(7)အက်ကြောင်း

ဆယ်နှစ်တာသဘောတူညီချက်

DaoMuBiJi

Author - Nan Pai San Shu

Chapter (7) 

အက်ကြောင်း 

တောင်ခြေကနေ တောင်ပေါ်ကို ဖြောင့်ဖြောင့်တက်ဖို့ဆိုတာ သာမန်လူတွေအတွက် အလွန်ခက်ခဲပေမယ့် ချောက်ကမ်းပါးတွေကို အရှိန်ပြင်းပြင်းနဲ့ ပြောင်းပြန် တောင်စောင်းတွေကိုတောင် တက်နိုင်တဲ့ ရှောင်ဟွားလို လူတွေအတွက်ကတော့ ဒီလိုတောင်တက်ခြင်းမျိုးက ကစားကွင်းထဲ ရောက်နေသလိုပါပဲ။ 

ဆယ်မိနစ် ကြာသော် ရှောင်ဟွားတစ်ယောက် သူ့ဘာသာသူ ရှေ့သို့ တက်နှင့်နေပြီ ဖြစ်သည်။ သူ့ရဲ့ နွေဦးလေညင်းလေးလို အပြုအမူကို ကြည့်ပြီး ဝူရှဲတို့ အရမ်းစိတ်မဆိုးပါ။

"လူငယ်တွေက ခါးကောင်းတယ်လေ...." 

ဖက်တီးက အသက်ပြင်းပြင်းရှူရင်း ပြောလေသည်။ သူ၏ ကာယကြံ့ခိုင်မှုမှာ ယခင်ကကဲ့သို့ မကောင်းမွန်တော့ပေ။ 

"ငါ အရှေ့မြောက်က သင်္ချိုင်းတွေကို ဖောက်ခဲ့တုန်းကဆို တစ်နေ့လုံး ဒီတောင်တွေပေါ် တက်လိုက်၊ ဆင်းလိုက် လုပ်နေခဲ့တာ..."

"သခင်ဖက်တီး... အရင်က အရှေ့မြောက်ဘက်ကို ရောက်ဖူးလား"

ခမ်ကျန်းသည် ပစ္စည်းများကို သယ်ဆောင်လာနေရင်း ဖက်တီးအကြောင်း တွေးကာ လှမ်းမေးလိုက်ပေမယ့် ဖက်တီးဆီက တွန်းထုတ်တာသာ ခံခဲ့ရသည်။ 

ခမ်ကျန်း: "အရှေ့မြောက်ဘက်ရဲ့ ကာမဂုဏ်လေးပါးက ဘာလဲ သိလား"

"ဘယ်သူက မသိမှာလဲ...ဖိနပ်အကြီးကြီး စီးတာ... ကျယ်ကျယ်လောင်လောင် အော်တာ မဟုတ်ဘူးလား... နွားလှည်းစီးတာ အော်ပရာတွေကြည့်တာ မဟုတ်ဘူးလား... ငါမင်းကိုပြောမယ်... ငါ တခြားဘာမှမသိပေမယ့် ကျယ်လောင်တဲ့လေသံက မင်းရဲ့အထက်လူကြီးကို တစ်ခါလောက်လေး သေလုနီးပါး ဖြစ်စေခဲ့တာနော်.... ဒါပေမယ့် သခင်ဖက်တီး ငါက ဒီတော်လှန်ရေးဓလေ့ကို အမြဲတမ်း ဆက်လုပ်သွားမှာ..."

"ကောင်းလိုက်တာ... သခင်ဖက်တီးတို့ကတော့ တကယ်ကို ပညာတတ်ပဲဗျာ...."

ခမ်ကျန်းသည် ဖက်တီး၏ အသုံးအဆောင် အများစုကို သိမ်းပိုက်ပြီး ဝိုင်ကို ဖက်တီးလက်ထဲ ထည့်ပေးလိုက်သည်။ 

"သခင်ဖက်တီး မှန်မှန်သောက်ပါဦး..."

ဝူရှဲ ခမ်ကျန်းကို သဘောကျစွာ ကြည့်လိုက်သည်။ ထိုစဥ် ဖက်တီးက ဝိုင်တစ်ခွက်လောက် သောက်ပြီး တုန်တုန်ယင်ယင်နဲ့ ဝူရှဲကို လှည့်ချီးကျူးလေသည်။ 

"မင်းက မင်းဦးလေးထက် ပိုကောင်းတယ်ကွ... မင်းတို့ကောင်တွေ အကုန်လုံးလည်း ဉာဏ်ကောင်းတယ်... ခမ်ကျန်း... မင်းဝင်ပြီးတဲ့အထိပဲ စောင့်... ဖက်တီးကငါက မင်းကို ပစ္စည်းကောင်းကောင်းတွေ ပေးမယ်... မင်းသူဌေးရဲ့ ပစ္စည်းထက် ပိုကောင်းစေရမယ်လို့ ငါ အာမခံတယ်"

သူပြောပြီးတာနဲ့ တခြားလူတွေကလည်း ချက်ချင်း ထွက်ချလာပြီး စီးကရက်တွေ ပေးဖို့ ကျောပိုးအိတ်တွေ ယူလာကြတော့သည်။ 

ရှောင်ဟွားက အပေါ်မှ ဟောက်ပြီး တောင်ထိပ်သို့ အရှိန်မြှင့်လိုက်သည်။ သစ်ပင် ပင်စည်တွေကြားကနေ အပြင်ကို လှမ်းကြည့်လိုက်တော့ နေဝင်ချိန် ရောက်နေပြီဖြစ်ကာ ချိုင့်ဝှမ်းတစ်ခုလုံးမှာ တိမ်တွေဖုံးလွှမ်းနေပြီး ကျယ်ပြောလှတဲ့ တောင်တန်းတွေနဲ့ သစ်တောတွေပေါ်မှာ နေရောင်ခြည်က တောက်ပနေသည်။ သစ်ရွက်တစ်ခုစီရဲ့ အောက်မှာ ရွှေရောင်ပိုးစုန်းကြူးအုပ်စုတွေ ရှိနေသည့် အတိုင်းပင်။  

လ တဖက်မှ တက်လာသောအခါ အပူချိန် ကျဆင်းသွားကာ ဝူရှဲခန္ဓာကိုယ်ပေါ်ရှိ ချွေးနံ့များလည်း အနည်းငယ် အေးစက်လာသည်။

ဒီအနေအထားကနေ အောက်ကို ငုံ့ကြည့်လိုက်ရင် ရှင်းရှင်းလင်းလင်း မြင်​နေရပါပြီ။ တောင်ရဲ့အောက်ခြေက ကျောက်တုံးကြီးဟာ အဲဒီနေရာတွေကို ဘယ်လိုထိမှန်ခဲ့သလဲဆိုတာ သိနိုင်ပြီပဲ ဖြစ်သည်။ တောင်ပေါ်အကွာအဝေးတွင် ကြီးမားသော မုန်တိုင်းငယ်တစ်ခု ရှိနေခဲ့သောကြောင့် ၎င်းသည် ကြီးမားသော ကျောက်တုံးကြီး၏ ရွေ့လျားမှုနှင့် ရိုက်ခတ်မှုကြောင့် ဖြစ်ပေါ်လာတာ သိသာထင်ရှားပါသည်။

ခမ်ကျန်း: "ရွှေပုပ်ဖာစေ့ အပင်တွေ ဒီချိုင့်ဝှမ်းမှာ စိမ်းစိမ်းလန်းလန်း ကြီးထွားလာတာက ဟိုတစ်ချိန်တုန်းက သွေးမြစ်ရှိခဲ့လို့လား... မြေကြီးအောက်ထဲမှာ မွန်ဂိုလီးယား အလောင်းတွေနဲ့ ပြည့်နေလို့များလား..." 

ဝူရှဲ :"တော်လိုက်တော့... သောက်ကျိုးနည်း လွန်ခဲ့တဲ့ နှစ်ထောင်ပေါင်းများစွာက ဖြစ်ပျက်ခဲ့တဲ့ ကိစ္စတွေကို မပြောစမ်းနဲ့... တခြားအကြောင်းအရင်း ရှိလိမ့်မယ်... ဒီမှာ ဆက်လေ့လာနေသရွေ့ တစ်ခုခုတော့ ရှာတွေ့မှာပဲ" 

သူတို့တက်နေရတဲ့ တောင်စောင်းမှာ ကျောက်စရစ်ခဲတွေနဲ့ သဲတွေပြည့်နေပြီး သစ်ပင်တွေက မမြင့်ချေ။ ဖက်တီးက ဝူရှဲကို ခေါင်းတစ်ချက် လှမ်းညိတ်ပြသည်။ ကောင်းကင်နန်းတော် အနီးရှိ တောင်တန်းများတွင် အလားတူ မြေပုံသဏ္ဌာန်များကို သူတို့ မြင်ဖူးခဲ့သည်။ ဝမ့်နူသည် တစ်ချိန်က ဤနေရာ၌ စစ်ကို ခုခံကာကွယ်ခဲ့လျှင် သူကာကွယ်ပေးခဲ့သော အရာများသည် သူတို့၏ ခြေ​ထောက်အောက်ရှိ ကျောက်စရစ်ခဲအောက်တွင် ရှိနေလိမ့်မည်။ 

ဖောက်ခွဲစက်နဲ့ ယမ်းမှုန့်တွေကို ဆွဲထုတ်ရင်း ဝူရှဲ အဝေးမှာ နေခဲ့လိုက်သည်။ ဖက်တီးဆိုသည်မှာ သူ့နှလုံးသားအောက်ခြေကနေတောင် တောင်များကို ပေါက်ကွဲသည့် အားကစားကို နှစ်သက်သူပင်။ ယခု ဖောက်ခွဲရေးပစ္စည်းတွေရဲ့ နည်းပညာက အရင်ကထက် ပိုကောင်းတေရာ ကလေးတွေ နှစ်သစ်ကူးတုန်းက မီးရှူးမီးပန်းဖောက်ရသလိုမျိုး အရမ်းစိတ်လှုပ်ရှားနေကြသည်။

ရှောင်ဟွားနဲ့ ဝူရှဲဟာ အချိန်အတော်ကြာ ဆွေးနွေးပြီးနောက် ဘေးနားက တောထဲကို ရောက်လာခဲ့ကြသည်။ ဒီနေရာက အလုံခြုံဆုံးပင်။ 

ဝူရှဲ: “တောင်ပြိုကျပြီး မင်းတို့အားလုံးကို မြေမြှုပ်ပြီးသား ဖြစ်မသွားအောင် သတိထား!!” 

ဖက်တီး: "စိတ်မပူပါနဲ့... ဒါကို တိုက်ရိုက်ဖောက်ခွဲခြင်းလို့ ခေါ်တယ်... ပေါက်ကွဲမှုက မြေပြင်ကို ထိတယ်၊ အပျက်အစီးတွေကို ပေါက်ကွဲပြီး တွင်းနက်ကြီး ဖြစ်သွား​အောင် တိုက်ရိုက် မှုတ်ထုတ်လိုက်မှာ...မင်း ငါ့နည်းပညာကို နားမလည်ဘူးလား?"

ဝူရှဲနဲ့ ရှောင်ဟွားကတော့ သစ်တောအနားသို့ ဆုတ်ခွာသွားခဲ့သည်။ ဝူရှဲ ခေါင်းကို ကုတ်လိုက်ပြီး ဖက်တီး တစ်ခုခုမှားနေပြီလို့ ခံစားမိနေတုန်းပါပဲ။ ထိုအခိုက် ရှောင်ဟွားက သူ့ပုခုံးကို ပြင်းပြင်းထန်ထန် ပုတ်လိုက်ပြီး ဖက်တီးကို ခဏ ရပ်ခိုင်းထားလိုက်သည်။

ထို့နောက် လမ်းတစ်လျှောက်လုံး ဆုတ်ခွာလာခဲ့ရာ တောင်အက်ကွဲကြောင်း အစွန်းသို့ မသိလိုက်ဘဲ ရောက်သွားခဲ့ကြသည်။ ဤအက်ကွဲကြောင်းသည် ကျောက်တုံးပေါ်တွင် ရှိ​နေပြီး အက်ကွဲထားပုံက ကွဲပြားနေကြောင်း တစ်ချက်ကြည့်ရုံဖြင့် သိလိုက်သည်။