MM Story Teller

Chapter 96

Viewers 7k

🌍Chapter 96

သံဖိနပ်ချုပ်သမားကြီးက ထန်မော့အား တက်ကြွစွာ အကြံပေးနေခဲ့လေသည်။

"ဘယ်သူမှ မျက်နှာပေါ်တက်ကြီး မစစ်ဆေးကြည့်နိုင်ဘူးလေ အဲမှာ ထောင်ချောက်ဆင်ထားရင် နောက်လာမယ့်အသင်းဖော်အသစ်ကို သတ်လို့ရပြီ"

ထန်မော့၏အမူအယာ အေးစက်သွားခဲ့သည်။

၄င်းမှာ ဤဂိမ်း၏ အခက်ခဲဆုံးအပိုင်းပင်။ ဖိနပ်တိုက်ဆေးကို ရှာမတွေ့သလို ပျော်စရာအမေးအဖြေကဏ္ဍလည်းမရှိတော့။ မိမိကိုသတ်ချင်နေသော အသင်းဖော်တစ်ယောက်သာရှိတော့မည်။ သူတို့သည် ဖိနပ်တိုက်ဆေးကို တတ်နိုင်သမျှရှာဦးမည်ဖြစ်သော်လည်း စိတ်ထဲမှာမူ အသင်းဖော်ကို သတ်နိုင်သ၍ ရှင်သန်နိုင်လိမ့်မည်ဟု တွေးနေမိမည်သာ။

ဂိမ်းကို မရှင်းနိုင်ခဲ့လျှင်တောင် အသင်းဖော်ကို သတ်နိုင်သ၍ မိမိမှာသေဦးမည်မဟုတ်ချေ။

ဤသို့ဖြင့် ဖိနပ်တိုက်ဆေး ရှာတွေ့နိုင်ချေက သုညရာခိုင်နှုန်းအထိ ကျဆင်းလာခဲ့လေသည်။

သံဖိနပ်ချုပ်သမားကြီးက ထန်မော့အား အသင်းဖော်အသစ်ကိုသတ်ရန် အကြံများဟာသလုပ်ကာ ပေးနေစဥ် ထန်မော့မှ အေးစက်စွာ ဖြတ်ပြောလိုက်သည်။

"ကျွန်တော်ဖိနပ်တိုက်ဆေးမတွေ့သေးဘူးလို့ ဘယ်သူပြောလဲ"

သံဖိနပ်ချုပ်သမားကြီးမှာ ထန်မော့အား အစုန်အဆန်ကြည့်ကာ ဂရုမစိုက်ဟန်ဖြင့် ဆိုသည်။

"ကောင်းပြီလေ မင်းရဲ့ အသင်းဖော်ကို ကယ်ချင်တယ်ဆိုရင်လည်း ငါ့ကို အခုဖိနပ်တိုက်ဆေး ၄စက်ပေး ဒါဆို သူ့သွေးကို မယူတော့ဘူး...ဒါပေမယ့် နောက်တစ်ကြိမ် ငါ့ကို ၅စက်မပေးနိုင်လို့ကတော့ အဲဒီကောင်အသေပဲ"

ထန်မော့ဘာကိုမျှမဆိုချေ။ သူသည် သစ်သီးလှီးဓါးကို ထုတ်လျက် သူ၏လက်မောင်းကိုဖြတ်လိုက်သည်။ ထို့နောက်လက်မောင်းမှသွေးများက ထန်မော့ကိုင်ထားသော ပလတ်စတစ်အိတ်ထံစီးဆင်းသွားခဲ့လေသည်။

သံဖိနပ်ချုပ်သမားကြီး၏မျက်နှာ မည်းမှောင်သွားပြီး အပြုံးမှာလည်း ပျောက်ကွယ်သွားခဲ့သည်။

အနီရောင်သွေးများမှာ ထန်မော့၏လက်မောင်းထံမှ အိတ်ကလေးအား ပြည့်သည်အထိ စီးဆင်းနေခဲ့သည်။ ဤမျှသွေးက ထန်မော့အတွက်ပြဿနာမဟုတ်ချေ။ ၀ံပုလွေ၄ကောင်နှင့် တိုက်ခိုက်ခဲ့ရသောဒဏ်ရာက ဤထက်ပိုပြင်းခဲ့သည်။

သူသည်ပလတ်စတစ်အိတ်ကလေးကို ငုံ့ကြည့်လျက် သူနှင့် ရှင်းဖုန်း၏သွေးများရောနှောသွားသည်ကို ကြည့်နေခဲ့သည်။

လူ၂ယောက်၏သွေးများမှာ ရောနှောသွားလျက် မခွဲခြားနိုင်တော့။ သူ့ထံမှ ထွက်လာသောသွေးများ 400CCလောက်ရောက်ရှိသွားလျှင် ပလတ်စတစ်အိတ်မှ တောက်ပသောအလင်းရောင်တစ်ခုထွက်လာခဲ့လေသည်။ ထိုစူးရှသောအလင်းရောင်အား ထန်မော့ မျက်တောင်မခတ်ပဲ စိုက်ကြည့်နေခဲ့သည်။

၁၀စက္ကန့်ကြာပြီးနောက် ထန်မော့ မျက်လုံးကိုမှိတ်လျက် သူ၏နှုတ်ခမ်းတို့တွန့်ကွေးသွားခဲ့သည်။ သူကသက်ပြင်းချလျက် အပြုံးဖျော့ဖျော့ဖြင့်ဆိုလိုက်သည်။

"အခုခင်များ သွေးသွားထုတ်ချင်သေးလား"

******

စက်ရုံတစ်ဖက်ခြမ်းမှ ဂိုထောင်ထဲတွင်...

ဖူ၀မ်သော် သူ၏ရှေ့မှ ရွေးချယ်စရာလေးခုကို တည်ငြိမ်စွာ ကြည့်လိုက်မိသည်။

၀မ်ရှောင်ထျန်းမှာ သူမ၏ချစ်စဖွယ်ကာတွန်းမျက်နှာလေးကိုကိုင်ရင်း ခေါင်းကို ခါလိုက်သည်။

"ကစားသမားဖူ အမြန်ရွေးပေးပါနော်... ဒေါ်ဒေါ်ကြက်ဆင်ကအခုသွေးပူလေ့ကျင့်ခန်းတောင် လုပ်ပြီးသွားပြီ ရှင့်ကိုဆွဲဖြဲဖို့မစောင့်နိုင်တော့ဘူးရှင့်... ၁၀စက္ကန့်ပဲ ကျန်တော့တယ်နော်... ရှင်ဒေါ်ဒေါ်ကြက်ဆင်ရဲ့ အဖိုးတန်အချိန်တွေကို ဖြုန်းတီးမနေပဲ အမြန်ရွေးသင့်တယ်"

ဖူ၀မ်သော် လေထဲမှ မေးခွန်းနှင့် ၄င်း၏ ရွေးချယ်စရာ၄ခုကို ကြည့်နေဆဲပင်။

"မေးခွန်း ၁၃. ဒေါ်ဒေါ်ကြက်ဆင်ကြီးရဲ့ ၀မ်းကွဲနာမည်က ဘာလဲ"

"A.မီးကြက်ဆင် B.မီးမီးကြက်ဆင်၂ C.ကြက်ဆင်၀မ်းကွဲ D.ကြက်ဆင်ကလေး"

ဖူ၀မ်သော်၏ အကြည့်က ရွေးချယ်စရာလေးခုတွင်စွဲမြဲလျက်။ ၀မ်ရှောင်ထျန်းမှာ စိတ်မရှည်ဖြစ်နေသည့်တိုင် ဖူ၀မ်သော် နောက်ဆုံးစက္ကန့်အထိစောင့်ပြီးမှ အဖြေကိုရွေးလိုက်လေသည်။

၀မ်ရှောင်ထျန်းမှာ ပျော်ရွှင်စွာ ပြုံးလိုက်သည်။

"C.ကြက်ဆင်၀မ်းကွဲ... ဂုဏ်ယူပါတယ် အဖြေမှားကြီးပါရှင်. ကဲကစားသမားဖူရေ ဒီအတွက် အပြစ်ဒဏ်ဖြစ်တဲ့ 'ဒေါ်ဒေါ်ကြက်ဆင်ကြီးကို စိန်ခေါ်ပြီး ၃နာရီအထိ အသက်ရှင်အောင်ကြိုးစားပေးပါနော်... အာ.. ဒေါ်ဒေါ် ကြက်ဆင်ရှင့် အလျင်မလိုပါနဲ့ဦး "

ဖူ၀မ်သော်မှာ ဓါးမြှောင်ကို ဆုပ်လျက် ကြီးမားသောကြက်ဆင်ကြီးမှာ သူ၏ရှေ့တွင် ပေါ်လာခဲ့လေသည်။

"ကတော် ဖူ၀မ်သော် ငါနင့်ကို ကျွတ်ကျွတ်၀ါးပစ်မယ်"

၂မီတာခန့်မြင့်သော ကြက်ဆင်ကြီးက အတောင်ကို တဖြတ်ဖြတ်ခတ်လျက် သူမ၏ရှေ့မှ အနက်၀တ်လူထံ သူမ၏ကြီးမားသောကိုယ်နှင့် မလိုက်ဖက်သည့် လျင်မြန်မှုမျိုးဖြင့် ပြေး၀င်သွားခဲ့လေသည်။

ဖူ၀မ်သော်မှာ လျင်မြန်စွာရှောင်လိုက်သော်လည်း ကြက်ဆင်ကြီးမှာ သူ့ထက်မြန်နေဆဲပင်။ အမုန်းတရားနှင့် ဒေါသများမှာ ကြက်ဆင်ကြီးကို၀ါးမြိုနေခဲ့သည်။ သူမ၏မျက်လုံးများမှာ သူ၏အဖိုးတန် ကြက်ဆင်ဥကိုခိုးသွားသော ခိုး၀င်သူအပေါ်တွင်သာစွဲမြဲလျက်။ ဆွဲဖြဲပစ်ရန်မစောင့်နိုင်တော့ချေ။

"ကတော် တစစီဖြဲပစ်မယ်"

ကြက်ဆင်ကြီးက အတောင်ပံတဖြတ်ဖြတ်ဖြင့်ပြေးလာပြန်လျှင် ဖူ၀မ်သော် နံရံဆီပြေးလိုက်သည်။ ထို့နောက်နံရံကိုကန်လျက် လေထဲသို့ခုန်ကာ ရှောင်ရှားလိုက်သည်။ တစ်ချိန်တည်းမှာပင် သူ၏လက်ကောက်၀တ်မှာလှုပ်ရှားသွားလျက် စစ်တပ်သုံးဓါးမြှောင်မှာ သူ၏လက်ချောင်းများအတွင်း လှပသော ပန်းပွင့်သဏ္ဍာန်ဓါးတစ်ချောင်းဖြစ်ခဲ့လေသည်။ ထိုဓါးမှာ လှုပ်ရှားသွားပြီး ကြက်ဆင်ကြီး၏ လည်တိုင်ကို ချိန်ရွယ်လိုက်လေသည်။

ကလန်...

သတ္တုချင်းထိခတ်မိသံထွက်ပေါ်လာပြီး ကြက်ဆင်ကြီးမှာ ခြစ်ရာပင် မထင်ချေ။ ဖူ၀မ်သော်နောက်သို့ပြန်ဆုတ်လိုက်ပြီး သူ၏ကိုယ်ကို ပြန်ထိန်းလိုက်သည်။

ကြက်ဆင်ကြီးမှာ နှာခေါင်းရှုံ့လိုက်သည်။

"ဒီလိုလက်နက်အစုတ်က ငါ့ကိုဘယ်လိုထိခိုက်နိုင်မှာလဲ ငတုံးလူသား ကတော် ကတော်"

ကြက်ဆင်ကြီးက တဖန်ပြေး၀င်လာပြန်သည်။ သူမအပိုလှုပ်ရှားမှုမျိုးမလိုအပ်ချေ။ ဖူ၀မ်သော်၏ဓါးက သူမကို မထိခိုက်နိုင်သည်ဖြစ်၍ သူမသာလျှင် အသာစီးရနေခဲ့သည်။ ကြက်ဆင်ကြီးမှာ ဖူ၀မ်သော်၏ ပါးပြင်အား ခြစ်ရာထင်သွားစေသည်။ ကြက်ဆင်ကြီးက ဆိုးရွားသောအပြုုံးကြီးဖြင့် ဖူ၀မ်သော်အား သတ်ရန်လိုက်တော့သည်။

ဖူ၀မ်သော် ရင်ဘတ်ရှေ့တွင် လက်နှစ်ဖက်ကြက်ခြေခတ်လျက် ကြက်ဆင်ကြီး၏ တိုက်ခိုက်မှုကို ကာဆီးလိုက်သည်။ သို့သော် ပြင်းထန်သောအားကြောင့် နံရံသို့လွင့်ထွက်သွားဆဲပင်။

သူ ဒူးထောက်လျက်ကျသွားခဲ့သည်။ ကြက်ဆင်ကြီးနှင့် တိုက်ခိုက်နေစဥ်မှာပင် သူ၏ ဓါးမြှောင်က ခပ်ဝေးဝေးကို လွင့်သွားခဲ့လေသည်။ သူသည်ကြမ်းပြင်ပေါ်တွင် လက်ထောက်ရင်း ဓါးမြှောင်ကို ကြည့်လိုက်မိသည်။

ကြက်ဆင်ကြီးက ထိုဓါးမြှောက်အား သူမနောက်သို့ကန်ထုတ်လိုက်ကာ ကြောက်စရာအပြုံးကြီးဖြင့် ဆိုလာသည်။

"နင့်မှာ ဘာမှမရှိတော့ဘူး...နောက်တစ်ခါဆို နင့်လက်ပဲသုံးပြီး ငါ့ကို ကာရတော့မယ်...ဖူ၀မ်သော် ဒါငါ့ကြက်ဆင်ဥကိုခိုးသွားတဲ့အတွက် ပြန်ပေးဆပ်ရတာပဲ"

သူမစကားပြောခြင်းကိုရပ်လျက် ထပ်မံပြေး၀င်လာပြန်သည်။

ထိုစဥ် ကျယ်လောင်သော ကလေးသံ၏ကြေညာမှုက အခန်းထဲတွင်ပဲ့တင်ထပ်သွားခဲ့သည်။

"တင်းတောင်~ အရံမစ်ရှင် ၂ 'သံဖိနပ်ချုပ်သမားကြီးရဲ့ ဖိနပ်တိုက်ဆေးကိုရှာပါ'ကို ရှင်းလင်းလိုက်ပါပြီ"

ကြက်ဆင်ကြီးမှာ လမ်းတစ်၀က်တွင် တန့်သွားလျက် ဖူ၀မ်သော်မှာလည်း အံ့အားသင့်သော အမူအယာဖြင့် မော့ကြည့်လာခဲ့သည်။

စက္ကန့်ပိုင်းအတွင်းမှာပင် သူ၏နှုတ်ခမ်းတို့ တွန့်ကွေးသွားလျက် ထရပ်လိုက်သည်။ သူ၏လက်ကောက်၀တ်ကို ကိုင်လျက် လည်တိုင်ကိုစောင်းကာ တောင့်တင်းနေသော အကြောတို့ကိုဖြေလျော့လိုက်လေသည်။ ပျောက်ဆုံးနေသောစွမ်းအင်များ သူ၏ခန္ဓာကိုယ်ဆီကို ပြန်လည်ရောက်ရှိလာသော ခံစားချက်နှင့်အတူ ကြက်ဆင်ကြီးအားမော့ကြည့်လိုက်လေသည်။

ကြက်ဆင်ကြီး၏ အမွှေးများအားလုံးမှာ ထောင်တက်သွားခဲ့သည်။

"က..ကတော်.."

သေးငယ်သောဖန်သားပြင်လေးထဲတွင် ၀မ်ရှောင်ထျန်းက အံ့အားသင့်သော အမူအယာမျိုး ပြသလာခဲ့သည်။

"အာ ဒီအပိုင်းရဲ့ အမေးနဲ့အဖြေကဏ္ဍက ပြီးသွားပြီလား...သိပ်မြန်တာပဲ... ကဲ ဒေါ်ဒေါ်ကြက်ဆင်ရေ ရှင်နဲ့ ကစားသမားဖူက ရှိတဲ့ကိစ္စလေးတွေကို ရှင်းလိုက်ကြဦးနော်... အစစ်အမှန်လောကဂိမ်းက ၁၀မိနစ်အတွင်း ပိတ်တော့မှာပါ... အစီအစဥ်အဖွဲ့က သံဖိနပ်ချုပ်သမားကြီးကို ကစားသမားဖူ၀မ်သော်ကိုသွားခေါ်ခိုင်းမှာပါ... ဒီတော့ကျန်တဲ့အချိန်လေးကို အခွင့်ကောင်းယူလိုက်ဦးနော်"

ကြီးမားသော ကြက်ဆင်ကြီးမှာ သေးငယ်သော ဖန်သားပြင်ဆီ အတောင်တဖြတ်ဖြတ်ခတ်ကာ ပျံသန်းလျက် အသည်းအသန်အော်လိုက်သည်။

"ကတော်...ကယ်ပါဦး ကတော်"

ဖူ၀မ်သော်သည် ပထမအကြိမ်က ဤကြက်ဆင်ကြီးအား သတ်လုနီးပါးအခြေအနေအထိ ဒဏ်ရာရစေခဲ့သည်။ အခု၂လခန့်တောင်ကျော်လွန်သွားခဲ့ချေပြီ။

ဖူ၀မ်သော်ပြုံးလျက် ပျံသန်းရန် ကြိုးစားနေသော ကြက်ဆင်ကြီးကို ကြည့်လိုက်သည်။ သူ၏ညာဘက်လက်မှာ သတ္တုဒုချွန်သဏ္ဍာန်တဖြည်းဖြည်း ပြောင်းလဲသွားခဲ့လေသည်။ သူကအသံနိမ့်နိမ့်ဖြင့်ဆိုလိုက်သည်။

"ခင်များက ဒေါ်ဒေါ်ကြက်ဆင်ဆိုတော့ ခင်များရဲ့ ၀မ်းကွဲကဘာလို့ ၀မ်းကွဲကြက်ဆင်မဖြစ်ရတာလဲ...မော့မော့ကို ခင်များဆီပြန်ပေးဖို့တော့ မဖြစ်နိုင်ဘူး

... ဒါပေမယ့်လည်း ခင်များမှာ လက်စားချေဖို့ အချိန် ၁၀မိနစ်တောင်ကျန်ပါသေးတယ်"

"ကတော်..."

၁၀မိနစ်ကြာပြီးနောက် ထန်မော့ အစားအသောက်ထုတ်လုပ်သည့်စက်ရုံ၏ တံခါးတွင်ရပ်နေစဥ် အဝေးမှလျှောက်လာနေသော ဖူ၀မ်သော်ကို တွေ့လိုက်ရသည်။

ဖူ၀မ်သော်၏ကိုယ်တွင် ထိခိုက်ဒဏ်ရာများရှိမနေသော်လည်း ထန်မော့မှာတော့ ဒဏ်ရာများရှိနေခဲ့သည်။ သို့သော် ၄င်းတို့မှာ မပြင်းထန်ပဲ အပေါ်ယံမျှသာပင်။ တီကောင်၏မျက်ရည်ကို သုံးစရာမလိုအပ်ချေ။ သူ၏စွမ်းရည်ကို ပြန်လည်ရရှိပြီဖြစ်၍ သူ၏ပြန်လည်ကုသနိုင်စွမ်းမှာလည်း မြန်လာခဲ့ပြီဖြစ်သည်။ မိနစ်၃၀အတွင်း ဤဒဏ်ရာများမှာ ပြန်ကောင်းသွားမှာဖြစ်သည်။ သို့သော် ၀ံပုလွေများကြောင့် အသားများပဲ့ထွက်သွားသော ဒဏ်ရာများမှာတော့ ပြန်လည်ကောင်းမွန်ရန် ၂ရက်၃ရက်လောက်အထိ လိုအပ်လေသည်။

ဖူ၀မ်သော်မှာ ထန်မော့၏ကိုယ်ပေါ်မှ ဒဏ်ရာများကို မြင်လျှင် မျက်မှောင်ကျုံ့လိုက်မိလျက် သူ၏အကြည့်တို့မှာ ဘယ်ဘက်လက်ပေါ်တွင် စွဲမြဲနေခဲ့သည်။

ထန်မော့ကအပြုံးဖြင့်ဆိုလိုက်သည်။

"ဒါကကျွန်တော့်ဘာသာဖြတ်ထားတာပါ... ဖိနပ်တိုက်ဆေးက လူသွေးလေ...ဂိမ်းကို အဆုံးသတ်ဖို့ သွေးနည်းနည်းလိုလို့"

ဖူ၀မ်သော်ကမေးလိုက်သည်။

"လူသွေးဟုတ်မဟုတ် ပထမတစ်ကြိမ်စမ်းကြည့်ခဲ့သေးခဲ့သေးတယ်မလား...ပြီးတော့မဟုတ်ခဲ့ဘူးလေ"

ထန်မော့ကရှင်းပြလိုက်သည်။

"အဲတုန်းက ကျွန်တော်က ကျန်တဲ့ ကစားသမားဆီက သွေးကိုပဲ ထုတ်ခိုင်းလိုက်တာ...သူလည်းအခုသေသွားပြီ သူ့သွေးကလည်း ဖိနပ်တိုက်ဆေးမဟုတ်ဘူးလေ"

ထန်မော့မှာ ရှင်းဖုန်းမည်သို့သေသွားသည်ကိုရော မည်သူကသတ်ခဲ့သည်ကိုပါ ပြောမပြခဲ့ချေ။ သို့တိုင်အောင် ဖူ၀မ်သော်မှာ ထန်မော့၏အေးစက်သော စကားများထံမှ အဖြေကိုရိပ်စားမိသည်ဖြစ်၍ ဘာမှထပ်မပေးခဲ့ချေ။

ထန်မော့ကဆက်ပြောလိုက်သည်။

"သဲလွန်စလေးခုရှိတယ်... ပထမတစ်ခုက လူတိုင်းက သံဖိနပ်ချုပ်သမားကြီးရဲ့ ဖိနပ်တိုက်ဆေးကို မြင်ဖူးတယ်... ဒုတိယတစ်ခုက ဖိနပ်တိုက်၀ံပုလွေတွေက ဖိနပ်တိုက်ဆေးကို ကြိုက်တယ်... တတိယတစ်ခုက ဖိနပ်တိုက်ဆေးက မာရင်မာ မဟုတ်ရင် ပေါင်းစပ်နိုင်တဲ့ ဂုဏ်သတ္တိရှိတယ်... စတုတ္ထတစ်ခုကကျတော့ ဖိနပ်တိုက်ဆေးက လူသားတွေဆီကရတာ"

ထန်မော့ဖူ၀မ်သော်ကို ကြည့်၍ပြုံးလိုက်သည်။

"လူတိုင်းက မွေးလာကတည်းက ကိုယ့်အမေရဲ့ သွေးကိုမြင်ဖူးကြမှာပဲ...ပြီးတော့ သွေးကလူတွေဆီကရတာလေ...ပြီးတော့ ဖိနပ်တိုက်၀ံပုလွေတွေက လူတွေရဲ့သွေးနဲ့ အသားကိုစားရတာကြိုက်တယ်...အရင်တစ်ခေါက် ကျွန်တော်၀ံပုလွေတွေနဲ့တိုက်တုန်းက ကြမ်းပြင်ပေါ်မှ သွေးစက်တွေ တမင်ကျအောင်လုပ်လိုက်တော့ သူတို့အဲဒါကို ပြေးလျက်ဖို့ မစောင့်နိုင်တော့ဘူးလေ...နောက်ဆုံးအနေနဲ့ကတော့ ဖိနပ်တိုက်ဆေးက ပေါင်းစပ်နိုင်တဲ့ ဂုဏ်သတ္တိရှိတယ်"

လူတစ်ယောက်ရဲ့ သွေးနဲ့တင်မရဘူး...

ဖူ၀မ်သော်ကတွေးလိုက်သည်။

"ဒီတော့လူ၂ယောက်ရဲ့သွေးကိုပေါင်းလိုက်ရတာလား"

"အဲလိုပဲဖြစ်မှာပေါ့"

ထန်မော့ခေါင်းညိတ်လိုက်သည်။

"တကယ့်ဖိနပ်တိုက်ဆေးက ကစားသမားရဲ့သွေးပဲဖြစ်ရမယ်...သွေး 400CCက ဖိနပ်တိုက်ဆေး ၁စက်နဲ့ညီမျှတယ်... ဒီတော့ ကစားသမား၂ယောက်ရဲ့သွေး တနည်းအားဖြင့် ဖိနပ်တိုက်ဆေး၂စက်က ဖိနပ်တိုက်ဆေးအစစ်ဖြစ်လာလိမ့်မယ်... အဲဒါကကျွန်တော်လုပ်ခဲ့တဲ့အရာပဲ... အဲဒီတစ်ယောက်မသေခင် ကျွန်တော်သူ့ဆီက သွေးနည်းနည်းယူထားလိုက်တယ်... ပြီးတော့ ကျွန်တော့်သွေးနဲ့ပေါင်းလိုက်တော့ ဖိနပ်တိုက်ဆေးအစစ်ကိုရလာတာပေါ့"

ဖူ၀မ်သော်ကမေးလိုက်သည်။

"ဒီတော့ဖိနပ်တိုက်ဆေးအစစ်က ကစားသမားတွေရဲ့ သွေးလား"

ထန်မော့ကဆိုလိုက်သည်။

"ဖိနပ်တိုက်ဆေးက ပေါင်းထားတဲ့အရာပဲ... တစ်ယောက်တည်းရဲ့သွေးနဲ့ ဖိနပ်တိုက်ဆေးလုပ်လို့မရဘူး... ဒါပေမယ့် ကျွန်တော့်သွေးနဲ့ ကျန်တဲ့သူတစ်ယောက်ရဲ့သွေးနဲ့ပေါင်းလိုက်တော့ ဖိနပ်တိုက်ဆေးဖြစ်သွားတယ် ဒီတော့ အဲဒါကကစားသမားရဲ့ သွေးမဟုတ်တော့ဘူး"

ဖူ၀မ်သော်လက်ခံလိုက်သည်။ သူကထန်မော့၏ဂိမ်းကိုမဆော့ခဲ့ရသော်လည်း စကားလုံးအနည်းငယ်ဖြင့်ပင် နားလည်သွားခဲ့သည်။

ထန်မော့ကဆိုလိုက်သည်။

"ကစားသမားတစ်ယောက်တည်းရဲ့သွေးက ဒီတိုင်းသွေးပဲ... တကယ့်ဖိနပ်တိုက်ဆေးအစစ်က ကစားသမား၂ယောက်ထဲက တစ်ယောက်ရဲ့သွေးဖြစ်နေတာက ဒုတိယဖြစ်နိုင်ချေပေါ့..."

ရှင်းဖုန်း မသေခင်အထိ ၄င်းကို တွေးမိခဲ့မှာ မဟုတ်ချေ။ ထန်မော့သည် ရှင်းဖုန်းကို မသတ်လိုခဲ့။ ထို့အပြင် သူ့ကိုလည်းသတ်စရာမလိုအပ်ချေ။

ရှင်းဖုန်းက ကစားသမား၂ယောက်ကို သတ်ခဲ့မှန်း သူ မသိခဲ့သလို တရားမျှတမှုကိုလည်း လိုလားခဲ့ခြင်းမျိုးမဟုတ်ချေ။ သူကထိုအတွက် ရှင်းဖုန်းကို သတ်ခဲ့ခြင်းမဟုတ်။ ကမ္ဘာကြီးအွန်လိုင်းပေါ်တက်လာကတည်းက လက်မှာ သွေးမစွန်းဖူးသူဟူ၍ မရှိတော့ပေ။ ထန်မော့သည်ပင် ၁ယောက်ထက်ပို၍ သတ်ဖူးလေသည်။

ထန်မော့မှာ သူ၏သွေးနှင့် ရှင်းဖုန်း၏သွေးကို ရောလျက် အလုပ်ဖြစ်မဖြစ် စမ်းကြည့်တော့မလို့ပင်။ ထို့ကြောင့်လည်း ဖိနပ်ချုပ်သမားကြီးအား ဖိနပ်တိုက်ဆေးမှာ စက်ရုံထဲတွင်အမှန်တကယ်ရှိမရှိ မေးကြည့်ခဲ့ခြင်းပင်။ သူသာဖူ၀မ်သော်၏ သွေးကိုမရနိုင်လျှင် ဖိနပ်တိုက်ဆေးကို ပြုလုပ်နိုင်မည်မဟုတ်ချေ။

သံဖိနပ်ချုပ်သမားကြီးမှာ သူ့အားအဖြေပေးလာလျှင် သူကစွန့်စားရန်ဆုံးဖြတ်ခဲ့လေသည်။

🪩

Prev Next