Ch 52
Viewers 11k
Chapters 190

52 : လင်းဖန် ရုတ်တရက် စိတ်လွှတ်သွားခြင်း

 

ကားထဲ၌…

 

လင်းဖန်သည် တည်ငြိမ်နေသော်လည်း လေ့ဝူမှာမူ စိတ်ထိန်းနိုင်စွမ်း မဲ့နေသည်။

 

လေ့ဝူသည် ထိုအလိုမကျမှုကို ဆက်လက် ခုခံနိုင်စွမ်း မရှိတော့ပေ။ "‌သူဌေး..."

 

"ဘာဖြစ်လို့လဲ?"

 

"ခင်ဗျားက ချူရှောင်ကို တကယ်ပဲ ပြန်ပေးဆွဲဖို့ လုပ်နေတာလား?"

 

"အေး" လင်းဖန်သည် ပြတ်ပြတ်သားသား ပြန်ဖြေ၏။

 

“ကျွန်တော့်အထင် ဒါကအရမ်းအန္တရာယ်များတယ်နော် လက်လျှော့လိုက်တာကောင်းမယ်'’

 

လေ့ဝူသည် စောစောက စိတ်လှုပ်ရှားနေသည့် အခြေအနေမျိုး၌ မရှိတော့ပေ။

 

လင်းဖန်သည် ချူရှောင်ကို သူ့ရန်သူအဖြစ် ပြန်ပေးဆွဲမည်ဟု ကြားလိုက်ရချိန်တွင် သူသည် ကန်ကွက်ခြင်း မပြုခဲ့ပေ။ ကူညီရန်ပင် ဆန္ဒရှိခဲ့သည်။

 

သို့သော် လင်းဖန်၏ ရန်သူသည် ချူရှောင် ဖြစ်လိမ့်မည်ဟု သူ မထင်ထားခဲ့ပေ။

 

သူတို့သည် အင်အားကြီးသော ဂိုဏ်းမဟုတ်သေးသောကြောင့် ချူရှောင်ကို ရန်မစောင်ဝံ့ကြပေ။

 

လေ့ဝူသည် သေမည်ကို မကြောက်သော်လည်း သူတို့၏ ဂိုဏ်းပျက်စီးသွားခြင်း (သို့မဟုတ်) သူ့သူဌေးအတွက် မကောင်းသောအရာများ ဖြစ်သွားမည်ကို မလိုလားပေ။

 

လင်းဖန်၏ မျက်နှာသည် မည်းမှောင်သွားသည်ကို မြင်သောအခါ လေ့ဝူ၏ ဗိုက်ထဲတွင် လိပ်ပြာများ တဖျတ်ဖျတ် ခတ်နေသကဲ့သို့ ခံစားလိုက်ရသည်။

 

"အဲ... သူဌေး၊ ကျွန်တော်တို့ ဂိုဏ်းက ချူရှောင်ကို ရင်ဆိုင်နိုင်လောက်အောင်

အင်အားကြီးလာတဲ့အထိ စောင့်ကြတာပေါ့။ ကျွန်တော့်အထင် ကျွန်တော်တို့ သူ့ဆီက ဝေးဝေးနေသရွေ့ သူက ရန်မစဘူးထင်တယ်"

 

လေ့ဝူ ပြောသော စကားသည် ယုတ္တိရှိသည်။

 

လင်းဖန်သည် နောက်ပြန်လှည့်ရန် အားအင်မရှိသူ မဟုတ်တော့သလို လျူလီသည်လည်း သူ့ကို အခွင့်ကောင်းယူနိုင်တော့မည် မဟုတ်ပေ။ နောင်တွင် သူ့အတွက် သနားစရာကောင်းသော ဘဝကို ပိုင်ဆိုင်ရန် လုံးဝ မဖြစ်နိုင်တော့ပေ။

သူ့တွင် သူ့အသက်မွေးဝမ်းကြောင်းကို တည်ဆောက်ရန် အချိန်အလုံအလောက် ရှိခဲ့သည်။

 

မကြာခင် (သို့မဟုတ်) နောက်ပိုင်းတွင် သူသည် ချူရှောင်ကဲ့သို့ပင် အင်အားကြီးလာလိမ့်မည်။

 

သို့သော် သူဘာမှ မလုပ်ခဲ့ပါက လျူလီသည် ချူရှောင်၏ နှလုံးသားကို သိမ်းပိုက်နိုင်ပြီး ချူရှောင်၏ အကူအညီဖြင့် လန်မျိုးနွယ်စု၏ အကြီးအကဲ ဖြစ်လာလိမ့်မည်။

 

ချူရှောင်အတွက်မူ…

 

သူသည် လျူလီကို ချစ်ကြိုက်သွားပြီး နောက်ဆုံးတွင် လျူလီနှင့် လက်ထပ်လိမ့်မည်၊ လူတွေ ဘယ်လိုထင်သည်ဖြစ်စေ။

 

နောက်ဘာတွေ ဆက်ဖြစ်လာမလဲ?

 

သူတို့သည် လင်းဖန်က သူ့ယခင်ဘဝက တီဗီတွင် မြင်တွေ့ခဲ့ရသကဲ့သို့ လွတ်လပ်ပျော်ရွှင်သော ဘဝကို ပိုင်ဆိုင်ကြလိမ့်မည်…

 

သူ ပြန်လည်မွေးဖွားလာပြီးနောက် လင်းဖန်သည် ထိုမကောင်းသော အမှတ်တရများအားလုံးကို တကယ်ပင် ဖျောက်ဖျက်လိုခဲ့သည်။

 

ထိုအချိန်တွင် ထိုအမှတ်တရများသည် သူခေါင်းထဲသို့ ရူးသွပ်စွာ တိုးဝှေ့ဝင်ရောက်လာပြီး လင်းဖန်သည် ခေါင်းကိုက်လာသည်။ သူသည် တိတ်ဆိတ်သွားသည်။

 

"ကျွန်တော့်အကြံကို ဘယ်လိုထင်လဲ သူဌေး? ကျွန်တော်ထင်တယ်၊ ဒါက ကောင်းတဲ့အကြံပဲ" လေ့ဝူသည် လင်းဖန်ကို ချော့မော့ပြောဆိုရန် ကြိုးစားသည်။

 

လင်းဖန်သည် ပြင်းထန်သော စိတ်အပြောင်းအလဲများကို ခံစားနေရသည်ကို သူ မသိခဲ့ပေ။

 

"ဟားဟား... အေးကွာ... ဒါက ကောင်းတဲ့အကြံပဲ" လင်းဖန်သည် ရုတ်တရက် ရယ်မောလိုက်သည်။

 

သူသည် လေ့ဝူ၏ ကော်လာကို ဆွဲကိုင်ကာ စကားလုံးတစ်လုံးချင်းစီကို တိတိပပ ပြောလိုက်သည်... "ဒါပေမဲ့... မင်း အသုံးမကျဘူးလို့၊ ပစ်ပယ်ခံရတယ်လို့ ခံစားရတာ ဘယ်လိုလဲ သိလား? လူအလယ်မှာ အားကိုးရာမဲ့စွာ တွန်းထုတ်ခံရပြီး ကားလမ်းဘေးမှာ လဲနေရတဲ့ ခံစားချက်မျိုး မင်းသိလား? မင်း အပြစ်မရှိဘဲနဲ့ အားလုံးရဲ့ အပြစ်တင်ခံရတဲ့ ခံစားချက်မျိုး မင်းသိလား? နှလုံးရောဂါကြောင့် သေဆုံးသွားတဲ့သူရဲ့ ဘေးမှာ အသက်ရှင်နေရတဲ့ ခံစားချက်မျိုး မင်းသိလား? ဒါက ရယ်စရာကောင်းပြီး သနားစရာကောင်းပေမဲ့ မင်း ဘာမှ မလုပ်နိုင်ဘူး"

 

လင်းဖန်သည် အော်ဟစ်လိုက်သည်၊ "မင်း ဘာမှ မသိဘူး!" သူ၏ လက်ဆစ်များသည် လေ့ဝူ၏ ကုတ်အင်္ကျီကော်လာကို ပို၍ပင် တင်းကြပ်စွာ ဆုပ်ကိုင်လိုက်သောကြောင့် ဖြူဖျော့သွားသည်။

 

သူသည် စိတ်လွှတ်သွားခဲ့သည်။

 

သူသည် စိတ်ပိုင်းဆိုင်ရာ တည်ငြိမ်သူတစ်ဦးဖြစ်ပြီး ထောင်ထဲတွင် ရှိနေစဉ်ကပင် တည်ငြိမ်ခဲ့သည်။ သူ ပြန်လည်မွေးဖွားလာပြီးနောက် ပထမဆုံးအကြိမ် စိတ်ထိန်းချုပ်မှု လွတ်သွားခြင်းဖြစ်သည်။

 

သူကိုယ်တိုင်ပင် ချူရှောင်နှင့် လျူလီတို့၏ ယခင်ဘဝက ချိုမြိန်သော အိမ်ထောင်ရေးအကြောင်းကို တွေးတောမိသောအခါ စိတ်ထိန်းချုပ်မှု လွတ်သွားလိမ့်မည်ဟု မထင်ထားခဲ့ပေ။ ထိုအချိန်တွင် သူသည် ရုပ်မြင်သံကြားမှတစ်ဆင့် သူတို့၏ ပျော်ရွှင်ဖွယ် အိမ်ထောင်ရေးကို သင်ယူခဲ့သည်။

 

လေ့ဝူသည် အံ့အားသင့်သွားသည်။

 

"ဟုတ်ပြီ၊ အဲဒီလိုလုပ်ကြတာပေါ့။ကျွန်တော် သေမှာကို မကြောက်ဘူး။ ချူရှောင်က မင်းရဲ့ ရန်သူဖြစ်နေပြီဆိုတော့  သူ့ကို လက်စားချေသင့်တယ်" လေ့ဝူ၏ မျက်လုံးများ နီရဲလာသည်။

 

လင်းဖန် ပြောပြသည်များကို သူကိုယ်တိုင် မခံစားခဲ့ရသော်လည်း သူသည် ခံစားချက်ကို နားလည်နိုင်သည်။

 

ထို့ကြောင့် လေ့ဝူသည် ချူရှောင် မည်မျှ အင်အားကြီးသည်ဖြစ်စေ လင်းဖန်ကို ကူညီရန် ဆုံးဖြတ်လိုက်သည်။

 

လေ့ဝူ၏ စကားများကို ကြားသောအခါ လင်းဖန်သည် ပြုံးလိုက်ပြီး သူ့ပခုံးကို ပုတ်လိုက်သည်။

 

"စိတ်ချပါ၊ မင်း အန္တရာယ်တွင်းထဲ မရောက်စေရဘူး"

 

ချူရှောင်နှင့် အပြိုင်အဆိုင် ကစားခြင်းသည် မိုက်မဲရာရောက်သည်။ သို့သော် လင်းဖန်သည် သူ့အစီအစဉ်ကို ယုံကြည်မှုအပြည့်ရှိသည်။

Prev Next