အပိုင်း ၂၆၉-၂၇၀

Part 269

 ယွဲ့ စုန့် ​ပေါ်လာလာချင်းပဲ လူအများရဲ့ အာရုံကို ဆွဲ​ဆောင်မိသွားသည်။

 တစ်​ယောက်​ယောက်လာ​မေးလျှင်လည်း ကျန်းယန်ရှန့်က ပွင့်ပွင့်လင်းလင်း မိတ်ဆက်​ပေးလိုက်သည်ချည်းသာ: "သူက သမီးကောင်​လေး ယွဲ့ စုန့်"

 ယွဲ့ စုန့်ရဲ့ လူအများ​အ​ပေါ် တုန့်ပြန်မှုက ​လေ​ပြေညင်း​လေးလိုပင်။ အကြီးများကလည်း သူ့ကို သ​ဘောမကျတာမျိုး မရှိ​ပေ။

 သူ့ကို အတန်း​ဖော်များနှင့် မိတ်ဆက်​ပေးသည့် အလှည့်​ရောက်​သည်အထိ သူတို့ အကြာကြီး ​စောင့်လိုက်ရသည်။

 "ကျန်းယန်ရှန့် နင့်​မှာ ​ကောင်​လေးရှိတာ ငါတို့ကိုလည်း မ​ပြောပြဘူး"

 "အရမ်း လွန်တာပဲ!"

 "ဘယ်လို .. ဒီနှစ်မှ ​ဘွဲ့ရထားတာလား? အမ​လေး... ယန်ရှန့်နဲ့ ဒိတ်ကတည်းက ​ကောလိပ်​ကျောင်းသား ဖြစ်​နေပြီးပြီ​ပေါ့"

 ​အထက်တန်းကျောင်းသားများ​၏ မျက်လုံးထဲတွင်​တော့ ​ကောလိပ်​ကျောင်းသားများနှင့် ဆက်သွယ်နိုင်ခြင်းကပဲ ခပ်မိုက်မိုက်ကိစ္စ တစ်ခုလို ဖြစ်​နေသည်။

 ထိုအချိန်တွင် ကျန်းချီနှင့် ဝူကျစ်ဟွားတို့ ​ရောက်လာကြသည်။

 "စီနီယာ အစ်ကိုယွဲ့" 

သူမက ​အော်​ပြောလိုက်ကာ တည့်တည့်ကြည့်ပြီး ​မေးလိုက်သည်

 "ကျွန်မညီမနဲ့ ဘယ်လို​တွေ့တာလဲ..."

 "တိုက်ဆိုင်မှု တစ်ခု​ကြောင့်ပါ" ယွဲ့ စုန့်က ​ခေါင်းငြိမ့်ပြကာ ယဥ်ယဥ်​ကျေး​ကျေး ပြန်​ဖြေသည် "မင်းလည်း ​ရောက်​နေတာပဲ"

 ကျန်းချီက ထပ်ပြီး ​မေးလိုက်ပြန်သည် "ဒါဆို ရှင်တို့က...."

 ယွဲ့ စုန့်က တုန့်ဆုတ်ခြင်းအလျင်း မရှိဘဲ ပြန်​ဖြေသည် :"ယန်ရှန့်က ငါ့ချစ်သူ"

 "စီနီယာယွဲ့က အခုအချိန်မှာ အရင်ကနဲ့ မတူတဲ့ ဝတ်စားပုံအကြိုက် ရှိ​နေတာ အံ့သြစရာ မဟုတ်ဘူးပဲ" 

ဝူကျစ်ဟွားက ခပ်ပြုံးပြုံး လုပ်ကာ ​ပြော​လေ၏

 "စီနီယာက ချစ်သူ​​ကောင်း ရထားလို့ကိုး"

 အထက်တန်း​ကျောင်းသားများက ဘာ​တွေဖြစ်​နေမှန်း မသိကြ​​​ပေ။ ထို့​ကြောင့် သူတို့က လိုက်ပြီး ပြုံး​နေကြသည်။

 သူတို့က ယွဲ့ စုန့်ကို ကြည့်လိုက်ပြီး သူ့အဝတ်အစား​တွေက သူတို့နဲ့ လုံးဝကွဲပြား​နေတာကို ​တွေ့လိုက်ရသည်။ ထိုသူက ​ကောလိပ်မှ ဘွဲ့ရထားကာစသာ ဖြစ်​သော်လည်း လုံးဝ လူကြီးလူ​ကောင်းပုံစံ ဖြစ်​အောင် ဝတ်ဆင်ထားသည်။

 ထပ်ပြီး​တော့... ထိုသူက ဝတ်စုံပြည်ဖြင့် အရမ်းခန့်ညား​နေပြီး သူ့အမူအယာများကလည်း မြင့်မြတ်သူ တစ်ဦးလိုပင်။

 မည်သို့ပင် ဆို​စေကာမူ ယန်ရှန့် မိသားစုက ချမ်းသာ​သော​ကြောင့် သူမချစ်သူကလည်း 

ချမ်းသာသင့်​​ပေသည်။ ထိုကဲ့သို့​တွေးလိုက်​သောအခါ ယွဲ့ စုန့်၏ ကိန်းခမ်းကြီး​နေမှုက လက်ခံ၍ရ​ပေသည်။

 သို့​သော်လည်း ဝူကျစ်ဟွားက ထိုသို့ မ​တွေးပါ​ချေ။ သူက ယွဲ့ စုန့်တစ်​ယောက် ပုံစံတူ စက်ရုံချုပ် ရှပ်အင်္ကျီအချို့ဝတ်ထားကို မြင်ဖူးခဲ့သည်။ သူ့​ရှေ့က ယွဲ့ စုန့်က ​ခေါင်းစ​ခြေဆုံး နာမည်​ကျော်တံ​​ဆိပ်များသာ ​ပေါ်​ပေါ်ထင်ထင် ဝတ်ဆင်ထား​သော်လည်း ဝူကျစ်ဟွာက​​တော့ ဖြင့် "ပိုင်းလုံး​ကောင်" အဖြစ် အမည်တပ်လိုက်​လေသည်။ သူက ဟိတ်ဟန်ထုတ်ရန်အတွက် ကျန်းချီ ဝမ်းကွဲညီမ၏ ​ငွေများကို သုံးထားခြင်းသာ ဖြစ်ရမည်။

 ယွဲ့ စုန့်က ​ကျောင်းမြက်ခင်းစိမ်း​လေး ဖြစ်​နေသည့်အချိန်တွင် သူက ​ကျောင်းတွင် လူသိများ​သော ဒုတိယမျိုးဆက် လူချမ်းသာသခင်​​လေး ဖြစ်​နေ​သော​ကြောင့် မကြာခဏဆိုသလိုပင် သူ့ကို ယွဲ့ စုန့်နှင့် နှိုင်းယှဥ်​လေ့ရှိကြသည်။ သူက အမြဲ ရှုံးနိမ့်ခဲ့ရပြီး အချိန်အ​တော်ကြာသည်အထိ ​နောက်​ကောက်ကျခဲ့ရသည်။

 သူ့မျက်လုံးထဲမှာ အထင်​သေးရိပ်အချို့ ဖြတ်​ပြေးသွားပြီး​ ပြုံးကာ ​ပြောလိုက်သည်

 "ချီချီ့ ညီမက အခု ကျွန်​တော်တို့ Kတက္ကသိုလ်ကို တက်​ရ​​တော့မယ်... ​နောက်ဆိုရင် အစ်ကိုက စီနီယာ​ရော ချစ်သူ​ကောင်​လေး​ရော ဖြစ်​တော့မှာ.. အခုအတွက်​ရော...အစ်ကို့ ​ကောင်မ​လေးအတွက် ဂုဏ်ပြုလက်​ဆောင် ပြင်ထားပြီးပြီလား?"

 သူက သိသိသာသာပင် ယွဲ့ စုန့် ကိုယ့်ကိုယ်ကို အရူးလုပ်မိမှာကို ကြည့်ချင်​နေသည်။

 ဒီလိုအိမ်​တော်မျိုးထဲမှာ ကျန်းယန်ရှန့်လို အဖိုးတန် သမီး​​လေးအတွက် မိန်းမတစ်​ယောက်အ​ပေါ် မှီခို​နေရသည့် ယွဲ့ စုန့်က ကြွားဝါနိုင်​လောက်သည့် လက်​​ဆောင်မျိုး ယူလာစရာ အ​ကြောင်းမရှိ​ပေ။ တစ်ခုခုကိုသာ ဖြစ်ကတတ်ဆန်းယူလာပါက ရှက်စရာပင်။

 ကျန်းချီ ဆက်မကြည့်နိုင်​တော့။ သူမက ဝူကျစ်ဟွားကို ဆွဲကာ ယွဲ့ စုန့်ကို အရှက်ကွဲအောင်လုပ်ဖို့ တွန်းအား​​ပေး​​နေတာကို ရပ်ဖို့ လက်ဟန်ပြလိုက်သည်။

 ဝူကျစ်ဟွားက များ​သောအားဖြင့် သူမစကားနား​ထောင်​​​လေ့ ရှိသော်လည်း ယခုအခါမှာကား ယွဲ့ စုန့်ကို အရှက်ကွဲ​​စေရန်အတွက် ကြုံ​တောင့်ကြုံခဲ အခွင့်အ​​ရေးတစ်ခု ဖြစ်​နေ​​သော​ကြောင့် ဝူကျစ်ဟွားက လက်မ​လျှော့​ပေ။ သူက ကျန်းချီလက်ကို ကိုင်တာ ချဲ့ကား ​ပြောဆိုလိုက်သည် 

"ဘာမှ မပြင်ထားတာ​တော့ မဟုတ်​လောက်ပါဘူး​နော် ဟုတ်တယ်မလား?"

 ထိုအချိန်မှာ​တော့ အထက်တန်း​ကျောင်းသားများက တစ်ခုခု မှား​နေ​ကြောင်း သ​ဘော​ပေါက်သွား​တော့သည်။ ကျန်းယန်ရှန့် ဝမ်းကွဲ၏ ချစ်သူက ​တင်တင်စီးစီး​ပြော​နေပုံ​ ပေါ်​နေပြီး ကျန်းယန်ရှန့်၏ ချစ်သူကိုလည်း အနည်းငယ် ရန်လို​နေပုံရသည်။

 ကံ​ကောင်းစွာဖြင့် ကျန်းယန်ရှန့်၏​ ချစ်သူက ပြုံးကာ ​ပြောလိုက်သည်

 " ဘယ်လို ဖြစ်နိုင်မှာလဲ? ဟုတ်တာ​ပေါ့... ငါလည်း လက်​ဆောင်တစ်ခု ပြင်ထားတယ်"

 သူက လူကြီးများနှင့် အခု​လေးတင် ​တွေ့ဆုံရင်း အလုပ်ရှုပ်​နေခဲ့ရသည်။ ထိုသူများနှင့် ကျန်းယန်ရှန့်၏ သူငယ်ချင်းများကိုနှုတ်ဆက်ပြီး​​နောက် ယွဲ့ စုန့်က​ ​နောက်မှသာ သူမကို လက်​ဆောင်​ပေးဖို့ မူလက စဥ်းစားခဲ့သည်။ သို့​သော်လည်း ဝူကျစ်ဟွားက အလွန် ရန်မူ​နေ​သော​ကြောင့် ယွဲ့ စုန့်က သူ့ဝတ်စုံအတွင်းဘက်အိတ်ထဲမှ ကျန်းယန်ရှန့်အတွက် လက်​ဆောင်ကို ထုတ်ယူလိုက်ရသည်။

 ထိုအရာက ​သေးငယ်ကာ ပါးလျ​သော ​သေတ္တာ​လေးပင်။

 "မင်းအတွက်" ယွဲ့ စုန့်က ကျန်းယန်ရှန့်ကို ပြုံးပြပြီး ကမ်း​ပေးလိုက်သည်။

 ကျန်းယန်ရှန့်က​တော့ ပြုံးရယ်ကာ လူတိုင်း၏ ​ရှေ့တွင်ပင် ဖွင့်​ဖောက်လိုက်သည်။

 အချို့​သော အတန်း​ဖော်များက​တော့ ထိုအရာကို မည်သည့် ပစ္စည်းမှန်း မသိ​သော​ကြောင့် ​မေးလာကြသည်: "အဲ့တာဘာလဲ?"

 အခြား အတန်း​ဖော်က ​ဖြေ​ပေးသည်: "ကား​သော့"

 ထိုအရာက အမှန်တကယ်ပင် ကား​သော့ ဖြစ်​နေပြီး လမ်​ဘော်ဂနီ အမျိုးအစား ဖြစ်သည်။ ဝူကျစ်ဟွားကိုယ်တိုင်ကလည်း လမ်​ဘော်ဂနီကားကို ​မောင်း​နေတာ​ကြောင့် သူတစ်ချက်ကြည့်လိုက်ရုံဖြင့် တန်းသိလိုက်သည်။

 ကျန်းယန်ရှန့် အတန်း​ဖော်များ ​ရှော့ရသွားကြ​တော့သည်

: "တကယ်ကြီးလား... သူက.... နင့်ကို ကားဝယ်​ပေးတယ်​ပေါ့?"

 ထိုအထက်တန်း​ကျောင်းသားများ၏ မျက်လုံးထဲတွင် ကားလက်​ဆောင်​ပေးသည် မဆိုထားနှင့် ကား​မောင်းသည့် ကိစ္စကပင် လူကြီးများသာ လုပ်​ရသော အရာသာ ဖြစ်သည်။

 ဝူကျစ်ဟွားက ပို၍ပင် မယုံမကြည် ဖြစ်လာ​သော​ကြောင့် ​လှောင်​ပြောင်ကာ ​ပြောလိုက်​လေ၏:

 "မီးခြစ်​တော့ မဟုတ်ပါဘူး​နော်..."

 သူထိုသို့​ ​ပြောလိုက်​သောအခါ ကျန်းယန်ရှန့်၏ အတန်း​ဖော်များက ပို၍ မ​ရေမရာ ဖြစ်လာကြသည်။ အ​ကြောင်းကား သူတို့က ကားလက်​ဆောင်​ပေးခြင်းနှင့် ကား​သော့ပုံစံ မီးခြစ်​ပေးခြင်း နှစ်ခုအကြားတွင် ​နောက်တစ်ခုကိုသာ ​ပို၍ လက်ခံနိုင်အုံးမည်ဖြစ်သည်။

 ဒီလိုမျိုးပုံစံ​ ဗီဒီယို​တွေ အင်တာနက်​ပေါ်မှာ အများကြီး ရှိတာပဲ မဟုတ်ဘူးလား? ဇိမ်ခံကား​သော့ အတန်းလိုက်ကြီး​တွေ​လေ... တကယ့်တကယ်က အကုန်လုံး မီးခြစ်​တွေပဲ ဖြစ်​နေတာ...

 သို့သော်လည်း ထိုအိမ်ကြီးအိမ်​ကောင်း အတွင်းတွင်​တော့ သူတို့က... တကယ်လို့သာ....

 ထိုအချိန်မှာပင် တစ်​ယောက်​​ယောက်က သူ့အသံကို မြှင့်ကာ ​ပြောလိုက်​လေသည်

 "ဟုတ်တယ်... ဒါ မီးခြစ်ပဲ ဖြစ်ရမယ်... ဒါဘယ်လိုလုပ် ကား​သော့ ဖြစ်နိုင်မှာလဲ?! လမ်​ဘော်ဂနီ ကား​တွေက ငါးမီလီယံ ​​ခြောက်မီလီယံ​လောက် တန်တဲ့ဟာကို... ဒါ​ကြောင့်မို့ မဖြစ်နိုင်ဘူး!... ဒါအတုကြီး! အတုကြီးပဲ!"

 ထို​လေသံက အလွန်အမင်း ချဲ့ကား​ပြော​နေပုံ​​ပေါက်​သော​ကြောင့် ကျန်းယန်ရှန့် သူမမျက်လုံးကို လိမ့်မိ​တော့မတတ်ပင်။ ထိုသူမှာ အခြားမဟုတ်။ ကမ္ဘာကြီး လုံ​လုံ​လောက်​လောက် ပရမ်းပတာ မဖြစ်မှာကို စိုးရိမ်​နေ​သော ရှုလီချန်ပင် ဖြစ်သည်။

 ရှုလီချန်က ကျန်းယန်ရှန့်၏ အတန်း​ဖော်များကို ​ကောင်း​​ကောင်း မသိ​​ကြောင့် ထို​နေရာကို အရင်မ​ရောက်လာခဲ့​ပေ။ ကျန်းယန်ရှန့်က​တော့ သူ​ရောက်လာသည်ကိုပင် မသိလိုက်။ ကျန်းဟယ်လင်းနှင့် ကျန်းရှို့ချန်သာ သူ့​နောက်လိုက်သွားကြသည်။

 သူ့လက်ထဲတွင် ကိတ်မုန့်တစ်ဝက်ပါ​​သော ပန်းကန်တစ်ချပ်ရှိ​နေပြီး ခရင်မ်များကလည်း နှုတ်ခမ်း​ထောင့်တွင် ​ပေ​နေ​သေးသည်။

 ပထမက သူ ထိုဘက်ကို အာရုံမထားမိ​ပေ။ သူက ကိတ်မုန့်ကိုသာ စား​နေပြီး ရုတ်တရက် ကျန်းဟယ်လင်း ​ပြောတာကို ကြားလိုက်ရသည်

 "ဘာလို့ အစ်မချီချီက အဲ့​နေရာကို သွား​နေတာလဲ?"

 ကျန်းရှို့ချန်က​တော့ နှာမှုတ်ကာ ​ပြောလိုက်သည်: " ​ကောင်းတာ မဖြစ်နိုင်ဘူး.. သူ စိတ်မချမ်းသာစရာ စကား​တွေ ထပ်​ပြောဖို့ပဲ ဖြစ်ရမယ်!"

 ရှုလီချန်၏ အသက်ဝင်လာသော ​ရေဒါက မ​​​မျှာ်လင့်စွာပင် တစ်ခုခုကို အာရုံခံမိသွားသည်။ ထို​အရာက ​ရေဒီယို လှိုင်း​တွေများကဲ့သို့ ထုတ်လွှင့်လာခြင်းပင်။

 ဝူကျစ်ဟွားက​တော့ ရှုလီချန်ကို ​သေချာ​ပေါက် မသိ​ပေ။ ပထမအချက်မှာ ရှုလီချန်က ငယ်ရွယ်​သေးတာ​ကြောင့် အသိုင်းအဝိုင်းထဲတွင် ​ပေါ်ထွက်လာခြင်း မရှိ​သေး​ပေ။ ဒုတိယအချက်မှာ ဝူကျစ်ဟွား၏ မိသားစုစီးပွား​ရေးဖြစ်​သော ​လောမင် အီလစ်ထ​ရောနစ်မှာ Kမြို့တွင် တည်ထားခြင်းမဟုတ်​။ ထို့​ကြောင့် သူက ​​ဒေသခံ မဟုတ်​ခဲ့ပေ။

 ဝူကျစ်ဟွားက ထိုလူ၏ စကားသံက ​တော်​တော်​လေး ကိန်းကြီးခမ်းကြီးနိုင်လွန်းသည်ဟု ​တွေးမိ​သော်လည်း ထိုသူ့အသက်ကို ကြည့်ရလျှင် ဒီ​နေ့ပွဲရှင်၏ သူငယ်ချင်းသာ ဖြစ်ရမည်ပင်။ သူက အ​ကြောင်းအရင်း မည်မည်ရရမသိ​သော်လည်း ထိုသူကို တစ်​နေ​ရာရာတွင် ​တွေ့ ဖူးသကဲ့သို့ အနည်းငယ် ရင်းနှီး​နေသလိုပင်။ သို့​သော်လည်း ဝူကျစ်ဟွားက​တော့ သူ့ဘက်​တွင် တစ်​ယောက်​​ယောက် ရှိ​နေတာကို ​သေချာ​ပေါက် ပျော်နေခဲ့သည်။ ထိုလူ၏ စကားများက ယွဲ့ စုန့်ကို အရှက်ကွဲ​စေချင်ပုံ ​ပေါ်​နေ သဖြင့် သူက ထိုအ​ခြေအ​နေကို လက်လွှတ်မ​ပေးနိုင်​​ပေ။ ထို့​ကြောင့် သူရယ်​မောလိုက်၏။

 ရှုလီချန်က​တော့ မရပ်တန့်နိုင်​သေး။ သူက လူကုံထံ အသိုင်းအဝိုင်းများကြားက ပြဇာတ်တစ်ခုကို ကြည့်ရဖို့ ​တွန့်ဆုတ်နေသူ မဟုတ်​​ပေ။

 သူက ကိတ်မုန့်ပန်းကန်ကို ကျန်းဟယ်လင်း၏ လက်ထဲကို ပြန်ထည့်​ပေးလိုက်ပြီး ကျန်းယန်ရှန့်၏ အတန်း​ဖော်နှစ်​ယောက်ကို ​ဘေးသို့တွန်းကာ ​ရှေ့ကိုကိုင်းကြည့်လိုက်သည်

 "ကြည့်ရ​အောင်... ကြည့်ရ​အောင်"

 သူက ​ပြောသည့်အတိုင်းပင် ကျန်းယန်ရှန့်၏ လက်မှ ကား​သော့ကို ဆွဲယူကာ ထပ်တလဲလဲ ကိုင်ကြည့်ပြီးမှ ပြောလိုက်သည် 

"လက်ရာ ​တော်​တော်​ကောင်းတာပဲ... ဒါ​ပေမယ့် နည်းနည်း ကြမ်းသလိုပဲ... အရည်အ​သွေးက သိပ်မ​ကောင်းဘူး... မီးခြစ်လို့ရပါ့မလား... ​​ဟေး... မင်းစမ်းကြည့်!"

 သူက ​ပြောသည့်အတိုင်းပင် ကား​သော့ကို ​ကွေ့​ကောက်ကာ ပစ်​ပေးလိုက်သည်။

 Xxxxxxx

Part 270

 ဝူကျစ်ဟွားက မြန်မြန် လက်ဆန့်ထုတ်ကာ ဖမ်းလိုက်ပြီး သူက မသိစိတ်က ​စေ့​ဆော်မှုအရ မီးခြစ်ကို ကိုင်ထားလိုက်ပြီး သူ့လက်မကို သုံးကာ မီးခြစ်ရန် ပြင်လိုက်သည်။ 

 ​သေချာ​ပေါက် ၎င်းကို ခြစ်၍ မရနိုင်​ပေ။ ထိုလူ ကား​သော့အစစ်ကိုသာ မီး​မွှေးဖို့ သုံးနိုင်ပါက ရှုလီချန် သူ့​​ခေါင်းကိုဖြတ်ကာ သူ့ကို ​ပေးလိုက်မည် ဖြစ်သည်။

 ရလဒ်အ​နေနဲ့ သူ့လက်မသာ နာလာရသည်။

 ဝူကျစ်ဟွား အနည်းငယ် စိတ် ရှုပ်​ထွေးသွားရသည်။ သူ အနီးကပ် ကြည့်မိ​သောအခါတွင် ထိုအရာက ကား​သော့အစစ်ဖြစ်​နေ​ကြောင်း သိလိုက်ရ​လေသည်။ ပြီး​တော့ ထိုအရည်အ​သွေးက ရှုလီချန် ​ပြောသည့် "အနည်းငယ်ကြမ်းသည်" ဆိုသည်မှာ မမှန်ရုံသာမက ဆန့်ကျင်ဘက် အ​နေနှင့်...

 ဝူကျစ်ဟွာ ​စီး​သော ကားသည်လည်း လမ်​ဘော်ဂနီ ဖြစ်ပြီး သူက ထိုကား​သော့က လမ်​ဘော်ဂနီ ကား​သော့အစစ်ဖြစ်​ကြောင်း ခံစားလိုက်မိသည်။ Xရတနာဆိုင်မှာ ဝယ်နိုင်တဲ့ ​အဆင်တန်ဆာလို သုံးတဲ့ ကား​သော့အတုလည်း မဟုတ်ပြန်ဘူး။

 မဟုတ်မလွဲ​ရော အဲ့တာက...

 သူတုံ့ဆိုင်း​နေစဥ်တွင် ရှုလီချန်က သူ့နားကိုကပ်ပြီး တိုးတိုး​ပြောလိုက်သည်:

 "သူက ကား​သော့ကို ဟန်ပြ​လေးပဲ လုပ်လာပြီး ကားအစစ်မရှိတာ မဖြစ်နိုင်ဘူးလား?"

 ဝူကျစ်ဟွား အ​တွေး​ပေါက်သွားသည်။ ဟုတ်သားပဲ... ဒါလည်း ဖြစ်နိုင်​ချေရှိတယ်!

 သူက အရင်တစ်ခါက ယွဲ့ စုန့် ကျန်းချီ ​မွေး​နေ့ပွဲကို တက်လာသည့်အချိန်ကို သတိရမိသွား​လေသည်။ သူက ဘတ်စ်ကားပဲ စီးသွားတာ ​သေချာပါလျက် မျက်နှာ​ပြောင်တိုက်ကာ တက်စီ ​ခေါ်ထားတာဟု ​ပြောခဲ့​သေးသည်။

 ဒီလူက အမြဲတန်း ဟန်များ​နေတာပဲ!

 "ကြည့်ရတာ ဒါမီးခြစ် မဟုတ်ဘူးပဲ" ဝူကျစ်ဟွား က အသံခပ်ကျယ်ကျယ်ဖြင့် ဆိုလိုက်သည် "ဒါဆို ကားက​ရော...ကားကဘယ်မှာလဲ... ကျွန်​တော်တို့ကိုလည်း ပြအုံး​လေ!"

 ကျန်းချီက​တော့ ထိုလူကို ​ဒေါသထွက်မိ​တော့မတတ်ပင်။

 အ​ကြောင်းမှာ ကျန်းယန်ရှန့်၏ အတန်း​ဖော်များကပင် တစ်ခုခုမှား​နေမှန်း သတိထားမိ​နေပြီး ကျန်းယန်ရှန့် ဝမ်းကွဲအစ်မ၏ ချစ်သူက ကျန်းယန်ရှန့်၏ချစ်သူ သူမကို အမှန်တကယ် ကားလက်​ဆောင်​ပေးသည်ကို မယုံသည့်ပုံ​ပင်။ ထိုသူက လက်ဆုပ်လက်ကိုင် သက်​သေပြ​ပေးဖို့ ရန်လိုစွာ ​ပြော​နေခဲ့သည်။

 အတန်း​ဖော်များကတော့ ယွဲ့ စုန့်အား စိတ်ကူးမြင့်မြင့် မှန်းထားခြင်းမျိုး မရှိ​ပေ။ သို့​သော်လည်း အစကတည်းက ယွဲ့ စုန့်က အဆင့်အတန်းမြင့်မိသားစုက သားဖြစ်​ကြောင်း ​မြင်နေရသည်။ သူတို့က အတိတ်မှာ ယွဲ့ စုန့်က မည်ကဲ့သို့​သော မ​ကောင်းသည့် ကိစ္စမျိုးကို ပြုလုပ်ခဲ့​ကြောင်း မသိကြ​သော်လည်း သူတို့ ​​ရောက်လာကတည်းက ကျန်းမိသားစုအိမ်​ကြောင့် ​ထိတ်လန့်​နေခဲ့ကြတာ ဖြစ်သည်။ ထိုပတ်ဝန်းကျင်တွင်​တော့ သူတို့က ယွဲ့ စုန့်ကိုပင် အဆင့်အတန်းမြင့် အိမ်​တော်က သားလို ခံစား​နေရတာ ဖြစ်သည်။ ထိုသူက ကားတစ်စီးကို လက်​ဆောင်အဖြစ် ကမ်း​ပေးလိုက်တာ​တောင် တွန့်ဆုတ်​နေခြင်း မရှိ​ပေ။

 ဒါက ရုပ်ရှင် ဇာတ်​ကြောင်းလိုပဲ! စိတ်လှုပ်ရှားစရာ ​ကောင်းလိုက်တာ... အရမ်းရိုတာပဲ!

 ဆန့်ကျင်ဘက်အ​နေဖြင့် ထိုဝမ်းကွဲ၏ ချစ်သူက စကား​ပြောချိန်တိုင်း လူ​တွေကို စနိုးစ​နှောင့် ဖြစ်​စေသည်။

 သူတို့ဘက်မှ အသံကျယ်ကျယ်များက လူကြီးများကို အာရုံ စိုက်လာ​စေခဲ့သည်။ ကျန်းဟွမ်က ​ရောက်လာပြီး ​မေးမြန်း​လေ​တော့သည် "ဘာ​တွေ ဖြစ်​နေတာလဲ?"

 ကျန်းဟယ်လင်းက ကျယ်​လောင်စွာ ​ပြောပြလိုက်သည် "​ဖေ​​ဖေ အစ်ကိုကြီးယွဲ့က အစ်မကို ကားလက်​ဆောင်​ပေးလိုက်တယ်!"

 ကျန်းဟယ်လင်းက​တော့ ဘာအ​ကြောင်း​ကြောင့် ဝူကျစ်ဟွားက ထိုကိစ္စအ​ပေါ်မှာ လိုက်ယှဥ်​နေမှန်း အမှန်တကယ် နားမလည်ပါ​ချေ။ အစ်ကိုကြီးယွဲ့ကသာ အစ်မကို ကားလက်​ဆောင်​ပေးမည်ဆိုပါက သူမအစ်မကို တကယ်​ပေးမည်သာ ဖြစ်သည်။ထိုသူက ဘာ​ကြောင့်များ ထူးထူးဆန်းဆန်း​တွေ လာ​ပြော​နေပါလိမ့်?

 သို့​သော်လည်း ကားပို့​ပေးဖို့ ကိစ္စကို​တော့...

 ကျန်းဟွမ်က ထိုစကားကို ကြားလိုက်ချိန်တွင် အသိပြန်ဝင်လာခဲ့ပြီး သူ့အသားအရည်သည်လည်း ပိုအရုပ်ဆိုးလာခဲ့သည်။ ထို့​ကြောင့်ပင် သူ ယွဲ့ စုန့်ကို ​မေးလိုက်သည်

 "မင်း ယန်ယန်ကို ကား တကယ် ဝယ်​ပေးလိုက်တာလား?"

 "ဟုတ်ကဲ့" ယွဲ့ စုန့်က ​ပြန်ဖြလိုက်သည် "ယန်ယန်က အခု ကားမောင်းလိုင်စင် ရ​နေပြီ... ဒါ​ကြောင့်မို့ ​နောက်ဆို သူ့ဘာသာ ​မောင်းသွားတာက ပို အဆင်​ပြေမယ်"

 ရှုလီချန်က ကိုယ်ကို ကိုင်းကာ အရှက်မရှိ ​ပြောလိုက်သည် "ကျွန်​တော့မှာလည်း လိုင်စင်ရှိ..."

 ကျန်းဟွမ်က သူ့မျက်နှာကြီးကို တွန်းထုတ်လိုက်သည်: "ဘာအမျိုးအစားလဲ?"

 "လမ်​ဘော်ဂနီ"ယွဲ့ စုန့်က သူ့ကို ကား​မော်ဒယ်ကိုပါ ​ပြောပြလိုက်သည်။ 

 ဝူကျစ်ဟွား ​အေးခဲသွားကာ လွှတ်ခနဲ ​ပြောမိသွားသည်: 

" မကြာ​သေးခင်ကမှ အသစ်ထွက်လာတဲ့ ယွမ် ​ခြောက်သန်းတန်တဲ့ ဟာလား..."

 သူကိုယ်တိုင်က လမ်​ဘော်ဂနီ ပရိတ်သတ်ဖြစ်ပြီး ထိုအ​ချက်အလက်များနှင့် ပတ်သက်ပြီး ​ကောင်း​ကောင်းသိ​လေသည်။

 ယွဲ့ စုန့်က သူ့ကို ကြည့်ကာ ​ပြောပြလိုက်သည် "ဒါက ယွမ်9.2သန်းတန်တဲ့ ထိပ်တန်းမော်ဒယ်"

 ကျန်းယန်ရှန့်၏ အထက်တန်းအတန်း​​ဖော်များ ကြက်​သေ​သေသွားကြသည်။ လူတိုင်းက နှဖူးတွင် ​ချွေးအနည်းငယ်စို့လာကြသည်- ကျန်းယန်ရှန့်မိသားစုက လူ​တွေက တစ်သန်းထဲက တစ်စုသာ ပါလား။

 "ကားဘယ်မှာလဲ..." 

ရှုလီချန်က ရည်ရွယ်ချက်ရှိရှိ ကိစ္စကိုပိုကြီး​ကျယ်သွားအောင် လုပ်လိုက်ပြီး ဝူကျစ်ဟွားကို မျက်စိမှိတ်ပြလိုက်ကာ ​ပြောလိုက်သည် "တကယ့် ပစ္စည်းအစစ်ကို မပြရင် ကျွန်​တော်တို့ မယုံနိုင်ဘူး​နော်!"

 ဝူကျစ်ဟွားက ထိန်းချုပ်မှုမှ လွတ်ထွက်လာ​သော အ​တွေး​ဖျော့​ဖျော့​လေး ရှိ​နေ​သော်လည်း ယုံကြည်ဖို့ ငြင်းဆန်​နေဆဲပင်။ သူက ရှုလီချန်ဆီက​နေ လှုံ့​ဆော်ခံလိုက်ရပြီး အံကြိတ်ကာ ​ပြောလိုက်သည်

 "ယွမ်​ထောင်ဂဏန်​လောက်ပဲ တန်တဲ့ ကားလို့ ​မပြောဘူး​နော်... ဒါဆို ဘယ်မှာလဲ... ကြည့်ရ​​အောင်​လေ"

 ကျန်းချီကလည်း မ​ကောင်းသည့် ခံစားချက်များ ရ​နေသည်။ ဝူကျစ်ဟွား သူမစကားကို နားမ​ထောင်​တော့ကတည်းက အ​ခြေအ​နေ​တွေက ထိန်းမနိုင်သိမ်းမရ ဖြစ်သွားပုံ ​ပေါ်​နေသည်။

 သူမက ​​ဖျန်​ဖြေရန်အတွက် ခပ်မြန်မြန် ​ရှေ့ထွက်လာခဲ့သည်: 

"လူတိုင်းက ဗိုက်ဆာ​နေကြမှာ... ဘာလို့ ဒါပဲ ဂရုစိုက်​နေကြတာလဲ? လူတိုင်းဗိုက်ဆာ ​နေကြတယ်မလား? စားဖို့ သွားကြရ​အောင်"

 ဒီကိစ္စက ဒီအတိုင်းအတာထိ ​ရောက်​နေတာကို အခု ဘယ်သူကများ စားချင်စိတ် ရှိ​နေပါ့မလဲ? ရိုးရိုးသားသား အထက်တန်း​ကျောင်းသား​လေးများ​တောင်မှ ထိုအ​ချေအတင်ကိစ္စကို အဆုံးထိ ​စောင့်ကြည့်ချင်ကြသည်။

 ကျန်းချီက ကျန်းယန်ရှန့်ကို ​ပြောလိုက်သည်:

 "ယန်ယန်... လုပ်စမ်းပါ... နင့်အတန်း​ဖော်​တွေကို စားဖို့ ​ခေါ်သွား​ပေးလိုက်... ကားက ဘာများ စိတ်ဝင်စားစရာ ​ကောင်းလို့လဲ..."

 လူတိုင်းက ကျန်းယန်ရှန့်ကို ကြည့်လာကြပြီး သူမက ခပ်ယဲ့ယဲ့ပြုံးပြလိုက်သည်: 

"လူတိုင်း ကြည့်ချင်​နေမှ​တော့ သွားကြည့်ရ​အောင်.. ငါလည်း ကြည့်ချင်တယ်"

 သူမက ​ပြောသည့်အတိုင်းပင် သူမလက်ကို ဝူကျစ်ဟွားဆီ ​ဆန့်ထုတ်​ပေးလိုက်သည်။ သူက ပြန်ပြီး မတုံ့ပြန်နိုင်ခင် အသိဝင်လာခဲ့​တာ ဖြစ်သည်။ ကား​​​သော့က သူ့လက်ထဲမှာ ရှိ​နေဆဲ ဖြစ်တာ​ကြောင့် ကျန်းယန်ရှန့်ဆီ ခပ်မြန်မြန် ပြန်​ပေးလိုက်​​လေသည်။ 

 သူတို့​နေရာမှာ ဆူဆူညံညံ လှုပ်လှုပ်ရှားရှား ဖြစ်သွားတာ​ကြောင့် အနီးအနားရှိ အခြား​သော ဧည့်သည်များကို အ​နှောင့်အယှက် ​ပေးမိသွားခဲ့သည်။ ထို့​ကြောင့် လူတိုင်းက တီးတိုး​မေးမြန်းလာကြသည်: 

"ဘာ​တွေ ဖြစ်​နေကြတာလဲ?"

 "သူ​ပြောတာ သူက ယန်ယန့်ကို ကားလက်​ဆောင်​ပေးမှာတဲ့... သူတို့အားလုံး မြင်ချင်​နေကြတာ"

 "အိုး ဘယ်လိုကားမျိုးပါလိမ့်... ငါတို့လည်း သွားကြည့်ရ​အောင်"

 ​ကျောက်လန်ဖန်က ကျန်းချီနှင့် ဝူကျစ်ဟွားကို တားရန် ​ရောက်လာသည့် အခါတွင်​တော့ အရာအားလုံး ​နောက်ကျသွားခဲ့​လေပြီ။

 လူငယ်များသာမက နားစွန်နားဖျား နားစွန်နားဖျား ကြားလိုက်ကြ​​သော ဧည့်သည်များသည်လည်း ကားကို ကြည့်ရန် အပြင်လိုက်ထွက်သွားကြ​လေပြီ။

 ကျန်းယန်ရှန့်က ယွဲ့ စုန့်ကို ​ပြောလိုက်သည်:

 "အရင်ဆုံး နားဝင်မချိုတဲ့ စကား​တွေ ​ပြောရမှာပဲ... ကျွန်မနဲ့ မလိုက်ဖက်ရင် လက်မခံနိုင်ဘူး​နော်"

 ယွဲ့ စုန့်က သူမကို ပြုံးပြကာ သူမလက်ကို ဆုပ်ကိုင်လိုက်သည်:

 "ဒါဆို​ ​နောက်တစ်စီး မကြိုက်မချင်း ​ ပြောင်း​ပေါ့"

 အမ​လေး အ​မေ​ရေ...

 ကျန်းဟွမ်နှင့် ရှုလီချန်းတို့က တစ်ပြိုင်နက်ထဲပင် တစ်ကိုယ်လုံး ကြက်သီးထသွားရ​တော့​လေသည်!

 ကျန်းဟယ်လင်း တစ်​ယောက်ကသာ သူမမျက်နှာကို အုပ်ကိုင်လိုက်သည်: အရမ်းချိုတာပဲ...

 ကျန်းရှို့ချန်က​တော့ ကားကို​တွေ့ရဖို့သာ စိတ်လှုပ်ရှား​နေပုံ​ပေါ်သည်။

 လက်​ဆောင် အဖြစ်​ပေးမည် ဖြစ်​သော​ကြောင့် ယွဲ့ စုန့်က သူ​ရောက်လာကတည်းက အိမ်အဝင်နားတွင် တိုက်ရိုက်ပဲ ပါကင်ထိုးထားခဲ့တာ ဖြစ်သည်။

 မူလက သူ ကျန်းယန်ရှန့်ကို တိတ်တိတ်​လေး​ ​ခေါ်ထုတ်ကာ သိုသို သိပ်သိပ်ပဲ ​ပေးချင်ခဲ့သည်။

 ​သူက ကားမောင်းသူ၏ ​ဘေးဘက်ခုံတွင်လည်း နှင်းဆီ ပန်းစည်းတစ်စည်းကို ပြင်ဆင်ထားခဲ့သည်။

 လူတိုင်းက အသက်​အောင့်ကာ ယွမ် 9.2သန်းတန်သည်ဟု ​ပြောထား​သော ထိုကားကို ကြည့်ရှု​နေကြ​လေသည်။

 ကားကိုယ်ထည်ကို အနက်​​ရောင်ခြယ်ထားပြီး ၎င်း၏ ​ကောက်​ကြောင်းများက ​ခေတ်ဆန်​သော အထိအ​တွေ့ အပြည့်ပင်။ တာယာများနှင့် ​အောက်​ခြေက ​မြေပြင်ကို ထိစပ်လုမတတ် ပုံ​ပေါ်​နေသည်။ အင်အားကြီး အလှတရားနှင့် အမြန်နှုန်းက​တော့ အသက်ရှူမှားမတတ်ပင်။

 ကျန်းယန်ရှန့်က လက်ကိုမကာ ​ကား​သော့ကို နှိပ်လိုက်သည်။

 ကတ္တရာကဲ့သို့မဲနက်​နေ​သော ကားတံခါးက ​ခွဲဖြာသွားသကဲ့သို့ ပွင့်ဟလာသည်။

 ထို​အေးစက်​နေ​သော သတ္တုထည်က လူငယ်တစ်စု၏ ​သွေးများကို ​တောက်​လောင်​စေခဲ့သည်။

Xxxxxxx