Chapter 215

Volume 10 : အနုပညာဌာန

Chapter 215 (ဂီတဆိုင်ရာတေးသွား ၀၁)

"ပန်းချီထဲကပုံရိပ်ယောင်"၏ လျှို့ဝှက်ဆန်းကြယ်မှုကို ရှင်းလင်းပြီးနောက်မှာ ရင်းနှီးပြီးသား လေးထောင့်ဘောင်တစ်ခုဟာ လူတိုင်း၏ မျက်လုံးရှေ့မှာ ထွက်ပေါ်လာသည်။

သုတေသနအဖွဲ့: C-183

သင်တန်း: ပန်းချီထဲကပုံရိပ်ယောင်

Credit: 4 မှတ်

ရှင်းလင်းရေးရမှတ်: 95 မှတ်

နောက်ဆုံးရမှတ်: 4x94 = 380 မှတ်

သုတေသနအဖွဲ့အပိုဆု: အဖွဲ့ C က 1.5 ဆ အပိုဆုအမှတ်ရရှိပါသည်။ စုစုပေါင်းအမှတ် 570 မှတ် ရရှိပါသည်။

သင်တန်းကျရှုံးမှုနှုန်း: 40%

95 မှတ်လား။ ထိုသို့သောမြင့်မားသောရှင်းလင်းရေးရမှတ်သည် ယွဲ့ရှင်းဝမ်၏မျှော်လင့်ချက်ထက်ကျော်လွန်ခဲ့သည်။ သူတို့၏ သုတေသနအဖွဲ့ 183 က လူတွေသည် ထိုပန်းချီတွေ၏ အဓိပ္ပါယ်ကို နားမလည်ကြဘူး။ သူတို့သည် ရွှီဖေးရွှယ်အား X အဖွဲ့ဝင်အကူအညီအဖြစ် ယာယီထည့်သွင်းခဲ့သည်။ လူတိုင်းသည် ရွှီဖေးရွှယ်နှင့်မရင်းနှီးကြသောကြောင့် စာမေးပွဲစတင်သောအခါ ယွဲ့ရှင်းဝမ်၏စိတ်ထဲမျှော်လင့်ချက်မှာ "အမှတ် 60 ကျော်ရင် ကောင်းပါပြီ"ဟု တွေးခဲ့သည်။

ရလဒ်အနေဖြင့် ရွှီဖေးရွှယ်သည် ရဲတိုက်ရှိ ပန်းချီကားအားလုံးကို မှတ်မိခဲ့ပြီး လူတိုင်းကို ခွဲခြမ်းစိတ်ဖြာပြီး ဆင်ခြင်သုံးသပ်ရန် ကူညီပေးကာ ပဟေဠိများကို တတ်နိုင်သမျှ အမြန်ဖြေရှင်းပေးနိုင်သည့် ကျွမ်းကျင်သူဖြစ်သည်။ ယွဲ့ရှင်းဝမ်က သူမဆီ လှမ်းလာပြီး ပြောခဲ့သည်။ "ကျေးဇူးတင်ပါတယ် ဖေးရွှယ်၊ ဒီသင်တန်းက မင်းရဲ့အကူအညီအတွက် ကျေးဇူးပါ။"

ရွှီဖေးရွှယ်က နှိမ့်ချစွာပြောသည်။ "ရပါတယ်၊ ငါက နည်းနည်းလေးပဲ ကူညီပေးခဲ့တာပါ။ နင်တို့က အမှုကို ခွဲခြမ်းစိတ်ဖြာတာ အရမ်းကောင်းတယ်။ ဒီမြင့်မားတဲ့ရမှတ်ရဖို့အတွက် ငါနင်တို့နောက်ကိုလိုက်ခဲ့တာ ကောင်းတယ်လို့ မှတ်ယူနိုင်တယ်။"

အခြားကျောင်းသားများကလည်း စာမေးပွဲရလဒ်ကို ကျေနပ်ကြပြီး ဝိုင်းဖွဲ့လာကြသည်။

ရွှီဖေးရွှယ်က မေးလိုက်သည်။ "နောက်ထပ် နင်တို့ ဘယ်လိုစီစဉ်ထားလဲ။ မနက်ဖြန် ဂီတကျောင်းရဲ့ သင်တန်းကို ဆက်တက်မှာလား။"

ယွဲ့ရှင်းဝမ်က ခေါင်းငြိမ့်လိုက်သည်။ "ငါတို့က အနုပညာဌာနရဲ့ သင်တန်းတွေကို နှစ်ရက်အတွင်း ပြီးအောင်လုပ်ချင်တယ်၊ နောက်ဌာနကို အမြန်ဆုံးသွားပြီး စာကြည့်တိုက်ကနေ အမြန်ဆုံး ထွက်သွားချင်တယ်။"

"ဂီတဌာနအတွက် X အဖွဲ့ဝင် အကူအညီလိုသလား။" ရွှီဖေးရွှယ်က မေးလိုက်သည်။

"အင်း။ ဖေးရွှယ်၊ မင်းသိတဲ့ သူငယ်ချင်းနဲ့ မိတ်ဆက်ပေးလို့ရမလား။" ယွဲ့ရှင်းဝမ်က ပြောသည်။ "ရင်းနှီးတဲ့လူတွေက စကားပြောရတာ ပိုလွယ်တယ်၊ နောက်တစ်ယောက် ရှာရတာခက်တယ်၊ သိတဲ့ဆီကရှာရတာ လွယ်တယ်။"

ရွှီဖေးရွှယ်သည် ခေါင်းငုံ့ကာ စက္ကန့်အနည်းငယ်မျှ စဉ်းစားလိုက်ပြီး အကြံပြုခဲ့သည်။ "ငါတို့ရဲ့ သုတေသနအဖွဲ့မှာ ဂီတတူရိယာအမျိုးမျိုးကို ကျွမ်းကျင်တဲ့ ဂီတကျောင်းက ဂျူနီယာမောင်လေးတစ်ယောက်ရှိတယ်၊ ဒါပေမဲ့ သူက ပထမနှစ်ပဲရှိသေးတယ်။ နင်တို့ပြန်သွားတဲ့အခါ သူနဲ့တွေပြီး သင့်တော်ရင် သူ့ကို ပါဝင်ခိုင်းလိုက်ပါလား။"

"ပြဿနာမရှိပါဘူး။" ယွဲ့ရှင်းဝမ်က ကျေကျေနပ်နပ် သဘောတူလိုက်သည်။

ခယ်ရှောင်ပင်းက စူးစမ်းလိုစိတ်ဖြင့် မေးသည်။ "ဂီတကျောင်းမှာ ဘယ်လိုစွမ်းရည်တွေရှိတာလဲ။"

ရွှီဖေးရွှယ်က သူ့ကို ပြန်ကြည့်ကာ ပြောခဲ့သည်။ "ကွင်းပြင်ကို ထိန်းချုပ်ဖို့အတွက် ဂီတကို တီးခတ်ဖို့ ဂီတတူရိယာတွေကို အသုံးပြုတယ်။ ဥပမာအားဖြင့် pipa သီချင်း "Ambush from Ten Sides"က 10 မီတာအတွင်း ပစ်မှတ်ကို ကြောက်ရွံ့ထိတ်လန့်သွားစေနိုင်ပြီး လှုပ်ရှားတာ၊ စွမ်းရည်ထုတ်တာတွေ မလုပ်နိုင်ဘူး။"

ခယ်ရှောင်ပင်းက သူ့မျက်မှန်ကို ပင့်တင်ကာ အပြုံးဖြင့် ပြောလိုက်သည်။ "ဒါက ဂိမ်းထဲက ကွင်းပြင်ထိန်းချုပ်ရေးနဲ့ ဆင်တူတယ်။"

လျှိုကျောက်ချင်းက သူ့မေးစေ့ကို ထိလိုက်သည်။ "အနုပညာဌာနရဲ့ စွမ်းရည်တွေက တော်တော်လေး အားကောင်းတယ်လို့ ခံစားရတယ်။ ပန်းချီဌာနရဲ့ ခဲဖျက်၊ ဆေးစပ်ခွက်၊ ဂီတဌာနရဲ့ ဂီတထိန်းချုပ်မှုနဲ့ ရုပ်ရှင်ဘာသာရပ်က ကင်မရာနဲ့ ရုပ်ရှင်တွေ ရိုက်လို့ရတယ်။"

ခယ်ရှောင်ပင်းက ခွဲခြမ်းစိတ်ဖြာခဲ့သည်။ "စာကြည့်တိုက်မှာ စွမ်းရည်အမျိုးမျိုးရှိပေမဲ့ အနှစ်ချုပ်ရရင် သူတို့မှာ ထိန်းချုပ်ရေး၊ တိုက်ခိုက်ရေး၊ လုပ်ဆောင်ချက်နဲ့ ကုသရေးတို့ ပါဝင်တယ်။ dungeon မှာ ကစားသလိုပဲ သားကောင်တွေကို ဆွဲဆောင်ပြီး သတ်ပြီးရင် သွေးဖြည့်ဖို့ လိုအပ်တယ်။"

လျှိုကျောက်ချင်းက ပြုံးပြီးပြောသည်။ "ဂျူနီယာညီလေးခယ်က အမြဲလိုလို ဂိမ်းဆော့တာထင်တယ်။"

ခယ်ရှောင်ပင်းက ခေါင်းငြိမ့်လိုက်သည်။ "အိုတာကူတစ်ယောက်အနေနဲ့ ဂိမ်းဆော့တာက မရှိမဖြစ်ဘဲ၊ ကွန်ပျူတာက ကျွန်တော့်မိန်းမပဲ။" သူပြောပြီးသည်နှင့် ရှောင်ထူ၏၏မျက်လုံးများသည် အပြာရောင်အလင်းတန်းများဖြင့် ရုတ်တရက်တောက်ပလာကာ သူ့ကိုပြန်ကြည့်လိုက်သည်။ "သခင်၊ သခင်က ကျွန်တော့်ကို အမြဲတမ်း သခင့်မိန်းမလို သဘောထားနေခဲ့တာလား။"

လူတိုင်း: "..."

ခယ်ရှောင်ပင်းက မှင်တင်သွားပြီး မေးလိုက်သည်။ "မင်းဘာပြောလိုက်တာလဲ။"

ရှောင်ထူ: "ကျွန်တော်က ကွန်ပျူတာဖြစ်ပြီး ကွန်ပျူတာက သခင့်မိန်းမဆိုတော့ ကျွန်တော်က သခင့်မိန်းမလို့ ဆိုလိုတာမဟုတ်ဘူးလား။"

ခယ်ရှောင်ပင်း: "…"

ဒါက ဘယ်လို ထူးဆန်းတဲ့ တွေးခေါ်မှုမျိုးလဲ။

ရှင်းယန်က ရှောင်ထူကို အေးစက်စွာကြည့်ကာ ပြောခဲ့သည်။ "ဒီစက်ရုပ်က ခယ်ရှောင်ပင်းကြောင့် ကလိမ်ကကျစ်ပုံစံ ကြီးပြင်းခဲ့ပုံရတယ်။"

လျှိုကျောက်ချင်းက မနေနိုင်ဘဲ ကျယ်လောင်စွာ ရယ်မောလိုက်သည်။ "ဟားဟားဟား၊ စီနီယာအစ်မလန်က အရပ်ဘက်ရေးရာဗျူရိုကို ရွှေ့ရတော့မယ်။ ရှင်းဝမ်နဲ့ ဖျင်စစ်တို့ အရပ်ဘက်ရေးရာဗျူရိုမှာ မှတ်ပုံတင်ပြီးတော့ ငါတို့ရှောင်ခယ်က ရှောင်ထူနဲ့ လက်ထပ်ဖို့ မှတ်ပုံတင်ရတော့မယ်။"

လန်ယာရုန်: "ရှောင်ခယ်နဲ့ ရှောင်ထူတို့ကြားက မျိုးစိတ်မတူတဲ့ချစ်ခြင်းမေတ္တာဟာ တကယ်ကို ရင်ထဲထိမိပါတယ်။"

ခယ်ရှောင်ပင်းသည် လူတိုင်း၏ ဟာသများကြောင့် ရှက်သွားသည်။ သူ့အသားအရည်က နဂိုဖြူပြီး သူရှက်သောအခါ နီမြန်းတာက ပိုသိသာလာသည်။ ရှောင်ထူကို ထူးထူးခြားခြားပြောခြင်းမှ တားဆီးရန် သူက စက်ရုပ်ခေါင်းကို နှိပ်ပြီး ရှောင်ထူကို ပိတ်ခိုင်းလိုက်သည်။

စက္ကန့် 30 ကြာ နံပါတ်စဉ်ရေတွက်ခြင်း သတိပေးချက်သည် လေးထောင့်ဘောင်ထဲတွင် ပေါ်လာပြီး ယွဲ့ရှင်းဝမ်က သူ့အပြုံးကို ဖယ်ထုတ်လိုက်ပြီး လက်ဆန့်ကာ "စာမေးပွဲခန်းမှ ထွက်မည်" ခလုတ်ကို နှိပ်လိုက်ရာ အားလုံး၏ မျက်လုံးများက တုန်ခါသွားပြီး စာကြည့်တိုက်သို့ တစ်ဖန်ပြန်သွားကြသည်။

နောက်ဆုံးတွင် အုံ့မှိုင်းသော ရဲတိုက်မှ ထွက်ခွာပြီး ရင်းနှီးသော စာသင်ခန်းသို့ ပြန်သွားပြီးနောက် လူတိုင်းက သက်ပြင်းချနိုင်ကြသည်။

လက်ရှိ စာကြည့်တိုက်အချိန်သည် ညနေ 4:00 တိတိရှိပြီး ညစာမစားမီ တစ်နာရီကျော်ကျန်သေးသည်။

ယွဲ့ရှင်းဝမ်သည် နံရံပေါ်က အီလက်ထရွန်းနစ်နာရီကို တစ်ချက်ကြည့်လိုက်ပြီး ရွှီဖေးရွှယ်ကို ပြောခဲ့သည်။ "ဂီတကျောင်းက မင်းရဲ့ဂျူနီယာညီလေးက အခုအားလား။ သူအားတယ်ဆိုရင် သူ့ကို တွေ့ပြီး X အဖွဲ့ဝင်အကြောင်း မေးကြည့်ရအောင်။"

"မေးဖို့ ငါစာပို့လိုက်မယ်။ "ရွှီဖေးရွှယ်သည် ဂျူနီယာမောင်လေးထံသို့ သီးသန့်စာတစ်စောင် ချက်ချင်းပေးပို့ခဲ့ပြီး မကြာမီပြန်ကြားချက်ရရှိခဲ့ကာ သူမက ပြောလိုက်သည်။ "ငါတို့ရောက်နေတဲ့အထပ်က သူ့တိုးတက်မှုထက်ပိုမြင့်နေပြီး သူ သော့မဖွင့်ရသေးတာကြောင့် တက်လာလို့မရဘူး။ တွေ့ဆုံဖို့ အခြားနေရာတစ်ခုရှာရအောင်။"

"သုတေသနအဖွဲ့စင်တာကို သွားမယ်" ယွဲ့ရှင်းဝမ်သည် လူတိုင်းကို သုတေသနအဖွဲ့စင်တာသို့ ခေါ်ဆောင်ကာ ယာယီအစည်းအဝေးခန်းငယ်တစ်ခုငှားရန် အမှတ်များကို အသုံးပြုခဲ့သည်။ ခဏအကြာတွင် အရပ်ရှည်သော ကောင်လေးတစ်ယောက်က စကားဝှက်ဖြင့် အစည်းအဝေးခန်းထဲသို့ ဝင်လိုက်သည်။ ကောင်လေးသည် အဖြူရောင် ပေါ့ပေါ့ပါးပါး အဝတ်အစားကို ဝတ်ဆင်ထားကာ ချောမောသောအသွင်အပြင်နှင့် သစ်အယ်သီးဆံပင်ရှည်ရှိသော်လည်း မိန်းမမဆန်ဘူး။ သူသည် အလွန်ထူးခြားသော အေးဆေးတည်ငြိမ်သည့် စိတ်သဘောထားရှိသည်။

ရွှီဖေးရွှယ်က ချက်ချင်းထရပ်လိုက်ပြီး အပြုံးဖြင့် သူ့ကို မိတ်ဆက်ပေးသည်။ "ဒါက ချင်းကျိုးဂီတတက္ကသိုလ်က ပထမနှစ်ကျောင်းသား ချီလော့ရန်။ သူတို့နှစ်ယောက်က 183 သုတေသနအဖွဲ့ရဲ့ စီနီယာအစ်ကိုရှင်းဝမ်နဲ့ ဖျင်စစ်ပဲ၊ ပြီးတော့ စီနီယာအစ်ကိုကျိုဖုန်း၊ စီနီယာအစ်ကိုလျှိုကျောက်ချင်း…"

သူမသည် 183 သုတေသနအဖွဲ့၏ ကျောင်းသားများကိုအပြန်အလှန်မိတ်ဆက်ခဲ့သည်။ ဂျူနီယာညီလေးက အနည်းငယ်ရှက်ပုံရပြီး လူတိုင်းကို နာခံစွာ နှုတ်ဆက်သည်။

လျှိုကျောက်ချင်းသည် ရွှီယိရှန်း၏နားသို့ကပ်ကာ တိုးတိုးပြောလိုက်သည်။ "သူ့ရဲ့ဆံပင်အရောင်က မင်းနဲ့အတူတူပဲ။"

ရွှီယိရှန်း: "ကျွန်တော်က မွေးရာပါ၊ သူက ဆေးဆိုးထားတာပါ။"

စကားပြောနေစဉ်တွင် ဂျူနီယာညီလေးက ရုတ်တရက် ခေါင်းမော့ပြီး ရွှီယိရှန်းကိုကြည့်ကာ ယဉ်ကျေးစွာ ခေါ်လိုက်သည်။ "စီနီယာအစ်ကိုရွှီ တိုက်ဆိုင်လိုက်တာ။"

ရွှီယိရှန်းက သူ့အား ခေါင်းငြိမ့်ပြသည်။ "ဒါက တကယ်တိုက်ဆိုင်မှုပဲ၊ မင်းက ဘယ်လိုလုပ် စာကြည့်တိုက်ထဲကို ဆွဲသွင်းခံခဲ့ရတာလဲ။"

ချီလော့ရန်က ခါးသက်သက်မျက်နှာဖြင့် ပြောသည်။ "အရင်တုန်းက ကျွန်တော် ကိုယ်ပိုင်သီချင်းတစ်ပုဒ်ရေးချင်ခဲ့တာ။ တေးရေးစာအုပ်တချို့ကို ကြည့်ဖို့ ဂီတတက္ကသိုလ်ရဲ့ စာကြည့်တိုက်ကို သွားခဲ့ပေမဲ့ ကျွန်တော် ဒီကိုဆွဲသွင်းခံရပြီး အပြင်ကို မထွက်နိုင်ခဲ့ဘူး။"

လျှိုကျောက်ချင်းသည် ဘယ်ညာနှစ်ဖက်ကို ရှုပ်ယှက်ခတ်စွာကြည့်နေသည်။ "မင်းတို့နှစ်ယောက်က တစ်ယောက်နဲ့တစ်ယောက် သိကြတာလား"

ဂျူနီယာညီလေး ချီလော့ရန်က အလျင်အမြန် ရှင်းပြသည်။ "ကျွန်တော်က စီနီယာအစ်ကိုရွှီနဲ့ စန္ဒရားကို သင်ယူဖူးတယ်။"

လျှိုကျောက်ချင်းက ရွှီယိရှန်းကိုကြည့်ကာ မေးလိုက်သည်။ "မင်းက စန္ဒရားတီးနိုင်သေးတာလား။"

"ကျွန်တော့်ကို မိဘတွေက ဖိအားပေးသင်ယူခိုင်းတာ။" ရွှီယိရှန်းက အကူအညီမဲ့စွာ ပခုံးတွန့်လိုက်သည်။ "ကျွန်တော့်အမေက စွမ်းရည်တစ်ခုတတ်အောင် စန္ဒရားသင်တန်းမှာ စာရင်းသွင်းခဲ့တာ၊ တကယ်တော့ ကျွန်တော်က စန္ဒရားကို သိပ်စိတ်မဝင်စားပါဘူး။"

"စီနီယာအစ်ကိုရွှီက နှိမ့်ချနေပြန်ပြီ၊ ဆရာက စီနီယာအစ်ကိုရဲ့စွမ်းရည်ကို မကြာခဏ ချီးကျူးနေတာကို။" ဂျူနီယာညီလေးချီလော့ရန်က ခေါင်းငုံ့ပြီး တိုးတိုးလေးပြောလိုက်သည်။ "စီနီယာအစ်ကိုရွှီနဲ့ဆိုရင် X အဖွဲ့ဝင်မပါဘဲ ဂီတသင်တန်းကို အောင်နိုင်ပါတယ်။"

ချက်ချင်း လက်ဝှေ့ယမ်းလိုက်သော ရွှီယိရှန်းကို ယွဲ့ရှင်းဝမ် ကြည့်လိုက်သည်။ "ငါက စန္ဒရားတီးနည်းကိုပဲ သိတာ၊ ပရော်ဖက်ရှင်နယ် ဂီတကျောင်းသားမဟုတ်ဘူး၊ X အဖွဲ့ဝင် ယူတာက ပိုစိတ်ချရတယ်။" သူက ဟိုဟိုဒီဒီ ကြည့်ပြီး ပြောခဲ့သည်။ "ငါတို့အဖွဲ့မှာ ငါတစ်ယောက်ထဲ ဂီတတူရိယာ တီးတတ်တာတော့ မဟုတ်ဘူးမလား။"

လင်းမန့်လော်: "ငါ တယောသင်ယူဖူးတယ်။"

ချင်လုက သူမလက်ကိုမြှောက်ပြီး ပြောခဲ့သည်။ "ကျွန်မအစ်မနဲ့ ကျွန်မလည်း ဂီတတူရိယာတွေကို သင်ယူခဲ့တယ်။ ကျွန်မက ကူကျိမ်းကို သင်ယူခဲ့ပြီး အစ်မက ဂစ်တာကို သင်ယူခဲ့တယ်။"

ချင်မြောင်က ပေါ့ပါးစွာ ဆိုသည်။ "ငါ့ရဲ့ဂီတာက ဝင်ခွင့်အဆင့်ပဲရှိပြီး နာမည်ကြီးသီချင်းတချို့ကို တီးခတ်နိုင်တယ်။"

သူတို့၏မျိုးဆက်ကျောင်းသားအများစုသည် ကလေးများသာဖြစ်ကြပြီး သူတို့၏မိဘများသည် ပင်ကိုယ်စွမ်းရည်များကို ပြုစုပျိုးထောင်ရန် အလွန်အရေးကြီးပါသည်။ ထို့ကြောင့် ကျောင်းသားအများစုသည် ဂီတတူရိယာနှင့် အကကဲ့သို့သော စွမ်းရည်များရှိသည်။ ယွဲ့ရှင်းဝမ်သည် ကလေးဘဝက လက်ရေးလှရေးနည်းကို သင်ယူခဲ့ပြီး နိုင်ငံပြိုင်ပွဲများတွင် ဆုများစွာ ရရှိခဲ့သည်။ သူက ဂီတကို စိတ်မဝင်စားတာကြောင့် ဂီတတူရိယာတွေကို မသင်ယူခဲ့ဘူး။

183 အဖွဲ့မှ ရွှီယိရှန်း၊ လင်းမန့်လော်၊ ချင်လုနှင့် ချင်မြောင်တို့သည် ဂီတတူရိယာများကို တီးခတ်နိုင်ပြီး တိကျသေချာသော ဂီတအခြေခံရှိသည်။ သို့သော် အနုပညာနယ်ပယ်တွင် အထူးပြုမှုများရှိနေပြီး အပျော်တမ်းနှင့် ပရော်ဖက်ရှင်နယ် ကွာဟချက်မှာ မနည်းလှပေ။ မည်သို့ပင်ဆိုစေ X အဖွဲ့ဝင်အကူအညီသည် အဖွဲ့၏အကန့်အသတ်အတွက် ထည့်တွက်မည်မဟုတ်ပါ။ ပရော်ဖက်ရှင်နယ်တစ်ဦးကို ပေါင်းထည့်ခြင်းက ပိုမိုလုံခြုံမည်ဖြစ်သည်။

ယွဲ့ရှင်းဝမ်က ချီလော့ရန်ဆီ လှမ်းလာပြီး နွေးထွေးစွာ ပြောခဲ့သည်။ "ဖိအားတွေ အရမ်းများနေလား ဂျူနီယာညီလေး။ မင်းတော်တော် စိတ်လှုပ်ရှားနေတာကို ငါမြင်ရတယ်။ စိတ်လျှော့ထားပါ၊ ဒါက ဝင်ခွင့်အင်တာဗျူးအတွက် မဟုတ်တာကြောင့် မင်းပြောချက်တာကို ပြောလို့ရတယ်။"

ချီလော့ရန်သည် သူ့နဖူးပေါ်က အေးစက်နေသော ချွေးတွေကို သုတ်လိုက်ပြီး ခြောက်ကပ်ကပ်အပြုံးနဲ့ ပြောသည်။ "နောက်ပြီး စီနီယာတို့က ဒဏ္ဍာရီလာ 183 သုတေသနအဖွဲ့ဖြစ်ပြီး လက်ရှိ အမြန်ဆုံးအဖွဲ့လေ၊ ပန်းချီဌာနရဲ့ သင်တန်းကို မြင့်မားတဲ့ 95 မှတ်နဲ့ အောင်ခဲ့တာလို့ စီနီယာအစ်မရွှီဆီက ကျွန်တော်ကြားတယ်။ ကျွန်တော်က ပထမနှစ်ပဲရှိသေးပြီး ကျွန်တော့်ရဲ့ပရော်ဖက်ရှင်နယ်စွမ်းရည်က မလုံလောက်ပဲ စီနီယာတို့ကို ဆွဲချမိမှာ ကျွန်တော်ကြောက်တယ်…"

ယွဲ့ရှင်းဝမ်က ရှင်းရှင်းလင်းလင်းပြောခဲ့သည်။ "ဒါဆို မင်းက X အဖွဲ့ဝင်အဖြစ် မလုပ်ရဲဘူးလား။"

ချီလော့ရန်၏ နားရွက်များ နီရဲသွားသည်။ "လူသစ်တစ်ယောက်က ကြီးမြတ်တဲ့ နတ်ဘုရားအဖွဲ့ထဲကို ဝင်လာသလို ခံစားရပြီး ကျွန်တော်က နည်းနည်း ယုံကြည်မှုမရှိသလို ခံစားရတယ်။"

ရွှီဖေးရွှယ်က အပြုံးဖြင့် ပြောလိုက်သည်။ "တကယ်တော့ ဒီဂျူနီယာမောင်လေးက ရှင်းဝမ်နဲ့ ဖျင်စစ်တို့ရဲ့ အမာခံပရိသတ်တစ်ယောက်ဖြစ်ပြီး ဖိုရမ်မှာ နင်တို့ရဲ့ဗျူဟာပို့စ်တွေကို မကြာခဏစာပြန်လေ့ရှိပြီး အောက်မှာ 666 လို့ အော်တယ်။" သူမက ခေတ္တရပ်လိုက်ပြီး အသံပြောင်းပြောသည်။ "ဒါပေမဲ့ ဂျူနီယာမောင်လေးချီရဲ့ စွမ်းရည်က အတော်လေး သန်မာတယ်။ သူ့မှာ အခု ဂီတဌာနရဲ့ စွမ်းရည်အမျိုးအစားသုံးမျိုးရှိတယ်။ pipa သီချင်း "Ambush from Ten Sides" က AOE ကြောက်ရွံ့စေတယ်၊ တယောတီးလုံး "Ave Maria"က အပစ်အခတ်ရပ်စဲစေပြီး "မမေ့နိုင်သောည"က အဖွဲ့လိုက်အိပ်ပျော်သွားစေတယ်။ သူက ငါတို့အဖွဲ့ရဲ့ အဓိကထိန်းချုပ်သူဖြစ်ပြီး သူ့ရဲ့ဂီတအသိပညာနဲ့အတူ သူက ဒီသင်တန်းကို ကူညီနိုင်တယ်။"

ချီလော့ရန်သည် ချီးမွှမ်းခံရခြင်းအတွက် ရှက်ရွံ့သွားပြီး ယွဲ့ရှင်းဝမ်ကိုကြည့်ကာ ပြောလိုက်သည်။ "စီနီယာအစ်ကို စိတ်—စိတ်မရှိရင် ဒီသင်တန်းကို စီနီယာတို့နဲ့အတူ ကျွန်တော့်ကို ခေါ်သွားပါ၊ ကျွန်တော် အကောင်းဆုံး ကြိုးစားပါ့မယ်။"

ယွဲ့ရှင်းဝမ်က မတ်တတ်ထရပ်ပြီး သူ့လက်ကို ဆန့်တန်းလိုက်သည်။ "ငါစိတ်မရှိပါဘူး၊ ငါတို့ဆီပါဝင်ဖို့ မင်းကိုကြိုဆိုပါတယ်။"

ချီလော့ရန်က ချက်ချင်း လက်ဆွဲနှုတ်ဆက်လိုက်သည်။

ဂျူနီယာညီလေးက တကယ်ကို စိတ်လှုပ်ရှားသွားပြီး သူ့လက်ဖဝါးမှာ အေးစက်သော ချွေးအလွှာတွေ ထွက်လာသည်။

ယွဲ့ရှင်းဝမ်က ဒါကို သတိပြုမိပြီး အနည်းငယ်ပြုံးကာ သူ့လက်မောင်းကို ပုတ်လိုက်သည်။ "စိတ်မပူပါနဲ့၊ ငါတို့အဖွဲ့ထဲက စီနီယာအစ်ကို၊အစ်မတွေက ပေါင်းသင်းရအရမ်းအဆင်ပြေပါတယ်။ အားလုံးက ယာယီအဖွဲ့ဝင်တွေဖြစ်ပေမဲ့ ပန်းတိုင်က စာမေးပွဲအောင်ဖို့ပဲ။ မင်းက အဖွဲ့ကို ပြဿနာဖြစ်အောင် ရည်ရွယ်ရှိရှိ အမှားတွေမလုပ်မိသရွေ့ ငါတို့ကလည်း တတ်နိုင်သမျှ အကောင်းဆုံးလုပ်မှာပါ။"

ချီလော့ရန်သည် ယခင်က ဖိုရမ်တွင် ယွဲ့ရှင်းဝမ်တင်ထားသော ပို့စ်များကိုသာ မြင်ဖူးပြီး ရှင်းလင်းကာ ယုတ္တိရှိသည်။ 183 မှ ထုတ်လုပ်သော နည်းဗျူဟာများသည် အဖွဲ့များစွာကို အောက်ထပ်ရှိ သင်တန်းများကို ရှင်းလင်းရန် ကူညီပေးခဲ့သည်။ ယခုတွင် ဤဒဏ္ဍာရီလာ ထိပ်တန်းကျောင်းသားနှင့် ပထမဆုံးအကြိမ် အနီးကပ်ထိတွေ့မှုတွင် စီနီယာအစ်ကိုရှင်းဝမ်သည် ခေါင်းဆောင်အဖြစ် ထမ်းဆောင်ရုံသာမက စိတ်သဘောထားကောင်းမွန်ပြီး ရိုးရှင်းသောအပြုံးလည်းရှိသဖြင့် လူများကို သက်သာရာရစေကြောင်း သူတွေ့ရှိခဲ့သည်။

မရင်းနှီးသောအဖွဲ့တွင် ပါဝင်ရခြင်း၏ ကြောက်ရွံ့မှုနှင့် စိုးရိမ်ပူပန်မှုတို့သည် တဖြည်းဖြည်း လျော့ပါးသွားကာ ချီလော့ရန်က အားတက်သရော ခေါင်းငြိမ့်ပြသည်။ "အင်း၊ ကျွန်တော်သိတယ်။ စီနီယာအစ်ကိုတို့က မနက်ဖြန်နေ့လယ်မှာ ဂီတကျောင်းရဲ့ သင်တန်းကို တက်ကြမှာမလား။"

"အင်း။ ငါတို့ အင်္ဂါနေ့ နေ့လယ် 1:50 မှာ အနုပညာဌာနရဲ့ သင်တန်းရွေးချယ်ရေးစင်တာမှာ တွေ့ကြမယ်။"

"ကောင်းပြီ ဒါဆို ကျွန်တော်ပြန်ပြီး ပြင်ဆင်လိုက်မယ်၊ မနက်ဖြန်တွေ့မယ်။"

အဖွဲ့အစည်းအဝေးပြီးနောက် ယွဲ့ရှင်းဝမ်သည် သူ၏အဖွဲ့ဝင်များအား ညစာစားရန် ခေါ်ဆောင်သွားခဲ့သည်။ ညစာစားပြီးသည့်နောက် အိပ်ဆောင်သို့ပြန်ရောက်သောအခါ ယွဲ့ရှင်းဝမ်သည် ရေနွေးပူပူဖြင့် ရေချိုးပြီး ညဝတ်အင်္ကျီကိုဝတ်ကာ ကုတင်ပေါ်တွင် လဲလျောင်းရင်း သူ၏ခြေလက်လေးချောင်းစလုံးကို ဖြေလျှော့ကာ ခေါင်းနောက်တွင် လက်နှစ်ဖက်ကိုထားပြီး မျက်နှာကျက်ကို တွေးဆဆဖြင့် စိုက်ကြည့်နေသည် 

ကျန်းဖျင်စစ်သည် ကုတင်ဘေးသို့ လမ်းလျှောက်လာပြီး ထိုင်ကာ သူ့ကိုအာလူးကြော်တစ်ထုပ်ကို ပေးပြီး အသံတိုးတိုးဖြင့် မေးသည်။ "မင်းဘာတွေတွေးနေတာလဲ။"

ယွဲ့ရှင်းဝမ်က လိမ့်ကာ ထိုင်လိုက်ပြီး အာလူးကြော်အိတ်ကို ဆုတ်ဖြဲကာ အာလူးကြော်အနည်းငယ်ယူပြီး ပါးစပ်ထဲထည့်လိုက်သည်။ အာလူးကြော်၏ မွှေးပျံ့သောအရသာက သူ့ကိုချက်ချင်း လန်းဆန်းသွားစေပြီး ယွဲ့ရှင်းဝမ်သည် အာလူးကြော်အနည်းငယ်ကို မြိန်ရေရှက်ရေစားပြီးနောက် လေးလေးနက်နက်ပြောခဲ့သည်။ "ခယ်ရှောင်ပင်းရဲ့ စက်ရုပ်ဉာဏ်ရည်တိုးတက်မှုက အရမ်းမြန်နေသလားလို့ ငါတွေးနေတာ။ ပထမတော့ သူက ခယ်ရှောင်ပင်းရဲ့ အသံကိုပဲ မှတ်မိပြီး "ကျားနှစ်ကောင်"သီချင်းဆိုနိုင်ပေမဲ့ အခု သူ့ရဲ့ IQ က ငါတို့လက်တွေ့မှာမြင်ဖူးတဲ့ ဉာဏ်ရည်မြင့် AI ထက် တိုးတက်မှုပိုကောင်းနေတယ်လို့ မင်းထင်လား။"

ကျန်းဖျင်စစ်က ခဏလောက် နှုတ်ဆိတ်နေခဲ့သည်။ "စာကြည့်တိုက်စနစ်နဲ့ ရှောင်ထူရဲ့ ဉာဏ်ရည်ထက်မြက်တဲ့ တိုးတက်မှုက ဆက်စပ်နေတယ်လို့ မင်းသံသယရှိနေတာလား။"

ယွဲ့ရှင်းဝမ်: "စာကြည့်တိုက်မှာ ကြီးမားတဲ့ ဉာဏ်ရည်မြင့်စနစ်တစ်ခုရှိပြီး ငါတို့ကို ဒီမှာ ထောင်ချောက်ဆင်ဖမ်းထားပြီးတော့ ငါတို့ရဲ့ လုပ်ရပ်အားလုံးကို စောင့်ကြည့်ပြီး အချိန်မရွေး စာမေးပွဲကျတဲ့ ကျောင်းသားတွေကို ဖယ်ရှားပစ်တယ်။ အနာဂတ်မှာ ကွန်ပျူတာသိပ္ပံဌာနနဲ့ ငါတို့ကြုံရင် ဒီလောက် အစွမ်းထက်တဲ့ ဉာဏ်ရည်မြင့်စနစ်ကို ငါတို့ ဘယ်လို ဖြတ်သန်းကြမလဲ။"

သူခေတ္တရပ်ပြီး ကျန်းဖျင်စစ်ကိုကြည့်ကာ တစ်လုံးချင်းပြောခဲ့သည်။ "ရှောင်ထူက ငါတို့ဘက်မှာ အမြဲတမ်းရှိနေမှာလား။"

ကျန်းဖျင်စစ်က အနည်းငယ် မျက်မှောင်ကြုတ်သွားသည်။ "ဒါက စာကြည့်တိုက်ကထုတ်တဲ့ ထုတ်ကုန်တစ်ခုပဲ။ လောလောဆယ်တော့ ခယ်ရှောင်ပင်းရဲ့ ကွပ်ကဲမှုအောက်မှာ ငါတို့ကို ကူညီနေပေမဲ့ ကွန်ပျူတာသိပ္ပံဌာနမှာ ဉာဏ်ရည်မြင့်စနစ်က သူ့ကို ထိန်းချုပ်ခဲ့ရင်တော့ ပြောဖို့ခက်တယ်။"

ယွဲ့ရှင်းဝမ်က ခေါင်းငြိမ့်လိုက်သည်။ "ငါလည်း အဲလိုထင်ပါတယ်။ ခယ်ရှောင်ပင်းက ရှောင်ထူကို အရမ်းသဘောကျပြီး ဒီစက်ရုပ်ကို အိမ်မွေးတိရစ္ဆာန်အဖြစ် ထိန်းသိမ်းထားတယ်။ ကွန်ပျူတာသိပ္ပံဌာနက ဉာဏ်ရည်မြင့် ကျူးကျော်မှုရဲ့ လှည့်ကွက်ကို မကစားဖို့ မျှော်လင့်ပါတယ် မဟုတ်ရင်တော့…"

နှစ်ယောက်သားက ခေတ္တတိတ်ဆိတ်သွားကြသည်။

ကျန်းဖျင်စစ်သည် သူ့လက်ကို ရှင်းဝမ်၏ပခုံးပေါ် ညင်သာစွာတင်လိုက်ပြီး ပြောသည်။ "ငါတို့ စာမေးပွဲမဖြေရသေးတဲ့ ရူပဗေဒ၊ ဓာတုဗေဒ၊ တရုတ်ဘာသာစကားနဲ့ သမိုင်းအစရှိတဲ့ ဌာနတွေအများကြီး ကျန်ပါသေးတယ်။ တစ်ကြိမ်ကို ခြေတစ်လှမ်းပဲ စကြတာပေါ့။ သိပ်အများကြီး မစဉ်းစားပါနဲ့၊ စိတ်လျှော့ပြီး စောစောအနားယူပါ။"

ယွဲ့ရှင်းဝမ်က သူ့ကို ပြုံးပြလိုက်သည်။ "ကောင်းပြီ၊ အရင်အိပ်ရအောင်။"

#TK