Chapter 115

🐯Ch 115

ထန်ယွမ်​လေးနှင့် ဟက်စကီး​လေးမှာ ကြက်​သေ​သေသွားသည်။ ထို့​​နောက် ထန်ယွမ်က ချက်ချင်း စိတ်​ပြေ​​လျော့သွားပြီး ပန်ဒါ​လေးက ​ဖောက်ထွင်းမြင်ရ​​သော ပူ​ဖောင်းထဲတွင် ​သူ၏ဗိုက်အားပွတ်သပ်ကာ လူးလိမ့်​နေသည်။ ဟက်စကီး​​လေးက နှင်းကျားသစ်​လေးအား ​ဖော်​ရွေစွာဖြင့် ရူး​ကြောင်​ကြောင်​လေးပြုံးပြသည်။

နှင်းကျားသစ်​လေး၏မျက်နှာမှာ မ​ပြောင်းလဲဘဲ မာနကြီး​နေ​သော​ကြောင့် ယခုပုံစံနှင့်သူက အလွန်ချစ်စရာကောင်းလှသည်။

[နန်ချွယ် : အခု​လေးတင် ဒီ​ကြောက်ဖို့​ကောင်းတဲ့​လေထုကိုခင်းကျင်းလိုက်တာ ထွမ်ထွမ်လား... ဟားဟားဟား... ဘယ်လို​တောင်ချစ်ဖို့​ကောင်းတဲ့ သံပုရာသီး​လေးလဲ...]

[အသုံးပြုသူ 18636 : ငါ အတင်း​ပြောနိုင်​တော့မယ်လို့ထင်​နေခဲ့တာ...အဲဒါက ထွမ်ထွမ်ဖြစ်​နေတာပဲ... ကံဆိုးတာ​ပေါ့...]

[အန်နာဆူး : ဘယ်သူ့ကိုမှမချစ်တဲ့ တစ်စုံတစ်​ယောက်ကသာ မိသားစုဝင်တစ်​ယောက်ကို ​ဘောစ့်အဖြစ်ရနိုင်တာ... မြန်မြန်က နည်းနည်းစိုးရိမ်တတ်ပြီး​တော့ ကြင်နာတတ်တယ်မလား... ငါမယုံဘူး အရင်တစ်​ခေါက် မြို့အရှင်က

အရမ်း မပြတ်မသားဖြစ်​နေတာမလား...]

ကုယွီမြန်၏ ပထမဆုံးအမူအရာမှာ စိတ်သက်သာရာရခြင်းပင်။

ကံ​ကောင်းစွာ ၎င်းက ရှို့ဟန်မဟုတ်ခဲ့​ပေ။ ရှို့ဟန်၏ပုံရိပ်က ရှို့ဟန်ကိုယ်တိုင်မဟုတ်​သော်လည်း ၎င်းကပင် ကုယွီမြန်အား ​​ခေါင်းကိုက်​စေရန် လုံ​လောက်သည်။

ငါ ရှို့ဟန်ကို သူငယ်ချင်းတစ်​ယောက်လိုပဲ သ​ဘောကျလို့ ထွမ်ထွမ်က ဒီမှာရှိ​နေတာဖြစ်မယ်... တခြားဖြစ်နိုင်​ချေလည်းရှိဦးမယ်...

ကုယွီမြန် သူ့နှလုံးသားထဲမှ ကြိုးတစ်​ချောင်းအား ဖမ်းမိခဲ့​သော်လည်း ၎င်းကို အလွန်ရှင်းမပြနိုင်​ပေ။

ဘယ်သူက ချုပ်တည်းထားတာလဲ... ခဏ​နေမှ ပြန်စဥ်းစား​တော့မယ်...

သူ့မသိစိတ်မှ လက်ပတ်ကွန်ပျူတာဖြင့် ပုံများစွာရိုက်ယူလိုက်သည်။ သူက ချစ်စရာကောင်း​သော နှင်းကျားသစ်​လေးအား ရှု့​ထောင့်အမျိုးမျိုးမှရိုက်ခဲ့သည်။ ထို့​နောက် ​လေထဲတွင်​ ပေါ​လော​ပေါ်​နေ​သော က​လေး၃​ယောက်အားဆွဲ၍ ​သူတို့၏ခေါင်း​အား ပွတ်​ပေးလိုက်သည်။

နှင်းကျားသစ်​လေးက သူ့အ​တောင်ပံအားဖြန့်၍ပျံကာ ကုယွီမြန်၏ပခုံး​ပေါ်တွင် နားလိုက်သည်။ သူက ကုယွီမြန်၏ပါးကို လက်တစ်ဖက်ဖြင့်ဖိပြီး ပျင်းရိစွာ သမ်း​ဝေလိုက်သည်။

ကုယွီမြန် :"ဒါဆို ငါတို့ ဒီတိုင်းထွက်လို့ရပြီလား..."

က​လေး​လေး​ယောက်လုံးရှိ​နေ​သော်လည်း ထွက်ခွင့်ရမည့်ပုံ မ​ပေါ်​သေး​ချေ။

[aihvcix :တင်ဆက်သူ​ရေ သစ်သားကတ်လေးကို

လှည့်လိုက်...]

ကုယွီမြန် တုံ့ဆိုင်းသွားသည်။ သူက "နတ်ဆိုး ဘုရင်"ဟူ​သော စကားလုံးဖြင့် ကတ်အားလှည့်ပြီး တစ်ခဏမျှဂရုတစိုက်ကြည့်လိုက်​သော်လည်း ကြည့်ရှုသူများအား ဖတ်မပြခဲ့​ပေ။ ဟက်စကီး​လေးနှင့်ထန်ယွမ်​လေးက သိချင်စိတ်ဖြင့် သူတို့၏​ခေါင်း​​လေးများ​မော့၍ ကုယွီမြန်အား အတူတကွကြည့်​နေကြသည်။

​​မြေ​ခွေး​လေးက သူ၏အမြှီးကြီးအားဆန့်၍ ကုယွီမြန်၏လည်ပင်းအား​နွေး​​စေရန် ကူညီ​ပေးသည်။ သူ နှင်းကျားသစ်​လေးထံမှ အတွန်းခံရပြီး​​နောက် ကုယွီမြန်က သူ့အား ရင်ခွင်ထဲတွင်ချီထားလိုက်သည်။ ကုယွီမြန်နှင့်က​လေးများက တစ်ခဏမျှ ကြည့်​နေခဲ့ကြသည်။ ပထမတွင် သူတို့အနည်းငယ် ရှုပ်ထွေး​နေ​သော်လည်း တ​ဖြည်းဖြည်းဖြင့် နားလည်လာသည်။

"သူက​ ပြောတယ်... မထွက်ခွာခင် တစ်ခုခုလုပ်ခဲ့ရမယ်တဲ့..."

ကုယွီမြန်ကိုယ်တိုင်ပင် ပ​ဟေဠိဖြစ်သွားကာ ဖြည်းဖြည်းချင်း ဆက်​ပြောသည်။

"နည်းနည်း​လောက်သွားကြရ​အောင်... အခုက​ မမှောင်နေတယ်ဆိုတော့ တိုက်ရိုက်ထုတ်လွှင့်မှုကို အရင်ပိတ်ထားလိုက်မယ်..."

ကြည့်ရှု့သူများ၏သိချင်စိတ်မှာ​ပေါက်ကွဲထွက်လာသည်။

[​နေပါဦး ​နေပါဦး...ဘာ​တွေဖြစ်​နေတာလဲ...]

[သိချင်တယ်...အဲ့ဒါကိုအရမ်းသိချင်တယ်...]

[ငါ မြန်မြန်နဲ့က​လေး​တွေကို မမြင်ရဘူး... သူတို့အ​ကြောင်းစဥ်းစား​နေမိတုန်းပဲ...]

လူတိုင်းက အသံမှတစ်ဆင့် ကွင်းဆက်မိရန် ကြိုးစား​နေကြ​သော်လည်း က​လေးများ၏ အသံရှုသံမှလွဲ၍ မည်သည့်အသံမှမကြား​ရေပ။ တစ်ခါတစ်ရံ ထန်ယွမ်​လေး၏ တစ်စုံတစ်ခုအား ပြန်​ပြော​နေသည့် "အီ အီ အီ " အသံများသာ ကြားနေရသည်။

ဆယ်မိနစ်ခန့်ကြာပြီး​နောက် ပုံရိပ်ပြန်လည်​ပေါ်လာသည်။

သစ်ပင်ကမ္ဘာ၏တံလျှပ်မှာ ပြီးဆုံးသွားပြီး အ​ရှေ့ကိုထွက်သည့် တံခါးတစ်ချပ်ရှိသည်။ ကုယွီမြန်က က​လေးများအားချီပြီး ကြည့်ရှု့သူများကို နှုတ်ဆက်လိုက်သည်။

"ဟဲလို... မင်းတို့အားလုံး အကြာကြီး​စောင့်လိုက်ရမှာပဲ...

အခုအပြင်ထွက်ကြစို့..."

လူ​ပေါင်း သန်း၂၀၀ကျော်က စိတ်ရှုပ်​ထွေး​နေရသည်။

​နေပါဦး...အဲ့ဒီဆယ်မိနစ်မှာ ဘယ်ဖြစ်သွားတာလဲလို့...

"ဘာဖြစ်သွားလဲဆိုတာ ကျွန်တော်လည်း မသိဘူး..."

ကုယွီမြန်က ကြည့်ရှုသူများအား ရှင်းပြလိုက်သည်။

"အ​​ပေါ်ကိုတက်သွားပြီး​တော့ ပလက်​ဖောင်းအကြီးကြီးတစ်ခုရှိတယ်... အဲဒါက အရမ်း​မှောင်တယ် ပိတ်ဆို့ထားဖို့အတွက် အထူးအမြင်အာရုံလိုင်းတစ်ခု လုပ်ထားတာမျိုးထင်တယ်... ထွမ်ထွမ်နဲ့ ကျွန်တော် ဘာမှမမြင်ရဘူး..."

သစ်သားပြား​ပေါ်တွင် သူက တိကျ​သေချာ​သော တစ်​နေရာရာသို့ သွားသင့်သည်ဟု​ပြော​လေသည်။ ကုယွီမြန်က က​လေးများအား လုံခြုံ​သော နေရာတွင်​စောင့်ခိုင်းပြီး​နောက် သူတစ်​ယောက်တည်း လမ်း​လျှောက်သွားလိုက်သည်။ အဘယ်​ကြောင့်ဆို​သော် သူဘာမှမမြင်နိုင်​သော​ကြောင့်ပင်။ အလယ်တွင် အကြိမ်များစွာ သူ့နောက်မှ

တစ်​ယောက်​ယောက်လိုက်လာသည်ဟု ခံစားခဲ့ရသည်။ ကုယွီမြန်မဟုတ်ဘဲ အခြားတစ်​ယောက်​ယောက်ဆိုလျှင်

ဘာမှမမြင်ရသည့်အချိန်၌ ထူးဆန်း​သော​​နေရာသို့

သွား​နေစဥ် တစ်စုံတစ်​ယောက်​​ နောက်မှလိုက်လာပါက နှလုံး​​ရောဂါရသွားလိမ့်မည်ပင်။

စက္ကန့်အနည်းငယ်ကြာပြီး​နောက် သူ့လက်များကို အကိုင်ခံလိုက်ရသည်။ ကုယွီမြန် အသံထွက်လုနီးပါးဖြစ်သွားပြီး

မကြာမီ အခြားတစ်ဖက်မှ သူ့ကိုလွှတ်လိုက်သည်။ ထို့​နောက် သူက ဓာတ်ပုံရိုက်လျှင်ထွက်သည့် အသံအားကြားလိုက်ရသည်။

တစ်ခဏမျှ​စောင့်ပြီး​​နောက် ပြန်လာ​​သောအခါ ကစားပွဲပြီးဆုံးသွား​လေသည်။

မှတ်ချက်မျက်နှာပြင်တွင်​ ပြော​နေကြသည်နှင့်မတူသည်မှာ ယခုက စိတ်ဝင်စားစရာကောင်း​ဘဲ အနည်းငယ်ပင် ​ကြောက်စရာ​ကောင်း​နေ​သေးသည်။ ၎င်းတွင် ပြဿနာရှိ​နေသည်လား သူ မသိ​​ပေ။ ၎င်းက ဤစိတ်ကူးယဥ်မြို့​တော်ခရီးစဥ်၏ အရှုံးတစ်ခုဖြစ်ခဲ့သည်။

ဘာပဲဖြစ်ဖြစ် အဲဒါကပြီးသွားပြီ​လေ..

[စ​တော်ဘယ်ရီသီး​​လေး : ပြသာနာရှိ​နေတဲ့ပုံပဲ... အကုန်ရှုပ်​ထွေး​နေတယ် JPG]

[ဇူလိုင်လလယ် :ငါတို့ ​နေ့လယ်စာစား​​တော့မှာလားဆိုတာသိချင်တယ်..​.နေ့လယ်စာအတွက် ဘာစားမှာလဲ...]

"​နေ့လယ်စာလား...ကြည့်ပါရ​စေဦး... က​လေးတို့ ဘာစားချင်လဲ..."

ကုယွီမြန် မ​နေနိုင်ဘဲရယ်လိုက်မိသည်။

"အပြင်ထွက်ကြစို့... စားတာက အရမ်းပျော်ဖို့ကောင်းတာပဲလား..."

နတ်သမီး​မြေမှထွက်လာပြီး​နောက် ​ကောင်းကင်ပြာကြီးအောက်တွင်ရပ်ရင်း ပြန်လည်​မွေးဖွားလာသကဲ့သို့ ခံစားလိုက်ရသည်။ နှင်းကျားသစ်​​လေးက ကုယွီမြန်၏ပခုံး​ပေါ်တွင်လှဲရင်း သူ၏က​လေးသုံး လက်ပတ်ကွန်ပျူတာ​လေးအားဖွင့်​နေသည်။ ​ကောင်လေး​က သူ၏လက်ဖဝါးအား

အလင်းမျက်နှာပြင်​ပေါ်တွင်ဖိပြီး တစ်စုံတစ်ခုအား

​လေး​လေးနက်နက်ကြည့်​နေသည်။ သူ့မျက်လုံးများက စိတ်​ကျေနပ် ​ပျော်ရွှင်မှုများဖြင့် ပြည့်​နေသည်။

သူ့မိသားစုဝင် ထွမ်ထွမ်​လေးတွင် ဤကဲ့သို့ ခံစားချက်​ကောင်းသည်မှာ ရှားပါးလှသည်။ ​ကောင်ဆိုး​လေးမှာ အမြဲတမ်း ပင်ပန်းပြီး ပျင်းရိ​နေ​လေသည်။

ကုယွီမြန်က ကောင်က​လေး၏​မေးကိုကုတ်ပြီး​မေးလိုက်သည်။

"ထွမ်ထွမ်...ဘာ​တွေကြည့်​​နေတာလဲ..."

သူ​မေးလိုက်သည်နှင့်တစ်ပြိုင်နက် နှင်းကျားသစ်​လေး၏ လက်ဖဝါး​လေးမှာ ရပ်တန့်သွားသည်။ သူက အလင်းမျက်နှာပြင်အား အ​ဝေးသို့ထားကာ ကုယွီမြန်ကို ကြည့်ရှု့ခွင့်မ​ပေးခဲ့​​ပေ။

"..."

ကုယွီမြန် စိတ်ပျက်သွားသလိုခံစားလိုက်စသည်။

က​လေး​တွေကြီးပျင်းလာတာနဲ့ သူတို့မှာ သူတို့ကိုယ်ပိုင်လျှို့ဝှက်ချက်​တွေရှိလာပြီ​ပေါ့လေ...

စိတ်ကူးယဥ်မြို့​တော်က ရေ​ပေါ်တွင်တည်ထား​​သောမြို့ဖြစ်သည်။ ၎င်းက ကမ္ဘာ့သစ်ပင်နှင့်နီးကာ မြို့လည်​ခေါင်သို့ ​လှေဖြင့်သွားနိုင်သည်။​ စျေးဆိုင်​လေးများ၊ အမြဲတမ်း​

နေထိုင်သူ ပြည်သူ၏​နေရာများ၊ အမျိုးမျိုး​သော ထူးဆန်းသည့် ဆိုင်​သေး​သေး​လေးများရှိသည်။ မှင်စာများ၊ လူပုများ၊ နတ်သူငယ်များနှင့် စုန်းမများဖြင့်​​ ရော​နှော​နေ​သော ​​နေရာတစ်ခုလည်းဖြစ်သည်။

ကုယွီမြန်နှင့်က​လေးများက အငှား​လှေစီးကာ မြို့လည်ရန် ဖြေးငြင်းစွာ​ထွက်သွားကြသည်။

တစ်မနက်လုံး​ဆော့ကစားပြီး​နောက် က​လေးများက သိသိသာသာ ပင်ပန်းလာသည်။ ထန်ယွမ်​လေးနှင့် ဟက်စကီး​​လေးက သူတို့၏​ခေါင်းများကိုအတူကပ်ထား၍ ကုယွီမြန်၏ဒူး​ပေါ်တွင် အိပ်​ပျော်​နေကြပြီး​​ မြေ​ခွေး​​လေးမှာလည်း

ကုယွီမြန်၏လက်​မောင်းထဲတွင် ​ကွေး၍အိပ်​နေသည်။

ကုယွီမြန် က​လေးများအားမနှိုးဝံ့ဘဲ သူတို့ကို တစ်ခဏမျှအိပ်​စေလိုက်သည်။

​ကောင်းကင်က မြင့်မားပြီးအပြာ​​ရောင်သန်းကာ ​ဆောင်းဦးအ​စောပိုင်း သစ်ရွက်နံ့များအား လေနှင့်အတူ နှာဖျားတွင်ရှုရှိုက်နိုင်ပြီး ကုယွီမြန်၏ကိုယ်​ပေါ်တွင်လည်း လတ်ဆတ်သန့်ရှင်း​​သောအနံ့တစ်မျိုး ရှိနေသည်။ တ​ရွေ့​​ရွေ့သွား​နေ​သော​လှေ​ပေါ်တွင်လှဲနေရ၍ ဤကဲ့သို့​သော ရာသီဥတုမှာ အိပ်ချင်မူးတူးဖြစ်​စေသည်။

-----

က​လေးများက နှာ​ခေါင်းထဲမှ ပြင်းထန်​သောအနံ့ဖြင့် အနှိုးခံလိုက်ရသည်။

"နိုးလာပြီလား..."

ကုယွီမြန်က ဇွန်းရှည်တစ်​ချောင်းအားယူပြီး အိုးထဲသို့​မွှေလိုက်သည်။ က​လေးများ၏​ ခေါင်းကိုထိလိုက်ပြီးနောက် သူ့မျက်လုံးများ​​ကွေးသွားသည်။

"မိနစ်ပိုင်းလောက်နေရင် စားလို့ရပြီ..."

​နေ့လယ်၌ တိုက်ရိုက်ထုတ်လွှင့်မှုပလက်​ဖောင်းတစ်ခုလုံး၏  အသုံးများမှုမှာ စတင်၍တိုးလာသည်။ ကုယွီမြန်၏ တိုက်ရိုက်ထုတ်လွှင့်မှုသည်လည်း ပလက်​ဖောင်းတစ်ခုလုံး၏အ​ဝေးတွင်ရှိ​နေပြီး ယ​နေ့၏​စုစု​ပေါင်းကျော်ကြားမှုတွင်ထိပ်ဆုံးသို့ တိုက်ရိုက်တက်သွားသည်။ စက္ကန့်တိုင်းတွင် 

ကြည့်ရှုသူအသစ် ​သောင်းနှင့်ချီ၍ဝင်လာသည်။

"မီးကြည့်လိုက်ဦးမယ်..."

ကုယွီမြန် အချိန်ကိုကြည့်လိုက်သည်။

"မင်းတို့အိပ်ချင်​နေသေးလား... နည်းနည်း​လောက် ပိုအိပ်ဦးမလား..."

ခရီး​ဆောင် အရက်မီးဖို​ပေါ်တွင် ဆန်ပြုတ်တစ်အိုးချက်​နေသည်။

နူးညံ့​ပျော့​ပျောင်း၍​ မွမွှေးကြိုင်သော ဆန်များက ပွက်​နေပြီး ပျစ်၍လတ်ဆတ်ချိုမြိန်​သော ဆန်ပြုတ်မှာ အလွန်​မွှေးသည်။ အချိန်ကြာလာသည်နှင့်အမျှ ပူ​ဖောင်းအကြည်​လေးများထလာပြီး ဆန်ပြုတ်မှာ နူးညံ့သွားသည်။ အတွင်းထဲတွင် အနည်းငယ်​ကြော်ထား​သော ကြွပ်ရွနူးညံ့သည့် ကြက်ရင်ပုံသားနှင့် ကန်စွန်းဥအတုံး​လေးများပါသည်။ စိမ်းစို​သောအရွက်များလည်း ပွက်လာသည်။

ကြည့်ရှု့သူများ နှင့်အ​ကောင်​ပေါက်​လေးများ :"..."

ဘယ်သူက ဆက်အိပ်​နေနိုင်မှာလဲ...

က​လေးများက အလွန်လျင်မြန်စွာ နိုးလာကြသည်။

ထန်ယွမ်​လေးက အိုးကိုကြည့်​ပြီးနောက် ကုယွီမြန်အားပြန်ကြည့်ကာ တံ​ထွေး မျိုချလိုက်သည်။ ​​မြေ​ခွေး​​လေးနှင့် ဟက်စကီး​လေး၏ဗိုက်မှာအသံမြည်လာပြီး နှင်းကျားသစ်​လေးကလည်း အိုးအား ၁၀စက္ကန့်ထက်ပိုကြည့်ပြီး တွန့်ဆုတ်စွာဖြင့် အကြည့်လွှဲ၍ သူ၏က​လေးလက်ပတ်ကွန်ပျူတာအား ကြည့်လိုက်သည်။

ကြည့်ရှုသူများ၏ တုံ့ပြန်မှုက ယခုမှနိုးလာသည့် က​လေးများထက်ပို၍ အံအားသင့်​နေကြသည်။

[ဖုန် NN : အားးး အားး...​ ဘာ​တွေလဲ... မြန်မြန်ရဲ့အရင်ဆန်ပြုတ်နာမည်အရဆို ဒီတစ်ခုက ကြက်ရင်ပုံ၊ မျှစ်နဲ့ကန်စွန်းဥဆန်ပြုတ်မလား...]

[auhufc:နာမည်​ကောင်းပဲ... ပြီးတော့ အရမ်းမွှေးပြီး

ကြည့်ရတာနူးညံ့​နေတာပဲ... ငါစားကြည့်လို့ ရနိုင်မလား... အံ့သြစရာ​ကောင်းလိုက်တာ...]

[​ပေါင် ၉၀ မကျမချင်း နာမည်မ​ပြောင်းဘူး :  ဝှက်သယ်ဖတ်… တင်ဆက်သူကဘယ်တုန်းက ဆန်ပြုတ်တစ်အိုးချက်လိုက်တာလဲ...]

[Baabaabaa:​ပျော်လွန်းလို့​သေပါပြီ... ဘယ်လိုဆန်ပြုတ်မျိုးလဲ... မျက်လုံးဖွင့်ဖွင့်ချင်း ဆန်ပြုတ်​သောက်ရလိမ့်မယ်လို့ မ​​မျှော်လင့်ခဲ့ဘူး...]

"..." 

ကုယွီမြန် ရုတ်တရက် အခါခါရယ်မိသွားသည်။

" ကျွန်တော် အခုမှ တိုက်ရိုက်ထုတ်လွှင့်မှုကိုဖွင့်လိုက်တာ... ထွမ်ထွမ်နဲ့က​လေး​တွေ အိပ်​နေတုန်းပါ...လူတိုင်း အိပ်​နေကြတာလား..."

​ဒေတာမှာ ကြည့်ရှုသူတွေအများကြီးပြ​နေ​ပေမယ့် မှတ်ချက်မျက်နှာပြင်က အ​ရေအတွက်က နည်း​နေတာ အံ့သြစရာမဟုတ်​တော့ဘူး.... သူ​တို့တွေ အိပ်​ပျော်သွားကြတာလား...

ကြည့်ရှုသူများ :

[ငါတကယ် အိပ်​ပျော်​နေခဲ့တာ...ဒါ​ပေမယ့် အခု လန်းဆန်းသွားပြီ...]

[ငါလည်းအိပ်​ပျော်​နေခဲ့တာ +1 ... တင်ဆက်သူရဲ့​ပွေ့ဖက်မှုက အိပ်ဖို့အတွက် အရမ်းသင့်​တော်တယ်...]

[ငါ အထွတ်အထိပ်မှာ​ရောက်​နေသလိုခံစားရတယ်... နံနက်ခင်းတစ်ခုလုံး စိတ်ကူးယဥ်မြို့​တော်မှာ ကစားတယ်၊ ဘယ်ရီပန်ကိတ်စားတယ်၊ ​လှေ​ပေါ်မှာထိုင်ပြီး မြန်မြန် ဖက်ထားတာခံရပြီး ခဏအိပ်တယ်...နိုးလာ​တော့ ဆန်ပြုတ်​သောက်ရမယ်တဲ့...]

ကြည့်ရှုသူများအိပ်​ပျော်သွားသည်မှာ အံ့သြစရာမဟုတ်ခဲ့​ချေ။

​​​လှေက သစ်ပင်ကမ္ဘာ၏အရိပ်များဖြင့် လူပု​လေးရွာအားဖြတ်၍ ​လေနှင့်အတူ ညင်သာစွာ သယ်​ဆောင်သွားသည်။

လမ်းတစ်​လျှောက်လုံး သွားသည့်နှုန်းက အလွန်​နှေး​ကွေးသည်။ ​ရေက ဖြေးညင်းစွာစီးဆင်း​နေပြီး ​လေကလည်း နူးညံ့ငြင်သာစွာတိုက်ခတ်​နေသည်။​ ဆောင်းဦး

​နေ​ရောင်ခြည်က နွေး​ထွေး​နေခဲ့ပြီး ရေသံ၊ ​လေတိုက်ခတ်သံနှင့် ကုယွီမြန်၏အသက်ရှုသံသာ ရှိခဲ့သည်။

ထို့ပြင် ကုယွီမြန်၏တည်ရှိမှုဖြင့်ပင် သူတို့အား ငြိမ်းချမ်းမှုအပြည့်ခံစားရရန် လုံ​လောက်သည်။

လမ်းတစ်​လျှောက် လူပု​လေးတစ်​ယောက်က ကုယွီမြန်၏လက်​မောင်းထဲသို့ ပါဝင်ပစ္စည်းအမျိုးမျိုးအား တွန်းထည့်ခဲ့သည်။ သူက ကြက်ရင်ပုံနှင့်ကန်စွန်းဥဆန်ပြုတ်ချက်ရန် ဆုံးဖြတ်လိုက်သည်။ ကြည့်ရှုသူတိုင်းက အိပ်မောကျသွားခြင်းမဟုတ်​ချေ။ အလွန်သက်​သောင့်သက်သာရှိပြီး မိန်း​မော​တွေ​ဝေကာ သူတို့၏မျက်လုံးများမြင်နိုင်​သော်လည်း ဦး​နှောက်မှာ ဗလာဖြစ်​နေခဲ့သည်။

ကြာရှည်​သောတိုက်ရိုက်ထုတ်လွှင့်မှု၏ အကြီးမားဆုံး​ကြောက်ရွံ့မှုမှာ ကြည့်ရှုသူများ ပင်ပန်းမည်ကိုပင်။တိုက်ရိုက်ထုတ်လွှင့်မှုအား နာရီ​ပေါင်းများစွာကြည့်ရန်မှာ မလွဲဧကန်ဖြစ်နိုင်သည်။ ​ထုတ်လွှင့်ချိန်မှာ ယေဘုယျအားဖြင့် အချိန်၅နာရီ​ကျော်​ကျော် ကြာတတ်သည်။ ကြည့်ရှုသူအသစ်များနှင့်အ​ဟောင်းများ အ​ခြေချပြီး​နောက် စုစု​ပေါင်း​ကျော်ကြားမှုမှာ ထပ်မံတိုးလာလိမ့်မည် မဟုတ်​​ချေ။

သို့​သော် ကုယွီမြန်၏  တိုက်ရိုက်ထုတ်လွှင့်မှုမှာ လုံးဝကွဲပြားသည်။

၎င်းက တည်ငြိမ်ပြီး အပန်း​ပြေကာ စက္ကန့်တိုင်းတွင် အလွန်တိတ်ဆိတ် အေးချမ်းသည်။ ဥပမာ ​ကောင်းမွန်​သော နံနက်ခင်းရရှိပြီး​နောက် ခဏခနားယူကာ သူတို့မျက်လုံးဖွင့်လိုက်သည့်အချိန်တွင် ​ပူ​နွေးမွှေးကြိုင်​သော ​နေ့လည်စာမှာ

​​စောင့်​မျှော်​နေသည်။ ထိုအခိုက်အတန့်​လေးတွင် ကြည့်ရှုသူများက တက်ကြွလန်းဆန်းကာ သူတို့၏ပင်ပန်းမှုအားလုံး ​ပျောက်ကွယ်သွားသည်။

ယခုအခါ တိုက်ရိုက်ထုတ်လွှင့်မှုက ၅နာရီ​​ကျော်သွားပြီဖြစ်​​သော်လည်း ကြည့်ရှုသူများမှာ တိုးနေဆဲပင်။ တိုက်ရိုက်ထုတ်လွှင့်မှုက ​ကျော်ကြားမှုစာရင်းထိပ်ဆုံးတွင်​ ရောက်​နေရုံသာမက ဒုတိယ​နေရာနှင့် ကွာခြားမှုမှာလည်းပို၍ ကြီးမားလာသည်။

[သူ့ရဲ့အိပ်မက်​တွေ​ဆုံးရှုံးသွားတဲ့ ငှက်ပုတီး : ဆန်ပြုတ်ကိုမြင်တဲ့အခါ ငါတခြားအရသာရှိတဲ့ စားစရာ​တွေအားလုံး​ကို မေ့သွားတယ်... ဆန်ပြုတ်ထက်ကောင်းတဲ့ တစ်ခုခုရှိ​သေးလို့လား... ဒီ​နေ့က​ ပျော်စရာ​ကောင်းတဲ့​နေ့တစ်​​နေ့များလား...]

"​နေ့လယ်နဲ့ ည​နေခင်းမှာ သွားဖို့​နေရာ​တွေ ရှိ​သေးတယ်... ဗိုက်ပြည့်​နေမှ​ ကောင်းလိမ့်မယ်... ဆန်ပြုတ်​သောက်ပြီး မကြာခင်မှာလည်း ဗိုက်ဆာလာနိုင်တယ်..."

ကုယွီမြန်က ပြုံး၍ ရှင်းပြလိုက်သည်။

"ဒီဆန်ပြုတ်နာမည်ကို ကျွန်တော်မသိဘူး..."

ဤဆန်ပြုတ်မှာ သူ့လက်ထဲရှိ ပါဝင်ပစ္စည်းများအား ကြည့်ပြီး လုပ်ထားခြင်းဖြစ်သည်။ လူပု​လေးက မျှစ်​လေးများ​ပေးပို့ခဲ့ပြီး  နတ်သား​လေးမှ ကန်စွန်းဥသယ်လာ​ပေးကာ 

သူက ကြက်ရင်ပုံအတုအား နုတ်နုတ်စင်းထားလိုက်သည်။ဟင်းချက်ဝိုင်အားအသုံးပြုပြီး ကြက်သားအား အရသာနှပ်ထားပြီး​နောက် ဆန်ပြုတ်အိုးထဲတွင် အားလုံးအတူတကွ​ရောလိုက်သည်။

🐯🐯🐯