MM Story Teller

Chapter 120

Viewers 19k

👾Chapter 120

ဟယ့်ယွင်ထင်က ချက်ချင်း ပြန်ပြီးမတုံ့ပြန်ပေ။ အနှီအမျိုးသားက ရှက်နေလေသလားဟုပင် လင်းဟန်တွေးလိုက်မိသည်။

"ခင်ဗျား စိတ်ပူစရာမလိုပါဘူး"

လင်းဟန် တည့်တိုးမပြောဘဲ ကွေ့ဝိုက်ပြီးပြောလိုက်သည်။

"ဒါနဲ့ ခင်ဗျားရဲ့ဖယ်ရိုမုန်းအနံ့က တကယ်ကောင်းတယ်...ကျွန်တော်သဘောကျတယ်"

သူ အမှန်အတိုင်း ပြောလိုက်ခြင်းဖြစ်သည်။ အေးစက်မာကျောသည့် ဟယ့်ယွင်ထင်၏ ဖယ်ရိုမုန်းအနံ့က သူ့အသွင်အပြင်နှင့်လုံးဝမတူဘဲ နူးညံ့မှုတို့ပြည့်နှက်နေသည်။

သို့သော် အိုမီဂါတစ်ယောက် အနေနှင့် အယ်လ်ဖာကို ထိုသို့ပြောလိုက်ခြင်းက ပွင့်လင်းစွာ ဖိတ်ခေါ်လိုက်ခြင်းနှင့် အတူတူပင်ဖြစ်သည်။

လင်းဟန် အသာအယာ ပြုံးလိုက်သည်။ ဟယ့်ယွင်ထင်ကို မစိုးရိမ်စေလို၍ သူ့လေသံက အတော်လေးပေါ့ပါးတည်ငြိမ်နေ၏။

ဟယ့်ယွင်ထင်က သူ့ကိုကြည့်လာသည်။

မိခင်ဖြစ်သူက ဖျားနာမှုကြောင့် ငြိမ်းငြိမ်းချမ်းချမ်း သေဆုံးသွားခြင်းမဟုတ်ဘဲ အခြားအကြောင်းရင်းတစ်ခုကြောင့်သာဖြစ်သည်ဟူသော အမှန်တရားများကို မနေ့တစ်နေ့ကမှ လင်းဟန်သိခဲ့ရခြင်းဖြစ်သည်။ သို့သော် အားရပါးရငိုပြီးသည့်နောက် သူပြန်ပြုံးနိုင်ခဲ့သည်။ လင်းဟန်၏ နှုတ်ခမ်းထက်မှ အပြုံးတို့ မပျောက်ကွယ်သွားခင် ဟယ့်ယွင်ထင်က ရှေ့တစ်လှမ်းတိုးလာပြီး မပြောမဆိုနှင့် လင်းဟန်၏ ခန္ဓာကိုယ်ကို သူ့ရင်ခွင်ထဲသို့ ဆွဲသွင်းလိုက်သည်။ လင်းဟန်က မရုန်းပေ။ သူ့မျက်နှာတစ်ခုလုံးမှာ တစ်ဖက်လူ၏ ရင်ဘတ်နှင့်ထိကပ်နေပြီး တစ်ဖက်လူ၏အတွေးကိုမသိသော်ငြားလည်း လုံခြုံစိတ်ချမှုကိုခံစားရသည်။

"တော်သေးတာပေါ့..."

ဟယ့်ယွင်ထင်က ပြောသည်။

အခုမှ နိုးလာသော ကူးလုလုမှာ တံခါးဝတွင် အမြှီးလေးတယမ်းယမ်းနှင့် ဝင်လာရာ သိပ်ပြီးစွဲမက်စရာမကောင်းသည့် ထိုမြင်ကွင်းကို မြင်လိုက်ရသည်။ မျက်စိလျင်သော ဟယ့်ယွင်ထင်မှာလည်း သုတ်သုတ်ပျာပျာပြေးလာသော အကောင်ပေါက်လေးကို ကြည့်လိုက်ရာ သူတို့နှစ်ယောက်လုံး မျက်လုံးချင်းဆုံသွားတော့သည်။

ဟယ့်ယွင်ထင် မျက်ခုံးပင့်သွားသည်။

ကူးလုလု၏ သေးငယ်ဝိုင်းစက်သောမျက်လုံးများမှာလည်း ပုတ်ခတ်ပုတ်ခတ်လုပ်နေသည်။

လွန်ခဲ့သောတစ်ရက်သာဆိုလျှင် ကူးလုလုမှာ ဟယ့်ယွင်ထင်၏ ဘောင်းဘီစကို အပြေးအလွှားသွားဆွဲနေပြီဖြစ်သည်။

သို့သော် မုန့်နှင့် အချော့ခံထားရသောကြောင့် အကောင်ပေါက်လေးမှာ တစ်ခဏမျှတွေဝေတုံ့ဆိုင်းသွားသည်။ ထို့နောက် သူ့အမွေးလေးကိုခါကာ ခြေထောက်ပုတိုတိုလေးများကို နောက်ပြန်ဆုတ်ပြီး ကြမ်းပြင်ပေါ်တွင် တစ်ပတ်လှည့်ကာ ပြန်ထွက်သွားတော့သည်။

ထိုအခိုက်အတန့်တွင် မုန့်ကျွေးပြီး ချော့ခြင်းက အလွန်အကျိုးသက်ရောက်မှုရှိမှန်း ဟယ့်ယွင်ထင် သဘောပေါက်နားလည်သွားတော့သည်။ လုအန်းဟယ် ဖွက်ထားသည့် မုန့်ကို သုံးပြီး လင်းဟန်ကို သူတစ်ခါချော့ခဲ့ဖူးသည်။ ယခုမူ လင်းဟန်ပေးသည့်မုန့်ဖြင့် အကောင်ပေါက်စလေးကို ချော့နေရပြန်သည်။

ထိုသို့သော အသေးအဖွဲကိစ္စမျိုးကို တွေးပြီး အချိန်ကုန်ခံသည်မှာ ဟယ့်ယွင်ထင်အတွက် လုပ်လေ့လုပ်ထ မရှိသောအရာဖြစ်သည်။ ချော့ပုံချော့နည်းကို သူစဥ်းစားမိချိန်တွင် လင်းဟန်က သူ့ရင်ခွင်ထဲမှနေ၍ သူ့အား အံ့ဩနေသည့်မျက်လုံးများဖြင့် ကြည့်လာသည်။

ထို့နောက် နှုတ်ခမ်းသားတို့ ပြန်လည်ထိကပ်သွားသည်။ သို့သော် ဤတစ်ခေါက်တွင်မူ အနမ်းက စက္ကန့်ပိုင်းမျှသာကြာလိုက်သည်။

"ကျွန်တော် အပြင်သွားရမယ်"

လင်းဟန် ပြောလိုက်သည်။

ဟယ့်ယွင်ထင်က ခေါင်းညိတ်သည်။ ယာဥ်ပျံကို နီးနီးနားနားတွင်သာ ရပ်ထားသောကြောင့် ဟယ့်ယွင်ထင်က အလုပ်အထိလိုက်ပို့ပေးမည်ဟု ဆိုလာသောအခါ သူမငြင်းမိပေ။ ယာဥ့ပျံက ကြီးလွန်းသဖြင့် သူ့လုပ်ဖော်ကိုင်ဖက်များလည်ယ တစ်နည်းနည်းနှင့်မြင်သွားနိုင်သည်။ ထို့ကြောင့် လင်းဟန်လည်း ဝင်ပေါက်နားလေးတွင်သာ ရပ်ခိုင်းလိုက်သည်။

အချိန်စောသေး၍ သုတေသနအခြေစိုက်စခန်း၏ ဝင်ပေါက်တွင် လူများများစားစားမရှိသေးပေ။

ထွက်မသွားမီ ဟယ့်ယွင်ထင်က လင်းဟန်ကို လှမ်းခေါ်လိုက်သည်။

"ဒီနေ့အလုပ်စောစောဆင်း

ရင်...ဌာနချုပ်ကိုလာခဲ့နော်...ကိုယ်မင်းကိုပြစရာရှိတယ်"

လင်းဟန် ခေါင်းညိတ်ပြီး ပြန်တုံ့ပြန်လိုက်သည်။

ထို့နောက် ယာဥ်ပျံ၏ဘေးတံခါးရှိ ခလုတ်ကိုနှိပ်တော့မည့်ဆဲဆဲတွင် တစ်စုံတစ်ခုကို သတိရသွားသောကြောင့် သူပြန်လှည့်လိုက်သည်။

နေရောင်ခြည်များက ယာဥ်ပျံ၏ မှန်ပြတင်းမှတစ်ဆင့် ဟယ့်ယွင်ထင်၏ မျက်နှာဘေးဘက်သို့ ဖြာကျနေသည်ကို လင်းဟန်တွေ့လိုက်ရသည်။ ဟယ့်ယွင်ထင်၏ မျက်နှာမှာ ခံစားချက်မဲ့နေသကဲ့သို့ တည်တံ့နေသော်လည်း သိသာထင်ရှားသည့် နူးညံ့မှုတို့ကို သူခံစားမိသည်။

"ဟုတ်တယ်..."

သူ့နှုတ်ခမ်းတို့ တွန့်ကွေးသွားသည်။

"ဒီနေ့အပြင်ထွက်ရင် လှလှလေးပြုံးနေ....အဲဒီအပြုံးကို ကျွန်တော်အရမ်းသဘောကျတယ်"

အပေါက်ဝတွင် လာဆုံသည့် လုပ်ဖော်ကိုင်ဖက်ကို လင်းဟန်နှုတ်ဆက်လိုက်သည်။ ယခုလေးတင် မောင်းထွက်သွားသော ယာဥ်ပျံပိုင်ရှင်ကို အခြားသူများသိချင်နေမှန်း လင်းဟန်သိသော်လည်း ယနေ့တွင် သူ့စိတ်အစုံနှင့်သူ့နှလုံးသားက ခါတိုင်းထက်ပေါ့ပါးနေသည်။

သူအဝတ်လဲပြီး ထွက်လာလိုက်သည်။ ထို့နောက် အလုပ်များကို ယနေ့အပြီးသတ်နိုင်ရန် တစ်နေ့တာအချိန်ဇယားများကို စီစဥ်ရမည်ဖြစ်၍ သူ့ရုံးခန်းဆီသို့ ခြေဦးလှည့်ခဲ့သည်။

ဌာနချုပ်သို့မသွားရသေးသော်လည်း နေ့လည်ပိုင်း နားနေချိန်တွင် သတင်းထူးတစ်ခုကိုကြားလိုက်ရသည်။

ရှုကျစ်ဟန်က ဗွီပရိုတွန်ကြယ်၏ လက်ရှိအခြေအနေကို လူသိရှင်ကြားရှင်းပြလာသဖြင့်

ဟယ့်ယွင်ထင်နှင့်ပတ်သက်သည့် ဆိုးဆိုးရွားရွားဝေဖန်ချက်များက အတော်လေးလျော့နည်းသွားပြီး လူတော်တော်များများက ဟယ့်ယွင်ထင်သည် အင်ပါယာကိုစောင့်ရှောင့်ပေးနေခြင်းဖြစ်ပြီး လူသတ်မိစ္ဆာတစ်ကောင်မဟုတ်ဟု ယုံကြည်လာကြ၏။

သို့သော် အချို့လူများကမူ ရှုကျစ်ဟန်က ဟယ့်ယွင်ထင်ဘက်လိုက်ပြီး ပြောပေးနေသည်ဟု ခေါင်းမာစွာ ကောက်ချက်ချနေကြဆဲပင်။ အမှန်တရားကို လက်မခံနိုင်ဘဲ ဟယ့်ယွင်ထင်ကြောင့် လူများစွာသေဆုံးခဲ့ရသည်ဟုဆိုကာ အငြိုးအတေးထားနေကြဆဲပင်ဖြစ်၏။

သုတေသနအခြေစိုက်စခန်း၏ သဘောထားကမူ ရှင်းလင်းလှသည်။ ထို့ကြောင့် ထိုသတင်းကိုကြားသောအခါ သူ့လုပ်ဖော်ကိုင်ဖက်များက ဟယ့်ယွင်ထင်နှင့် ပတ်သတ်ပြီး စိတ်ပျက်နေကြဆဲပင်။

ကော်ဖီတစ်ခွက်နှင့် လှေကားထစ်အနားရောက်လာချိန်တွင် ဟယ့်ယွင်ထင်၏ နာမည်ကို ကြားလိုက်ရသောကြောင့် လင်းဟန်တစ်ယောက် မနေနိုင်မထိုင်နိုင် သွားကြည့်မိပြန်သည်။

"အင်ပါယာထဲမှာနေတဲ့ တချို့လူတွေက တကယ်ပျော်နေကြတယ်ထင်တယ်....တစ်နေကုန်တစ်နေခန်း ဟိုမေးခွန်းမေးလိုက် ဒီမေးခွန်းမေးလိုက်နဲ့"

"ပရော်ဖက်ဆာရှုက ဘက်လိုက်ပြီးပြောတာဟုတ်ဟုတ် မဟုတ်ဟုတ်...ငါတော့ ဗိုလ်ချုပ်လုပ်တာမှန်တယ်လို့ထင်တယ်"

"အင်း"

"ဒါပေမဲ့ အဲဒါက ကိစ္စကြီးတစ်ခုမ ဖြစ်သင့်ဘူး...ငါကြားမိတာတော့ ယာဥ်ပျံက ဒီကိုပြန်မလာခင် ထောက်ပို့စနစ်တစ်ခုလုံးကို ပြန်ပြင်လိုက်တာတော့"

"ကောက်ချက်ချဖို့ခက်တယ်....ဘာပဲဖြစ်ဖြစ် ဒီကိစ္စက ဒီထက်ကြီးကြီးမားမားတွေမဖြစ်သွားဖို့နဲ့ အင်ပါယာဆီမရောက်သွားဖို့ မျှော်

လင့်မိတာပဲ"

"အဲဒီကိစ္စကို သိပ်မစိုးရိမ်နဲ့....ဒီနေရာက ဗွီပရိုတွန်ဂြိုလ်နဲ့အဝေးကြီးပဲ"

လုပ်ဖော်ကိုင်ဖက်များထဲမှ တစ်ဦးက ဟယ့်ယွင်ထင်ကို သိသိသာသာထောက်ခံအားပေးနေသည်။

"မင်းတို့ငါ့ကိုယုံချင်မှယုံလိမ့်မယ်...ဒါပေမဲ့ ဒီနောက်ပိုင်း ငါအဲဒီကိစ္စကို အာရုံစိုက်နေတာကြာပြီ...ပြီးတော့ တစ်ကယ်တမ်း အဲဒီကိစ္စကိုသတင်းမှာတင်ဆက်တာ ပထမဆုံးအကြိမ်လည်းမဟုတ်တော့ဘူး...မင်းတို့အားလုံးက ဘာလို့အခုမှသိကြတာလဲ"

"ဘယ်လိုပဲဖြစ်ဖြစ်...ဗိုလ်ချုပ်အတွက် ငါတကယ်စိတ်မကောင်းဘူး...အဲဒီအကြောင်းတွေပြောနေတဲ့သူအများစုက ဘဝအတွေ့အကြုံတစ်ခုမှမရှိတဲ့ အပေအတေကလေးတွေပဲမလား...."

သူ မျက်မှောင်ကြုတ်သွားသည်။

"ငါတို့ သုတေသနအခြေစိုက်စခန်းရဲ့ရည်ရယ်ချက်နဲ့ အဓိပ္ပါယ်ကဘာလဲ....အဲဒီလူတွေရဲ့ ကြောင်သူတော် ကြွက်သူခိုးလို ငြိမ်းချမ်းရေးသီအိုရီတွေအတိုင်းသာ ငါတို့လိုက်လုပ်မယ်ဆိုရင်....အင်ပါယာရဲ့စစ်တပ်စနစ်နဲ့တင် လုံလောက်နေပြီလေ...ငါတို့လည်း မက်ခါအသစ်နဲ့ပတ်သက်တဲ့သုတေသနကို အဆုံးသတ်ဖို့ ဧကရာဇ်ကိုတောင်းဆိုလိုက်ရုံပဲပေါ့"

ထိုလုပ်ဖော်ကိုင်ဖက်အနားသို့ လင်းဟန် ချဥ်းကပ်သွားရင်း မေးလိုက်သည်။

"ဘာတွေဖြစ်နေကြတာလဲ"

လတ်တလောတွင် သူ့နောက်ကွယ်တွင်ရှိနေသော "ပဟေဠိဆန်ဆန်အဓိကနယ်မြေမှအစ်ကိုကြီး"

ကြောင့် လုပ်ဖော်ကိုင်ဖက်များနှင့် စကားပိုပြောဖြစ်သည်။ ထိုသူတို့ကလည်း အငြိုးအတေးတစ်ခုမှမရှိဘဲ အကြောင်းအရာကိစ္စတစ်ခုကို ဒီအတိုင်း အတင်းအဖျင်းအဖြစ်ပြောနေကြခြင်းပင်။

သူရောက်လာသောအခါ လုပ်ဖော်ကိုင်ဖက်များက ပျူငှာစွာပြုံးပြကြပြီး မော်နီတာအသေးစားလေးကို သူ့အားလှမ်းပေးလာသည်။

"ဗွီပရိုတွန်ကြယ်နဲ့ပတ်သက်တဲ့ နောက်ဆုံးသတင်းလေ...မီဒီယာသေးသေးလေးကလွှင့်တဲ့သတင်းဆိုတော့ မှန်မမှန်တော့မသိဘူး"

လက်အိတ်မထားသောကြောင့် လင်းဟန်မှာ တစ်ဖက်လူ၏ လက်ကိုရှောင်ပြီး မော်နီတာအသေးစားလေးကို လှမ်းယူကာ သူတို့ဆွေးနွေးနေကြသည့် အဓိကအကြောင်းအရာကို တစ်ချက်ကြည့်လိုက်သည်။

[ဗွီပရိုတွန်ကြယ်ရဲ့ Beta သန္ဓေပြောင်းမျိုးရိုးဗီဇလား ဒါမှမဟုတ်ပြန်လည်နိုးထလာတာလား? ပဋိဇီဝတွေကရော တကယ်အကျိုးသက်ရောက်မှုရှိရဲ့လား]

ထိုသတင်းခေါင်းစဥ်က သာမာန်ပင်။ သို့သော် နောက်ဆက်တွဲ သတင်းဆောင်းပါးများကမူ "ဗွီပရိုတွန်ဂြိုလ်ဖယ်ရှားခံရနိုင်ကိန်းရှိသည်" "သုတေတန သို့မဟုတ် သတင်းအမှား" "ဂြိုလ်တစ်လုံး၏တစ်ရှိန်ထိုးကျဆုံးခြင်း" ဟူသည့်ခေါင်းစဥ်များဖြင့် မကြောက်မရွံ့ရေးထားကြသည်။ ခေါင်းစဥ်များ၏အောက်တွင် ယခင်ကကဲ့သို့ မဆီမဆိုင်ပုံများကိုလျှောက်ထည့်ထားခြင်းမဟုတ်ဘဲ ဗွီပရိုတွန်ဂြိုလ်မှတိုက်ရိုက်ပို့လာသကဲ့သို့ ပုံများနှင့်စာအရေးအသားပုံစံကိုပါပြေပြေပြစ်ပြစ်ရေးထားပြီး ဖြစ်စဥ်ကို ယေဘုယျအားဖြင့် အကျဥ်းချုံးဖော်ပြထားသည်။

တစ်စုံတစ်ယောက်က ဧကရာဇ်ထံသို့ လျှို့ဝှက် မက်ဆေ့ချ်တစ်ခုပေးပို့ခဲ့သည်။ ထိုမက်ဆေ့ချ်ထဲတွင် ဗွီပရိုတွန်ဂြိုလ်တွင် ထိန်းချုပ်ထားနိုင်ခဲ့သော မျိုးရိုးဗီဇဆိုင်ရာရောဂါက ပြန်ပေါ်လာပြီဖြစ်ကြောင်း ၊ ထိုရောဂါမှပြန်ကောင်းလာသူများမှာလည်း အဓိပ္ပါယ်မရှိသောအသံများပြုလုပ်ခြင်းနှင့်လူသားများ၏စကားကိုနားမလည်ခြင်းစသည့် ဆင်တူသော လက္ခဏာများပြလာကြောင်းပြောထားသည်။

သို့သော် ထိုသတင်းများက ထိုနေရာတွင်ရပ်သွားသည်။ နောက်ဆက်တွဲအနေနှင့် အမျိုးမျိုးသော ထင်မြင်ယူဆချက်များက လိုက်လာသည်။ လူအများစုက ရှုကျစ်ဟန်၏ ဘက်လိုက်မှုနှင့် ကူးစက်ခံရသူများကို အကုန်အစင်မရှင်းလင်းနိုင်ခဲ့သော ဟယ့်ယွင်ထင်တို့ကိုသာ လက်ညှိုးထိုးအပြစ်တင်ကြတော့သည်။

အလုပ်မရှိသည့် မီဒီယာသေးသေးလေးက ပျင်းလွန်း၍ ပြည်သူလုထု၏မျက်လုံးကို ဆော့စ်အပြင်းစားနှင့်ပွတ်လိုက်သည်ထင်သည်။

"ဒီသတင်းတွေက လူကြိုက်များအောင် ဆွဲဆောင်နေတာလို့ပဲထင်တယ်....ဒီမှာကြည့်လိုက်ဦး"

လုပ်ဖော်ကိုင်ဖက်တစ်ဦးက လင်းဟန် ပြန်ပေးလိုက်သည့် မော်နီတာအသေးလေးကိုလှမ်းယူပြီး သာမာန်ကာလျှံကာ ပြောလာသည်။

"တရားဝင်မီဒီယာကတော့ မနေ့ကမှ ဗဟိုမြို့ကို အုပ်ချုပ်ရေးကောင်းလို့ချီးကျူးနေတာလေ"

လင်းဟန် ဘာမှပြန်မပြောမိပေ။

"ဟုတ်တယ်...သိပ်ပြီးစိတ်ထဲထားမနေနဲ့"

နောက်ထပ် လုပ်ဖော်ကိုင်ဖက်တစ်ဦးက ပြောလာပြန်သည်။

လင်းဟန်၏ မျက်နှာအမူအရာက မပြောင်းလဲပေ။ သူတို့ပြောသမျှကို ခေါင်းညိတ်ရင်း ကော်ဖီတစ်ခွက်

နှင့် ပြန်ထွက်လာခဲ့သည်။

လင်းဟန်၏တုံ့ပြန်မှုကို လုပ်ဖော်ကိုင်ဖက်များက အံ့ဩမနေတော့ပေ။ မည်သည့်အရာကမှ သူ့ခံစားချက်ကို ပြင်းပြင်းထန်ထန်မထိခိုက်နိုင်သကဲ့သို့ လင်းဟန်က အမြဲလိုလို တည်ငြိမ်လွန်းနေသည်မဟုတ်လား။

"ဒီမနက်သူ့ကိုအလုပ်လာပို့ပေးတဲ့ လူကြီးက ဘယ်သူလဲဆိုတာ ငါရုတ်တရက် သိချင်လာပြန်ပြီ"

လုပ်ဖော်ကိုင်ဖက်နှစ်ဦးမှာ အချင်းချင်းတီးတိုးပြောဆိုနေကြသည်။

"ဘာလို့လဲဆိုတော့ လင်းဟန်လိုအိုမီဂါမျိုးက ဘယ်လိုအယ်လ်ဖာမျိုးကိုရွေးထားလဲဆိုတာ ငါတကယ်သိချင်လို့လေ"

လင်းဟန်နှင့် ဟယ့်ယွင်ထင်တို့နှစ်ဦးလုံး သူတို့ဆက်ဆံရေးကို ယခုလက်ရှိအချိန်တွင် လူသိရှင်ကြားချပြရန် မရည်ရွယ်ထားသေးပေ။ ဌာနချုပ်တစ်ခုသာ ခြွင်းချက်ဖြစ်သည်။

စီစဥ်ထားသည်အတိုင်း လင်းဟန်တစ်ယောက် အချိန်မှီအလုပ်ဆင်းလိုက်သည်။ ထို့နောက် သူ့ကိုလာကြိုရန် ဟယ့်ယွင်ထင်ကို ဖုန်းဆက်မနေတော့ဘဲ အများပြည်သူသုံးယာဥ်ပျံကိုစီးကာ ဌာနချုပ်သို့ သူကိုယ်တိုင်သွားလိုက်သည်။

စစ်တပ်အရာရှိအချို့က လင်းဟန်ကို တွေ့သည်နှင့် နှုတ်ဆက်ပြီး အထဲဝင်ခွင့်ပေးတတ်သည်။ လင်းဟန်က သူတို့ဗိုလ်ချုပ်နှင့် ထူးခြားသည့်ဆက်ဆံရေးတစ်ခုရှိမှန်း သိကြသော်လည်း မမေးမြန်းရဲကြပေ။ လူတိုင်းက ကောင်းကောင်းလေ့ကျင့်ထားသောကြောင့် နှုတ်လည်းလုံကြသည်။ ထို့ကြောင့် ထိုကိစ္စက ဗိုလ်ချုပ်အတွက် လူတိုင်း ဂရုတစိုက်နှုတ်ပိတ်ထားကြသော လျှို့ဝှက်ချက်တစ်ခုဖြစ်နေသည်။

လင်းဟန်ရောက်သွားသည့်အချိန်က ဌာနချုပ်တစ်ခုလုံး၏ နားချိန်ဖြစ်သည်။ လင်းဟန်လည်း ဌာနချုပ်သို့ အခေါက်ပေါင်းများစွာ ရောက်ဖူးသောကြောင့် ဟယ့်ယွင်ထင် အခန်းသို့သာ တန်းသွားလိုက်သည်။

သူအခန်းထဲ ဝင်သွားသောအခါ

ဟယ့်ယွင်ထင်က ပုံရိပ်ယောင် ဒေတာဘေ့စ်ထဲမှ အချပ်အလက်များကို စီစစ်ခွဲထုတ်နေသည်။

သူ့ကိုမြင်သောအခါ ဟယ့်ယွင်ထင်က နာရီကိုလှမ်းကြည့်ပြီး ထိုင်နေရာမှ ထလာကာ အံဆွဲထဲတွင် လှန်လှောရှာဖွေရင်း အဟာရဓာတ်စာကို ထုတ်ယူလာသည်။ ထို့နောက် အဖုံးဖွင့်ကာ လင်းဟန်ကို လှမ်းပေး၏။

"သူ့အချိန်ရောက်ပြီ...ဒီနေ့အတွက် သုံးခုမြောက်ထင်တယ်"

"......."

လင်းဟန် ချက်ချင်း မျက်နှာပျက်သွားပြီး ဟယ့်ယွင်ထင်၏လက်ကို တွန်းထုတ်လိုက်သည်။

"ကျွန်တော်အခုမှရောက်တာလေ....ဘာလို့ချက်ချင်းကြီးသောက်ခိုင်းနေတာလဲ"

ဟယ့်ယွင်ထင်၏ မျက်နှာအမူအရာက တည်တင်းနေပြီး လေးလေးနက်နက်ပြောလာသည်။

"ကိုယ်မင်းအတွက်ကြိုပြင်ပေးထားတာ....အခုဒါမသောက်ရင် ညကျမင်းထပ်ပြီးအားပြတ်သွားလိမ့်မယ်"

လင်းဟန် မျက်မှောင်ကြုတ်လိုက်သည်။

"မသောက်ချင်ပါဘူး"

သူ ထိုသို့ပြောလိုက်သောအခါ

ဟယ့်ယွင်ထင်က အဟာရဓာတ်စာကို သူ့ပါးစပ်ထဲထည့်လိုက်ပြီး သူတို့ ခံစားချက်ကို ပထမဆုံးဝန်ခံ

သည့် အချိန်တုန်းကကဲ့သို့ သူ့ပါးစပ်ထဲ ပြန်ထည့်ပေးရန် ပြင်နေသည်။

"ဟင့်အင်း....မလုပ်နဲ့...ကိုယ့်ဘာသာကိုယ်သောက်မယ်"

ဟယ့်ယွင်ထင်ကို လင်းဟန် အမြန်တားလိုက်ပြီး အဟာရဓာတ်စာကို ဆွဲယူကာ နှာခေါင်းကိုပိတ်လျက် တစ်ကျိုက်တည်းမော့ချလိုက်သည်။ ထိုအဟာရဓာတ်စာ၏ အရသာက ဆိုးရွားလွန်းလှသည်။ သို့သော် အမြဲတမ်း ဟယ့်ယွင်ထင်ကို စိတ်တိုအောင်လုပ်လို့မရသလို သူ့ပါးစပ်ကိုလည်း တစ်ချိန်လုံး ထိုအရသာကြီးစွဲမနေစေချင်ပင်။

သို့သော် ဟယ့်ယွင်ထင်၏ လျှာက သူ့အာခံတွင်းထဲသို့ ဝင်လာလိမ့်မည်ဟု လင်းဟန်မမျှော်လင့်ထားခဲ့ပေ။

ရုတ်တရက် အနမ်းခံလိုက်ရသောကြောင့် လင်းဟန်၏ ပါးနှစ်ဖက်လုံးမှာ နီရဲလာပြီး တည်ငြိမ်လွန်းသူကို မော့ကြည့်မိသောအခါ သူဘာပြောရမှန်း မသိတော့ချေ။

"ဟယ့်ယွင်ထင်..."

လင်းဟန် ဟယ့်ယွင်ထင်၏ နာမည်ကို ဟန်ပါပါခေါ်လိုက်သည်။

"ကျွန်တော့်ကို ဒီအတိုင်း နမ်းချင်လို့နမ်းလိုက်တာလား...ဒါမှမဟုတ် ကျွန်တော် အဟာရဓာတ်စာသောက်မသောက် သိချင်လို့လား"

ဟယ့်ယွင်ထင်၏အဖြေကို လင်းဟန် စောင့်မနေတော့ပေ။ ဟယ့်ယွင်ထင်၏ စိုစွတ်နေသော နှုတ်ခမ်းကို သူနမ်းလိုက်သည်။

[မစ္စတာလင်း အဟာရဓာတ်စာကို အချိန်မှီသောက်သင့်တယ်]

[ဒါပေမဲ သူဝင်လာသည့်အချိန်တည်းက မစ္စတာလင်းကို နမ်းချင်နေခဲ့တာ]

[သူတို့နှစ်ယောက် ဒီမနက်လေးတင်မှ တွေ့ခဲ့တာကို]

လင်းဟန် သူ့လက်ကိုပြန်ရုတ်လိုက်သည်။

👾

Prev Next