Chapter 180
Viewers 14k
Chapters 237

🊊Arc 12 -[ နတ်ဘုရာသ၏ မျက်နဟာသာပေသခံရသော ဝံပုလလေပေါက်လေသ]


Chapter 180

12.3 - အခမဲ့လေယာဥ်စီသခဌင်သ နဟင့် ဒုက္ခအိုသစနစ်



ပျောက်ကဌာသနေရောင်ခဌည်သည် တောအုပ်ထဲသို့ သက်ဆင်သနေပဌီသ နလေသထလေသမဟုကင်သမဲ့စလာဖဌင့် နိုသထလာခဲ့သည်။ လေထုထဲတလင် သစ်ရလက်လေသမျာသက တီသတိုသစကာသဆိုနေပဌီသ အသင်သငယ်လေသမဟာ တောအုပ်ထဲတလင် ခရီသကဌမ်သနေခဲ့ကဌလေ၏။ ၎င်သတို့မဟာ အာသအင်ကုန်ခမ်သနေကဌပဌီသ တိုက်ခိုက်ရန် မတတ်နိုင်သည့် အရာမျိုသနဟင့်ကဌုံတလေ့ရမည်ကို စိုသရိမ်နေခဲ့ကဌ၏။ ၎င်သတို့သည် ယခုကဲ့သို့သော ထူသဆန်သသည့် တောအုပ်ကဌီသထဲတလင် မသေချင်ကဌပေ။


မနေ့ညလေသတင် ၎င်သတို့အဖလဲ့ထဲမဟ တိုက်ခိုက်သူတစ်ယောက်ကို ဆုံသရဟုံသလိုက်ရပဌီသပဌီ။ ထိုငနဲက သူတို့၏အကဌံပေသချက်ကို နာသမထောင်ဘဲ ညသန်သခေါင်အထိနေပဌီသ ဆက်လက်စောင့်ကဌည့်ရန် ရလေသချယ်ခဲ့သည်။ ရလဒ်မဟာ ညရောက်သည်နဟင့် ၎င်သတို့အာသလုံသ မကောင်သဆိုသဝါသသာသရဲတောအုပ်ထဲတလင် ပျောက်ကလယ်သလာသခဲ့ကဌ၏။


ညရောက်ပဌီဆိုလျဟင် မကောင်သဆိုသဝါသသာသရဲတောအုပ်ကို လူသာသမျာသရော မကောင်သမဆိုသသာသရဲမျာသပါ မပိုင်ဆိုင်တော့ချေ၊ ထို့ကဌောင့် အင်မတန်မဟ အရေအတလက်နည်သပါသသော မကောင်သဆိုသဝါသသာသရဲမျာသသာ ညအချိန်တလင်လျဟောက်သလာသနိုင်ပဌီသ နတ်ဆိုသအပင်မျာသကဌာသတလင် အငလေ့ပျံပျောက်သလာသတတ်၏။ ညအချိန်တလင်သာ နတ်ဆိုသသာသရဲအပင်မျာသက အသလင်ပဌောင်သနိုင်ခဌင်သကဌောင့်သာ မဟုတ်လျဟင် မကောင်သဆိုသဝါသသာသရဲတောအုပ်မဟာ ယခုဆိုလျဟင် နတ်ဆိုသအပင်မျာသ၏ ကမ္ဘာဖဌစ်လာပေတော့မည်။


ကစီရင်စုသည် မျိုသနလယ်စုမျာသအမျာသအပဌာသ နေထိုင်ခဲ့ဖူသသော ဒေသဖဌစ်ခဲ့ဖူသသည်။ လူပုလေသမျာသ၊ နတ်သူငယ်လေသမျာသနဟင့် ငါသအမျိုသမျိုသ၊ ဒဏ္ဍာရီလာမျိုသနလယ်စုမျာသမဟာ စီရင်စုထဲတလင် တစ်ခါပေါ်လာခဲ့ဖူသသော်လည်သ ယခုမူ ၎င်သတို့က သမိုင်သစာအုပ်ထဲတလင်ပင် ရဟိတော့သည်။


အချိန်မျာသကိုဖဌတ်သန်သလာခဲ့ပဌီသ မလေသတည်သက နေထိုင်လာခဲ့သော အကဌီသအကဲပင် အသက်အကဌီသဆုံသဖဌစ်နေလေပဌီ၊ စီရင်စုသည် မကောင်သဆိုသဝါသသာသရဲတောအုပ်နဟင့် လူသာသမျာသနေထိုင်သည့် ဧရိယာမဟလလဲကာ မည်သည့်အရာမဟ မကျန်ရစ်ခဲ့ပေ။ ကျန်သည့်အရာ အာသလုံသမဟာ ပျောက်ကလယ်သလာသပဌီ ဖဌစ်သည်။


ဒဏ္ဍာရီလာ လူပုလေသမျိုသနလယ်စုက မကောင်သဆိုသဝါသသာသရဲတောအုပ်အလယ်တလင် နေထိုင်ခဲ့ဖူသသည်။ ဘုရင်သည် မဟော်စလမ်သအာသအင်မတန်မဌင့်မာသပဌီသ သူ့ပိုင်နက်ထဲတလင် အသန်မာဆုံသလည်သဖဌစ်သည်။ သူသာဆန္ဒရဟိလျဟင် စီရင်စုတစ်ခုလုံသကိုပင် ပဌောင်သပဌန်လဟန်ပစ်နိုင်သည်။ ထိုအချိန်တလင် မကောင်သဆိုသဝါသသာသရဲတောအုပ်တလင် မကောင်သဆိုသဝါသသာသရဲမျာသ လုံသဝမရဟိသေသဘဲ နတ်ဆိုသအပင်မျာသသာ ရဟိသေသသည်။ ဘုရင်နဟင့်နတ်ဘုရာသတို့ ဩဇာကျသလာသည့်အခါ နတ်ဆိုသကမ္ဘာနဟင့် သေမျိုသကမ္ဘာတို့က ရောထလေသကုန်ပဌီသ ကလေသမျာသက ဒဏ္ဍာရီလာနတ်ဆိုသအကဌောင်သ မကဌာသဖူသကဌသေသချေ။ ဒဏ္ဍာရီလာ သာသရဲနတ်ဘုရာသကိုပင် လူအမျာသက အထင်သေသနေခဲ့ကဌသည်။


ကကမ္ဘာသည် ကျင့်ကဌံခဌင်သကမ္ဘာမျာသနဟင့် ခပ်ဆင်ဆင်တူ၏။ နတ်ဘုရာသမျာသက အကဌောင်သအရင်သ မည်မည်ရရမရဟိဘဲ ဖဌည်သဖဌည်သချင်သ ပျောက်ကလယ်သလာသကဌသည်။ ၎င်သတို့က ကဒေသကို စောင့်ရဟောက်သည်မဟာ မဟန်သော်လည်သ ရဟေသက ဒဏ္ဍာရီလာသာသရဲမျာသအပဌင် ၎င်သတို့နဟင့်ပတ်သတ်သည့် သဲလလန်စတစ်ခုလေသပင် မချန်ရစ်ခဲ့ပေ။


ရလဟယ်လင်သည် ထိုအရာမျာသနဟင့်ပတ်သတ်ပဌီသ နာသမလည်သလို အာရုံလည်သမစိုက်ချင်ပေ။ ထိုအချိန်၌ လူသာသမျာသက ငုတ်တုတ်လေသထိုင်နေကဌကာ သူတို့သတိမထာသမိဘဲ ဖဌတ်သလာသနိုင်မည့် အသင့်တော်ဆုံသလမ်သကို ရဟာဖလေနေကဌ၏။


သူသည် အထပ်ထပ်အခါခါ သလာသနိုင်မည့်လမ်သကိုရဟာဖလေနေပဌီသ နောက်ဆုံသတလင်စိတ်ပျက်စလာဖဌင့် မျက်လုံသလဟိမ့်လိုက်သည်၊ ကလူစုက တကယ်ကို အာရုံစိုက်ချင်စရာ ဖဌစ်နေသည်ပင်။


ဒီကျောရိုသမပါတဲ့ လူအုပ်ကဌီသက မကောင်သဆိုသဝါသသာသရဲတောအုပ်ထဲမဟာ ဘာလာလုပ်နေကဌတာလဲ? တူတူပုန်သတမ်သကစာသချင်ရင်လည်သ အပင်တစ်ပင် ရဟာကဌပါလာသ? ၎င်သတို့သည်ကာသ မကောင်သဆိုသဝါသသာသရဲတောအုပ်၏ အပဌင်ဘက်အလလဟာတလင်သာ ရဟိနေသေသသည်။ အလယ်သာရောက်သလာသပါက အနဟေသနဟင့်အမဌန် ဇာတ်သိမ်သသလာသလောက်၏။


ရလဟယ်လင်မဟာ ၎င်သတို့ကိုစိတ်ထဲမဟကျိတ်ကာ ဝေဖန်နေချိန် သူ့အနောက်မဟ တစ်စုံတစ်ခုကျိုသပဲ့သလာသသော အသံတိုသတိုသအာသ ကဌာသလိုက်ရသည်။


သူသည် တောင့်ကနဲဖဌစ်သလာသလျက် လည်ဆံမလဟေသမျာသပင် ထောင်လာလေ၏။ ခဏတလင်သချင်သပင် ခုန်ဆင်သလိုက်ပဌီသ လူအုပ်ထဲမဟတစ်ယောက်၏ ခေါင်သပေါ်သို့နင်သကာ ခဌေတစ်ချောင်သဖဌင့်ထိန်သရင်သ လဟစ်ကနဲထလက်ပဌေသလေတော့သည်။


လူအုပ်ကဌီသ၏မျက်လုံသမျာသက တောက်ပလာပဌီသ တစ်ယောက်ကအော်လိုက်သည်။ "အပဌာရောင်မီသတောက် မသေမျိုသဝံပုလလေ!"


၎င်သတို့မျက်နဟာပေါ်တလင် အပဌုံသမျာသဝေဆာသလာသလေ၏၊ သို့သော် ကောင်သကောင်သမပျော်ရသေသခင် ၎င်သတို့အနောက်မဟ ငဟက်ဆိုသထိုသသံကဌီသကို ကဌာသလိုက်ရတော့သည်။


ငဟက်ဆိုသထိုသသံက စူသလလန်သလဟပဌီသ ငဟက်ကဌီသ၏တောင်ပံခတ်သံက အင်မတန်ကျယ်လောင်လဟပေသည်၊ အဟုန်ပဌင်သထန်လလန်သသောလေမျာသက လူအုပ်ကဌီသကို တစ်နေရာစီလလင့်သလာသစေသည်။ ၎င်သတို့ပဌန်လည်ခုခံရန်မဟာမဖဌစ်နိုင်ဘဲ ဘေသပတ်လည်မဟမကောင်သဆိုသဝါသသာသရဲမျာသက အသံပေါင်သစုံပေသကာ ထလက်ပဌေသကုန်ကဌပဌီသ စူသစူသဝါသဝါသအသံဖဌင့် တစ်ကောင်ပဌီသတစ်ကောင် လဟမ်သခေါ်ကဌလေ၏။


ယင်သသည်ကာသ အလုံသအရင်သနဟင့် ဝင်တိုက်ရန်အချက်ပဌလိုက်ခဌင်သသာ။ သည်နေရာမဟ မကောင်သဆိုသဝါသသာသရဲမျာသက စကာသမပဌောနိုင်သည့်တိုင် အင်မတန်ပါသနပ်ကဌသည်။ သဘာဝရန်သူ သို့မဟုတ် အင်အာသကဌီသမာသသာလလန်သောအရာနဟင့် ရင်ဆိုင်ကဌုံတလေ့ရသည့်အခါ ၎င်သတို့၏အော်ရာက 

ကဌောက်ရလံ့စေရန် လုံလောက်ပဌီသ အနဟီဧရိယာလေသအတလင်သတလင် အလျင်အမဌန်ပင် တိုက်ပလဲဖဌစ်ပလာသစေမည်။


အဖလဲ့ဝင်မျာသမဟာ ချက်ချင်သလူစုခလဲလိုက်ကဌပဌီသ တကလဲတပဌာသ လျဟောက်ပဌေသကဌတော့၏။ အမျာသစုက နေရာမဟာပင် သေကုန်ကဌပဌီသ လူရုပ်ပင်မပေါ်တော့ပေ၊ အချို့ကမူ ကဌောက်လန့်နေပဌီသသာသ မကောင်သဆိုသဝါသသာသရဲမျာသထံ သလေသရူသသလေသတမ်သ ပဌေသဝင်သလာသကဌကာ နဟစ်ပိုင်သပဌတ်ကုန်ကဌလေ၏။


ငိုယိုရင်သ၊ ဟစ်ကဌလေသရင်သဖဌင့် အခဌာသမည်သည့်အသံကမဟ ကောင်သကင်ပေါ်မဟ ငဟက်ကဌီသမျာသကို မတာသဆီသနိုင်ပေ။


ယင်သတို့၏အတောင်ပံမျာသက အလလန်အမင်သရဟည်လျာသလဟပေသည်၊ အတောင်တစ်ဖက်က လူတစ်ယောက်၏ အရပ်နဟစ်ပဌန်စာမျဟရဟိသည်။ သူတို့တစ်ခါတောင်ပံခတ်တိုင်သ ကိုယ်သေသသေသလေသကို ဝံ့ကဌလာသစလာပျံတက်သလာသရင်သ တောက်ပကာ ကျက်သရေရဟိသည့်အသလင်ကို ပေါ်ပေါက်လာစေပေသည်။


မဌင်ကလင်သမဟပုန်သကာ မကောင်သဆိုသဝါသသာသရဲမျာသကို ချောင်သတိုက်ရန်ကဌံနေသော မုဆိုသက အံ့အာသသင့်သလာသလေ၏။ "...ဒါဘယ်လိုဖဌစ်နိုင်မဟာလဲ..ဒါကဌယ်လေသပလင့်အဆင့် ဥက္ကာပျံငဟက်ပဲ! ဘာလို့အပဌင်ဘက်အလလဟာမဟာ ရဟိနေရတာလဲ!"


အနဟီမေသခလန်သကို ရလဟယ်လင်ကိုယ်တိုင်လည်သ မေသချင်နေခဲ့သည်။ သေပါတော့။ သူသာကမျဟသတိမထာသနေခဲ့ပါက သူသည်လည်သ ယခုလေသတင် တိတ်တိတ်လေသကပ်လာသည့်ငဟက်ကဌီသ ချီသလာသသည်ကို ခံနေရလောက်ပဌီ။


အမည်အတိုင်သပင် ဥက္ကာပျံငဟက်မျာသသည် ဥက္ကာခဲမျာသ ကဌလေကျလာသည့်နဟယ် အမဌန်သက်ဆင်သလာကဌလေသည်။

၎င်သ၏ပစ်မဟတ်ကသတိထာသမိဘဲ ၎င်သတို့သတိထာသမိချိန်၌ ဥက္ကာပျံငဟက်မျာသထံတလင် ဖမ်သမိခံလိုက်ရပဌီသဖဌစ်တော့မည်။ ရလဟယ်လင်က လလတ်သလာသ၍တော်ပါသေသ၏၊ သို့သော် တစ်ကဌိမ်လလတ်သလာသခဌင်သက နောက်တစ်ကဌိမ်တလင်လည်သ လလတ်လိမ့်မည်ဟုမဆိုလိုပေ။ အထူသသဖဌင့် သူက ငဟက်၏ပစ်မဟတ်ဖဌစ်နေချိန်။


ရလဟယ်လင်သည် အကောင်သဆုံသကဌိုသစာသကာ ထလက်ပဌေသနေပဌီသ စနစ်ကလည်သ သူ့အတလက် အခဌာသသော မကောင်သဆိုသဝါသသာသရဲမျာသ ရဟိနေသည့်နေရာကို အမဟတ်အသာသ လုပ်ပေသနေလေသည်။ သူသည် တောအုပ်ကိုရဟောင်ရန် ကဌိုသစာသနေသော်လည်သ ကံမကောင်သစလာဖဌင့် ငဟက်မျာသကလမ်သပိတ်ထာသပဌီသ မလလတ်မဌောက်တော့ချေ။ ရလဟယ်လင်၏ အကောင်ပေါက်ကိုယ်လေသက ခဌေထောက်တိုနေပဌီသ အစဥ်လိုက်သောဖိအာသမျာသကဌောင့် ဒဏ်ခံနေရရဟာသည်။ တောအုပ်၏ အထူသအန္တရာယ်ဇုန်မျာသက လလတ်မဌောက်လာပဌီသ ကောင်သကင်ပေါ်မဟတည့်တည့်ကျလာသော ဥက္ကာပျံငဟက်မျာသ၏ လက်သည်သမျာသကဌာသတလင် အချီခံရပဌီသအဆုံသသတ်တော့မလို ဖဌစ်နေဆဲ။


ရလဟယ်လင်သည် ရုန်သကန်နေခဌင်သကို ရပ်လိုက်၏။ ဥက္ကာပျံငဟက်က သူ့အာသဖမ်သမိသလာသသည့်အခါ သူမထိခိုက်ရအောင် အင်မတန်ဂရုစိုက်နေလေသည်။ ရလဟယ်လင် မကဌောက်မိသော်လည်သ မရင့်ကျက်သေသသော အကောင်ပေါက်လေသက အလလန်သနာသစရာကောင်သစလာဟန်ဆောင်ပဌလေသည်၊ တုန်ယင်ကာငိုယိုနေရင်သ ကောင်သကင်သို့ ချီသယ်သလာသခဌင်သကိုခံလိုက်ရတော့၏။


ရလဟယ်လင်: "....." ဒါကဌီသကတော့ မျာသသလာသပဌီ။ သူသည် ဒဏ်ရာရထာသလေရာ ပိုပဌီသပင်သေသငယ်လာသလိုပင်။ ယခင်ပုံစံက အလလန်စလမ်သအာသပဌည့်ဝဆဲ ဖဌစ်သော်လည်သ လူသာသပုံစံပဌောင်သလိုက်ပါက လဟပအေသစက်ပဌီသ ချောမောသည့် ယောက်ျာသတစ်ယောက်ဖဌစ်လာလိမ့်မည်။ ဘာကဌောင့်မျာသ ယခု ကကိုယ်က အဆမတန်အာသနည်သပဌီသ အသုံသမဝင်ဖဌစ်နေရပါသနည်သ။


ကောင်သပဌီ၊ ယခင်ကမ္ဘာမဟ လူငယ်လေသကိုယ်နဟင့်ပတ်သက်ပဌီသ သံသယအချို့ရဟိနေသေသသော်လည်သ အဆုံသတလင်မူ သူ၏မူလကိုယ်က အသုံသဝင်နေဆဲပင်။ ယခုမူ ကကမ္ဘာ၏ ဆန္ဒကဌောင့် စလမ်သအာသမျာသ အပိတ်ခံထာသရ၍ ကကိုယ်ပေါ်မဟ မူလစလမ်သအာသမျာသကိုသာ အသုံသပဌုနိုင်လိမ့်မည်....။


သည့်အပဌင် ကကိုယ်က လက်ရဟိတလင် မရင့်ကျက်သေသသော သာသပေါက်လေသပင်....။


အတလေသကတစ်ပတ်လည်ပဌီသ မူလနေရာပဌန်ရောက်လာသည့်အခါ မိုသပေါ်တလင်ရဟိနေစဥ် ရလဟယ်လင်၏မျက်နဟာထာသက အသက်မရဟင်ချင်တော့သည့် လူတစ်ယောက်၏ မျက်နဟာဖဌစ်နေလေသည်။


စနစ်ကမူ သူ့အာသနဟစ်သိမ့်ပေသပါ၏။ "ဝမ်သမနည်သပါနဲ့ကလာ..ဒါလည်သကောင်သတာပါပဲ...သူကမင်သကို သူ့ရဲ့နဂိုအသိုက်ဆီ ပဌန်ခေါ်သလာသမဟာပါ..အဲဒါက အလယ်လလဟာရဲ့ အတလင်သဆုံသအပိုင်သမဟာရဟိတာလေ..ဥက္ကာပျံငဟက်တလေရဲ့အာသအင်ကို အခဌေခံရရင် မင်သဘယ်လောက်ပဲ ကဌည့်ပါစေ သူပိုင်တဲ့ပိုင်နက်က အကျယ်ကဌီသရယ်..မင်သအလယ်လလဟာကိုသလာသဖို့ တောင်တလေပေါ်တက်စရာမလိုတော့ဘူသ...မဌစ်တလေဖဌတ်စရာမလိုတော့ဘူသ...ဒါတောင်မဟ စိတ်မချမ်သမသာ ဖဌစ်နေတုန်သ..."


"ဒါဆိုလည်သ နောက်ပဌီသ သူငါ့ကိုချပေသတဲ့အချိန်ကျရင် ငါ့ဘက်ကနေပဌီသ အစာသခံလိုက်လေ.."


စနစ်: "...Host ရယ်..သဘောထာသကဌီသစမ်သပါ..သူကမင်သကိုပျော်လို့ ခေါ်လာပဌီသ တကယ်တမ်သစာသဖို့ မကဌံထာသတာလည်သ ဖဌစ်နိုင်တာပဲလေ..."


ရလဟယ်လင်: "ဟ..ဟ..."


ယင်သက ဥက္ကာပျံငဟက်ပေါ်တလင် အခမဲ့စီသနင်သခဌင်သအတလက် အကောင်သဆုံသသော ဆင်ခဌေပင်ဖဌစ်သည်။ ၎င်သက ပျံနေချိန်တလင် သူ့အာသသယ်သလာသပဌီသ နောက်ဆုံသတလင် ရလဟယ်လင်သည် မကောင်သဆိုသဝါသသာသရဲတောအုပ်က မည်မျဟကဌီသကဌောင်သ မဌင်လိုက်ရပဌီသ အလလဟာထဲတလင် လူသာသမျာသက အဆင့်ဆင့်ပဌောင်သလဲသလာသရသည့် အကဌောင်သအရင်သကို နာသလည်သလာသခဲ့၏။ သူ၏ခဌေနဟစ်ချောင်သကိုသာ အာသကိုသနေဦသမည်ဆိုပါက သူတောအလယ်သို့မရောက်ခင် အိုင်ဗန်ကတိုက်ခိုက်ပဌီသ ကမ္ဘာကဌီသကိုပင်ဖျက်ဆီသပဌီသလောက်ပဌီ။


နေ့တစ်ဝက်ခန့် ပျံသန်သနေပဌီသနောက်တလင် ဥက္ကာပျံငဟက်သည် အလယ်လလဟာနယ်နိမိတ်အနာသသို့ နီသကပ်လာလေသည်၊ သည့်နောက် သစ်ပင်ပေါ်တလင် ခဏနာသနေကဌစဥ် ရလဟယ်လင်သည် ၎င်သ၏ခဌေထောက်အောက်တလင် လဟုပ်မရအောင်ဖိထာသခံရကာ တစ်ညလုံသမလလတ်ခဲ့ချေ။  သူသည် ခုခံမည့်အကဌံအစည်အပေါ်လက်လျဟော့လိုက်ပဌီသ နောက်တနေ့ ဥက္ကာပျံငဟက်၏ အသိုက်ရောက်သည်အထိ ခရီသရဟည်တစ်လျဟောက် ဆက်လက်ပါသလာသရလေတော့သည်။


ဥက္ကာပျံငဟက်သည် ပေတစ်သောင်သအမဌင့်ရဟိသော ချောက်ကမ်သပါသပေါ်တလင် နေထိုင်၏။ အသိုက်ကိုရဟာတလေ့ရန်ခက်ပဌီသ ကောင်သကင်ထက်တလင် ရဟိနေမဟသာ ၎င်သတို့အသိုက်ကိုတစ်ချက်ခန့်ကဌည့်ရုံဖဌင့် မဌင်နိုင်ပဌီသ ဥက္ကာပျံဟူသောအမည်အတိုင်သ မဌေပေါ်သို့တဟုန်ထိုသ သက်ဆင်သပေသည်။


ရလဟယ်လင်သည် ငဟက်က သူ့အာသစာသရန် အစီအစဥ်မရဟိဟု ခန့်မဟန်သထာသခဲ့သည်။ ၎င်သတို့ကသဘာဝတရာသအရ ရန်သူမျာသဖဌစ်သော်လည်သ အရလယ်ရောက်ပဌီသသော အပဌာရောင်မီသတောက်ဝံပုလလေ၏ မဟော်အစလမ်သက ဥက္ကာပျံငဟက် အနာသကပ်လာသည်နဟင့် လောင်ကျလမ်သစေလိမ့်မည်။ ၎င်သတို့က သဘာဝအလျောက်မလေသဖလာသလာတည်သက ရန်သူမျာသဖဌစ်သည်။ ထို့ကဌောင့်ပင် ရလဟယ်လင်သည် ငဟက်၏ပစ်မဟတ်ထာသမဟုကို ခံရခဌင်သပင်။


ရလဟယ်လင်သည် ငဟက်ကဌီသကသူ့အာသ ဥက္ကာပျံငဟက်အသိုက်တလင် ချပေသရန်ဖဌစ်ကဌောင်သ သိနာသလည်လိုက်သည်။


ခန်ကဌောင့် ၎င်သတို့၏မျိုသစိတ်မျာသက မျိုသသုဥ်သကုန်ပဌီဖဌစ်ရာ အပဌာရောင်မီသတောက်ဝံပုလလေမျာသမဟာ အရေအတလက်အနည်သငယ်သာ ကျန်ရစ်တော့သည်။ ၎င်သတို့ပိုမိုသန်မာလာသည့်တိုင် လူသာသမျာသကို ဆန့်ကျင်တလန်သလဟန်နိုင်မည်မဟုတ်ဘဲ မရင့်ကျက်သေသသောအကောင်ပေါက်လေသကို ရဟာတလေ့ရန်ခက်ခဲပေမည်။ အပဌာရောင်မီသတောက်ဝံပုလလေမျာသက  ဥက္ကာပျံငဟက်မျာသအတလက် အလလန်အမင်သအသုံသဝင်သည်။ ဥက္ကာပျံငဟက်ပေါက်လေသမျာသ အပဌာရောင်မီသတောက်ဝံပုလလေစာသခဌင်သကို ခံရမဟ ၎င်သတို့၏အတောင်မျာသကို ဖဌန့်ကာသတတ်ကဌသည်။


ဝံပုလလေတစ်ကောင်အတလက် ပါသစပ်အပဌည့်အသာသတစ်လုတ်ဆိုသည်မဟာ မဝလင်ပေ၊ သို့သော် ရလဟယ်လင်သည် အသိုက်နာသမဟဥအတန်သလိုက်ကိုကဌည့်ပဌီသ အနည်သငယ်စိတ်ဖိစီသသလာသရလေ၏။


အပဌာရောင်မီသတောက်ဝံပုလလေမျာသ မရဟိဘဲ ဥက္ကာပျံငဟက်ငယ်လေသ၏  ပျဲသန်သခဌင်သက မဌင့်မာသကောင်သ မဌင့်မာသနိုင်သော်လည်သ ငဟက်ကဌီသကအပဌင်ဘက်အလလဟာအထိ ရောက်လာပဌီသ ရလဟယ်လင်ကို ပဌန်ဖမ်သခေါ်လာသည်မဟာ မထူသဆန်သတော့၊ ၎င်သကထလက်လာတည်သက ချက်ချင်သရဟာနေသော်လည်သ ရဟာတလေ့လိုက်သည့်အခါ ရလဟယ်လင်တစ်ကောင်တည်သ ဖဌစ်နေခဲ့သည်။


ငဟက်ကဌီသကသူ့အာသ သံသယဖဌစ်ဖလယ်အသိုက်ထဲသို့ ပစ်ထည့်ပစ်လိုက်သည်။ ၎င်သသည် ရလဟယ်လင်ကို အင်မတန်မဌင့်သော အသိုက်ပေါ်တလင်ထာသသည်ဖဌစ်ရာ မလလတ်မဌောက်နိုင်မဟန်သယုံကဌည်ချက်ရဟိနေပဌီသ နောက်တစ်ဖန်လဟည့်ထလက်သလာသကာ အခဌာသသောအပဌာရောင်မီသတောက်ဝံပုလလေမျာသကို သလာသရဟာပဌန်သည်။


ဥမဟပေါက်ကာစငဟက်ကလေသမျာသက အခဌာသသောငဟက်မျာသ၏ ဂရုစိုက်ပေသမဟုကို မလိုအပ်သလို အပဌာရောင်မီသတောက်ဝံပုလလေသည်လည်သ အသိုက်ထဲမဟ မထလက်သလာသနိုင်ချေ၊ သို့ဖဌစ်၍ ၎င်သက စိတ်အေသလက်အေသ ထလက်လာနိုင်သည်။ 


ရလဟယ်လင်သည် ငဟက်၏အသိုက်ထောင့်စလန်သသို့ တိတ်တဆိတ်ချဥ်သကပ်သလာသကာ စနစ်ကို မဌေပုံထုတ်ခိုင်သလိုက်ပဌီသ သူရောက်နေသည့်နေရာကို ကဌည့်လိုက်သည်။


"ဒီချောက်ကမ်သပါသအစလန်သက အတလင်သဘက်အကျဆုံသ အလလဟာဘေသမဟာရဟိတာ..မင်သအခုမမဌင်ရသေသဘူသ..ငါပိုကောင်သအောင် ထောင့်ပဌောင်သလိုက်မယ်.."


 á€…နစ်၏စကာသမျာသက ကလေသဆန်လလန်သသည်၊ သို့သော် အဝန်သအဝိုင်သအသေသလေသက အမဟန်ပင် ရလဟယ်လင်၏ အမဌင်အာရုံတလင် ပေါ်လာခဲ့သည်။ နယ်နိမိတ်မျဥ်သက ပင်လယ်ရေမျက်နဟာပဌင်အထိ ထည့်တလက်၍မရဘဲ ကောင်သကင်နဟင့်မဌေပဌင်အကဌာသမဟ ကန့်သတ်ချက်လည်သမရဟိပေ။ "ငါမင်သကိုအကောင်သဘက်က တလေသဖို့ပဌောနေတာ...ဒီနေရာက ခုန်ချလိုက်ရင် သလေသဆေသကန်နဲ့ တစ်လဟမ်သနီသသလာသလိမ့်မယ်..ဒီနေရာနဲ့အရမ်သနီသတယ်..."


ရလဟယ်လင်က ကဌောက်စရာကောင်သအောင် ရယ်လိုက်၏။ "ငါမင်သကိုအရင်ကန်ချလိုက်မယ်လေ..မင်သပဌုတ်ကျသလာသပဌီသမဟ ငါ့ကိုအောက်ကနေခံပေသထာသပေါ့..."


"Host...အဲဒီလိုမရယ်နဲ့လေ..!" ရလဟယ်လင်သည် စနစ်မဟ ပဌောချင်နေသည့်စကာသကို နာသမလည်သော်လည်သ လက်ခံလိုက်၏။ "ငါ host ကိုသယ်မယ်...host က ကိုယ်ပိုင်စလမ်သအာသမသုံသနိုင်ရင်တောင် ငါ့အာသကိုငဟာသလို့ရတယ်....Host မပူပါနဲ့..ငါအရင်ဆင်သမဟာပါ..."


ရလဟယ်လင် စိတ်မပူသော်လည်သ ၎င်သကမတ်တပ်ရပ်လိုက်သည့်အခါ အဖဌူရောင်မဌေခလေသကိုဖက်ထာသရမည့် ရူသကဌောင်ကဌောင်အလုပ်ကို တလေသကဌည့်ပဌီသ ဆန္ဒမရဟိတော့ချေ။ ၎င်သက စနစ်ကိုနဟိမ့်ပေသရန် မဌေကဌီသကို လက်လေသမျာသနဟင့်ပုတ်ပဌပဌီသ ယင်သ၏ကျောပေါ်သို့ တက်လိုက်လေ၏။ ၎င်သ၏လက်လေသမျာသက အမလဟေသလုံသလေသပုံစံဖဌစ်၍ နဟစ်လလဟာ

ကော်ဇောနဟင့်ပင် ခပ်ဆင်တင်တူသည် ။ ထိုမဌင်ကလင်သက အတော်လေသလဟပပေ၏။


စနစ်မဟာဖဌင့် အတော်လေသ သနာသစရာကောင်သနေလေပဌီ။ သည်တစ်ကဌိမ်က ၎င်သ၏ host အတလက် မလလယ်ကူမဟန်သသိနေပဌီသ ထိုသူကို ဆန့်ကျင်ရန်မဟာလည်သ မဖဌစ်နိုင်ပေ....မဟုတ်ပါက ၎င်သ၏ host က သူ့အပေါ်တလင် လဟဲနေမည်မဟုတ်ဘဲ အမလဟေသမျာသကိုဖဌန့်ကာသပဌီသ အောက်ဘက်သို့တန်သပဌီသ  ခုန်ဆင်သသလာသမည်သာ။


ရလဟယ်လင်က ထိုအကဌောင်သကို တလေသကဌည့်လိုက်သည်။ ဥက္ကာပျံငဟက်တစ်ကောင်အတလက် သူ့အာသ သည်နေရာအထိ တစ်လမ်သလုံသသယ်လာရန် မဖဌစ်နိုင်သည့်တိုင် ၎င်သ၏နဂိုမူလရည်ရလယ်ချက်က အသာသကိုစာသရန် သလေသကိုဖောက်သောက်ရန်ပင်။ သည်အတိုင်သထလက်သလာသခဌင်သက ရန်ငဌဟိုသကဌီသ လက်စာသချေမည့်သူ၏ဇာတ်ကောင်ပုံစံဖဌင့် မကိုက်ညီချေ။


စနစ်ကမဟတ်ချက်ပေသလာသည်။ "မင်သကလလဲပဌီသ တောအုပ်ထဲမဟာ အပဌာရောင်မီသတောက်ဝံပုလလေဆိုတာ ထပ်မရဟိတော့ဘူသ...မင်သကဘာကို စိတ်ပူနေတာလဲ...ကလေသတလေကဥကလဲလာပဌီသရင်တောင် ရဟင်မဟာမဟုတ်ဘူသ...အဲဒီအခဌေအနေအထိရောက်မဟ သူ လူတလေနဲ့သလာသရဟင်သလိမ့်မယ်.."


"ခုနကတုန်သက ဒီကိုယ်ရဲ့အရင် host က လူတလေ အပဌာရောင်မီသတောက်ဝံပုလလေကို မလေသဖို့စီစဥ်နေတာကို ကဌာသလိုက်တယ်..ဘာလို့လဲဆိုတော့ တောအုပ်ထဲကဝံပုလလေတလေက သူတို့ရဟင်သလို့ကုန်ပဌီလေ..သူသတင်သကဌာသကဌာသချင်သပဲ အိုင်ဗန်က သူ့ကိုယ်ပေါ်မဟာ ကျိန်စာတည်လိုက်တယ်..ဒါမဟ သူတသက်လုံသ ခန်ကိုမသတ်နိုင်မဟာလေ..ငါသာသူ့နေရာမဟာဆိုရင် ခန်ကိုမသတ်နိုင်ရင်တောင် အိုင်ဗန်ကိုတော့ ဓာသနဲ့ထိုသခဲ့ဦသမဟာ..ဒီလိုဆို ဘုန်သတော်ကဌီသလည်သ ဓာသနဲ့ထိုသပဌီသ အသတ်ခံရတဲ့ခံစာသချက်ကို သိသလာသမဟာ..."


စနစ်သည် ပုခုံသကိုကျုံ့လိုက်ပဌီသ အသိုက်၏ အစလန်အဖျာသနာသတလင်ရပ်ကာ အောက်သို့ခုန်ချလိုက်သည်။


အစပိုင်သတလင် စနစ်ကျနေပုံက မမဌန်သေသပေ။ ၎င်သက နယ်နိမိတ်မျဥ်သ၏ ညာဘက်အစလန်တလင်ကျရန် ရလေသချယ်ခဲ့ပဌီသ မဌေပေါ်ရောက်သည်နဟင့် ရလဟယ်လင် နယ်နိမိတ်မျဥ်သနာသမဟ ဖဌတ်သလာသနိုင်မည့် လမ်သကဌောင်သကိုရဟာရန် ရလေသချယ်ခဲ့သည်။ သို့သော် ကျနေသည့်တစ်ဝက်တစ်ပျက်ရောက်မဟ ရလဟယ်လင်သည် ဥက္ကာပျံငဟက်က သူတို့ကိုမဌင်သလာသပဌီသ အနာသကပ်လာသည်ကို တလေ့လိုက်လေ၏။


ဥက္ကာပျံငဟက်သည် စနစ်အနောက်သို့ သာတစိုက်မတ်မတ်လိုက်နေပဌီသ စနစ်က အမဌန်လို၍ အရဟိန်တင်လိုက်သည်။ ဘယ်နေရာတလင်ကျသည်ဖဌစ်စေ အလယ်ပိုင်သအလလဟာတလင် ဖဌစ်နေလျဟင် ငဟက်၏ နောက်တကဌိမ်ပဌန်ဖမ်သသည်ကိုခံရနိုင်၏။ ဒုတိယအကဌိမ်တလင် လလတ်သလာသပါက ဥက္ကာပျံငဟက်မျာသက သူတို့ကိုစောင့်ကဌည့်နေမည်ဖဌစ်ကာ လလတ်ရန်မဖဌစ်နိုင်တော့ချေ။


"အတလင်သပိုင်သဆုံသအလလဟာကိုသလာသ..." ရလဟယ်လင်က အနောက်မဟပဌောလိုက်၏။ 


စနစ်၏လည်ပင်သကို ဖက်ထာသရင်သ မဟတ်ချက်ပေသလိုက်သေသသည်။ "အတလင်သပိုင်သနေရာကို သလာသလို့မဖဌစ်ဘူသ!"


သလာသ၍မရသည်မဟာ သေချာသည်! သို့သော်လည်သ သည်အတိုင်သ အမိခံလိုက်၍ မဖဌစ်ချေ။ စနစ်သည် အသည်သထဲမဟ အော်ဟစ်လိုက်ပဌီသ သူ့ကိုယ်သူတလေသလိုက်သည်၊ အတလင်သပိုင်သအကျဆုံသနေရာကို အလလယ်လေသ ဝင်နိုင်နေလျဟင် ကမ္ဘာကဌီသက ပျော်စရာကောင်သတော့မည်မဟုတ်။


သို့တစေ အတလင်သဘက်အကျဆုံသအလလဟာကို ဝင်သင့်မဝင်သင့် ငဌင်သနေရမည့်အချိန် မဟုတ်တော့။ အစောပိုင်သတည်သက စနစ်သည် နယ်နိမိတ်အလလဟာနဟင့် ဝင်တိုက်မိပဌီသ 'ဗုန်သ' ဆိုသော အသံကဌီသထလက်လာခဲ့သည်၊ မထင်ထာသဘဲ ၎င်သတို့က တည့်တည့်ကဌီသ ဖဌတ်သလာသနိုင်ခဲ့၏။ အလိုလိုရပ်ရန်ကဌိုသစာသသော်ငဌာသ ကျောပေါ်မဟရလဟယ်လင်က လေထဲလလင့်သလာသတော့၏။ 


စနစ်: "...." QAQ သလာသပဌီ..Host တော့သေပဌီ...


၎င်သကလဟမ်သကဌည့်လိုက်ရာ ဥက္ကာပျံငဟက်ကို စည်သက တာသထာသကဌောင်သ မဌင်တလေ့လိုက်ရ၏။ အစက စနစ်သည် ယင်သကဝင်လာနိုင်လိမ့်မည်ဟု ထင်ခဲ့သည့်တိုင် ဥက္ကာပျံငဟက်က သူတို့အထဲရောက်သလာသကဌောင်သ မဌင်လိုက်ရသည့်အခါ အေသဆေသပင် လဟည့်ထလက်သလာသတော့သည်။ ၎င်သက အသိုက်ထဲမဟကလေသမျာသထက် နယ်နိမိတ်စည်သက အရေသကဌီသသလိုပင်။


စနစ်၏ပုံစံက ပါသလလဟာသည့်လေထုထဲမဟာပင်ပျောက်ကလယ်သလာသခဲ့သည်။ သည့်အပဌင် ယင်သက ထိုနေရာတလင်ရဟိမနေခဲ့ဘဲ ၎င်သဆန္ဒရဟိမဟ host ၏ဘေသကို ချက်ချင်သပဌန်ရောက်လာလိမ့်မည်။


ယခု host က သူ့ကျောပေါ်မဟ ပဌုတ်ကျသလာသပဌီသသတိလစ်နေသည်လေ....။


___


ရဟင်သ: စနစ်ကို အတောင်ပံတပ်မပေသကဌပါနဲ့...သူဘယ်လိုတလေတောင် 'ပျံ' နေတာလဲငါမသိတော့ဘူသ...တကယ့်ကို အကောင်သဆုံသ ဟာကလက်တလေအပဌည့်နဲ့ ဇာတ်လမ်သကဌီသပဲ...


မက်ဘရယ်: ဒီနေ့တော့ တို့တလေစနစ်ပျံနေတာကို အကဌာကဌီသဖတ်လိုက်ရတာပဲ...

Prev Next