MM Story Teller

Chapter 214(Arc 14 start)

Viewers 32k

🦊Arc 14 - ဖျော်ဖြေရေးလောကကို တန်ပြန်တိုက်ခိုက်ခြင်း

Chapter 214

14.1 - စားသောက်ဖို့အတွက် သူ့မျက်နှာလေးကိုပဲအားကိုးနေရတာလေ..ဒါကြောင့်ပေါ့...

ဤကမ္ဘာသည်ကား ခေတ်ရေစီးကြောင်းအလိုက်ကျယ်ပြန့်သော အနုပညာလောက၏ ဈေးကွက်အစိတ်အပိုင်းဖြစ်ပြီး အကျော်အမော်များစွာ စုဝေးထားပေသည်။ ယခုကဲ့သို့သော အသိုင်းအဝိုင်းတွင် အနုပညာလောကမှလူတိုင်း အလွန်အမင်းနာမည်ကြီးလှပြီး ရုပ်ရှင်မင်းသား၊ ကြယ်ပွင့်များ၊ စာရေးဆရာ သို့မဟုတ် အနုပညာလောကအတွင်းရှိနေသူများအားလုံးမှာ အားပေးထောက်ခံမှုနှင့် လေးစားမှုတို့ကို ရရှိကြသည်။

ထို့အတူ အသိုင်းအဝိုင်းကြီးသောလူအများအပြားလည်းရှိသည်။ စည်းဘောင်ကန့်သတ်ထားသောမိသားစုများအတွင်း အလွန်တရာရှင်းလင်းပြတ်သားသော ခွဲခြားမှုများကိုချမှတ်ထားကာ ထိုအကြည်ညိုခံအုပ်စုကပင် လောကကြီးအား စိုးမိုးထားခဲ့သည်။ သာမန်မိသားစုများက မိသားစုခုနစ်စုအကြောင်းနှင့် ၎င်းတို့၏မိသားစုအလုပ်အကိုင်ကို ဂဃနဏမသိကြသော်ငြား ထိုမိသားစုများ၏ အမျိုးစုံလှသောကောလဟလများက ဟွားပြည်၏ အမြင့်ပိုင်းအသိုင်းအဝန်းများကြားတွင် ပျံ့နှံ့နေခဲ့၏။

ရွှယ်လင်က ထိုအရာများနှင့်အလွန်တရာဝေးကွာလှသည့်နေရာတွင် ရှိနေရသည်။ သူသည်ကား ထိုအသိုင်းအဝိုင်းအတွင်းဘက်မှ ခုန်ထွက်လာပြီး အင်မတန်သေးငယ်သော ကြယ်လေးတစ်ပွင့်ဖြစ်လာခဲ့သည်.....?။

အဘယ်ကြောင့် 'ကြယ်ပွင့်' ဟူသောစကားလုံးအနောက်တွင် အမေးသင်္ကေတပါနေရမှန်း သူကိုယ်တိုင်လည်းမသိပေ။ သူ၏ကိုယ်ပိုင်ပုံရိပ်အစစ်အမှန်ကို သံသယဝင်နေမိ၍လည်းဖြစ်နိုင်သည်။ နံနက်ခင်းတစ်ခုတွင် သူနိုးထလာရပြီး လုံးဝမရင်းနှီးနေသော ကမ္ဘာတစ်ခုတွင်ရှိနေကြောင်းသိလိုက်ရသည်။ ထို့နောက် သူသည် 'အနုပညာလောကလျှပ်တပြက်တိုက်ခိုက်မှုစနစ်' ဟူသောအရာနှင့် တွဲနေကြောင်းသိလိုက်ရကာ ရွှယ်လင်ကို အင်မတန်စိတ်ရှုပ်သွားစေခဲ့သည်။

ကံကောင်းသည်မှာ ခေါင်းအုံနေ၍ အနည်းငယ်ခန့် အူကြောင်ကြောင်ဖြစ်နေရုံသာ၊ မကြာခင်မှာပင် သူ၏ပုံစံနှင့်လုပ်ဆောင်ရမည့်အရာကို အတိအကျသိလိုက်ရချေသည်။

နောက်ဆုံးဆန်းစစ်ချက်အရ အရာအားလုံးမှာ ရွှယ်လင်ဆယ့်ရှစ်နှစ်ပြည့်ချိန်တွင် စတင်ခဲ့သည်။ မိဘမဲ့ကလေးတစ်ယောက်အနေဖြင့် သူသည်အမှီအခိုကင်းပြီး အလုပ်ကြိုးစားသော 'အင်တာနက်ကြယ်ပွင့်လေး' ဖြစ်လာခဲ့၏။ အသက်ဆယ့်ရှစ်နှစ်အရွယ်အရောက်တွင် မိဘမဲ့တစ်ယောက်ဆိုသောအချက်ကြောင့် ရသင့်သောအထောက်အပံ့ကို ဆုံးရှုံးလိုက်ရပြီး အွန်လိုင်းအသံသရုပ်ဆောင်အဖြစ် အနည်းငယ်ခန့်ကျော်ကြားမှုရရှိခဲ့သည်။ သူ့အားသိသွားကြပြီးနောက် သူ့ရုပ်ရည်ကိုကျေးဇူးတင်မိသွားရသည်၊ အေဂျင်စီနှင့်စာချုပ်ချုပ်ပြီး နောက်ကွယ်နေရာမှစတိတ်အရှေ့သို့ထွက်ပေါ်လာခဲ့၏။ အမှန်တွင် သူသည် အသံသရုပ်ဆောင်နယ်ပယ်၌ အံ့ဩလောက်ဖွယ် 'နတ်ဘုရားတစ်ပါး' မဟုတ်သေးသည့်တိုင် မျက်နှာလေးဖြင့်တွဲကြည့်ပါက လူအများစုကိုခြောက်လခန့်(ခဏတာ)မျှ နတ်ဘုရားဟုယုံမှတ်သွားစေနိုင်သည်။

ပုံမှန်အားဖြင့် သူသည်ပြိုင်ဘက်ကင်းရုပ်ရည်ကြောင့် အသက်ရှင်နေထိုင်နိုင်ခဲ့သည်။ သူ၏အောင်မြင်မှုအတွက် ရုပ်ရည်ကိုသာအမြဲအားကိုးခဲ့ရသည်ပင်။

သူသည် အေဂျင်စီမှအလုပ်ပေါင်းများစွာကို လက်ခံရခဲ့သည်၊ သူ့ထံတွင် သရုပ်ဆောင်စွမ်းရည် ကင်းမဲ့နေခြင်းမျိုးမဟုတ်သောကြောင့် ဇာတ်ပို့နေရာများတွင် ပါဝင်ခဲ့ရသည်။ သည့်အပြင် သုံးရာ့ခြောက်ဆယ့်ငါးဒီဂရီပတ်ကြည့်လျှင် ခြောက်ပြစ်ကင်းသဲလဲစင် ချောမောနေသောလူများသည် မည်သည့်နေရာ၌ပင်ရှိပါစေ၊ မျက်စိထဲတွင် အဆင်ပြေနေမည်ပင်။

သူသည် နာခံတတ်ပြီးထက်မြက်ကာ အခြားသူများကိုစိုးရိမ်ပူပင်အောင်မလုပ်တတ်၍ လူအများစုကသူ့အပေါ် ကောင်းသည့်အမြင်တစ်မျိုးရှိကြ၏။သို့သော် အချို့ဒါရိုက်တာများက သူ၏သနားကမားရုပ်ရည်လေးကို အချည်းနှီးဖြစ်စေသည်ဟု ထင်မြင်ခဲ့ကြလျှင်ပင် သူ၏သရုပ်ဆောင်စွမ်းရည်အပေါ် မျှော်လင့်ချက်အလွန်အမင်းထားနေသူမရှိပေ၊ သို့ဖြစ်၍ သူ့လက်ထဲရောက်လာသည့်ဇာတ်ညွှန်းများက သရုပ်ဆောင်စွမ်းရည်လုံးဝမလိုအပ်ဘဲ သူရှိနေရန်သာလိုအပ်ပေ၏။

ယေဘူယျအားဖြင့် သူ၏ဘဝသည် အတက်အကျသိပ်မရှိ။ သူ့ကိုယ်သူ နှစ်နှစ်ကြာကယ်တင်ခဲ့ပြီးသည့်နောက် ထိုအသိုင်းအဝိုင်းမှထွက်သွားရသော်လည်း ယခုကအချိန်မကျသေးချေ။ မည်သည့်အရာများပင်ဖြစ်လာပါစေ၊ အနုပညာလောက၏နာမည်ကြီးအဝန်းအဝိုင်း၏အောက်ခြေမှ ဝင်ရောက်ခဲ့ပြီး ပရိသတ်များစွာရှိသည်ဟုလည်း ယူဆရသည်။ သူ၏ကုမ္ပဏီက သူ့ကိုလက်လျှော့လိုက်မည်မဟုတ်သလို မောင်းထုတ်မည်လည်းမဟုတ်၊ ထို့အပြင် သူ့ထံ၌တစ်ကိုယ်ရေအစီအစဥ်များမရှိသေး၍ ယခုတော့အေးဆေးနေနိုင်လေသည်။

ဤသို့သော သာမညောင်ညအခြေအနေအလယ်တွင်နိုးထလာခဲ့ပြီးနောက် ရွှယ်လင်သည် 'အနုပညာလောက လျှပ်တပြက်တိုက်ခိုက်သည့်စနစ်' နှင့်ချိတ်ဆက်ထားပြီးဖြစ်ကြောင်း သိလိုက်ရသည်။

ယင်းခံစားချက်က အတော်လေးထူးဆန်း၏။ ထိုမနက်ခင်းမှစပြီး သူ့ကိုယ်သူနှင့်ဝေးကွာနေသည့်အရာတစ်ခုရှိနေသလိုခံစားခဲ့ရသည်။ အထူးသဖြင့် စနစ်ကသူ့အားချိုသာရွှင်ပျစွာနှုတ်ဆက်လာကာ ၎င်း၏အသုံးဝင်ပုံများကိုပြောပြလာသည့်နောက် ရွှယ်လင်မှာ ပါးလျသောရင်းနှီးကျွမ်းဝင်မှုကို ဖော်ပြမရသည်အထိခံစားလိုက်ရသည်။

၎င်းကပင် ရွှယ်လင်ကို ပစ်ပစ်ခါခါငြင်းဆန်မည့်အစား စနစ်၏ပေါက်ပန်းလေးဆယ်စကားများကို နားထောင်ချင်စိတ်ဖြစ်လာစေခဲ့သည်။

စနစ်၏လုပ်ဆောင်ချက်က သူ့နာမည်အတိုင်းပင်။ ၎င်း၏ရည်ရွယ်ချက်ကိုက 'လျှပ်တပြက်တိုက်ခိုက်ခြင်း' ဖြစ်ပြီး တိုက်ခိုက်ရမည်က အနုပညာလောကပင်။

အင်မတန်ပျော်စရာကောင်းသည့်ခံစားချက်ဖြစ်သည်။ ရွှယ်လင်မှာ 'မင်းအနုပညာလောကကိုအုပ်စိုးသင့်တယ်' ဟုပြောလာသူက စနစ်တစ်ခုဖြစ်နေမည်ဟု မမျှော်လင့်ထားခဲ့ပေ ယင်းက မြေခွေးပေါက်လေးနှင့်ပင်တူနေလေသည်။ ၎င်း၏ ပုံသဏ္ဍာန်အစစ်အမှန်ဟုတ်ပုံမရချေ၊ သို့သော် ၎င်းနှင့်ရင်းနှီးနေပြီး သူ၏စရိုက်နှင့်လည်း ကိုက်ညီမှုရှိသည်။

စနစ်က သူ့အားအရည်မရအဖတ်မရများပြောလာလျှင်ပင် ရွှယ်လင်က ဒေါသထွက်မိမည်မဟုတ်ပေ။

ကောင်းကင်ဘုံက သူ့ထံတွင်သရုပ်ဆောင်စွမ်းရည်မရှိကြောင်းသိသော်လည်း စနစ်ကမူ သူ့အား မိုးပေါ်ရောက်သည်အထိ မြှောက်ပင့်နေခဲ့သည်။ ရွှယ်လင်သည်ကား အော်ဂလီဆန်သလိုမခံစားခဲ့ရဘဲ သူကိုယ်တိုင်ပင် စိတ်ထဲမှကျိတ်ပြီး ဖြစ်သင့်သည်ဟုတွေးနေမိသေးသည်။

ဤအချိန်မှာ ရွှယ်လင်အနားယူနေသည့်ကာလဖြစ်သည့်တိုင် သည်တစ်ကြိမ်တွင် ပျင်းရိမနေတော့ပေ။ မူလအစီအစဥ်များအတိုင်း ဤအချိန်အခါတွင် သူအွန်လိုင်းပေါ်တွင်တင်ထားခဲ့သည့် အသံဖိုင်များကို အပြီးသတ်ရန်ရည်ရွယ်ထားခဲ့သည်။ ရွှယ်လင်သည် စကားများနေသောစနစ်ကို လျစ်လျူရှုထားပြီး တည်ငြိမ်စွာပင်အသံဖမ်းရန်ပြင်လိုက်၏။

အသံသွင်းရာတွင် သူ့အတွက်အမြင်မရှိရသည့်အကြောင်းအရင်းကို မသိသော်လည်း မန်နေဂျာပို့ပေးလိုက်သည့် ဇာတ်ညွှန်းကို တည်ငြိမ်စွာဖြင့်ဖွင့်ကြည့်လိုက်ကာ၊ အမြင်တုကွန်ရက်အတွင်းမှ ကိုယ်ပိုင်သီးသန့်အခန်းသို့ဝင်လိုက်ပြီး စတင်အသံသွင်းလိုက်၏။

ရွှယ်လင်သည် သူ့ကိုယ်သူသဘောပေါက်နားလည်ထား၍ ဒရမ်မာများတွင် မပါဝင်ခဲ့ဖူးသောကြောင့် အသံသွင်းရာတွင် စင်းလုံးချောနေမည်မဟုတ်မှန်းသိနေခဲ့သည်။

သူ ဇာတ်ညွှန်းကို အပြန်ပြန်ဖတ်ကြည့်ပြီး အချိတ်အဆက်မရှိမှုနှင့် ထူးဆန်းမှုတို့ပျောက်သွားသည်အထိ အကြိမ်ပေါင်းများစွာလေ့ကျင့်ပြီးမှ အသံသွင်းခဲ့သည်။ အချိန်အများစုတွင် ဇာတ်လမ်း၏အနောက်ပိုင်း ရောက်လာသည်နှင့် ထူးဆန်းမှုက မှေးမှိန်သွားရာမှ ပျောက်သွားသော်လည်း မကြာခဏဆိုသလို စိတ်ကြီးဝင်နေသလိုရော အခြားခံစားချက်များကိုပါ မပြသနိုင်အောင် ဝေဖန်မှုခံခဲ့ရသည်။ သူဇာတ်ကောင်ကို ပေါ်လွင်အောင်မထုတ်ပြနိုင်သည့်အခါ တာဝန်ကို ပြီးမြောက်အောင်လုပ်နိုင်မည်မဟုတ်တော့။

သို့ထိတိုင် သူကချောမောနေ၍ကိစ္စမရှိ! ပရိသတ်များကပြောကြလိမ့်မည်: နှင်းလိုဖြူစွတ်နေတာပဲ...ရပါတယ်~မွ~ မင်းကရုပ်လေးနဲ့လိုက်အောင်နေရင်ရပြီ~ အေးဆေးလုပ်!

သို့သော် ရွှယ်လင်သည် ထိုပြစ်ချက်ရှိနေသော်လည်း သုံးနာရီအတွင်း နေရာသုံးခုတွင်သရုပ်ဆောင်ခဲ့သည်။

၎င်းကအဓိပ္ပါယ်မရှိပေ။

ရွှယ်လင်သည် သူ့ကိုယ်သူ အလွန်ထူးဆန်းနေသလို ခံစားလိုက်ရပြီး သူ့ခန္ဓာကိုယ်ကို တစ်ခုခုကပိုင်ဆိုင်ထားသလို သို့မဟုတ် တစ်ခုခုဝင်နေသလို ခံစားရသည်။ သို့သော်လည်း စနစ်က တုံးအဟန်ဆောင်ကာအလုပ်များနေသည်အပ မည်သည့်အရာမှမှားယွင်းနေခြင်းမျိုးမရှိ။

ထို့အပြင် စနစ်ရှိနေသည်က သူ့အတွက် ထူးဆန်းနေသလိုခံစားချက်မျိုးမရှိသည့်အပြင် သူက ပေးထားသည့်အတိုင်း သဘာဝကျစွာဖြင့် လက်ခံနေခဲ့ခြင်းပင်ဖြစ်သည်။

ယခင်က ဇာတ်ညွှန်းကိုသုံးလေးခါခန့်ဖတ်လျှင်ပင် ခံစားချက် အမူအရာကို နားမလည်ပေ။

သို့သော်လည်း ယခုတွင်မူ ဇာတ်လိုက်၏ ခံစားချက်ကိုအသံဖြင့်ဖော်ပြပြီး စံနှုန်းသတ်မှတ်ချက်ကမည်မျှပင်ဖြစ်နေပါစေ အရေးမပါသလိုမျိုး အသံသွင်းရာတွင်လည်း အပြစ်ရှာ၍ပင်မရနိုင်ပေ။ ရွှယ်လင်သည် ဇာတ်ကောင်သုံးနေရာတွင် ထူးဆန်းသည့်စိတ်အခြေအနေဖြင့် အသံသွင်းခဲ့ပြီး နောက်ဆုံးတွင်မူ မှားနေသည့်အရာရှိနေကြောင်း သဘောပေါက်သွားခဲ့သည်။

အသံသွင်းရာတွင် ပြောနေသူကိုယ်တိုင် အမှားရှာမတွေ့နိုင်လျှင်ပင် နားထောင်သည့်အခြားသူများကရှာတွေ့နိုင်သည်မဟုတ်လား။ ထို့ကြောင့် တစ်ပုဒ်တည်းနှင့်အပြီးလုပ်နိုင်မည့် ဇာတ်လမ်းကိုအသံသွင်းကြည့်ပြီး ကိုယ့်အသံကိုနားထောင့်ကြည့်ကာ အပြောင်းအလဲအနည်းငယ် လိုအပ်နေသည်ဟုတွေးမိလိုက်သည်၊

ထို့နောက် မန်နေဂျာထံ ဇာတ်ညွှန်းပို့ပေးလိုက်၏။ မန်နေဂျာ၏တုံ့ပြန်မှုကိုကြည့်ပြီး ပြဿနာရှိနေသည့်နေရာကိုသူသိချင်ခဲ့သည်....တစ်ရက်တည်းနှင့်အဖြေသိနိုင်ပြီး ကျွမ်းကျင်မှုအဆင့်အထိမရောက်နိုင်သော်လည်း တစ်ခုကိုသာပြီးမြောက်အောင်လုပ်နိုင်လျှင် အရာအားလုံးပြည့်စုံသွားလိမ့်မည်ဟု သူယုံကြည်ထားလေ၏။

[နွားနို့မပါတဲ့ကော်ဖီ: !!! ဘုရားရေ!!! အရှင်မြေခွေး!!! တကယ်ကိုမင်းလား!!! တခုခုတော့လွဲနေပြီထင်တယ်!!!]

ရွှယ်လင် မန်နေဂျာ၏ပြန်စာကိုကြည့်ပြီး သူ့ကိုယ်သူလည်းမဟုတ်သေးဘူးဟု ခံစားလိုက်ရသည်။

သို့တစေ သူသည် တည်တည်ငြိမ်ငြိမ်ဖြင့်စာပြန်လိုက်ပါ၏။ [နှင်းမြေခွေး: ဘာဖြစ်လို့လဲ?]

[နွားနို့မပါတဲ့ကော်ဖီ: အကြီးဆုံးပြဿနာက ဘာမှမဖြစ်သေးတာပဲ!!! မင်းသွင်းထားတဲ့အသံက ဘာပြဿနာမှမရှိဘူး!! ဘုရားရေ...မင်းအတော်လေးကြိုးစားခဲ့ရမှာပဲ..မင်းဒီလိုရလဒ်မျိုးရဖို့ အကြိမ်ရေမနည်းအသံသွင်းခဲ့ရမှာ!!! ကျေးဇူးတင်စရာပဲ..မင်းလို ဇာတ်ကောင်အသေးလေးတွေက ဒီလောက်အထိလုပ်စရာမလိုဘူး..ငါတော့မဒမ်ရဲ့သဘောကောင်းမှုကြောင့် စိတ်လှုပ်ရှားသွားပြိ~ ဝူးဝူးဝူး~]

ရွှယ်လင် သူမ၏ စိတ်လှုပ်ရှားနေဟန်စာကိုကြည့်ပြီး တကယ်ကိုထူးဆန်းနေပြီမှန်း ချက်ချင်းသိလိုက်၏။ [နှင်းမြေခွေး: တခေါက်တည်းလုပ်လိုက်တာ....]

[နွားနို့မပါတဲ့ကော်ဖီ: မဒမ်! ဆက်မပြောပါနဲ့တော့! ကျွန်မမယုံဘူး...မဒမ်က အစဥ်းစားတတ်ဆုံးပဲဆိုတာ ကျွန်မသိတယ်..အသံဒရမ်မာမှာ ဒီလောက်ကြိုးစားပေးတာကိုပဲကျေးဇူးတင်နေပါပြီ..နောက်တခါမှာ ကောင်းတဲ့ဇာတ်ရုပ်နဲ့ မဒမ်ဆီပြန်လာခဲ့ပါ့မယ်!!! မိတ်ဆွေဟောင်းတွေဆီမှာ မဒမ်အကြောင်းကိုချီးကျုးဖို့လိုနေပြီ ~ မဒမ်ကအရမ်းအံ့ဩစရာကောင်းတာပဲ!!!] (ဘာလို့ မဒမ်လဲတော့မသိ🤧)

ထို့နောက် ရွှယ်လင်မှာ မိန်းကလေးထံမှ မည်သည့်ပြန်စာကိုမျှမရတော့ပေ။ ခဏခန့်ငြိမ်နေပြီးနောက် ရွှယ်လင်မှာ အသံသွင်းသည့်အခန်းထဲသို့ ပြန်ဝင်သွားခဲ့သည်။ သူ့လက်ထဲတွင်ဇာတ်ညွှန်းဆယ်ခုရှိပြီး တဝက်ခန့်က ဇာတ်ကောင်အသေးလေးများသာ၊ သုံးခုက အရံဇာတ်ကောင်များဖြစ်ပြီး ကျန်နှစ်ခုက အဓိကဇာတ်လိုက်များဖြစ်သည်။ မူလက အရင်ရောက်လာသည့်ဇာတ်ညွှန်းကို ဖတ်ရန်စီစဥ်ထားခဲ့သည်။

အရင်က ရွှယ်လင်သည် ဘယ်တော့မှတထိုင်တည်းနှင့် အပြီးမဖတ်နိုင်သော်လည်း ယခုမူ ထူးခြားသည့်စွမ်းရည်ရလာခဲ့သည်၊ မနက်ဖြန်တွင် ၎င်းစွမ်းရည် ပျောက်ကွယ်သွားမည်ကိုပင် စိုးရိမ်နေခဲ့၏။ထို့ကြောင့် တနေ့လည်ခင်းလုံးနှင့်ညရောက်သည်အထိ အသံသွင်းနေခဲ့ပြီး ဇာတ်ညွှန်းများအားလုံးကို အပြီးဖတ်ရန်စီစဥ်ထားခဲ့သည်။

ရွှယ်လင်သည် ယခင်ပြောခဲ့ဖူးသည့်ဇာတ်ကောင်များအလိုက် မန်နေဂျာများအားလုံးထံသို့ အသံဖိုင်များပို့ပေးခဲ့သည်။ အားလုံးပြီးစီးသွားသည့်နောက်ဆုံး အနားယူရန်အချိန်ရလာပြီး ပုံရိပ်ယောင်ကွန်ရက်မှထွက်ခွာလိုက်သည်။ ထို့နောက် မတ်တပ်ရပ်လိုက်ကာ အပြင်ထွက်ပြီးရေချိုးလိုက်၏။

သူ၏သဘောအတိုင်း စားသောက်ပြီးနောက် အနားယူလိုက်သည်၊ နောက်တဖန် နာနိုကွန်ပျူတာကိုဖွင့်လိုက်ရာ မင်ဆေ့ချ်တစ်ပြုံကြီးကို စာပြန်ရသည်။ ကံကောင်း၍ သူ၏နာနိုကွန်ပျူတာက လုပ်ဆောင်ချက်ကောင်းများရှိပြီးမပေါက်ကွဲသွားပေ။

မန်နေဂျာတိုင်းက အွန်လိုင်းပေါ်တက်ရန်အချိန်ရှိကြသည်မဟုတ်သော်ငြား ကြယ်ငါးပွင့်အဆင့်အသံဖိုင်ကို ရပြီးကြသည့်အခါ စိတ်လှုပ်ရှားပြီး ရွှယ်လင်နှင့်အတူ အိပ်ချင်ကြလွန်း၍ အိမ်ကိုအပြေးလာချင်သူများရှိနေကြသည်။

သူ့အား စိတ်အနှောင့်အယှက်အပေးနိုင်ဆုံးသူက အသိုင်းအဝိုင်းထဲမှ သူငယ်ချင်းကောင်းတစ်ယောက်ပင်။ အနှီသူက ထိုလောကထဲတွင် နာမည်အကြီးဆုံးမန်နေဂျာဖြစ်ပြီး တစ်ချိန်တည်းနှင့် အသံပရောဂျက်အမျိုးမျိုးကိုကိုင်တွယ်ခဲ့သည်။ သူသည် ရုတ်တရက်ပင် အံ့အားသင့်ဖွယ်အရည်အသွေးဖြင့်အသံဖိုင် အများအပြားကိုရခဲ့ပြီး ချစ်စရာအသံအသေးလေးပိုင်ရှင်၏ မအသံကိုတည်းဖြတ်ခြင်းမရှိဘဲ နောက်ပိုင်းစတိတ်များထံတိုက်ရိုက်ပေးပို့ခဲ့သည်။

ယခု မန်နေဂျာအတွက် ရွှယ်လင်သည် ကမ္ဘာမြေပေါ်သို့သက်ဆင်းလာသည့် နတ်သားလေးဖြစ်လာပြီး အချစ်မပို၍မရနိုင်တော့ပေ။

ရွှယ်လင်သည် 'ဆယ်နှစ်တာ' ဆိုသော ကိုယ်ကျိုးမဖက်သည့်အဖွဲ့အစည်းမှ အဖွဲ့ဝင်ဖြစ်၏။ အဖွဲ့သည် အမျိုးမျိုးသောအသံဒရမ်မာများကို ထုတ်လုပ်ခြင်းမရှိ၊ မူလသီချင်းနှင့်ပြန်လည်သီဆိုသည့် သီချင်းများကိုသာ ဖန်တီးခဲ့သည်။ ထပ်လောင်းပြောရပါက သူတို့သည် cosplay များလည်းလုပ်ခဲ့သည်။ အွန်လိုင်းဒရမ်မာ၊ စွန့်ဦးတီထွင်မှုများအတွက် သံစဥ်များနှင့် စီးပွားရေးအရအသံသွင်းခြင်းမျိုး။

အဖွဲ့ထဲတွင် ရွှယ်လင်၏နေရာက သိပ်အရေးမပါပေ။ ထို့နောက် အဖွဲ့ထဲမှ နတ်ဘုရားများနှင့် နှိုင်းယှဥ်လိုက်လျှင် သူက ရုပ်သာရှိသည့်နတ်ဘုရားငယ်လေးသာ သည့်အပြင် အစွမ်းအစလည်းသိပ်မရှိ။ မန်နေဂျာနှင့်ဆက်ဆံရေးကောင်းနေ၍သာ ဇာတ်ကောင်နေရာအချို့ကိုရထားခြင်းဖြစ်သည်။

သို့သော် ထိုဇာတ်ကောင်နေရာများက လက်ခံနိုင်ရုံသာရှိပြီး သူနှင့်မထိုက်တန်သလိုပင်၊သို့သော်လည်း ထိုဇာတ်ကောင်လေးများကြောင့် ယနေ့အထိအဖွဲ့အစည်းထဲတွင် သူရှိနေခဲ့ရခြင်းဖြစ်သည်။

အကျိုးမဖက်သောအဖွဲ့အစည်းပင်ဖြစ်သော်လည်း 'ဆယ်နှစ်တာ' ၏ အကျိုးအမြတ်များက ကြော်ငြာလက်ခံရာမှရရှိသည်ဟုယူဆနိုင်ပြီး အွန်လိုင်းနှင့်အပြင်တွင်တွေ့ဆုံဆွေးနွေးခြင်းတို့ဖြင့် နားလည်မှုရယူနိုင်ခဲ့သည်။ ၎င်းတို့၏လုပ်ငန်းတွင် တာဝန်ယူမှုတို့ကိုလည်း ခွဲခြားထားပြီး အဖွဲ့ဝင်များအတွက် အကျိုးအမြတ်လည်း အတော်လေးကောင်းမွန်သည်။ နှစ်များကြာလာသည့်အခါ လူသစ်များလည်းရောက်လာပြီး အဖွဲ့ဝင်ဟောင်းများကလည်း ထွက်ခွာသွားကြသည်၊ အခြားသူများအပေါ် လွှမ်းမိုးနိုင်သည့်အဖွဲ့ဝင်ဟောင်းများဟူ၍ လက်တစ်ဖက်စာလောက်သာရှိလိမ့်မည်။

ရွှယ်လင် စတိတ်ရှေ့သို့ထွက်လာနိုင်ခြင်းသည်ကား ဆယ်နှစ်တာနှင့် ဆက်ဆံရေးကောင်းမွန်ခြင်းကြောင့်ဖြစ်ပြီး အဖွဲ့အစည်းထဲတွင် မြဲနေရသေးသည့် ဒုတိယမြောက်အကြောင်းအရင်းလည်းဖြစ်သည်။

သည့်အပြင် ဆယ်နှစ်တာက သူ့ကိုပုံမှန်ထက်ပိုသည့် အရေးပေးမှုများဖြင့်ဆက်ဆံခဲ့သည်။ ဤအရာက သူ့အား 'အိမ်' ဆိုသောခံစားချက်မျိုးကို ပထမဆုံးအနေဖြင့် ခံစားစေခဲ့ခြင်းပင်ဖြစ်သည်။ အတိတ်မှဖြစ်ရပ်များကြောင့် ရွှယ်လင်သည် အတော်လေးရယ်စရာကောင်းသလိုခံစားနေရသေးသော်လည်း ဆယ်နှစ်တာတွင် ရိုးရိုးသားသားဖြင့်ဆက်နေရန်ရွေးချယ်ခဲ့သည်။

ရွှယ်လင် သူ့မန်နေဂျာက ပင်မအဖွဲ့ထဲသို့ အူယားဖားယားပြေးသွားသည်ကို ကြည့်နေခဲ့သည်၊ သူမက သူ၏အသံဖိုင်ကိုပင်ဖြတ်တောက်ပြီး ရွှယ်လင်၏လေးစားဖွယ်အသံကိုပြသရန် မျှဝေခဲ့သည်။

အဖွဲ့ထဲမှလူအုပ်ကြီးက 'အို့မိုင်ဂေါ့ဒ်' ဆိုပြီး တုံ့ပြန်လာပုံကိုကြည့်နေရင်း ရွှယ်လင်၏နှုတ်ခမ်းများကတွန့်ကုန်သည်၊ ထို့နောက် သူသည် အဖွဲ့၏စကားပြောနေရာတွင် တိတ်တဆိတ်ရုပ်လုံးထွက်ပြလိုက်၏။

[ [cv] မြေခွေးလေး: ......အရင်က တကယ်ကြီးဆိုးခဲ့လို့လား?]

[ [cos] အရုဏ်ဦးတိမ်တိုက်: အာဟ..နောက်ဆုံးတော့မြေခွေးလေးထွက်လာပြီ..နွေဦးဒလိမ့်တုံးလေးက ကစားကွင်းတကွင်းလုံးပတ်ပြေးနေပြီးမှ မင်းကပေါ်လာတယ်..မင်းတကယ်ပဲ ဘယ်လိုပြန်အဖတ်ဆယ်ရမလဲသိတာပဲ~]

[ [cv] ] မြေခွေးလေး: တစ်နေ့လည်ခင်းလုံးအသံသွင်းနေခဲ့တာ..ပြီးတော့..အခုမှညစာစားပြီးသွားတာ]

[ [cv] ကောင်းကင်ဘုံအောက်ဝယ်: ??? မြေခွေးလေးက တနေ့လုံးအသံသွင်းနေတာလား? နွေဦးဒလိမ့်တုံးက ချပေးတဲ့တစ်ခုလား?]

[ [cv] မြေခွေးလေး: သတင်းကောင်းက ~ ကျွန်တော်အကြွေးတင်နေတဲ့အလုပ်တွေအကုန်လုပ်ပြီးသွားပြီ]

[ [ဒီဇိုင်း] လေ၊ ပန်းပင်၊ နှင်းသက်နဲ့လမင်း: မနေ့ညကပဲ မြေခွေးလေးက လုပ်ဖို့ဆယ်ခုတောင်ကျန်သေးတယ်ဆိုပြီး ညည်းညူနေခဲ့တာလေ၊ အခုအားလုံးပြီးသွားပြီလား]

[ [မန်နေဂျာ] နွေဦးဒလိမ့်တုံး: ငါ့ရဲ့ချစ်သူငယ်ချင်းနှင်းစက်လေးက ဒီမှာကိုး..မင်းကိုချစ်လွန်းလို့အာဘွားပေးလိုက်မယ် ~~ ဆိုတော့ နှင်းလေးက တစ်ညလုံးအသံသွင်းနေခဲ့တာပေါ့? မင်း အသံဖိုင်နှစ်ခုကို ပေးလိုက်တယ်လို့ ကော်ဖီလေးကပြောနေသေးတယ် ~ မြေခွေးလေး...မင်းရုတ်တရက်ကြီး ဉာဏ်အလင်းပွင့်သွားတာလား]

[ [cv] မြေခွေးလေး: ဒီလိုပါပဲ..ကျွန်တော်မနက်ဖြန်ထပ်ပြီး ဘလော့ခံရဦးမှာထင်နေတာ...မယုံနိုင်စရာကောင်းတာကို တွေ့သွားတယ်]

[ [မန်နေဂျာ] နွေဦးဒလိမ့်တုံး: ဒါဆို ဘယ်လိုလုပ်...မြေခွေးလေး..နောက်တစ်ခုယူလိုက် ~ ဘာကိစ္စမှမရှိဘူးဆိုရင် တကယ်ပဲပေါ့ ~ နောက်ကျရင် မြေခွေးလေးက အသံချိုချိုလေးနဲ့ အခြားအလှလေးတွေအကုန်ပေါင်းထားတဲ့ခပ်လှလှ မြေခွေးကြီးတစ်ကောင်ဖြစ်လာမှာ ~ ]

[ [cv] ကောင်းကင်ဘုံအောက်တွင်: .....နွေဦးဒလိမ့်တုံးရေ..မင်းသေချာမပြောနိုင်ဘူးလား? မင်းလက်သည်းတွေ ထုတ်ပြနေတာမလား? မင်းအခု ဒရမ်မာတစ်ခုကိုင်ထားပြီးတော့ မေ့လျော့နေသော က အရွေးခံလိုက်ရပြီလို့ကြေညာထားတာ မင်းသိရဲ့သားနဲ့....မြေခွေးလေးက မကောင်းတဲ့အလုပ်ရပြီး အမုန်းခံရရင်ဘယ်လိုလုပ်မလဲ]

[ [cv] မြေခွေးလေး: ဘာဒရမ်မာလဲ?]

ရွှယ်လင် သူ့အင်္ကျီကိုဆုပ်ကိုင်ထားလျက် အရှေ့တွင်မျောနေဆဲ စနစ်၏ဘေးမှ တာဝန်ဇယားကို ခိုးကြည့်လိုက်သည်၊ ၎င်းကို ခြိမ်းခြောက်နေသောမျက်လုံးဖြင့်ကြည့်ကာ စကားလုံးနှစ်လုံးကို ဖြည်းဖြည်းချင်းရိုက်လိုက်၏။

စနစ်က သူ့ကိုဒရမ်မာအားယူလိုက်ရန် ပြောနေခဲ့သည်......။

စနစ်သည် အနုပညာလောကကို လျှပ်တစ်ပြက်ဝင်တိုက်ရန် နာမည်ကြီးသည့်အင်တာနက်စတားဖြစ်လာရန် လိုအပ်သည်ဟု သတိပေးနေလေသည်.....။

ရွှယ်လင်မှာ အံ့အားသင့်သွားရလင့်ကစား စနစ်၏လမ်းညွှန်ချက်ကို ရိုးရိုးလေးလက်ခံခဲ့သည်....ဘာကြောင့်များ အနှီအရေးမပါသည့်စနစ်ကို အနည်းငယ်မျှပင်မယုံသင်္ကာ မဖြစ်မိမှန်း သူမသိတော့၊ အနုပညာလောကအပေါ်လွှမ်းမိုးရန် အနည်းငယ်ပင်စိတ်မဝင်စားမိသည့်တိုင် စနစ်ကပြောသည့်အတိုင်း လိုက်လုပ်နေမိ၍ ပို၍ပင်နားမလည်နိုင်ဖြစ်သွားသေးသည်။

သူ့အရှေ့တွင် ခင်းပေးထားသည့်လမ်းရှိနေပြီး တစ်ချက်ကြည့်ရုံဖြင့် ကောင်းစွာမြင်နိုင်သည်။

ဒါကဒရမ်မာမှာ သရုပ်ဆောင်ရမှာပဲမဟုတ်ဘူးလား ~။

Prev Next