MM Story Teller

Chapter 205

Viewers 32k

🦊Arc 13 [စွမ်းအင်ကျောက် လက်မှုပညာရှင်]

Chapter 205

13.12- အတန်းပြောင်းရွှေ့ခြင်းစစ်ဆေးပွဲ

အမှန်တကယ်အားဖြင့် အတန်းပြောင်းရွှေ့ရန်အတွက် စာမေးပွဲစစ်ဆေးခြင်းကို တစ်နှစ်မှ တစ်ခါ သို့မဟုတ် နှစ်ခါသာကျင်းပတတ်သည်။ လုံယွဲ့ကောလိပ်သည်ကား စာမေးပွဲစစ်ဆေးရာတွင် မျှတမှုရှိစေရန်အတွက် စာမေးပွဲကျင်းပနေသည့်တစ်လျှောက်လုံး တိုက်ရိုက်ထုတ်လွှင့်ထားတတ်၏။ သို့သော် ယနေ့က အားလုံးကိုစိတ်ဝင်စားသွားစေခဲ့သည့် ပထမဆုံးအကြိမ်ဖြစ်လာခဲ့သည်။ တိုက်ရိုက်ထုတ်လွှင့်သည့်အခန်းကိုဖွင့်လိုက်သည်နှင့် မနည်းမနောလူထုကြီးက ပြုံဝင်လာကြသည်။ ကြယ်တာရာကွန်ရက်က ယခုလိုရုတ်တရက် လူစုလူဝေးဖြစ်လာရခြင်းကို ဖြေရှင်းရန်စွမ်းရည်မရှိထားပါက ထုတ်လွှင့်ရေးအခန်းမှာချက်ချင်း ပြိုကျသွားနိုင်သည်။

တိုက်ရိုက်ထုတ်လွှင့်အခန်း၏ထိပ်တွင် အရူးအမူးအားပေးသည့်ပရိသတ်များ ခြွေလိုက် လွှင့်လိုက်လုပ်ထားသည့် ကြယ်များလများနှင့်ပြွတ်သိပ်နေလေ၏။ ဝင်လာသည့်လူများပစ်လိုက်သော မီးရှူးမီးပန်းများနှင့်လက်ဆောင်အသေးစားလည်း ပါသေးသည်။

ကျောင်း၏ တိုက်ရိုက်ထုတ်လွှင့်သည့် အခန်းက ချက်ချင်းဆိုသလို ထိပ်ဆုံးစာရင်းရောက်သွားလေသည်။ လူအများမှာ လုံယွဲ့ကောလိပ်တွင်ဖြစ်နေသမျှကို သိချင်လာကြသောကြောင့် လာကြည့်ကြလေ၏။

မူရင်းဇာတ်လမ်းတွင်လည်း ထိုအခန်းကပါဝင်သည့်တိုင် ဟောက်စုန်လဲ့၏ ဉာဏ်ကြီးရှင်ဂုဏ်သတင်းပျံနှံ့သွားပြီး သူ၏စာမေးပွဲရလဒ်တွင် ဒီဂရီအဆင့်ဖြစ်သောကြောင့် အနည်းငယ်မျှလှုပ်ခတ်သွားရုံ အခြေအနေရောက်မှ ပေါ်လာခဲ့ခြင်းဖြစ်သည်။ သို့သော် မူရင်းအခြေအနေကိုရောက်လာလေ တိုက်ရိုက်ထုတ်လွှင့်ခန်း၏ အခြေအနေမှာလည်း ကနဦးကနှင့်မတူတော့လေပင်။

ကျောင်းအုပ်မှာ ရုတ်ချည်းနာမည်ကြီးမှုကြောင့် အံ့အားသင့်သွားရလင့်ကစား မြို့စားယင်ကျားအကြောင်း တွေးလိုက်မိသည်နှင့် ၎င်းတို့အားလုံးမှာ မြို့စားအိမ်တော်၏အပိုင်ဖြစ်ကြောင်း နားလည်လိုက်ကြသည်။

ယင်းက ကိစ္စကြီးပင်။ ယင်းကြောင့် ပေါက်ကွဲသွားခဲ့ရသည့်နေ့အပြီး လူအများက မြို့စား၏ဆရာငယ်လေးနှင့် ကျောင်းသားများအကြားမှကိစ္စက အငြင်းပွားခြင်းထက်ပိုလိမ့်မည်ဟု သဘောပေါက်ခဲ့ကြသည်၊ တော်ဝင်မိသားစုက သတင်းအမှားဖြန့်မှုများတွင်ပါဝင်ခဲ့သည့် ပြောရေးဆိုခွင့်ရှိသူကို ရာထူးမှဖယ်ရှားပစ်ခဲ့သည်၊ လူမှုပတ်ဝန်းကျင်နှင့် အခြားသော အသရေဖျက်မှုများတွင် ပါဝင်ခဲ့သူများလည်း အလားတူပင်။ မနက်အစောတွင်ပင် သူ့ခမျာ ထွက်ပြေးရန်ပြင်ဆင်နေချိန်၌ အဖမ်းခံလိုက်ရသည်။ ပြောရေးဆိုခွင့်ရှိသူ၏မိသားစုမှာ အကျယ်ချုပ်ချခံလိုက်ရသည်၊ ပိုင်ဆိုင်မှုများလည်းအသိမ်းခံရပြီး နိုးထလာသူတိုင်း စကြဝဠာကြီးတစ်ခုလုံးပေါက်ကွဲသွားသလိုခံစားလိုက်ကြရသည်။

ကိစ္စကြီးများက နေ့တိုင်းဖြစ်နေခဲ့သည်၊ သို့တစေ ၎င်းက အစီအစဥ်မကျဘဲ ကသောင်းကနင်းဆန်သော ကိစ္စမျိုးဖြစ်ပြီး လျှပ်တပြက်ဖြစ်လာခဲ့သည်မှာ ပထမဆုံးအကြိမ်ဖြစ်သည်။ အင်မတန်မြန်ဆန်စွာဖြင့် မတိုင်ခင်တစ်ရက်ကဖြစ်ခဲ့သော လုံယွဲ့ကောလိပ်အငြင်းပွားမှုတွင် ပြောရေးဆိုခွင့်ရှိသူကပါဝင်ပတ်သတ်ခဲ့သည်ဟု အခွင့်ကောင်းယူကာထုတ်ပြောလာသူရှိခဲ့သည်။ ထိုသူသည်လည်း မြို့စားကိုအသေရေပျက်စေမှုဖြင့် ဖမ်းဆီးခံလိုက်ရ၏။ ထိုဖမ်းဆီးမှုနှုန်းက လေးစားလောက်ဖွယ်ပင်။

လူအချို့က သည်ဖြစ်ရပ်ကို ရိုးရှင်းသည့်လက်စားချေမှုဟု ခန့်မှန်းကြသော်လည်း ပြောရေးဆိုခွင့်ရှိသူ ပတ်သက်နေသည့်အကြောင်းအရင်းက ပေါ်လာခဲ့ပြန်သည်။ လူများက သူလုပ်လိုက်သည့်ကိစ္စကြောင့် အံ့ဩသွားခဲ့ပြီး သူ၏ရက်စက်မှုကြောင့် ပို၍ပင်အံ့အားသင့်ကုန်ကြသည်။

သည့်အပြင် ယခုကဲ့သို့ပုံမှန်အတိုင်းထင်ရသည့် ခေတ်နှင့်အညီဆုံးလူကြီးလူကောင်းတစ်ယောက်က အားလုံး၏နောက်ကွယ်တွင် ယခုကဲ့သို့ရက်စက်သည့်ကိစ္စမျိုးလုပ်ခဲ့ပြီး သူ၏ပန်းတိုင်ကိုအရောက်သွားရန် ဘာမဆိုလုပ်ချင်ခဲ့သည်။ စစ်ဌာနချုပ်က စစ်ဆေးသည့်အခါ ပြောရေးဆိုခွင့်ရှိသူတွင် အကျင့်ပျက်ခြစားမှုနှင့်လာဘ်စားထားမှုအရ သူ့အမည်ဖြင့် ငွေအမြောက်အများ လက်ဝယ်ရှိနေကြောင်း တွေ့ရှိခဲ့ကြသည်။ တစ်လကြာသည်အထိ လူတိုင်းက ထိုပမာဏကိုမယုံနိုင်ဖြစ်နေကြဆဲပင်။

ယင်းကြောင့် ပြောရေးဆိုခွင့်ရှိသူနှင့်ပတ်သက်ခဲ့ဖူးသည့် ရွှယ်လင်မှာ စာမေးပွဲအတောအတွင်း အလွန်အမင်းအာရုံစိုက်ခံခဲ့ရသည်။ ထို့အပြင် သူသည် ဤမတော်တဆမှုတစ်ခုလုံး၏နစ်နာသူပင်။ အဆုံးသတ်တွင် လူအများက သူကသာ ကိစ္စတစ်ခုလုံး၏အစဖြစ်နေကြောင်းသဘောပေါက်သွားကြတော့သည်။ သူသာ ဟောက်ယွမ်လျန်နှင့်သားအဖတော်စပ်မှုကို မဖြတ်တောက်ခဲ့ပါက ဖြစ်ပျက်ခဲ့သောကိစ္စများက ဘယ်တော့မှဖြစ်လာတော့မည်မဟုတ်။ ဟောက်ယွမ်လျန်၏မိသားစုလည်း သူထွက်လာသည်နှင့်ပျက်စီးသွားခဲ့သည်။

ပြောရေးဆိုခွင့်ရှိသူ အကျဥ်းချခံလိုက်ရသည်နှင့် ဟောက်ယွမ်လျန်လည်း မလွတ်တော့ချေ။ စုန့်ယင်းက အဆိပ်တိုက်ကာ ကွပ်မျက်ခံရပြီး ဟောက်မိသားစု၏ အကြီးဆုံးသားဟောက်ရှူက ယခု စိတ်မတည်ငြိမ်ဖြစ်နေပြီးစစ်တပ်သို့ထွက်ခွာသွားခဲ့သည်။

ဟောက်စုန့်လဲ့တစ်ယောက်တည်းသာ အသိစိတ်အနည်းငယ်ပြန်ရှိနေပြီး စိတ်ထိန်းထားနိုင်သူဖြစ်သည်။

ရွှယ်လင်က သူ့အားစိတ်ဝင်စားလာကြစေမည့် ဝိညာဥ်စွမ်းရည်ကို ကျင့်ကြံရာတွင် အလုပ်များနေသည်၊ စနစ်ကလည်း ဇာတ်လိုက်အပေါ်စိတ်ဝင်စားမှုက ဟက်ဟက်ပက်ပက်မရှိနေဘဲ ရွှေလက်ချောင်း၏ အကူအညီမပါလျှင်ပင်

သူ၏စိတ်စွမ်းကြံ့ခိုင်မှုကို မျက်လှည့်ဆန်စွာတိုးမြှင့်နိုင်လိမ့်မည်။

သူကမှ တကယ်ကိုကောင်းကင်ဘုံ၏သားတော်ပင်။ ကံကြမ္မာအလှည့်အပြောင်းများပြီး ရွှေလက်ချောင်းအလုခံလိုက်ရလျှင်ပင် အခြားသူများရှေ့တွင် ခုန်ပေါက်နေနိုင်ဦးမည်။

မူလက ယင်ကျားအနေဖြင့် စာမေးပွဲတွင် ယခုကဲ့သို့ မွှေလိုက်ရန်မလိုအပ်ပေ၊ သို့သော်လည်း အရင်လက ရွှယ်လင်စာလေ့လာခဲ့ရသည့် အကြောင်းကိုတွေးကြည့်ပြီးသည့်နောက် ကလေးကအင်မတန်ကြိုးစားခဲ့ပြီး သူကိုယ်တိုင်သွားကာ အားမပေးပါက ဆိုးရွားသည့်မိဘ ဖြစ်သွားနိုင်သည်။ သို့ဖြစ်၍ တစ်နေကုန်လုပ်ရမည့်အလုပ်များကိုပစ်ထားပြီး ရွှယ်လင်နှင့် အဖော်လုပ်ပေးရန်ဆုံးဖြတ်လိုက်သည်။

ရွှယ်လင်သည် သူ၏အုပ်ထိန်းသူက ဤမျှအထိတွေးနေလိမ့်မည်ဟု မမျှော်လင့်ထားခဲ့ပေ။ ယင်ကျားသာ စာလေ့လာသည့်အခန်းထဲသို့ဝင်မလာပါက ရွှယ်လင်က အခန်းတံခါးပိတ်ပြီးသူကိုယ်တိုင် စာလေ့လာချင်စိတ်ပိုရှိနေလိမ့်မည်။

သို့သော် အနှီသူက လက်ရှိတွင် သူ့အဖေဖြစ်ပြီး ထိုသူကိုယ်တိုင်ကလာချင်နေလေရာ ရွှယ်လင်က 'ခင်ဗျားလာတာအနှောင့်အယှက်ဖြစ်တယ်' ဆိုသောစကားကို မပြောနေတော့ဘဲ သာသာလေးပြုံးကာ ကြိုဆိုကြောင်းပြသခဲ့သည်။

ယင်ကျားကမူ ထိုကလေးက သူနှင့်မရင်းနှီးချင်သလို ခံစားချက်မျိုးရနေလေသည်။ အကြောင်းအရင်းကို သေချာမသိရလင့်ကစား ရွှယ်လင်၏ခေါင်းကို ပွတ်သပ်ပေးနေရင်း စာမေးပွဲပြီးသည့်နောက် သူနှင့်စကားကောင်းကောင်းပြောရန် ဆုံးဖြတ်ထားခဲ့သည်။ သူတို့ကြားတွင် နားလည်မှုလွဲထားသည့်ကိစ္စများ ရှိနေသည်လား? လွန်ခဲ့သည့်တစ်လ ကောလိပ်မှပြန်လာပြီး စကားပြောဖြစ်ကြသည်မှာ နောက်ဆုံးဖြစ်ပြီး ထိုကလေးက သူနှင့်ရင်းနှီးရန်တွန့်ဆုတ်နေခဲ့သည်။

အနှီသူက သရုပ်ဆောင်ရာတွင် အင်မတန်တော်နေပြီး မော့ရှီးပင် သူတို့ကြား၌ အထင်လွဲစရာဖြစ်ခဲ့လျှင် ဆက်ဖြစ်လာမည့်အရာကိုသိချင်ခဲ့၍ တနေ့လုံး ခပ်လှမ်းလှမ်းမှ စောင့်ကြည့်နေခဲ့သည်။

စာမေးပွဲကို သုံးပိုင်းပိုင်းခြားထားသည်။ ပထမတစ်ခုက အလောင်းအစားလုပ်ရာတွင်သုံးသည့်ကျောက်စရစ်ခဲနှင့်တူသော သတ္တုရိုင်းများကိုရွေးထုတ်ရမည်။ လူတိုင်းရွေးချယ်ထားပြီးသောကျောက်ကို အတွင်းပိုင်းမှ စွမ်းအင်ခရစ်စတယ်ပါကြောင်း သိနိုင်စေရန် မျက်နှာပြင်တွင်ပြပေးထားသည်။ သို့ထိတိုင် စွမ်းအင်ခရစ်စတယ်အမျိုးအစားနှင့် ၎င်းပါဝင်မှုနှုန်းကိုမသိရပေ၊ စွမ်းအင်ကျောက်ရိုင်းမှာလည်း ကျောင်းသားများ၏ ရွေးချယ်မှုအပေါ်မူတည်နေသည်။ ကျောင်းသားတစ်ယောက်လျှင် ကျောက်ရိုင်းသုံးခုရွေးချယ်နိုင်ပြီး ရွေးချယ်ပြီးသည့်နောက် ရွေးချယ်ထားသည့်သတ္တုအလိုက် အဆင့်ရမည်ဖြစ်သည်။

အစီအစဥ်တစ်ရပ်လုံးက အလိုအလျောက်ဖြစ်သည်၊ စည်းကမ်းဖောက်သူက မည်သည့်အကြောင်းကြောင့်ဖြစ်စေ ပြိုင်ပွဲမှထုတ်ပယ်ခံရမည်သာ။

ကျောက်များကို ရွေးချယ်အကဲဖြတ်ပြီးနောက် ဒုတိယအပိုင်းမှာ စွမ်းအင်ကျောက်သုံးခုလုံးကို ၎င်းတို့၏အစွမ်းဖြင့် သန့်စင်ရမည်ဖြစ်သည်။

စွမ်းအင်ခရစ်စတယ်တွင် မည်မျှပင်စွမ်းအင်ကို သန့်စင်ထားပြီးဖြစ်စေ၊ စွမ်းအင်ကိုလျော့ကျစေမည့် ပိုလျှံနေသောစွမ်းအင်အချို့နှင့် ရောနေသေးသည်။ သန့်စင်သည့်ကျောက်ကိုပင် ထွင်းထုနိုင်မည်ဖြစ်ပြီး သည်တစ်ခေါက်အဆင့်ကိုမူ စွမ်းအင်ကျောက်အား သန့်စင်နိုင်မှုအပေါ် အခြေခံထားသည်။ ယင်းကို တိကျသည့်စက်များနှင့် စမ်းသပ်ပြီး အတုလုပ်၍မရပေ။

တတိယနှင့် နောက်ဆုံးအဆင့်မှာ သန့်စင်ပြီးကျောက်သုံးမျိုးနှင့် ထွင်းထုရမည်ဖြစ်သည်။ ထွင်းထုရာတွင် အပိုင်းသုံးခုပါရန်လိုအပ်ပြီး တတိယအပိုင်းအတွက် အဆင့်ကိုမူ ၎င်းတို့စွမ်းအင်ထုတ်နိုင်မှုနှင့် ပစ္စည်း၏ပုံစံအပေါ်တွင် မူတည်ပြီးပေးမည်ဖြစ်သည်။

စွမ်းအင်ကျောက်များကို ထုလုပ်ခြင်းရည်ရွယ်ချက်မှာ စွမ်းအင်ထုတ်လုပ်မှုနှင့် စွမ်းအင်ခရစ်စတယ်အတွင်းမှ စွမ်းအင်ကို ချုံ့နိုင်ရန်ဖြစ်သည်။ တကယ်တမ်းတွင် ထိုပစ္စည်းများ၏ အသွင်အပြင်ကို ဂရုပြုသူမရှိသလို လူတိုင်း၏ အမြင်ကို အမှတ်ထားနေမည့် ထွင်းထုသူလည်းမရှိပေ။

သို့သော်လည်း ထိုအချက်ကြောင့် စီနီယာကျသော စွမ်းအင်ကျောက်ထုလုပ်သူများက အလွန်တော်သည့် ဒီဇိုင်းဆွဲသူများဖြစ်နေကြခြင်းပင်။ ၎င်းတို့အလုပ်က လူများစွာ၏ အကြိုက်အပေါ်လိုက်နေရပြီး ဆရာအချင်းချင်းပင် ၎င်းတို့၏ဖန်တီးမှုကို ပိုက်ဆံများပုံအောပေးကာဝယ်နေရသည်၊ စွမ်းအင်ခရစ်စတယ်မှ သန့်စင်သောစွမ်းရည်ကြောင့်မဟုတ်၊ ၎င်းတို့၏ဖန်တီးမှုက အလွန်အဆင့်မြင့်ပြီး ပညာရှင်ဆန်နေသောကြောင့်ပင်။

စည်းမျဥ်းများအရ စာမေးပွဲသုံးခုလုံးကိုအောင်နိုင်သူသည် နောက်ထပ်အတန်းတစ်တန်းကိုတက်ခွင့်ရမည်။ ရွှယ်လင်၏ရည်ရွယ်ချက်က အဆင့်သုံးဆင့်ကိုခုန်တက်သွားနိုင်သော S အတန်းကိုတက်ရန်ဖြစ်ပြီး သူ့အနေနှင့် ကိုးပွဲလုံးအနိုင်ရရန် လိုအပ်သည်။

ပြိုင်ပွဲများအားလုံးက စွမ်းရည်နှင့်စွမ်းအားကို ခပ်များများသုံးစွဲရန်လိုသည်။ သူ့ထံတွင် ဝိညာဥ်စွမ်းအား အများအပြားမရှိခဲ့လျှင် S အတန်းသို့တက်မည့် ရည်ရွယ်ချက်က စိတ်ကူးယဥ်သလို ဖြစ်သွားလိမ့်မည်။

သည်တစ်ကြိမ်တွင် ရွှယ်လင်တစ်ယောက်တည်းသာ S အတန်းသို့သွားရမည်ဖြစ်သောကြောင့် သူတစ်ယောက်တည်းကသာ ပထမအလှည့်ပွဲစဥ်သုံးပွဲလုံးတွင် အလုပ်အများဆုံး ဖြစ်နေရလေသည်။

စွမ်းအင်ကျောက်ထွင်းထုရာတွင် ကန့်သတ်ချက်က B အဆင့်ဖြစ်ရန်လိုအပ်သည်၊ သို့ဖြစ်၍ ရွှယ်လင်က အဆင့် B စွမ်းအင်ခရစ်စတယ်များအနက် အကောင်းဆုံးဖြစ်လာနိုင်၏။ သန့်စင်ပြီးသည့်အခါ ရွှယ်လင်၏ B အဆင့်စွမ်းအင်ခရစ်စတယ်က A အဆင့်ဖြစ်လာသည်၊ ၎င်းက စာမေးပွဲအား ကြည့်ရှုနေသူတိုင်းကို ရှော့ခ်ရသွားစေခဲ့၏။ လူအများက စာမေးပွဲတွင် ဒီဂရီထွက်လာနိုင်မည့်သူကို စတင်ဆွေးနွေးကြလေတော့သည်။

ပထမအဆင့် ထွင်းထုရာတွင် ရွှယ်လင်၏စွမ်းအားက အလွန်အကျွံမလျော့သွားခဲ့ပေ။ သူရွေးချယ်ထားသည့် စွမ်းအင်ခရစ်စတယ်က မကြီးမားချေ၊ ထို့ကြောင့် ရှေးကအတိုင်းထုလုပ်ခဲ့ပြီး လည်ဆွဲနှင့်နားကပ်များဖန်တီးလိုက်သည်။

သူသည် လုပ်ငန်းစဥ်တစ်ရပ်လုံးကို အေးအေးလူလူပင်လုပ်သွားခဲ့ပြီး စနစ်ပေးမည့်အမှတ်က အင်မတန်မြင့်မားသည်။ ဆရာများက တစ်ခန်းလုံးတွင် သူ၏လက်ရာက မကောင်းဟုထင်ကြသော်လည်း အတန်း Cမှ ဆရာသခင်အနေဖြင့် အနှီစွမ်းရည်ကပင် အတော်လေးကောင်းနေပြီဖြစ်သည်၊ ထို့ကြောင့် အမှတ်လည်းမြင့်နေပြီး မုရှီးဆိုလျှင်

သူကသာပြိုင်ပွဲတွင် အကောင်းဆုံးထင်ပြီးဝမ်းသာနေသေးသည်။

ခဏနားပြီးနောက်တွင် ရွှယ်လင်သည် အတန်း B မှ A သို့တက်နိုင်မည့် ဒုတိယအလှည့်ကို စတင်ယှဥ်ပြိုင်၏။ သူနှင့်ဟောက်စုန့်လဲ့အပြင် အခြားသောဆရာသခင်ငါးယောက်လည်း စာမေးပွဲတွင်ပါဝင်လာကြသည်။ ၎င်းတို့က အလွန်တရာယုံကြည်မှုရှိနေပုံရပြီး အချိန်အတန်ကြာပြင်ဆင်ခဲ့ကြကာ ၎င်းတို့တွင်လိုအပ်သေးသည့် အရည်အချင်းမရှိသည်မှာ သေချာမှ စာမေးပွဲတွင် ပါဝင်လာကြခြင်းဖြစ်၏။

ရွှယ်လင်သည် အစမှအဆုံးတိုင်တည်ငြိမ်နေခဲ့၏။ ပထမအလှည့်တွင် စွမ်းအင်ရိုင်းများကိုရွေးကြသည့်အခါ သူကပထမဆုံးပြီးစီးခဲ့သူပင်။

တိုက်ရိုက်ထုတ်လွှင့်နေသည့် လိုင်းပေါ်တွင် မက်ဆေ့ချ်များစွာ မရေမတွက်နိုင်အောင်ပေါ်လာသည်၊ အများစုမှာ:

[အသေးလေးက အရမ်းကိုယုံကြည်ချက်ရှိနေတာပဲ၊ ခပ်သွက်သွက်ရွေးပစ်လိုက်တယ်!]

[ရွေးတဲ့နှုန်းကလည်း အရင်အလှည့်ကလိုပဲ~]

[သူကတကယ်ကို ငါ့ရဲ့အနာဂတ်ကလေးဖြစ်ဖို့တန်တယ်~ မင်းအမေကတော့ ဂုဏ်ယူနေတော့မှာ!]

သူနှင့်ပတ်သက်ပြီး လူများတွင်သံသယရှိနေကြကာ ဆိုးဝါးသည့်မှတ်ချက်များလည်းပေးကြသည်။ သို့သော် မက်ဆေ့ချ်များက အမြန်ပင်အပေါ်ရောက်သွားကြကာ ၎င်းတို့၏ဆိုးဝါးသည့်အမြင်ကို ရီပို့ ပို့ချင်နေသည့်လူများကြောင့် လူများမှာ ပြဿနာမဖြစ်စေလို၍ ရပ်တန့်လိုက်ကြရ၏။

ရွှယ်လင်မှာမူ သူသည် ကြယ်တာရာကွန်ရက်တွင် လူတိုင်း၏ 'ဘေဘီလေး' ဖြစ်နေမှန်းမသိရှာ။ အခြားစစ်ဆေးသူများက သူတို့၏ ကျောက်ရိုင်းများကို ရွေးနေချိန် သူ၏စွမ်းအင်ကျောက်ရိုင်းများက စစ်ဆေးခံနေရပြီဖြစ်သည်။

ထိုအပိုင်းက စက်များနှင့်စစ်ဆေးရပြီး ကွမ်တန်ကွန်ပျုတာများက ၎င်းတို့အလုပ်ကိုလုပ်ကြလိမ့်မည်။ ရွှယ်လင်သည် ဘေးအခန်းကိုတန်းသွားလိုက်ပြီး စွမ်းအင်ခရစ်စတယ်ကိုထိုင်စောင့်နေလိုက်သည်။

သူဝင်လာပြီးသည်နှင့် ဟောက်စုန့်လဲ့လည်း သူ့အနောက်မှ လိုက်ဝင်လာသည်။ သူသည် ရွှယ်လင်ကို နှုတ်ဆက်ချင်ပုံမရဘဲ ရွှယ်လင်ကိုအေးစက်စက်ဖြင့်ကြည့်ကာ သူ၏ကြာပန်းဖြူလေးမျက်နှာဖုံးကိုပင် မတပ်ထားတော့ပေ။ ယခုမူ ရွှယ်လင်ကို ပေါ်တင်ရန်စနိုင်ပြီဖြစ်သည်။

တစ်ဖက်လူက သူ့အားရန်မစလာ၍ ရွှယ်လင်ကလည်း သူနှင့်စကားပြောရန် စိတ်မဝင်စားတော့ပေ။ သူသည် ကိုယ်ပိုင်စွမ်းအင်ခရစ်စတယ်ကိုယူပြီး သန့်စင်လိုက်၏။ စာမေးပွဲမပြီးခင်အထိ ၎င်းတို့၏ရမှတ်များကို သိရမည်မဟုတ်ဘဲ ရွှယ်လင်ယူလာသည့် ခရစ်စတယ်က ၎င်းတို့ကို ထိတ်လန့်သွားစေမည်ကိုလည်းမသိနိုင်ကြပေ။

တိုက်ရိုက်ထုတ်လွှင့်နေသည့်အခန်းမှုမူ ဝုန်းဒိုင်းကျဲသွားခဲ့သည်။ A အဆင့် စွမ်းအင်ခရစ်စတယ်မှာ အထူးအဆင့်အနေဖြင့် သတ်မှတ်ထားပြီးသားပင်။ သာမန်လူများပင် ၎င်းကိုဝယ်ရန် နှစ်ဝက်ခန့်ပိုက်ဆံစုပြီးမှ တစ်တုံးသာဝယ်နိုင်လိမ့်မည်၊ သို့သော် ရွှယ်လင်ကသုံးတုံးစလုံး ရွေးလိုက်နိုင်သည်လေ။ ဘယ်လိုလုပ် မအံ့ဩဘဲနေနိုင်ပါမည်နည်း။

အစတွင်တော့ လူအများက အနှီစွမ်းအင်ကျောက်ရိုင်းများတွင် အဆင့်မြင့်စွမ်းအင်ခရစ်စတယ်များပါမည်ဟု မှန်းဆထားခဲ့ကြသည်၊ သို့သော် ကျောင်းသားများ စာမေးပွဲတွင် ကျောက်ရိုင်းများကို အပြီးသတ်ရွေးချယ်အကဲဖြတ်လိုက်ကြပြီးနောက် ၎င်းတို့ယူလာသည့် ကျောက်တစ်တုံးမှ အကောင်းမပါမှန်း သိသွားကြသည်။ ကောင်းသည့်ကျောက်တုံးများကို ရွှယ်လင်ကယူသွားခဲ့ပြီးပြီ။

ရူးသွပ်နေသည့်လူအချို့က ရွှယ်လင်ကိုစည်းကမ်းဖောက်သလို မက်ဆေ့ချ်ပို့လာကြလေသည်။ အနှီသူက မည်သည့်ကျောက်ရိုင်းတွင် စွမ်းအင်ပါမှန်းသိ၍ မစဥ်းစားဘဲရွေးချယ်နိုင်ခဲ့ခြင်းဖြစ်၏! ပေါင်းကြံထားသည့်အရာတစ်ခုတော့ရှိရမည်!။

ထို့နောက် ထိုမေးခွန်းမေးမိသူမှာလည်း ချက်ကျလတ်ကျဖြေရှင်းမှုကြောင့် ပါးရိုက်ခံလိုက်ရသည်၊ ယင်းမှာ နောက်ဆုံး စွမ်းအင်ကျောက်ရိုင်းရွေးချယ်သည့်အလှည့်တွင် အကောင်းဆုံးစွမ်းအင်ကျောက်မှာ B အဆင့်သာရှိသည်၊ ၎င်းတို့အားလုံးကိုရွှယ်လင်က ရွေးချယ်ခဲ့သည်။ ထိုအရာကိုကြည့်ရုံဖြင့် ရွှယ်လင်က စွမ်းရည်ကောင်းရှိပြီး စည်းကမ်းဖောက်ခြင်းမဟုတ်သည်မှာသိသာနေပြီ။

ပထမဆုံးအကြိမ်အဖြစ် ကျောင်းက အနှီကောလဟလနှင့်ပတ်သတ်၍ စွမ်းအင်ကျောက်ရိုင်းများမှာ မိုင်းတွင်းများမှ တိုက်ရိုက်သယ်လာခြင်းဖြစ်ပြီး ကျောင်း၏စီမံမှု အရည်အချင်းမှာလည်း မျှတသေချာသည်ဟူ၍ အရေးတယူဖြေရှင်းခဲ့သည်။ စွမ်းအား သို့မဟုတ် အခြားအရာကြောင့် စည်းကမ်းဖောက်ဖျက်ခြင်းမှာ အထင်သေးဖွယ်ရာပင်။

သည်အတိုင်းသာဆိုလျှင် လူအချို့ကသူတို့၏ ဇာတိများကို ထုတ်ပြလာကြလိမ့်မည်။

သို့ထိတိုင် နောက်ထပ်ပွဲစဥ်အလှည့်မှာပင် ရွှယ်လင်၏ သန့်စင်သည့်အမှုပြီးသွားပြီး စက်ကလည်း သူ၏သန့်စင်သောရလဒ်ကို ဖော်ပြလာ၍ အရှက်ကွဲကြပြန်သည်။ ကျောက်တစ်တုံးစီ၏သန့်စင်ခြင်းက ကိုးဆယ့်ငါးရာခိုင်နှုန်းဖြစ်သည်။ ကျောင်းရှိဆရာများမှာ ထိုသန့်စင်မှုနှုန်းကို ချီးမွမ်းပေးရန်မလိုအပ်ပေ။ တိုက်ရိုက်ထုတ်လွှင့်မှုမှ စီနီယာကျသော အချို့ပန်းပုထုသူများသာ စွမ်းအင်ကျောက်ကို ကိုးဆယ့်ငါးရာခိုင်နှုန်းအထိ သန့်စင်နိုင်သည့် ပါရမီတစ်ယောက်အကြောင်းကို ကြားကာ စိတ်ဝင်စားသွားကြ၏။ ၎င်းတို့မှာ အလုပ်များကိုပစ်ချပြီး အပြေးအလွှားလာကြကာ ရွှယ်လင်၏နောက်ဆုံးအဆင့်ကို အတိအကျသိချင်သွားကြသည်။

ရွှယ်လင်က သူတို့ကိုစိတ်မပျက်စေခဲ့ပေ။ ထွင်းထုရသည့် တတိယအလှည့်ပြီးသည့်နောက် သူ၏နောက်ဆုံးစွမ်းအင်နှုန်းထားမှာ ကိုးဆယ့်ငါးရာခိုင်နှုန်းဖြစ်သည်။

အဖြေထွက်လာသည့်အခါ တိုက်ရိုက်ထုတ်လွှင့်သည့်မျက်နှာပြင်ပေါ်တွင် ရွှယ်လင်၏မျက်နှာကိုမမြင်ရသည့် ပရိသတ်များ၏ မှတ်ချက်များဖြင့် ပြည့်သွားလေသည်။

ဒရုန်းကင်မရာက ရွှယ်လင်ထံသို့သုံးရာ့ခြောက်ဆယ်ဒီဂရီချိန်ကာ ဗီဒီယိုနှင့်ဓာတ်ပုံရိုက်ပြလိုက်သည်။ ယခင်ကစွမ်းအင်ကျောက်ထွင်းထုသူများနှင့်နှိုင်းယှဥ်လိုက်လျှင် ရွှယ်လင်သည် ဤဖန်တီးမှုတွင် အချိန်အတော်ကြာသုံးထားခဲ့ပုံရသည်။

စွမ်းအင်ကျောက်တုံးသုံးတုံးက ဖီးနစ်ပုံဆံညှပ်နှစ်ခုနှင့် ဖီးနစ်သရဖူအသေးလေးတစ်ခုဖြစ်သည်။ ထွင်းထုထားသည့် ဖီးနစ်အရုပ်မှာ အသက်ဝင်လှသည်။

ကြောက်မက်ဖွယ်အင်အားကို တိုက်ရိုက်ပြသလိုက်သည့်အခါ ရွှယ်လင်ကို နောက်ထပ်အလှည့်တွင် ပရိသတ်အသစ်များ ရလာစေခဲ့သည်။ အဆုံးတွင် ဤကမ္ဘာက စွမ်းအားကြီးသူအုပ်စိုးသည့်နေရာသာ။ အစတွင် ထိုသူက နာမည်ကြီးနေ၍ စိတ်ဝင်စားခဲ့ကြသည်၊ ထိုသူသည် မြို့စားကမွေးစားထားသည့် သားတစ်ယောက်သာဖြစ်ခဲ့သော်လည်း ယခုမူ သူ၏အရည်အချင်းကို ပြသပြီး လူများအား လုံးဝဆွဲဆောင်နိုင်ခဲ့၏။

ရွှယ်လင်သည် အတန်း B မှ A သို့ အမှတ်အမြင့်ဆုံးဖြင့် ခုန်တက်သွားပြန်သည်။ သူသည် ဟောက်စုန့်လဲ့အပါအဝင် အခြားသောဆရာသခင်နှစ်ယောက်နှင့်အတူ ယှဥ်ပြိုင်ခဲ့သည်။ ကျန်သည့်ဆရာသုံးယောက်က သတ်မှတ်ထားသည့်အမှတ်ကို မရောက်လိုက်၍ ကျရှုံးသွားခဲ့၏။

ရွှယ်လင်အတွက် A အတန်းမှ S အတန်းသို့မရောက်ခင် အနားယူပြီး ပြန်လည်အားဖြည့်ရန်အချိန်မရှိပေ။

သူနှင့် အတူပွဲစဥ်တလျှောက်လုံး ပြိုင်လာခဲ့သည့် ဆရာသခင်ဖြစ်သူသည် ပြုံးလိုက်လျှင် ပါး၌ပါးချိုင့်နှစ်ခုပေါ်လာတတ်သည်။ အနှီသူက အလွန်တရာကြင်နာတတ်ပုံရပြီး ပထမဆုံးတွေ့လိုက်ရတည်းက ထိုသူက ရွှယ်လင်ကိုနွေးနွေးထွေးထွေးပြုံးပြခဲ့သည်။

သည့်နောက် ရွှယ်လင်၏အသိအမှတ်မပြုခြင်းကိုခံလိုက်ရသည်။

Prev Next