MM Story Teller

Chapter 74

Viewers 7k

🌍Chapter 74

ထန်မော့ တုန့်ပြန်ခြင်းမရှိပဲ တစ်ဖက်ခြမ်းတွင်သာ ရပ်နေခဲ့သည်။

ကျောက်၀မ်ပင်းကလှမ်းကြည့်လိုက်ပြီး ထန်မော့ သူ့အားပြန်ဖြေခြင်းမရှိသည်ကို တွေ့လိုက်ရလျှင် ထပ်မမေးတော့ပဲ တစ်ဖက်သို့ပြန်လှည့်သွားခဲ့သည်။

သက်လတ်ပိုင်းအရွယ်လူကြီးက မေးလာခဲ့သည်။

"ငါတို့ဘာလုပ်ကြမလဲ"

ကျောက်၀မ်ပင်းမှာ တွေးတောလိုက်ပြီး ဆိုသည်။

"ကျွန်တော်ကတော့ အစေခံကတ်မဖြစ်နိုင်ဘူးလားလို့"

သက်လတ်ပိုင်းအရွယ်လူကြီး ခေါင်းညိတ်လိုက်သည်။

"အဲကတ်ကငါတို့ရဲ့တုန့်ပြန်ဖို့ အခွင့်အရေးပဲ ရွေးလို့မဖြစ်ဘူး ဒါဆို ဘာရွေးကြမလဲ"

"ကျွန်တော့်အထင် သူတို့ မူးမတ်ကတ်ကို ရွေးလောက်တယ် သူတို့ကကျွန်တော်တို့ကတ်ကို သေချာမမှန်းနိုင်လောက်ပေမယ့် မူးမတ်ကတ်ရွေးမယ်ဆိုတာ ၉၀ရာခိုင်နှုန်းလောက်သေချာတယ် ဒီလိုဆို ကျွန်တော်တို့မှာကျန်တဲ့ ၃ကတ်က ဘုရင်မ စစ်သည်တော်နဲ့ အစေခံကတ်တွေလို့သိသွားလိမ့်မယ် တကယ်လို့ သူတို့ဘုရင်ကတ်ကို ထုတ်လာပြီး ကျွန်တော်တို့ အစေခံကတ်ဆီက ဖိနှိပ်ခံလိုက်ရရင် သူတို့ပထမချီအသာစီးရထားတာက အလကားဖြစ်သွားမှာ...ဒါဆိုသူတို့ မူးမတ်ကတ်ကို ထုတ်လိမ့်မယ်..ကျွန်တော်တို့ ဘုရင်မကတ်ကို မထုတ်သ၍ သူတို့မှာ နိုင်ဖို့အခွင့်အရေး များတယ်"

"အင်း ငါတို့တွေ ဘုရင်မကတ်ပဲ ထုတ်ရအောင်"

သက်လတ်ပိုင်းလူကြီးမှာ တစ်ခုခုကိုသတိရသွားပုံဖြင့် တိတ်တဆိတ်ထန်မော့ဘက်သို့လှည့်ကြည့်လာခဲ့သည်။ ထို့နောက်သူ၏အမူအယာမှာ ပျက်ယွင်းသွားလျက်

"မင်း သူတို့ကို ဘုရင်မကတ်ထုတ်မယ်လို့ ပြောလိုက်တာပဲ"

ကျောက်၀မ်ပင်းလည်း ၄င်းကိုသတိရသွားပြီး ထန်မော့ကို အံ့အားသင့်စွာ ကြည့်လာခဲ့သည်။

ကျောင်းသူထုတ်ပယ်ခံလိုက်ရခြင်းနှင့် မူးမတ်ကတ်မှာ သူတို့ကို ရှုပ်ထွေးစေခဲ့သည်။ ထန်မော့၏စကားမှာ အလွန်ရုတ်တရက်ဆန်လွန်းခဲ့သည်။ သူတို့မှာ ဖြစ်ပျက်သွားသမျှကို အံ့အားသင့်နေကြဆဲဖြစ်၍ အများကြီးမတွေးလိုက်မိချေ။ သူတို့ဘုရင်မကတ်အကြောင်း ပြောနေကြတော့မှ ထန်မော့၏စကားကို မှတ်မိသွားခဲ့သည်။

ကျောက်၀မ်ပင်း၏အမူအယာမှာ အလွန်ဆိုးရွားသွားလျက်

"အဲဒီစကားက အရမ်းအရေးကြီးတယ် အခုတော့ ရှုပ်ကုန်ပြီ ကျွန်တော်တို့ ဘုရင်မကတ်ထုတ်ရင် သူတို့ အစေခံကတ်ထုတ်မယ်လို့ တွေးနေကြလောက်ပြီ... မဟုတ်ရင်လည်း ကျွန်တော်တို့က သူတို့အစခံကတ်ထုတ်လာအောင် လှည့်စားတယ်လို့ထင်ပြီး စစ်သည်တော်ကတ်ကို ထုတ်လာပြီး ကျွန်တော်တို့ကို ဖိနှိပ်တော့မှာပေါ့"

သက်လတ်ပိုင်းလူကြီးမှာ အလွန်ဒေါပွလျက် ဆိုသည်။

"မင်းဘာလို့ပြောလိုက်တာလဲ ဘာလို့လဲ...မင်းကျတစ်ခုမှ၀င်မကူညီပဲ အခုကျပိုဆိုးအောင်လုပ်လိုက်ပြီ..ငါတို့မှာ အသည်းအသန်ဆွေးနွေးနေပေမယ့် မင်းကတော့ဘာသိဘာသာနဲ့ မင်းဘာလုပ်ချင်နေတာလဲ ပြော"

သက်လတ်ပိုင်းလူကြီးက ထန်မော့အားရိုက်ရန်လက်ရွယ်လိုက်သည်။ ထန်မော့ ဘေးသို့သာ အသာစောင်းလျက် ၄င်းကိုရှောင်လိုက်သည်။

သက်လတ်ပိုင်းလူကြီးက မကျေနပ်စွာမာန်မဲနေခဲ့သည်။

"မင်း၀င်မပြောလည်း သောက်ရေးတော့မပါဘူး ဒါပေမယ့် ဘာလို့၀င်ရှူပ်တာလဲ နောက်တစ်ခါ မင်းပါးစပ်ကို သတိထား မဟုတ်ရင် ငါ့ကိုအဆိုးမဆိုနဲ့"

ထန်မော့ သူ့အား အရေးမလုပ်ခဲ့ချေ။

ကျောက်၀မ်ပင်းက တစ်ခုခုမူမမှန်သည်ကို သတိထားမိသွားခဲ့သည်။

"မော့လူကြီမင်း ခင်များ ဘာတွေတွေးနေတာလဲ"

သက်လတ်ပိုင်းအရွယ်လူကြီးက ထန်မော့အား အံ့သြစွာ ကြည့်လာခဲ့သည်။

ထန်မော့ ကြမ်းပြင်ကိုစိုက်ကြည့်လျက် သူ၏လက်ချောင်းလေးများမှာ စည်းချက်ကျကျ ခေါက်နေသည့်ဟန် လှုပ်ရှားနေခဲ့သည်။ သူကမျက်လုံးကိုအသာမှိတ်လျက် သက်ပြင်းချလိုက်သည်။ သူ၏လေသံမှာမူ ပကတိတည်ငြိမ်လျက်

"သူတို့ဘာလို့ ပထမအချီကို ဘုရင်ကတ်ရွေးတာလဲ စဥ်းစားနေတာ"

ကျောက်၀မ်ပင်းကရှင်းပြလာခဲ့သည်။

"သူတို့လောင်းကြေးထပ်ချင်လို့ပေါ့ ကျွန်တော်တို့ အစေခံကတ်မထုတ်လောက်ဘူးလို့ လောင်းလိုက်တာ... ကျွန်တော်တို့ အစေခံကတ်မထုတ်သ၍ သူတို့က ဘာပဲဖြစ်ဖြစ် အသာစီးရမှာပဲလေ"

"မှားတယ်"

ကျောက်၀မ်ပင်းမှာ သူ၏ယူဆချက်ကို ငြင်းပယ်ခံရလျှင် အလွန်အံ့သြသွားခဲ့သည်။

ထန်မော့ သူ့အား တည်ငြိမ်စွာ ကြည့်လိုက်သည်။

"ပထမအချီမှာ အစေခံကတ် ပေါ်လာနိုင်နှုန်းက ၂၀ရာခိုင်နှုန်းပဲ.. ဒီရာခိုင်နှုန်းက တကယ်လောင်းကြေးထပ်စရာကောင်းပေမယ့် ခင်များအတွက်တော့ လိုမနေဘူး"

သူကကျောက်၀မ်ပင်းနှင့် သက်လတ်ပိုင်းလူကြီးကို ကြည့်လိုက်ကာ"

"ခင်များတို့ ၂ယောက်လုံး သဘောမတူခဲ့ဘူးလေ"

ကျောက်၀မ်ပင်းနှင့် သက်လတ်ပိုင်းအရွယ်လူကြီးမှာ လည်ချောင်းတွင်တစ်ခုခုတစ်ဆို့နေသည့်နှယ် ဘာပြောရမှန်းမသိခဲ့ချေ။

ထန်မော့မှာ အစကတည်းက ဘုရင်မကတ်ကို ရွေးရန်ပြောခဲ့သော်လည်း သူတို့၃ယောက်က ငြင်းပယ်ခဲ့ခြင်းပင်။ ထန်မော့လည်း ထိုထက်ပိုမတိုက်တွန်းခဲ့ချေ။ သို့သော်အဆုံးတွင်တော့ သူကမူးမတ်ကွက်တွင်မရပ်ပဲ ဘုရင်မကွက်တွင် ရပ်နေခဲ့သည်။

သက်လတ်ပိုင်းအရွယ်လူကြီးမှာ အပြစ်မကင်းဟန်ဖြင့် အော်ငေါက်လာခဲ့သည်။

"ငါတို့မူးမတ်ကတ်ရွေးလည်း ရတယ်လို့ မင်းပဲပြောခဲ့တာလေ အခုမှ ငါတို့ကိုလာမလွှဲချနဲ့"

ထန်မော့သူ့အား အေးစက်စွာကြည့်လိုက်သည်။

"ခင်များကိုလွှဲချနေတာမဟုတ်ဘူး...အစေခံကတ်ကိုမရွေးရခြင်းက ဘာလို့ ဘုရင်ကတ်နဲ့တူတာလဲ ပြောပြနေတာ...ဒီဂိမ်းကိုဆော့တဲ့သူက အရဲစွန့်ပြီး ဘုရင်ကတ်ကိုထုတ်ဖို့ ဖြစ်နိုင်ချေ အင်မတန်နည်းတယ်... နှစ်ယောက်အတူဆော့ရရင် ပိုတောင်မဖြစ်နိုင်သေး.. အခုက ၄ယောက်..လူ၄ယောက်ကအတူတူ ဘူရင်ကတ်ကိုရွေးဖို့ သဘောတူမယ့် ဖြစ်နိုင်ချေသိပ်နည်းလွန်းတယ်"

ကျောက်၀မ်ပင်းက ငြင်းဆန်လာသည်။

"မဟုတ်ဘူး လူ၃ယောက်က ဘုရင်ကတ်ကိုရွေးခဲ့တာ... အနက်ရောင်နဲ့လူကသာ ဘုရင်ကတ်ကို မရွေးချင်ခဲ့တာ"

ထန်မော့သူ့အားကြည့်လိုက်ကာ ဘာမျှမဆိုခဲ့ချေ။ သူ၏လွယ်အိတ်ထဲမှ ထီးကလေးကိုထုတ်လိုက်ပြီး လက်ကောက်၀တ်ကို လှုပ်ရှားလိုက်သည်။

ကျောက်၀မ်ပင်းနှင့် သက်လတ်ပိုင်းအရွယ်လူကြီးမှာ ထူးဆန်းစွာ ကြည့်လာခဲ့သည်။

"မော့ လူကြီးမင်း ခင်များဘာလုပ်နေတာလဲ"

"သူတို့ဘယ်လိုလုပ်ပြီး ဘုရင်ကတ်ကို ရွေးဖို့ သဘောတူလိုက်ကြလဲ စဥ်းစားနေခဲ့တာ"

ထန်မော့မှာ ထီးကလေးကိုကြည့်လျက် ၄င်း၏လက်ကိုင်မှ စကားစုကို အမူအယာမဲ့စွာ ရွတ်ဆိုလိုက်သည်။

"ခေါင်းစွပ်နီလေးရဲ့စွမ်းအား မှော်ဆန်သော မိန်းကလေးအသွင်ပြောင်းလဲခြင်း"

ကျောက်၀မ်ပင်းကအော်လိုက်သည်။

"ခင်များဘာပြောလိုက်တာလဲ"

ထီးကလေးထံမှ ဖျော့တော့သောအလင်းရောင်တစ်ချက်လင်းသွားလျက် ထန်မော့၄င်းအား လေထဲသို့ ၂ကြိမ်ခန့် ဝေ့ယမ်းလိုက်သည်။

သက်လတ်ပိုင်းအရွယ်လူကြီး မျက်မှောင်ကျုံ့လျက် ရှေ့သို့တိုးလာခဲ့သည်။

"မင်းဘာတွေ..."

သူ၏အသံမှာ ရုတ်တရက် ရပ်တန့်သွားခဲ့သည်။

ထီးကလေးမှာ ထိုလူကြီး၏ လည်တိုင်တွင် ထောက်လျက် ရပ်တန့်သွားခဲ့လျှင် ထိုလူကြီးမှာ တံတွေးအသာမြိုချလိုက်မိသည်။

သက်လတ်ပိုင်းအရွယ် လူကြီးမှာ ဒေါသတကြီး အော်ဟစ်လာခဲ့သည်။

"မင်းဒါ ဘာကိုဆိုလိုတာလဲ"

"ဒါလား...

ခင်များမလှုပ်တာကောင်းလိမ့်မယ်"

ထန်မော့ပြောလိုက်သော်လည်း သက်လတ်ပိုင်းအရွယ်လူကြီးမှာ အထင်သေးစွာပင် ထီးအားလက်ဖ့င့် ပုတ်ထုတ်လိုက်သည်။ သူ၏လက်မှာ ထိုထီးကိုထိသွားသည်နှင့် ပလတ်စတစ်တုံးတုံးဟုသာ ထင်စရာရှိသော ထီးမှာ သူ၏လက်ကို ပြတ်ရှစေခဲ့ကာ သွေးများတမဟုတ်ချင်းစီးကျလာခဲ့သည်။

ကျောက်၀မ်ပင်း ထိတ်လန့်သွားခဲ့သည်။

"မော့လူကြီးမင်း"

ထန်မော့မှာ ထီးကလေးအား လက်တစ်ဖက်ဖြင့်ကိုင်လျက် သက်လတ်ပိုင်းအရွယ်လူကြီး၏ လည်တိုင်ကိုထောက်ထားခဲ့သည်။ ထို့နောက်သူက တည်ငြိမ်စွာ ဆိုလာခဲ့သည်။

"သူတို့ဘုရင်ကတ်ကိုရွေးဖို့ဘာလို့ သဘောတူလိုက်ကြလဲ စဥ်းစားနေတာ...တကယ်တော့ ရိုးရိုးလေးပဲ... အစတကည်းက လူလေးယောက်ကစားနေတာမှ မဟုတ်တာ... တစ်ယောက်တည်းပဲ..သူကဘုရင်ကွက်မှာ ရပ်ခိုင်းတာနဲ့ ဘယ်သူမှသူ့ကို မငြင်းရဲပဲ သဘောတူရမှာပဲ... ဒီဂိမ်းကအသုံးမ၀င်တဲ့ အသင်းဖော်တွေကိုမလိုအပ်ဘူး..ငါစဥ်းစားတာနောက်ကျသွားတယ်"

ထန်မော့ခတ္တမျှတန့်လျက် အချုပ်ဆိုလိုက်သည်။

"ဒီဂိမ်းက တစ်ယောက်ဆို လုံလောက်ပြီ"

သက်လတ်ပိုင်းအရွယ်လူကြီးမှာ ထီးကလေး၏စွမ်းအားကို ခံစားမိသဖြင့် မလှုပ်ရှား၀ံ့ပဲ တောင့်တင်းစွာ ရပ်နေခဲ့သည်။

ထန်မော့၏အာရုံများ သက်လတ်ပိုင်းအရွယ် လူကြီးထံရောက်ရှိစဥ်တွင် ကျောက်၀မ်ပင်းမှာ ပြေးလာပြီး ထန်မော့အား တိုက်ခိုက်ရန်ပြင်လိုက်သည်။ ထန်မော့မှာ သူ၏ရင်ဘတ်ကို ကန်လိုက်ပြီး ဘေးသို့ လွင့်စင်သွားစေခဲ့သည်။

၄င်းကိုမြင်လျှင် သက်လတ်ပိုင်းအရွယ်လူကြီးမှာ ဓါးတစ်ချောင်းကို ဆွဲထုတ်လိုက်ပြီး

"ငါနဲ့တိုက်စမ်း"

ထန်မော့သည် ထီးကလေးကို လှုပ်ရှားလိုက်ပြီး ဓါးကို ကာလိုက်သည်။ တချိန်ထဲမှာပင် ထီးကလေးမှာ လျင်မြန်စွာ ပြန်ပိတ်သွားပြီး သက်လတ်ပိုင်းအရွယ်လူကြီးမတုန့်ပြန်နိုင်မီမှာပင် သူ၏လည်ပင်းတွင် အရင်အတိုင်းထောက်လျက် နေရာယူနေခဲ့ပြန်သည်။

သို့သော် ဤတစ်ကြိမ်တွင်အကွာအဝေးမှာ ၁စင်တီမီတာမျှသာ။

ကျောက်၀မ်ပင်းမှာ မြေကြီးပေါ်တွင်လဲကျနေပြီး မလှုပ်ရှား၀ံ့ချေ။ သက်လတ်ပိုင်းအရွယ်လူကြီးမှာ ပ်ို၍ပင်ကြောက်ရွံ့ကာ အေးခဲနေတော့သည်။

ထို့နောက် အေးစက်သောလေသံကို ကြားလိုက်ကြရသည်။

"အခုကစပြီး ဒီအသင်းက ကျွန်တော့်လက်ထဲမှာပဲ ဘာကတ်ရွေးရမလဲဆိုတာ ကျွန်တော်ပဲဆုံးဖြတ်မယ်...အကယ်၍ဆုံးဖြတ်ချက်ကိုမလိုက်နာရင်..."

ထန်မော့ ခေါင်းကိုမော့လျက်

"ဂိမ်းကိုမေ့လိုက် ခင်များတို့ ၂ယောက်လုံးကို သတ်မှာ"

အဖြူရောင်နံရံကြီးမှာ တဖန်မြင့်တက်သွားခဲ့သည်။

တစ်ဖက်ခြမ်းတွင် ဖူ၀မ်သော်က အကွက်တစ်ခုတွင် တစ်ယောက်တည်းရပ်နေခဲ့ပြီး ကျန်၃ယောက်မှာတော့ သူ၏ဘေးမှ အကွက်တွင် အတူတကွရပ်နေခဲ့ကြသည်။ နံရံကြီးမြင့်တက်သွားသည်နှင့် သူ၏အကြည့်တို့မှာ ဆန့်ကျင်ဘက်အသင်းထံတွင် မြဲမြံနေခဲ့သည်။ အရောင်ဖျော့ဖျော့ ကုတ်အင်္ကျီကို၀တ်ဆင်ထားသော ချောမောသော လူရွယ်လေးမှာ သူနှင့် မျက်နှာချင်းဆိုင်အကွက်တွင် ရပ်နေခဲ့ပြီး နှစ်ဦးသားမှာ တစ်ဦးကိုတစ်ဦး အပြန်အလှန်ကြည့်လိုက်မိကြသည်။

ဖူ၀မ်သော် ထိုလူရွယ်လေးကို ပြုံးပြလိုက်သည်။

တဖက်လူ၏အမူအယာကမူ ပြောင်းလဲမသွားခဲ့ချေ။ ဖူ၀မ်သော်ကဲ့သို့ အကွက်တွင်တစ်ယောက်တည်းရပ်နေခဲ့ပြီး ကျန်အသင်းဖော်၂ဦးကမူ ကျန်တစ်ကွက်တွင် အတူတကွရပ်နေခဲ့ကြသည်။

ပီနိုကီယို နံရံကြီးထံမှ ခုန်ချလိုက်ပြီး ထန်မော့ဘက်သို့ စိတ်၀င်တစားနှင့် အမြန်ပြေးလာခဲ့သည်။

"ဒီကတ်က တကယ်ပဲ ဘုရင်မကတ်လား"

ထန်မော့ ခတ္တမျှတွေးတောလိုက်ကာ မေးလိုက်သည်။

"ကျွန်တော်လိမ်ရင်ရော နှာခေါင်းကရှည်ထွက်လာမှာလား"

ပီနိုကီယိုကပြုံးလိုက်သည်။

"မရှည်ဘူးပေါ့ ငါလိုထက်မြတ်တဲ့ ပှနိုကီယိုမှာပဲ အထူးနှာခေါင်းမျိုး..မဟုတ်ဘူး ငါကငတုံး မထက်မြက်ပါဘူးဟ"

နှာခေါင်းပြန်လည်တို၀င်သွားသည်နှင့် ပီနိုကီယိုမှာ သူ၏နှာခေါင်းကို စိတ်ဓါတ်ကျစွာ ထိလိုက်ပြီး ထန်မော့ကို ပြန်ကြည့်လာခဲ့သည်။

"မင်းနှာခေါင်းကတော့ရှည်မလာဘူး မင်းရဲ့အလိမ်အညာကိုငါပဲကြားနိုင်မှာ... လူတွေရဲ့ အလိမ်စကားတွေက မြောင်းပုပ်ထဲက ရတနာတွေလိုပဲ တစ်ချက်ကြည့်ရုံနဲ့ငါက မြင်တယ်"

ထန်မော့ပေါ့ပါးစွာဆိုလိုက်သည်။

"ရတနာက မြောင်းပုပ်ထဲကျသွားရင် အကြည့်တစ်ချက်နဲ့မမြင်နိုင်ပါဘူး"

ပီနိုကီယို စိတ်မရှည်စွာဆိုလိုက်သည်။

"ဘာပဲဖြစ်ဖြစ် မင်းကဘုရင်မကတ်ကို ရွေးထားတာလား မရွေးထားဘူးလား"

ကတ်နှစ်ကတ်မှာ ရှေ့သို့ထွက်သွားချေပြီ။ ယခုအချိန်မှာ ပီနိုကီယိုကိုပြောလိုက်လျှင်တောင် ဘာမှမထူးတော့ချေ။ သို့သော် ထန်မော့က အေးဆေးစွာပြောလိုက်သည်။

"အနက်ရောင်မျှော်စင်ရဲ့ ပဥ္စမစည်းမျည်း ပင်နိုကီယိုက ၂ဖက်လုံးရဲ့ရွေးထားတဲ့ကတ်ကို မသိရဘူး..ကျွန်တော် ခင်များကိုပြောပြလိုက်ရင် ကျွန်တော် စည်းဖောက်လိုက်သလိုဖြစ်သွားမှာလား"

ပီနိုကီယိုချက်ချင်း အေးခဲသွားခဲ့သည်။

ထန်မော့ကဆိုလိုက်သည်။

"ကျွန်တော်ရွေးလိုက်တဲ့ကတ်က"

"ငါမကြားဘူး ငါမကြားဘူး"

ပီနိုကီယို သူ့နားကို အလျင်အမြန်ကာလိုက်သည်။ သူသည်ထောင့်နေရာဆီသို့ အလျင်အမြန်ပြေးသွားပြီး လက်ခုပ်ကိုတီးလိုက်လျှင် ကတ်နှစ်ကတ်မှာ အလယ်ကို ချက်ချင်းရွေ့လျားသွားခဲ့သည်။

ပီနိုကီယိုက ထန်မော့ထံသို့ အော်ဟစ်လိုက်သည်။

"မင်းပြောချင်တာပြော ငါလုံး၀နားမထောင်ဘူး"

ထန်မော့သည် ပီနိုကီယိုအား အဓိပ္ပါယ်တမျိုးပါသော အကြည့်ဖြင့်ကြည့်နေပြီးနောက် တစ်ဖက်မှ အနက်၀တ်အမျိုးသားထံ ကြည့်လိုက်လေသည်။

တစ်ဖက်လူမှာ သူနှင့် ပင်နိုကီယို၏ အပြန်အလှန်စကား၀ိုင်းကို စိတ်၀င်တစားကြည့်နေခဲ့ပုံပင်။

ထန်မော့သည် တဖက်အမျိုးသားအား အမူအယာမဲ့ဖြင့် ခေါင်းညိတ်ပြလိုက်သည်။ သို့သော်သူ၏မျက်လုံးများကတော့ ထိုအမျိုးသားအား ခေါင်းအစခြေအဆုံး အသေအချာကြည့်နေခဲ့သည်။ သူကထိုအမျိုးသား၏ ဆံပင် ခြေထောက်နှင့် နောက်ဆုံးတော့ ထိုမျက်နှာဆီတွင် အကြည့်ရပ်သွားခဲ့သည်။

ထန်မော့ အလွန်ပွင့်လင်းစွာ စိုက်ကြည့်နေခဲ့သည်မှာ သာမာန်လူတစ်ဦးမှာ အနေခက်မိမည်ပင်။ သို့သော် အနက်ရောင်၀တ်အမျိုးသားမှာ မည်သို့မှ မတုန့်ပြန်ခဲ့ချေ။ ထိုအစား ထန်မော့အား အကြိုက်ကြည့်ရန်ခွင့်ပြုထားသကဲ့သို့ သူကလည်း ထန်မော့အားပြန်ကြည့်နေခဲ့လေသည်။

အနက်ရောင်မျှော်စင်၏ စည်းမျည်းအား ချိုးဖောက်မိမည်ကို ကြောက်လန့်သွားသော ပီနိုကီယိုမှာ အပိုစကားတစ်ခွန်းမှ ၀င်မပြောရဲတော့ချေ။ ထို့အပြင်ဂိမ်းသီချင်းကိုလည်း မဆိုရဲတော့။ သူသည်ကတ်နှစ်ခု၏အဝေးတွင် ရပ်လျက်

"မင်းတို့ကတ်တွေက အသင့်ဖြစ်နေပြီ စလိုက်တော့"

"တင်းတောင်~ ဒုတိယအချီ ကစားသမားများက ကတ်တွေကိုရွေးချယ်ပြီးပါပြီ"

🪩

Prev Next