MM Story Teller

Chapter 116

Viewers 19k

🐯Chapter 116

ကုယွီမြန်က ဆန်ပြုတ်အား ဇွန်းရှည်ဖြင့်ခပ်ပြီး ကြည့်လိုက်သည်။ နူးညံ့ပြီးအရသာရှိသော ကြက်ရင်ပုံသားက ကျက်ပြီး အနည်းငယ် ရွှေရောင်သန်းလာသည်။ ကန်စွန်းဥကိုလည်း ပျော့အိသည်အထိ ချက်ပြုတ်ထားပြီး ဆန်ပြုတ်ထဲမှဆန်က နူးညံ့ပျော့ပျောင်းသည်။ အိုးထဲတွင် လည်နေသော မျှစ်နုလေးများက လတ်ဆတ်သော မွှေးရနံ့ထွက်နေသည်။

ဟက်စကီးလေးက အိုးအနီးတွင် အသက်ပြင်းပြင်းရှုလိုက်သည်။ သူ၏ပါးစပ်က သွားရည်ကျလုနီးပါး ဖြစ်နေကာ သူက ကုယွီမြန်အားဖက်၍ ဆွဲခေါ်နေသည်။ ထန်ယွမ်လေးက အလွန်တက်ကြွစွာဖြင့် သူ၏ကျောပိုးအိတ်လေးထဲမှ ပန်းကန်လုံးလေးအားထုတ်ပြီး ပန်းကန်လုံးလေးအားကိုင်ကာ စောင့်နေသည်။

နှင်းကျားသစ်လေး၏မျက်လုံးများလည်း ရွေ့လျားသွားသည်။

မြေခွေးလေးမှ သူ့အား ကူညီချင်နေသည်ကို မြင်သောအခါ ကုယွီမြန်ရှက်ရွံ့သွားသည်။ သူက ကောင်ကလေးအားမ၍ ဆန်ပြုတ်အား ဇွန်းရှည်ကြီးဖြင့်မွှေရာတွင် သူ၏လက်ဖဝါးလေးအားကိုင်၍ ကူညီပေးစေသည်။

"ဆန်ပြုတ်က အစာအိမ်အတွက် နည်းနည်းပိုကောင်းတယ်... စောစောက ဘယ်ရီပန်ကိတ်တွေလည်း စားထားလို့ နေ့လည်စာကို ပေါ့ပေါ့ပါးပါးစားတာ ပိုကောင်းတယ်... ဆန်ပြုတ်အပြင် နွေဦးပန်ကိတ်လည်းရှိသေးတယ်..."

အမှန်တွင် နွေဦးပန်ကိတ်သည်မှာ ဂျုံနှင့်ဖုတ်ထားသည့် ပန်ကိတ်ဖြစ်ပြီး စားစရာအမျိုးမျိုးနှင့် တွဲစားကြသည်။ ၎င်းကို တစ်ချိန်တစ်ခါမှ ရှေးခေတ်ကမ္ဘာပေါ်မှ ဖန်တီးခဲ့ပြီး ချောင်ကျိုး၊ ကွမ်းတုန်တွင် ဤကဲ့သို့စားသောက်ကြသည်။၎င်းက လွယ်ကူရိုးရှင်းပြီး အရသာရှိသည်။ နွေဦးပန်ကိတ်က နောက်ပိုင်းတွင် ကော်ပြန့်ကြော်အဖြစ်ပြောင်းလဲသွားသည်။ ၎င်းတို့က ရိုးရာအစားအစာဖြစ်ရုံသာမက ကိတ်များကလည်း အံ့ဝင်ခွင်ကျဖြစ်လာသည်။ နေရာအများအပြားတွင် "နွေဦးကို ကိုက်ခြင်း" ဓလေ့ ရှိလာသည်။

"နွေဦးကို ကိုက်ခြင်း" ဆိုသည်မှာ ကမ္ဘာပေါ်တွင် နွေဦးရောက်လာသောအခါ နွေဦးပထမဆုံးရက်တွင် နွေဦးပန်ကိတ်စားခြင်း ဖြစ်သည်။ နွေဦးပန်ကိတ်(သို့)နွေဦးကော်ပြန့်‌ကြော် တစ်ကိုက်ကိုက်ပြီး နွေဦးအရသာတစ်ခုလုံးအား

ခံစားနိုင်သည်။ ပုံစံ အရွယ်အစား မျက်နှာပြင်မှာ

ကြာပန်းကဲ့သို့ပင်။ ကုယွီမြန်က အပေါ်ယံမျက်နှာပြင်တွင်

ဆီသုတ်ပြီး ပြောလိုက်သည်။

"အခုက ဆောင်းဦးဆိုတော့ ငါတို့စားနိုင်ပါ့မလား..."

ဟက်စကီးလေးက "ဝူး ဝူး ဝူး ဝူး..."အသံဖြင့် ပူးပေါင်းဆောင်ရွက်လာသည်။

ကလေးများနှင့်ကြည့်ရှုသူများ အိပ်နေစဥ်တွင် ကုယွီမြန်က ဆန်ပြုတ်ချက်ရုံသာမက နွေဦးပန်ကိတ်အားနယ်ပြီး စက်ဝိုင်းအသေးလေးများအဖြစ် လုံးထားသည်။ ဆီဖြင့်သုတ်ပြီးနောက် ၂ပိုင်းအားရစ်ပတ်ကာ စတင်ဖုတ်နိုင်ပြီဖြစ်သည်။

၎င်းတို့က ပုစဥ်းရင်ကွဲအတောင်ပံများကဲ့သို့ ဖြူဖွေး၍ပါးလွှာသည်။ အလွန်ပါးလွှာကာ လပုံစံရှိသည်။

မီးဖိုပေါ်တွင် ကြက်သားဆန်ပြုတ်ချက်နေသည်။ လှေက မြစ်ရိုးတစ်လျှောက် ပေါလောပေါ်နေသည်။ စီးဆင်းနေသောရေထဲတွင် အပြာရောင်ကောင်းကင်နှင့် အဖြူရောင်တိမ်များ ရောင်ပြန်ဟပ်နေသည်။ သူတို့က အဓိကနယ်မြေသို့ မဝင်ရသေးဘဲ ဘေးနှစ်ဖက်တွင်သာ သွားလာနေသည်။

ကြည့်ရှုသူများမှာ အလွန်သက်သောင့်သက်သာရှိနေပြီး ယခု ထက်ပို၍ကောင်းမွန်သောနေ့အား တွေးကြည့်ရန်ပင် ခက်ခဲလှသည်။

ယခုအခါ ကြည့်ရှုသူများက သန်း ၂၅၀ သို့ ရောက်ရှိလာသည်။

"နွေဦး ပန်ကိတ်ကိုအရင်စားရအောင်... စကားမစပ် အရံဟင်းက ဘာစားချင်လဲ... ငါတို့မှာ အမဲခါးစပ်သား၊ ကြက်ရင်ပုံ၊ ကြက်ဥနဲ့ အသီးအရွက်နည်းနည်းရှိတယ်..."

[အစားအစာတောင်းဖို့အတွက် ပင်လယ်ကိုဖြတ်တယ် : ငါအကုန်စားချင်တယ်...အားလုံးပေးပါ...]

[မုန်လာဥနီကြိမ်ပင် :ငါလည်းအကုန်စားချင်တယ်+1]

သူတို့က ဆန်ပြုတ်လည်းမသောက်နိုင်၊ ပန်ကိတ်လည်းမစားနိုင်သေးသောကြောင့် ထန်ယွမ်လေးနှင့်ဟက်စကီးလေးက တစ်ယောက်နှင့်တစ်ယောက် ကျီစယ်နောက်ပြောင်နေကြသည်။ ထန်ယွမ်လေးက ကုယွီမြန်၏ခြေထောက်ပေါ်တွင် လူးလှိမ့်နေသည်။

ကုယွီမြန်က အရက်မီးဖိုအားအပူမြှင့်ပြီး ပန်ကိတ် မလုပ်မီတွင်၂ယောက်လုံးအားလက်မောင်းထဲတွင် ချီ၍သယ်သွားရသည်။

ပန်ကိတ်က အိုးပုပေါ်တွင်"ဇီဇီ.."အသံများထွက်ပြီး မကြာမီတွင် မျက်နှာပြင်ပေါ်၌ ပူဖောင်းလေးများထလာသည်။ ကုယွီမြန် ထိပ်ကားဇွန်းပြားကိုကိုင်ပြီး အခြားတစ်ဖက်သို့လှည့်လိုက်သည်။ မကြာမီတွင် နှစ်ဖက်လုံး ရွှေဝါရောင်ခပ်ဖျော့ဖျော့ဖြင့် ကျက်သွားပြီး ဆီက ၎င်းတို့အား တောက်ပစေသည်။

နွေဦးပန်ကိတ်များက ပျော့ပြောင်းပြီး ကြာကြာဝါးရသော်လည်း ပါးလွှာသည်။ ၎င်းတို့က အခြားကိတ်များနှင့် မတူချေ။

ကလေးများက အကြည့်မလွှဲနိုင်ခဲ့ချေ။

ထိုအကြည့်လေးများက လေးနက်ပြီး ချစ်စရာကောင်း၍ ကုယွီမြန် သူတို့၏မေးလေးများကို ပွတ်ပေးလိုက်သည်။ ကုယွီမြန်က ပန်ကိတ်အားယူပြီး သူ၏တူဖြင့် ၂ပိုင်းခွဲလိုက်သည်။ ပန်ကိတ်များက အတူတကွ ကပ်နေသည်။ ကုယွီမြန်က ၎င်းတို့အား နွေးထွေးကာ အစိုဓာတ်ရှိနေရန်

သန့်ရှင်းစိုစွတ်သော ပိတ်ကျဲစဖြင့်အုပ်လိုက်သည်။

"ပိတ်ကျဲစနဲ့အုပ်ပြီး ခဏစောင့်ရမယ်...အဲ့ဒါက အရမ်းပူမှာမဟုတ်တော့ဘူး... ပိုပျော့ပျောင်းပြီးတော့ အရသာရှိလာလိမ့်မယ်... ဗိုက်ဆာနေကြပြီးလား... မြန်မြန်လုပ်လိုက်မယ်နော်..."

ဆန်ပြုတ်က ကျက်လုနီးပါးဖြစ်လာသည်။ ကုယွီမြန်က နွေဦးပန်ကိတ်အား နွေးစေရန် အခြားတစ်ဖက်သို့ပြောင်းလိုက်ပြီးနောက် ပန်ကိတ်ထဲတွင် အစာသွပ်ရန် အခြားဟင်းပွဲများလုပ်လေသည်။

ပထမဆုံး အိုးထဲသို့ ကြက်ဥများကို စက်ဝိုင်းပုံ ပါးပါးလှီးပြီး ဖြန့်ထားလိုက်သည်။ အသားများနှင့် ကြက်ရင်ပုံသားကိုလည်း ခပ်ပါးပါးလှီးလိုက်ကာ ရွှေရောင်သန်းပြီး ကြွပ်ရွအရသာရှိသည်အထိ ကြော်လိုက်သည်။ သူ ရွေးချယ်ထားသည့် အသီးအရွက်များမှာ ပဲပင်ပေါက်၊ အချောင်းလေးများလှီးထားသော သခွားသီးနှင့် ကြက်သွန်မိတ်ဖြစ်သည်။

ကုယွီမြန် သူ့တူအား ပန်ကိတ်ထဲတွင်ထည့်လိုက်သည်။ ရွှေရောင်သန်းပြီး ကြွပ်ရွပါးလွှာသော ပန်ကိတ်ထဲတွင် အသား၊ကြက်ရင်ပုံနှင့် အသီးအရွက်များအားညှပ်ပြီး ဆော့စ်တစ်ထပ်လောင်းကာ အပေါ်တွင် ထောပတ်သုပ်လိုက်သည်။

ကုယွီမြန်က ပန်ကိတ်ကိုတစ်ဖက်လှည့်ရန် တူအားသုံးခဲ့ပြီး ပန်ကိတ်အခြေအား လက်ဖြင့်ကိုင်ကာ အခြားတစ်ဖက်သို့လှည့်ပြီးနောက် သူ၏လက်ကောက်ဝတ်အားလှည့်၍

တူပြန်ယူလိုက်သည်။ လူငယ်လေး၏လက်ချောင်းများမှာ ဖြူဖွေးသွယ်လျပြီး သူ၏လက်သည်းလေးများတွင် အမှုန့်လေးများ(ဂျုံမှုန့်)ကပ်ကာ ပုံရိပ်တစ်ခုလုံးက အလွန်သက်ဝင်နေသည်။

အမျိုးမျိုးသော မွှေးရနံ့က သူတို့၏နှာခေါင်းထဲသို့ တန်းဝင်သွားသည်။ ဆောစ့်နှင့်ကြွပ်ရွသောအသား၊ ကြက်ရင်ပုံကြော်က လတ်ဆတ်စွာဖြင့် ပေါင်းစပ်နေပြီး သခွားသီး၊ ပဲပင်ပေါက်နှင့် ကြက်ဥကြော်ကလည်း အရသာရှိသည်။

ပန်ကိတ်သေးသေးလေးထဲတွင် အရသာများစွာ ရောနှောနေသည်။ အပေါ်ယံအသားမှာ နူးညံ့ပါးလွှာသော်လည်း ရွှေရောင်ကြက်ဥ၊ အစိမ်းရောင် သခွားသီးနှင့် ကြက်သွန်မိတ်တို့အား မြင်နိုင်သည်။အရောင်အဆင်းနှင့်အနံ့မှာ အံအားသင့်ဖွယ်ပင်။

ကြည့်ရှုသူများနှင့်ကလေးများက အကြည့်မလွှဲနိုင်ခဲ့ပေ။

နှင်းကျားသစ်လေးက ကုယွီမြန်၏လက်ချောင်းများအားကြည့်ပြီး သူ၏လက်ဖဝါးလေးဖြင့် ကုယွီမြန်၏လက်ကောက်ဝတ်သို့ တိုက်ရိုက်ပင်ဖိလိုက်သည်။ သူက ပထမဆုံး နွေဦးပန်ကိတ်တစ်ကိုက်အား အတင်းအကျပ်ခိုးယူလိုက်ပြီး စိတ်ကျေနပ်စွာဖြင့် သူ့မျက်လုံးများကိုမှေးလိုက်သည်။

ကုယွီမြန် :"...."

ထန်ယွမ်လေးနှင့် ဟက်စကီးလေးတို့ကလည်း ခိုးစားရန်ကြိုးစားခဲ့သော်လည်း ပန်းကန်ပြားအား ကိုက်မိလုနီးပါးဖြစ်ကာ သူတို့၏သွားများဖြင့် ခေါက်မိသွားသည်။ မြေခွေးလေးသာလျှင် ဆန်ပြုတ်အိုး၏မီးအား အသိရှိရှိကြည့်ရှုပေးနေသည်။

ကြည့်ရှုသူများမှာ မစောင့်နိုင်တော့ချေ။ မှတ်ချက်မျက်နှာပြင်က တစ်ဖန်ပေါက်ကွဲထွက်လာသည်။

[ဖျင်ရုရဲ့အဝတ်တွေက ငါ့ဝတ်ထားတာ: အား အားးးး..မြေအောင်းရှဥ့်လေးလိုအော်နေပြီ... သူတို့ကိုမတားပါနဲ့...]

[ပျင်းရိသောနှင်းလေး : ဒီတပည့်တုန်လှုပ်သွားရပြီ… နွေဦးပန်ကိတ်က ဘာလိုလုပ် ဒီလောက်အရသာရှိပြီး ဆွဲဆောင်မှုရှိရှိ လှရတာလဲ...လူတွေကို မစားနိုင်အောင်လုပ်နေတာလား...စာကြွင်း: ရုတ်တရက် တင်ဆက်သူရဲ့လက်က အရမ်းလှတဲ့အကြောင်း ရှာဖွေတွေ့ရှိသွားတယ်...]

[ခွေးလူသား၊အာဝူး..အာဝူး..အာဝူး :မြန်မြန်ရဲ့လက်...

အား...နွေဦးပန်ကိတ်က ငါ့ကို အကျယ်အတည်း ၁၀၀၀၀လောက်ပေးတယ်... လက်ဆောင်ပေးတဲ့ခလုတ်နှိပ်တဲ့အခါ မှာတောင် ငါကြွက်တက်သွားတယ်...]

[ငါးဆားနယ်တစ်ကောင်:ဆန်ပြုတ်၊.နွေဦးပန်ကိတ်၊

မြန်မြန် ငါ့ရဲ့သွားရည်တွေက စားပွဲပေါ်အဆက်မပြတ်ကျနေပြီQAQ]

လက်ဆောင်များ၏ အထူးပြုလုပ်ချက်များက တစ်ခုပြီးတစ်ခု ပေါက်ကွဲထွက်လာပြီး ပလက်ဖောင်းကံစမ်းမဲ၏ အထူးပြုလုပ်ချက်များလည်း အကြိမ်များစွာပေါ်ပေါက်လာခဲ့သည်။ ကြည့်ရှုသူစုစုပေါင်းအရေအတွက်မှာ သန်း ၂၆၀ကျော်သွားပြီး တိုးလာနှုန်းမှာလည်း အံ့အားသင့်စရာပင်။

"ဆန်ပြုတ်ကို မြည်းကြည့်ပြီးပြီ... အစာအိမ်နွေးအောင်လို့ ဆန်ပြုတ်အရင်သောက်ကြရအောင်...ပြီးမှ နွေဦးပန်ကိတ်စားမယ်..."

ကုယွီမြန်က ပန်းကန်လုံးလေးများအားယူပြီး ကလေးများအတွက် ကြက်သားဆန်ပြုတ်ထည့်ပေးသည်။ ကလေးများက ဆန်ပြုတ်သောက်နည်းအားသိပြီးသားပင်။ ထို့ကြောင့် ပထမဆုံးလေမှုတ်ကာ ပန်းကန်လုံးထဲမှ တိုက်ရိုက်သောက်သည်။ (သို့) သူတို့၏လက်ဖဝါးလေးများဖြင့် ဇွန်းအားကိုင်ကာ ခပ်သောက်ကြသည်။

တစ်ခဏကြာပြီး‌နောက် ဟက်စကီးလေးကဆန်ပြုတ်တစ်ငုံသောက်ပြီး စက္ကန့်အနည်းငယ်ကြာ အရသာခံနေလိုက်သည်။ သက်သောင့်သက်သာရှိနေသော ပန်ဒါလေးက နို့သံလေးများထုတ်ပြီး ကုယွီမြန်၏လက်မောင်းထဲတွင် ပြန်လှဲနေသည်။ မြေခွေးလေးက သူ၏ပန်းကန်လုံးလေးအားကိုင်ပြီး နူးနူးညံ့ညံ့ထိုင်ကာ ဆန်ပြုတ်သောက်ပြီး သူ၏ပါးစပ်လေးအား အသံမြည်အောင် စုပ်လိုက်သည်။

ဒါကတကယ်သောက်လို့ကောင်းတာပဲ...

စေးကပ်သော ဆန်ပြုတ်က ပျစ်ပြီး နူးညံ့သည်။ မျှစ်၊ ကန်စွန်းဥနှင့် ချက်ပြုတ်ထားသောကြက်ရင်ပုံက မွှေးကြိုင်သော ဆီပန်းနံ့အားထုတ်ပေးသည်။ မွှေးပျံ့နူးညံ့သော ဆန်ပြုတ်ထဲတွင် လတ်ဆတ်သော အရသာထည့်၍ ချက်ပြုတ်ထားသည်။ ပို၍အံ့အားသင့်စရာကောင်းသည်မှာ

ဆန်ပြုတ်ထဲမှ ကြက်သားတုံးလေးများနှင့် နူးညံ့သော ကန်းစွန်းဥတို့ပင်။ ချို၍ကြွပ်ရွသော မျှစ်နှင့်စေးကပ်သောဆန်က ဆန်ပြုတ်ကြောင့် ၎င်းတို့ကိုယ်ပိုင်အရသာ မပျက်သွားချေ။ နူးညံ့လတ်ဆတ်သော ကြက်ရင်ပုံသားက နောက်ဆုံးပိတ်ရတနာ ဖြစ်သည်။

အရသာရှိသောစားချင်စားဖွယ် ဆန်ပြုတ်တစ်ခွက်လုံးအားသူတို့၏ခန္ဓာကိုယ်တွေးထွေးသည်အထိ သောက်လေသည်။သူတို့က အလွန်သက်သောင့်သက်သာဖြစ်ပြီး သက်ပြင်းချချင်လာသည်။ စက္ကန့်အနည်းငယ်ကြာအထိ တစ်စုံတစ်ယောက်မှ စကားပြောရန်အချိန်မရှိချေ။ ညာဘက်အပေါ်ထောင့်တွင် ရေတွက်နေသော စုစုပေါင်းကြည့်ရှုသူ အရေအတွက်သာလျှင် လျင်မြန်စွာပြောင်းလဲနေခဲ့သည်။

နှင်းကျားသစ်လေးက သူ၏လက်လေးအား ကုယွီမြန်၏လက်ဖဝါးပေါ်တွင်တင်ထားပြီး ဆန်ပြုတ်ပန်းကန်တစ်ဝက်အား ကုယွီမြန်၏ လက်ဖြင့်သောက်ခဲ့ရ၍ စိတ်ကျေနပ်စွာဖြင့် နှုတ်ခမ်းထောင့်အားသပ်ကာ နွေဦးပန်ကိတ်စားရန် ခေါင်းငုံ့လိုက်သည်။

ကုယွီမြန် ကူကယ်ရာမဲ့သွားသော်လည်း မတားမြစ်ခဲ့ပေ။ပန်းကန်ထဲမှ ဆန်ပြုတ်တစ်ဝက်အားကြည့်ကာ သောက်လိုက်သည်။ သူ၏အင်္ကျီလက်များကို ခေါက်တင်ပြီး နွေဦးပန်ကိတ်အား ဟက်စကီးလေး၊ ထန်ယွမ်နှင့်မြေခွေးလေးတို့အတွက် ကိုင်ပေးခဲ့သည်။

"နွေဦးပန်ကိတ်ကိုစားကြည့်... မနင်စေခဲ့နော်..."

မြေခွေးလေးက သူ၏ခေါင်းအားငုံ့ကာ ကုယွီမြန်၏လက်ထဲမှ နွေဦးပန်ကိတ်ကာ ဂရုတစိုက်ကိုက်လိုက်သည်။မှန်ကန်သောအရွယ်အစား ပြီးပြည့်စုံသော တစ်ကိုက်စာပင်။ တစ်ခဏကြာပြီးနောက် မြေခွေးလေးက သူ့နေရာတွင်ထိုင်ပြီး အမွေးဖွာဖွာအမြီးကြီးအားကိုင်ကာ ကျည်ကျည်ကျာကျာ အသံလေးများလုပ်နေသည်။ သူ အလွန်ပျော်ရွှင်နေပြီ အိပ်မက်မက်နေသည်ဟု ထင်လုနီးပါးပင်။

ပါးလွှာသောအသားက ကြွပ်ရွမှုဖြင့်ပြည့်နေသည်။ တစ်ခါကိုက်ပြီးနောက် အရသာအမျိုးမျိုးဖြင့်ပြည့်နေသော ဆောစ့်က ချက်ချင်းထွက်လာသည်။ စူးရှသောအနံ့ဖြင့် အသား၊အပေါ်ယံမာပြီး အတွင်းထဲတွင်နူးညံ့သော ကြက်ရင်ပုံ၊

မွှေးကြိုင်သော ကြက်ဥမကျက်တကျက်ကြော်က

လတ်ဆတ်သော သခွားသီး၊ပဲပင်ပေါက်တို့ဖြင့် ရောနေသည်။

တစ်ကိုက်တည်းဖြင့် နွေဦးတစ်ခုလုံးအား အရသာခံနိုင်သည်ဟုပြောခြင်းမှာ ထိုက်တန်ပေသည်။ နွေဦးပန်ကိတ်က အလွန်အရသာရှိသောကြောင့် နှင်းကျားသစ်လေးပင် တစ်ခုအား ၂ကိုက်၃ကိုက်ဖြင့် ကုန်အောင်စားပြီး နောက်ဒုတိယတစ်ခုအား ရှာလေသည်။

ဟက်စကီးလေးက လောဘတကြီးစားပြီးနောက် အရသာခံရန် သူ့နှာခေါင်းအား မလျက်ဘဲမနေနိုင်ချေ။ ထန်ယွမ်လေးက တစ်ကိုက်ကိုက်ပြီး ကြို့ထိုးလေသည်။

လှေက မြစ်ပေါ်တွင်ရွေ့လျားနနေပြီးကောင်းကင်မှာ အပြာရောင်ဖြင့်ပြည့်ကာ လေပြည်လေညင်းလေးတိုက်ခက်နေသည်။

ထိုအချိန်တွင် ကြည့်ရှုသူများက အဆုံး၌ အရသာရှိသောအစားအစာ၏ အကျိုးသက်ရောက််မှုမှ ထွက်လာနိုင်ပြီး မျက်နှာပြင်တွင် အပူလှိုင်းစတင်လာပြန်ပြီး နောက်ဆုံး တိုက်ရိုက်ထုတ်လွှင့်မှုအခန်းတစ်ခုလုံးအား ဆွဲခေါ်သွားသည်။

[အသုံးပြုသူ 118738: အားးးး ]

[နူးညံ့တဲ့ မြန်မြန် :အခုလေးတင် ငါစားလိုက်လို့

ကြက်သေသေသွားတာလား... လုံးဝ သတိမေ့သွားတာပဲQAQ]

[နို့မပါတဲ့နို့လက်ဖက်ရည် :ဒီဆန်ပြုတ်က အရသာရှိတယ်... ဆီပြန်ပနေတဲ့အလွှာလေးကလည်း မအီဘူး... ကန်းစွန်းဥနဲ့မျှစ်ရဲ့အရသာက ထူးခြားတယ်... သောက်ပြီးတော့ ငါ့လက်ဖဝါးတွေကို ပြန်လျက်မိတာကို မတားနိုင်ဘူး...]

[ဗီဗီယန် : စားလိုက်တဲ့အခါမှာ ငါတကယ် အံ့အားသင့်သွားတာ... နွေဦးပန်ကိတ်က ဘယ်လိုလုပ်ပြီး အရမ်းနူးညံ့မွှေးပျံ့တာလဲ... ပြီးတော့ အပေါ်ယံလွှာလေးကလည်းအရမ်းအရသာရှိတယ် အားးး...]

[ရေခဲ : ပြောစရာဘာမှမရှိတော့ဘူး... တင်ဆက်သူကို မီးရှူးမီးပန်းတွေပေးမယ်... ငါ ဆန်ပြုတ်နဲ့နွေဦးပန်ကိတ်ကိုအရမ်းကြိုက်တယ်...]

မှတ်ချက် ၁သောင်းခန့်က တစ်ချိန်တည်း ထွက်ပေါ်လာပြီး လေထုမှာ သက်ဝင်လှုပ်ရှား၍ နွေးထွေးလျက်ရှိသည်။

ကြည့်ရှုသူအရေအတွက်မှာ သန်း၂၇၀ ကျော်သွားပြီး သန်း ၃၀၀သို့ လျင်မြန်စွာ ရောက်ရှိလာသည်။

ဤတိုးပွားလာမှုအားကြည့်ပြီး ယနေ့တစ်စုံတစ်ခု မဖြစ်ပွားခဲ့လျှင် ၎င်းက ကြယ်တာရာကောင်းကင် ပလက်ဖောင်း၏ လူကြိုက်များသော ကျော်ကြာမှုစာရင်းစံချိန်အား ကျော်ဖြတ်သွားလိမ့်မည်။ တစ်ချိန်တည်းမှာပင် လူသစ်ပြိုင်ပွဲဗိုလ်လုပွဲက ယခုအခါ လုပ်ငန်းစဥ်၏တစ်ဝက်သာ ရှိသေးသည်။

ကုယွီမြန်၏တိုက်ရိုက်ထုတ်လွှင့်မှုအခန်းမှာ ပြိုင်ဘက်ကင်းလှသည်။ သူ၏ ကိုယ်ပိုင်အင်အားနှင့် ပြိုင်ဆိုင်မှုဧရိယာတစ်လုံးတွင် သူကပလက်ဖောင်းတစ်ခုလုံးအား အကြိမ်များစွာ တွန်းလိုက်ဆွဲလိုက်လုပ်နေသည်။ နှင်းဘောလုံးကဲ့သို့ပင်၊ ပို၍ပို၍ကြီးလာသည်အထိ လှိမ့်နေနိုင်သည်။

လှေက မြို့၏အဓိကဧရိယာသို့ဖြေးညင်းစွာ စီးမျောလာသောကြောင့် လူစုလူဝေးများ စတင်လှုပ်ရှားသွားလာနေသော်လည်း မဆူညံပေ။ နေ့လယ်ခင်း၌ စိတ်ကူးယဥ်မြို့တော်၏ မြို့ပြဧရိယာက ညအချိန်ကဲ့သို့အရောင်စုံ လူမရှုပ်ဘဲ ပို၍တိတ်ဆိတ်လေသည်။ မြို့ပြဧရိယာတစ်ခုလုံးအားဖြတ်သန်းစီးဆင်းနေသော မြစ်ထဲတွင် ကြည်လင်သော ကောင်းကင်က ရောင်ပြန်ဟပ်နေသည်။

သူတို့က စုန်းမများ၏မျှော်စင်များ၊ မှင်စာလေးများနေထိုင်သော သစ်သားအိမ်များ၊ လှေလေးထဲတွင် သောက်၍ရသည့် ပွဲကြည့်စင်များအား ဖြတ်လာသည်။ စုန်းမကြီးက မြစ်ကမ်းဘေးတွင်ထိုင်ကာ ကျောက်ချစဥ် သွားလာနေသူများအား နှုတ်ဆက်နေသည်။

ရေပေါ်စျေးရှိ လှေများပေါ်၌ လတ်ဆတ်သောအသီးအရွက်များနှင့် ဘယ်ရီသီးများ၊ စာအုပ်အဟောင်းများနှင့် ရှေးဟောင်းပ္စည်းများဖြင့် ပြည့်နေသည်။ ဆိုင်ပိုင်ရှင်အားလုံးက အိပ်ရန်ပြန်သွားပြီး အရာအားလုံးကို ဝယ်သူများကိုယ်တိုင် ကိုင်တွယ်ဂရုစိုက်ရသည်။ သူတို့က သူတို့၏ ကြယ်ကွန်ရက်အကောင့်အားချရေးပြီး လွှဲခဲ့သည့်ငွေပမာဏကို ရေးထားခဲ့လိမ့်မည်ဖြစ်သည်။

နွေရာသီနှောင်းပိုင်းနှင့် ဆောင်းဦးအစောပိုင်း စိတ်ကူးယဥ်မြို့တော်က တစ်မှေးအိပ်စက်ရန်အတွက် နေရာကောင်းတစ်ခုဖြစ်သည်။

🐯🐯🐯

Prev Next