MM Story Teller

Chapter 215

Viewers 32k

🦊Arc 14 - ဖျော်ဖြေရေးလောကကို တန်ပြန်တိုက်ခိုက်ခြင်း

Chapter 215

14.2. အဲဒါကသူလုပ်သင့်တာလား?

တဖက်တွင်တော့ နွေဦးဒလိမ့်တုံးက ရွှယ်လင်ကို ဇာတ်ညွှန်းနှင့်အတူ စာပို့လာ၏။

[နွေဦးဒလိမ့်တုံး: ဒီဇာတ်ညွှန်းက တကယ်တော့ အရူးကောင် မေ့လျော့နေသော အတွက်ရွေးထားတာ...ပြီးတော့..အသံကလည်းလွှင့်ထားပြီးပြီ...ဒါပေမဲ့ အဲဒီအရူးကောင်က ဘာထဖောက်တာလဲမသိဘူး...အဖွဲ့ထဲကထွက်သွားတယ်လေ...QAQ ဘယ်သူမှဒီလို လူဆိုးဆန်တဲ့အသံမျိုးရှာတွေ့ကြမှာမဟုတ်ဘူး...မြေခွေးလေးက လူဆိုးနဲ့တူတယ်လို့ငါထင်တယ်..စမ်းကြည့်လို့ရပါတယ်]

[နှင်းမြေခွေးလေး: လူဆိုးအသံ?] သူ၏မူရင်းအသံက သူ၏ရုပ်ရည်နှင့် တိုက်ရိုက်မကိုက်ညီပေ။ သူသည် တဖက်သားကိုမြူစွယ်သည့်အသံမျိုးသာလုပ်ချင်နေပြီး ၎င်းကမခဲယဥ်းပေ၊ သို့သော် မေးခွန်းက ယင်းကို အသုံးလို၊ မလိုပင်။

[နွေဦးဒလိမ့်တုံး: ထားလိုက်ပါ..မြေခွေးလေး..စမ်းကြည့်ရအောင်..စာရေးဆရာပေးထားတဲ့နောက်ဆုံးဒိတ်နဲ့ အဲဒီအရူးကောင် မေ့လျော့နေသောကြောင့် အလုပ်မရှုပ်သွားရင်..အသံသွင်းဖို့အချိန်ရရင်..ငါဒီလောက်စိတ်ရှုပ်ရမှာမဟုတ်ဘူး...ကြေညာထားပြီးနေပြီ...ဗြုန်းစားကြီးလူပြောင်းလိုက်တာကအဆင်မပြေဘူး]

[နှင်းမြေခွေး: အိုကေ...ကျွန်တော်ဇာတ်ညွှန်းနဲ့ဝတ္ထုကို ဒီညဖတ်လိုက်မယ်..ပြီးတော့ မနက်ဖြန်စမ်းကြည့်လိုက်မယ်..ကျွန်တော်ခင်ဗျားကို တတ်နိုင်သလောက်ကူညီပေးပါ့မယ်..မရတော့မှ ~ အခြားတစ်ယောက်ရှာလိုက်ပေါ့]

[နွေဦးဒလိမ့်တုံး: ကောင်းတယ်..မြေခွေးလေးကချစ်စရာအကောင်းဆုံး~ ကြိုးစားပေးတာကျေးဇူးပါပဲ~]

ရွှယ်လင် ဇာတ်ညွှန်းကိုချပြီး စနစ်ကိုမေးလိုက်သည်။ "ဘာလို့ဒါကိုလက်ခံလိုက်ရတာလဲ..ဒီဒရမ်မာကကြေညာထားပြီသား..ဇာတ်ကောင်ရွေးတဲ့အသံသရုပ်ဆောင်တွေက အရမ်းစိတ်ဖိစီးရတယ်..ပြီးတော့ မေ့လျော့နေသော ရဲ့လူဆိုးအသံက...."

သူက အကြောင်းအရာများစွာကို စိတ်ရှုပ်နေရသော်လည်း မေ့လျော့နေသောက ဘယ်လိုလူဖြစ်ကြောင်းမှတ်မိနေခဲ့သည်။

'မေ့လျော့နေသောကမ်းပါး' မှာ အသံသရုပ်ဆောင်လောကတွင် နာမည်ကြီးခဲ့ဖူးသည်။

'ရယ်မောနေသောအမေ့ခံ' ကလောင်အမည်ဝှက်ဖြင့် စာရေးဆရာတစ်ယောက်ရေးသားထားသော စာအုပ်မှ ပရောဂျက်ကိုယူပြီးနောက် သူ၏အသံပြောင်းလဲသောအရည်အချင်းနှင့် အထူးသဖြင့် ညုတုတုလူဆိုးသံကြောင့် အဖြောင့်ကောင်များကိုပင် နိုးကြားသွားစေခဲ့သည်!။

အစတွင်တော့ရွှယ်လင်က ပုံမှန်အားဖြင့် ဇာတ်ကြောင်းမှစိတ်ကူးရနိုင်ရန် ဇာတ်ညွှန်းအတိုင်းလိုက်ရန်စီစဥ်ထားခဲ့ပြီး နောင်တွင်၎င်းက သိုင်းဇာတ်လမ်းတွဲဖြစ်နေမှန်းသိလိုက်ရလေသည်။ သူ၏ဇာတ်ကောင်နေရာမှာ ဇာတ်လိုက် shou ဖြစ်ပြီး နတ်ဆိုးလမ်းစဥ်ကို လိုက်သည့် မှော်နက်ကျင့်ကြံသူဖြစ်လာသည်။

ရွှယ်လင် စာရေးဆရာကိုကြည့်လိုက်သည့်အခါ ရယ်မောနေသောအမေ့ခံဖြစ်နေ၏။

စနစ်က သူ့ကိုလက်ခံစေချင်နေသည်မှာ မဆန်းတော့။ ရယ်မောနေသောအမေ့ခံစာအုပ်သာဖြစ်ပါက ၎င်းက သူ့အားပိုမိုလူကြိုက်များလာစေရန် အမှန်တကယ်ကူညီနိုင်လိမ့်မည်။

"မင်းအတွက် 'မေ့လျော့နေသောကမ်းပါး' က ပြိုင်ဖက်ဖြစ်နေပေမဲ့ host ကလူဆိုးလုပ်ရတာကြိုက်တာပဲလေ ~ host မှာ ပြဿနာမရှိဘူးထင်တာပဲ.."

ရွှယ်လင်မှာ စနစ်၏ သူ့အပေါ် အကြွင်းမဲ့ယုံကြည်နေမှုက မည်သည့်နေရာမှရောက်လာမှန်းမသိပေ။ သူ၏နာနိုကွန်ပျူတာကိုဖွင့်ပြီး မူရင်းဝတ္ထုကို ဖတ်ကြည့်လိုက်သည့်အခါ ၎င်းက ခွေးသွေးအပြည့်ပါသည့် နိုင်ထက်စီးနင်းဇာတ်လမ်းမျိုးဖြစ်နေလေသည်။ နောက်ဆုံး၌ ဇာတ်လိုက်နှစ်ယောက်က ဂုဏ်သိက္ခာအတွက် လမ်းကွဲသွားကြသည်။ Gong ကသေသွားပြီး shou က ဘယ်တုန်းကမှအတိတ်မရှိခဲ့ဖူးသော လူတစ်ယောက်ဖြစ်သွားခဲ့သည်။(အတိတ်မေ့)

အခြေခံအရ ယင်းသည် ငယ်ရာမှကြီးလာသည့်သဘာဝကို အသားပေးထားသည့်ဇာတ်လမ်းမျိုးဖြစ်သည်။ အစပိုင်းတွင် ဇာတ်လိုက် shou က တကယ်ကို ပျိုတိုင်းကြိုက်အလှလေးဖြစ်လေ၏။ သို့သော် ဇာတ်လမ်းကိုမဖြည်ဘဲ ဇာတ်လိုက် gong နှင့်ပတ်သက်မှုကပိုနက်ရှိုင်းလာပြီး တဖြည်းဖြည်းနှင့်စတင်ပြောင်းလဲလာသည်။ စာအုပ်အဆုံးသတ်တွင် gong က စစ်ပွဲတွင်ကျသွားပြီး shou က တဖြည်းဖြည်းနှင့် gong ပုံစံအတိုင်းဖြစ်လာခဲ့၏။

သူရလာသည့်ဇာတ်ညွှန်းအရ မန်နေဂျာသည် အသံဒရမ်မာအတွက် အဆင့်သုံးဆင့်ခွဲခြားရမည်။ ကြေညာချက်ထုတ်ပြီးသည်မှလွဲပြီး အမြန်လုပ်လျှင်ပင် အဆင့်သုံးဆင့်အတွက် နှစ်ဝက်ခန့်ကြာနိုင်သည်။ ဝန်ထမ်းများတွင် အချိန်သိပ်မကျန်ဘဲ ဝန်ထမ်းထပ်ရှာရန်လည်း စိတ်လောနေကြနိုင်သည်။ ကြေညာချက်ထွက်လာပြီး ပရောဂျက်အတွက် စာရေးဆရာပေးထားသည့် နောက်ဆုံးရက်က ပိုမိုနီးကပ်လာလေပြီ၊ သို့ထိတိုင် ၎င်းတို့မှာ 'မေ့လျော့နေသောကမ်းပါး' ၏နေရာအတွက် အစားထိုးဖို့ရာလူမတွေ့သေး။

အသံသရုပ်ဆောင်လောကတွင် ဗီလိန်နေရာသရုပ်ဆောင်သူကအနည်းငယ်သာရှိ၏။ အထူးသဖြင့် မေ့လျော့နေသောကမ်းပါးနှင့် အရည်အချင်းတူမည့်သူမျိုး။

တွေးကြည့်ပါလေ၊ နွေဦးဒလိမ့်တုံးက အခုမှစပြီး ကောက်ရိုးတစ်မျှင်ကို ဖမ်းဆွဲထားရတော့မည်၊ အနှီသူကိုကြိုးစားကြည့်ရန်ပြောလိုက်ရခြင်းမှာ ထိုသူက ဗီလိန်နှင့်တူပြီး အသံလည်းတူနေ၍...ရွှယ်လင်က နှာခေါင်းကိုပွတ်ကာ ရေချိုးခန်းထဲသို့ဝင်သွားပြီး မှန်ထဲမှသူ့ပုံစံကို အကြာကြီးစိုက်ကြည့်နေမိ၏။

သူ၏ရုပ်ရည်က မြင်သည်နှင့်တမ်းတမ်းစွဲဖြစ်သွားရမည့်ရုပ်ရည်မှန်းဝန်ခံပါသည် - အဆိုပါမြေခွေးမျက်လုံးများက အပေါ်ဘက်သို့အနည်းငယ်ကော့တက်နေခဲ့သည်လေ။ ယင်းက အိုင်းလိုင်နာပင်မလိုသော သဘာဝအလှတရားဖြစ်သည်၊ ပရိုဂရမ်အမျိုးမျိုးအတွက် မိတ်ကပ်လိမ်းရသည့်အချိန်မျိုးဆိုပါက ပြောနေစရာပင်မလိုအပ်ပေ။ အိုင်းလိုင်နာ သို့မဟုတ် အကြမ်းစားမိတ်ကပ်များက မျက်လုံးပေါ်သို့ တင်လိုက်ချိန်တွင် အော်ရာတစ်ခုလုံးနှင့်ပုံစံက မယုံနိုင်ဖွယ်ကောင်းလောက်အောင် ဆွဲဆောင်မှုရှိသွားတတ်သည်။

သူ၏ပုံပန်းသဏ္ဍာန်မှာ ယောက်ျားမဟုတ်၊ မိန်းမမဟုတ်ပုံစံဖြစ်နေသော်လည်း အဆိုပါမျက်လုံးတစ်စုံက သူသည် မည်သူဖြစ်ကြောင်းခွဲခြားနိုင်သည်အထိ အသုံးဝင်နေလေသည်။ သူ၏အကြည့်ကို ယောကျ်ားပီသလာစေရန် အချိန်အတန်ကြာပေးပြီး လေ့ကျင့်ခဲ့ရပုံကိုမှတ်မိနေသေးသည်၊ သို့သော်လည်း ယခု သူ၏ရှည်လျားသောမျက်ခုံးကို မှန်ထဲတွင်ကြည့်မိပြီး ရွှယ်လင်မှာ သက်ပြင်းချလိုက်မိချေသည်။

အိုက်ယား....တကယ့်ကို လက်ဖက်စိမ်းဗီလိန်နဲ့တူနေတာကိုက သူ့အမှားပဲလား? မဟုတ်ပါဘူးနော်...။

အတော်လေးနောက်ကျနေပြီဖြစ်ကာ ရွှယ်လင်လည်း ပင်ပန်းနေပြီ။ သူသည် ညအိပ်ဝတ်စုံလဲလှယ်ပြီး အိပ်ရာထက်တွင်လှဲချလိုက်၏။ အသံစာအုပ်ဆော့ဖ်ဝဲကိုဖွင့်ပြီး ဝတ္ထုတစ်ပုဒ်လုံးကို နားထောင်လိုက်သည်။

သို့သော်လည်း တစ်ဝက်အရောက်တွင်ပင်အိပ်ပျော်သွားလေ၏။ စနစ်က နာနိုကွန်ပျူတာထဲသို့ခိုးဝင်သွားပြီး ဤကမ္ဘာမှကွန်ရက်နှင့်ချိတ်ဆက်လိုက်သည်၊ ထို့နောက် အချက်အလက်မျိုးစုံကို စတင်ပြီး အသည်းအသန်ကောက်လေတော့သည်။

အချက်အလတ်အများအပြားကို စုထားလိုက်ခြင်းက ၎င်း၏ host ကို တိုးတက်လာရာတွင်ကူညီပေးနိုင်ပြီး သူတို့ နှစ်ယောက်ကိုနောက်တစ်ကြိမ်တွေ့ဆုံအောင်လုပ်ပေးနိုင်သည်....။

သို့သော် ထိုလူ၏နောက်ခံအစစ်ကို တွေးကြည့်လိုက်သည့်အခါ စနစ်မှာ ၎င်းတို့၏နောက်တဖန်တွေ့ဆုံမှုက host နှင့်အနှီယောကျ်ားပျို၏ ကံပေါ်မူတည်နေမှန်းသိလိုက်လေ၏။ ၎င်းတို့၏ပုံစံအစစ်အမှန်မှာ လက်ရှိတွင်ဝေးကွာနေပြီး ထိုလူအနားမှလူများကို ချဥ်းကပ်ရာမှတဆင့်စတင်လျှင် ပိုကောင်းနိုင်သည်။

ရွှယ်လင်သည် သူ၏မှတ်ဉာဏ်တစ်ခုကိုမှ မရလာသေးပေ၊ စနစ်ကလည်း သူ့အား သဲလွန်စအများကြီးမပေးရဲသေး။ ထိုသူကို နောက်တစ်နည်းဖြင့်ချဥ်းကပ်နိုင်ရန် စနစ်မှာ သူ့ကိုယ်သူအနုပညာလောကကို လျှပ်တပြက်တိုက်ခိုက်ခြင်းစနစ်ဆိုပြီး လိမ်ထားခဲ့ရသည်။ ၎င်းခမျာ ဆယ်မျက်နှာကမ္ဘာ၏နောက်ကွယ်မှ ဤကမ္ဘာပေါ်သို့ ခိုးထွက်လာခဲ့ရခြင်းဖြစ်ရာ နည်းလမ်းများက အလွန်များနေခဲ့လျှင် ဆယ်မျက်နှာကမ္ဘာက မလွဲမသွေရောက်လာပြီး သူ့အားအတင်းပြန်ခိုင်းလိမ့်မည်၊ သူ့အား လိမ်ညှစ်ပြီးသတ်ပစ်မည်၊ ထို့နောက် နောက်တဖန်လိမ်ညှစ်ပြီးသတ်ပစ်ပေလိမ့်မည်။

မြင်ယောင်ကြည့်လိုက်လျှင်ပင် အတော်လေးထိတ်လန့်ဖွယ်ကောင်းမည့်အဖြစ်....။

နောက်တနေ့တွင် ရွှယ်လင် နိုးလာသည့်အခါ သူ၏လက်ထောက်က အိပ်ရာမှထသည်နှင့်ဖုန်းခေါ်ရန် မက်ဆေ့ချ်ပို့ထားသည်ကိုတွေ့လိုက်ရသည်။ ရွှယ်လင်မှာ ဘာတွေများဖြစ်နေပြီလဲဟု တောင်ရောက်မြောက်ရောက်စဥ်းစားမိပေ၏~ ဤတစ်ခေါက် သူထွက်လာခဲ့ရသည့်အကြောင်းပြချက်မှာ အေဂျင်စီမှစမ်းသပ်ကာလကုန်သွား၍ဖြစ်ပြီး စာချုပ်ဆက်ချုပ်သင့် မချုပ်သင့်ကိုဆွေးနွေးရတော့မည်ဖြစ်သည်။

ရွှယ်လင် အရင်ဆုံးမျက်နှာသစ်လိုက်သည်၊ ဤကုမ္ပဏီနှင့်ပတ်သက်ပြီး သူ့ထံတွင်ခံစားချက်အလွန်အကျွံမရှိပေ။ အေဂျင်စီက မကြီးသည့်အပြင် အနုပညာလောက အလွန်တရာလွှမ်းမိုးထားသောဤကမ္ဘာတွင် ကုမ္ပဏီမှအရင်းအမြစ်များမှာလည်း ပိုကြီးမားသောအေဂျင်စီလက်အတွင်းသို့ သက်ဆင်းသွားကြသည်။

ဤသည်ကပင် လွန်ခဲ့သည့်နှစ်များအတွင်း ရွှယ်လင်၏အလုပ်များကကန့်သတ်ခံခဲ့ရသည့်အကြောင်းအရင်းဖြစ်ပြီး သူက ကျော်ကြားမှုအနိမ့်ဆုံးလူဖြစ်ခဲ့ရသည်။ ယင်းကပင် သူ၏ကြည့်ကောင်းသောရုပ်ရည်လေးကို လုံးဝဖြုန်းတီးမိသလိုဖြစ်စေခဲ့၏။

သူ့ထံတွင် အနုပညာလောကအားလွှမ်းမိုးချုပ်ကိုင်ရန် ရည်ရွယ်ချက်မရှိသလို မနေ့ကနိုးထလာခဲ့ရသည့် အချိန်မရောက်ခင်အထိ ဘဝတွင်သာ အေးအေးလူလူဖြတ်သန်းချင်သည်၊ သို့သော်လည်း ယနေ့တွင် ရုတ်တရက်ကြီး သူအလုပ်ကြိုးစားချင်လာသည်။ သူ့ကိုယ်သူပြောင်းလဲသွားရသည့်အတွက် အနည်းငယ်သိချင်စိတ်ဖြစ်နေမိပြီး ရွှယ်လင်မှာ ယုံကြည်ဖို့ရာခက်ခဲနေလေသည်။ သူသည်စနစ်ကိုဆွဲထုတ်ကာ တစ်ခုခုလုပ်လိုက်သေးလားဟုမေးချင်သော်ငြား စနစ်က သူဘာမှမလုပ်ပါကြောင်းဘူးခံငြင်းနေလေသည်။

ငြင်းခုန်ပွဲက ပြင်းထန်လွန်းလှ၏၊ သူသည် သူလုပ်နိုင်သလောက်အထိ မကြိုးစားလျှင် တစ်ခုခုကို လက်လွတ်သွားတော့မည့်အတိုင်း ခံစားနေရသလို ထင်နေမိ၏။ ရွှယ်လင် စနစ်ကို အချိန်အတော်ကြာအောင်ကြည့်ကာ စူးစမ်းနေပြီးသည့်နောက် အဆုံးတွင် အေဂျင်စီပြောင်းရန် ဆုံးဖြတ်လိုက်လေသည်။

စနစ်က သူ့အတွက်ကုမ္ပဏီအများအပြားကို စာရင်းပြုစုပေးထားခဲ့သည်၊ နောက်ဆုံး၌ အသေအချာဆုံးဖြတ်ချက်ချနိုင်မည်ဟု မျှော်လင့်ရသည့်အေဂျင်စီကို ထောက်ပြလိုက်၏။

မူလက ရွှယ်လင်သည် ဟွားရှအင်တာတိန်းမန့်လိုပင် အကြီးတန်းအရာရှိတစ်ယောက်ကိုရှာဖွေချင်ခဲ့သည်၊ သို့ထိတိုင် စနစ်ကသူ့အား နောက်ထပ်အင်တာတိန်းမန့်ကုမ္ပဏီတစ်ခုအားအကြံပေးလာ၏။ သူသည် ကုမ္ပဏီ၏အမည်နှင့်ပတ်သတ်၍ ထင်မြင်ချက်မရှိသည့်တိုင် စနစ်က ကုမ္ပဏီများ၏ လက်ရှိအနုပညာရှင်များနှင့် ကုမ္ပဏီများ၏အရင်းအမြစ်များကို ပြသခဲ့၍ ရွှယ်လင်မှာအနည်းငယ်ခန့်တုန်လှုပ်သွားခဲ့ရသည်။

အနှီကုမ္ပဏီမှာ ထျန်းရွှမ်အင်တာတိန်းမန့်ဖြစ်သည်။ ဟွားရှအင်တာတိန်းမန့်ကဲ့သို့သော ကုမ္ပဏီကြီများနှင့်နှိုင်းယှဥ်လျှင် ထျန်းရွှမ်အင်တာတိန်းမန့်က အတော်လေးသာမန်ဆန်လင့်ကစား ထိုကုမ္ပဏီမှထွက်လာသောအနုပညာရှင်များက အခြားကုမ္ပဏီမှထွက်လာသောအနုပညာရှင်များနှင့် လုံးဝကွာခြားသည်။ ၎င်းတို့အားလုံးကလူသိများကာ အနုပညာလောကတွင် အင်အားကြီးမားလှသူများဖြစ်ကြသည်။

လက်ရှိတွင် ကုမ္ပဏီ၏နာမည်အကြီးဆုံးက ရုပ်ရှင်ဧကရာဇ် စူးလျိုနျန်ဖြစ်သည်။ ကုမ္ပဏီပိုင်ရှင်နေရာတွင် စူးရွှမ်းချင်ဖြစ်ပြီး ရွှယ်လင်အတွက် အနှီကုမ္ပဏီတွင် အရင်းအမြစ်မရှားပေ။

သို့သော် မေးခွန်းမှာ...."သူတို့မှာစူးလျိုနျန်ရှိပြီးသားလေ..အောင်မြင်နေဆဲပဲ...နောက်ထပ်ဆယ်နှစ်ကြာတာတောင် ပျောက်သွားဦးမှာမဟုတ်ဘူး..ငါ့အတွက်က ဘယ်လိုလုပ်နေရာရှိပါ့မလဲ..." သူလုံးဝနားမလည်နိုင်တော့ပေ။

စနစ်: "ဒါပေမဲ့ မင်းဟွားရှကိုရွေးလိုက်ရင် ပိုပြိုင်ရမှာနော်..ဟွားရှမှာ ထိပ်တန်းအဆိုတော်တွေ ကြယ်ပွင့်တွေအများကြီးပဲ..ဒါပေမဲ့ သရုပ်ဆောင်အပိုင်းမှာတော့ ထျန်းရွှမ်မှာ စူးလျို့နျန်တစ်ယောက်တည်းရှိတာ..စူးရွှမ်းချင်က သူနဲ့အတူရုပ်ရှင်ရိုက်ပေးခဲ့တာ အတော်ကြာပြီ..အခြားသူတွေထက် စူးလျို့နျန်ကို ပိုအရေးပေးခဲ့တယ်...ကျန်တာကတော့မင်းအပိုင်းပဲ...ပြီးတော့ စူးလျို့နျန်က မင်းသားတင်မဟုတ်ဘူး..နှစ်တိုင်း ရုပ်ရှင်နည်းနည်းစီရိုက်တယ်..တစ်ခုလောက်ကတော့ ဆုချိတ်တာပဲ...ပြီးတော့ စာရေးတဲ့နေရာမှာပဲအချိန်ကုန်တာပိုများနေမှန်း အသိသာကြီးလေ..."

ထျန်းရွှမ်မှစူးလျို့နျန်သည် ရွှယ်လင်နှင့်အသက်အတူတူပင်၊ ရွှယ်လင်ထက် မဆိုသလောက်သာ အရွယ်ကြီးလေသည်။ သို့ထိတိုင် တဖက်လူက ကောလိပ်တက်နေစဥ်အတွင်းပင် အော်စကာဆုပေးပွဲ၌ ရုပ်ရှင်ဧကရာဇ်ဆုကိုရထားနှင့်ပြီးပြီ။ ထိုနှင့်တစ်နှစ်တည်း ကမ္ဘာ့စာပေကွန်ရက်တွင်လည်း နတ်ဘုရားအဖြစ်သတ်မှတ်ခံခဲ့ရ၏။ ရွှယ်လင်ရထားသည့်ဆုများနှင့်ယှဥ်ကြည့်ပါက ဘဝတဝက်လောက်က မည်သည့်အရာများလုပ်ခဲ့မိမှန်းပင်မသိနိုင်တော့။

ရွှယ်လင်မှာ ထျန်းရွှမ်နှင့်ဟွားရှအကြားတွင် လွန်ဆွဲနေစဥ် စနစ်က သူ့အားနောက်ထပ်အကြောင်းတစ်ခုပြပြီး အကြံပေးလာပြန်သည်။

"ဟွားရှရဲ့အကောင်းဆုံးအရင်းအမြစ်အများစုက လက်ရှိအချိန်မှာ ရုပ်ရှင်ဧကရာဇ်ဇီအန်းပေါ် အာရုံစိုက်နေတယ်...မင်းဘယ်လောက်တော်ပါစေ...ဟွားရှမှာဆိုရင် အောက်ခြေကစရမှာပဲ..အမြန်အောင်မြင်လာဖို့ဆိုတာ အိပ်မက်ထဲမှာပဲရမယ်..."

နောက်ဆုံးတွင် ရွှယ်လင်သည် ထျန်းရွှမ်ကိုသာရွေးချယ်လိုက်၏၊ သို့သော် ပြဿနာမှာ သူသွားချင်နေကာမှ အေဂျင်စီကလူသစ်မခေါ်သေးပေ။ ထျန်းရွှမ်၏လိုအပ်ချက်များက မြင့်မားလွန်းသည်။ နှစ်တိုင်း လူသစ်များခေါ်တတ်သော်လည်း အနည်းငယ်သာဝင်ခွင့်ရ၏။ ၎င်းတို့က မေးခွန်းထုတ်စရာမရှိအောင်တော်လွန်းသည့် ပြီးပြည့်စုံနေသူကိုသာလက်ခံသည်။ ယင်းက စူးလျို့နျန်နီးပါးတော်ကာ တန်းပြီးဆုရနိုင်မည့်လူမှ ဝင်ရောက်နိုင်မည့်ပုံစံဖြစ်နေ၏။

ရွှယ်လင်သည် စူးရွှမ်းချင်က ပါးစိပါးစပ်မများမှန်းသိသော်လည်း လက်ရှိရွေးချယ်ရာတွင် ထိုကုမ္ပဏီကသူသွားချင်နေသည့်နေရာဖြစ်ပြီး အနာဂတ်တွင်လည်း ထိုနေရာကိုသာသွားချင်ပေသည်။

သူသည်ကား ပကတိလွတ်လပ်မှုကိုလိုချင်ပြီး ထျန်းရွှမ်က ၎င်းကိုသေချာပေါက်ပေးနိုင်လိမ့်မည်။

"ငါမင်းကိုမနေ့က အချက်အလက်တွေပို့ပေးပြီးပြီနော်..."

Host ၏သဘောတူညီချက်ကိုရပြီးသည်နှင့် စနစ်က လိုအပ်သည်များကို ချက်ချင်းလုပ်ဆောင်ပြီးကြောင်း စောင်းပါးရိပ်ခြေပြောပြလိုက်သည်။ ရွှယ်လင် နှာရှုံ့လိုက်၏။ ယင်းက စနစ်အတွက်ပုံမှန်လုပ်နေကျအတိုင်းပင်။

"သွားကြမယ်...အရင်စာချုပ်ကို သွားဖျက်ကြမယ်...."

ရွှယ်လင်က စနစ်ကိုဘာမှပြန်မပြောပေ၊ အပြင်ကိုအရင်ထွက်ကာ ကိစ္စများကိုဖြေရှင်းရန်ပြင်လိုက်ပြီး သူ၏ကိုယ်ပိုင်လွတ်လပ်ခွင့်ကိုပြန်ယူရမည်။ အဝတ်ဗီရိုကိုဆွဲဖွင့်လိုက်ပြီး သူ၏ယခင်ကအကြိုက်အတိုင်း အကဲခတ်နေသလို အထဲမှအဝတ်များကိုခဏကြာအောင်စိုက်ကြည့်နေလိုက်လေသည်။ မြင်ရုံနှင့်ကြက်သီးထဖွယ်ကောင်းသည့် အဝတ်များကို ဆွဲဖယ်ပစ်ပြီး သူနှင့်လိုက်ဖက်မည့် အရိုးရှင်းဆုံးအဝတ်အစားကို ရွေးချယ်လိုက်သည်။ ဝတ်ဆင်မှုကရိုးရှင်းပြီး သက်သောင့်သက်သာရှိသည်၊ မည်သူကမှ သူ့အကြိုက်ကိုဆိုးရွားသည်ဟု ဝေဖန်ကြမည်မဟုတ်။

မည်သူကမှလည်း သူဝတ်လာသည့်အဝတ်အစားကို ဂရုစိုက်နေကြမည်မဟုတ်။

သူ့မျက်နှာကို အပြည့်နီးပါးဖုံးသွားနိုင်လောက်မည့် နေကာမျက်မှန်ကို ရွေးတပ်ပြီးသည့်အခါ ရွှယ်လင်သည် အိမ်မှထွက်လာပြီး ရှပ်ပြေးယာဥ်လေးဖြင့် ကုမ္ပဏီသို့ထွက်လာခဲ့လေ၏။

စာချုပ်တွင်ပါသည့်အချက်အလက်များက ရိုးရှင်းပါသည်။ တဖက်ကလည်း ရွှယ်လင်အနေဖြင့် အနုပညာလောကတွင် ဆက်မနေချင်တော့ကြောင်း ယုံကြည်သွားပုံရ၏။ မည်သို့ပင်ဖြစ်စေ စာချုပ်သက်တမ်းကုန်သွားပြီးတည်းက စာချုပ်ကအကျုံးဝင်တော့မည်မဟုတ်ဘဲ ကုမ္ပဏီကလည်း သူကဲ့သို့သော အင်တာနက်ကြယ်ပွင့်လေးကို ခပ်ခဲစေမည်မဟုတ်ဘဲ အေးဆေးသာလွှတ်ပေးလိုက်သည်။

ရွှယ်လင်ပြန်ထွက်လာသည့်အခါ လမ်းတွင် စူပါမားကတ်သို့ဝင်ပြီး အဆာပြေမုန့်ထုပ်များနှင့် သူ့အတွက် လိုအပ်မည့်ပစ္စည်းများကို ဝယ်ကာအိမ်ပြန်လာခဲ့သည်။

စားသောက်ရန်အတွက် သူမှတ်မိသလောက် မရေမရာဖြင့်ချက်ပြုတ်လိုက်၏။ ရွှယ်လင်သည် ယခင်က ချက်ပြုတ်ခဲ့ဖူးသည့်အတွေ့အကြုံနှင့်ပတ်သတ်ပြီး သူ့ကိုယ်သူမဝေဖန်ချင်ဘဲ အရသာတူမတူကိုလည်းမသိတော့ပေ။ အများအပြားပြောင်းလဲသွားခဲ့ပြီးနောက်ပိုင်း အချို့အရာများက အရေးမကြီးတော့ချေ။

နေ့လည်စာစားပြီးသည့်အခါ ရွှယ်လင်သည် မနေ့ကဇာတ်ညွှန်းကိုဖတ်ကြည့်ပြီး ပုံရိပ်ယောင်ကွန်ရက်ထဲမှ အသံသွင်းစတူရီယိုအတွင်းသို့ဝင်သွားလိုက်၏၊ ထို့နောက် ပေးထားသည့်ဇာတ်ညွှန်းအတိုင်း အသံသွင်းရန်စတင်လေ၏။ သူသည်မနေ့ကဇာတ်ညွှန်းနှင့်ပတ်သက်၍ အကျဥ်းချုံးမျှနားလည်ထားပြီဖြစ်သောကြောင့် ခံစားချက်အချို့သွင်းလိုက်သည်။ ဇာတ်ညွှန်းကိုဖွင့်ဖတ်ပြီး စမ်းသပ်ကြည့်ရန်ပြင်ဆင်လိုက်၏။

ကံကောင်း၍ မနေ့ကသူအသံသွင်းထားသည့် ဒရမ်မာရှိသေးသည်။ ရွှယ်လင်သည် တစ်ခုလုံးကိုပြန်ဖတ်ပြီး အသေအချာအသံပြန်သွင်းလိုက်၏။ အကြောင်းသည်ကား သူ့ထံတွင် ဇာတ်လမ်း၏ပဏာမသာရှိပြီး အားကိုးစရာ ဓာတ်ပုံရော၊ ပုံရိပ်ယောင်အကူအညီပါမရှိပေ၊ အသံသွင်းရာတွင် အားလုံးကရွှယ်လင်၏ ကိုယ်ပိုင်ဖန်တီးမှုအပေါ်တွင် မူတည်နေသည်။ ရွှယ်လင်အတွက် ဖန်တီးထားသည့်ကမ္ဘာကိုနှလုံးသွင်းနိုင်ရန်မှာ အကြိမ်ပေါင်းများစွာအားစိုက်ထုတ်ခဲ့ရပေ၏၊ သို့သော်လည်း ယခုမူ ဇာတ်ကောင်နှင့်အသားကျနေလေသည်။ ပထမဆုံးစမ်းသပ်မှုမှာပင် ပြီးပြည့်စုံသည်အထိလုပ်ရန်စီစဥ်ထားပြီး သူ၏အသံသည် တစ်ကြောင်းချင်းစီ ရွတ်သွားသည့်အချိန်တိုင်း စိတ်ထဲမှဇာတ်လိုက် gong ၏အသံအတိုင်း ပြန်လည်ဖန်တီးယူခဲ့သည်။

အဆင်ပြေချောမွေ့နေသော်လည်း သူအသံသွင်းနေခြင်းကိုမရပ်ခဲ့ချေ။ ရွှယ်လင်သည် ဒရမ်မာထဲတွင်သာစိတ်နှစ်ထားပြီး နေ့လည်ခင်းတချိန်တည်းနှင့်ပင် ဇာတ်ညွှန်းထဲမှသူ၏စကားပြောအားလုံးကို အသံသွင်းနိုင်ခဲ့သည်။ လုံးဝမထင်မှတ်ထားခဲ့သလို ခံစားရသော်လည်း ကြိမ်ဖန်များစွာအသံသွင်းခဲ့ပြီး အဆင်မပြေသည့်နေရာများကို ပြင်ဆင်မှုအချို့လုပ်ခဲ့သည်။

ရွှယ်လင်သည် ခဏမျှစဥ်းစားနေပြီးမှ အသံဖိုင်တစ်နေရာကိုဖြတ်ကာ နွေဦးဒလိမ့်တုံးထံပို့ပေးလိုက်သည်။

နွေဦးဒလိမ့်တုံးသည်ကား လိုင်းပေါ်တွင်ရှိနေ၏။ အသံဖိုင်ရပြီးသည်နှင့် မမြင်ရသည့်အနမ်းခပ်ကြီးကြီးပေးလာပြီး ၎င်းအတိုအထွာလေးကို နားထောင်နေလေသည်။

ထို့ကြောင့် ရွှယ်လင်သည်လည်း ရေတစ်ခွက်သောက်ပြီးစောင့်နေလိုက်၏။ ထို့နောက် နွေဦးဒလိမ့်တုံးထံမှပြန်စာတစ်စောင်ရောက်လာသည်။

[နွေဦးဒလိမ့်တုံး: !!!! မြေခွေးလေး!!! မင်းပြောင်းလဲသွားပြီပဲ!!!]

[နွေဦးဒလိမ့်တုံး: မင်းကအခုမြေခွေးအိုကြီးဖြစ်သွားပြီ!!! နတ်ဆိုးမြေခွေး!! မြေခွေးအလှလေး!!!]

[နွေဦးဒလိမ့်တုံး: မင်းကငါသိထားတဲ့မြေခွေးလေးမဟုတ်တော့ဘူး!!]

[နွေဦးဒလိမ့်တုံး: ဒါပေမဲ့ ငါအခုအရမ်းပျော်တယ်! မြေခွေးလေး! မင်းကအတော်ဆုံးပဲ!!! ငါ မင်းကိုအဖွဲ့ထဲထည့်ပေးမယ်!!! ဒါရိုက်တာရော ကျန်တဲ့လူတွေရော အားလုံးကမင်းကိုကြိုဆိုပွဲလေး လုပ်ပေးချင်နေကြတာ!!!]

[နွေဦးဒလိမ့်တုံး: အိုး....မင်းရဲ့ပိုစတာတစ်ပုံကိုဒေါင်းလုတ်ဆွဲပြီး လျက်ပစ်လိုက်တော့မယ်!!!]

[နှင်းမြေခွေးလေး: ......]

မည်သည့်ပြဿနာမှရှိပုံမရပေ။ သူသည်ကား အသံသွင်းရုံမှလွဲပြီး ဘာမှလုပ်ခဲ့ခြင်းမရှိ၊ အသံသွင်းနေစဥ် သူခံစားခဲ့သမျှအတိုင်းလုပ်လိုက်ခဲ့ရုံသာရှိသည်၊ ဖြစ်နိုင်သည်က ဒရမ်မာက သူ၏အသံသွင်းသည့်စွမ်းရည်ကိုပါ တိုးတက်စေခဲ့ခြင်းပေလား?

စနစ်ပြောခဲ့သည့်အတိုင်းဖြစ်နိုင်သည်၊ ယခု သူသည် အနုပညာလောကကို တိုက်ခိုက်ရန်ခွန်အားများရှိနေပြီး ရုပ်ရှင်ဧကရာဇ်ကလည်းထွက်ပေါ်လာပြီ၊ ပြီးနောက် အရပ်ရှည်ခန့်ညားသည့် ဘောစိတစ်ယောက်ကို လက်ထပ်မည်။

ခဏလေး...ဘာကိစ္စနဲ့ အရပ်ရှည်ခန့်ညားတဲ့ဘောစိတစ်ယောက်ကို လက်ထပ်ရမှာလဲ?

ဒါက သူလုပ်ရမယ့်ဟာလား? ဒီမျက်နှာကိုကြည့်လိုက်ရင် ဘာလို့တစ်ခုခုမှားနေသလို ခံစားရတာလဲ?။

Prev Next