MM Story Teller

Chapter 42

Viewers 7k

🌍Chapter 42

ထန်မော့နှုတ်ခမ်းကို တင်းတင်းစေ့လျက် လှိုဏ်ခေါင်းထဲသို့ ပြန်ပြေး၀င်သွားလိုက်သည်။ ဤတစ်ကြိမ်တွင်တော့ သူကခြေလှမ်းများ အလွန်မြန်နေခဲ့ပြီး နီညိုရောင်ဆံပင်နှင့်ကောင်လေးကို ခပ်မြန်မြန်ပဲ တွေ့သွားခဲ့သည်။

"ဘုရားရေ မင်းကဂျူတီချိန်းဖို့လာတဲ့ လူသစ်လား"

ထန်မော့ တစ်ဖက်လူအားကြည့်လိုက်သည်။ မကြာသေးခင်ကပင် မစ်ရှင်ကိုကျရှုံးထား၍ သူ၏အမူအယာကောင်းမနေခဲ့။

ဆံပင်နီညိုရောင်နှင့် ၀န်ထမ်းကောင်လေးမှာ သူ့ကိုမေးလာခဲ့သည်။

"မင်းဘာဖြစ်လို့ အခုချိန်မှရောက်လာရတာလဲ၊ ဘေကရူးနေပြီ၊ ငါ့ဒဏ်ရာတွေကိုတွေ့လား သူလုပ်ထားတာ"

"ငါဂျူတီချိန်းဖို့လာတာ ဘေကဘာဖြစ်သွားလို့လဲ"

ထန်မော့ထိုလူကိုယ်ပေါ်မှ ဒဏ်ရာများကို အကဲခတ်ရင်းမေးလိုက်သည်။

သွေးများမှာ လတ်လတ်ဆတ်ဆတ်ဒဏ်ရာများထံမှ စီးကျနေခဲ့သည်။ ကံကောင်းစွာ ဒဏ်ရာကသိပ်မနက်ပဲ နံရိုးများကိုပင် ထိမသွားချေ။ ခေါင်းတွင် အပေါက်တစ်ပေါက်နှင့် စကားကောင်းစွာပြောနိုင်သေးသော ကယ်လ်ဗစ်ကဲ့သို့ပင် ဆံပင်နီညိုရောင်နှင့်လူမှာ ပြေးနိုင်ခုန်နိုင်ဆဲပင်။

ထိုလူမှာ ကြောက်မက်ဖွယ်တစ်စုံတစ်ခုကို ပြန်တွေးမိပုံဖြင့်

"ဘေ...ဘေ...ကဘာဖြစ်သွားလဲ ငါဘယ်လိုပြောရမလဲ၊ ဘေကငါ့ကိုတိုက်ခိုက်ခဲ့တာ၊ အာဟုတ်သား မင်းက ဂျူတီချိန်းဖို့လာတာပဲ၊ ဒီမှာ ခဏစောင့် ငါအကူသွားရှာလိုက်ဦးမယ်၊ ငါပြန်လာခဲ့ပါ့မယ်"

ထန်မော့ ထိုမီးအိမ်အိုကြီးကို သွက်လက်စွာယူလိုက်ပြီး ထိုလူကိုလှည့်ပင်ကြည့်မနေတော့ပဲ လှိုဏ်ခေါင်းထဲသို့ တန်းတန်းမတ်မတ်ပြေးသွားခဲ့သည်။

တစ်မိနစ်ကြာပြီးနောက် သူကယ်လ်ဗစ်ကို တွေ့လိုက်ရသည်။

ကယ်လ်ဗစ်မှာ မြေကြီးပေါ်တွင်လဲလျောင်းနေပြီး သူ၏ရွှေ၀ါရောင်ဆံပင်တို့မှာ သွေးများဖြင့်ပေပွနေခဲ့သည်။ သူထန်မော့ကိုတွေ့သည်နှင့် သွေးရူးသွေးတန်းအော်ဟစ်လာခဲ့သည်။

"သွား ပြေးတော့ မွန်းစတားကြီးက ရူးနေပြီ"

ထန်မော့ဖြတ်ပြောလိုက်သည်။

"ငါမထွက်ဘူး"

ကယ်လ်ဗစ်စကားလုံးများ တစ်ဝက်တပျက်နှင့် ရပ်သွားခဲ့လေသည်။

"အမ်"

ထန်မော့ သူ့အားလျစ်လျူရှုလိုက်ပြီး နံဘေးမှ တုတ်ချောင်းကြီးကို တိုက်ရိုက်ကောက်ကိုင်လိုက်ပြီး လှိုဏ်ခေါင်းထဲသို့ပြေးသွားလိုက်တော့သည်။ သို့သော် ၃လှမ်းသာလှမ်းပြီးနောက် ရပ်တန့်သွားပြီး မမြေကြီးပေါ်တွင် မလှုပ်ရှားနိုင်ပဲ လဲလျောင်းနေသော ကယ်လ်ဗစ်အား ကြည့်လိုက်မိသည်။

ကယ်လ်ဗစ်တံတွေးကိုမြိုချလိုက်သည်။

"မင်း...မင်း ဘာလို့ပြန်လာတာလဲ"

ထန်မော့သူ့အား တည်ငြိမ်စွာ ကြည့်လိုက်ပြီး စက္ကန့်ပိုင်းအတွင်း ခါးကိုကိုင်းလျက် ကယ်လ်ဗစ်၏ အ၀တ်များကို စချွတ်လိုက်သည်။

ကယ်လ်ဗစ်တုန်လှုပ်သွားမိသည်။

"လူသစ်..ငါက ဂေးမဟုတ်ဘူး မင်း...မင်း ဘာလုပ်နေတာလဲ"

ထန်မော့သူ့အားလျစ်လျူရှုလျက် ကယ်လ်ဗစ်၏ ယူနီဖောင်းကို တိုက်ရိုက်ဆွဲချွတ်လိုက်သည်။ ထို့နောင် ကယ်လ်ဗစ်ကိုယ်ပေါ်မှ နောက်ဆုံးကျန်ရှိသော ခြေအိတ်တစ်စုံနှင့် အတွင်းခံတစ်စုံကို ကြည့်လိုက်မိလေသည်။ သူအနည်းငယ်တွန့်ဆုတ်နေခဲ့သည့်တိုင် ထိုနှစ်ခုကိုတော့ ချွတ်မယူခဲ့ချေ။ ယူနီဖောင်းကိုသာကိုင်လျက် လှည့်ထွက်သွားလိုက်သည်။

"မင်း...မင်း..."

ကယ်လ်ဗစ်၏အသံမှာ သီးတော့မတက်။ သူသည်ကိုယ်ဗလာနှင့် ရွံ့နွံများအပေါ်လဲကျလျက် လှိုဏ်ခေါင်းထဲပြေး၀င်သွားသည့်ထူးဆန်းသော လူသစ်ကိုကြည့်နေခဲ့မိလေသည်။

လှိုဏ်ခေါင်းအတွင်းပိုင်းသို့ရောက်သည်နှင့် ထန်မော့မှာ ဧရာမတီကောင်ကြီးဖောက်ထွက်လာသော ဂူကိုတွေ့လိုက်လေသည်။

ကျဥ်းမြောင်းသော လှိုဏ်ခေါင်း၏အဆုံးတွင် အတန်ငယ်ကျယ်၀န်းသော ဂူကြီးတစ်ခုရှိလေသည်။ ထိုအထဲတွင် ကြောင်အိမ်တစ်ခု၊ စားပွဲတစ်လုံးနှင့် ထိုင်ခုံ ၂ခုပင်ရှိသေးသည်။ စားပွဲပေါ်တွင် ဘီယာပုလင်း ၂လုံးနှင့် မြေပြင်ပေါ်တွင်ကား မြေပဲခွံများ ကြဲပြန့်လျက်။ ကြီးမားသော တီကောင် လှောင်ချိုင့်ကြီး ထိုဂူ၏ နေရာအများစုကိုယူထားခဲ့သည်။ ထန်မော့အားမြင်သည်နှင့် ဧရာမတီကောင်ကြီးမှာ ကမူရှူးထိုးထွက်လာပြီး တိုက်ခိုက်တော့သည်။

ထန်မော့ လှိုဏ်ခေါင်းထဲသို့ပြန်ပြေးလိုက်သည်။

ဧရာမတီကောင်ကြီးမှာလည်း ချက်ချင်းလိုက်လာခဲ့လေသည်။

ထန်မော့ မီးအိမ်အိုကြီးထံမှ ရေနံဆီတချို့ကို ကယ်လ်ဗစ်၏အ၀တ်များပေါ် သွန်ချလျက်မီးရှို့လိုက်သည်။ မည်သည့်အ၀တ်တစ်စကိုမျှ အလဟသမဖြစ်စေခဲ့ချေ။ မီးစွဲနေသော ရှပ်အင်္ကျီမှာ လှိုဏ်ခေါင်း၏ အစွန်းတစ်ဖက်သို့ ပစ်ထုတ်ခြင်းခံလိုက်ရသည်။ ဘောင်းဘီအားတခြားတစ်ဖက်သို့ ပစ်လိုက်ပြီး ဖဲပြားနှင့်အခြားအပိုင်းများကိုမူ လှိုဏ်ခေါင်း၏အလယ်တွင် ပစ်ချထားလိုက်သည်။

ထန်မော့နောက်သို့ လိုက်လာသော ဧရာမတီကောင်ကြီးမှာ ထန်မော့ကိုပင်မထိလိုက်ရသေးချေ။ သို့သော် ထိုမျှမီးအများကြီးကိုမြင်လျှင် နောက်သို့ကြောက်လန့်စွာ ပြန်ဆုတ်သွားလျက် လှောင်ချိုင့်ထဲပြန်၀င်သွားချင်ပုံ ပြုလုပ်လာခဲ့သည်။

ထန်မော့သူ၏ကုတ်အင်္ကျီကို တိုက်ရိုက်ချွတ်ပစ်လိုက်ပြီး မီးရှို့ကာ တီကောင်ကြီး၏နောက်သို့ပစ်ပြီး လမ်းကိုပိတ်ထားလိုက်သည်။

မီးဖြင့်အရှို့ခံရလုနီးပါးဖြစ်နေသော တီကောင်ကြီးမှာ ထန်မော့ထံဒေါသတကြီးပြေး၀င်လာတော့သည်။

ထန်မော့ သူ၏ဆွယ်တာအပါးကို ချွတ်လိုက်ပြီး ရေနံဆီမီးအိမ်ဖြင့် ရှို့လိုက်ကာ မှိန်ဖျော့သောအလင်းရောင်၏အောက်တွင် သူ၏မျက်နှာမှာ အေးစက်၍ အမူအယာမဲ့နေခဲ့သည်။ ထန်မော့သည် ထိုဆွယ်တာအား တီကောင်ကြီး၏ ဘယ်ဘက်အခြမ်းကို ပစ်လိုက်ပြီး တီကောင်ကြီးအား အေးစက်စွာ ကြည့်လိုက်သည်။

"အခု ၁၅မိနစ်တောင်ကျန်သေးတယ်ဆိုတော့ ငါတို့အကြာကြီး ကစားလို့ရပါသေးတယ်"

ကြီးမားသောတီကောင်ကြီးမှာ ဒေါသတကြီးအော်ဟစ်လျက် သူ့ထံပြေး၀င်လာလျှင် ထန်မော့ သစ်သားတုတ်ကိုမြှောက်လျက် ၄င်းကို ရိုက်လိုက်လေသည်။

ဂိမ်း၏တတိယမြောက်စည်းမျဥ်းအရ ဤသစ်သားချောင်းကသာ တီကောင်ကြီးကို ဒဏ်ရာရစေနိုင်သည်။

မစ်ရှင်ရှုံးပြီးသည့်အချိန်မှစ၍ စမှတ်ကိုပြန်လည်ရောက်ရှိပြီး တီကောင်ကြီးကို ဖမ်းဆီးထားသော လှိုဏ်ဂူသို့ရောက်ရှိလာသည်အထိ စုစုပေါင်း ၁၀မိနစ်ခန့်သာကြာလေသည်။ ထန်မော့ အဓိကမစ်ရှင်ကို သိပြီးဖြစ်၍ အချိန်မဖြုန်းပဲ လှိုဏ်ခေါင်းထဲသို့ အလျင်အမြန်ပြေးသွားခဲ့ခြင်းပင်၊ တစ်ချိန်တည်းမှာလည်း ထိုတီကောင်ကြီးအားမည်သို့ သတ်ရမည်ကို စဥ်းစားနေခဲ့လေသည်။

တုတ်ချောင်းကသာလျှင် ၄င်းကိုဒဏ်ရာရအောင် ပြုလုပ်နိုင်သော်လည်း ၄င်းမှာ အလင်းရောင်ကိုလည်း ကြောက်ရွံ့သေးသည်။

သာမာန်တီကောင်များမှာလည်း အရေပြားကိုသုံး၍ အသက်ရှူရသည်ဖြစ်၍ နေရောင်ကို ကြောက်ရွံ့ကြလေသည်။ အရေပြား၏အစိုဓါတ်ကို ထိန်းသိမ်းထားရန်လိုအပ်ပြီး ခြောက်သွေ့သွားသည်နှင့် အသက်မရှူနိုင်တော့ပဲ သေရမည်ပင်။ ထို့ကြောင့် မိုးရွာပြီးနောက် လမ်းပေါ်တွင် နေလောင်ပြီး သေနေကြသော တီကောင်များကို တွေ့ရခြင်းပင်။ နေရောင်ကြောင့် ခြောက်သွေ့မသွားခင် အသက်ရှူကြပ်ပြီး သေသွားကြခြင်းဖြစ်လေသည်။

ထို့ကြောင့် ဤမီးရောင်က ထိုတီကောင်ကြီးအား အနည်းနှင့်အများ လှုံ့ဆော်ပေးနိုင်မှာတော့ အသေအချာပင်။ သို့သော်လည်း အနက်ရောင်မျှော်စင်၏စည်းမျဥ်းအရ သစ်သားတုတ်ကသာ ထိခိုက်နိုင်သည်ဟုဆိုထားဆဲပင်။ ထို့ကြောင့် ထန်မော့မှာ တီကောင်ကြီးကိုသတ်ရန် မီးကိုအသုံးမပြုနိုင်ချေ။

သို့သော်လည်း မီးကိုသုံး၍ တီကောင်ကြီး၏လှုပ်ရှားမှုကိုတော့ အနည်းငယ် ကန့်သတ်နိုင်ဆဲပင်။

မီးများစွာ ၀ိုင်းရံခံထားရသောကြောင့် တီကောင်ကြီးမှာ အမြီးကိုယမ်းလျက် ထန်မော့၏တုတ်ကို တားရုံသာတတ်နိုင်လေသည်။ ၄င်းကသူ၏ခေါင်းကိုသုံး၍လည်း မီးများကို ငြိမ်းချင်ခဲ့သည်။ သို့သော်လည်း ရေနံဆီမီးများမှာ အဘယ်ငြိမ်းသတ်ရန်လွယ်ပါမည်နည်း။ တီကောင်ကြီးမှာ ခေါင်းနှင့် အကြိမ်ကြိမ်တိုက်နေသည့်တိုင် မီးကလုံး၀ငြိမ်းမသွားပဲ အနည်းငယ်သာ မှိန်ဖျော့သွားလေသည်။

တီကောင်ကြီးမှာ တစ်ခုခုကိုနားလည်သွားပုံဖြင့် ပို၍ ပြင်းပြင်းထန်ထန်အော်မြည်လာခဲ့သည်။ ၄င်းက မီးကိုအရူးလိုငြိမ်းသတ်နေခြင်းအား ရပ်တန့်လိုက်ပြီး လက်သည်ထံသို့ခေါင်းလှည့်လိုက်တော့သည်။

"ရှဲ ရှဲ..."

ထန်မော့ မဲ့လိုက်၏။

"လာစမ်းပါ ဆယ်မိနစ်တောင် ကျန်သေးတယ်"

တုတ်ခိုင်သော သစ်သားချောင်းက တီကောင်ကြီး၏ ခေါင်းကို ထိသွားခဲ့သည်။ မြေပေါ်မှ မီးတောက်များက တီကောင်ကြီးကို ၀န်းရံထားဆဲပင်။ ၄င်းမှာ အရင်တစ်ခေါက်ကကဲ့သို့ အမြီးကိုမြှောက်လျက် ထန်မော့ကို ပျံတက်သွားအောင် မလုပ်နိုင်ခဲ့ချေ။ မီးတောက်ကို ထိလိုက်သည်နှင့် ထိုမီးတောက်မှာ ၄င်း၏ ကိုယ်ကို မလောင်ကျွမ်းနိုင်သည့်တိုင် ခတ္တမျှ ရပ်တန့်သွားစေသည်။

ထန်မော့၄င်းကိုမြင်သည်နှင့် အခွင့်အရေးကို အမိအရယူလိုက်သည်။ တိုက်ခိုက်နေရင်းဖြင့် ၄င်း၏ကိုယ်ပေါ်မှ အကွင်းလိုက်အရာတစ်ခုကိုတွေ့လိုက်ရသည်။

တီကောင်ကြီးမှာ အလျားတူညီစွာ ရှည်မြောမြောကြီးဖြစ်ပြီး ခေါင်းပိုင်းရော ဖင်ပိုင်းပါ တစ်ပုံစံထဲပင်။ ခွဲခြားရခက်လှကာ ထို ပန်းရောင်သန်းနေသော အကွင်းတစ်ခုကသာ ထင်ရှားနေခဲ့သည်။ ထန်မော့၄င်းကိုစိုက်ကြည့်နေပြီး ထိုနေရာသို့သာ အဆက်မပြတ်ရိုက်နှက်တော့သည်၊ ၅မိနစ်အတွင်း ထိုနေရာတွင် အက်ကွဲရာကြီးပေါ်လာခဲ့ပြီး သွေးများစီးကျလာတော့သည်။

ထန်မော့မှာ တဖြည်းဖြည်း အသာစီးရနေခဲ့သည်။

သို့သော် မြေပြင်ပေါ်မှ မီးများမှာ တဖြည်းဖြည်း ဖျော့တော့လာခဲ့ချေပြီ။ စိုစွတ်သောရွံ့မြေနှင့် မြင့်မားသော လေထု၏စိုထိုင်းဆက ထိုအ၀တ်စများတွင် စွဲနေသော မီးကိုတဖြည်းဖြည်းငြှိမ်းသတ်သွားခဲ့သည်။ မီးများအားလုံးငြိမ်းသွားသည်နှင့် လွတ်လပ်သွားသော တီကောင်ကြီးမှာ ထန်မော့ထံသို့ ကမူရှူးထိုးပြေး၀င်လာပြန်သည်။

ထန်မော့၏ မျက်လုံးများမှေးကျဥ်းသွားလျက် လေထဲသို့ခုန်ကာ တီကောင်ကြီး၏တိုက်ခိုက်မှုကို ရှောင်လိုက်သည်။ သို့သော် ထန်မော့မှ မြေပေါ်သို့ပြန်မကျခင် ဦးတည်ရာပြောင်းရန်အချိန်မမီလိုက်ပဲ ၄င်း၏အမြှီးနှင့် ရိုက်ခတ်ခံလိုက်ရသည်။ သူအံကိုကြိတ်လျက် တဖန်ပြန်လည်ရှင်သန်လာဟန်ရသော တီကောင်ကြီးကို ကြည့်လိုက်မိသည်။ ဧရာမတီကောင်ကြီးကလည်း သူ့အား သေးငယ်သော မျက်လုံးများနှင့် ကြည့်နေခဲ့လေသည်။

ထန်မော့က သူ၏ကိုယ်ပိုင် ဘောင်းဘီကို ချွတ်ချလျက် မီးရှို့ရန် အနည်းငယ်မျှတွန့်ဆုတ်မနေခဲ့ချေ။

"ရှဲ..ရှဲ"

ဤသည်မှာ တစ်ခုတည်းသော မီးတောက်သာဖြစ်သည့်တိုင် တီကောင်ကြီးအား ဒေါသထွက်စေရန် လုံလောက်လေသည်။ ၄င်းက ထန်မော့ရှိရာ တဖန်တိုး၀င်လာခဲ့ပြီး ထန်မော့သည်လည်း တုတ်ချောင်းဖြင့် တီကောင်ကြီးထံ ပြေး၀င်သွားခဲ့လေသည်။

၈မိနစ်ကြာပြီးနောက် ထန်မော့မှာ လှိုဏ်ခေါင်း၏အစတွင် ဗလာဖြစ်နေသော အမူအယာဖြင့် ရပ်လျက်ဘသူ၏အ၀တ်အစားများကို စစ်ကြည့်လိုက်သည်။

ထန်မော့ချွတ်ပြီး မီးရှို့ခဲ့သောအ၀တ်အစားများမှာ

သူ၏ကိုယ်ပေါ် အကောင်းအတိုင်း ပြန်ရောက်နေခဲ့သည်။

"ဒီလိုဆိုရင် ဒီဂိမ်းက အရာအားလုံးကို မူလအတိုင်း စမှတ်ကိုပြန်ပို့ပေးတာပေါ့၊ Sအမျိုးအစားလို့ ခေါ်သင့်ပါတယ်"

“ငါတီကောင်ကြီးနဲ့ တိုက်ရင်းသေသွားရင်ရော စမှတ်မှာ ပြန်ရှင်လာလောက်လား"

သို့သော် သူ အကြာကြီးမတွေးလိုက်ပဲ မိမိကိုယ်ကိုပြန်ဖြေလိုက်သည်။

"ကျိန်းသေပေါက် မဖြစ်နိုင်ဘူးပေါ့"

ထန်မော့ တတိယအကြိမ်လှိုဏ်ခေါင်းထဲသို့ ပြန်ရောက်လာချိန်တွင်ကား စိတ်မရှည်တော့ချေ။ လှိုဏ်ခေါင်းအတွင်းဘက်သို့ ဖြည်းညင်းစွာ လျှောက်သွားရင်း အရာအားလုံးကို ပြန်လည်ပုံဖော်တွေးတောနေခဲ့သည်။ နီညိုရောင်ဆံပင်နှင့် လူကိုတွေ့သည်မှစ၍၊ အဓိကမစ်ရှင်ကို အသက်သွင်းခြင်း၊ ကယ်လ်ဗစ်နှင့်တွေ့ခြင်း၊ လက်နက်ကိုယူကာ အနက်ရောင်မျှော်စင်၏စည်းမျည်းများအရ တီကောင်ကြီးကို တိုက်ခိုက်ခြင်းတို့အပါအ၀င်ပင်။

သူသာမီးခြစ်ဆံကို အသုံးပြုပါက ထိုတီကောင်ကြီးကို သတ်ကောင်းသတ်နိုင်ခဲ့လိမ့်မည်။ သို့သော်လည်း အနက်ရောင်မျှော်စင်က ၄င်းကို တားမြစ်ထားလေသည်။ တုတ်ချောင်းတစ်ခုကာ တီကောင်ကြီးကို ဒဏ်ရာရစေမည်ဖြစ်ကာ မီးကလည်း ၄င်းကိုထိန်းချုပ်ရန်မလုံလောက်ချေ။ တုတ်ချောင်းက တီကောင်ကြီးကိုဒဏ်ရာရစေကာ မီးကိုလည်း ကြောက်ရွံ့ရုံသာဖြစ်ပြီး ကစားသမားများမှာ စွမ်းရည်များကိုလည်း အသုံးမပြုနိုင်ချေ။ ၄င်းမှာ အနက်ရောင်မျှော်စင်မှ ချမှတ်ထားသော စည်းမျည်းများဖြစ်သော်လည်း ထိုအထဲတွင်မြှုပ်ထားသော သဲလွန်စများလည်း ပါရှိပေမည်။

သူကား ထိုတုတ်ချောင်းကိုသုံး၍ ဧရာမတီကောင်ကြီးကို အဘယ်မှာ သတ်နိုင်မည်နည်း။

ထန်မော့၏ ခြေလှမ်းများ ရုတ်ချည်း ရပ်တန့်သွားခဲ့သည်။

နေပါဦး ဒီတုတ်ချောင်းနဲ့က တီကောင်ကြီးကို သတ်ရမှာဟုတ်လို့လား...

တုတ်ချောင်းမှာ သာမာန်မာကြောသော သစ်သားချောင်းတစ်ချောင်းသာဖြစ်သည်၊ ၄င်းတွင် တခြား အထူးစွမ်းအားဟူ၍မပါရှိပဲ တီကောင်ကြီး၏ အရေပြားမှာလည်း ဘိလပ်မြေလောင်းထားသည့်နှယ် မာကြောသေးသည်။ ထန်မော့မှာ နည်းလမ်းပေါင်းစုံသုံးလျက် သူ၏အ၀တ်အစားများကိုပါ ချွတ်၍ မီးရှို့ခဲ့သည့်တိုင် ထိုတီကောင်ကြီးအား သွေးထွက်အောင်သာလုပ်နိုင်ခဲ့သည်။

၄င်းမှာ သူတတ်နိုင်သမျှ အကုန်ပင်။

ထိုဧရာမတီကောင်ကြီးကို တုတ်တစ်ချောင်းနှင့် သေအောင်ရိုက်နိုင်မည့် ကစားသမားရော တကယ်ရှိပါမည်လော။

ဂျက်တွင်သာ ထိုစွမ်းရည်မျိုးရှိပါက ယခုချိန်အထိ S3ဂိမ်းလေးကို အသည်းအသန်ကြိုးစားနေရမည်မဟုတ်ချေ။ ဖူ၀မ်သော်ဆိုလျှင်ရော လုပ်နိုင်မည်လား။

ထန်မော့မှာ မော့မော့ကိုသုံးလျက် တဖက်လူကို မဆက်သွယ်ခဲ့သော်လည်း သူ၏ရင်ထဲတွင်အဖြေကို သိပြီးဖြစ်သည်။

၄င်းမှာ မဖြစ်နိုင်ချေ။

"စွမ်းရည်တွေသုံးဖို့ကန့်သတ်ထားတယ်၊ ကစားသမားတစ်ယောက်က ရေနံဆီမီးအိမ်နဲ့ တုတ်တစ်ချောင်းကိုပဲ သုံးလို့ရမယ်..."

ထန်မော့ အနက်ရောင်မျှော်စင်၏စည်းမျည်းများကို ထပ်ခါထပ်ခါဖတ်နေမိသည်။

"လှိုဏ်ခေါင်းထဲက ကြွက်တွေတောင် ဘေးကအလင်းရောင်ကိုမမြင်နိုင်မှန်းသိတယ်၊ အလင်းရောင်ကို မမြင်နိုင်ဘူး..."

ပြေးလွှားနေသောခြေသံတို့က လှိုဏ်ခေါင်းထဲမှ တဖန်ထွက်လာခဲ့ပြန်သည်။ ထန်မော့ ရပ်ကာကြည့်နေခဲ့သည်။ နီညိုရောင် ဆံပင်နှင့်လူမှာ အရင်နှစ်ကြိမ်ကအတိုင်း သူ့ထံပြေးလာခဲ့ပြန်သည်။

"ဘုရားရေ မင်းက ဂျူတီချိန်းဖို့ရောက်လာတဲ့ လူသစ်လား..."

ဤသည်မှာ ထန်မော့ထိုစကားကိုကြားရခြင်း ၃ကြိမ်မြောက်ပင်။ ထန်မော့ဘာမှမဆိုလိုက်ချေ။ ထိုအစား တည်ငြိမ်စွာ မေးလိုက်သည်။

"ဘေကဘယ်သူလဲ"

နီညိုရောင်ဆံပင်နှင့် ယောကျာ်းမှာ ရှုပ်ထွေးသွားခဲ့သည်။

"ဘေ ဟုတ်လား...သြော် ဟုတ်သား ဘေပဲ၊ ဘေရူးနေပြီ၊ ငါ့ရဲ့ဒဏ်ရာတွေကိုတွေ့လား၊ သူလုပ်ထားတာ"

ရင်းနှီးနေသော စကားများကို တဖန်ကြားလိုက်ရပြန်သည်။ ထန်မော့နားထောင်မနေတော့၊ ထိုအစား ထိုလူ၏ကိုယ်ပေါ်မှ ဒဏ်ရာများကိုသာ စေ့စေ့စပ်စပ် ကြည့်လိုက်သည်။

နီညိုရောင်ဆံပင်နှင့်လူမှာ တာ၀န်အားလွှဲပေးရန်မစောင့်နိုင်တော့ပဲ ရေနံဆီမီးအိမ်အိုကြီးကို ထန်မော့၏လက်ထဲ ထိုးထည့်လာခဲ့ပြန်သည်။

"ဘာတွေဖြစ်နေလဲသွားကြည့်လိုက်၊ မွန်းစတားကြီးကို မလွတ်စေနဲ့၊ ငါပြန်လာခဲ့ပါ့မယ်"

ထန်မော့ သူ့ကိုလှည့်ကြည့်မနေတော့ပဲ မီးအိမ်ကိုကိုင်လျက် လှိုဏ်ခေါင်းထဲသို့သာ လျှောက်သွားလိုက်သည်။

သူသည်တစ်ကြိမ်တော့ အလျင်မလိုခဲ့ချေ။ မြေကြီးပေါ်သို့ကြည့်လျက် တစ်ခုခုကိုတွေးတောနေဟန်ပင်။

၁၅မိနစ်ခန့်လျှောက်လာပြီးနောက် သူ၏ရှေ့မှ ယောကျာ်းသံတစ်ခုကို ကြားလိုက်ရပြန်သည်။

"အား...ငါ့အ၀တ်တွေဘယ်မှာလဲ၊ ငါ့အ၀တ်တွေ မရှိတော့ဘူး"

ထန်မော့ ထိုလူအနီးသို့လျှောက်သွားလိုက်သည်။

ရွှေ၀ါရောင်ဆံပင်နှင့် ကယ်လ်ဗစ်မှာ အဖြူရောင်အတွင်းခံနှင့် ခြေအိတ်တစ်စုံကိုသာ ၀တ်ဆင်ထားလေသည်။ ထိုလူမှာ သူ၏ကိုယ်ဗလာအား ပြန်ကြည့်ပြီး ထိတ်လန့်နေခဲ့သည်။ ထို့နောက်တွင် လှိုဏ်ခေါင်းထဲမှ အလင်းရောင်ထွက်ပေါ်လာပြီး ကယ်လ်ဗစ် သူ့အား လှည့်ကြည့်လာခဲ့သည်။ ရေနံဆီမီးအိမ်အိုမှ ဖျော့တော့သော အလင်းရောင်အောက် ထန်မော့၏ မျက်နှာကိုရှင်းလင်းစွာမြင်လိုက်ရသည်။

ကယ်လ်ဗစ်မှာ ထန်မော့၏ အမူအယာမဲ့သော မျက်နှာအား ကြည့်လျက် အလျင်အမြန်ဆိုလာခဲ့သည်။

"သွားသွား အမြန်ပြေးတော့၊ သတ္တ၀ါကြီးကရူးနေပြီ၊ မင်းအမြန်ပြေးရမယ်"

ထန်မော့မှာ မီးအိမ်အိုကြီးကိုကိုင်လျက် မေးလိုက်သည်။

"ဘေကယ်လ်ဗစ်လား"

ကယ်လ်ဗစ်မှာ ထူးဆန်းသော အမူအယာဖြင့် မေးလာသည်။

"မင်းငါ့ကိုသိတာလား၊ ဘာလို့ငါ့ကိုခေါ်တာလဲ"

ထန်မော့တိတ်ဆိတ်စွာ မျက်လုံးကိုမှိတ်လိုက်မိသည်။

ထို့နောက် နောက်တစ်စက္ကန့်တွင် တုတ်ချောင်းကြီးကိုကောက်လျက် သွေးများပေပွနေသော ဘေကယ်လ်ဗစ်၏ခေါင်းကို ရိုက်ချပစ်လိုက်လေသည်။

🪩

Prev Next