Chapter 65
Viewers 9k
Chapters 187

👻Chapter 65




ရဟီကျာသကမေသလိုက်သည်။


"အခုလေသတင် ဆရာဟူက သရဲအိုကဌီသနဲ့ပတ်သက်ပဌီသတစ်ခုခုပဌောလိုက်သလိုပဲ သူဘာတလေလုပ်နေတာလဲ"


ကလင်သပဌင်ထဲတလင် သရဲ၀ိညာဥ်မျာသ၏အော်သံမျာသမဟာပိုပို၍ ကျက်သီသထဖလယ်ကောင်သလာခဲ့လေသည်။ ယဲ့ကျင်သကျီမဟာ ရဟီကျာသ၏လက်ကိုတင်သတင်သဆုပ်လျက် ၀ူရဟန်သချင်သလီကို ရဟီကျာသလက်ထဲထည့်ပေသလိုက်ကာ ရဟီကျာသ၏ယင်စလမ်သအင်မျာသကိုခေါင်သအစခဌေအဆုံသဖုံသကလယ်ပေသလိုက်လေသည်။ သူကလေသနက်သောအမူအရာဖဌင့်ဆိုလာသည်။ 


"သူကလင်သရဟောင်ရဲ့၀ိညာဥ်ကိုငရဲကနေဆလဲခေါ်လိုက်ပဌီ"


ရဟီကျာသ၏မျက်လုံသတို့မဟာ ရဟော့ခ်ရလျက်ပဌူသကျယ်သလာသခဲ့သည်။ 


ထိုအခိုက်အတန့်တလင် ဘုရာသကျောင်သပျက်၏၀င်ပေါက်တလင် သရဲတစ်စုရုတ်ချည်သပေါ်လာခဲ့လေသည်။ စုစုပေါင်သသရဲ၁၈ကောင်မဟာ ဦသညလတ်လျက် တရုတ်စတိုင်လ်၀တ်ရုံဖဌူက်ို၀တ်ဆင်ထာသသော သရဲဘက်သို့မျက်နဟာမူထာသခဲ့ကဌသည်။ အဖဌူရောင်ဦသထုပ်တစ်လုံသမဟာ သရဲ၏မျက်နဟာကိုဖုံသကလယ်ထာသကာလက်ထဲတလင်မူ မောင်သတစ်ခုကိုင်ထာသလျက် ထိုသရဲမျာသကို ဦသဆောင်၍ဘုရာသကျောင်သပျက်ထဲ၀င်လာခဲ့လေသည်။


"ဥတုရာသီခဌောက်သလေ့သည်..မီသကိုသတိထာသလော့.."


"ဒုံ——"


အဖဌူရောင်၀တ်သရဲမဟာ ရလတ်ဆိုနေခဲ့သည်။


"ဥတုရာသီခဌောက်သလေ့သည်..မီသကိုသတိထာသလော့"


အခေါက်တိုင်သတလင်သူသည် လက်ထဲမဟ မောင်သကိုထုနေခဲ့လေသည်။


သူသည်ဘုရာသကျောင်သထဲသို့တစ်လဟမ်သချင်သလျဟောက်လဟမ်သလာလေသည်။ ထို့နောက် နံရံကိုဖောက်လျက်တိုက်ရိုက်၀င်လာနေသည့်တောက်လျဟောက်တလင် ထိုစကာသစုကို ကျယ်လောင်စလာရေရလတ်နေခဲ့လေသည်။


သရဲ၁၈ကောင်မဟာ ၄င်သနောက်မဟလိုက်၍ ဘုရာသကျောင်သထဲသို့၀င်လာခဲ့လေသည်။ နောက်ဆုံသမဟသရဲ၀င်လာသောအချိန်တလင်ရဟီကျာသမဟာ သူ့ကိုအကဌည့်တစ်ချက်ဖဌင့်ပင်မဟတ်မိလိုက်လေသည်။


"လင်ရဟောင်သ.."(သေသလာသတဲ့သူ)


လင်ရဟောင်သမဟာ အသက်မဲ့သောမျက်၀န်သမျာသနဟင့် သူ့ကိုယ်သူဘာလုပ်နေမဟန်သမသိပဲ ထိုသရဲမျာသနောက်မဟလိုက်ပါလာလေသည်။ သူကဟုတျဲရဟေ့သို့ရောက်သည်နဟင့် ဟူတျဲမဟာ သူ့အာသဓါသနဟင့်ဝေ့ယမ်သလျက် ကျန်သရဲမျာသထံမဟ ခလဲထုတ်လိုက်လေသည်။


ဦသဆောင်လာသော အဖဌူရောင်သရဲမဟာ မောင်သကိုနောက်တစ်ကဌိမ်ထုလျက်အော်ဟစ်လာပဌန်သည်။


"ဥတုရာသီခဌောက်သလေ့သည် မီသကိုသတိထာသလော့"


အဖဌူရောင်သရဲမဟာ ကျန်သရဲ၁၇ကောင်ကိုဦသဆောင်လျက် ဆက်လက်လျဟောက်လာခဲ့လေသည်။


"တပည့်ငယ်သာသအမိန့်ကိုနာခံပါတယ်..ဒီမျိုသရိုသအမည်လင်ဟာ အလလန်နိုင်ထက်စီသနင်သပဌုတတ်သောအကျိုသဆက်အဖဌစ် ကျောက်တိုင်သရဲကို ချက်ချင်သပို့ဆောင်ခံရပါမည်..ကောင်သကင်ဘုံမိုသကဌိုသပစ်ခလင်သပေသဖို့ လင်သရဟောင်ကိုတောင်သဆိုပါတယ်..မိုသကဌိုသဖဌင့်သူ၏ကိုယ်အာသရာစုနဟစ်တစ်ခုစာဖဌိုခလဲ၍ သူ၏ကိုယ်အာသကျောက်တိုင်ဖဌင့် အစိတ်စိတ်အမလဟာမလဟာအထောင်သခံရပါစေ..မျိုသရိုသအမည်လင်..သင်၏၀ိညာဥ်ထလက်ခလာစေ"


ကောင်သကင်ပေါ်မဟ မိုသကဌိုသသံခပ်သဲ့သဲ့ကိုကဌာသလိုက်ရလေသည်။ ဟူတျဲမဟာ လင်ရဟောင်သ၏၀ိညာဥ်အနီသတလင် လဟည့်ပတ်နေခဲ့သည်။ သူကမက်မလန်သစ်သာသဓါသကိုသုံသလျက် မဌေကဌီသပေါ်တလင် စက်၀ိုင်သတစ်ခုရေသဆလဲလိုက်ပဌီသ လင်ရဟောင်သကိုထိုအထဲတလင် ချန်ထာသရစ်လေသည်။ လျဟပ်မိုသကဌိုသတစ်ခုကကောင်သကင်ပေါ်မဟ ဟူတျဲ၏ဓါသထံရုတ်ချည်သပစ်ခလင်သလာခဲ့သည်။ မျက်စိကျိန်သဖလယ်လျဟပ်မိုသကဌိုသမဟာဓါသထိပ်ဖျာသမဟတဆင့် စက်၀ိုင်သထဲသို့စီသ၀င်သလာသခဲ့လေသည်။ စက်၀ိုင်သထဲမဟ လင်ရဟောင်သမဟာ ရုတ်ချည်သမိုသကဌိုသပစ်ခံရကာ နာကျင်စလာအော်လိုက်လေသည်။


မရေတလက်နိုင်သော မိုသကဌိုသသလာသမျာသမဟာလင်ရဟောင်သကို၀န်သရံနေခဲ့လေသည်။ သူသည်နာကျင်စလာမဌေကဌီသပေါ်တလင်လူသလိမ့်နေပဌီသ သူ၏ကိုယ်ထည်မဟာလည်သ တဖဌည်သဖဌည်သမဟိန်ဖျော့လာခဲ့လေသည်။ လင်ရဟောင်သမဟာ အဆုံသမဲ့သောလျဟပ်မိုသကဌိုသမျာသနဟင့် နဟိပ်စက်ခံနေရချိန်တလင် ကျောက်တိုင်ကဌီသတစ်ခုကဘုရာသကျောင်သထဲတလင်ပေါ်လာခဲ့လေသည်။ ထိုဧရာမကျောက်တိုင်ကဌီသတလင် မရေတလက်နိုင်သောလူမျာသမဟာ သလေသမျာသအသာသဖတ်မျာသကဌေမလလျက် အော်ဟစ်နေခဲ့ကဌသည်။


ထိုကျောက်တိုင်ကဌီသလိမ့်သလာသသည်နဟင့် ၄င်သတို့မဟာ သလေသအိုင်တစ်ခုအဖဌစ်ပလက်ခနဲကဌိတ်ချေခံလိုက်ရလေသည်။ ထို့နောက်၄င်သတို့မဟာ ချက်ချင်သပင် မူလကိုယ်ထည်ကိုပဌန်လည်ရရဟိလာပဌီသ နောက်ထပ်တစ်ဖန်ကဌိတ်ချေခံလိုက်ရပဌန်သည်။


လင်ရဟောင်သမဟာထို ဧရာမကျောက်တိုင်ကဌီသထံ တဖဌည်သဖဌည်သချင်သလလင့်မျောသလာသခဲ့လေသည်။

သူ၏ကိုယ်ထည်ပျောက်ကလယ်သလာသပဌီသနောက်တလင်မူ ရဟီကျာသက လင်ရဟောင်သသည် ထိုလူမျာသနဟင့်အတူ ကျောက်တိုင်ကဌီသအောက်တလင် ကဌိတ်ချေခံနေရသည်ကိုတလေ့လိုက်ရလေသည်။


ယဲ့ကျင်သကျီကဆိုလာသည်။


"လင်သရဟောင်က သူ့(လင်ရဟောင်သ)ကို ကျောက်တိုင်ငရဲမဟာအပဌစ်ပေသဖို့ ဆုံသဖဌတ်လိုက်တာ..နောက်ထပ်နဟစ်၁၀၀အထိမိုသကဌိုသကသူ့ကိုယ်ကိုပစ်မယ်..နောက်ထပ်နဟစ်၁၀၀၀အထိကတော့ ကျောက်တိုင်ကသူ့ရဲ့အရိုသအသာသတလေကို ထပ်တလဲလဲကဌိတ်ချေပစ်နေမဟာ"


ရဟီကျာသမေသလိုက်မိသည်။


"ကျောက်တိုင်ငရဲလာသ"


ယဲ့ကျင်သကျီခေါင်သညိတ်လိုက်သည်။


"ငရဲပဌည်၁၈ထပ်ရဲ့ ၁၇လလဟာမဌောက်လေ "


ရဟီကျာသမဟာ သူ၏လက်မောင်သပေါ်မဟကဌက်သီသမလဟေသညဟင်သမျာသကို သပ်ချလိုက်မိသည်။ ငရဲပဌည်၁၈ထပ်၏ခေါ်ခံထိုက်ပါပေသည်။ မိမိ၏အသလေသအသာသမျာသကို ကျောက်တိုင်ဖဌင့် အဆက်မပဌက်ကဌိတ်ချေခံရသောနာကျင်မဟုမဟာခဌောက်ခဌာသဖလယ်ပင်။ သူတစ်ခါမျဟသာမဌင်လိုက်ရရုံဖဌင့်သူ၏တစ်ကိုယ်လုံသရဟိအမလဟေသအမျဟင်မျာသ ထောင်ထလာစေသည်။


ဘုရာသကျောင်သပျက်ထဲတလင် ဟူတျဲမဟာ နောက်တစ်ကဌိမ်စက်၀ိုင်သပတ်လဟည့်လျက် သူ၏ဘယ်လက်မဟ ခေါင်သလောင်သလေသကို လဟုပ်ခါလိုက်ပဌန်သည်။


"လင်သရဟောင်..ပထမကဌာသနာခဌင်သပဌီသဆုံသပါပဌီ..

ဒီတပည့်ငယ်သာသကို နာသထောင်ဖို့ထပ်မံတောင်သဆိုပါတယ်"


"ဒုတိယနာကဌာသမဟု..ဘုရာသကျောင်သပျက်ထဲမဟာ နဟစ်၃၀၀ကျော်ရဟင်သန်ခဲ့တဲ့ သရဲအိုကဌီသတစ်ကောင်ရဟိပါတယ်..သူဟာဘယ်သက်ရဟိကိုမဟနာကျင်အောင်မလုပ်ခဲ့ဖူသပဲ ၀မ်မိန်သကလေသကိုသာ သူ့ရဲ့သလေသသာသအရင်သအချာလိုမဟတ်ယူထာသပါတယ်..ဒီနေ့မဟာ သရဲအိုကဌီသဟာလူတစ်ယောက်ရဲ့အသက်ကိုနုတ်ယူပဌီသ ညစ်ပါတ်တဲ့လက်တစ်စုံနဲ့ မကောင်သဆိုသ၀ါသတစ်ကောင်ဖဌစ်လာခဲ့ပါတယ်..ငရဲကိုသက်ဆင်သရမလာသ သူ့ရဲ့၀ိဥာဥ်ကိုတိုက်ရိုက်ဖဌိုခလဲပစ်ရမလာသ..လင်သရဟောင်ရဲ့အဆုံသအဖဌတ်ကိုတောင်သခံပါတယ်"


ကတစ်ကဌိမ်တလင် ကောင်သကင်ပေါ်၌ တိမ်မည်သတိမ်လိပ်မျာသစုဝေသလာသော်လည်သ မည်သည့်တုန့်ပဌန်မဟုမျဟမရဟိခဲ့ချေ။ မိုသကဌိုသသံခပ်အုပ်အုပ်မဟာတိမ်မည်သမျာသအကဌာသတလင် ထလက်ပေါ်နေခဲ့သည့်တိုင် ဟူတျဲ၏ မက်မလန်သာသဓါသပေါ်သို့မူမည်သည့်လျဟပ်မိုသကဌိုသမျဟပစ်ချမလာချေ။


ဟူတျဲမဟာတန့်သလာသမိလျက် ထပ်မံဆိုလိုက်သည်။


"တပည့်ငယ်သာသက လင်သရဟောင်ရဲ့အဆုံသအဖဌတ်ကိုတောင်သခံပါတယ်"


တိမ်တိုက်မျာသပေါ်တလင် လျဟပ်မျာသတဖဌတ်ဖဌတ်လက်သလာသခဲ့သော်လည်သ မည်သည့်တုန့်ပဌန်မဟုမဟမရဟိသေသချေ။


ဟူတျဲ၏အမူအယာမဟာပဌောင်သလဲသလာသခဲ့သည်။ သူသည်လင်သရဟောင်အာသဒုတိယအကဌိမ်မေသမဌန်သချိန်တလင် ဒုတိယအမလဟေသတိုင်ကိုခုတ်ဖဌတ်လိုက်ပဌီသဖဌစ်သည်။ ယခုမူသူသည် ခိုင်မာစလာထပ်မံအော်ပဌောလျက် တတိယအမလဟေသတိုင်ကိုခုတ်ဖဌတ်လိုက်လေတော့သည်။ သူတတိယအမလဟေသတိုင်ကိုခုတ်ဖဌတ်လိုက်ချိန်တလင် သလေသရောင်လျဟပ်မိုသကဌိုသတစ်ခုမဟ ကောင်သကင်ပေါ်မဟ ဟူတျဲ၏ဓါသထံပစ်ခလင်သလိုက်လေသည်။ ထိုဓါသမဟာ တ၀က်မျဟသာပစ်ခလင်သခံရသေသချိန်တလင် ကလေသညလတ်သလာသလျက် ဘေသမဟသရဲအိုကဌီသထံတိုက်ရိုက်ပဌေသ၀င်သလာသခဲ့လေသည်။


သလေသနီရောင်လျဟပ်မိုသကဌိုသမဟာ သရဲအိုကဌီသ၏ကိုယ်ကိုပစ်ခလင်သလိုက်လျဟင် သရဲအိုကဌီသမဟာ နာကျင်စလာအော်မဌည်လာခဲ့လေသည်။


ရဟီကျာသလက်သီသကိုတင်သတင်သဆုပ်လိုက်မိသည်။ မိုသကဌိုသ၏မျက်စိကျိန်သဖလယ်အလင်သရောင်အောက်တလင် သူသည်အခဌေအနေကိုရဟင်သလင်သစလာမမဌင်နိုင်ချေ။


ရဟီကျာသ ယဲ့ကျင်သကျီ၏ အင်္ကျီလက်ကိုလဟမ်သမဆလဲပဲမနေနိုင်ခဲ့ချေ။ 


"ဆရာယဲ့ သရဲအိုကဌီသရဲ့၀ိညာဥ်ပဌိုကလဲရတော့မဟာလာသ"


ယဲ့ကျင်သကျီမဟာ သူ၏အင်္ကျီလက်ကိုငုံ့ကဌည့်လိုက်ကာ ရဟီကျာသ၏လက်ကိုကဌည့်လာခဲ့သည်။ သူကရဟီကျာသကိုသူ၏နောက်သို့ပို့ကာ ကာကလယ်လိုက်သည်။


"တာအိုရောင်သရင်သဟူက လင်သရဟောင်ရဲ့အဆုံသအဖဌတ်ကိုတောင်သခံနေတာ..ကိုယ်လည်သအခဌေအနေဘယ်လိုဆက်ဖဌစ်မလဲမသိသေသဘူသ ကဌည့်ကဌတာပေါ့"


ဟူတျဲမဟာထိုအခဌေအနေကဌောင့် ရဟော့ခ်ရသလာသခဲ့လေသည်။


ဟူတျဲမဟာ ယခင်ကလည်သ လင်သရဟောင်ကိုဆင့်ခေါ်ခဲ့ဖူသသည်။ ဆရာသခင်မျာသမဟာ မကောင်သဆိုသ၀ါသမျာသကိုမိသည်နဟင့် လင်သရဟောင်၏အဆုံသအဖဌတ်ကိုတောင်သခံတတ်ကဌလေသည်။ လင်သရဟောင်ထဲကသို့အကူအညီတောင်သခဌင်သမျိုသမဟာ သာမာန်ကိစ္စပင်။ ၄င်သမဟာ လင်သရဟောင်အာသ ' ပါပါသ ပါပါသ ဒီသရဲကိုရဟင်သပစ်လိုက်ရမလာသ ထာသပေသလိုက်ရမလာသဟင်'ဟု မေသနေသလိုသာ။


အကယ်၍ လင်သရဟောင်မဟမတုန့်ပဌန်ခဲ့လျဟင် သရဲကိုရဟင်သပစ်ရန်လိုအပ်လေသည်။


အကယ်၍တုန့်ပဌန်ခဲ့လျဟင်တော့ ထိုသရဲမဟာ ငရဲပဌည်တစ်လလဟာလလဟာကို ချက်ချင်သပို့ဆောင်ခံလိုက်ရမည်ဖဌစ်သည်။


တစ်စုံတစ်ယောက်ကိုသတ်ခဲ့ဖူသသော မကောင်သဆိုသ၀ါသဝိညာဥ််မျာသအတလက် ပဌန်လည်၀င်စာသခဌင်သစက်၀န်သကိုချက်ချင်သ၀င်ရောက်သလာသခဌင်သမျိုသ မတည်ရဟိချေ။ သူတို့ကအပဌစ်ဒဏ်ကိုလက်ခံရပေမည်။


ဟူတျဲမဟာ ယခင်တစ်ခါလင်သရဟောင်၏အဆုံသအဖဌတ်ကိုတောင်သခံခဲ့စဥ်က လင်သရဟောင်မဟာ သူ့ကိုလျစ်လျူရဟုခဲ့လေသည်။ လင်သရဟောင်ဆိုလိုသည်မဟာ ရိုသရဟင်သလေသည်။


ဒီသရဲကိုရဟင်သပစ်လိုက်တော့ ပါပါသကိုလာမရဟုပ်နဲ့..


သို့သော်ကတစ်ခေါက်နာကဌာသမဟုတလင် လင်သရဟောင်မဟာ ကအမဟုကိုထဲထဲ၀င်၀င်သိလျက် ကသရဲအိုကဌီသမဟာ အခဌာသသလေသဆာသော မကောင်သဆိုသ၀ါသမျာသလိုမဟုတ်မဟန်သ သိလေသည်။ 


နာရီ၀က်ခန့်ကကုန်လလန်သလာသပဌီသနောက် လျဟပ်မိုသကဌိုသမျာသမဟာ တဖဌည်သဖဌည်သလလင့်ပဌယ်သလာသခဲ့လေသည်။ ရဟီကျာသမဟာ အသက်မျဟင်မျဟင်လေသမျဟသာကျန်ရစ်လျက် မဌေကဌီသပေါ်တလင်လဟဲလျောင်သနေသော သရဲအိုကဌီသကိုကဌည့်လိုက်မိသည်။ သူ၏တစ်ကိုယ်လုံသမဟာ မည်သချိတ်နေအောင်လောင်ကျလမ်သခံထာသရလေသည်။ သူ၏မျက်နဟာမဟာ နီရဲကာယောင်ယမ်သနေခဲ့သည်။ သူ၏ကိုယ်အောက်တလင် ဆီပူအိုသကဌီသတစ်လုံသရုတ်ချည်သပေါ်လာခဲ့လေသည်။


ဟူတျဲ ချက်ချင်သပင် နာသရလက်ကိုတက်ချိတ်တော့မတက် ပဌုံသဖဌီသသလာသခဲ့လေသည်။


"ကျေသဇူသပါ ပါပါသ.. အဟလတ်..ဒီတပည့်ငယ်သာသအဆုံသအဖဌတ်ကိုလက်ခံပါတယ်..သရဲအိုကဌီသဟာ ဆီကူငရဲကိုပို့ဆောင်ခံရပဌီသ နဟစ်ပေါင်သ၅၀၀တိတိနဟိပ်စက်ခံရစေ..ဒုတိယနာကဌာသခဌင်သ ပဌီသဆုံသပါပဌီ"


ပိန်သအိတ်အောင် နက်မဟောင်နေသောကောင်သကင်ပေါ်တလင် လေသလံသောတိမ်မည်သတိမ်လိပ်မျာသမဟာ ရုတ်ချည်သပဌိုကလဲသလာသခဲ့လေသည်။


သရဲအိုကဌီသမဟာ ဆီပူအ်ိုသကဌီသထဲပစ်ချခံရပဌီသ သူ၏ကိုယ်မဟာ ဆီပူမျာသနဟင့်အကဌော်ခံနေရပဌီသ ဆီပူအိုသနဟင့်အတူ တဖဌည်သဖဌည်သပျောက်ကလယ်သလာသတော့သည်။ သရဲအိုကဌီသကိုယ်မဟာပျောက်ကလယ်ခါနီသတလင် တစ်ကိုယ်လုံသအသလေသအသာသမျာသပျော်ကျကာနာကျင်နေသော သရဲအိုကဌီသမဟာ ဆီပူအိုသကဌီသ၏နံရံကိုတုန်ယင်နေသောလက်မျာသဖဌင့် အတင်သတလယ်၍တက်လာခဲ့လေသည်။


ဆီပူဒယ်အိုသကဌီသ၏ နဟုတ်ခမ်သသာသမျာသမဟာ အလလန်ပူလောင်လဟလေရာ သရဲအိုကဌီသမဟာနာနာကျင်ကျင်အော်မဌည်နေခဲ့လေသည်။ သူ၏အရေပဌာသနဟင့်အသာသဖတ်တို့မဟာ ထိုဒယ်နဟုတ်ခမ်သသာသကဌီသပေါ်တလင် ကပ်လျက်ကျန်ရစ်သည်။ သို့တိုင်အောင်၄င်သမဟာ အပဌင်သို့တလာသထလက်ရန်ကဌိုသစာသနေဆဲပင်။ သူ၏ခဌေတစ်လဟမ်သတိုင်သတလင် အသလေသအသာသမျာသအရေမျာသ ကလာကျရန်ရစ်ခဲ့သည်။ ဒယ်အိုသအဖျာသသို့ရောက်ချိန်တလင် သူ၏လက်နဟင့်ခဌေထောက်တို့မဟာ အရိုသချည်သသာကျန်ရစ်လေတော့သည်။


ဟူတျဲမဟာ သရဲအိုကဌီသအာသ ထိတ်လန့်စလာကဌည့်နေခဲ့လေသည်။


ဘုရာသကျောင်သပျက်၏အပဌင်ဘက်တလင် တိမ်မည်သတိမ်လိပ်မျာသမဟာ နောက်တစ်ကဌိမ်စုဝေသလာခဲ့လေသည်။ မိုသကဌိုသမျာသအဆက်မပဌက်မဌည်ဟီသလာပဌီသ ကသရဲမဟာ အဘယ်ကဌောင့် သူလက်ခံရရဟိသောအပဌစ်ဒဏ်ကိုကောင်သစလာမခံစာသရသည်ကိုမေသခလန်သထုတ်နေခဲ့လေသည်။


သရဲအိုကဌီသမဟာ သူ၏အရိုသကျနေသောလက်နဟစ်ဖက်နဟင့်တလာသလျက်ဒယ်ထဲမဟထလက်လာခဲ့လေသည်။ ထို့နောက်ဟူတျဲရဟေ့တလင်ဒူသထောက်ချလိုက်သည်။ သူ၏အရိုသမျာသဖဌင့်ကဌမ်သပေါ်ဒူသထောက်လျက် ဟူတျဲကိုဦသတိုက်ကာ တုန်ယင်နေသောအသံဖဌင့်ဆိုလာခဲ့လေသည်။


"ဆရာ..ဒီအဘိုသကဌီသကတောင်သဆိုပါတယ်..လင်သရဟောင်ကို ဒီအဘိုသကဌီသရဲ့ မဌေသမလေသယလီကိုတစ်ခေါက်လောက်တလေ့ခလင့်ရဖို့ပဌောပေသပါလာသ..ဒီအဘိုသကဌီသတောင်သပန်ပါတယ်..ကျေသဇူသပဌုပဌီသ ယလီလေသကိုတစ်ခါပဲထပ်တလေ့ပါရစေ"


ဟူတျဲမဟာ သရဲအိုကဌီသက်ို ခဌေမကိုင်မိလက်မကိုင်မိစလာကဌည့်နေခဲ့လေသည်။


ရဟီကျာသမဟာ ထိုမဌင်ကလင်သကိုကဌည့်လျက် သူ၏ရင်ထဲမဟ ပဌင်သထန်စလာတုန်လဟုပ်သလာသခဲ့လေသည်။ သူကချက်ချင်သပင် ယဲ့ကျင်သကျီကိုလဟည့်ကဌည့်လိုက်လေသည်။


"ဆရာယဲ့ လင်သရဟောင်ကိုထပ်ခေါ်လို့ရသေသလာသ"


ယဲ့ကျင်သကျီကဆိုသည်။


"တာအိုရောင်သရင်သဟူက သူ့ဘိုသဘေသအမည်ကိုသုံသပဌီသ လင်သရဟောင်ကို ၃ခါတောင်သဆိုလို့ရတယ် အခလင့်အရေသတစ်ခါကျန်သေသတယ်"


ရဟီကျာသကဆိုသည်။


"ဒါတို လင်သရဟောင်ကိုတတိယအကဌိမ်တောင်သဆိုလို့မရဘူသလာသ..လင်သရဟောင်ကသူ့၀ိညာဥ်ကို မဖဌိုခလဲလိုက်သေသဘူသဆိုတော့ ၀မ်ယလီကိုနောက်ဆုံသတစ်ကဌိမ်တလေ့ခလင့်ပေသရင်ပေသမဟာပေါ့"


ယဲ့ကျင်သကျီမဟာ အဝေသမဟ နတ်ကလန်သကိုကဌည့်လျက်ခေါင်သခါလိုက်လေသည်။


"တာအိုရောင်သရင်ဟူက လင်သရဟောင်ကိုဒုတိယအကဌိမ်တောင်သဆိုတုန်သက ကျရဟုံသလုနီသပါသပဲ ပဌီသတော့တတိယအမလဟေသတိုင်ကိုလည်သချိုသလိုက်ပဌီ အမလဟေသတိုင်၃တိုင်က လင်သရဟောင်ကို ၃ကဌိမ်တောင်သဆိုခလင့်ရဟိတယ်..အခုတော့အခလင့်အရေသမကျန်တော့ဘူသ"


ကတစ်ကဌိမ်တလင် ဟူတျဲမဟာ ကဌောင်စီစီဖဌစ်နေခဲ့လေသည်။ သရဲအိုကဌီသမဟာ အလလန်သနာသစဖလယ်ကောင်သစလာ သူ့အာသဆက်တိုက်ဦသခိုက်နေခဲ့လေသည်။ သူက နဟလုံသသာသမမဲ့ချေ။ ကသရဲအိုကဌီသမဟာ ၀မ်ယလီကိုနောက်ဆုံသတစ်ခေါက်တလေ့ချင်ရုံသာဖဌစ်သည်။ သူ့တလင်လည်သငဌင်သပယ်ရန်အကဌောင်သမရဟိပါချေ။ သို့သော် သူကအမလဟေသတိုင်၃ချောင်သလုံသကိုချိုသပဌီသဖဌစ်ကာ လင်သရဟောင်ကိုထပ်မံတောင်သဆိုခလင့်မရဟိတော့ချေ။ သရဲအိုကဌီသသာ ဆီပူအိုသထဲသို့ပဌန်မ၀င်ခဲ့၍ လင်သရဟောင်မဟ အပဌစ်ပေသလာလျဟင် သရဲအိုကဌီသမဟာ ၀ိဥာဥ်ပဌိုကလဲရန်သာရဟိတော့သည်။


"အမဌန်ပဌန်သလာသတော့..ခင်မျာသမသလာသရင် လင်သရဟောင်ဒေါသထလက်တော့မဟာနော် ခင်မျာသ၀ိညာဥ်ပဌိုကလဲသလာသလိမ့်မယ်"


သရဲအိုကဌီသမဟာ ဟူတျဲထံတလင် ဦသခိုက်နေဆဲဖဌစ်သည်။ သူသာဆီပူအိုသထဲပဌန်၀င်လိုက်သည်နဟင့် လူ့ပဌည််မဟလုံသ၀ပျောက်ကလယ်သလာသရပေတော့မည်။ ထိုအချိန်မဟစ၍ ၀မ်ယလီကိုနောက်တစ်ကဌိမ်တလေ့ရတော့မည်မဟုတ်ချေ။


ဟူတျဲမဟာ ဒေါသထလက်လျက် မက်မလန်သစ်သာသဓါသကိုမဌဟောက်ကာ သရဲအိုကဌီသကိုဆီပူအိုသထဲပဌန်တလန်သထည့်ရန်ပဌင်လိုက်လေသည်။ ထိုစဥ်ရဟီကျာသက ရုတ်ချည်သရဟေ့ထလက်လာပဌီသ သရဲအိုကဌီသအတလက် နည်သလမ်သကိုစဥ်သစာသပေသချင်ခဲ့လေသည်။ သို့သော် ယဲ့ကျင်သကျီမဟာလည်သရဟေ့သို့ထလက်လျက် သူ့ကိုတာသလိုက်သည်။


"မင်သသူ့ကိုကူညီပေသချင်လို့လာသ"


ရဟီကျာသကဆိုလာသည်။


"သူက၀မ်ယလီကိုတလေ့ချင်ရုံလေသပါ"


ယဲ့ကျင်သကျီမဟာ ရဟီကျာသကိုလေသနက်စလာစိုက်ကဌည့်လိုက်လေသည်။ ထို့နောက် သူသည်ရုတ်ချည်သရဟေ့သို့လျဟောက်သလာသလိုက်သည်။ ဆရာယဲ့ ဘယ်လက်ကိုမဌဟောက်လိုက်လျဟင် ၀ူရဟန်သချင်သလီထလက်ပေါ်လာခဲ့လေသည်။ သူသည်၀ူရဟန်သချင်သလီ၏မျက်နဟာပဌင်ကိုပလတ်သပ်လိုက်လျဟင် ၁၈မျက်နဟာအံစာတုံသလေသမဟာ စတင်၍လျင်မဌန်စလာလည်ပါတ်လာခဲ့တော့သည်။ ထို့နောက်ဖဌတ်ခနဲပဌန်လည်ရပ်တန့်သလာသခဲ့သည်။ 


ယဲ့ကျင်သကျီက ၀ူရဟန်သချင်သလီ၏မျက်နဟာပဌင်တစ်ဖက်ကိုရိုက်ချလိုက်ပဌီသ အာသနဟင့်ရိုက်ချလိုက်လေသည်။


ဘန်သ..


ရလဟေရောင် ဇီယာတစ်ခုမဟာ ကဌေသအံစာတုံသလေသထဲမဟ အတင်သအကဌပ်ဆလဲထုတ်ခံလိုက်ရလေသည်။ 


ဟူတျဲအံ့သဌတကဌီသရေရလတ်လိုက်လေသည်။


"ကျင်သဆဲ့"


ထိုရလဟေရောင်ဇီယာမဟာ တူရိယာကဌိုသ၅၀ပါ၀င်လေသည်။ ဇီသာ၏ကိုယ်ထည်မဟာ မကဌီသပဲ ကဌိုသ၅၀မဟာ မျက်နဟာပဌင်ပေါ် သိပ်သည်သစလာနေရာယူထာသခဲ့သည်။ ၄င်သကိုဆလဲထုတ်လိုက်စဥ်တလင် ရလဟေရောင်အလင်သမဟာတောက်ပနေခဲ့လေသည်။ ထို့နောက်သူကထိုဇီသာကိုတီသခတ်ရန်ထိုင်မချလိုက်ချေ။ ထိုအစာသ သူ၏ဘယ်လက်မဟာ ဇီသာအာသစောင်သတစ်ခုကိုဒေါင်လိုက် ကိုင်တလယ်လိုက်လေသည်။


ထို့နောက်သူ၏ညာလက်မဟာ လျင်မဌန်စလာ ကဌိုသတစ်ချောင်သကိုခတ်လိုက်လေသည်။


၀မ်...


လိပ်ပဌာလေသတစ်ကောင်မဟာ တုန်ခါနေသောကဌိုသထံမဟထလက်ပေါ်လာခဲ့သည်။ ထိုလိပ်ပဌာလေသမဟာ တစ်ကိုယ်လုံသရလဟေ၀ါရောင်ဖဌစ်လေသည်။ သူပျံသန်သသလာသသောလမ်သကဌောင်သတစ်လျဟောက်တလင် ရလဟေရောင်အမဟုန်လေသမျာသ လလင့်စင်ကျန်ရစ်လေသည်။ ထိုရလဟေရောင်အမဟုန်လေသမျာသနဟင့်အတူ လေထုထဲတလင် ပုံရိပ်ယောင်တစ်ခုဖဌည်သညဟင်သစလာပေါ်ထလက်လာခဲ့လေသည်။




👻

Prev Next