MM Story Teller

Chapter 125

Viewers 19k

🐯Chapter 125

ဤနှစ်များတစ်လျှောက်လုံးတွင် ဘယ်ရီပွဲတော်က

အကြိမ်ပေါင်းများစွာ ကျင်းပခဲ့ပြီး ကမ္ဘာလှည့်ခရီးသွား သန်းပေါင်းများစွာ ပါဝင်ခဲ့ကြသော်လည်း ၎င်းတို့ထဲမှ တစ်ဦးတစ်ယောက်မှပင် လျှို့ဝှက်ဇာတ်ကြောင်းအား မဖော်ထုတ်နိုင်ခဲ့ပေ။

အကြောင်းအရင်းမှာ ဘယ်ရီပွဲတော်တွင် မှင်စာမလေးများ လက်ဆောင်ပေးသည့်ဘယ်ရီသီးလေးများ ရရန်လိုအပ်ပြီး၊ဘယ်ရီပွဲတော်နှင့် ပတ်သတ်သည့် အရသာရှိသောအစားအစာချက်ပြုတ်ရန်၊ အရက်ပါဝင်မှုအမြင့်ဆုံး ဘယ်ရီဝိုင်တစ်ခွက်လုံးအားသောက်ပြီး မီးပုံပွဲတွင်နမ်းရန် လိုအပ်သောကြောင့်ဖြစ်သည်။

အားလုံးခြုံကြည့်လျှင် တစ်စုံတစ်ယောက်က ပွဲတော်ထဲတွင် တစ်စိတ်တစ်ပိုင်းပါဝင်လျှင် အခြေအနေအားလုံးအား တွေ့ဆုံရန်လိုအပ်သည်။

လက်ရှိ ကုယွီမြန်က ထိုအကြောင်းကိုမသိပေ။

"ဘယ်ရီပွဲတော်အတွင်းမှာ အခြေအနေတွေအားလုံး

လုပ်ပြီးသွားပြီ..."

"ဂုဏ်ယူပါတယ်..ရေသူမနဲ့နဂါးကြီးရဲ့ လျှို့ဝှက်ဇာတ်ကြောင်းပွင့်သွားပါပြီ : ပင်လယ်..."

မကြာသေးမီက ကိစ္စရပ်များက ကောင်းမွန်စွာ လည်ပတ်နိုင်ခြင်း မရှိခဲ့ပေ။ နဂါး၏ကျောပြင်ပေါ်တွင်ထိုင်ကာလေတိုက်နေစဥ်တွင် ကုယွီမြန် နံရိုးကင်စားပြီးနောက် ကျန်ခဲ့သောအမှိုက်များကို ကောက်ယူလိုက်ရာတွင် ၎င်းကိုစဉ်းစားခဲ့သည်။

သို့သော် လူသစ်ပြိုင်ပွဲမှ အမှုဆောင်များက

ထိုသို့မထင်ပေ။ ကုယွီမြန်က လူကြည့်အများဆုံးတင်ဆက်သူဟု ဆိုနိုင်ပြီး သူ့ကိုယ်ပိုင်ခွန်အားကြောင့် လူသစ်ပြိုင်ပွဲကိုကြည့်ရှုသူအားလုံး၏ 90% က ထောက်ခံအားပေးကြခြင်းဖြစ်သည်။

ညရှစ်နာရီ ရှိပြီဖြစ်သည်။ လူသစ်ပြိုင်ပွဲဧရိယာတစ်ခုလုံး၏

အွန်လိုင်းကြည့်ရှုသူစုစုပေါင်းက တစ်ဘီလီယံကျော် ရှိနေသည်။ အခြားတင်ဆက်သူခုနစ်ယောက်သည်လည်း လူသစ်တင်ဆက်သူများကြား ထိပ်တန်းအဆင့်၌ရှိနေပြီးဖြစ်သည်။

သို့သော် ကြည့်ရှုသူ တစ်ဘီလီယံတွင် ကုယွီမြန်

တစ်ယောက်တည်းပင် သန်း၈၀၀( ၈၀၀မီလီယံ ) ရရှိထားခြင်းဖြစ်သည်။

ပင်လယ်စာထမင်းကြော်လုပ်ကတည်းက ကြည့်ရှုသူများက အံ့အားသင့်ဖွယ်အရှိန်ဖြင့် တိုးလာခဲ့ပြီး ညဈေးနှင့် ဆပ်ကပ်ပွဲ၊ မီးပုံပွဲနှင့် လျှို့ဝှက်ဇာတ်ကြောင်းများတွင် သိသိသာသာ ပိုတိုးလာခဲ့သည်။

ကုယွီမြန် ကိုယ်တိုင်က ယခုအချိန်တွင် လျှို့ဝှက်ဇာတ်ကြောင်းအား မကြုံတွေ့ချင်သော်လည်း လျှို့ဝှက်ဇာတ်ကြောင်း၏ နောက်ဆက်တွဲ အချက်က ကြည့်ရှုသူအများအပြားကို ဧကန်မုချ အံ့သြသွားစေနိုင်သည်မှာ

သေချာပေါက်ပင်။

ကိုယ်ပိုင် ဘလော့အသေးစား၏ ရှာဖွေမှုအများဆုံးစာရင်းတွင် ကုယွီမြန်နှင့်ပတ်သတ်သည့် ခေါင်းစဥ်များက မြင့်တက်နေပြီး ခေါင်းစဥ်များအား သာမန်မျက်လုံးဖြင့်ပင်

မြင်နိုင်အောင် လုပ်နေသည်။

ပြိုင်ပွဲနောက်ဆုံးညမှာပင် ဖော်ထုတ်မှုအများအပြားရှိနေသည်။

[ဗီဗီယန် : လျှို့ဝှက်ဇာတ်ကြောင်းနာမည်က

"ပင်လယ်"တဲ့...]

[ကျား : ငါချို့ယွင်းချက်တစ်ခုရှာတွေ့ခဲ့တယ်... စိတ်ကူးယဥ််မြို့တော်ရဲ့ မြေပုံမှာ ဘာပင်လယ်မှ မရှိဘူးမလား..]

[မတ်ရှ်မယ်လိုစားရတာကြိုက်တယ် :အားးး...အဲဒါက အရေးမကြီးဘူး...အမေရေ... သမီးရဲ့ပစ္စည်းတွေဘယ်မှာလဲ... သရဖူလေးနဲ့မြန်မြန်က အရမ်းကြည့်ကောင်းတယ်..

ငါချစ်မိနေပြီ ငါချစ်မိနေပြီ ငါချစ်မိနေပြီလို့...]

[ဖေးကျိုက် မပျော်ပါ : ငါအံ့အားသင့်သွားရတယ်... ငါအခုပဲ ဆံပင်ကိုဆွဲနှုတ်မိသွားပြီ မကောင်းတော့ဘူး… ဒါကအံ့ဖွယ်ဖြစ်ရပ်တစ်ခုပဲ... မြန်မြန်က ကမ္ဘာတစ်ပတ်လှည့်သွားနေပြီ...ကောင်းလိုက်တာ..]

မည်သည့်အချိန်တွင်မဆို ကုယွီမြန်၏ ပရိသတ်များက သန််မာသော တည်ရှိမှုတစ်ခုရှိသည်။

ရေသူမလေးက သရဖူအသေးလေးအား မည်သည့်နေရာမှရှာတွေ့ခဲ့ကြောင်း မသိချေ။ သူမက ကုယွီမြန်ပေါ်တွင် တဘက်ပုဝါတစ်ထည်လည်း တင်ပေးထားသည်။ သရဖူအားဝတ်ဆင်ထားသောကြောင့် သူက ကြောင်နားရွက်အား မဝတ်နိုင်တော့ဘဲ ချွတ်ပစ်လိုက်ရသည်။

ကြည်လင်သော ပုဝါလေးက လရောင်ထဲတွင် တောက်ပနေပြီး ကြောင်နားရွက်များမှာလည်း သရဖူသို့ပြောင်းလဲသွားသည်။ ကုယွီမြန်က ချက်ချင်း ပို၍နွေထွေးကာ ပို၍ချောမောပြီး ဂုဏ်သိက္ခာရှိလာသည်။

သူ့ကို ရာဇာပလ္လင်ဆီခေါ်သွားတာလား...

ကုယွီမြန် သရဖူအား ကိုင်ကြည့်ပြီးနောက် ထိုအကြောင်း မတွေးမိဘဲမနေနိုင်ပေ။ ရေသူမလေးက ပြုံးနေပြီး စကားမဆိုခဲ့ချေ။ နှင်းကျားသစ်လေး၏ အေးစက်သော မျက်လုံးများအောက်တွင် သူမက ရဲရင့်စွာလက်ဆန့်ပြီး ကုယွီမြန်၏ သရဖူအားတည့်မတ်ရန် ကူညီပေးခဲ့သည်။

ထို့နောက် သူမ၏ရေယက်အားလှုပ်ကာ ဘေးသို့ ခုန်ချသွားသည်။

သူတို့နှင့် မြေပြင်ကြားတွင် မီတာတစ်သောင်းခန့်ရှိသည်။ကုယွီမြန်နှင့်ထန်ယွမ်လေး ထိတ်လန့်သွားသည်။ သူတို့က သူမအား နောက်သို့ပြန်ဆွဲရန် လှမ်းလိုက်ကြသည်။ သို့သော် ရေသူမလေးက သူတို့အား လက်ဝှေ့ယမ်းပြပြီး လေထဲတွင် ပျံဝဲကာ လရောင်အားဆင်မြန်း၍ ဧရာမနဂါးကြီး၏နားထဲသို့ တစ်စုံတစ်ခုအားတီးတိုးပြောလိုက်သည်။

ကုယွီမြန် :"....."

သူက ပျံနိုင်တယ်လား... မိန်းမလူစွမ်းကောင်းတွေ တကယ်ပေါတာပဲ..

"ငါတို့ဘယ်ကိုသွားနေတာလဲ...ကောင်းကင်မြို့တော်လည်း မဟုတ်လောက်ဘူး..."

ကုယွီမြန် မစဥ်းစားဘဲမနေနိုင်ချေ။

စိတ်ကူးယဥ်မြို့တော်က အစစ်အမှန် တည်ရှိမှုအတိုင်းသွားခဲ့သည်။ ယခင်ညစာစားပွဲမှာ ပြီးဆုံးသွားပြီဖြစ်သည်။ လျှို့ဝှက်ဇာတ်ကြောင်းတစ်ခုတွင် အခြားတစ်ခုအား ဆုပ်ကိုင်ထားရန် မဖြစ်နိုင်ပေ။

ကောင်းကင်မြို့တော်ညစာစားပွဲဖြစ်စေ၊ ဘယ်ရီပွဲတော်ဖြစ်စေ ၎င်းက အဓိကအပိုင်းမဟုတ်ဘဲ လျှို့ဝှက်ဇာတ်ကြောင်း၏ "ကြိုတင်ကြံစည်မှု" ဖြစ်နိုင်သည်။ မတူညီသောလမ်းများက တူညီသောရလဒ်အား ဦးတည်နေသည်။

မကြာမီတွင် ကုယွီမြန်၏ မှန်းဆချက်အား အတည်ပြုခဲ့သည်။

သူတို့က ကောင်းကင်မြို့တော်နှင့်တူညီသည့် အမြင့်ထိ ပျံသန်းခဲ့ကြသည်။ သူတို့က ကောင်းကင်မြို့တော်အားလှည့်ပတ်နေပြီး ထိုနေရာတွင်နေထိုင်သည့် လူများသည် သူတို့အား တစ်ယောက်ပြီး တစ်ယောက် ကြည့်နေကြသည်။ ဤအမြင့်တွင် သူတို့၏အောက်ခြေမှ မြင်ကွင်းအားမမြင်နိုင်ပေ။ မျှော်လင့်ထားသည့်အတိုင်း နဂါးကြီးက ကောင်းကင်မြို့တော်တွင်မနေခဲ့ပေ။ ပတ်လည် လှည့်ပတ်ပြီးနောက် သူ့တောင်ပံများကို လျင်မြန်စွာ နှိမ့်ပြီး

မီတာ တစ်သောင်းမှ ထိုးဆင်းသွားသည်။

ကမ္ဘာမြေကြီးနှင့် လျင်မြန်စွာ နီးကပ်လာခဲ့သည်။

"ဘုရားရေ..."

ကုယွီမြန် နဂါးကြီးအား အကြိမ်ပေါင်းများစွာ စီးဖူးသော်လည်း ယခုအကြိမ်က ပထမဆုံး လျင်မြန်စွာ ထွက်သွားခြင်းဖြစ်သည်။ ကုယွီမြန် မကြောက်သော်လည်း သူ၏နှလုံးက အလွန်လျင်မြန်စွာ ပူလာသည်။ သူက အမြင့်ခုန်ခြင်းနှင့် လေထီးခုန်ခြင်းစသည့် ခံစားချက်မျိုးခံစားရသည်။ အကာအကွယ်များပါရှိသော အမြင့်မှခုန်ချခြင်းနှင့် မတူဘဲ ကြယ်တာယာခေတ်ရှိ အကာအကွယ်စီမံချက်များက အကျိုးသက်ရောက်မှုရှိပြီး မမြင်နိုင်ပေ။

ဥပမာအားဖြင့် ယခုအချိန်တွင် မမြင်နိုင်သော ကိရိယာမှ သူတို့အား အောက်ဆီဂျင်ထောက်ပံ့ပေးနေသည်။ သို့မဟုတ်လျှင် သူတို့ မူးမေ့သွားနိုင်သည်။

အပျော်မက်သော ထန်ယွမ်လေးက ၎င်းအားသည်းမခံနိုင်ပေ။ မြေခွေးလေးက နေရာတွင် အေးခဲတောင့်တင်းနေပြီး ကုယွီမြန်၏ လက်မောင်းထဲတွင် တဆတ်ဆတ်တုန်နေကာ သူ့အမြီးကြီးကိုသာ အပြင်ဘက်သို့ထုတ်ထားသည်။ ဟက်စကီးလေးကလည်း အလွန်စိတ်လှုပ်ရှားနေသည်။ နှင်းကျားသစ်က ၎င်းအား လုံးဝ မခံစားမိဘဲ သူ၏ကိုယ်ပိုင်အတွေးထဲတွင် ပျောက်ဆုံးနေဆဲဖြစ်သည်။ သူက ကုယွီမြန်အားကြည့်ပြီး အခြားနေရာသို့ကြည့်လိုက်သည်။နောက်ဆုံးတွင် သူ့မျက်လုံးများသည် ကုယွီမြန်ထံသို့သာ

ပြန်ရောက်သွားခဲ့သည်။

[ဟိုင်ကျွီ : အကာအကွယ်တွေကိုမမြင်နိုင်တော့ ငါ့နှလုံးက လည်ချောင်းရောက်နေပြီ... ငါအချိန်မရွေး ပြုတ်ကျသွားလိမ့်မယ်လို့ ခံစားနေရတယ်...]

၎င်းက သန်း ၈၀၀ ကျော်သောကြည့်ရှုသူများ၏ တူညီသောခံစားချက်ပင်ဖြစ်သည်။

ကုယွီမြန်က အခွင့်အရေးရသည်နှင့် မှတ်ချက်မျက်နှာပြင်အားကြည့်လိုက်၍ ၎င်းအားမြင်ခဲ့သည်။

သို့သော် ကြည့်ရှုသူများမှ တစ်စုံတစ်ခုထပ်ပြောလိမ့်မည်ဟု မမျှော်လင့်ခဲ့ချေ။

ဧရာမနဂါးကြီး အောက်သို့ထိုးဆင်းသွားသောအခါ ကုယွီမြန်က အောက်မှမြင်ကွင်းများကို မမြင်နိုင်သေးပေ။ ဧရာနဂါးကြီးက ရုတ်တရက် ရပ်တန့်သွားပြီးနောက် သူ၏အတောင်များကို ခါလိုက်သည်။ သူက ကုယွီမြန်နှင့် ကလေးလေးယောက်အား ပစ်ချလိုက်သည်။

ရေသူမလေးက နဂါးကြီး၏ကျောပေါ်တွင်ထိုင်ပြီးပြုံးကာ အနမ်းများပေးပြီး လက်ပြခဲ့သည်။

ဆိုလိုသည်မှာ ပျော်ရွှင်စရာခရီးတစ်ခုဖြစ်ပါစေဟုပင်...

မြေခွေးလေးက သူ့ကိုယ်သူ အောင်မြင်စွာ စိတ်ညှို့နိုင်ခဲ့ပြီး ငြိမ်းချမ်း၍ စိတ်သက်သာရာရသောအခြေအနေသို့ ဝင်ရောက်သွားသည်။ ထန်ယွမ်လေး၏မျက်နှာက ဖြူဖွေးနေပြီး ဟက်စကီးလေးမှာ သူက နောက်ဆုံးတွင်

ပျံသန်းနည်းအား သင်ယူနိုင်ခဲ့ပြီဟု ထင်နေခဲ့သည်။

ကုယွီမြန် ပြောစရာမရှိအောင်ပင် အံ့အားသင့်သွားခဲ့သည်။

အပန်းဖြေဥယျာဥ်က သူတို့အား သတ်လိမ့်မည်မဟုတ်ကြောင်း သူသိသော်လည်း ကုယွီမြန်၏ နှလုံးခုန်သံမှာ ရပ်တန့်လုနီးပါးပင်။ သူ့တွင် ကလေးလေးယောက်အား လက်မောင်းထဲတွင် ဖက်ထားရန်အချိန်သာ ရှိခဲ့ပြီးနောက်် ဆက်၍ပြုတ်ကျနေသည်။

သူ၏အမြင်အာရုံတွင် ဘာမှမရှိတော့ဘဲ အပြာရောင်များဖြင့်သာ ပြည့်နေသည်။

သူတို့၏အောက်၌ ရေများရှိနေသည်။

၎င်းက စိတ်ကူးယဥ်မြို့တော်မြေပုံတွင် ပေါ်မလာဖူးသည့် ရေ၏ကိုယ်ထည်ဖြစ်သည်။

ကျယ်ပြော၊နက်နဲပြီး အကန့်အသတ် မရှိတောက်ပ သန့်ရှင်းသော လရောင်က ပင်လယ်ပေါ်တွင် ရောင်ပြန်ဟပ်ကာ ဒီရေ၊ လေတို့နှင့်အတူ တက်လိုက်ကျလိုက်ဖြစ်နေသည်။ ၎င်းက စမ်းချောင်းတစ်ခုကဲ့သို့မဟုတ်ဘဲ ရေကန်တစ်ခုထက်ပို၍ ခြောက်ခြားစရာကောင်းသည်။

အသက်ပြင်းပြင်းရှုထားရ၍ သူတို့အဆုတ်ထဲတွင် လေအေးများဖြင့်သာပြည့်နေသည်။

ကုယွီမြန်က ကလေးများအား သူ့ရင်ခွင်ထဲတွင် ဖက်ထားပြီး ညကောင်းကင်မှ ဆက်တိုက် ပြုတ်ကျလာခဲ့သည်။လေတိုးသံနှင့်သူ၏နှလုံးခုန်သံက နားထဲတွင် ပဲ့တင်ထပ်နေခဲ့သည်။

ရှေးခေတ်ကမ္ဘာမှ လေထီးခုန်ခြင်းတစ်ခါမှ မလုပ်ဖူးသည့် သာမန်လူတစ်ယောက်အနေဖြင့် လေထီးပါသည်ဖြစ်စေ မပါသည်ဖြစ်စေ ဤခံစားချက်က အလွန် စိတ်လှုပ်ရှားစရာကောင်းသည်။ ကုယွီမြန် အောက်သို့ငုံ့ကြည့်ပြီး တစ်ခဏမျှ

အံ့အားသင့်ခဲ့ရသည်။ ထို့နောက် သူ့မျက်လုံးများကိုမှိတ်ရန် ကြိုးစားခဲ့ပြီး ကလေးများအားလည်း မျက်လုံးပိတ်ထားရန် ပြောလိုက်သည်။

"မင်းတို့မျက်လုံးတွေပိတ်ထားကြ..."

မြေခွေးလေး၏အသိစိတ်က ဗလာဖြစ်နေသည်မှာ အချိန်အတော်ကြာပြီဖြစ်သည်။ သူ့တွင် ပျံသန်းတော့မည့် ငြိမ်းချမ်းသောအမူအရာလေးတစ်ခု ရှိနေခဲ့သည်။ ထန်ယွမ်လေးနှင့် ဟက်စကီးလေးလည်း အနည်းငယ် ကြောက်လန့်သွားကြသည်။

ကံကောင်းထောက်မစွာဖြင့် ကုယွီမြန်ထံမှ ဖက်ထားခံရပြီးနောက် ကြောက်ရွံ့မှုနှင့် စိတ်မသက်သာဖြစ်မှုများက တဖြည်းဖြည်း သေးငယ်သော ပမာဏအထိ နည်းပါးသွားခဲ့သည်။ ကုယွီမြန်၏ပွေ့ဖက်မှုက လေနှင့်မိုးများအား ကာကွယ်ထားနိုင်လောက်အောင် မကျယ်ဝန်းသော်လည်း နွေးထွေးပြီး ယုံကြည်စိတ်ချရသည်။

နှင်းကျားသစ်လေးက သက်ရောက်မှု လုံးဝမရှိပေ။ ပုံမှန်မဖြစ်သည်အား မပေါ်လွင်စေရန်အတွက် ကုယွီမြန်၏ကုပ်ပိုးအားဖက်ရန် သူ၏ရှေ့ခြေချောင်းလေးများကို သုံးခဲ့သည်။

ပြုတ်ကျလာသည့်အရှိန်က တိုးလာခဲ့ပြီး ပင်လယ်အမြင့်အားရောက်သောအခါမှ တဖြည်းဖြည်းနှေးလာခဲ့သည်။နောက်ဆုံးတွင် သူတို့ ရေထဲသို့ "ပလုံ"ကနဲ ကျသွားကာ

ရေပူပေါင်းတစ်ခု ဖြစ်ပေါ်လာခဲ့သည်။

ကြည့်ရှုသူ သန်း ၈၀၀ ကျော်မှာ အစပိုင်းကတည်းက ထိတ်လန့်ခံရပြီး ယခုအချိန်တွင် စတင်စိတ်ဝင်စားလာကြသည်။

[အခွင့်အရေး : သေစမ်း...တကယ်မိုက်တာပဲ... ဘယ်အပန်းဖြေဥယျာဥ်ကများ ဒါမျိုးလုပ်နိုင်လို့လဲ..]

[အသုံးပြုသူ 182786:အာ ငါစိတ်ကူးယဥ်မြို့တော်ကို သုံး လေး ကြိမ်သွားဖူးပေမယ့် ဒါမျိုးတစ်ခါမှ

မကြုံဖူးဘူး...]

[ရှောက်ခါးသီး ချဥ်ချဥ် 77:ငါ သုံးဖက်မြင်ကိရိယာ

(3Dစက်)ကိုဖြုတ်လိုက်ပြီ... ငါလှဲအိပ်ဖို့လိုအပ်နေပြီ

ငါ့ရဲ့အမူအယာက ချိုးချိုးအတိုင်းပဲ... စိတ်အေးအေးထားပြီး ငါ့ကျန်းမာရေးကို ပြုစုပျိုးထောင်ဖို့လိုတယ်... အရာရာတိုင်း လူတစ်ယောက်ရဲ့ကံကြမ္မာနဲ့ပဲဆိုင်တယ်... တစ်ယောက်အတွက်ကတော့လွယ်မှာပဲ...]

[စူပါ : ရဲရင့်တဲ့ခန့်မှန်းချက်တစ်ခုလုပ်မယ် စိတ်ကူးယဥ်မြို့တော်က ဒီမြေပုံဖွင့်တော့မယ်လို့ ထင်တယ် = u =]

စိတ်ကူးယဥ်မြို့တော်၏ ဇာတ်ကြောင်း အများအပြားက ယခင်ကမ္ဘာ့သစ်ပင်တံလျှပ်ကဲ့သို့ စစ်မှုရေးရာနှင့်ဆေးဘက်ဆိုင်ရာနည်းပညာများအပေါ် အခြေခံထားသည်။ ယခုအချိန်တွင် မမြင်ရသော အကာအကွယ်အစီအမံများက

သက်ရောက်မှုရှိကြောင်း ထင်ရှားသည်။ ကုယွီမြန်နှင့် ကြည့်ရှုသူများမှာ အစစ်အမှန်ဆုံးခံစားချက်အား ကြုံတွေ့ခံစားခဲ့သော်လည်း သူတို့၏နှလုံး၊ အဆုတ်နှင့် ခန္ဓာကိုယ်အစိတ်အပိုင်းများက အရှိန်၊အမြင့်နှင့် အောက်ဆီဂျင်ပြတ်တောက်မှု စသည်တို့ကြောင့် ပျက်စီးခြင်းလည်းမရှိခဲ့ပေ။ထို့ပြင် နှလုံးသည်လည်း ပြင်းထန်စွာမခုန်ခဲ့ပေ။

ရေထဲသို့ ဆယ်စက္ကန့်ကြာ နစ်မြုပ်သွားပြီးနောက် နှင်းကျားသစ်လေးက စိုးရိမ်ပူပန်စွာဖြင့် ကုယွီမြန်၏နဖူးအား လက်ကလေးဖြင့် ရိုက်လိုက်သည်။ အသက်ရှုရန် နှင့် မျက်စိဖွင့်ရန် လိုအပ်ကြောင်း သူနားလည်သွားသည်။

ပြောရန်ထူးဆန်းသည်မှာ သူတို့၏ အရေပြားက ပင်လယ်ရေ၏အထိအတွေ့နှင့် ၎င်း၏သိပ်သည်းမှုမှ ဖိအားများကို ခံစားနိုင်သည်။ သူ၏အဝတ်အစားများက စိုစွတ်ပြီးကပ်စေးနေသော်လည်း သူ ပုံမှန်အတိုင်း အသက်ရှုနိုင်သေးသည်။ သူမျက်လုံးဖွင့်ကြည့်သောအခါတွင်လည်း မနာချေ။

သူ၏အမြင်အာရုံက မှိန်ဝါးဝါးဖြစ်ရာမှ လင်းသွားသည်။

ထန်ယွမ်လေးနှင့်မြေခွေးလေးက သူတို့၏ မျက်လုံးများကို လက်လေးများဖြင့်အုပ်ကာ ကုယွီမြန်၏ ရင်ခွင်ထဲသို့

ကြောက်ရွံ့မှုအနည်းငယ်ဖြင့် ကျုံ့ဝင်သွားသည်။ ယခုအချိန်တွင် သူတို့၏ စူးစမ်းချင်စိတ်အား မထိန်းနိုင်ကြပေ။သူတို့၏လက်ကြား ကွက်လပ်လေးများမှဖြတ်၍ ဂရုတစိုက်ဖြင့် ကြည့်နေကြသည်။

ထန်ယွမ်လေးက သူ့လက်ချောင်းများကို တုံးအအနှင့်စုပ်ပြီးအော်ငိုနေခဲ့သည်။

သူတို့ရှေ့တွင်ရှိသည့် အရာမှာ သူတို့ထင်ထားသည်ထက် ခြားနားသည့် ရေအောက်ကမ္ဘာတစ်ခုဖြစ်သည်။

လိပ်များနှင့် ဝေလငါးများကို ဘတ်စ်ကားများအဖြစ် အသုံးပြုကြပြီး ကြီးကြီးငယ်ငယ်ရေသူများနှင့်ရေနေသတ္တဝါများကို ၎င်းတို့၏နောက်ကျောတွင် သယ်ဆောင်ကာ မြို့ကိုဖြတ်၍ဖြည်းညှင်းစွာ သွားလာကြသည်။ ဤနေရာတွင် တစ်နှစ်ပတ်လုံး အလင်းရောင် မျိုးစုံတောက်ပနေတတ်သည်။ ယနေ့တွင် သူတို့လည်း ပွဲတော်ကျင်းပနေသည်မှာ သိသာထင်ရှားသည်။ အချိန်နှင့်အမျှ မြို့တော်အလယ်တွင် ရောင်စုံမီးရှူးမီးပန်းများ ပေါက်ကွဲထွက်လာကာ ရေထဲတွင် လှိုင်းလုံးကြီးတစ်ခုဖြစ်ပေါ်လာစေသည်။

အကယ်၍ သူတို့ ဂရုတစိုက်ကြည့်လျှင် တစ်မြို့လုံးက ဧရာမနဂါးကြီး၏ အရိုးစုပေါ်တွင် အမှန်တကယ် တည်ရှိနေကြောင်း တွေ့နိုင်လိမ့်မည်။ နံရိုးများက လူနေရပ်ကွက်များဖြစ်ပြီး ကျောရိုးမှအမြှီးရိုးအထိက ရှည်လျားသောတံတားတစ်ခုဖြစ်ကာ အမြင့်ဆုံးအပိုင်းမှာ ရေမျက်နှာပြင်သို့ရောက်ရှိနေသည်။ ယခုအချိန်တွင်သူတို့က နဂါး၏ဦးခေါင်းခွံထိပ်အားနင်းကာ မြို့ကိုအပေါ်မှအောက်ခြေထိ လှမ်းကြည့်သည်။

၎င်းက အသက်အရှည်ဆုံး နဂါးများထဲမှ တစ်ကောင်ဖြစ်နိုင်သည်။ မူလတွင် ကုယွီမြန်က ဧရာမနဂါးကြီးနစ်ခ်မှာ ကြီးမားသည်ဟု ထင်ခဲ့သော်လည်း တစ်မြို့လုံးအားသယ်ဆောင်ထားနိုင်သည့် ဧရာမနဂါးကြီး၏အရိုးစုနှင့် နှိုင်းယှဉ်ကြည့်လျှင် သူက သေးငယ်သွားသည်။

ဤမြို့တော်က တစ်နှစ်ပတ်လုံး ပင်လယ်ရေအောက်အနက်ပိုင်းတွင် တည်ရှိနေပြီး ဘယ်သောအခါမှ မီးမပိတ်ဘဲ နေထိုင်ခဲ့သည်။ ၎င်းက စိတ်ကူးယဥ်မြို့တော်ထက်ပင် ပို၍အသက်ဝင်သည်။Ukiyo-e ပန်းချီအမျိုးအစားနှင့်တူပြီး ပင်လယ်ရေအောက်မြို့တော်ကြီးက အလွန်စည်ပင်ဝပြောပြီး ရှေးကျသည်။ သူ့တွင် ပြောစရာ ပုံပြင်များစွာရှိနေသကဲ့သို့ပင်။

[ T/N - Ukiyo-e artပုံကို အောက်မှာထည့်ပေးထားပါတယ် ]

၎င်းအား ပထမဆုံးအကြိမ်မြင်တွေ့ဖူးခြင်းဖြစ်သည်။

"ကြိုဆိုပါတယ်..."

လိပ်တစ်ကောင်က သူတို့၏ရှေ့တွင်ရပ်ပြီး အလွန်ဖြေးညင်းစွာဖြင့် နှုတ်ဆက်လာသည်။

"မင်းတို့ အဝေးကလာကြတာပဲ..."

အမည်မသိသော ရေအောက်မြို့တော်နှင့် နှစ်လိုဖွယ်ကောင်းသော ကြိုဆိုနှုတ်ဆက်မှုဟု ကုယွီမြန် တွေးလိုက်မိသည်။

ည၌ ပင်လယ်ပြင်တွင် လက တိမ်အလွှာများထဲတွင် ထွန်းလင်းနေဆဲဖြစ်သည်။ အရောင်စုံ၍ စည်ပင်သာယာသောမြို့ကြီး၏ အလင်းရောင်များက ပင်လယ်ထဲတွင် ရောင်ပြန်ဟပ်နေသည်။

ကလေးများ ငြိမ်သက်သွားရသည်။ နှင်းကျားသစ်လေးကကုယွီမြန်၏ပခုံးပေါ်တွင် ဧကရာဇ်တစ်ပါးကဲ့သို့ရပ်နေသည်။

ပင်လယ်ကြမ်းပြင်ပေါ်မှ ဒီရေလှိုင်းများလည်း ရိုက်ခတ်သွား၍ ကုယွီမြန်၏နဖူးနှင့် သူ၏ဆံပင်က လှုပ်ခါသွားသည်။ မြို့တော်၏ပွဲတော်အလင်းများက တစ်ခဏကြာ ထွက်ပေါ်လာပြီး မြို့တော်တစ်ခုလုံးက သူတို့အား ဦးညွတ် နေကြသည်။

တိုက်ရိုက်ထုတ်လွှင့်မှုစနစ်က အလိုလျောက် ဆွဲယူသွားပြီး စက္ကန့်အနည်းငယ်ကြာတွင် တတိယလူရှုထောင့်သို့ ပြောင်းသွားသည်။ မြင်ကွင်းကအလွန်လှပပြီး အလွန်ခမ်းနားသည့်

ခံစားချက်အား ပေးစွမ်းနေသည်။

လူများစွာက မျက်နှာပြင်ရိုက်ကူးမှု(screenshot)

ခလုတ်အား သူတို့၏လက်ချောင်းများ နာလာသည်အထိ နှိပ်မိကြသည်။

တိုက်ရိုက်ထုတ်လွှင့်မှု၏ကျော်ကြားမှုက ဆက်လက်တက်လာပြီး ယခုအချိန်တွင် သာလွန်စွာ မြင့်တက်သွားပြန်သည်။

အွန်လိုင်းကြည့်ရှုသူ သန်း ၈၇၀...

လျှို့ဝှက်ဇာတ်ကြောင်းက အလွန်ကြီးမားသော"ဥ"တစ်ခုဖြစ်နေသည်မှာ အံ့အားသင့်စရာမဟုတ်ပေ။

🐯🐯🐯

Prev Next