MM Story Teller

Chapter 90(Extra 1)

Viewers 15k

🥘CHAPTER-90

Extra 1

ယနေ့ကား သုံးထောင်လောကမူကြို တရားဝင်စာရင်းသွင်းရန် ဖွင့်လိုက်သော နေ့ထူးနေ့မြတ်ပင်။

နာမည်အတိုင်း သုံးထောင်လောကမူကြိုသည် သုံးထောင်လောကတစ်ခုလုံးအတွက် ဖြစ်သည်။ ဤမူကြိုတွင်း မျိုရိုးအနိမ့်အမြင့်မခွဲခြားဘဲ အလေ့အထနှင့် အသက်ပေါ်မူတည်၍သာ အတန်းခွဲမည်။

မျိုးနွယ်အား အရေးကြီးကြောင်း မယူဆသည့် သုံးထောင်လောကမှ ပထဆုံးမူကြိုဖြစ်၍ ပထမဆုံးစာရင်းသွင်းခြင်းဖြစ်စေကာမူ စာရင်းလာသွင်းသူ မနည်းပါးပေ။ သူတို့ကြားတွင် အရွက်စားသတ္တဝါအချို့မှာ အများစုဖြစ်ကြသည်။ အတိတ်တွင် ဤအရွက်စားသတ္တဝါတို့မှာ သုံးထောင်လောကတွင် အနိမ့်ဆုံးပင်။ ကျောင်းတစ်ခုတွင် ကလေးများကို စာရင်းသွင်းရခြင်းက သူတို့အတွက် အလွန်အမင်းခက်ခဲသည်။ မျိုးနွယ်တစ်ချို့မှာ ကံကောင်း၍ ကျောင်းဝင်ခွင့်ရလျှင်ပင် သင်ကြားရေးရင်းမြစ်တို့ချို့တဲ့သည်။

ကောင်းမွန်သောရင်းမြစ်အားလုံးကိုမျိုးရိုးမြင့်တို့လက်ဝါးကြီးအုပ်ထား၍ ဤမျိုးရိုးနိမ့်တို့သည်အရိပ်ပင်မမြင်ရချေ။

ယခု ဤသုံးထောင်လောကမူကြိုအသစ်သည် သုံးထောင်လောကတစ်ရပ်လုံးအတွက် ဖွင့်ထားရုံသာမက နတ်ဘုရားမျိုးနွယ်ဖြစ်သော ဆရာအတော်များများ ရှိကြသည်။

နတ်ဘုရားမျိုးနွယ်၊ နတ်ဘုရားမျိုးနွယ်တွေက ဆရာတွေတဲ့...

သူတို့တစ်သက်တာတွင် မမြင်ဖူးခဲ့သော နတ်ဘုရားမျိုးနွယ်တို့သည် ယခုသူတို့သားသမီးများအတွက် ဆရာဖြစ်ခြင်းက ဂုဏ်ယူစရာဟူသော အတွေးရှိကြသည်။ လူတိုင်းတန်းတူညီမျှမှုကို ယခုဖော်ဆောင်နေသည့်တိုင် နက်ရှိုင်းစွာအရိုးစွဲနေသော ယုံကြည်ချက်တို့သည် အလွယ်တကူပြောင်းရန် မလွယ်ပေ။ အထူးသဖြင့် သုံးထောင်လောကမျိုးနွယ်များကြားတွင် အင်အားကြီးကာ ဆန်းကြယ်သည်ဟုမြင်ကြသော နတ်ဘုရားနွယ်၏ပုံရိပ်ပင်။ နတ်ဘုရားမျိုးနွယ်ဆိုသောစကားနှင့်ပင် သူတို့ကလေးများ နတ်ဘုရားမျိူးနွယ်တို့ထံမှ သင်ယူရမည်ဟူသောအတွေးနှင့် ဘာကိုပဲသင်ယူသည်ဖြစ်စေ အပျော်လုံးဆို့ရန် လုံလောက်နေချေပြီ။

ငါးခူကလန်မှ ကျန့်ရှောင်ရှုသည်လည်း သူ့သားကိုစာရင်းသွင်းရန် ခေါ်လာသည်။

သုံးထောင်လောကမူကြိုသည် နတ်ဘုရားနယ်မြေတွင် တည်ရှိသည်။ နတ်ဘုရားမျိုးနွယ်ဝင်တို့သည် လူတိုင်းတန်းတူညီမျှမှုကို ဖော်ဆောင်လို၍ ဤနေရာတွင် မူကြိုထောင်သည်ဟု ဆိုနိုင်သည်။ အနာဂတ်တွင် ကမ္ဘာအသီးသီး၌ ပညာရေးဆိုင်ရာအဖွဲများကို ပို၍ထူထောင်မည်ဟု ကောလဟာလများရှိသည်။

ဤသည်မှာပထမဆုံးအကြိမ်အဖြစ် နတ်ဘုရားနယ်မြေ၌ ခြေချဖူးခြင်းဖြစ်၍ ကျန့်ရှောင်းရှုအနည်းငယ် စိတ်လှုပ်ရှားနေသည်။ လူတိုင်းတန်းတူညီမျှမှုကိုမည်သို့ပင် ဖော်ဆောင်နေပါစေ နတ်ဘုရားမြေသည် နတ်ဘုရားနွယ်တို့ ပိုင်နက်ဖြစ်၏။ အတိတ်တွင် သူကဲ့သို့မျိူးနွယ်နိမ့်များသည် နတ်ဘုရားမြေသို့ ဝင်ခွင့်မရှိပေ။ သူလိုမျိုးရိုးနိမ့်တစ်ယောက် ရောက်လာလို့ အပြစ်ပေးမခံရတော့ဘူးလား...နဂါးကလန်၊ ဝိညာဥ်ကလန်နှင့် သွေးကလန်၊ သားရဲကလန် မိဘအများပါ ဤနေရာတွင် ရှိနေသည်။ သူတို့ကြားတွင် ငါးခူမျိုးနွယ်သူသည် အနိမ့်ဆုံးပင်.

ထို့ပြင်ငါးခူကလန်မှာ ရေထဲတွင် အချိန်ကြာမြင့်စွာနေခဲ့၍ သူတို့ကိုယ်ထက်တွင် ငါးညှီနံ့ ဆွဲနေသည်။ ထို့ကြောင့်ပင် ငါးခူမျိုးနွယ်ကို မျိုးနွယ်အများစု ရှောင်ကြကာ သူတို့အဆင့်မှာ ဝက်ကလန်ထက်ပင် ပိုနိမ့်သေးသည်။ အမှန်တွင် ဝက်ကလန်မှာ နံစော်နေသည့်တိုင် ခွန်အားမနည်း၍ နံစော်အားနည်းသောငါးခူကလန်နှင့် မတူပေ။

အမှန်မှာသူ၏သားကို သုံးထောင်လောက မူကြိုသို့ခေါ်လာ၍ ကျန့်ရှောင်းရှုသည် သူ၏မျိုးနွယ်မှ ဖိအားကြီးကို ရင်ဆိုင်နေရသည်။ ယခုလူတိုင်းအတွက် မျှတမှုဖော်ဆောင်နေသော်လည်း သဘာဝအရကိုယ်နံ့ပြင်းသော ငါးခူနွယ်မှာ ခွဲခြားဆက်ဆံခံရဆဲဖြစ်မည်ဟု တစ်ညီတစ်ညွတ်တည်း ယုံကြည်သည်။ ထို့ကြောင့် မလာသည်က ပိုကောင်းလေမလား...

သို့သော်လည်း ကျန့်ရှောင်ရှု မလိုလားပေ။ သူ့အမြင်တွင် သူ့သားမှာ အကောင်းဆုံးရတနာဖြစ်သည်။ သူသည်အင်အားမဲ့သော အဖေဖြစ်နေပြီးသည်သာမက သူ့အဆင့်အတန်းမှာလည်းနိမ့်သည်။ ယခုလူတိုင်းအတွက် မျှတမှုဖော်ဆောင်ရေးနှင့် ဤကလေးတွင် ကောင်းမွန်သောပညာရေးကို လက်ခံခွင့်ရှိသည်။ သူယခုကဲ့သို့ အလျော့ပေးရမည်လား...

မည်သို့ပင်ဖြစ်ပါစေ သူ့သား၏ကံတရားကို ပြောင်းလဲရန် ကြိုးစားကြည့်ချင်သည်။

ဤနေရာသို့မလာခင်ရှိခဲ့သော ယုံကြည်ချက်တို့သည် နဂါးကလန်နှင့် ဝိညာဥ်ကလန်ဝင်အများအပြားကိုတွေ့ကာ တဖြည်းဖြည်း ပျောက်ကွယ်သွား၏။

"မေမေ ဘာနံ့ကြီးလဲ..."

"မြန်မြန် ငါးခူကလန်ကသူလည်း လာမယ်လို့ မထင်ထားဘူး...ပြင်းလိုက်တဲ့ ငါးညှီနံ့...မလာခင် ရေမချိုးဘူးလား..."

သားရဲကမ္ဘာမှသားအမိတို့ အမြန်နှာခေါင်းပိတ်ကာ အဝေးကိုလျောက်သွားကြသည်။ သူတို့စကားဝိုင်းကိုကြားကာ ကျန်းရှောင်ရှုလုံးဝ အဆင်မပြေချေ။ သူတစ်ခုခုအများ လုပ်မိတာလား...သူ့သားကိုခေါ်ပြီး ထွက်သွားရမလား...

ပျားပန်းခတ်နေသော လူအုပ်ကြားတွင်ရပ်နေလျက် ကျန့်ရှောင်ရှု သူ၏သားလက်ကိုဆွဲကာ အရှက်ရမိသည်။ ထို့နောက် အသံတစ်သံ ထွက်လာ၏။

"ကျွတ် ဘယ်လိုအရှုပ်တွေမဆို နတ်ဘုရားနယ်မြေထဲ ခြေချလို့ရနေပြီလား...ကိုယ့်ကိုယ်ကိုယ် မှန်ထဲပြန်မကြည့်ဘူးလား...အဲ့လောက်ပြင်းတဲ့အနံ့နဲ့ နတ်ဘုရားနယ်မြေကို ဝင်ရဲသေးတယ်...ဒီနားကလူတိုင်း နဂါးနွယ်နဲ့ဝိညာဥ်နွယ်တွေဆိုတာ မမြင်ဘူးလား...ချင့်ချိန်ပြီး ပြန်သွားလိုက်ပါ..."

ကျန့်ရှောင်ရှု လှည့်လိုက်သည့်အခါ သူမ၏ဝိညာဥ်နွယ်သားလေးကို လက်တွဲကာ သူတို့ကိုအထင်သေးစွာ ကြည့်နေသော ဝိညာဥ်နွယ်မိခင်ကို တွေ့လိုက်ရသည်။ သူ့သားကို သူ့နောက်တွင်ပို့လျက် အမြန်ကာထားကာ ပြောရန်သတ္တိတို့ စုလိုက်သည်။

"သုံးထောင်လောကမူကြိုက မျိုးနွယ်တိုင်းကို ဖွင့်ထားတာ...သင့်တော်တဲ့အရွယ်နဲ့ ဘယ်မျိုးနွယ်က ကလေးမဆို စာရင်းသွင်းလို့ရတယ်..."

"ဟက်..."

ဝိညာဥ်နွယ်အမျိုးသမီး နှာမှုတ်သည်။

"သူတို့ပြောထားတယ် ဆိုပေမယ့် မင်းလိုမျိုရိုးနိမ့်က သုံးထောင်လောကမူကြိုကို ဝင်ရဲသေးတယ်လား...ကိုယ့်ကိုကိုယ် ပြန်ကြည့်ဦး...ကိုယ့်တန်ဖိုးကို မသိဘူး...ရှင့်အနံ့ကို အဝေးကတောင် ရနေတာ နတ်ဘုရားနယ်မြေကို လာရဲသေးတာလား...ဘေးနားကသူတွေအကုန် နဂါးနွယ်နဲ့ ဝိညာဥ်နွယ်တွေကဆိုတာ မမြင်ဘူးလား...."

ကျန့်ရှောင်ရှု လက်သီးတင်းတင်း ဆုပ်ထားသည်။

"ဟုတ်တယ် အမှန်ပဲ...လူတိုင်းအတွက် မျှတမှုဆိုတာ မျိုးနွယ်တိုင်း သတ္တဝါတိုင်း ပညာရေးအတွက် တန်းတူအခွင့်အရေးရှိတာလို့ အရှင်ဖုန့်ယဲ့ပြောတယ်...သုံးထောင်လောကမူကြိုက သုံးထောင်လောကလူတိုင်း ကောင်းမွန်တဲ့ပညာရေး ရနိုင်တဲ့နေရာပဲ..."

"ဟားဟားဟား... "

ဝိညာဥ်ကလန်အမျိုးသမီးမှာ ပါးစပ်ကိုလက်ဖြင့်အုပ်ကာ ရယ်လျက် တုန်ခါနေသည်။ သူမသားဖြစ်သူကို ပြောသည်။

"အချစ်လေး မြင်ရဲ့လား...အဆင့်နိမ့်မျိုးရိုးက မင်းနဲ့အတူ ကျောင်းတတ်ချင်နေတာ...လောကမှာ အရယ်ရဆုံးဟာသပဲ ဟားဟားဟား..."

"ဟာသလား...ငါတော့မထင်ဘူး..."

ကျန့်ရှောင်ရှုမှ ပြန်ပြောသည်။

ကျန့်ရှောင်ရှု အရှက်ရကာ လှောင်ပြောင်ခံနေရစဥ်တွင် ကြည်ရှင်းသောအသံတစ်သံ ထွက်ပေါ်လာသည်။ အသံနောက်လိုက်ကြည့်ရာ ကလေးနှစ်ဦးနှင့် ဖခင်ငယ်လေးတစ်ဦး လူအုပ်ကြားမှထွက်လာသည်။ သူသည်ကောင်လေးတစ်ဦးနှင့် ကောင်မလေးတစ်ဦးကို ခေါ်လာသည်။

ဝိညာဥ်ကလန်မှအမျိုးသမီးသည် ရောက်လာသောသူကို ကြည့်လိုက်သော်လည်း သူမည်သူဆိုသည်ကို အတည်မပြုနိုင်ပေ။ သူ၏ကလေးနှစ်ဦးမှာလည်း ဦးထုပ်ဆောင်းထား၍ သူတို့ကိုလည်း အတည်ပြုမရပေ။ သူမအေးစက်စွာ မေးလိုက်သည်။

"ဘယ်သူလဲ... "

ပိုင်ရှန်းကျစ် ပြန်ပြောသည်။

"အားနည်းတဲ့ မျိုးနွယ်ဝင်လေးပါ..."

အမျိုးသမီးမှာ မူလကထိုသူမှာ မျိုးရိုးမြင့်မျိုးနွယ်မှဟု ထင်ခဲ့၍ မျက်နှာသာပေးမည်ဖြစ်သော်လည်း 'အားနည်း'ဟူသောစကားကြောင့် သူမနှာမှုတ်သည်။

"နောက်မျိုးရိုးနိမ့် အရပ်သားတစ်ယောက် ရောက်လာပြန်ပြီ...ကြည့်ရတာ နတ်ဘုရားမျိုးနွယ်တွေနဲ့ ကျောင်းတက်ပြီး အဆင့်အတန်းတွေ ပြောင်းချင်လွန်းလို့ ရူးသွားပုံပဲ...ကံမကောင်းတာက တချို့အရာတွေကမွေးရာပါမို့ သင်လို့မရဘူး..."

ပိုင်ရှန်းကျစ် ထိုစကားတို့ကို သုံးထောင်လောကတွင် ကြားခဲသည်။ ထိုမှတ်ချက်မျိုးကား အင်တာနက်တွင်သာရှိသော်လည်း နတ်ဘုရားနွယ်နှင့် ဝိညာဥ်ကလန်တို့မှာ အရေအတွက်နည်း၍ မပျံ့နှံ့ပေ။ ထိုအခြေအနေကို တိုက်ရိုက်ကြုံရသည်မှာ ပထမဆုံးအကြိမ်ဖြစ်၍ အတော်လေးရယ်ရသည်ကို သိလိုက်ရသည်။ သူအတွက် နဂါးကလန်နှင့် ဝိညာဥ်ကလန်မည်သော မျိုးနွယ်များမှာ သူ့နိုင်ငံမှအဆင့်အတန်းကို ဖက်တွယ်ထားသည့် အထက်တန်းလွှာများကဲ့သို့ပင်။ သုံးထောင်လောက၏ လက်တွေ့စွမ်းအား ကွာခြားချက်များမှတစ်ပါး အနာဂတ်လောကသည် နည်းပညာနှင့်ခွန်အား ယှဥ်တွဲတည်ရှိသောနေရာဖြစ်လျက် အရေးကြီးသော ရက်စက်သည့်အင်အားတို့ကို ဖိနှိပ်သောလောကဖြစ်လာမည်ဟု သူယုံသည်။ လူများမှာလည်း သူတို့ညဏ်ရည်တွင်သာ ပိုမှီခိုလာကာ ရုပ်အင်အားသည် အရေးပေးခံမှု နည်းလာပေမည်။

"တကယ်ပဲ မွေးရာပါစွမ်းရည်တွေက ပြောင်းမရဘူး...သီးသန့်ပညာရေးနဲ့ ဗဟုသုတဖလှယ်ဖို့နေရာဖြစ်တဲ့ ဒါကကျောင်းတစ်ခု...လူတိုင်းဒီမှာ ကိုယ်နဲ့သင့်တော်တာ သင်ကြားလို့ရတယ်...ပြီးတော့ ကျွန်တော်မှတ်မိသလောက် အချိန်အာကာသစီမံဌာနရဲ့ တင်ပြချက်မှာ မျိုးနွယ်တွေကြားထဲက ညဏ်ကွာခြားချက်က မသိသာဘူးဆိုပဲ...နဂါးကလန်နဲ့ ဝိညာဥ်ကလန်ကလေးတွေက တခြားသူတွေသင်တာ သင်လို့ရတယ်..."

ပိုင်ရှန်းကျစ် ရှင်းပြသည်။

အမျိုးသမီးသည် ကဲ့ရဲ့ဟန်ရှုတ်ချသည်။

"အိုး ငါတို့ကို မင်းတို့မျိုးရိုးနိမ့်တွေနဲ့ မယှဥ်နဲ့..."

သူမ၏ယုံကြည်ချက်အချို့သည် နက်ရှိုင်းစွာ အရိုးစွဲနေသည်။

"နတ်ဘုရားမျိုးနွယ်တွေရဲ့ တန်းတူညီမျှရေးကို မယုံကြည်ဘူးလား...ဝိညာဥ်မျိုးနွယ်သာသာ မင်းက ဘယ်လိုတောင် ကိုယ့်ဘာသာ မြင့်တယ်လို့ တွေးနေရတာလဲ..."

နတ်ဘုရားမျိုးနွယ်ဟူသော စကားကိုကြားသည်နှင့် အမျိုးသမီး၏မျက်နှာတွင် ဆန်းကြယ်သောအပြုံး ဖြတ်ပြေးသွားကာ ပြောသည်။ သူပိုင်ရှန်းကျစ်ကို ပြောသည်။

"နတ်ဘုရားမျိုးနွယ်အရှင်က လူတိုင်းအတွက်မျှတမှုဆိုတာကို ယုံတယ်လို့ ထင်နေတာလား...တုံးလိုက်တာ...မင်းလိုမျိုးရိုးနိမ့်က နတ်ဘုရားအရှင်ရဲ့အတွေးတွေကို ဘယ်လိုနားလည်မှာလဲ..."

"အိုး ငါအကွက်တွေ ဝှက်ထားမိမှန်း မသိရပါလား..."

ပိုင်ရှန်းကျစ် မျက်တောင်ခတ်ကာ ရင်းနှီးနေသည့်အသံရှင်ထံ လှည့်လိုက်သည်။ သူတို့၏ အငြင်းပွားမှုကြောင့် လူအုပ်ကျဲနေရာမှ ငွေရောင်ဆံနွယ်၊ ငွေရောင်မျက်လုံးတို့၏ ပိုင်ရှင်ထွက်လာသည်။ သူဝိညာဥ်ကလန် အမျိုးသမီးကိုကြည့်ကာ ပြောသည်။

"လူတိုင်းအတွက် မျှတမှုတိုးမြှင့်နေတာကို အကွက်တွေဝှက်ထားတယ်လို့ ဘာကများ ထင်စေတာလဲ..."

"အာ...အာ...

ဝိညာဥ်ကလန်မှ အမျိုးသမီးမှာ ဖုန့်ယဲ့ကိုတွေ့၍ တုန်လှုပ်ကာ ခြေလှမ်းအနည်းငယ်ဆုတ်သည်။ သူမရွေရွတ်သွားမိသည်။

"အရှင်...အရှင်ဖုန့်ယဲ့..."

ဤနာမကိုကြားအပြီး လူအုပ်ကြားမှ စကားပြောသံတို့ညံလာသည်။ စစ်ပွဲကြီးပြီးသည့်အချိန်မှစ၍ ဖုန့်ယဲ့၏အမည်သည် မြေတုန်လှုပ်ဖွယ် အလေ့အထတို့ အမြဲအဖော်ပြုလျက် အင်တာနက်တစ်ခွင်တွင် အခါခါ ပေါ်ပေါက်နေသည်။ တဖြည်းဖြည်း အချိန်အာကာသစီမံဌာနကို ဖုန့်ယဲ့ဖွဲ့စည်းကြောင်း သိလာကြပြီး တန်းတူညီမျှမှုသည်လည်း သူ၏စိတ်အားထက်သန်သော အားထုတ်မှုများဖြစ်ကြောင်း လူတိုင်းသိလာကြသည်။

မျိုးရိုးနိမ့်တို့၏ အခွင့်အရေးတို့ကို ဂရုစိုက်သော နတ်ဘုရားနွယ်နှင့် မျက်နှာချင်းဆိုင်ရ၍ မျိုးရိုးနိမ့်များ အဘယ်သို့ စိတ်မလှုပ်ရှားကာ အတုမယူမိဘဲရှိအံ့နည်း။ သူတို့စိတ်ထဲတွင် ဖုန့်ယဲ့သည် သူတို့စိတ်ကိုအစိုးရသော ခေါင်းဆောင်တစ်ဦး ဖြစ်လေသည်။

လူအုပ်ထဲမှအချို့ အော်ဟစ်သည်။

"အရှင်ဖုန့်ယဲ့...အရှင်ဖုန့်ယဲ့..."

"ကျွန်တော် အရှင်ဖုန့်ယဲ့ကို ထောက်ခံတယ်..."

"လူတိုင်းအတွက်မျှတမှုက သေချာပေါက် အောင်မြင်မှာပါ...ကျွန်တော်လည်း အရှင်ဖုန့်ယဲ့ကို ထောက်ခံတယ်..."

...

လူအုပ်၏အသံများကိုကြား၍ ဝိညာဥ်ကလန်မှ အမျိုးသမီး အရှက်ရသွား၏။ ဖုန့်ယဲ့၏အကြည့်အောက်တွင် သူမချီတုံချတုံ ပြော၏။

"ကျွန်...ကျွန်မ အရှင့်ရဲ့ရည်ရွယ်ချက်ကို ညဏ်မမီတော့ဘူး..."

"ဒါဆိုလည်း ပြောပြပါရစေ..."

ဖုန့်ယဲ့ အမျိုးသမီးကို အထင်သေးစွာ ကြည့်သည်။

"သုံးထောင်လောကက သူတိုင်းရဲ့ တန်းတူညီမျှရေးကို ငါအားပေးတယ်...ဒါမှမျိုးနွယ်စုက လူတစ်ယောက်ချင်းစီတိုင်း ဒီကမ္ဘာမှာ အေးချမ်းပြီးပျော်ရွှင်နေရမှာ...မွေးကတည်းက ကံတရားကို ဆုံးဖြတ်ခံရမယ့်အစား လူတိုင်းက လွတ်လွတ်လပ်လပ်ရွေးချယ်နိုင်ပြီး သုံးထောင်လောကမှာ သူတို့ဘဝကို ဦးဆောင်နိုင်ရမယ်..."

ဝိညာဥ်ကလန်အမျိုးသမီးမှာ ခက်ခဲစွာတံတွေးမျိုချလျက် ဖုန့်ယဲ့နှင့် အကြည့်မဆုံရဲပေ။ သူမခေါင်းငုံ့ကာ ပြောသည်။

"ဟုတ်..."

ဖုန့်ယဲ့သူမကိုသာမက ဘေးနားမှလူအုပ်ကို ကြည့်လိုက်သည်။ လူအုပ်မှာ တိတ်ဆိတ်သွား၍ သူပြောသည်။

"သုံးထောင်လောကမူကြိုက အစပဲရှိသေးတယ်...နောက်ဆိုရင်သုံးထောင်လောကမျိုးနွယ်တိုင်းအတွက်ကျောင်းတွေရှိလာမှာ...မျိုးနွယ်တိုင်း ကျောင်းတက်ရမယ်...ဒါကသုံးထောင်လောက လူတိုင်းအတွက် လွတ်လပ်ခွင့်ပဲ..."

လူအုပ်တွင် နဂါးမျိုးနွယ်သာမက ဝိညာဥ်မျိုးနွယ်ပါပါနေ၍ သူတို့အမူအရာတို့ မသာယာလှပေ။ သို့သော် အများစုမှာ မျိုးရိုးနိမ့်များဖြစ်ကြ၍ ဖုန့်ယဲ့စကားများကိုကြားကာ သူတို့ရွှင်မြူးကာ အော်ဟစ်ကြသည်။

"ကျေးဇူးတင်ပါတယ် အရှင်ဖုန့်ယဲ့..."

ဖုန့်ယဲ့ခေါင်းငြိမ့်သည်။

"ဒါကျွန်တော်တစ်ဦးတည်း အောင်မြင်မှုမဟုတ်ဘဲ နတ်ဘုရားမျိုးနွယ်တစ်ရပ်လုံးရဲ့ အောင်မြင်မှုဖြစ်သလို ပိုအရေးကြီးဆုံးက သုံးထောင်လောကသူအားလုံးရဲ့ အောင်မြင်မှုပါ...ကိစ္စက မလွယ်ကူတော့ အားလုံးအတူတူ ကြိုးစားရပါမယ်..."

"ကောင်းတယ်..."

နောက်ဆုံး လူအုပ်ကြထံမှလွတ်အောင် ရုန်းပြီးချိန်တွင် ပိုင်ရှန်းကျစ် ဖုန့်ယဲ့ကိုကြည့်ကာရယ်မောလိုက်သည်။

"ဝိုး...အရှင်ဖုန့်ယဲ့က ထပ်ပြီးပင်မနေရာကို ခိုးသွားပြန်ပြီ..."

ဖုန့်ယဲ့ သူ့ကိုအကူအညီမဲ့စွာ ပြောလိုက်သည်။

"အဲ့အခြေအနေကလွတ်အောင် ကူညီပေးတာပါ..."

မရိုးသားသောအပြုံးဖြင့် ပိုင်ရှန်းကျစ်ပြောလိုက်သည်။

"အင်း ကျေးဇူးတင်ပါတယ် အရှင်ဖုန့်ယဲ့..."

ဤအချိန်တွင် ရှောင်လုံသူတို့ကြား ဖြတ်ပြောသည်။

"အန်ကယ်ဖုန့် သားလည်း တူတူအလုပ်လုပ်ချင်တယ်..."

ရှောင်လုကလည်း သူ့ဘေးမှခုန်ဆွခုန်ဆွနှင့် ပြောလာသည်။

"သမီးရော...သမီးရော..."

ဖုန့်ယဲ့ သူတို့ခေါင်းလေးများကို အသာအယာ ထိလိုက်သည်။

"ဒီကျောင်းမှာ စာသေချာကြိုးစားပြီး အားနည်းတဲ့သူတွေကို အနိုင်မကျင့်ရင် အတူတူအလုပ်လုပ်တာ ဖြစ်နေပြီ..."

ရှောင်လုံနှင့် ရှောင်လုမှာ ဤသည်ကို ချင့်ချိန်နေပုံရသည်။

လွန်ခဲ့သောတခဏက လူအုပ်ကြားထဲ တောက်ပနေသော ဖုန့်ယဲ့ကိုကြည့်ကာ သူ့ကိုယ်သူမခုခံနိုင်ပေ။ သူ ဖုန့်ယဲ့နှုတ်ခမ်းထက်တွင် အနမ်းပျိုးထားလိုက်သည်။ သူဆုတ်တော့မည့်အချိန်တွင် ဖုန့်ယဲ့သူ့ခေါင်းနောက်ကိုကိုင်ကာ သူကို့ပြန်နမ်းလာသည်။ သူတို့လူခွဲသည့်အခါ နှစ်ယောက်သား ခေါင်းငုံ့လျက် ဘေးနားမှ အသေးလေးနှစ်ယောက်၏ မျက်လုံးပြူးများနှင့် ဆုံသွားသည်။

ရှောင်လုံမေးလိုက်သည်။

"ဖေဖေ ဖေဖေနဲ့အန်ကယ်က ဘာလို့နေ့တိုင်း နမ်းနေကြတာလဲ..."

ရှောင်လု နှုတ်ခမ်းထော်ကာ ကျီစယ်တတ်သောအပြုံး ပေါ်လာသည်။

"ငါသိတယ် မနေ့ညကဖေဖေက အန်ကယ်ဖုန့်ယဲ့ကို သဘောကျတယ်ပြောတယ်...အမ်..."

ရှောင်လုမျက်နှာတွင် ရှုပ်ထွေးရိပ် ပေါ်လာလေသည်။

"ဖေဖေရဲ့ အသံက အရမ်းထူးဆန်းနေရုံတင်...အရင်က ဖေဖေအဲ့လိုအသံလုပ်တာ မကြားဖူးဘူး..."

ပိုင်ရှန်းကျစ် မျက်နှာရဲသွားကာ ဖုန့်ယဲ့ကိုစိုက်ကြည့်လိုက်သည်။

"ပြသနာမရှိတာ သေချာအောင် အသံကာတွေ တပ်ပြီးသားပါလို့ မင်းမပြောခဲ့ဘူးလား..."

အကူအညီမဲ့ဟန်ပြကာ ဖုန့်ယဲ့နှာခေါင်းနီလာလျက် ပုခုံးတွန့်သည်။

"ငါလုပ်နိုင်တာ ဘာမှမရှိဘူးလေ...အရံအတားလုပ်တာ အာရုံစိုက်ရတယ်...မနေ့ညက ငါ့ခံစားချက်တွေ အရမ်းမတည်ငြိမ်နေတော့ အကာပျက်သွားတာ မသိလိုက်ဘူး..."

ပိုင်ရှန်းကျစ်: "လူယုတ်မာ..."

🥘

Prev Next