MM Story Teller

Chapter 126

Viewers 19k

🐯Chapter 126

စိတ်ကူးယဥ်မြို့တော်ကို နှစ်ပေါင်းများစွာကြာတည်းက တည်ထောင်ခဲ့သည်။ မှင်စာများနှင့် နတ်သူငယ်များနေထိုင်ရာ အဓိကမြို့ကြီး၊ နတ်ဘုရားများနှင့်နဂါးများနေထိုင်ရာ ကောင်းကင်မြို့တော်တို့သည်လည်း အမြဲတမ်းတည်ရှိခဲ့သည်။ ယခုအခါတွင်မူ ပင်လယ်မြို့တော်တစ်ခု၏ မြေပုံတစ်ခုလုံးအား ဖော်ထုတ်နိုင်ခဲ့ပြီးဖြစ်သည်။ စိတ်ကူးယဥ်မြို့တော် အရာရှိများ၏ ကျေးဇူးကြောင့် မြို့ကြီးတစ်ခုကို ဖုံးကွယ်ထားနိုင်ခဲ့ပြီး လျှို့ဝှက်ဇာတ်ကြောင်းတစ်ခုအဖြစ်ဖော်ထုတ်နိုင်ခဲ့သည်။

နာရီဝက်ကြာပြီးနောက်…

"ကြည့်ရတာ ငါတို့ဒီမှာ ညအိပ်ရတော့မယ်ထင်တယ်..."

ရေအောက်တွင် စကားပြောပြီး လမ်းလျှောက်ရသည်မှာ အံ့သြစရာကောင်းသည်။ ကုယွီမြန် အနည်းငယ်ကျင့်သားမရသေးပေ။

"မစ္စတာနစ်ခ်က ငါတို့ရဲ့ ခရီးဆောင်အိတ်ကို ယူသွားတယ်... ပြီးတော့ သူတို့စားဖို့ဖိတ်တဲ့အတွက် ကျေးဇူးတင်တဲ့အနေနဲ့ တစ်ညလုံး ငါတို့ကိုကျွေးမွေးမယ်လို့ ပြောတယ်..."

ကံမကောင်းစွာ စိတ်ကူးယဥ်မြို့တော်တွင် သူတို့နေရမည့် အချိန်မှာမများလှချေ။ သူက ပင်လယ်ရေအောက်မြို့တော်တစ်ခုလုံးအား စူးစမ်းရှာဖွေရန် အခွင့်အရေးမရှိနိုင်သော်လည်း အနာဂတ်တွင် သေချာပေါက် အခွင့်အရေးတစ်ခုရနိုင်သည်။ ပင်လယ်အောက်တွင် အိပ်နိုင်ရန်မှာ ရှားပါးသော အတွေ့အကြုံတစ်ခုလည်း ဖြစ်သည်။

ရေအောက်တွင် စကားပြောနေသောအခါ သူတို့က ငါးတစ်ကောင်ကဲ့သို့ ပူစီဖောင်းများထွက်လာလိမ့်မည်။

နှင်းကျားသစ်လေးက ကုယွီမြန် မှုတ်ထုတ်လိုက်သည့် ပူဖောင်းလေးများကို သူ့လက်ဖဝါးလေးဆန့်၍ ထိရသည်အား သဘောကျနေသည်။ ပူဖောင်းလေးက ထိတွေ့မှု

တစ်ခုဖြင့်ပင် ပေါက်သွားသည်။ ထို့နောက် သူ၏လက်ဖဝါးလေးက သေးငယ်သည့်ပူဖောင်းလေးများမှ ပူဖောင်းကြီးဆီသို့ လိုက်၍ဖောက်သွားပြီး အဆုံးတွင် ကုယွီမြန်၏နှုတ်ခမ်းအား ဖိလိုက်သည်။

ကုယွီမြန်က မတုံ့ပြန်ခဲ့ပေ။ ကောင်ကလေး တွေးနေသည့်အရာအား မသိသော်လည်း နှင်းကျားသစ်လေး၏ နားရွက်များ နီလာသည်။

နှင်းကျားသစ်လေးက မလွယ်ကူစွာ အကြည့်လွှဲလိုက်ရပြီး ပျော်ရွှင်သည့်အကြည့်တစ်ချက်အား မဖုံးကွယ်နိုင်ခဲ့ပေ။

ကုယွီမြန် : ဘာဖြစ်တာလဲ...

ဤညနေခင်းတွင် နှင်းကျားသစ်လေးက စိတ်ကောင်းဝင်နေသည့်ပုံပေါ်သည်။ ယခင်က မြေခွေးလေးနှင့် ပန်ဒါလေး ကုယွီမြန်ထံကပ်သောအခါ သူတို့၏ခေါင်းအားချက်ချင်းတွန်းပစ်လိမ့်မည်ဖြစ်သော်လည်း ယခင်ကကဲ့သို့ မတွန့်တိုတော့ချေ။

[အလှကုန်တွေကို လွှင့်ပစ်မယ် : မြန်မြန်က တကယ်

ရေသူထီးလေးတစ်ကောင်နဲ့တူတယ်... ပုဝါလေးနဲ့ ကောင်းကောင်းလိုက်တယ်...]

[အုန်းပင် :တင်ဆက်သူရေ ငါတော့ ထွမ်ထွမ်ရဲ့စိတ်နေသဘောထားက ပြောင်းလဲနေတယ်လို့ထင်တယ်...အရင်တုန်းကဆိုရင် တခြားကလေးတွေကိုကြည့်တဲ့ သူ့မျက်လုံးတွေက ချဥ်စူးနေတာ... အခုတလောတော့ ချဉ်စူးနေရာကနေ တစ်ခါတစ်လေကျ အတင်းဖိအားပေးပြီး လက်ခံလိုက်ရတဲ့ပုံမျိုး ဖြစ်နေတယ်…]

[ ရေခဲတုံး : ဟုတ်တယ် ထွမ်ထွမ်က ယွမ်ယွမ်ကိုကြည့်တဲ့အခါ သူ့မျက်လုံးတွေက မိထွေးနဲ့တူတယ်လို့ ငါလည်း

ခံစားရတယ်...သူ့ပုံစံက သူရဲ့ယောကျာ်းက သူနဲ့သွေးသားမတော်စပ်တဲ့ လင်ပါသားကိုခေါ်လာသလိုပဲ...သူက ကြမ်းတမ်းမှုနဲ့ သဝန်တိုမှုကြား ကူးသန်း‌နေတယ်...]

ယခုအချိန်တွင် ကုယွီမြန်က မှတ်ချက်မျက်နှာပြင်အားကြည့်ပြီး သဲလွန်စ ဖမ်းမိသွားသည်။ ကံမကောင်းစွာဖြင့် သူ့တွင်အခွင့်အရေးမရှိခဲ့ပေ။ ကြည့်ရှုသူအများအပြားနှင့်မှန်ချက်များပြည့်နေသည်မှာ အံ့အားသင့်စရာမဟုတ်၍ ကောင်းကင်မှ မှတ်ချက်များစွာက ပျောက်ကွယ်သွားသည်။

ကုယွီမြန်နှင့်ကလေးများက လိပ်၏ကျောပေါ်တွင်

ထိုင်နေကြသည်။ လိပ်ကြီးက သူတို့အား နဂါးအရိုးစုနှင့်လုပ်ထားသော တံတားအောက်သို့ခေါ်သွားပြီး မြို့တော်၏အလယ်သို့ ခေါ်သွားပေးသည်။

"ဟဲလို..."

ကုယွီမြန် ပူဖောင်းများထုတ်ပြီး ကလေးများ၏လက်ဖဝါးလေးအားကိုင်ကာ ငါးလေးများကို ဖော်ရွေစွာနှုတ်ဆက်ခဲ့သည်။

သေးငယ်ပြီး ပမာဏများပြားသော စာသင်ကျောင်းငါးလေးများက ကူးခတ်နေသည်။ ၎င်းတို့က လှပပြီး အရောင်အသွေးစုံလင်လှသည်။ ဤငါးများက ပင်လယ်ရေအောက်မြို့တော်တွင် နေထိုင်သူများဖြစ်သည်။ ရံဖန်ရံခါတွင်ရေသူမများ၊ ကြယ်ငါးများနှင့် အခြားရေနေသတ္တဝါများရှိသည်။ ရေသူမများက သူတို့၏ခေါင်းများကိုညွှတ်ကာ ကုယွီမြန်အား အရိုအသေပေးကြသည်။ ကုယွီမြန် မူလက သူ၏ဦးခေါင်းမှ သရဖူကြောင့်ဟုထင်ခဲ့သော်လည်း ထိုကဲ့သို့တိကျစွာ မခံစားမိပေ။

ရေသူမနှင့် နဂါးကြီးအတွဲက သိသာစွာပင် ဤရေအောက်မြို့တော်၌ ကွဲပြားသော အဆင့်အတန်းတစ်ခုရှိလိမ့်မည်မှာ သေချာပေါက်ပင်။ သူတို့က စိတ်ကူးယဥ်မြို့တော်ရုပ်ရှင်များထဲရှိ အဓိက ဇာတ်ကောင်များမှတစ်ယောက် ဖြစ်သည်။

ကံကောင်းထောက်မစွာဖြင့် ရေဖိအား အကျိုးသက်ရောက်မှုကို စက်ကိရိယာဖြင့် နှိမ့်ချထားသည်။ သို့မဟုတ်လျှင် သူတို့၏အတွင်းအင်္ဂါများ ကြေမွသွားလိမ့်မည်ဖြစ်သည်။ သူတို့က ရေထဲတွင် ခံနိုင်ရည်ရှိမှုနှင့် ရေထဲမှခံစားချက်အားအစပိုင်းတွင် ကျင့်သားမရခဲ့သော်လည်း တဖြည်းဖြည်း နေသားကျသွားသောအခါ ပျော်စရာကောင်းသည်ဟု ခံစားလာရသည်။

ထန်ယွမ်လေးက မြေခွေးလေး၏လက်ဖဝါးလေးအားကိုင်ကာ သူ့အား "ပျံသန်းခွင့်"ပေးလိုက်သည်။ မြေခွေးလေး၏အမွေးဖွာဖွာ အမြှီးကြီးက ရေထဲတွင် ပြန့်ကားသွားပြီး တောင်ပံနှင့်အနည်းငယ်တူသည်။

ဟက်စကီးလေးက ယခုထပ်ပို၍ မပျော်နိုင်တော့ပေ။ ယနေ့ သူက နဂါးတစ်ကောင်အဖြစ် ပျံသန်းခြင်း၏အိပ်မက်အား ပထမဆုံး လက်တွေ့အကောင်အထည်ဖော်ပြီးနောက်

ငါးတစ်ကောင်ဖြစ်လာခြင်းနှင့် ရေကူးခြင်း၏အိပ်မက်အား လက်တွေ့အကောင်ထည်ဖော်နိုင်ခဲ့သည်။ သူက ကုယွီမြန်၏လက်မောင်းအားမှီကာ ပျော်ရွှင်စွာလျှာဖြင့်လျက်လိုက်သည်။

"ဒီမြို့တော်က နည်းနည်း အဆင်မပြေဘူးလို့ ထင်လား... ထားပါတော့ ဘာမှမဟုတ်တော့ဘူး…"

မြို့တော်၏အလယ်ဗဟိုနှင့် ပိုနီးလာလေလေ ကုယွီမြန်က ထိုသို့ သန်မာစွာခံစားရလေလေပင်။ ဤရေအောက်မြို့တော်၏ဗိသုကာပုံစံက စိတ်ကူးယဥ်မြို့တော်နှင့် မကွာခြားလှချေ။ စိတ်ကူးယဥ်မြို့တော်က နတ်သမီးပုံပြင်ပုံစံဖြစ်သော်လည်း ရေအောက်မြို့တော်က သိသာထင်ရှားစွာ ပို၍ခေတ်မှီသည်။

နီယွန်ဆိုင်းဘုတ်များ ၊စီးပွားရေးလမ်းမများ၊ ဝေလငါးဘတ်စ်ကားပေါ်တွင် ထိုင်နေသော ရေသူမလေးတစ်ဦးကသူမ၏အမြီးပေါ်တွင် အလှဆင်ထားသော အကြေးခွံအသစ်များကိုကြည့်ကာ နှုတ်ခမ်းနီဆိုးရင်း စကားပြောနေသည်။

၎င်းက သူနှစ်ပေါင်း၂၀ကျော်နေထိုင်ခဲ့သည့် ရှေးဟောင်းကမ္ဘာနှင့် ပို၍တူပြီး ကုယွီမြန်အား အလွန်ရင်းနှီးသည့်ခံစားချက်အားပေးနေသည်။

[ဗီဗီယန် : ဟုတ်တယ်...အပြင်အဆင်တွေက ပိုပြီးရိုးရှင်းတယ်... ရှေးဟောင်းကမ္ဘာရဲ့ ဗိသုကာစတိုင်နဲ့လည်း နည်းနည်းတူတယ်...အရမ်းအသက်ဝင်တယ်... ငါက ဗိသုကာပညာကို လေ့လာနေတဲ့အတွက် အရမ်းစိတ်ဝင်စားဖို့ကောင်းတယ်လို့ထင်တယ်...ငါ မကြာသေးခင်ကရှေးဟောင်းကမ္ဘာရဲ့ ဗိသုကာပညာသမိုင်းကို သင်ယူနေတာ ...]

[ကြောင်လေးရဲ့မြောင် : ငါ့မိသားစုထဲက လူတချို့ကလည်း အဲ့ဒါကိုသင်နေတာ... ငါမြင်ဖူးတဲ့ ရှေးဟောင်းကမ္ဘာရဲ့ပြန်လည်ရရှိထားတဲ့ပုံတွေကို တွေးကြည့်ပြီး အခုမြင်နေရတာနဲ့ယှဥ်ကြည့်တဲ့အခါ သူတို့အတွက် အရမ်းစိတ်မကောင်းဖြစ်မိတာပဲTvT]

ရှေးခေတ်ကမ္ဘာ၏ နှစ်ဆယ့်တစ်ရာစုက နောက်ဆုံး ပဋိပက္ခများ၊ စစ်ပွဲများနှင့်အခြားအရာများ ဖြစ်ပွားခဲ့သည့်အချိန်ဖြစ်သောကြောင့်ပင် ဖြစ်သည်။ ကုယွီမြန်က ထိုအချိန်တွင် နေထိုင်ခဲ့ပြီး ကြယ်တာရာများ အကြားတွင် ၎င်းအား"ကမ္ဘာပျက်သောနေ့" ဟုလည်း ခေါ်ကြသည်။

ကုယွီမြန် တစ်ခဏမျှ မိန်းမောတွေဝေနေခဲ့သည်။

"ရှေးဟောင်းကမ္ဘာက အခုဘယ်လိုအခြေအနေလဲ..."

နှစ်ပေါင်းများစွာ ကြာပြီးနောက် လှပသောအပြာရောင်ဂြိုလ်က အကြိမ်ပေါင်းများစွာ လှည့်ပတ်သွားခဲ့သည့်ပုံပေါ်သည်။

အစပိုင်းတွင် ပတ်ဝန်းကျင်က မနေထိုင်နိုင်လောက်အောင် ပျက်စီးယိုယွင်းလာခဲ့သည်။ ကြယ်တာရာခေတ်စတင်ပြီးနောက်တွင် ကြယ်တာရာခေတ်နေထိုင်သူများက သတ္တုတူးဖော်ခြင်းနှင့် မိခင်ကြယ်အား ပြန်လည်တည်ဆောက်ရန်

အချိန်အတော်ကြာခဲ့သည်။ ယခုအခါ သတ္တုတူးဖော်ရန်အတွက်အနည်းငယ်သောတပ်ဖွဲ့ဝင်များသာ ထို‌‌နေရာတွင်တပ်စွဲထားသည်။

သတ္တုတွင်းလုပ်ငန်းကို အလွန်လျှို့ဝှက်ထားခဲ့သည်။ ကုယွီမြန် ယခင်က သိပ္ပံအကယ်ဒမီနှင့် အဆက်အစပ်ရှိခဲ့သော်လည်း အတိမ်ဆုံးအပိုင်းနှင့်သာ ဖြစ်သည်။

အလွန်ဆူညံတတ်သော ထန်ယွမ်လေးက ယခုအခါ တိတ်ဆိတ်နေပြီး ကုယွီမြန်၏လက်မောင်းအားကျော်ကာ သူ့လက်ချောင်းများကို စုပ်နေခဲ့သည်။ သူက ရေအောက်မြို့တော်၏ လမ်းများကို တိတ်တဆိတ် ကြည့်နေခဲ့သည်။

အာ့ဟက "ဝူး..ဝူး.." အသံနှစ်ချက် ထုတ်လိုက်သည်။ သူသည်လည်း ကုယွီမြန်၏လက်အားကိုင်ထားသည်။

နှင်းကျားသစ်လေး :"....."

ရှေးဟောင်းကမ္ဘာမှာ ဘာဖြစ်ခဲ့တာလဲ...သူက အဲ့ဒီဂြိုလ်ကိုအရမ်းကြိုက်တာလား... သူဘာလို့ ပြန်ပြီး ဝမ်းနည်းသွားတာလဲ...

သူ၏မျက်လုံးထဲတွင် ၎င်းက အစွန့်ပစ်ခံဂြိုလ်တစ်လုံးသာဖြစ်ပြီး အရေးမပါချေ။ သိသိသာသာပင် သူတို့က သတ္တုတွင်းထဲတွင် တစ်စုံတစ်ခုအား ရှာဖွေတွေ့ရှိခဲ့သော်လည်း ၎င်းသည်လည်း အရေးမကြီးပေ။

ကုယွီမြန်က သူ၏အဆိုးမြင်စိတ်အခြေအနေအား ကလေးများကို ဘယ်သောအခါမှ ထုတ်မပြခဲ့ချေ။ နှင်းကျားသစ်လေးက ကုယွီမြန်မှာ ဤနေရာမှမဟုတ်ကြောင်းသိသော်လည်း သူလာခဲ့သည့်နေရာအားလည်း မခန့်မှန်းနိုင်ချေ။ နှင်းကျားသစ်လေးက ကုယွီမြန်ကို ကြည့်နေခဲ့သည်။ယခုအခိုက်အတန့်တွင် ကုယွီမြန်၏ဝမ်းနည်းနေသည့်အမူအရာအား သူ မနှစ်သက်ချေ။ သူ၏ ရှည်လျားသောအမြှီးက စိုးရိမ်တကြီးနှင့် လှည့်ပတ်နေခဲ့သည်။

သူ လေးလေးနက်နက်နှင့် စတင်စဥ်းစားလာခဲ့သည်။

ငါ အဲ့ဒီအရေးမပါတဲ့ဂြိုလ်ကို ပေးလိုက်ရင် ကုယွီမြန် ပိုပြီးပျော်သွားလောက်လား...

အစပိုင်းတွင် ရှေးဟောင်းကမ္ဘာမြေအား အသုံးချခြင်းက အစိုးရ ဦးဆောင်သည့် လုပ်ဆောင်ချက်တစ်ခုမဟုတ်ပေ။စစ်တပ်နှင့်သိပ္ပံအကယ်ဒမီတို့သည်လည်း မပါဝင်ခဲ့ပေ။ ၎င်းက မိခင်ကြယ်ဖြစ်ခဲ့သော်လည်း ရှေးဟောင်းကမ္ဘာမြေက ကြယ်တာရာခေတ်နေထိုင်သူအများစုအတွက် စစ်ပွဲ၊ အရင်းအမြစ်များ ပြတ်လပ်မှု၊အစာရေစာ ခေါင်းပါးမှုနှင့်ဆင်းရဲဒုက္ခများကြောင့် လှပသော အမှတ်တရနည်းခဲ့သည်။

သူတို့ထွက်သွားသောအခါ လိုအပ်သည့်အရာအားလုံး ယူခဲ့သည့်အတွက် ပြန်သွားရန်မလိုအပ်ပေ။ အစပိုင်း ဖွံ့ဖြိုးရေးနှင့် သုတေသန ရန်ပုံငွေများကိုလည်း တော်ဝင်မိသားစုနှင့် ပန်ဒါ ကောမိသားစုတို့မှ ရရှိသည်။

ထိုသို့ပြုလုပ်ရခြင်းမှာ ပန်ဒါ ကောမိသားစုတွင် သူတို့၏ကိုယ်ပိုင်အကြောင်းပြချက်များရှိသောကြောင့်ပင်။ တော်ဝင်မိသားစုမှာ ထိုအချိန်က ရှို့ဟန် ပျင်းရိနေသောကြောင့်ဖြစ်ပြီး အစိုးရအဖွဲ့အကြီးအကဲများကို မပျော်မရွှင်ဖြစ်စေသည့်အရာများလုပ်ရခြင်းက သူ့အားအထူးပျော်ရွှင်စေသောကြောင့် ဖြစ်သည်။

-----

သူတို့က မြို့လယ်ကောင်ဧရိယာအားဖြတ်၍ ဧရာမနဂါးကြီး အရိုးစု၏ ကျောရိုးတစ်လျှောက် လိပ်ကို စီးလာခဲ့ကြပြီး သက်ဝင်လှုပ်ရှားနေသော ချိုင့်ကြီးအားဖြတ်၍သွားလာကြသည်။ ဦးတည်သည့်နေရာ ရောက်သောအခါ နှင်းကျားသစ်လေးက ကုယွီမြန်အား ရှေးဟောင်းကမ္ဘာမြေကိုပေးရန် ဖြစ်နိုင်ချေများ တွေးပြီးနေပြီဖြစ်သည်။

"ထွမ်ထွမ်က ဘာတွေစဥ်းစားနေတာလဲ..."

ကုယွီမြန်က နှင်းကျားသစ်လေး၏မျက်နှာလေးအား ဖျစ်ညှစ်လိုက်သည်။ လမ်းတစ်လျှောက်တွင် ကောင်ဆိုးလေး၏အမူအရာမှာ အလွန်အလေးအနက် ဖြစ်နေခဲ့သည်။

နှင်းကျားသစ်လေး၏ နားရွက်လေးများက အနည်းငယ် နီရဲနေသည်။ သူက မာနကြီးစွာဖြင့် အကြည့်မလွှဲခဲ့ပေ။သူ၏လက်ဖဝါးလေးက လက်ပတ်ကွန်ပျူတာပေါ်မှ ပုံတစ်ခုအား ညွှန်ပြလိုက်သည်။ သူ ကုယွီမြန်အား တစ်ချက်ကြည့်လိုက်ပြီး မေးလေးကို အလင်းမျက်နှာပြင်သို့ ပင့်ပြကာ ကုယွီမြန်လိုချင်သည့်တစ်ခုအား သူသိချင်သည်ဟု

ဆိုလိုသည်။

၎င်းက ဆိုလာစနစ်၏ပုံကြမ်းဖြစ်သည်။ ကုယွီမြန် သေချာမသိပေ။

ကလေးတွေရဲ့ပဟေဠိဆက်ဂိမ်း အမျိုးအစားလား...

သူက ကြယ်များကို အတန်းလိုက် အတူတကွဆွဲလိုက်သည်။

နှင်းကျားသစ်လေးက ကုယွီမြန်လုပ်ထားသည့် မျဥ်းကြောင်းအား ပေါ့ပေါ့ပါးပါးတစ်ချက်ကြည့်လိုက်သည်။ ကုယွီမြန်က ထွေထွေထူးထူး ဘာအမူအရာမှမပြခဲ့ပေ။ သူက အလင်းမျက်နှာပြင်အား ဘေးသို့ထားလိုက်သည်။

ရှေးခေတ်ဆိုလာစနစ်တစ်ခုလုံး၏ ပိုင်ဆိုင်မှုက ကုယွီမြန်၏နာမည်အောက်တွင် ရှိနေကြောင်း တစ်နေ့ရှာတွေ့လိမ့်မည်ဖြစ်သော်လည်း ယခုအချိန်တွင် သူ မခန့်မှန်းမိခဲ့ပေ။

ထန်ယွမ်လေးက သူတို့ ကစားနေသည့်အရာကို သိချင်နေခဲ့သည်။ သူက ခေါင်းငုံ့ပြီး ကြယ်များကို ချိတ်ဆက်ချင်ခဲ့သည်။ သို့သော် နှင်းကျားသစ်၏ လက်ဖဝါးလေးများက သူ့အားပိတ်ဆို့ထားသည်။

ကုယွီမြန်က ကလေးများကို ချစ်မြတ်နိုးပြီး မရယ်ဘဲ မနေနိုင်ခဲ့ချေ။ နှင်းကျားသစ်လေး၏ လေးနက်သောအမူအရာက နောက်ဆုံးပြေလျော့သွားသော်လည်း မကြာမီတွင် တစ်ဖန်ပြန်၍ မပျော်မရွှင် ဖြစ်သွားသည်။ ထန်ယွမ်လေးမှာ ချစ်စရာကောင်းသည်ဟု သူ လုံးဝမထင်ချေ။ ကုယွီမြန်၏ပုံစံကိုကြည့်ပြီး သူ ဝမ်းနည်းလာသည်။

[ရှဲလဲ့ တိုက်ရိုင်ထုတ်လွှင့်မှု : မြန်မြန် အခု စိတ်အခြေအနေ ကောင်းသွားပြီလား …]

[ကြောင်လေးရဲ့မြောင် : ပြုံးလိုက်ပါ... ဝမ်းနည်းစရာတွေရှိရင် ငါတို့ကိုပြောပြလို့ရတယ်...]

အချိန်အများစုတွင် ကုယွီမြန်၏စိတ်ခံစားချက်မှာ

မသိသာတတ်ပေ။ မမျှော်လင့်စွာဖြင့် ကြည့်ရှုသူအများစုက သတိထားမိသွားပြီး သူ့အကြောင်း အလွန်ဂရုစိုက်လာကြသည်။ ကုယွီမြန် လှုပ်လှုပ်ရှားရှားဖြစ်သွားပြီး ရှက်ရွံ့သွားသည်။

"ကျေးဇူးတင်ပါတယ်..."

လမ်းတစ်လျှောက်တွင် ကုယွီမြန်၏ ကနဦးဝမ်းနည်းမှုအား ဖယ်ထုတ်နိုင်ခဲ့သည်မှာ ကြာပြီဖြစ်သည်။

ပင်လယ်ရေထဲတွင် သန္တာကျောက်တန်းများက နီယွန်မီးများကဲ့သို့ရှိနေပြီး မီးအိမ်ငါးများက ဖြေးညင်းစွာကူးခတ်လျက်ရှိကာ ရေစီးကြောင်း ကျဥ်းကျဥ်းလေးတွင် ဝေလငါးကြီးများ ကူးခတ်နေသည်။ ရေသူမများက အလွန်ဖော်ရွေကာ အမျိုးသား၊အမျိုးသမီး၊ကလေး သို့မဟုတ် လူကြီးဖြစ်စေ သူတို့အပေါ် အားလုံးနွေးထွေးကြသည်။ ကုယွီမြန်က ပုလဲကုံးများစွာသိမ်းဆည်းထားရန် တွန်းအားပေးခံရသည်။

ကလေးများက လမ်းတစ်လျှောက်လုံး အော်ဟစ်နေခဲ့ကြသည်။ သူတို့အားစိုက်ကြည့်နေသော စိုစိုစွတ်စွတ်မျက်လုံးများစွာမှာ ကြီးမားပြီး လုံးဝန်းသည်။ အသစ်အဆန်းတစ်ခုအားမြင်ရသောအခါ ထန်ယွမ်လေး၊ မြေခွေးလေးနှင့်

ဟက်စကီးလေးတို့က ကုယွီမြန်၏လက်ဖဝါးအား သူ တို့၏လက်သည်းလေးများဖြင့်ဖိတတ်သည်။ ၎င်းတို့ကို ကုယွီမြန် မမြင်လိုက်ရမည်စိုး၍ ထိုသို့လုပ်ခြင်းပင်။

အလွန်အိုမင်းနေသော လိပ်ကြီးက ရေဒီယိုအားဖွင့်ပြီး နောက်ဆုံးပေါ် ကျော်ကြားခဲ့သော သီချင်းအားဖွင့်လိုက်သည်။ ကြည့်ရှုသူများ၏အဆိုအရ ၎င်းမှာ အဆိုတော်ကြယ်ပွင့် ကီဗူလုလု၏ သီချင်းဖြစ်ပုံရသည်။ ထိုဆံပင်ပန်းရောင်နှင့် ကြယ်ပွင့်အသစ်လေးက ဤရေလူသားများကြားတွင် အလွန်ကျော်ကြားသည်ဟု ပြောကြသည်။ သူ့တွင် ဖေဖေ မေမေ ပရိသတ်များစွာရှိသည်။

🐯🐯🐯

Prev Next