MM Story Teller

Chapter 101

Viewers 19k

👻 Chapter 101

ချူဟွိုက်က အပြည့်အဝ နားလည်သွားသည်။ ကျင်းထျန်းယိက ဒါရိုက်တာ၏ ဆန္ဒကို တိုးမြင့်ပေးရန်အတွက် လုပ်လို့ရနိုင်မည့် နည်းလမ်းတစ်ခုကို ထောက်ပြနေခြင်းပင်။

ပထမဆုံးအနေနဲ့ ဒါရိုက်တာလိုက်နေတဲ့ လမ်းကြောင်းက သရုပ်ဆောင်တွေရဲ့ စွမ်းဆောင်မှုနဲ့ ဇာတ်ကောင်တွေရဲ့ အကျင့်စရိုက်ထဲထိ ထဲထဲဝင်ဝင်ရောက်သွားမှ တွေ့သွားရတဲ့ "သရုပ်ဆောင် သေသွားတာ" ဆိုတဲ့အရာလိုမျိုး မရိုးရှင်းဘူး....

ယေဘုယျပြောမယ်ဆိုရင် ပရိသတ်တွေ မျှော်လင့်နေတဲ့အရာက ဒါရိုက်တာ လိုက်တဲ့ လမ်းကြောင်းပဲ....။ သူတို့ပိုသဘောကျတဲ့အရာကို ရုပ်ရှင်ထဲမှာ မြုပ်ထားတဲ့ အကြိုက်ဆန်းတဲ့ ဒါရိုက်တာတွေကလည်း ရှိသေးတယ်.....ဒါပေမယ့် ဒါက သူတို့စဥ်းစားထားတဲ့အထဲမှာ မပါပါဘူး....

သူတို့ကိုယ်သူတို့ ပရိသတ်နေရာဝင်ကြည့်လိုက်ရင် သဲထိတ်ရင်ဖို ရုပ်ရှင်တွေမှာ ပရိသတ်မြင်ချင်တဲ့ အရာကို လွယ်လွယ် သိလို့ရတယ်....

ပထမဆုံးအနေနဲ့ အချစ်ခန်း....မဟုတ်ရင် ဒါရိုက်တာက ရှားယွီနဲ့ကျန်းယန်တို့ကို သန့်စင်ခန်းထဲမှာ ဟိုကိစ္စလုပ်ခိုင်းမှာ မဟုတ်ဘူးလေ....ပြီးတော့လည်း သူနဲ့ကျင်းထျန်းယိတို့က ရှားယွီရဲ့အခန်းထဲမှာ မတော်မဆဖြစ်မိတော့မလို့....ရုပ်ရှင်တွေမှာဆို ဒီလိုဇာတ်ဝင်ခန်းတွေကို တော်တော်များများ ထည့်ကြတဲ့ပုံပဲ....

ဒါရိုက်တာကသာ အခန်းက တစ်ခုခုရှိနေမှန်း သူတို့ကို ရှာခိုင်းချင်ရင် သရဲကို အခန်းသော့ပိတ်ခိုင်းဖို့ မလိုဘူးလေ....လုံးဝသဘာဝမကျတဲ့ လုပ်ဇာတ်ကြီးနဲ့တောင် တူသေးတယ်....

ရုပ်ရှင်တွေထဲမှာက သရဲပေါ်လာတဲ့အချိန်တိုင်း လူတွေကို အန္တရာယ်ပေးတယ်....ဒါပေမယ့် ဒီရုပ်ရှင်မှာက သရဲက အသံတုသုံးပြီး စနောက်နေတာ....

အရမ်းကြင်နာတတ်တဲ့ သရဲကျတော့လည်း ပျင်းပျင်းရိရိနဲ့ သူတို့အတွက် နေရာရအောင် တံခါးပိတ်ပေးသွားပြီး ဘာမှမလုပ်ပဲ ထွက်သွားတယ်....အဲ့ဒါကျတော့လည်း တော်တော်လေး ထူးဆန်းနေတယ်....

ပြီးတော့ မြင်တဲ့အတိုင်း သူ့ဇာတ်ကောင်က အပျက်မ မဟုတ်ဘူးဆိုတော့ သူက သေမှာ မဟုတ်ဘူး..

ဒုတိယအချက်အနေနဲ့ ဇာတ်ကောင်တွေက တက်ကြွပြီး စိတ်အားထက်သန်နေကြတာ....နည်းနည်းလောက် ကြိုစဥ်းစားတတ်တဲ့ ပရိသတ်တွေ ဆိုရင် ပြတ်သားတဲ့ ဇာတ်ကောင်အလှည့်အပြောင်းရှိဖို့ မျှော်လင့်ကြမှာပဲ.....ဒါကြောင့် ဇာတ်ကြောင်း ထပ်ဖြည့်လိုက်တဲ့ ဇာတ်ကောင်တွေက ဒါရိုက်တာရဲ့ သဘောကျမှုကို ရရှိသွားခဲ့တယ်....

အရည်အသွေးကို စိတ်ချထားလို့ရသွားပြီ....

ဇာတ်ကောင်တွေ လည်ပတ်နေတဲ့ ပုံစံက ဥပမာပြောရရင် ရက်စက်တဲ့ လူသတ်သမားတစ်ယောက်ပဲ.....ဘာလို့လဲဆိုတော့ ကလေးမလေးတစ်ယောက်က သူ့ရဲ့ သေသွားတဲ့ သမီးနဲ့ တူနေတဲ့အတွက် သူမကို ကယ်တင်ဖို့ ဘာမဆို စွန့်စားရဲနေတာမျိုးလေ.....

ယုတ္တိရှိရှိနဲ့ အကူးအပြောင်းက အဆင်ပြေချောမွေ့နေသေးသရွေ့ ဇာတ်ကောင်တွေ တိုးတက်လာတဲ့ အခြေအနေကလည်း အောင်အောင်မြင်မြင် ဖြစ်လာလိမ့်မယ်....

ဥပမာပြောရရင် ကျင်းထျန်းယိရဲ့ ဇာတ်ကောင်က လောဘကြီးပြီး မရိုးသားတဲ့ ပုံစံမျိုး ဖြစ်နေပေမယ့် ရုပ်ဝတ္ထုပေါ် လိုအင်တပ်မက်မှုတွေကို ခွာချပြီး သူ့ပုံစံအစစ်တိုင်းပဲ နေခဲ့တယ်.....ဒါကြောင့် သူ့ရဲ့ ဇာတ်ကောင်က ကောင်းတဲ့ဘက်ကို ဦးတည်နေတာပေါ့....အဲ့ဒီအတွက်ကြောင့် သူက ဒါရိုက်တာရဲ့ သဘောကျမှုကို သေချာပေါက် ရယူနိုင်ခဲ့တာလည်း ပါမယ်.....

တတိယအချက်အနေနဲ့ ဇာတ်ကြောင်းက အတက်အကျရှိတာကြောင့် သရုပ်ဆောင်တွေက အလှည့်အပြောင်းတွေကို ဖန်တီးဖို့ အလုပ်ကြိုးစားကြဖို့ လိုတယ်.....

ဒါရိုက်တာရဲ့ နှစ်သက်သဘောကျမှုကို ရယူနိုင်တဲ့ အမှတ်တွေမှ အများကြီး ပျံ့ကြဲလို့ပဲ....ရေအိမ်ထဲက သရဲလက်ကြီး လက်မထောင်ပြသွားတဲ့ ရယ်စရာကိစ္စရယ်....ဒါမှမဟုတ် ရှန်ဟွိုက်က croodressနဲ့ တိုင်ပတ်ကတာရယ်....

ဥပမာပြောရရင် အပြုအမူနဲ့ မျက်နှာအမူအရာကို သန့်သန့်စင်စင်လေး ထားမယ်ဆိုရင် ခံစားချက်အစစ်အမှန်တွေကို သိသွားစေနိုင်တယ်....

ကျင်းထျန်းယိ၏ စကားလုံးများက ချူဟွိုက်စိတ်ကို ပွင့်ထွက်သွားစေသည်။ ဒါရိုက်တာရဲ့ သဘောကျနှစ်သက်မှုကို ရဖို့က မလွယ်ဘူးလား....တကယ် မဟုတ်ဘူး....

အနှစ်ချုပ်လိုက်မယ်ဆိုရင် သူတို့အကုန်လုံးက သရုပ်ဆောင်နေကြရတာလေ....

ကမ္ဘာကြီးက သူတို့ကို သတ်ချင်နေပေမယ့် ဒါရိုက်တာက မသတ်ချင်ဘူး....သူက ပိုကောင်းတဲ့ ရုပ်ရှင်ကို ဖန်တီးပြီး လူစိတ်ဝင်စားမှုများအောင် ဆွဲဆောင်ချင်တာပဲ ရှိတယ်....သရဲတွေ ပါဝင်လာရတာက သူတို့ကို သတ်ဖို့ မဟုတ်ပဲ ဇာတ်ကြောင်းမှာ အငြင်းပွားစရာကိစ္စတွေ ပေါ်လာအောင်လို့ တမင်သက်သက် လုပ်နေတာပဲ....

ချူဟွိုက်က မနေနိုင်ပဲ ရယ်လိုက်မိသည်။ သူတို့ကတော့ ရုပ်ရှင်ထဲမှာ အမှန်တရားရှိမှာပဲ ဆိုတဲ့ စိတ်နဲ့ အားကုန်သုံးပြီး လွတ်လမ်းရှာရင်း သံသရာလည်နေကြပေမယ့် သူတို့ရှေ့မှာ ရှိနေတဲ့ နည်းလမ်းကိုတော့ မမြင်နိုင်ခဲ့ကြဘူး.....

အားထုတ်ကြိုးပမ်းပြီးမှ ရရှိလာတဲ့အရာကို အလွယ်လေး ကျော်ကြည့်မိသွားတဲ့အခါ အရေးကြီးတဲ့အရာတွေက ပြောင်းပြန်ဖြစ်သွားတတ်တယ်....

ဒါရိုက်တာရဲ့ နှစ်သက်သဘောကျမှုကို ရယူနိုင်ဖို့ကတော့ တော်တော်လေး ရိုးရှင်းပါတယ်.....သူနဲ့ ကျင်းထျန်းယိတို့ကလည်း ချစ်သူတွေအနေနဲ့ သရုပ်ဆောင်ပြီး အချစ်ခန်းလေးတွေကို ယုတ္တိရှိရှိဖန်တီးပေးနိုင်ခဲ့တာပဲလေ.....

တနုံ့နုံ့နဲ့ စိတ်လှုပ်ရှားစရာ ဇာတ်ကြောင်းအလှည့်အပြောင်းမျိုးကို ဖန်တီးဖို့ ယုတ္တိရှိတဲ့အရာတွေကို စွန့်လွှတ်ပြီး "လွှစက်" ရုပ်ရှင်ထဲက အင်္ကျီအမည်းနဲ့ ရဲအရာရှိဇာတ်ကောင်လိုမျိုး ဇာတ်ကြောင်းအပြောင်းအလဲကို ဖန်တီးရမယ်.....

ဇာတ်ကောင်တွေရဲ့ လမ်းကြောင်းကို စူးစမ်းရှာဖွေနေရမယ်....

အကျိုးရှိအောင် ရယ်စရာလုပ်ပြောပြီး ခံစားချက်တွေကို ဖွင့်ပြပေးရမယ်....

ချူဟွိုက်နှင့် ကျင်းထျန်းယိတို့က တစ်ယောက်နှင့်တစ်ယောက် ကြည့်လိုက်ရင်း ရုတ်တရက် စိတ်အေးသွားသလို ခံစားမိသည်။

၁၀နာရီလောက်ထိ တောင့်ခံထားဖို့က အရမ်းခက်ခဲလား....

ချစ်သူရယ် သူငယ်ချင်းတွေရယ် ရှိနေမယ်ဆိုရင် မခက်ခဲပါဘူး....ဘာလို့လဲဆိုတော့ သူတို့က တစ်ယောက်နဲ့တစ်ယောက် ကယ်တင်ပေးဖို့ အားစိုက်စရာမလိုပဲ အပိုပေးလို့ရနေတာလေ....

သူတို့က သုံးယောက်ပဲ ရှိတော့ပေမယ့် အချင်းချင်း အကြွင်းမဲ့ ယုံကြည်ကြလို့ တခြားအရာတွေထက်စာရင် ပိုကောင်းတာပေါ့...

လူများလွန်းရင်လည်း သူတို့စိတ်တွေကို ကြိုတင်ခန့်မှန်းလို့ မရနိုင်တဲ့အတွက်ကြောင့် ကိုယ်က ကိုယ့်Nမှတ်ကို သုံးပြီး သူတို့ကို ကယ်ပေးလိုက်ရင်တောင်မှ တစ်ချို့က သစ္စာဖောက်ပြီး သူတို့ကိုယ်ကျိုးအတွက် သူများတွေကို ကယ်ပေးချင်မှကယ်ပေးကြမှာ.....။အဲ့ဒီအချိန်ရောက်ရင် ကျန်တဲ့သူတွေကလည်း အမှောင်စိတ်ပြောင်းသွားတဲ့သူတွေကို အပြစ်တင်လို့ မရတော့ဘူး....ဘာလို့လဲဆိုတော့ လူတိုင်းက သူတို့ကို ကယ်ပေးမယ့်သူကို စောင့်နေကြတာမို့လို့ပဲ.....

သူတို့ကို ကယ်ပေးလိုက်ရပေမယ့် ကျေးဇူးမသိတတ်တဲ့သူတွေကြောင့် သေရတယ်ဆိုရင် တကယ်စိတ်ပျက်စရာကောင်းတယ်....

လော့ဇီယန်က ချွေးပြန်လာပြီး အဖျားစဝင်လာသည်။ သူ့မျက်နှာက ပုံမှန်မဟုတ်သလို ပူပြင်းနေ၍ အခြေအနေ သိပ်မကောင်းပေ။ ချူဟွိုက်က အနည်းငယ် စိုးရိမ်လာရသော်လည်း အားတင်းပြုံးပြီး အဆင်ပြေချင်ယောင်ဆောင်နေရသည်။

သုံးနာရီကြာပြီးနောက် ချူဟွိုက်က နှစ်ကြိမ်သေပြီး ကျင်းထျန်းယိကလည်း တစ်ကြိမ်ထပ်သေသည်။ လော့ဇီယန်က သရဲ၏ ပစ်မှတ်ဖြစ်မလာ၍ ကံကောင်းနေသေးသည်။

ချူဟွိုက်က Nမှတ်နှင့် လှဲယူ၍ရနိုင်မည့် အခြေအနေများကို စဥ်းစားကြည့်နေစဥ် လော့ဇီယန်နောက်မှ ပေါ်လာသည့် မျက်နှာဖောင်းဖောင်းကြီးတစ်ခုကို တွေ့လိုက်ရသည်။ သူ့နှလုံးက ရင်ဝထိ ခုန်တက်လာပြီး အမြန်သွားကယ်လိုက်သည်။

သူတို့တွင်ရှိသည့် Nမှတ်များက လူများများသုံး၍မရချေ။ ကျင်းထျန်းယိက လော့ဇီယန်ကို ကယ်ရန် တစ်ကြိမ်သုံးခဲ့ပြီး စောစောက ချူဟွိုက်မှာ တစ်ခုရထားခဲ့သော်လည်း သုံးလိုက်မိပြီးသား ဖြစ်နေသည်။ လော့ဇီယန်တွင် တစ်ခုရှိနေနိုင်သော်လည်း သရဲသာ သူ့ကို သတ်သွားလျှင် သူ့Nမှတ်က သူ့ကိုယ်သူ ကယ်၍မရနိုင်တော့ချေ။

ယခုချိန်တွင် လုပ်ရမည့် အရေးကြီးဆုံးအရာက ချူဟွိုက်က လော့ဇီယန်ကိုယ်စား သေပေးလိုက်ပြီး လော့ဇီယန်ကို ပြန်ကယ်ခိုင်းရမည်ပင်။

လော့ဇီယန်က မျက်စိစူးခနဲ ဖြစ်သွား၍ တုံ့ပြန်ရန် နှေးနေမိသည်။ ချူဟွိုက်က အမြန်ပြေးသွားလိုက်သောအခါ ရုတ်တရက် ခေါင်းကြည်သွားပြီး တစ်ဖက်သို့ အမြန်လိမ့်ထွက်သွားလေသည်။

ချူဟွိုက်က အရှိန်ရပ်လိုက်ပြီး သူ့လက်ကနာရီကို စစ်ဆေးနေသည့် လော့ဇီယန်ကို မြင်လိုက်သည့်အချိန် အံ့သြတကြီး ဖြစ်သွားရသည်။

လော့ဇီယန်က ချူဟွိုက်ကို ပြုံးပြလာပြီး နောက်မှ ရောက်လာသည့် ကျင်းထျန်းယိကလည်း ရှက်ဝဲဝဲပြုံးလာသည်။

....ရှောင်ယဲ့လား....

ချူဟွိုက်က တစ်ခဏမျှ အံ့သြသွားရပြီး ပြုံးလိုက်မိသည်။ သူက လော့ဇီယန်၏ ခန္ဓာကိုယ်က အတားအဆီးဖြစ်နိုင်မလား စိုးရိမ်နေခဲ့မိသော်လည်း ယခု ထိုသို့ စိတ်မပူမိတော့ပေ။

ဒါဆို ရှောင်ယဲ့က ထွက်သွားတာ မဟုတ်ပဲ လော့ဇီယန်ကိုယ်ထဲ ကပ်နေနေတာပေါ့....

မအံ့သြမိတော့ပါဘူး....

အရင်တုန်းက လော့ဇီယန်က သူ့ကို နှုတ်မဆက်ပဲ ထွက်သွားတယ်လို့ ပြောနေတုန်းက ချူဟွိုက်က လော့ဇီယန်အပေါ်မှာထားတဲ့ ရှောင်ယဲ့ရဲ့ ခံစားချက်တွေက အတုအယောင်နဲ့ မတူဘူးလို့ သိချင်ခဲ့သေးတယ်....သူက လော့ဇီယန်က နှစ်ကူးရုပ်ရှင်ရိုက်ရတော့မယ့်အကြောင်း သိခဲ့တဲ့အချိန် သူ့ကို စွန့်လွှတ်လိုက်မှာတော့ မဟုတ်လောက်ဘူး....

ကြည့်ရတာ ကစားကွင်းမစ်ရှင် ပြီးသွားလို့ ရှောင်ယဲ့က တိုက်ခန်းမှာ သရဲအဖြစ် ဆက်နေလို့မရတော့တဲ့အတွက် သူက ဒီအစီအစဥ်နဲ့ လိုက်လာတာဖြစ်မယ်....

ခုနက လော့ဇီယန် သရဲနဲ့မတိုးတာ မအံ့သြမိတော့ပါဘူး....ရှောင်ယဲ့က သရဲစွမ်းအင်နဲ့ ကာကွယ်ပေးထားတာကိုး....

သူတို့နောက်က ကျင်းထျန်းယိက မျက်နှာတည်တင်းနေသည်။

ရုပ်ရှင်ထဲမှာ သရဲတွေရဲ့ စွမ်းရည်တွေကို ဘက်ညီအောင် လုပ်ပေးထားပြီးသား....ဒါကို ရှောင်ယဲ့လို အဆင့်မြင့်သရဲမျိုး ပေါ်လာပြီး ဝင်နှောင့်ယှက်မယ်ဆိုရင် တစ်ချို့ တားမြစ်စည်းတွေလည်း ပြိုကွဲသွားနိုင်တယ်....ငါ အတွေးလွန်နေတာလို့ပဲ မျှော်လင့်ပါရစေ....

ကျင်းထျန်းယိက ချူဟွိုက်နားကပ်လိုက်ပြီး သူ့ခန္ဓာကိုယ်ထဲရှိ အဆင့်ခုနစ် မကောင်းဆိုးဝါးဝိဥာဥ် အကြောင်း စဥ်းစားမိသွားချိန် တိတ်တဆိတ် စိုးရိမ်မိသွားရသည်။

အဲ့ဒီအရာက ဘာမှလုပ်မလာသေးပေမယ့် ချူဟွိုက်ကိုယ်ထဲမှာ ရှိနေလောက်သေးတယ်....ပထမဆုံး သူ အဲ့ဒီကောင်ကို ဖိနှိပ်ထားခဲ့တယ်....ဒုတိယအကြိမ်မှာ ချူဟွိုက်ကို အာရုံမထားမိလို့ သူအောင်နိုင်သွားပြီလို့ပဲ တွေးထားခဲ့တာ....

ဒါပေမယ့် ချူဟွိုက် ဖြတ်ကျော်နိုင်ခဲ့တဲ့ မစ်ရှင်တွေ များလာတဲ့အချိန် ဘာလို့များ စည်းမျဥ်းတွေကို သွေဖယ်ပြီးတော့ ချူဟွိုက်ကို တိုက်ခိုက်ရတာလဲဆိုတဲ့ စိတ်နဲ့ သူ့ဘက်က စိုးရိမ်ပူပန်လာခဲ့မိတယ်....

သီအိုရီအတိုင်းဆို အဲ့ဒီသရဲကောင်က သူ့လုပ်ရပ်ကြောင့် အပြစ်ပေးခံရပြီး ဒီလောကကြီးထဲ ပြန်ပေါ်လာလို့မရတော့ဘူးဆိုပေမယ့်လို့....

ဘယ်လိုပဲဖြစ်ဖြစ် Nမှတ်ရဲ့ စည်းမျဥ်းတွေက လူသတ်သမား သရဲတွေရဲ့ စည်းမျဥ်းတွေထက် ပိုမြင့်နေတယ်....အဲ့ဒီသရဲကောင် ထွက်လာရင်တောင်မှ သူတို့ကို ရန်မူလာလို့ မရနိုင်ဘူး....Nမှတ်သုံးရတဲ့နှုန်းပဲ ပုံလာမှာရှိတယ်....

ရှောင်ယဲ့လည်း ပါလာပြီဆိုတော့ သုံးယောက်ကြား ပူးပေါင်းမှုက ပိုပြီး အဆင်ပြေချောမွေ့လာတော့မှာ....

နောက်ထပ်အချိန်ခဏတွင်း ချူဟွိုက်က Nမှတ်ကြောင့် နိုးလာသည်။ ဤတစ်ကြိမ်တွင်ဖြင့် ရှောင်ယဲ့က ကျင်းထျန်းယိကို ကယ်ပေးလိုက်ပြီး ကျင်းထျန်းယိက Nမှတ်ကို သုံးလိုက်ခြင်းပင်။

ချူဟွိုက်က နောက်ပြန်လဲကျသွားပြီး ကျန်သည့်နှစ်ယောက်နောက်ကို လိုက်သွားရန်ပြင်လိုက်စဥ် ထူးဆန်းသော မြင်ကွင်းတစ်ခုက သူ့မျက်စိရှေ့ ပေါ်လာခဲ့သည်။

ရှောင်ယဲ့ဘေးနားတွင် လူတစ်ယောက် ရပ်နေပြီး သူ၏ကျောဘက်ခြမ်းက သူနဲ့ တော်တော်လေး တူနေသည်။

ထိုလူက ချူဟွိုက်၏အကြည့်ကို အာရုံရသွားသလို ရုတ်တရက် ခေါင်းလှည့်လာရာ ချူဟွိုက်နှင့် ထိုသူ၏ မုန်းတီးစိတ်တို့ တောက်လောင်နေသည့် မျက်လုံးနီနီတို့ အကြည့်ချင်းဆုံသွားမိသည်။ သူ့နှလုံးခုန်သံတို့ ရပ်တန့်သွားလေသည်။

ဟိုသရဲကောင်....ချူဟွိုက်က အံတင်းတင်းကြိတ်ထားမိသည်။

ယခုအကြိမ်က ထိုသူနှင့် မျက်နှာချင်းဆိုင် တွေ့ဖူးသည့် ပထမဦးဆုံးအကြိမ်ဖြစ်၍ ထိုသရဲက သူနှင့်အတိအကျတူနေမှန်း သိလိုက်ရသည်။

တစ်ခုတည်းသော ခြားနားချက်က သူ့လိုမဟုတ်ပဲ ထိုသူ၏ ညာဘက်နှုတ်ခမ်းထောင့်လေးတွင် မှဲ့လေးတစ်ခုရှိနေခြင်းသာ....

သို့သော်လည်း ဘေးပတ်လည်က မှောင်မည်းနေ၍ ရှောင်ယဲ့က ထိုမှဲ့ကို မမြင်ရသဖြင့် ထိုလူက အတုအယောင်ဖြစ်နေမှန်း သူသိမည် မဟုတ်ပေ။

သူက တမင်သက်သက် သူမြင်အောင် ပြလာတာ....

ထိုသူ့ဘေးပတ်ပတ်လည်က ချာချာလည်သွား၍ ချူဟွိုက်က ပြေးလိုက်သွားသော်လည်း မည်သို့ကြိုးစားပါစေ လိုက်မမှီနိုင်ခဲ့ပေ။ သူအနားကပ်သွားသည့်အချိန်တိုင်း ထိုသူက မျက်လုံးမှိတ်သွား၍ ထိုမျက်လုံးများက တဖန်ပြန်ပြီး လွင့်ပျယ်သွားပြန်သည်။

ချူဟွိုက်က အသက်ပြင်းပြင်းရှူလိုက်ပြီး သူတို့နှစ်ယောက်လုံး အဆင်ပြေသွားလိမ့်မည်ဟု သူ့ကိုယ်သူ ပြောပေးနေမိသည်။

သူ့မှာNမှတ်တွေ ရှိသေးလို့ ရှောင်ယဲ့နဲ့ကျင်းထျန်းယိတို့ သတိမထားမိပဲ အသတ်ခံလိုက်ရတယ်ဆိုရင်တောင်မှ သူပြန်ပြီး ကယ်ပေးလို့ရပါသေးတယ်....

ဒီတစ်ကြိမ်မှာ သရဲရဲ့ ပစ်မှတ်က ရှောင်ယဲ့လား..

ဒါမှမဟုတ် လော့ဇီယန်လား....

ချူဟွိုက်က စိတ်အေးအေးထားလိုက်ပြီး အကြံထုတ်လိုက်သည်။

သူနဲ့ကျင်းထျန်းယိမှာ သေအတူရှင်မကွာ ကတိတစ်ခု ရှိလို့ ကျင်းထျန်းယိက သူအန္တရာယ်ရှိမရှိ အာရုံခံနိုင်တယ်....သူသာ နည်းနည်းလေး ဒဏ်ရာရသွားတာနဲ့ ကျင်းထျန်းယိက နည်းနည်း ခံစားမိမှာပဲ.....

ချူဟွိုက်က သူ့လက်ထဲ ဓါးစိုက်လိုက်ပြီး လက်ဖဝါးကို ရှအောင်လုပ်လိုက်သည်။

ခပ်လှမ်းလှမ်းမှ ကျင်းထျန်းယိက ချက်ချင်း ခြေလှမ်းရပ်သွားပြီး "ချူဟွိုက်" ကို စူးစူးရှရှကြည့်လာသည်။

ကျင်းထျန်းယိက မေးလာခဲ့သည် " မမ ထိခိုက်သွားတာလား..."

" မဟုတ်ပါဘူး...." ချူဟွိုက်က သူ့ကို တည့်တည့်ကြည့်မလာပဲ ရေရွတ်လိုက်သည်။

ကျင်းထျန်းယိက လှောင်ရယ်လိုက်ရင်း ရုတ်တရက် သူ့လည်ပင်းကို ဖမ်းဆုပ်လိုက်သည်။ သူက ချူဟွိုက်၏ ခေါင်းကို ပင့်မလိုက်ရာ သူ့မျက်နှာပေါ်က မှဲ့အပြင် လှောင်ပြုံးတစ်ခုကိုပါ မြင်လိုက်ရသည်။

ကျင်းထျန်းယိက အော်လိုက်သည် " ရှောင်ယဲ့....သတိထား...."

ယခုတွင် မကောင်းဆိုးဝါး ဝိဥာဥ်ပါ ဝင်ရောက်လာပြီဖြစ်၍ ဤဇာတ်ကြောင်းက ကျိုးကြောင်းမညီညွတ်တော့ပဲ သူက နာမည်ခေါ်မိသည်ကိုလည်း စိတ်မပူတော့ပေ။

“ချူဟွိုက်" ၏လက်က ထူးဆန်းသည့်ပုံစံကြီးနှင့် လိမ်ပတ်လာပြီး လက်ချောင်းထိပ်များနှင့် ရှောင်ယဲ့၏မျက်ခုံးကို သွေးစက်ကျအောင် ကုတ်ဆွဲလာလေသည်။

👻

Prev Next