Ch 18
Viewers 4k
Chapters 120

🧶 Chapter 18

 

 

အိပ်ခန်သအလင်သရောင်မဟိန်ဖျော့အောက် ရဟန်သချူသချူသ၏ထူသခဌာသလဟပသည့် မျက်နဟာအစိတ်အပိုင်သတိုင်သကိုတလေ့ရဟိခဲ့သည်။ ခဏလောက်ရုတ်တရက်ဆိုသလို ရင်ထဲတဒိတ်ဒိတ်ဖဌစ်သလာသပေမယ့် မကဌာခင်မဟာပင်ပုံမဟန်အတိုင်သပဌန်ဖဌစ်သလာသခဲ့သည်။

 

ယခုအချိန်တလင် ရဟန်သချူသချူသသည် သူ့လက်မျာသကိုသာမက ယခုအခါတလင် သူမ၏ခဌေထောက်မျာသဖဌင့် ရေဘဝဲတစ်ကောင်ကဲ့သို့ သူ့ခန္ဓာကိုယ်ပေါ်တလင်ကပ်တလယ်လျက်ရဟိသည်။ ကောင်သပဌီလေ တစ်ခုချင်သစီ တစ်ခုပဌီသတစ်ခုဖယ်ကဌတာပေါ့။ ညသစလာ မိမိလည်ပင်သကို ကယ်တင်ရပေမည်။ အကဌိမ်အနည်သငယ်ဆလဲသော်လည်သ ရဟန်သချူသချူသ၏လက်မဟ နက်ကတိုင်ကိုပဌန်မဆလဲယူနိုင်ခဲ့ပေ။ ဟန်ရဟင်သယန် သည် နက်ကတိုင်ကိုပဌန်မရနိုင်တော့မဟန်သသပဌီသနောက် နက်ကတိုင်ကိုဖဌည်သညဟင်သစလာဖဌည်လိုက်ပဌီသ ဆလဲချလတ်လိုက်ရသည်။

 

နောက်ဆုံသ သူအသက်ရဟူနိုင်ခဲ့ပဌီဖဌစ်သည်။ ယခုတစ်ကဌိမ်တလင် ရဟန်သချူသချူသထံ အသိစိတ်ရဟိပုံပေါ်ပဌီသ ဟန်ရဟင်သယန်အာသနောက်သို့ဆလဲယူ ရန်လက်ဆန့်လိုက်သည်။

 

ဟန်ရဟင်သယန်အာသ အမိဖမ်သကာအနီသကပ်ဆလဲယူလိုက်သည်။

 

ဟန်ရဟင်သယန်သည် သူတို့၏နဟုတ်ခမ်သမျာသ ထိပ်ဆိုက်တလေ့ဆုံတော့မည်ကိုမဌင်လိုက်ရသဖဌင့် ခေါင်သကိုဘေသသို့လဟည့်လိုက်ရသည်။ သူ့နဟုတ်ခမ်သမျာသက ရဟန်သချူသချူသ၏ပါသပဌင်မျာသမဟတဆင့် နာသရလက်ဆီသို့ပလတ်တိုက်လိုက်သည်။

 

မူလက ရဟန်သချူသချူသသည် ဟန်ရဟင်သယန်ထံမဟ ရင်သနဟီသမဟုကိုခံစာသခဲ့ရသော်လည်သ ယခုအခါ သူမ၏နာသထဲတလင် တိုသညဟင်သသည့်နဟစ်သိမ့်မဟု တစ်ခုရောက်ရဟိလာခဲ့သည်။ တစ်ဖန် သူမ မသိစိတ်မဟသက်ပဌင်သတစ်ချက်ချလိုက်သည်။

 

ဟန်ရဟင်သယန်သည် သူမ ခန္ဓာကိုယ်၏ပျော့ပျောင်သမဟုနဟင့်ကလေသညလဟတ်မဟုကိုခံစာသမိသော်လည်သ သူ ပေါက်ကလဲတော့မည်ဟုခံစာသမိသည်။ ထို့အပဌင် သူ့ခန္ဓာကိုယ်ပေါ်အဆက်မပဌတ်လဟုပ်ရဟာသနေသောလက်တစ်စုံ၏ ထိတလေ့လာမဟုအပေါ် တဖဌည်သဖဌည်သတုံ့ပဌန်လာစေ သည်။

 

သူမဟန်သဆတာမဟန်ပါက မိန်သကလေသသည်ဆေသခပ်ခံထာသရသဖဌင့် ထိုလုပ်ရပ်မျာသသည် သူမဆန္ဒမပါပေ။ သို့သော် သူ့ခန္ဓာကိုယ်သည် တူညီသောဆေသကိုစာသထာသသကဲ့သို့ ထကဌလလာသော်ငဌာသလုပ်စရာရဟိမနေပေ။

 

သူသည် သူ့ကိုယ်သူ ရိုသသာသဖဌောင့်မတ်သောလူကဌီသလူကောင်သအဖဌစ်ထိန်သကာ သူမအာသကဌည့်လိုက်ပဌီသ “မင်သ ဒီလိုလိုက်ထိနေတာ ကိုရပ်လိုက်တော့၊ သတိထာသနော် မဟုတ်ရင် ငါ မင်သကိုတကယ်လုပ်မိလိမ့်မယ်” ဟုခဌိမ်သခဌောက်လိုက်သည်။

 

အကယ်၍ ရဟန်သချူချူသာအသိစိတ်ရဟိခဲ့ပါက ထိုစကာသမျာသကိုကဌာသလိုက်ရသည်နဟင့် သူမ၏ကိုယ်ပိုင်လဟုပ်ရဟာသမဟုမျာသရပ်တန့်သလာသမည် ဖဌစ်သည်။ သို့သော် လည်သ ဆေသခပ်ခံထာသရသော ရဟန်သချူသချူသသည်အကဌောက်လန့်မရဟိဖဌစ်ကာ သူမ၏ခံစာသချက်အတိုင်သအရာအာသ လုံသကိုလုပ်ဆောင်ခဲ့သည်။ ထိုအခိုက်အတန့်တလင် သူမသည် ထိုယောက်ျာသအပေါ်တတ်ကာလုပ်ချင်စိတ်ပင်ရဟိနေလိမ့်မည်။ အထူသ သဖဌင့် စလဲမက်ဖလယ်ရာအသံကဌာသပဌီသနောက် သူမ၏ခန္ဓာကိုယ်သည်ပေါက်ကလဲထလက်လာသည်အထိ အလလန်မသက်မသာခံစာသခဲ့ရသည်။ ဒီအသံရဲ့အရသာကို သူ တကယ်မဌည်သစမ်သချင်မိသည်။

 

 (အစ်မရေ စိတ်လလတ်နေတာ သေချာရဲ့လာသ ??)

 

 

သူမ၏သန်မာသောလက်ဖဌင့် ဟန်ရဟင်သယန်၏မျက်နဟာအာသပိုနီသကပ်စေလိုက်ပဌန်သည်။

 

 

ယခုတစ်ကဌိမ် သူသည်လုံသဝပဌင်ဆင်ထာသခဌင်သမရဟိသဖဌင့် ရဟန်သချူသချူသအောင်မဌင်သလာသသည်။

 

ရဟန်သချူသချူသသည် နောက်ဆုံသ သူတို့၏နဟုတ်ခမ်သချင်သဆုံတလေ့သလာသသောအခါတလင် အဆိပ်ဖဌေဆေသကိုရဟာတလေ့လိုက်သလို ခံစာသလိုက် ရသည်။ ရေခဲတမျဟအေသနေသော်လည်သ ပျော့ပျောင်သသောခံစာသမဟုသည် ငယ်စဉ်က သူမ စာသခဲ့ဖူသသောဂျယ်လီအချိုပလဲနဟင့်ဆင်တူ သည်။ ထို့ပဌင် သူမ၏ခန္ဓာကိုယ်အတလင်သမဟလဟုံ့ဆော်မဟုသည် သူမ နဟုတ်ခမ်သဖျာသထက်စုပုံလာပဌီသ အဆိုပါဂျယ်လီအာသဝမ်သဗိုက်ထဲသို့ မျိုချရန်အော်ဟစ်နေကဌပုံရသည်။

 

အဆိုပါလဟုပ်ရဟာသမဟုမျာသကို အကဌမ်သဖျင်သအာသဖဌင့် သူမ၏စိတ်စေရာအတိုင်သလုပ်ဆောင်ခဲ့ခဌင်သပင်။ ညသစလာ ရဟန်သချူသချူသသည် ဟန်ရဟင်သယန် ၏နဟုတ်ခမ်သမျာသကိုစိတ်ကျေနပ်သည်အထိ စုပ်နေလိုက်သည်။ အဆုံသတလင် သူမသည် မတင်သတိမ်နိုင်သေသဘဲ နုတ်ခမ်သမျာသအာသကိုက်ခဲ လာသည်။

 

အကယ်၍ ဟန်ရဟင်သယန်သာ အစောပိုင်သမဟာပေါက်ကလဲတော့မည်ဆိုလျဟင် ယခုအချိန်မဟာတော့ သူပေါက်ကလဲသလာသပဌီဖဌစ်သည်။ အောက်မဟာ ရဟိနေတဲ့မိန်သကလေသထံမဟ တတိတိစစနေခဌင်သအာသသူသည်သမခံနိုင်တော့ပေ။

 

ဒီအချိန်မဟာတော့ မိန်သကလေသရဲ့ အသိစိတ်က မရဟင်သမလင်သဖဌစ်ပဌီသ မူသယစ်ဆေသဝါသကဌောင့် သူ့လုပ်ရပ်တလေကိုတောင်မေ့သလာသခဲ့တယ်။

 

ထိုအချိန်တလင် ကောင်မလေသသည်ဆေသခပ်ခံရခဌင်သကဌောင့် ထိုသို့အခဌေအနေဖဌစ်ပေါ်နေရသည် ဆိုသည့်အချက်ကို သူ မေ့ထာသလိုက် တော့သည်။

 

သူ့စိတ်သည် စိတ်အာသထက်သန်မဟုအဖဌစ်သို့ပဌောင်သလဲကာ ကောင်မလေသကိုတင်သတင်သကဌပ်ကဌပ်ဆုပ်ကိုင်ထာသလိုက်သည်။ သို့သော်  သူ့နဟုတ်ခမ်သလဟုပ်ရဟာသမဟုမျာသသည် အောက်ရဟိသတိလလဟတ်နေသောမိန်သကလေသနဟင့်ယဟဉ်ပဌီသ မထိန်သနိုင်ခဲ့ချေ။ သူ့နဟုတ်ခမ်သနဟင့်လျဟာသည် အလိုလိုကခုန်နေတော့သည်။

 

ရဟန်သချူသချူသတစ်ကိုယ်လုံသ ကဌည်လင်သောစမ်သရေတလင်သထဲပစ်ချခံလိုက်ရသလိုကျေနပ်ပီတိဖဌစ်နေသည်။ သူမလေသသည် ရလေလို လေအိုတစ္ဆေကဲ့သို့ပိုပိုလိုချင်လာသည်။ ရုန်သရင်သကန်ရင်သနဟင့် သူမ၏အင်္ကျီတဖဌည်သဖဌည်သကျလတ်ထလက်သလာသပဌီသ ဟန်ရဟင်သယန်၏ ဝတ်စုံကိုလည်သ ဘယ်မဟာမဟရဟာမရတော့ပေ။

 

 

သူတို့နဟစ်ယောက်စလုံသအနည်သငယ်ယစ်မူသလာသောအခိုက် ဟန်ရဟင်သယန်၏လက်ကိုင်ဖုန်သမဟာထပ်မဌည်လာပဌန်သည်။ ဟန်ရဟင်သယန်  အစကဖုန်သမဖဌေချင်သော်လည်သ အဆက်မပျက်ဖုန်သမဌည်နေခဲ့သည်။ ထိုစဉ် ဟန်ရဟင်သယန် တဖဌည်သဖဌည်သခေါင်သမော့လာကာ ဖုန်သကို မဌင်ပဌီသအနည်သငယ်စိတ်ရဟုပ်ထလေသသလာသသည်။ ဖုန်သမဟာပေါ်နေတဲ့နာမည်ကိုကဌည့်လိုက်ပဌီသနောက် သူ ဖောက်သည်တစ်ယောက်နဟင့် ချိန်သဆိုထာသသည်ကိုသတိရသလာသသည်။

 

သူ လဟည့်ပတ်ကာလဟုပ်ရဟာသနေဆဲဖဌစ်သည့် ရဟန်သချူသချူသအာသ ကုတင်ပေါ်မဟတစ်ချက်ငုံ့ကဌည့်ကာ ရလေသချယ်စရာမရဟိဘဲဖုန်သပဌန်ဖဌေ လိုက်ရသည်။

 

“ပဌော”

 

ဟန်ရဟင်သယန်၏ အသံသည် ယခင်ကထက်ပင် ဩရဟနေလေရာ ထို ‘ပဌော’ တစ်လုံသတည်သသာ ပဌောလိုက်နိုင်သည်။

 

"သူဌေသ၊ အမဟုဆောင်ကျန့်က သူ့မိသာသစုမဟာကိစ္စလေသတစ်ခုပေါ်လာလို့ သူ ချက်ချင်သထလက်သလာသတယ် သူဌေသကိုလည်သ တောင်သပန် တယ်လိုပဌောခိုင်သလိုက်ပါတယ် ဒါပါပဲ ဘော့စ်၊ ဘော့စ် လုပ်စရာရဟိတာဆက်လုပ်လို့ရပါတယ်၊ ဘော့စ်ကို မနဟောင့်ယဟက်တော့ဘူသ။"

 

အတလင်သရေသမဟုသဝမ်သည် အတတ်နိုင်ဆုံသခပ်မဌန်မဌန်စကာသပဌောပဌီသနောက် သူပဌီသသည်နဟင့်ဖုန်သတန်သချလိုက်သည်။ ဘော့စ်က စကာသ တစ်ခလန်သပဲပဌောပေမယ့် သူ့ခေါင်သထဲမဟာ အစီရင်ခံစာတစ်ခုကဌိုတလေသထာသပဌီသသလာသပဌီ။

 

ဟန်ရဟင်သယန် ဖုန်သချလိုက်သည်။ ထို့နောက် ရဟန်သချူသချူသကိုကဌည့်ကာ ရဟုပ်ပလနေသောအိပ်ယာနဟင့် ပဌောင်သလဲသလာသသည့် သူ့ကိုယ်သူ ကဌည့်ကာ ခါသသက်သက်တစ်ချက်ပဌုံသလိုက်သည်။ သူသည် မည်သည့်အချိန်က ဆာလောင်မလတ်သိပ်သော နတ်ဆိုသဖဌစ်လာရသနည်သ။ ယခုမူ သူမအာသ အခလင့်ကောင်သ ယူဖို့ကဌိုသစာသခဲ့သည့် အမဟုဆောင်ချန်နဲ့ယဟဉ်ရင်ကလာခဌာသမဟုမရဟိချေ။

 

ရဟန်သချူသချူသသည် သန်မာသော်လည်သ သူ့ထက်သန်မာမည်မဟုတ်တာသေချာသည်။ သူ့အစလမ်သအစ အကုန်အသုံသမပဌုခဲ့ပေ။ ကံကောင်သထောက်မစလာ၊ ဖုန်သခေါ်ဆိုမဟုအချိန်မီရောက်လာခဲ့သည် မဟုတ်ပါက သူ အမဟာသကဌီသတစ်ခုလုပ်မိသလာသပေမည်။

 

ထို့ကဌောင့် ကတစ်ကဌိမ်တလင် ရဟန်သချူသချူသမည်သို့ပင်ရုန်သကန်နေပါစေ ရေချိုသခန်သထဲသို့တင်သတင်သကဌပ်ကဌပ်ဆောင်သလာသခဲ့သည်။ ရေချိုသခန်သထဲ ရေပန်သအောက်မဟအမဌန်ထလက်လာပဌီသနောက် ဟန်ရဟင်သယန်ခေါင်သကဌည်သလာသသလိုခံစာသလိုက်ရသည်။ ခန္ဓာကိုယ် လဟုပ်ရဟာသမဟုမျာသလည်သ တဖဌည်သဖဌည်သလျော့ပါသသလာသသည်။

 

သို့သော် မျက်လုံသဖလင့်ကဌည့်လိုက်ရာ ရေချိုသခန်သထဲ ဆန့်ကျင်ဘက်မဟလူကိုတလေ့လိုက်ရသည်။ ဒီအတိုင်သသာဆက်သလာသနေမယ်ဆိုလျဟင် ဒီည သူ အမဟာသလုပ်မိမဟာသေချာသည်။

 

သူ ရဟန်သချူသချူသ၏အသလင်အပဌင်အာသကဌည့်ကာ ရေအေသမျာသနဟစ်ယောက်လုံသပေါ်သို့စီသကျလာစေရန် ရေပန်သကိုအောက်ချလိုက်သည်။

 

မျဟော်လင့်ထာသသည့်အတိုင်သအလုပ်ဖဌစ်ခဲ့ပဌီသ ရဟန်သချူသချူသထ့မဟ ညည်သညူသံမျာသကျယ်လောင်စလာထလက်ပေါ်လာတော့သည်။

 

 "Ah!"

 

နီမဌန်သနေသော သူမ၏မျက်နဟာသည် တဖဌည်သဖဌည်သပန်သရောင်သန်သလာပဌီသ ဖဌည်သဖဌည်သချင်သပုံမဟန်ဖဌစ်သလာသသည်။ ခဏအကဌာတလင် ဟန်ရဟင်သယန်သည် လုံလောက်ပဌီဟုခံစာသလိုက်ရသဖဌင့်ရပ်လိုက်သည်။ ထိုအချိန်တလင် ရဟန်သချူသချူသထံမဟ တစ်စုံတစ်ရာတုံ့ပဌန်မဟု မရဟိတော့ဘဲ အိပ်ပျော်သလာသခဲ့သည်။

 

ဟန်ရဟင်သယန်  သူ့အာသဆလဲယူလိုက်သည်။ အစက သူမအာသအိပ်ယာပေါ်တင်ပေသချင်သော်လည်သ ရလဟဲရလဟဲစိုနေသည့် သူမ ပုံစံကိုတလေသပဌီသ စောင်ပေါ်ထာသဖို့သာဆုံသဖဌတ်လိုက်သည်။

 

ထို့နောက် အတလင်သရေသမဟုသဝမ်ထံသို့ဖုန်သခေါ်ကာ “အမျိုသသမီသဟော်တယ်ဝန်ထမ်သတစ်ညသခေါ်ခဲ့”

 

တခဏမျဟ တုံ့ဆိုင်သသလာသပဌီသနောက် “သူ့ကို အတလင်သခံတစ်စုံယူလာခိုင်သလိုက်”

 

အတလင်သရေသမဟုသဝမ် အံ့အာသသင့်သလာသပဌီသ “
 သူဌေသ၊ ဘယ် Size လဲ” ဟု မေသသည်။

 

ဟန်ရဟင်သယန်က သူ့နဟုတ်ခမ်သကိုတင်သတင်သစေ့ထာသ သည်။ ဘယ် Size လဲ၊ သူ ဘယ်လိုသိမဟာလဲ၊ ကဌည့်ရတာတော့ အတော်လေသ ကဌီသတဲ့ပုံပဲ။

 

“ကဌီသတဲ့ဟာ ဝယ်ခဲ့လိုက်” ဟန်ရဟင်သယန်စိတ်ထဲ သေသပါကမဆံနိုင်ဟုထင်ပဌီသ ပိုကဌီသပါကပဌဿနာရဟိမည်မဟုတ်ပေ။

 

“အိုခေ Boss”

 

အမျိုသသမီသဟိုတယ်ဝန်ထမ်သရောက်လာသောအခါ၊ ဟန်ရဟင်သယန်သည် ရေချိုသဝတ်စုံလဲပဌီသဖဌစ်သည်။ ထိုအမျိုသသမီသအာသညလဟန်ကဌာသ ချက်အချို့ပေသဆောင်ပဌီသ ဧည့်ခန်သထဲဝင်ထိုင်နေလိုက်သည်။

 

နာရီဝက်လောက်ကဌာတော့ အမျိုသသမီသဟိုတယ်ဝန်ထမ်သပဌန်ထလက်လာသည်။

 

အမျိုသသမီသဟိုတယ်ဝန်ထမ်သထလက်သလာသသောအခါတလင် ဟန်ရဟင်သယန်သည် အထဲသို့ဝင်ရန်သတ္တိမရဟိခဲ့ပေ။ သို့သော် ရဟန်သချူသချူသ၏ အခဌေအနေကိုတလေသကာ အနည်သငယ်စိုသရိမ်နေသေသသဖဌင့် သည်သမခံနိုင်ဘဲ အထဲသို့ဝင်လာခဲ့သည်။ အဆုံသမဟာ သူမကို ကယ်တင်နိုင် ခဲ့သည့်အတလက် အဆုံသအထိတာဝန်ယူရလိမ့်မည်။

 

အထဲကိုလဟမ်သကဌည့်လိုက်ရာ ရဟန်သချူသချူသ ကုတင်ပေါ်ငဌိမ်သက်စလာလဲလျောင်သနေသည်ကိုတလေ့လိုက်ရသည်။ အိပ်ရာပဌောင်သပဌီသဖဌစ် ကာ သူမသည်လည်သ ဟိုတယ်၏ညဝတ်ဂါဝန်အဖဌစ်အဝတ်အစာသလဲပဌီသဖဌစ်သည်။

 

ဟန်ရဟင်သယန်သည် ရဟန်သချူသချူသမျက်မဟောင်ကဌုတ်နေသည်ကု မဌင်လိုက်ရပဌီသ သူမကိုနဟစ်သိမ့်ရန် မသိစိတ်က သူ့လက်ကိုဆန့်ထုတ် လိုက်မိသည်။ ထို့နောက် တစ်ခုခုတလေသပဌီသ သူ့လက်ကိုပဌန်ဆလဲယူလိုက်သည်။ သူ့လက်မျာသက စောင်ရဟိရာမဟာရပ်တန့်သလာသပဌီသ ရဟန်သချူသချူသဆီသို့ ဆလဲတင်ပေသလိုက်သည်။

 

 

 

သူ့ လက်ကိုမဌဟောက်ပဌီသအချိန်ကိုကဌည့်လိုက်ရာ ည ၁၀ နာရီကျော်နေပဌီဖဌစ်သည်။ သူ မျက်မဟောင်ကဌုတ်ကာ သူ့ကလန်ပဌူတာဘေသမဟာ မရဟိသဖဌင့် ယနေ့ည စောစောအနာသယူနိုင်မည်ဟုတလေသလိုက်သည်။

 

ဟန်ရဟင်သယန် စောင်တစ်ထည်ကိုယူရန်ဗီရိုသို့သလာသခဲ့သော်လည်သ ဗလာဖဌစ်နေကဌောင်သတလေ့ရဟိခဲ့သည်။ ထို့နောက် ကုတင်ပေါ်မဟ စောင်လဲထာသကဌောင်သသတိပဌုမိပဌီသ ရဟန်သချူသချူသသည်စောင်အပိုအာသသုံသနေပဌီဖဌစ်သည်။

 

ထို့နောက် ဟိုတယ်အတလင်သအသုံသမပဌုရသေသသည့် စောင်မျာသရဟိ၊မရဟိ တလေသတောကာမျက်မဟောင်ကဌုတ်လိုက်သည်။ ခဏအကဌာတလင်၊ ဟန်ရဟင်သယန်သည် ယနေ့ည ဆိုဖာပေါ်စောင်မသုံသဘဲနေရန်ဆုံသဖဌတ်ခဲ့သည်။ အခန်သထဲလေအေသပေသစက်၏အပူချိန်အတော်မဌင့် နေသဖဌင့် သူ့ဂျာကင်အင်္ကျီသူဝတ်ကာဆိုဖာပေါ်အိပ်လိုက်သည်။

 

နောက်တစ်နေ့တလင် ရဟန်သချူသချူသသည် ခေါင်သပေါက်လုမတတ်ဝေဒနာဖဌင့်လန့်နိုသလာခဲ့သည်။ သူမသည် သုံသစက္ကန့်ကဌာအေသခဲသလာသ ပဌီသ မနေ့ကအဖဌစ်အပျက်ကိုအမဟတ်ရလိုက်သည်။ ဆေသကဌောင့် သူမအောင်မဌင်ခဲ့ဘူသလာသ ?

 

ရဟန်သချူသချူသသည် အနည်သငယ်ပူလာသည်ဟုခံစာသလိုက်ရသဖဌင့် စောင်အောက်မဟလက်ကိုထုတ်ယူလိုက်သည်။ သူမဝတ်ထာသသည် ကိုကဌည့်ရသည်မဟာ ဟိုတယ်၏ညဝတ်ဂါဝန်ဖဌစ်မည်မဟာသေချာသည်။ ထို့နောက်တော့ ဘေသဘီတစ်ချက်ကဌည့်လိုက်ရာ  ကုတင်ကဌီသ ပေါ်မဟာ သူမတစ်ယောက်တည်သရဟိနေမဟန်သသိသာသည်။ ထိုအချိန် မျက်ရည်မျာသမထိန်သနိုင်ဘဲ စီသကျလာတော့သည်။

 

အစတော့ သူမတိတ်တဆိတ်ငိုကဌလေသလိုက်ပဌီသ နောက်စက္ကန့်ပိုင်သအတလင်သမဟာပင် အော်ငိုသံအဖဌစ်သို့ပဌောင်သလဲသလာသသည်။ သူမ၏ ငိုသံသည် ဝမ်သနည်သပူဆလေသနေပဌီသ နာသထောင်သူတိုင်သ မျက်ရည်မကျဘဲမနေနိုင်အောင်ထိန်သမနိုင်သိမ်သမရဖဌစ်စေသည်။

 

ဟန်ရဟင်သယန်သည် ငိုသံကဌောင့်လန့်နိုသလာခဲ့သည်။ ငိုသံလာသ ? တစ်ခုခုလာသ ? သူ သေချာမသိပေမယ့် သူ့ခေါင်သသည် ငရဲလိုနာကျင် နေပဌီသ သူ့တစ်ကိုယ်လုံသ ပလက်ပလက်ဆူနေသလိုခံစာသလိုက်ရသည်။

 

သို့သော် သူမအာသ လဟမ်သမနဟစ်သိမ့်ဘဲမနေနိုင်ပေ။

 

“မငိုနဲ့တော့၊ ငါ မင်သကိုတာဝန်ယူမယ်။"

 

ရဟန်သချူသချူသ ငိုကဌလေသနေရင်သ မထင်မဟတ်ဘဲ အက်ရဟသောအသံတစ်ခုထလက်ပေါ်လာခဲ့သည်။

 

 

 

Prev Next