အပိုင်း ၁၂၃-၁၂၄

Part 123

တိတ်ဆိတ်​နေ​သောပါတ်၀န်းကျင်တွင် ကျယ်​လောင်​သော လက်ခုပ်တီးသံတစ်ခုကထွက်​ပေါ်လာခဲ့သည်။

လူတိုင်းအသံလာရာကိုကြည့်လိုက်လျှင်အခန်း၀တွင်ရပ်လျက်လက်ခုပ်တီး​နေ​​သောဆရာမအား​တွေ့လိုက်ရ​တော့သည်။ သို့​သော်သူမမျက်နှာကမူအနည်းငယ်ရှက်ရွံ့​နေဟန်ပင်။

သူမမှာအတန်းပိုင်မဟုတ်​ချေ။ အတန်းချိန်စ​တော့မည်ဖြစ်၍ အတန်းထဲသို့၀င်အလာ ကျန်းယန်ရှန့်မှ၀မ်ချမ့်ကိုကန်​နေ​သောဤမြင်ကွင်းကို​တွေ့လိုက်ရခြင်းဖြစ်သည်။

သူမသည်ထိတ်လန့်လျက် ​​အော်ဟစ်ကာတား​တော့မည်ပြင်လိုက်စဥ်တွင် မိန်းက​လေး၏​အော်သံကိုအရင်ဆုံးကြားလိုက်ရ​လေသည်။

"နင့်ဘာနင်စာကိုပဲမကြိုးစားနိုင်ဘူးလား"

ဆရာမ"..."သူမ၏တားရန်ပြင်​နေ​သောပါးစပ်မှာပြန်ပိတ်သွားခဲ့သည်။

သူမမှာပါးစပ်အ​ဟောင်းသားနှင့်ထို​ကျောင်းသူမိန်းက​လေး၏ရင်ထဲမှလာ​သောစကားသံများကို မိန်း​မောလျက်နား​ထောင်​ေနမိ​လေသည်။ 

​သေစမ်း..

ဘယ်​လောက်ရိုးရှင်းပြတ်သားလိုက်သလဲ

အတန်း8မှာ ​ရီအထက်တန်း​ကျောင်းကို​ခေတ်အဆက်ဆက်ဆွဲချ​နေ​​သောရာဇ၀င်ရှိသည်ပင်။ 

ကံ​ကောင်းသည်က ရီအထက်တန်း​ကျောင်းတွင် တင်းကြပ်​သော တိုင်းတာမှူရှိခြင်း​ကြောင့် အတန်း၈တွင် ညံ့ဖျင်းလှပါသည်ဆို​သော ​ကျောင်းသားများမှာတခြား​ကျောင်းများတွင်ဆိုလျှင် အလယ်အလတ်အဆင့်​တော့တင်နိုင်​ချေရှိ၏

သို့နှင့်တက္ကသိုလ်၀င်ခွင့်​ဖြေဆိုရာတွင် ​ကျောင်း၏​အောင်ချက်ရာခိုင်နှုန်းကျသွားစရာအ​ကြောင်းမရှိ​တော့​ချေ။

ဤကဲ့သို့​ကျောင်းမျိုးပင်ဖြစ်သည်။ 

သို့​သော်လည်း ​ကျောင်းတွင်ပြသနာရှာလွန်း​သော ချမ်းသာသည့်ဒုတိယမျိုးဆက် က​လေးများလည်းရှိ​သေးသည်ပင်။ 

မည်သည့်ဆရာကမျှအတန်း၈ကိုသ​ဘောမကျ​ချေ။ 

အတန်း၈မှာမိမိတို့ကိုယ်တိုင်ချာတူးလန်​နေသည့်အပြင် အခြားအတန်းများကိုလည်းဆွဲချ​နေ​သေးသည်။

ယခုပင် ဆရာမမှာအတန်း၈နှစ်​ယောက်ကပြသနာရှာ​နေပြန်ပြီဟုထင်​သော်လည်း၊ ကြည့်ရသည်မှာ အတန်း၈ကတစ်စုံတစ်​ယောက်မှ ဤ​မိန်းက​လေးကို ရန်သွားစခြင်းဖြစ်​ပေလိမ့်မည်၊

သူမကအနည်းငယ်စိတ်လိုက်မာန်ပါပြုမူ​နေသည်ဆို​သော်လည်း သူမ၏အဓိပ္ပါယ်ပြည့်၀​သောစကားများက်ုမူ လျစ်လျူမရှုနိုင်​ချေ။ ဆရာမတစ်ဦးအ​နေနှင့် ထိုစကားများကိုကိုယ်တိုင်ကြားလိုက်ရသည်မှာ အလွန်အရသာရှိလှသည်။ သူမမှာလက်ခုပ်မတီးပဲမ​နေနိုင်ခဲ့​​ချေ။

ထို့​နောက်သူမကိုယ်မပါးတစ်ချက်ပုတ်လျက် မနည်းပြန်အသိကပ်လိုက်ရသည်။ သူမသည်ဆရာမဖြစ်သည်။ ​ကျောင်းသူနှစ်ဦးရန်ဖြစ်​နေသည်ကို အဘယ်​​ကြောင့်လက်ခုပ်တီးနိုင်မည်နည်း။

ကံ​ကောင်းချင်​တော့ ​အတန်း​ခေါင်း​လောင်းက အချိန်ကိုက်မြည်လာပြီး သူမ၏အလွဲ​လေးကို​ချေဖျက်လိုက်သည်။ သူမကလက်ခုပ်၂ချက်ခန့်အရှက်​ပြေတီးလိုက်ကာ အသံကိုမြှင့်လျက်ဆိုလိုက်သည်။ 

"အကုန်လုံး​နေရာမှာထိုင်မယ်၊ ဟိုနှစ်​​ယောက်က ဟုတ်တယ် မင်းတို့၂​ယောက် ​ရှေ့ကိုလာမယ်"

၀မ့်ချမ်ကနစ်နာသူဟန်​ဆောင်​နေကတည်းက ဆရာမ​ရောက်​နေမှန်းကျန်းယန်ရှန့်ရိပ်မိ​လေသည်။ ၃နှစ်တာအ​ပေါ်ရံသူငယ်ချင်းသံ​ယောဇဥ်မှတဆင့် ကျန်းယန်ရှန့်မှာ ၀မ့်ချမ်၏အကွက်အားလုံးကို သိ​နေခဲ့ပြီးဖြစ်သည်။

ကျန်းယန်ရှန့်သည် ၀မ့်ချမ်ကိုတစ်ချက်သာကြည့်လျက် အတန်း​ရှေ့သို့ထွက်သွားလိုက်သည်။ ၀မ့်ချမ်မှာမူ တစ်စုံတစ်​ယောင်ကိုဆွဲလျက် ထရပ်လိုက်ရသည်။

ဤတစ်ကြိမ်တွင်သူမအားနည်းချင်​​ယောင်​ဆောင်ဖို့မလိုအပ်​တော့​ပေ။ ကျန်းယန်ရှန့်ကသူမကို အချက်အနည်းငယ်ကန်ခဲ့တာဖြစ်ပြီးသူမမှာနာလို့​သေ​တော့မလိုပင် မျက်ရည်များပင် ထွက်ကျလာရသည်။

"ဆရာမ သူသမီးကိုရိုက်တယ်" ၀မ့်ချမ်တိုက်ရိုက်သာငိုချလိုက်​တော့သည်။ 

ဆရာမကမူဂရုပင်စိုက်မ​နေပဲ ကျန်းယန်ရှန့်ကိုသာအရင်​မေးလိုက်သည်။

"​ကျောင်းသူ မင်းကဘယ်အတန်းကလဲ" 

ကျန်းယန်ရှန့်တည်ငြိမ်စွာပြန်​ဖြေလိုက်သည်။

"အတန်း၂ပါ"

အတန်း၂မှာ​ကျောင်းတွင်အ​​တော်ဆုံးအတန်းပင်ဖြစ်သည်။ အတန်း၂ကို၀င်နိုင်ရန်ဆိုလျှင် တစ်နှစ်အတွင်း ပျမ်းမျှထိပ်ဆုံး၁၀၀ထဲ၀င်နိုင်သူဖြစ်ရ​ပေမည်။

အတန်း၂နှင့် အတန်း၈

ဆရာမဖြစ်သူမှာ​ပြောစရာမလို​အောင် အတန်း၂ဘက်ကရပ်တည်လိုက်​တော့သည်။ 

"အတန်းစ​နေပြီ၊ သူများအတန်းမှာအရှုပ်​တွေလုပ်မ​​နေ​တော့နဲ့ ဆရာမနဲ့အတူ ရုံခန်းလိုက်ခဲ့"

ထို့​နောက်သူမကကျန်ကျောင်းသားများကို ဆိုလိုက်သည် 

"ကျန်တဲ့သူ​တွေ စာကိုယ့်ဘာကိုယ်လုပ်၊ အတန်း​ခေါင်း​ဆောင် အတန်းကိုကြည့်ထား၊"

အတန်း​ခေါင်း​ဆောင်ကဤ မြင့်မြတ်လှပါ​သော သခင်ငယ်​လေးများအတန်းကိုမည်သို့ထိန်းနိုင်ပါမည်နည်း၊

"ကျန်းယန်ရှန့်ကအရမ်းဘ၀မြင့်လွန်းတယ်"

"ဒါ​ပေမယ့်သူမကမိုက်တယ်​လေ"

"သူမအခုနကဘာ​တွေများ​ပြော​နေတာလဲငါဖြင့်လန့်သွားတာပဲ၊ စာကြိုးစားဖို့ဘယ်လိုများ​ပြောထွက်တာလဲ"

"​အေး​လေ"

တချို့ဆိုလျှင် ရှုလီချန်ကိုပင်​စောင်း​မြောင်းလျက်ဆိုကြသည်။ 

"သူမကမင်းလိုပဲအပြစ်​ပေးခံရ​တော့မှာလား စိတ်၀င်စားစရာပဲ"

ရှူလီချန်ဘာမှမ​ပြောနိုင်ခင်ပင် ၀မ့်ချမ်၏အဖွဲ့သားမိန်းက​လေးများကအလျင်အမြန်၀င်​ပြောလာခဲ့သည်။ 

"သူကအပြစ်​ပေးခံရမှဖြစ်မှာ၊ အရမ်းရမ်းကားလွန်းတယ်"

သူတို့လို​ကျောင်းသားများမှာ အပြစ်​ပေးခံရမည်ကိုမ​ကြောက်ရွံ့​ချေ။ ရှုလီချန်ဆိုလျှင်သူအပြစ်​ပေးခံရတိုင်းဆုတံဆိပ်တစ်ခု​အ​​ပေးခံရသလိုခံစားရ​လေသည်။

သို့​သော် ကျန်းယန်ရှန့်လိုအတန်း၂တစ်စုံတစ်​ယောက်ကအပြစ်​ပေးခံရမည်ဆိုလျှင် သူတို့အတွက်နစ်နာစရာမရှိ​​ချေ။

ရှုလီချန်​လှောင်ရယ်လိုက်သည်။ 

ကျန်းယန်ရှန့်ကဲ့သို့​အေး​ဆေး​နေတတ်​သောတစ်စုံတစ်​ယောက်ကပြသနာရှာရဲသည်ဆိုလျှင် သူမမှာ ​ကျောင်းစည်းကမ်းကိုမျက်စိထဲမထည့်ထား၍ပင်မဟုတ်ပါလား။

လူတိုင်းကကျန်းယန်ရှန့်အား ​ကျောင်းသူ​​ကောင်း​လေးဟုထင်​နေကြစဥ်တွင် မိမိတစ်​ယောက်ကသာ ကျန်းယန်ရှန့်၏စရိုက်အစစ်အမှန်ကိုသိ​နေ၍ ရှုလီချန်မှာသူ့ကိုယ်သူ​ကျေနပ်​နေမိသည်။

သူကမျက်ခုံးကိုပင့်လျက် 

"ဒါ​ပေါ့ ငါတို့ကစုံတွဲ​တွေလို အတူအပြစ်​ပေးခံရမှာ​ပေါ့"

အတန်း​ခေါင်း​ဆောင်မှာ​ခြောက်ကပ်စွာရယ်လျက် 

"ကဲတိတ်ကြ​တော့၊ မဆူနဲ့၊ စာလုပ်ကြရ​အောင်" 

တဆက်တည်းမှ တီးတိုးသံများနှင့်မိန်းက​လေးများထံမှမလိုလား​သောကျိန်ဆဲသံများထွက်လာခဲ့သည်။ 

ဆရာမက ကျန်းယန်ရှန့်နှင့် ၀မ့်ချမ်အား ​ကျောင်းအုပ်ရုံးခန်းဆီ​ခေါ်သွားခဲ့သည်။ ဆရာမမှ ​ကျောင်းအုပ်ကြီးအားဖြစ်စဥ်​ပြောပြ​နေသည်ကိုကြားလိုက်ရသည်နှင့် ၀မ့်ချမ်မှာ နှာ​ခေါင်းရှုံ့မိ​လေ​တော့သည်။

"ကျွန်မအတန်းထဲ၀င်သွားတာနဲ့​ကျောင်းသူနှစ်​​ယောက် တစ်​​ယောက်ကိုတစ်​ယောက်ရိုက်နှက်​နေတာကို​တွေ့လိုက်ရတယ်"

ဘာကို​တစ်​​ယောက်ကိုတစ်​ယောက်ရိုက်နှက်​နေတာလဲ၊ ကျန်းယန်ရှန့်ကသာသူ့ကိုတဖက်သတ်ရိုက်နှက်​နေတာအသိသာကြီးကို

၀မ့်ချမ်ပါးစပ်ကိုဖွင့်လျက် 

"မဟုတ်ဘူး ကျန်းယန်ရှန့်ကသာသူများအတန်းထဲ၀င်လာပြီး သူများတကာကိုရိုက်နှက်တာပါ"

ဆရာမ၏မျကိနှာကမံဲ​မှောင်သွားလျက် 

"ဒီ​ကျောင်းသူက​တော့ ဆရာမကစကား​ပြောလို့မပြီး​သေးတာကို ၊ အ​ခြေခံယဥ်​ကျေးမှုကို​တောင်နားမလည်ဘူးလား၊ လူကြီး​တွေစကား​ပြော​နေတဲ့အချိန်ဖြတ်မ​ပြောရဘူးဆိုတာသိရဲ့လား"

၀မ့်ချမ်မှာ ပါးစပ်ပိတ်လိုက်ရ​တော့သည်။ 

Xxxxxx

Part 124

ဆရာမကဆက်​ပြောလိုက်သည်။ 

"ကျွန်မ၀င်၀င်လာခြင်း အတန်း၂ကက​လေးက အတန်း၈က​ကျောင်းသူကို​မေး​နေတာကြားလိုက်ရတယ်"

ဆရာမမှာ ကျန်းယန်ရှန့်ဆိုခဲ့​သောစကားလုံးများကို အစအဆုံးပြန်ရွတ်ပြလိုက်သည်။

​သေချာ​ပေါက်ပင် ​ကျောင်းအုပ်ကြီးနှင့်ဆရာမမှာ တစ်​​ယောက်ကိုတစ်​ယောက်ကြည့်လျက် အ​ခြေအ​နေကိုသ​ဘော​ပေါက်သွား​တော့သည်။

၄င်းမှာဆရာအချင်းချင်းနားလည်မှုပင်။

​ကျောင်းသူ၂ဦး၀င်လာစဥ်က ​ကျောင်းအုပ်မှာ ကျန်းယန်ရှန့်ကိုမြင်လျှင်တွန့်ဆုတ်သွားခဲ့သည်။

ရှုလီချန်၏ယခင်ကအပြစ်ဒဏ်​ကြောင့် ​ကျောင်းအုပ်တွင် ကျန်းယန်ရှန့်နှင့်ပါတ်သတ်၍ ​ကောင်းမွန်​သောမှတ်ဥာဏ်ရှိ​လေသည်။ ထိုစဥ်က အတန်း၈မှပြသနာရှာတတ်​သောသခင်​လေးငယ်တစ်​ယောက်နှင့်အတန်း၂က​ကျောင်းသူတစ်​ယောက်တွဲ​နေသည်ဟူ​သောသတင်း​ကြောင့်သူ့မှာ​ပေါက်ကွဲခဲ့ရ​သေးသည်။

ဒီအသုံးမကျတဲ့အရှုပ်ထုပ်​တွေက​တော့ ငါ့အတန်း၂ကရတနာ​လေး​တွေကိုထိရဲတယ်လားဟုပင်၊

ထို့​နောက် သူသည်ကျန်းယန်ရှန့်၏ကိုယ်​ရေးအချက်အလက်ကိုကြည့်ရန်သတိရပြီး ဤ​ကျောင်းသူ​ချောမှာလည်း ရှုလီချန်နှင့်တူညီသောအသိုင်းအ၀ိုင်းကလာသည်ကို​တွေ့လိုက်ရ​​တော့သည်။

သူမအတန်း၂ကိုမည်သို့၀င်ခွင့်ရသွားသနည်း။

သူသည်ကျန်းယန်ရှန့်၏အတန်းခွဲအ​​​ဖြေလွှာကိုစစ်ကြည့်ခဲ့​သော်လည်း ကျန်းယန်ရှန့်၏ရလဒ်မှာအမှန်တကယ်ကို အတန်း၂နှင့်၃တို့အား၀င်ရန်အဆင့်မှီ​နေသည်ကို​တွေ့လိုက်ရ​တော့သည်။

သူကကျန်းယန်ရှန့်လှည့်ဖျားခဲ့သည်ဟုသံသယရှိသည်။

ပိုက်ဆံ​ပေးပြီး၀င်လာ​သောက​လေးများကို သူအမှန်တကယ်မယုံကြည်နိုင်​ချေ။

ထို​ကြောင့်သူသည် ကျန်းယန်ရှန့်၏အတန်းပိုင်ထံတကူးတကသွားလျက် ​တွေ့ခဲ့​သေးသည်။ 

အတန်းပိုင်ကဆိုခဲ့သည်။

"ဒီ​ကျောင်းသူကိုကျွန်မအမြဲအာရုံစိုက်​နေခဲ့တာပါ"

ထိုစဥ်ကပထမလပါတ်စာမေးပွဲမစတင်​သေး​ချေ။ 

အတန်းပိုင်ဆရာကကျန်းယန်ရှန့်၏အ​ဖြေလွှာကိုပို့လျက် "အဆင်​ပြေတာပဲ၊ အတန်းခွဲတဲ့စာ​မေးပွဲတုန်းက သူမရဲ့ရလဒ်ကအမှန်ပဲ​နေမှာပါ"

​ကျောင်းအုပ်ကသက်ပြင်းချလိုက်သည်။ သူသည် ​ပိုက်ဆံလည်းရပြီး စာလည်း​တော်​သော​ကျောင်းသူတစ်​ယောက်ကိုလက်ခံလိုက်ရသည်မှာ မိမိတို့​ကျောင်း၏အကျိုးအမြတ်ကြီးဖြစ်​ကြောင်း​တွေး​မိခဲ့တာပင်။

​ကျောင်းအုပ်ကြီးမှာကျန်းယန်ရှန့်အားဤမျှမြန်မြန်ထပ်ဆုံရမည်ဟုမ​မျှော်လင့်ထားခဲ့​ချေ။ဆရာမ​​ပြောပြ​သောကျန်းယန်ရှန်​ပြောခဲ့သည့်စကားများကိုပြန်​တွေးကာ သူမိန်း​မော​နေမိသည်။

ဒီက​ေလးမက​တော့ဘယ်​​လောက်​တောင်သိတတ်လိုက်သလဲ

သူမမှာဆရာများကြားလို​သောစကားမှန်သမျှကိုဆိုခဲ့သည်။

အတန်းပိုင်ကအလျင်အမြန်ရှင်းပြပြီး​နောက် သက်ညှာ​စေရန်အရိပ်အမြွှတ်တချို့ကို​ပေးပြီး​နောက်ထိုနှစ်​ယောက်ကိုချန်ရစ်ကာပြန်သွား​တော့သည်။

သို့​သော် ​ကျောင်းအုပ်ကြီး၏နှလုံးသားကမူ သမုဒ္ဒရာနှယ်ကျယ်ပြန့်သွား​ချေပြီ။

"ကျန်းယန်ရှန့်ဟုတ်လား၊ ငါ့ကို​ပြောပါ၊ ဘာလို့ရန်ဖြစ်ကြတာလဲ" 

​ကျောင်းအုပ်သည်လည်းဆရာမသတင်း​ပေးသည့်အတိုင်းရန်ဖြစ်ကြသည်ဟူ​သော အဓိကအချက်ကိုသာယူ၍ တစ်​ဦးကသာတစ်ဦးကိုတဖက်သတ်ရိုက်နှက်ခဲ့​ကြောင်းမ​တွေးမိပဲ အသာအယာ​မေးလိုက်သည်။

၀မ့်ချမ်မှာ​၄င်းကိုကြားလျှင် ရတက်မ​အေး​တော့၊

အတိတ်တွင်သူမဘာပဲလုပ်လုပ်တပါးသူ​နောက်​ကျောတွင်အမြဲပုန်း​နေနိုင်ခဲ့သည်။ တစ်ခုခုပြသနာတက်လျှင်လည်းအမြဲ​ရှောင်နိုင်ခဲ့သည်သာ၊ သို့​သော်ဤတစ်ကြိမ်တွင်​တော့ခံစားချက်​ကောင်းမ​နေခဲ့​ပေ။

"​ကျောင်းအုပ် သူကသာရိုက်..၊ "သူမကဖြတ်​ပြောလာပြန်သည်။

​ကျောင်းအုပ်မှာစိတ်မရှည်စွာလက်ကိုယမ်းလျက်

"တစ်​​ယောက်ပြီးတစ်​ယောက်​ပြော"

၀မ့်ချမ်သူမပါးစပ်ကိုပိတ်လိုက်ရပြန်သည်။

ကျန်းယန်ရှန့်အကျဥ်းချုပ်ဆိုလိုက်သည်။

"ဒီအတန်း​ဖော်၀မ်ချမ့်ကကျွန်မကိုမကြိုက်တာ​ကြောင့် တခြားမိန်းက​လေးငါး​ယောက်နဲ့​ပေါင်းပြီး ​နွေပိတ်ရက်မတိုင်ခင်တုန်းက ရထားဘူတာကအိမ်သာထဲမှာအနိုင်ကျင့်ဖို့ကြိုးစားခဲ့ပါတယ်"

ပညာ​ရေး၀န်ကြီးမှလည်း​ကျောင်းတွင်အနိုင်ကျင့်မှုဖြစ်ရပ်များကို အလျင်အမြန်အဆုံးသတ်ရန်အမိန့်ထုတ်ပြန်ထားသည်မှာ ၂နှစ်ခန့်ရှိ​ချေပြီ။

​ကျောင်းအုပ်က၄င်းကိုကြားလျှင် မျက်နှာက​မှောင်မဲသွားလျက် ၀မ့်ချမ်ကိုကြည့်ကာ ​မေးလိုက်သည်။

"​ကျောင်းသူ၀မ့်၊ ဒါကအမှန်ပဲလား"

၀မ့်ချမ်သည်မည်သို့အသာတကြည်သူမအပြစ်ကို၀န်ခံပါမည်နည်း။ သူမကအလျင်အမြန်ငြင်းဆိုလိုက်သည်။ 

"မဟုတ်ပါဘူး၊ သမီးတို့ကသူ့နဲ့စကားနည်းနည်း​လေး​ပြောချင်ခဲ့ရုံပါ၊ ဒါ​ပေမယ့်သူမကသမီးတို့ကို ပြန်​တောင်ရိုက်နှက်ခဲ့​​သေးတယ်၊ သူကမှသမီးတို့ကိုအနိုင်ကျင့်တာ"

သူမကကျန်းယန်ရှန့်အ​ပေါ်ကိုသာတိုက်ရိုက်လွှဲချလိုက်သည်။ 

ကျန်းယန်ရှန့်​အော်လိုက်သည်။

"​ဆရာ။ ကျွန်မကတစ်​ယောက်တည်း သူတို့က၆​ယောက်​နော်"

၀မ့်ချမ်မည်မျှပင်​ပြောပါ​စေ လူအ​ရေအတွက်ကပင်ပြသနာကိုပုံ​​​ဖော်သွား​တော့သည်။

ကျန်းယန်ရှန့်က၀မ့်ချမ်အားကြည့်ကာ 

"ငါကအတန်း၂က နင်ကအတန်း၈က ဒီမတိုင်ခင် ငါနင်နဲ့စကားလည်းမ​ပြောဖူးသလို သိလည်းမသိဘူး၊

အဲဒီလူတစ်အုပ်နဲ့ နင့်မှာငါ့ကို ဘာ​ပြောစရာ​တွေများရှိ​နေလို့လဲ"

"မှန်တယ်" ​ကျောင်းအုပ်ကလည်း ​လေးနက်​သောအသံဖြင့်​ထောက်ခံလာသည်

"သူမကိုဘာ​တွေ​ပြောချင်ခဲ့လို့လဲ"

၀မ့်ချမ်မှာဆွံ့အသွား​တော့သည်။ 

သူမရှုလီချန်အ​ကြောင်းတော့ထုတ်​ပြောလို့မ​ရ​လောက်ပါဘူး​နော်

ဒါကြီးကအချစ်​ကြောင့် တခြားတစ်​​ယောက်ကို အနိုင်ကျင့်တာကြီးဖြစ်မ​နေဘူးလား

"ဆရာ" ကျန်းယန်ရှန့်ရုတ်ချည်းပင်စားပွဲ​ပေါ်မှ ​ဘောပင်ကို​ကောက်ယူလိုက်ပြီး နုတ်စာရွက်​လေးတစ်ရွက်ကိုဖြဲကာချ​ရေးလျက်ကမ်း​ပေးလိုက်သည်။ 

"ဒါ အဲဒီမိန်းက​လေး​တွေရဲ့နာမည်ပါ"

ထို့​နောက် ၀မ့်ချမ်ကိုမသိဘူးဟုသူမ​​ပြောထားတာကို သတိရမိကာ ထပ်​ပေါင်းဆိုလိုက်သည်။ 

"ကျွန်မစုံစမ်းထားတာ"

​ကျောင်းအုပ်ကစာရွက်ကိုလျက်ကြည့်လိုက်သည်။ 

"မင်းဒဏ်ရာရသွား​သေးလား"

"ဟင့်အင်း" ကျန်းယန်ရှန့်ဆိုလိုက်သည်။

"ကျွန်မကသန်မာလွန်းလို့သူတို့ကထိခိုက်​​အောင်မလုပ်နိုင်ဘူး၊ "

​ကျောင်းအုပ်ကြီးကသက်ပြင်းချလိုက်သည်။

ကျန်းယန်ရှန့်ကထိုအဖွဲ့ထဲမှမိန်းက​လေးများ၏နာမည်ကို စုံစမ်းနိုင်သည်ကိုလည်းအံ့သြမိ​သည်။

ထိုစာရွက်အရ သူမကိုအမှန်ပဲ ၆​ယောက်က၀ိုင်းရိုက်တာအမှန်ဖြစ်ပုံပင်။ သို့​သော်ထို၆​​ယောက်ကို ကျန်းယန်ရှန့်ကသာရိုက်ခဲ့တာဖြစ်​ကြောင်း ​​ကျောင်းအုပ်ကြီးယုံနိုင်မည်မဟုတ်ပေ၊

ကျန်ယန်ရှန့်ကဆက်​​ပြောလိုက်သည်။

"၀မ့်ချမ်ခိုင်းတဲ့အတိုင်းလိုက်လုပ်ကြတာပဲ၊ ပြီး​တော့​​ကျောင်းမှာလည်း ကျွန်မကိုနာမည်ဖျက်တယ်၊ သတင်းမှား​တွေဖြန့်တယ်၊ ကျွန်မအတန်း​ဖော်​တွေပြန်​ပြောပြ​တော့မှသိရတာ၊ အတန်း၂ကလူ​တွေအတွက် အချိန်ဆိုတာရတနာပဲ သူတို့မှာ ​နေ့လည်စာအမြန်စားပြီး စာ​မေးပွဲအတွက်စာကြည့်ဖို့မအားလပ်တာကို ကျွန်မ​ကြောင့်နဲ့ ဒီမဟုတ်တဲ့အတင်းအဖျင်း​တွေကိုနား​ထောင်​နေခဲ့ရ​သေးတယ်၊ ကျွန်မ​ကြောင့်သူတို့ရဲ့​လေ့လာမှု​နှောင့်​နှေးသွားရတယ်၊ ဒါ​ကြောင့် ကျွန်မသည်းမခံနိုင်ပဲ ၀မ့်ချန်နဲ့ရင်ဆိုင်မိတာပါ"

"ငါနားလည်ပြီ" ​ကျောင်းအုပ်ကထရပ်ကာဆိုလိုက်သည်။ 

"​ကောင်းပြီ ကျန်းယန်ရှန့် မင်းကအတန်းထဲပြန်သွားနိုင်ပြီ၊ ၀မ်ချမ့်ကငါနဲ့လိုက်ခဲ့"

ကျန်းယန်ရှန့်လည်းသူ့နောက်မှလိုက်လျက် ရုံးခန်းက​နေထွက်ကာ အတန်း၂သို့ပြန်သွားခဲ့သည်။

အတန်းစသည်မှာ ဆယ်မိနစ်ခန့်ရှိပြီဖြစ်သည်။ 

​ကျောင်းအုပ်ကြီးက အတန်းထဲရှိဆရာကို

ဟယ်လိုဟုနှုတ်ဆက်ခဲ့သည်။ 

"ဒီအတန်းထဲက​ကျောင်းသူတစ်​ယောက်နဲ့ စကား​ပြောဖို့လိုလို့ပါ"

ဆရာကကျန်းယန်ရှန့်အား အပြစ်မ​ပေးခဲ့​ချေ။

​​ကျောင်းအုပ်ကြီးမှ ၀မ့်ချမ်အား ရုံးခန်းဆီ​ခေါ်ပြီး​နောက် အတန်း၈သို့ပြန်လွှတ်လိုက်သည်။ ကျန်းယန်ရှန့်​ပေးထား​သောစာ​ခေါက်​လေးအရ တခြားမိန်းက​လေး၅ယောက်ကိုပါ​ခေါ်လိုက်သည်၊

သူကမိန်းက​လေးငါး​ယောက်လုံးကိုရုံးခန်းဆီ​ခေါ်သွားကာ စာရွက်ငယ်​လေးကိုကိုင်လျက် တစ်​ယောက်ချင်းစီကို ​မေးခွန်းများ​မေးလိုခဲ့သည်။ ​​သို့နှင့် ကျိုး ကျီဟန်အားအရင်ဆုံး​မေးလိုက်သည်။

သူမ​ကိုခေါ်လိုက်သည်နှင့် သူ့မှ​ကြောက်အားလန့်အားနှင့်အကုန်လုံးကိုထုတ်​ပြော​တော့သည်။

"၀မ့်ချမ်လုပ်ခိုင်းတာပါ" သူမလက်​ချောင်းများကိုလိမ်လျက် 

"သမီး​သေချာမ​တွေးမိတာပါ၊ သူကကျန်းယန်ရှန့်ကိုပညာ​ပေးဖို့လိုတယ်​ပြောလို့"

မိန်းက​လေးများမှအကြည့်ချင်းဆုံလိုက်မိသည်၊

ဤအချိန်တွင်မည်သူမျှ​ရှေ့ထွက်က​ခေါင်းမခံလို​တော့၊ တစ်​ယောက်ကိုတစ်​ယောက်ကြည့်လျက် တိတ်တဆိတ်သ​​ဘောတူလ်ုက်ကြ​တော့သည်။

"၀မ့်ချမ်ကငါတို့ကိုလွှတ်မ​ပေးခဲ့ဘူး"

"ရှုလီချန်ကကျန်းယန်ရှန့်ကိုကြိုက်​နေတာ ဒါ​ပေမယ့် ၀မ့်ချမ်ကကျ ရှုလီချန်ကိုကြိုက်​နေတာ​လေ၊ ဒါ​ကြောင့်သူမကကျန်းယန်ရှန့်ကိုမနာလိုပဲ သင်ခန်းစာ​ပေးချင်​နေတာ"

"သမီးတို့သူ​​ပြောတဲ့အတိုင်းလုပ်ရရုံပါ"

"အကုန်လုံး၀မ့်ချမ်လုပ်ခိုင်းတာပါ"

Xxxxxx