MM Story Teller

Chapter 208

Viewers 32k

🦊Arc 13 [စွမ်းအင်ကျောက် လက်မှုပညာရှင်]

Chapter 208

13.15 - ဒယ်ဒီက ငါ့နောက်လိုက်တဲ့လူတွေကို ခြိမ်းခြောက်ရိုက်နှက်လိမ့်မယ်

ယင်ကျား၏ကိုယ်ကတောင့်ကနဲဖြစ်သွားသည်ကို သူရှင်းရှင်းလင်းလင်းခံစားမိသည်။ ယခုလက်ရှိတွင် ယင်ကျားမျက်နှာက မည်မျှအကူအညီမဲ့နေမှန်း မော့ကြည့်စရာပင်မလိုအပ်ပေ။ ရွှယ်လင်သည် အပျော်လွန်နေသည့်စိတ်ကိုဖိနှိပ်ထားရကာ ဟုမ်းပေ့ချ်မှမှတ်ချက်များကို ကြည့်နေသလိုဟန်ဆောင်လိုက်သည်။

ယင်ကျားမှာ တစ်ဝက်အမှီခံထားရပြီး ကျန်တစ်ဝက်ကမူ လောင်ကျွမ်းပြီး ပြာဖြစ်သွားတော့မယောင်။

ကလေးငယ်က အခုလေးတင် ရေချိုးပြီးကာစဖြစ်ကာ သူ့ကိုယ်ပေါ်တွင် ရေချိုးဆပ်ပြာမှ နို့ရနံ့ဖျော့ဖျော့လေးရှိနေသေးသည်။ သူ၏ကိုယ်ထည်အပေါ်ပိုင်းကမူ ရိုးရှင်းနေသည့်တိုင် ကြယ်သီးနှစ်လုံးကို ဖြုတ်ထားသေးသည်၊ သူမှီထားသည့်အခါ ယင်ကျား၏နေရာမှကြည့်လျှင် သွယ်လျသည့်လည်တိုင်၊ လှပသည့်ညှပ်ရိုးနှင့် ရင်အုပ်သေးသေးကိုမြင်ရသည်။ သူ၏ကိုယ်မှာခပ်နွေးနွေးဖြစ်နေပြီး တစ်ကိုယ်လုံးက ဝါဂွမ်းမွှေးလေးနှယ်နူးညံ့နေသည်။ သည်မနက်ပိုင်းက ယင်ကျားသူ့ကိုသယ်လာချိန်တွင် အသေးလေးတွင် အသားအနည်းငယ်ပြည့်လာသည်ကို သိလိုက်ရ၏။ ပိုလုံးလာပြီး ယခင်ကထက်ပင် ပိုကြည့်ကောင်းလာသေးသည်။

ယင်ကျား၏လည်စလုတ်လေးက မသိမသာလှုပ်ရှားသွားသည်။ သူ့လက်ကိုခိုးထုတ်ပြီး ရွှယ်လင်၏ခါးကို ဖက်လိုက်ချိန်တွင် စိတ်ထဲ၌ဗလာဖြစ်နေလေ၏။ ရွှယ်လင်က သူ့အားမော့ကြည့်လိုက်ပုံရသော်လည်း ထိုသူ၏မျက်လုံးထဲ၌ သံသယများဝင်နေသေးသည်။ ယင်ကျားက ပြန်စိုက်ကြည့်နေလိုက်မိပြီး ဘာပြောရမှန်းမသိ။ သူသည် ထိုမျက်ဝန်းထဲတွင် စက္ကန့်အနည်းငယ်ကြာအထိ ပျောက်ဆုံးနေပြီးသည့်နောက် အဆုံးမှနှုတ်ဟပြောလာခဲ့သည်။

"မင်းဘာတွေကြည့်နေတာလဲ...အတူကြည့်မယ်လေ..."

ရွှယ်လင်က လက်ခံသည့်အနေဖြင့်ခေါင်းညိတ်ပြလိုက်သည်၊ အနှီသူသည် သူမြူစွမ်မတိုက်သရွေ့ သဘောပေါက်မည်မဟုတ်ကြောင်း စိတ်ထဲတွင်သာတွေးနေမိ၏။ သို့သော်လည်း အနှီသူကသိပ်ရိုးသားလွန်းနေသည်။ ရွှယ်လင်၏တစ်ကိုယ်လုံးကထိုသူအားဖိထားပြီး ထိုသူခမျာ သူ့ခါးပေါ်ကိုသာဖက်ထားလေသည်။ ကမ္ဘာများစွာကိုဖြတ်သန်းခဲ့ပြီးနောက် ရွှယ်လင်သာ သူ့အပေါ် ယုံကြည်မှုရှိမနေလျှင် တဖက်လူက မတောင်နိုင်ဖြစ်နေသည်ဟုပင် သံသယဝင်မိနိုင်သည်။

"ကျွန်တော့်ဟုမ်းပေ့ချ်က မှတ်ချက်တွေကိုကြည့်ဦး..." ရွှယ်လင် စကားပြောနေပုံက အနည်းငယ်ထူးဆန်းနေသည်။

"ရုတ်တရက်ကြီး ပရိသတ်တွေအများကြီးတိုးလာတယ်..."

ယင်ကျားသည်ကား ကယောက်ကယက်အတွေးတို့ကိုပြန်စုစည်းလိုက်ရပြီး ရွှယ်လင်၏ဟုမ်းပေ့ချ်ကို လုံးဝအာရုံမစိုက်မိသလိုပင်။ သို့သော် သူ၏နာနိုကွန်ပျုတာကို လုံးဝမဖွင့်နိုင်ဘဲ ထိုသူကြည့်နေသည့်အရာကိုပင် လိုက်ကြည့်နေရလေရာ ရွှယ်လင်ပြောသည့်အနောက်မှ သံယောင်လိုက်ပြောလေသည်။

"ဒီနေ့စာမေးပွဲကတိုက်ရိုက်ထုတ်လွှင့်တာ...မင်းကိုဒီနေ့ သူတို့အကုန်လုံးတွေ့လိုက်ရတော့ ပရိသတ်တွေအများကြီးရတာပေါ့..."

ရွှယ်လင်ခေါင်းညိတ်ပြီး ပရိသတ်အရေအတွက်ဇယားကို ဖွင့်ကြည့်လိုက်သည်၊ ၎င်းတို့အနက် ရွှေအဆင့်လက်မှတ်ရထားသူများပင်ပါနေ၏။ ပရိသတ်များကိုတစ်ချက်ကြည့်ရုံဖြင့်မပြောနိုင်သော်လည်း သူတို့လက်မှတ်များကို စစ်ဆေးလိုက်သည့်အခါ စီနီယာတန်းအဆင့် ဆရာသခင်များဖြစ်နေလေသည်၊ တစ်ယောက်ချင်းစီတိုင်းက ကြယ်စုထဲတွင် နတ်ဘုရားအဆင့်ကျွမ်းကျင်သူများချည်းသာ။

မူလကိုယ်က သည်လူများအနောက်သို့လိုက်ခဲ့သေးသော်လည်း ၎င်းတို့၏နေရာက ပရိသတ်အင်အားတောင့်ပြီး ရွှယ်လင်၏ခံစားချက်မှာ ပြောမပြတတ်အောင်ပင်။ အခြားသော ဆရာသခင်များနှင့် သားရဲလူသားတစ်မျိုးနွယ်လုံးလိုက သူ့ပရိသတ်များဖြစ်လာကြပြီ။ ၎င်းတို့၏ ပရိုဖိုင်ကိုကြည့်လိုက်ပါက မှတ်ချက်ဧရိယာတွင် ဝင်ပြောထားကြသူများက သားရဲလူသားများပင်ဖြစ်၏။

ရွှယ်လင်မှာ အင်မတန်ပျော်ရွှင်နေပြီး မှတ်ချက်များကို ဖွင့်ကြည့်နေလိုက်သည်။ ထိုအချိန်တိုလေးအတွင်း မက်ဆေ့ချ်အသစ်များထပ်ရောက်နေခဲ့၏။

[အကူအညီတောင်းခံနေပါတယ်! ကျွန်မ သခင်လေးနောက်ကို ဘယ်လိုလိုက်ရမလဲ? ကျွန်မ မြို့စားမင်းကိုမလိုချင်တော့ဘူး..ကျွန်မအလှလေးကိုပဲလိုချင်တော့တယ်!]

[အိပ်မက်မက်မနေနဲ့..စိတ်ကူးပဲယဥ်နေလိုက်..ဒါပေမဲ့လည်း သခင်လေးကအလှလေးလေ..နှစ်ယောက်လုံးကကြည့်ကောင်းပြီး စွမ်းအားကြီးကြတယ်...ကျစ်..ကျစ်...ကျစ်..မြို့စားမင်းက သူ့ကိုအနီးကပ်စောင့်ရှောက်နေတာ]

[လူတွေတမင်သွားကြည့်ကြတဲ့အချိန်မှ မြို့စားမင်းရိုက်ထုတ်မယ့်အချိန်ကိုကြည့်နေမယ်]

[မင်းတို့တွေတစ်ယောက်မှ အသုံးမကျကြဘူး...မင်းတို့ရဲ့ပစ်မှတ်ကို ဒီလိုမျိုးလွယ်လွယ်လေးပြောင်းပစ်လိုက်ကြတယ်..ငါကသခင်လေးရဲ့အမေဖြစ်လာဖို့ စိတ်ကူးယဥ်နေတုန်းပဲ...ဒါမှငါ့ယောကျ်ားရဲ့သားလေးကိုဖက်ထားနိုင်မှာလေ~]

ရွှယ်လင်က ထိုမှတ်ချက်ကို လက်ညှိုးထိုးပြီး ယင်ကျားကိုပြလာသည်၊ စကားပြောလာသည့်သူ့အသံက အေးစက်တောင့်တင်းနေ၏။

"ဒယ်ဒီကအရမ်းနာမည်ကြီးပုံပဲနော်..ကျွန်တော့်အမေ အဖေဖြစ်ချင်တဲ့သူတွေက တစ်ယောက်မကဘူး.."

သူကပြန်လည်ပြုံးပြလိုက်ပြီးပြောလာပြန်၏။

"အစ်မမုသာ ကျွန်တော့်ကိုမပြောပြရင်လေ ကျွန်တော် ဒီလူတွေရဲ့ကလေးဖြစ်လာလောက်တယ်.."

သူသည် စကားပြောနေစဥ် ယင်ကျားကိုမှီထားပြီး ခေါင်းလှည့်လိုက်သည့်အခါ သူ့ခေါင်းက ယင်ကျားလည်ပင်း၏ ဘေးဘက်တွင်အဖိခံထားလိုက်ရ၏။ သူ့အသက်ရှူသံကနွေးထွေးနေပြီး ယင်ကျား၏ဦးခေါင်းခွံကိုယားကျိကျိဖြစ်သွားစေသည်။ ယင်ကျားမှာ ရုတ်တရက်ထကြွလာသည့် သူ့အောက်ပိုင်းကိုထိန်းချုပ်ထားရပြီး ခပ်ပေါ့ပေါ့ပင်ပြောလိုက်၏။

"သူတို့အကုန်လုံးအိပ်မက်မက်နေကြတာ..." ထိုသို့ပြောလိုက်ရုံအပြင် အခြားနည်းလမ်းမရှိတော့။

ရွှယ်လင်အော််ရယ်လိုက်မိပြီး ယင်ကျားလက်မောင်းများကို ဖယ်တွယ်လိုက်သည်။ သူသည် ပိုနီးကပ်အောင်တိုးလိုက်ပြီး နောက်ထပ်မှတ်ချက်တစ်ခုကိုပြပြန်သည်။

"သူတို့ကပြောနေကြသေးတယ်...ကျွန်တော့်အဖေက ကျွန်တော့်အနောက်ကိုလိုက်တဲ့သူတွေမှန်သမျှ ရိုက်ထုတ်ပစ်လိမ့်မယ်တဲ့.."

ယင်ကျားမှာ ၎င်းတို့သူ့အရှေ့တွင်ပေါ်လာစရာမလိုဟုတွေးထားလိုက်သည်။ ယခုချက်ချင်းပင် ၎င်းတို့အားလုံးကို သွားရိုက်ပစ်ချင်နေပြီ။ သို့သော်သူစကားပြောလိုက်သည့်အခါ အနှီလေသံက အေးစက်ပေါ့ပါးနေ၏။

"ပုံမှန်ပါပဲ..မင်းကငယ်သေးတယ်လေ..သူတို့အားလုံးက ပေါင်းသင်းလို့မကောင်းဘူး.."

ရွှယ်လင်သည် တဖက်လူထံတွင်တုံ့ပြန်ချက်ရှိနေသည်ကို ရှင်းရှင်းလင်းလင်းခံစားမိသည်၊ သို့တစေ မသိသလိုဟန်ဆောင်နေပြီး ဘာကိုမှသတိမထားမိသလိုရိုးသားဟန်ပြနေလိုက်၏။

"ဟုတ်တယ်..ကျွန်တော်လည်းဒီလူတွေကိုအာရုံမစိုက်ချင်ဘူး..."

ယင်ကျား တောင့်တင်းသွားပြီးပြောလိုက်သည်။ "ယွင်အာက ဘာထပ်လုပ်ချင်တာလဲ..."

"ကျွန်တော်ကဘာလုပ်ချင်တာလဲ..." ရွှယ်လင်က လက်ဆန့်ကာရေတွက်ပြသည်။

"ပထမဆုံး..ကျွန်တော်ပြောဖူးတဲ့ဆရာနဲ့ ကျောင်းအုပ်ကိုတွေ့ဖို့လိုတယ်..ပြီးရင် နှစ်ဆုံးမှာလုပ်မယ့် လက်မှုပညာရှင် ပြိုင်ပွဲအတွက် စာရင်းပေးရမယ်.. ကျွန်တော်ဆုရရင် စီနီယာတန်း လက်မှုပညာရှင်အတွက် အရည်အချင်းမီသွားပြီ..ပြီးတော့ ကျွန်တော်လည်း စာမေးပွဲတစ်ခုပြီးတစ်ခု ဖြေစရာမလိုအပ်တော့ဘူး..ပြီးတော့ ပထမအလွှာရဲ့လွှတ်တော်နေရာအတွက် ဝင်အရွေးခံဖို့ပြင်ဆင်ရမယ်..."

ယင်ကျားမျက်မှောင်ကြုပ်ပြီးမေးလိုက်သည်။

"မင်းကပထမအလွှာမှာဝင်ချင်တာလား.."

ပထမအလွှာတွင် ဆရာသခင်အများအပြားရှိပြီး ယင်ကျားအသင်းကလည်း သူတစ်ယောက်တည်းအတွက်မဟုတ်ပေ။ ပထမအလွှာသည် သူတို့လုပ်သည့် စွမ်းအင်ခရစ်စတယ်များကို ပထမဆုံးရွေးချယ်သည်။

သားရဲလူသားများတွင် စွမ်းအင်ခရစ်စတယ်ရယူရန် အခွင့်အရေးမရှိကြောင်း သူမသိခဲ့ရသည့်အချက်ကိုတွေးမိပြီး ယင်ကျားမျက်လုံးများက မှောင်မိုက်သွားသည်။

ရွှယ်လင်ကမူ ဘုမသိဘမသိနှင့်ခေါင်းညိတ်နေလေ၏။ "ကျွန်တော်က အမေမဆုံးခင် ရောက်ခဲ့ဖူးတဲ့နေရာကိုရောက်ချင်တယ်..ပြီးတော့ ဘယ်လိုပုံစံရှိမလဲသိချင်တာ..."

ယင်ကျားက စကားမပြန်လာပေ။ အသက်ကိုအဝရှူလိုက်ပြီး ခေါင်းငုံ့ကာ ရွှယ်လင်၏မျက်နှာကိုကိုင်လိုက်ပြီး နဖူးထက်သို့အနမ်းဖွဖွချွေလိုက်၏။ "မင်းကြိုက်တာကိုသာလုပ်...ဒယ်ဒီ မင်းကိုအရင်ကပြောဖူးပါတယ်...ငါမင်းရဲ့အနောက်မှာရှိနေမယ်လို့..."

ရွှယ်လင်သည် အသက်ရှူရာတွင်ပင်စိတ်လှုပ်ရှားနေပြီး အနှီသူက သူ့ကိုယ်ပေါ်မှတုံ့ပြန်မှုကိုပင် ဖိနှိပ်ထားနေကြောင်းသိနေ၏။

သူမျက်တောင်ခတ်လိုက်ကာ ယနေ့ညမြူစွမ်တိုက်ခြင်းကို ဤနေရာတွင်ရပ်လိုက်ရန်ဆုံးဖြတ်လိုက်၏။ ထို့ကြောင့် သူမတ်တပ်ထရပ်ကာ ခေါင်းလှည့်၍ ယင်ကျားမျက်နှာကိုမော့ခိုင်းလိုက်သည်၊ ပါးပေါ်သို့ အနမ်းကြမ်းကြမ်းပေးလိုက်ပြီး ဆိုဖာပေါ်မှခုန်ဆင်းသွားကာ ထမင်းစားခန်းထဲသို့တန်းဝင်သွား၏။

"ကျွန်တော် ဒယ်ဒီ့ကိုအရမ်းစိတ်ချပါတယ်.."

ရွှယ်လင်၏ တုံ့ပြန်သည့်အနမ်းက ယင်ကျားကိုမူးယစ်သွားစေသည့်တိုင် သူ့စကားက ယင်ကျားကို ရုတ်ချည်းအသိစိတ်ပြန်ဝင်လာစေသည်။ သူယခုလေးတင်လုပ်လိုက်မိသည့်ကိစ္စကိုပြန်တွေးကြည့်မိပြီး ချွေးအေးပင်ပြန်လာလေသည်။

သူ၏ကိုယ်အောက်ပိုင်းမှတုံ့ပြန်မှုက ဆက်ရှိနေပါသေး၏။

အခြားသူများကို ပြောပြမရသည့် အတွေးများရှိနေကြောင်း သက်သေပင်။ ထိုအတွေးများက သူ့နှလုံးသားရှိရာသို့ တန်းတန်းမတ်မတ်ထိုးစိုက်သွားပြီး ထိတ်လန့်စိုးရွံ့မှုများကို အစားထိုးသွားစေ၏။

ရွှယ်လင် လမ်းတဝက်ရောက်မှပြန်လှည့်လာကာ လှမ်းခေါ်လိုက်သည်။

"ဒယ်ဒီ..ညစာစားဖို့အချိန်ရောက်ပြီ.."

ရွှယ်လင်က မူမမှန်ခြင်းမျိုးမရှိသလို သရုပ်ဆောင်နေဆဲ။

ယင်ကျား အသက်ပြင်းပြင်းရှူလိုက်ကာ မျက်လုံးတို့ကိုမှေးလိုက်လေ၏၊ သူ့နှလုံးသား၏ ကဆုန်ပေါက်နေမှုကိုထိန်းချုပ်ကာ မတ်တပ်ရပ်လိုက်သည်။

ညစာစားပြီးသည့်နောက် ရွှယ်လင်သည် နာနိုကွန်ပျူတာအတွင်းမှ ကျန်နေသေးသောစာများကို စာပြန်လိုက်ပြီး 'ကျောင်းအုပ်ကြီး' နှင့် သူ၏အနာဂတ် 'သင်ဆရာ' တို့၏ဖုန်းနံပါတ်များရှိနေကြောင်း တွေ့လိုက်ရသည်။

အင်ပါယာတွင် SSS အဆင့် စွမ်းအင်ကျောင်ထွင်းထုသည့်စွမ်းရည်ရှိသော ဆရာအားလုံးမှာ အဆင့်အမြင့်ဆုံးဖြစ်ပြီး တိုင်းပြည်၏ရတနာများဟုပြောလျှင်ပင် မလွန်ပေ။ ၎င်းတို့အများစုက ၎င်းတို့၏ပညာများကို မရောင်းစားကြချေ။

ထိုအစား အင်ပါယာကိုအလုပ်အကျွေးပြုကြပြီး အခြားသူများကို ဖန်တီးပေးလျှင်ပင် ဖောက်သည်များထက် အင်ပါယာကိုအခြားပစ္စည်းတစ်ခုကိုဖန်တီးပြီး ပေးရသေးသည်။

အမှန်ပင်၊ ဧကရာဇ်ဘုရင်သည်လည်း ပြင်ပလေလံဆွဲရာမှ ပေါက်ဈေးအတိုင်းဝယ်ယူရသည်၊ သို့မဟုတ် စီနီယာကျသော ထွင်းထုသူများ၏ တတ်ကျွမ်းမှုနှင့် လေ့လာရာတွင်ကြိုးစားအားထုတ်မှုအတွက် အသိအမှတ်ပြုပေးရသည်။

အတိုချုပ်ပြောရပါက ၎င်းတို့ကြိုးစားနေသရွေ့ မည်သည့်တာဝန်မှ ယူနေစရာမလိုပါချေ။

သည့်အပြင် ဧကရာဇ်ဘုရင်က ကျောင်းသားများကို အကြံပေးခွင့်လည်း ပေးထားသေးသည်။

စီနီယာကျသော ဆရာသခင်များသည်ကား ကျောင်း၏ပညာရေးကိုကျော်လွန်ပြီး လေ့ကျင့်သင်ကြားပေးခွင့်မရှိ၊ ယင်းက သင်ကြားပေးသောဆရာများထက် ပို၍အမှီအခိုကင်းလွတ်သည်။ ဆရာသခင်များကို သင့်တော်သည့် သင်ဆရာများအား အကြံပေးနိုင်ပြီး ရွှယ်လင်အတွက် အကြံပြုပေးထားသည့်သင်ဆရာမှာ လုံယွဲ့ကောလိပ်၏ ဒုဥက္ကဌဖြစ်ကာ ထိုသူကလုံယွဲ့ကောလိပ်၏ မျက်နှာစာဖြစ်သည်။

ယေဘူယျအားဖြင့်ပြောရမည်ဆိုပါက ထိုသူသည်စကားပြောသည့်အခါဖြစ်စေ၊ မိတ်ဆက်သည့်အခါဖြစ်စေ သူ၏ဘွဲ့တွင် သူ၏အမည်တသီတတန်းကြီးကို ထည့်ပြောလေ့ရှိသည်။

သူသည် တိုင်းပြည်ရတနာအဆင့် စီနီယာဆရာပင်ဖြစ်သည်။ မုန့်ချောင်မှာ အသက်ရှစ်ဆယ်ရှိပြီဆိုသော်လည်း သူ၏စိတ်ဝိညာဥ်စွမ်းအင်မြင့်မားမှုကြောင့် အင်မတန်ငယ်ရွယ်သေးသလိုထင်ရပေ၏။

ရွှယ်လင်က ချက်ချင်းပင်စကားသွားပြောလိုက်သည်

မုန့်ချောင်သည် အလွန်အမင်းနာမည်ကြီးသောစီနီယာဆရာသခင်ဖြစ်သည်။ ရွှယ်လင်သည် ယခင်က သူ၏ဖန်တီးမှုများကိုတွေ့ခဲ့ဖူးပြီး သူ့စတိုင်ကိုအတုခိုးခဲ့ဖူးသည်။ ယခုမူ ဖြောင့်မတ်သောလူတစ်ယောက်နှင့်စကားပြောရသည်ဖြစ်ရာ ရွှယ်လင်သည် လေးစားကြည်ညိုစွာဖြင့်တဖက်လူကို 'ဆရာမုန့်' ဟုခေါ်လိုက်၏။

အသက်လေးဆယ်အရွယ်နှင့်တူသောမုန့်ချောင်က ခေါင်းတညိတ်ညိတ်ဖြင့် သူ့အခေါ်အဝေါ်ကိုလက်ခံလိုက်သည်။ တစ်စုံတစ်ယောက်၏ အင်အားက သန်မာနေသရွေ့ သူတို့အသက်ကိုဆုံးဖြတ်ရန်မှာ မဖြစ်နိုင်ပေ။ ထပ်လောင်းပြောရလျှင် ၎င်းတို့သန်မာနေသမျှကာလပတ်လုံး ၎င်းတို့၏စိတ်ဝိညာဥ်စွမ်းအင်ကို တိုးမြှင့်နိုင်သေးသည်၊ နှစ်ရာချီအသက်ရှင်ရန်အတွက် အခက်အခဲမရှိတော့ပေ။ လက်ရှိတိုင်းပြည်ရတနာအဆင့် စီနီယာပန်ဆရာများအနက် မုန့်ချောင်က အသက်အရွယ်ငယ်သေးသည်ဟုယူဆနိုင်၏။

"မနက်ဖြန်ကစပြီး ငါမင်းကို သီးသန့်သင်ကြားပေးမယ်..."

မုန့်ချောင်သည် ရွှယ်လင်ကို သူ့တပည့်အဖြစ် လုံးဝလက်ခံလိုက်သည် မကြာသေးခင်ကစာမေးပွဲတွင် ရွှယ်လင်ရခဲ့သောရလဒ်များကို အစမှအဆုံးအထိစစ်ဆေးကာ တနေ့လယ်ခင်းလုံး ရွှယ်လင်အတွက် အချိန်ဇယားကိုစီစဥ်ပေးခဲ့၏။

"မင်းရဲ့ကိုယ်ခံအားနဲ့ပတ်သတ်လို့တော့ သံသယဖြစ်စရာမရှိပါဘူး..ပြီးတော့ SS အဆင့်စွမ်းအင်ခရစ်စတယ်ကိုလည်း အေးအေးဆေးဆေး ကိုင်နိုင်တယ်..ဆိုတော့ မနက်ဖြန်ကစပြီး SSS အဆင့် စွမ်းအင်ခရစ်စတယ်သင်ပေးတဲ့အတန်းကိုလာခဲ့...အရင်ဆုံးမင်းငါ့အတွက် SSS အဆင့် သတ္တုရိုင်းတစ်မျိုးကိုလုပ်ပေးရမယ်..ငါမင်းကိုတစ်လအချိန်ပေးမယ်..."

ရွှယ်လင်: "....." မကြာခင်မှာစစ်ဆေးခံရတော့မယ်? ငါအသင့်မဖြစ်သေးဘူးလေ!

မုန့်ချောင်က သူမပြောရသေးခင်မှာပင် ဆက်ပြောလာ၏။

"မင်းမိသားစုက အတော်လေးချမ်းသာတာကိုငါသိပါတယ်..ဒါပေမဲ့ ယင်ကျားကိုငါ့ဆီလာပြီး ဖိအားပေးခိုင်းလည်းမထူးဘူးနော်..ငါက သူအရွယ်ရောက်လာတာကိုကြည့်ခဲ့ရတာ...သူငါ့ကိုဘာမှပြောနိုင်မှာမဟုတ်ဘူး..ချမ်းသာနေလည်း မင်းအနေနဲ့ စွမ်းအင်ေကျာက်ထွင်းဆရာသခင်တစ်ယောက် ကျွမ်းကျင်ရမှာတွေကို လျစ်လျူရှုထားလို့ရတယ်လို့ ဆိုလိုချင်တာမဟုတ်ဘူး..ဒီတော့ ဒီစမ်းသပ်တာအတွက် မင်းမှာရှိပြီးသားပစ္စည်းတွေနဲ့တော့မရဘူး...ယင်ကျားကို ကူပြီး စွမ်းအင်ရိုင်းရှာခိုင်းရင်လည်း အဲဒါခိုးချတာပဲ..."

ရွှယ်လင်က တွေးကြည့်ပြီးပြောလာသည်။

"ဒယ်ဒီက သူ့ဘာသာ ယူလာပေးရင်ရော ခိုးချတာပဲလား..."

Prev Next