တိုက်ခတ်နေပါစေ နံရံတစ်ခုစီတွင် အမွေးများကဲ့သို့ အပေါက်များရှိနေသဖြင့် သဲများစု၍ နံရံကို လွှမ်းမိုးသွားမည်မဟုတ်ပေ။

သဲနုန်းများကို အလွှာလိုက်၊ အလွှာလိုက်ပိတ်ဆို့ပြီး နောက်ဆုံးတွင် လေလုံသော တစ်ကီလိုမီတာရှည်သော နံရံတွင် ရပ်သွားခဲ့သည်။

လင်းမန့်လော်၏ မူကြမ်းအရ ခယ်ရှောင်ပင်းသည် ကွန်ပျူတာတွင် သဲခုံပုံစံတစ်ခုကို ပြုလုပ်ခဲ့သည်။ ထို့နောက် လျှိုကျောက်ချင်းသည် လင်းမန့်လော်၏သစ်ပင်မှ သစ်သားပြား 8 ချပ်ကို ခုတ်ထစ်လိုက်သည်။ သဲခုံပုံစံအရ ၎င်းတို့ကို မြေပြင်ပေါ်တွင် ရပ်ခိုင်းကာ သူသည် သစ်သားပြားများတွင် အပေါက်အနည်းငယ်ဖောက်ပြီး သစ်ရွက်များကို အမွေးပုံသဏ္ဌာန် သဲများဖောက်လုပ်ရန် အသုံးပြုခဲ့သည်။ 

ဤ "စမ်းသပ်တပ်ဆင်မှု" အသေးစား ပြီးသွားပါပြီ။

ရွှီယိရှန်းသည် အနီးနားမှ စုဆောင်းထားသော သဲပုံးကြီးတစ်ပုံးကို ကောက်ယူလိုက်ပြီး အရှေ့ကို လောင်းချလိုက်သည်။

ပထမနံရံကို သဲနုန်းနဲ့တွေ့ပြီးသည့် နောက်မှာတော့ တစ်စိတ်တစ်ပိုင်းကို ပိတ်ဆို့ခဲ့ပြီး ကျန်အများစုက သဲအပေါက်တလျှောက် စီးဆင်းသွားခဲ့ပြီး ဒုတိယနံရံက ပိတ်ဆို့ခဲ့သည်…

အပေါက်သည် ထောင်နှင့်ချီသော မြင်းကောင်ရေများဖြင့် သဲနုန်းအုပ်စုတစ်ခုကဲ့သို့ စတင်လာပြီး များမကြာမီတွင် ၎င်းတို့သည် ပြန့်ကျဲကာ နေရာအနှံ့ လွင့်ပျံသွားပြီး အလွှာပေါင်းစုံမှ နံရံများ တစ်ခုပြီးတစ်ခု ကြားဖြတ်သွားကြသည်။ ငါးလွှာသို့ရောက်သောအခါ လှုပ်ရှား၍မရတော့ပေ။

အားလုံးက သူတို့ရှေ့ရှိ ရလဒ်တွေကို ကြည့်ပြီး ဝမ်းသာကြသည်။

လင်းမန့်လော်က စိတ်လှုပ်ရှားစွာ လက်ခုပ်တီးသည်။

"ကောင်းလိုက်တာ… ငါတို့ရဲ့အကြံက မှန်ကန်ပုံပဲ"

အပေါက်များတည်ရှိခြင်းကြောင့် သဲနုန်းများ စုပုံလာမည်မဟုတ်သည့်အပြင် သဲအတားအဆီးအားလုံးသည် ခိုင်ခံ့ကာ အလွှာပြိုကျခြင်း သို့မဟုတ် ကျိုးသွားခြင်းမရှိပေ။ အစကလုပ်ထားသည့် တံတိုင်းထက် ဘယ်နှစ်ဆ ပိုကောင်းသလဲမသိဘူး။

ကျိုဖုန်းက အပြုံးဖြင့်ပြောသည်။

"ဒါကို အကြိမ်အနည်းငယ် စမ်းကြည့်ရအောင်… ပြဿနာမရှိရင် ငါတို့ ဆောက်လုပ်ရေးကို တရားဝင်စမယ်"

ယခုတစ်ကြိမ်တွင် ကျန်းရှောင်နျန်သည် သဲပုံးတစ်ပုံးကို ယူဆောင်လာပြီး ရွှီယိရှန်းနှင့်အတူ သဲမုန်တိုင်းသည် ပိုမိုအားကောင်းလာသည်ဟု ဟန်ဆောင်ကာ ပစ်ချလိုက်သည်။ လူတိုင်းသည် သူတို့၏ခြေထောက်အောက်ရှိ စမ်းသပ်သဲခုံကို စိုက်ကြည့်နေကြသည်။ ခဏအကြာတွင် သဲများအားလုံးကို ခုနစ်လွှာအတားအဆီးက ကြားဖြတ်ခဲ့သည်။

လင်းမန့်လော်က အပြုံးဖြင့် ဆိုသည်။

"သဲတစ်ပုံးဟာ မနေ့ညက စုပြုံနေတဲ့ သဲနဲ့ဖုန်မှုန့်တွေရဲ့ ပမာဏနဲ့ အချိုးကျတယ်… ငါတို့ရဲ့စမ်းသပ်မှုက သဲနုန်းပုံးနှစ်ပုံးရဲ့ ကျူးကျော်မှုကို ခံနိုင်ရည်ရှိပြီး ဆိုလိုတာကတော့ အနာဂတ်မှာ သဲမုန်တိုင်းက မနေ့ညကထက် နှစ်ဆ ပိုပြင်းထန်လာရင်တောင် ဒီပရောဂျက်ကို ဖျက်ဆီးနိုင်မှာမဟုတ်ဘူး"

စီနီယာအစ်မလင်း၏စကားက လူတိုင်းကို ယုံကြည်မှုအပြည့်ရှိစေသည်။

သူတို့၏ သဲခုံကို အတိုင်းအတာဖြင့် ချဲ့ထားပြီး ၎င်းသည် ပရောဂျက်၏ ပိုမိုကောင်းမွန်သော ဗားရှင်းတစ်ခု ဖြစ်လာမည်ဖြစ်သည်။ သို့သော်လည်း အလုပ်ပမာဏသည် ယခင်ထက် အဆများစွာ ပိုများလာသည်။ နံရံများကို ပြန်ဆောက်ပြီး နံရံ 8 စလုံးကို ဆောက်ရမည်။

လင်းမန့်လော်က ပြောခဲ့သည်။

"ခြံစည်းရိုးနဲ့လုပ်ထားတဲ့ နံရံက သိပ်မငြိမ်ဘူး… ဒီတစ်ခါတော့ ဘိလပ်မြေကို တိုက်ရိုက်သုံးမယ်"

ကျန်းရှောင်နျန်က ခဏလောက် ထိတ်လန့်သွားပြီး ပြောလိုက်သည်။

"စီနီယာအစ်မ ဆိုလိုတာက ကျွန်တော်က ကတုတ်ကျင်းရှစ်ခုကို တူးရမှာဖြစ်ပြီး အားလုံးက ကတုတ်ကျင်းရှစ်ခုမှာ အပေါက်ရှစ်ခုပါတဲ့ ဘိလပ်မြေနံရံရှစ်ခုဆောက်ပြီး သဲနုန်းတွေကို လမ်းကြောင်းပြောင်းဖို့ နံရံတွေမှာ အပေါက်တွေချန်ခဲ့မှာလား"

လင်းမန့်လော်က ခေါင်းငြိမ့်လိုက်သည်။

"အင်း… ငါတို့က ဘိလပ်မြေကို နံရံဆောက်ရင် အတွေ့အကြုံမရှိတာကြောင့် ကောက်သွားလိမ့်မယ်"

တရားဝင် ဆောက်လုပ်ရေးအဖွဲ့တွင် နံရံများသည် ဆန့်ကျင်ဘက်သို့ ထောင့်မှန်ကျကြောင်း သေချာစေရန် ပရော်ဖက်ရှင်နယ်အဆင့်နှင့် ဒေါင်လိုက်လိုင်းကိရိယာများ ရှိသည်။ ထို့ကြောင့် အထပ် 30 မြင့် အဆောက်အဦးကို ဆောက်သည့်အခါ ကောက်သွားမည်မဟုတ်ပါ။ သို့ပေမဲ့ သူတို့သည် ပရော်ဖက်ရှင်နယ်မဟုတ်သည့်အတွက် သူတို့၏အမြင်အာရုံအပေါ် အားကိုးလို့မရဘူး။

နံရံက ကောက်သွားရင် လေမတိုက်ရင်တောင် ပြိုကျနိုင်သည်။

ယွဲ့ရှင်းဝမ်က ရုတ်တရက် အကြံတစ်ခု တွေးလိုက်သည်။

"ရှောင်နျန်က ယာယီနံရံ ဆောက်လို့မရဘူးလား… ဗိသုကာဌာနက တိုက်ရိုက် ဆင့်ခေါ်တဲ့နံရံတွေဟာ ဒေါင်လိုက်တွေပဲ… မင်းက အတော်လေးကျယ်တဲ့တွင်းကို အရင်တူးပြီး တွင်းထဲမှာ နံရံနှစ်ခုဆောက်ပြီး အလယ်မှာ 10 စင်တီမီတာလောက် အပေါက်ကိုချန်ထားပြီးရင် ငါတို့က နံရံနှစ်ခုကြားအဟတွေကို ဘိလပ်မြေလောင်းလိုက်ရင် ထွက်လာတဲ့နံရံတွေက စံနှုန်းနဲ့ကိုက်ညီတယ်မဟုတ်ဘူးလား"

ခယ်ရှောင်ပင်း၏ မျက်လုံးများ တောက်ပလာသည်။ 

"အဲဒါက အသားညှပ်ပေါင်မုန့်လိုပဲမလား"

ယွဲ့ရှင်းဝမ်က အပြုံးဖြင့်ဆိုသည်။

"မင်းရဲ့သရုပ်ဖော်ပုံက အတော်လေး သင့်လျော်တယ်… အဲဒါက အသားညှပ်ပေါင်မုန့်လုပ်နည်းပဲ… ရှောင်နျန်က သူ့စွမ်းရည်တွေနဲ့ နံရံနှစ်ခုကို ပုံစံခွက်အဖြစ် ဖန်တီးပြီး ငါတို့က အလယ်မှာ ဘိလပ်မြေလောင်းမယ်… ရှောင်နျန်ဆင့်ခေါ်ထားတဲ့တံတိုင်း မိနစ်အနည်းငယ်ပဲ တည်ရှိနေနိုင်မှာဖြစ်ပြီး သူ့နံရံပျောက်သွားတဲ့အခါ ကျန်ခဲ့တဲ့ 'ပေါင်မုန့်'က ငါတို့လိုအပ်တာပဲ"

လင်းမန့်လော်က ချီးကျူးခဲ့သည်။

"အကြံကောင်းပဲ… သဲဖောက်ထုတ်ခြင်းအတွက်ကတော့ စီနီယာအစ်ကိုလျှိုရဲ့လွှကို အားကိုးရမှာပေါ့"

လျှိုကျောက်ချင်းက ပျော်ရွှင်စွာ ပြောခဲ့သည်။

"ကိစ္စမရှိပါဘူး… မင်းရဲ့ပုံကြမ်းအတိုင်း နံရံတွေပေါ်မှာ သဲအပေါက်တွေကို ငါဖြတ်ထုတ်လိုက်မယ်… သေချာပေါက် ငါ သေသေသပ်သပ် ဖြတ်ပေးပါ့မယ်"

နည်းဗျူဟာကို ဆွေးနွေးပြီးနောက် လူတိုင်းက အလုပ်ပြန်စပါတော့သည်။

ကျန်းဖျင်စစ်သည် ပရောဂျက်တစ်ခုလုံး၏ တိကျမှန်ကန်မှုကို ထိန်းချုပ်ရန် အထူးတာဝန်ရှိပြီး ကျန်းရှောင်နျန်၏ လေဆာ theodolite ကို ယူခဲ့သည်။

ကျန်းရှောင်နျန်သည် နံရံ ရှစ်ခု၏ အုတ်မြစ်ကို အမြန်တူးရန် မြေတူးစက်ကို မောင်းနှင်ခဲ့သည်။ ရှင်းဝမ်၏ ညွှန်ကြားချက်အရ အခြေခံအုတ်မြစ်များကို အရင်ပိုကျယ်အောင် တူးပြီး နံရံများ ပြီးစီးပြီးနောက် မြေကို မြုပ်ပြီး ပြုပြင်ခဲ့သည်။

ကုန်တိုက်တွင် ဘိလပ်မြေရောင်းချမှုများရှိသောကြောင့် ယွဲ့ရှင်းဝမ်သည် ဘိလပ်မြေကိုဝယ်ယူပြီးနောက် လူတိုင်းသည် ပေါက်တူးများဖြင့် နံရံကိုတည်ဆောက်ခဲ့ကြပြီး 183 သစ်ပင်စိုက်ပျိုးရေးအဖွဲ့သည် ရုတ်တရက် 183 ဘိလပ်မြေအင်ဂျင်နီယာအဖွဲ့ဖြစ်လာခဲ့သည်။

ကျန်းရှောင်နျန်၏ နံရံနှစ်ခုကို "အသားညှပ်ပေါင်မုန့်" ပုံစံခွက်များအဖြစ် အသုံးပြုခဲ့သည်။ နံရံနှစ်ခုကြားတွင် လူတိုင်းချထားသော ဘိလပ်မြေသည် အထူ 10 စင်တီမီတာရှိသော ဒေါင်လိုက်နံရံတစ်ခုကို လျင်မြန်စွာ ဖြစ်ပေါ်လာသည်။ သို့သော်လည်း ဘိလပ်မြေသည် လုံးဝခြောက်သွေ့ပြီး ခိုင်မာစေရန်အတွက် အချိန်အနည်းငယ်ယူရမည်ဖြစ်သည်။ လူတိုင်းက အခြေခံအုတ်မြစ်ကို မြုပ်နှံရန် အခွင့်အရေးယူခဲ့သည်။ လျှိုကျောက်ချင်းသည် လေဝင်လေထွက်ပေါက်များကို လွှဖြင့် တူးခဲ့ပြီး လင်းမန့်လော်သည် လေဝင်လေထွက်ပေါက်များပြုလုပ်ရန်အတွက် ကုန်တိုက်မှဝယ်ယူထားသော အမွေးများကို အသုံးပြုခဲ့သည်။

လူ 12 ယောက်သည် တစ်နေကုန် အလုပ်ရှုပ်ပြီး မှောင်လာသောအခါ နံရံများ အကုန်ဆောက်လုပ်၍ပြီးသွားသည်။

ကူညီနိုင်သော စွမ်းရည်များရှိတာက လုပ်ရည်ကိုင်ရည်ကို တကယ်မြင့်မားစေသည်။

သူတို့ရှေ့က လေကာနံရံအလွှာများကို ကြည့်ပြီး လူတိုင်းသည် တစ်ယောက်နဲ့တစ်ယောက် ကြည့်လိုက်တော့ အားလုံးက မျက်နှာပေါ်မှာ ဘိလပ်မြေတွေ အများကြီးရှိတာ တွေ့လိုက်ရသည်။ အထူးသဖြင့် ‌ကျန်းရှောင်နျန်၏မျက်နှာက ညစ်ပတ်နေပြီး သဲနှင့် ဘိလပ်မြေများ ရောနှောနေကာ အကွက်အကွက်ကြောင်နှင့်တူသည်။

ယွဲ့ရှင်းဝမ်က ပြောလိုက်သည်။

"အားလုံးက အလုပ်ကြိုးစားကြပြီး ငါတို့ အဆင့်မြင့်ထားတဲ့ ပရောဂျက်ရဲ့ ပထမအဆင့်က အောင်မြင်စွာ ပြီးသွားပြီ"

လျှိုကျောက်ချင်းက လက်ခုပ်တီးသည်။

"ဒီမှာ လက်ခုပ်သံတွေ ရှိသင့်တယ်"

အခြားသူများကလည လိုက်၍ လက်ခုပ်တီးကြပြီး အတွေ့အကြုံမရှိသော တက္ကသိုလ်ကျောင်းသားတစ်စုသည် သဲထဲတွင် လေကာအလွှာရှစ်ခုနှင့် သဲပြုပြင်ခြင်းနံရံများကို အမှန်တကယ် ဆောက်လုပ်နိုင်ခဲ့သည့်အတွက် လူတိုင်းက အလွန်ဂုဏ်ယူကြသည်။

လင်းမန့်လော်က စိုးရိမ်တကြီးနဲ့ ဆိုသည်။

"ဒီပရောဂျက်က အဆင်ပြေဖို့ ငါမျှော်လင့်ပါတယ်"

ကျိုဖုန်း: "ငါတို့က စမ်းသပ်မှုတွေ လုပ်ထားပြီးပြီ ဆိုတော့ ပြဿနာ မဖြစ်သင့်ဘူး မဟုတ်လား… အကောင်းဘက်ကတွေးကြည့်လိုက်ပါ" 

ခယ်ရှောင်ပင်းကလည်း တက်ကြွစွာပြောခဲ့သည်။

"ဟုတ်တယ်… ဒါပေမဲ့ ကိုယ့်မျက်နှာကို အရိုက်ခံရတာမျိုးရှောင်ရှားဖို့ အလံမြင့်မြင့်မလွှင့်ထူသင့်ဘူး… ဒီအကြောင်းအရာကို မပြောဘဲနေရအောင်… အထူးသဖြင့်… ကျီးကန်းပါးစပ်နဲ့လူတွေ ပါးစပ်မဖွင့်ကြနဲ့"

ယွဲ့ရှင်းဝမ်က သူ့ပါးစပ်ကို လက်ညှိုးထိုးပြခဲ့သည်။

"ကျီးကန်းပါးစပ်လား… မင်းငါ့ကို ပြောနေတာလား"

ခယ်ရှောင်ပင်း၏ရှင်သန်လိုစိတ်က ပွင့်ထွက်ပြီး ပြောလာသည်။

"မင်းက ကျီးကန်းပါးစပ်မဟုတ်ဘူး… မင်းက ရှေ့ဖြစ်ဟောပဲ"

ယွဲ့ရှင်းဝမ်က သူ့နှာခေါင်းထိပြီး ပေါ့ပေါ့ပါးပါး ချောင်းဟန့်လိုက်သည်။

"ငါ စကားအများကြီး မပြောပါဘူး… အနားယူပြီး ဒီည အဖွဲ့လိုက် အလုပ်ဆက်လုပ်ကြတာပေါ့"

ည၏ပထမတစ်ဝက်တွင် ယွဲ့ရှင်းဝမ်၊ ကျန်းဖျင်စစ်၊ ရှင်းယန်၊ ခယ်ရှောင်ပင်း၊ ချင်လုနှင့် ချင်မြောင်တို့က အတူတူစောင့်ကြည့်ခဲ့ကြသည်။

မနေ့ညကလို သဲမုန်တိုင်းတွေ ထပ်မဖြစ်အောင် ယွဲ့ရှင်းဝမ်သည် ကုတ်အင်္ကျီဝတ်ပြီး အပြင်မှာထိုင်ကာ လျှိုကျောက်ချင်းပေးခဲ့သော ပတ်တီးဖြင့် ယာယီမျက်နှာဖုံးလုပ်ထားတာကို သူ့မျက်နှာတွင် ကာလိုက်သည်။

ကျန်းဖျင်စစ်သည် ပတ်တီးဖြင့် ဖုံးထားသော သူ့မျက်နှာကိုကြည့်ပြီး ပြုံးလိုက်သည်။

"နေမကောင်းဖြစ်နေတဲ့ လူနာနဲ့တူတယ်"

ယွဲ့ရှင်းဝမ်၏အသံကို ပတ်တီးဖြင့် ပိတ်ဆို့ထားပြီး အနည်းငယ်ခပ်မှိုင်းမှိုင်းအသံ ထွက်လာသည်။

"ညဘက် လေပြင်းနဲ့သဲတွေက ငါ့ကိုမျက်နှာကိုတိုက်တာကြောင့် အဆင်မပြေလို့ စီနီယာအစ်ကိုကို ပတ်တီးပေးဖို့ တောင်းလိုက်တာ… ဘာပဲဖြစ်ဖြစ် ငါတို့က အချင်းချင်း အရမ်းရင်းနှီးတာကြောင့် ငါတို့ပုံစံနဲ့ပတ်သက်ပြီး စိတ်ပူစရာမလိုပါဘူး… မင်းလည်း ဝတ်ထားလေ"

သူက ချုပ်ထားသောပတ်တီးမျက်နှာဖုံးကို ကျန်းဖျင်စစ်အား ပေးလိုက်သည်။

ကျန်းဖျင်စစ်က တစ်ဖက်ကိုလှည့်လိုက်ပြီး ယွဲ့ရှင်းဝမ်၏ပြုံးနေသောမျက်လုံးကို တွေ့လိုက်ရသည်။ သူ့စိတ်တွေလှုပ်ရှားလာကာ သူ့လက်ကိုဆန့်လိုက်ပြီး တစ်ဖက်လူ၏ဆံပင်ထဲက အပင်တစ်ပင်ကို ညင်သာစွာ ထုတ်ကာ သူ့အသံက နူးညံ့နေသည်။

"ပိုက်ဆံအများကြီး မကျန်တော့ဘူးမလား"

ယွဲ့ရှင်းဝမ်၏ အပြုံးသည် လျင်မြန်စွာ ပျောက်ကွယ်သွားကာ သက်ပြင်းကို တိုးတိုးလေး ချလိုက်ပြီး ပြောသည်။

"ဟုတ်တယ်… ဘိလပ်မြေ နံရံက ခိုင်ခံ့ပေမဲ့ ဘိလပ်မြေက ခြံစည်းရိုးထက် အများကြီး ပိုစျေးကြီးတယ်… ဒီနေ့ နံရံတွေ အများကြီး ဆောက်ဖို့ စာကြည့်တိုက်က ပေးတဲ့ ရန်ပုံငွေ တစ်ဝက်လောက် ကုန်သွားပြီ… ငါတို့ ကျရှုံးလို့မဖြစ်တော့ဘူး"

တစ်နည်းဆိုရသော် ဒီပရောဂျက်မှာ နောက်ထပ်ပြဿနာရှိလာပါက သူတို့တွေ ဒီအတန်းကို ကျိန်းသေမအောင်နိုင်တော့ဘူး။ 

ပြန်စဖို့အတွက် သူတို့မှာ ကုန်တိုက်ပစ္စည်းတွေဝယ်ဖို့ ပိုက်ဆံမရှိတော့ဘူး။

ယွဲ့ရှင်းဝမ်က ဒီအကြောင်းကို ဘယ်သူ့ကိုမှ မပြောခဲ့ဘူး။ အားလုံးက အိပ်မပျော်နိုင်လောက်အောင် စိတ်ပူနေကြမှာကို သူစိုးရိမ်သောကြောင့်ဖြစ်သည်။ အဖွဲ့ခေါင်းဆောင်အနေဖြင့် ကုန်ကျစရိတ်အချက်အလက်ကို သူ၏နေရာတွင်သာ ပြသထားသည်။ ကျန်းဖျင်စစ်သည် ငွေကိုင်အဖြစ် အချိန်အတော်ကြာခဲ့ပြီး ရန်ပုံငွေအပေါ် ပိုမိုသတိထားတတ်သောကြောင့် ၎င်းကို သူကိုယ်တိုင် ရှာဖွေတွေ့ရှိခဲ့သည်။

သူ့ပခုံးများ ရုတ်တရက် လေးလံသွားကာ ယွဲ့ရှင်းဝမ် မော့ကြည့်လိုက်ရာ ကျန်းဖျင်စစ်သည် သူ့ပခုံးများကို သူ့လက်နှင့် ညင်သာစွာ ရစ်ပတ်ထားတာကို တွေ့လိုက်ရသည်။

ကောင်လေး၏ ရင်းနှီးသောအသံက သူ့နားထဲမှာ ထွက်ပေါ်လာခဲ့သည်။

"ရပါတယ်… အတန်းကျသွားတာက ကြီးကြီးမားမားမဟုတ်ပါဘူး… ငါတို့နှစ်ယောက်စလုံး မူလတန်းကနေ တက္ကသိုလ်အထိ အတန်းတစ်ခါမှ မကျဖူးဘူး… ဒီတစ်ခါတော့ အတန်းကျတဲ့ခံစားချက်ကို ငါတို့တွေကြုံရနိုင်တာပေါ့"

ယွဲ့ရှင်းဝမ်က သူ့ကို ချက်ချင်း ကြားဖြတ်နှောင့်ယှက်လိုက်သည်။

"ရပ်တော့… ရပ်တော့… ရပ်တော့… မင်းက ဘယ်လိုလုပ် ကျီးကန်းပါးစပ်ဖြစ်နေရတာလဲ"

ကျန်းဖျင်စစ်၏နှုတ်ခမ်းထောင့်များက ပေါ့ပါးစွာ မြှောက်တက်လာသည်။ "ဒီစကားတွေကို ငါတစ်ခါမှ မပြောဖူးဘူး" သူက ခေတ္တရပ်ကာ ဆက်ပြောသည်။ "ငါတို့တွေ အကောင်းဆုံးကြိုးစားခဲ့ပြီးပြီပဲ… နောက်ဆုံးရလဒ်က ဘာပဲဖြစ်နေပါစေ ငါတို့တွေအတူတူ တောင့်ခံကြတာပေါ့"

သူဒီလိုပြောလိုက်တာနဲ့ ယွဲ့ရှင်းဝမ်၏ စိတ်အခြေအနေက တကယ်ကို ပိုပြီးတော့ အေးချမ်းသွားသည်။

တကယ်တော့ သူ သိပ်ပြီးစိတ်ပူစရာမလိုပါဘူး။ အားလုံးသည် ဤမျှလောက်သော စမ်းသပ်မှုများနှင့် အသေးစိတ်တွက်ချက်မှုများကို အကြိမ်များစွာပြုလုပ်ခဲ့ပြီး ဤပရောဂျက်သည် မှားမည်မဟုတ်ကြောင်း သူယုံကြည်သည်။ ထို့အပြင် စာမေးပွဲကျရင် အတူတူ စာမေးပွဲပြန်ဖြေရတာက ပျော်စရာကောင်းပါသည်။ ကိုယ်နှင့်အတူ အဖော်ပြုပေးဖို့ လူတွေအများကြီးရှိတာကြောင့် ဘာမှ ကြောက်စရာမရှိဘူး။

#TK