Chapter 104

Volume 5 : ဇီဝသိပ္ပံဌာန

Chapter 104 (ဆဲလ်မွေးမြူရေး ၀၅)

dermis ၏ အမျှင်တစ်ရှူးများက ခန္ဓာကိုယ်အနှံ့ရှိပြီး ယွဲ့ရှင်းဝမ်သည် ပြားချပ်ချပ် "fibroblast" ဖြစ်လာပြီးနောက် ယခင်ကကဲ့သို့ လိမ့်၍မရတော့ဘဲ လျှောချနိုင်ကာ အခြားဆဲလ်များ၏ အဟများကိုပင် ချော်၍သွားနိုင်သည်။

ပုံမှန်မဟုတ်သော ကြယ်ပုံသဏ္ဌာန်ဆဲလ်များသည် စကိတ်စီးခြင်းကဲ့သို့ ခန္ဓာကိုယ်အနှံ့ လျှောကျလျက်ရှိသည်။ သင်တန်း၏ အချက်ပြချက်များအရ သူတို့သည် မတူညီသောနေရာများတွင် ကိုယ်ပွားများရှိနေသည်…

မကြာမီ ယွဲ့ရှင်းဝမ်မှပြုလုပ်သော fibroblast များသည် ခန္ဓာကိုယ်အနှံ့ ပေါ်လာသည်။

ကျောင်းသားများသည် မူလကိုယ်ကို ကိုယ်ပွားများနှင့် ခွဲခြားနိုင်စေရန်အတွက် ဆဲလ်အများအပြားကို ခွဲထုတ်ပြီးနောက် မူလကိုယ်ခန္ဓာတွင်သာ မျက်လုံးများရှိပြီး အခြားကိုယ်ပွားဆဲလ်များတွင် ပုံသဏ္ဌာန်များပဲရှိကာ မျက်လုံးများမရှိပေ။

"fibroblast" အပြင် "macrophage" ၊ "mast ဆဲလ်များ"တွင်လည်း dermis အလွှာရှိသည်။ ဤတစ်ကြိမ်တွင် fibroblast ပြုလုပ်ခြင်းအတွေ့အကြုံဖြင့် ယွဲ့ရှင်းဝမ်၏အလုပ်က ပိုမိုချောမွေ့လာသည်။

သူသည် စီနီယာအစ်မလန်မှ ပြုလုပ်ထားသော epidermis အလွှာအောက်တွင် နေရာတိုင်း၌ dermis အလွှာကို တည်ဆောက်နေကာ လက်သမားဆရာတစ်ဦးကဲ့သို့ သန္ဓေသားတစ်ခုလုံးတွင် အလုပ်များနေတော့သည်။

အချိန်တွေ တစ်မိနစ်ပြီးတစ်မိနစ်ကုန်လွန်သွားတော့ ယွဲ့ရှင်းဝမ်သည် နောက်ဆုံးမှာ dermis အလွှာတည်ဆောက်မှုကို ပြီးမြောက်ခဲ့သည်။ သူသည် ပင်ပန်းလွန်း၍ ကြမ်းပြင်ပေါ် လှဲချလိုက်ပြီး မလှုပ်ရှားချင်တော့ဘဲ သူ့အသံက အားပျော့နေသည်။

"နောက်ဆုံးတော့ ပြီးသွားပြီ… ဒါက မီတာသောင်းချီမာရသွန် ပြေးတာထက်တောင် ပိုပင်ပန်းသေးတယ်…"

လျှိုကျောက်ချင်းက အပြုံးဖြင့် ပြောသည်။

"ကလေးဖန်တီးရတာ ဘယ်လိုလုပ်လွယ်ကူနေမှာလဲ?"

ဒါကိုစဉ်းစားရင်း ယွဲ့ရှင်းဝမ် ပြောလိုက်သည်။

"အားလုံး ဆက်ပြီးကြိုးစားရအောင်… နောက်ထပ်ဘာဆက်လုပ်ရမှာလဲ?"

ချင်မြောင်က တည်ငြိမ်စွာပြောခဲ့သည်။ 

"သန္ဓေသားရဲ့ မျက်နှာသွင်ပြင်က ကိုယ်ဝန် 7 ပတ်မှာ စတင်ပေါ်လာတယ်လို့ အခုပဲ စက်အသံက ငါတို့ကို သတိပေးခဲ့တယ်…"

လင်းမန့်လော်က စိတ်လှုပ်ရှားစွာနဲ့ ပြောသည်။

"မျက်နှာသွင်ပြင်ဆိုတော့ ငါ့အလှည့်လား? ငါ့ကလေးရဲ့ မျက်လုံး၊ နှာခေါင်း၊ ပါးစပ်တွေကို ပြုလုပ်ပေးရမှာလား?"

လျှိုကျောက်ချင်းက ထပ်ပြောလာသည်။

"ဒီအချိန်မှာ သန္ဓေသားရဲ့ လက်နဲ့ ခြေထောက်တွေ ပေါ်လာသင့်ပေမယ့် လက်ချောင်း၊ ခြေချောင်းတွေကို ရှင်းရှင်းလင်းလင်း မဖော်ပြသေးဘဲ အသားစိုင် ဖြစ်သွားလိမ့်မယ်… အနီးနားမှာ ခြေလက်တွေကို ကိုယ်စားပြုတဲ့ လမ်းကြောင်းတွေရှိသလားဆိုတာ အားလုံး ပတ်ပတ်လည်ကို ကြည့်လိုက်ကြ…"

လန်ယာရုန်က အနီးနားရှိ လမ်းကြောင်းတွေကို လျင်မြန်စွာ ရှာဖွေတွေ့ရှိပြီး ပြောလာသည်။

"ငါ ဒီမှာတွေ့တယ်၊ အခုလေးတင် အပေါ်ဘယ်ဘက်ထောင့်၊ အပေါ်ညာဘက်ထောင့်၊ အောက်ဘယ်ဘက်ထောင့်၊ အောက်ညာဘက်ထောင့်မှာ အသားစိုင်တစ်ခုကို တွေ့လိုက်တယ်၊ အဲဒါက သန္ဓေသားရဲ့ခြေလက်တွေ ကနဦးအဆင့်ဖြစ်နိုင်တယ်မလား?"

လျှိုကျောက်ချင်းက ခေါင်းငြိမ့်ပြီး ပြောသည်။

"မှန်တယ်… မန့်လော်၊ ကလေးရဲ့ မျက်နှာသွင်ပြင်ကို ဖန်တီးဖို့ ဦးခေါင်းကိုသွားရမယ်… စီနီယာအစ်မလန်နဲ့ ရှင်းဝမ်တို့က ဆဲလ်တွေခွဲပြီး အရေပြား၊ dermis နဲ့ ကလေးရဲ့ခြေလက်တွေက ကြွက်သားတွေမှာ ဖြည့်ပေးဖို့ အလုပ်ကြိုးစားရမယ်…"

ယွဲ့ရှင်းဝမ်သည် အလွန်ပင်ပန်းသော်လည်း ကလေးကို ချောချောမွေ့မွေ့မွေးဖွားရန် ယခုအချိန်တွင် အားလျှော့လို့မရသေးပေ။ သူက ချက်ချင်း ပြောလိုက်သည်။

"ကိစ္စမရှိပါဘူး၊ အားလုံး အလုပ်စလုပ်ကြစို့!"

စကားလုံးများ ထွက်လာသည်နှင့် လျှောစီးနေသကဲ့သို့ ကြယ်ပုံသဏ္ဌာန် ယွဲ့ရှင်းဝမ်ကို လူတိုင်းမြင်လိုက်ကြပြီး စီနီယာအစ်မလန်ပြောသော နေရာသို့ လျင်မြန်စွာ လျှောကျလာကာ epidermis ၏ ဆဲလ်များနှင့် အရေပြား၏ dermis အလွှာများကို ဖန်တီးရန် လန်ယာရုန်နှင့် ပူးပေါင်းဆောင်ရွက်ခဲ့သည်။

ဖန်တီးပြီးနောက် ယွဲ့ရှင်းဝမ်သည် dermis အလွှာအောက်ရှိ ကြွက်သားတစ်ရှူးကို ဆက်လက်ဖန်တီးခဲ့သည်။

"fibroblasts" နှင့်မတူဘဲ ကြွက်သားအလွှာ၏ "ကြွက်သားဆဲလ်များ" တွင် striated ကြွက်သားဆဲလ်များနှင့် smooth ကြွက်သားဆဲလ်များပါဝင်သည်။ ၎င်းတို့အနက် striated ကြွက်သားဆဲလ်များသည် ကျုံ့နိုင်အားအရှိဆုံးဖြစ်ပြီး ပုံသဏ္ဌာန်အားဖြင့် trapezoidal ဖြစ်သည်။ smooth ကြွက်သားဆဲလ်များသည် ကျုံ့နိုင်အားနည်းပြီး ဗိုင်းလိပ်ပုံစံရှိသည်။ Striated ကြွက်သား(skeletal ကြွက်သားဟုလည်းခေါ်သည်) သည် အရိုးနှင့်တွဲလျက် အရိုးနှင့်အရေပြားကြားတွင် လည်ပတ်နေသည်။ smooth ကြွက်သားသည် အများအားဖြင့် အစာအိမ်နှင့် အူလမ်းကြောင်း၏ ပြွန်နံရံများတစ်လျှောက်တွင် လည်ပတ်ကြသည်။

ယွဲ့ရှင်းဝမ် တည်ဆောက်လိုသော ခြေလက်အင်္ဂါများရှိသည့် ဤနေရာတွင် striated ကြွက်သားများစွာရှိသည်။

ရလဒ်အနေဖြင့် ယွဲ့ရှင်းဝမ်သည် ခွဲထုတ်ပြီးနောက် ‘trapezoidal’ ကြွက်သားဆဲလ်များ ဖြစ်လာခဲ့သည်။

ပြားချပ်ချပ် trapezoidal ယွဲ့ရှင်းဝမ်သည် သန္ဓေသား၏ ခြေလက်များ တစ်ဝိုက်တွင် လျှောဆင်းနေတာကို လူတိုင်း မြင်လိုက်ရသည်။ အလုပ်လုပ်ရင်းနဲ့ သူကပြောလိုက်သည်။

"ကလေးရဲ့ လက်မောင်းတွေနဲ့ ခြေထောက်တွေက အရမ်းတိုတယ်၊ ကွေးကောက်နေပြီးတော့ အရမ်းချစ်စရာကောင်းတယ်…"

လန်ယာရုန်က ရုတ်တရက်ပြောလာသည်။ 

"ခဏနေပါဦး၊ ကလေးက သူ့လက်နဲ့ခြေတွေအပြင် အမြီးရှည်ရှည်ကို ငါတွေ့လိုက်သလားလို့?! ငါတို့ကလေးက…"

သူမက ခေတ္တရပ်ကာ လေးနက်စွာ ပြောလိုက်သည်။

"ငါတို့ကလေးက နတ်ဆိုးများလား?"

ဒါကိုကြားတော့ လူတိုင်းက မှင်တက်သွားကြသည်။

ခယ်ရှောင်ပင်းက ပြုံးကာပြောသည်။

"စီနီယာအစ်မ၊ ကျွန်တော်တို့က နတ်ဆိုးတစ်ကောင်ကိုမွေးရင် Xuanhuan ဇာတ်လမ်းထဲကလို ဖြစ်လာလိမ့်မယ်… ဒီကလေးက ကျွန်တော်တို့ 12 ယောက်ရဲ့ မျိုးရိုးဗီဇတွေနဲ့ ပေါင်းစပ်ထားတဲ့ သမိုင်းတစ်လျှောက် အသန်မာဆုံးနတ်ဆိုးမျိုးနွယ်အဖြစ် နိုးထလာလိမ့်မယ်… နတ်ဆိုးအရှင်ထွက်ပေါ်လာတာနဲ့ ဘုံသုံးခုစလုံး ပေါင်းစည်းသွားမှာမလား?"

ကျန်းရှောင်နျန်က နူးညံ့စွာမေးသည်။

"ဘာလို့နတ်ဆိုးဖြစ်ရတာလဲ? နတ်ဘုရားဖြစ်လို့မရဘူးလား?"

ခယ်ရှောင်ပင်းက လေးနက်စွာဆိုသည်။

"ဘာလို့လဲဆိုတော့ ငါတို့ 12 ယောက်သာ ကျင့်ကြံခြင်းဝတ္ထုထဲရောက်သွားရင် ငါတို့တွေက အရမ်းကြမ်းတဲ့နတ်ဆိုးတွေ သေချာပေါက်ဖြစ်လိမ့်မယ်…"

လူတိုင်း: "..."

ရှင်းယန်က ပေါ့ပါးစွာပြောသည်။

"ကွန်ပျူတာဌာနကနေ မင်းရဲ့ဘာသာရပ်ကို ဇာတ်ညွှန်းရေးဆီ ပြောင်းပြီး လေ့လာဖို့ စဉ်းစားချင်နေတာလား?"

ရှောင်ခယ်က ဇာတ်ညွှန်းရေးဆရာဖြစ်ဖို့ အရည်အချင်းရှိသည်ဟု လူတိုင်းထင်နေကြသည်။

ခယ်ရှောင်ပင်းက အပြုံးဖြင့် ပြောသည်။

"ငါနောက်တာပါ၊ ငါတို့ကလေးက နတ်ဆိုးမဖြစ်နိုင်ပါဘူး…"

ချင်မြောင်က အမြီးပြဿနာကို အေးအေးဆေးဆေး ရှင်းပြသည်။

"အဲဒါက atavism လက္ခဏာဖြစ်နိုင်ပြီး လူသားတွေရဲ့ ဘိုးဘေးတွေမှာလည်း အမြီးတွေရှိသင့်တယ်…"

လျှိုကျောက်ချင်း: "ဟုတ်တယ်… တကယ်တော့ ငါတို့အားလုံးမှာ သန္ဓေသားအဖြစ်ပေါက်ဖွားစဉ်က အမြီးတွေရှိတယ်… ဒါက ဘိုးဘွားစဉ်ဆက် ထားခဲ့တဲ့ မျိုးရိုးဗီဇတစ်ခုဖြစ်ပြီး အချိန်အတော်ကြာ ဆင့်ကဲပြောင်းလဲပြီးနောက်မှာ လူသားတွေဟာ အမြီးတွေကို မလိုအပ်တော့ဘူး… သန္ဓေသားက ကြီးထွားလာတာနဲ့ ကိုယ်တွင်းအင်္ဂါတွေက ပိုကြီးလာပြီး အမြီးက ပိုသေးသွားလိမ့်မယ်… ကိုယ်ဝန် 3 လလောက်မှာ အမြီးက လုံးလုံးပျောက်သွားလိမ့်မယ်…"

ရွှီယိရှန်းက ထောက်ခံသည်။

"သိပ္ပံနည်းကျရှင်းပြချက်မှာ အမြီးဖွံဖြိုးမှုအတွက် တာဝန်ရှိတဲ့ မျိုးရိုးဗီဇအစိတ်အပိုင်းကို ပိတ်ထားခြင်းကြောင့် အမြီးကဆက်လက်မကြီးထွားနိုင်ဘဲ နောက်ဆုံးတွင် ယိုယွင်းပျောက်ကွယ်သွားခြင်းဖြစ်တယ်လို့ ဆိုတယ်… ပြောရရင် အမြီးအတွက် မျိုးရိုးဗီဇတွေက ငါတို့ခန္ဓာကိုယ်ထဲမှာ ဆက်လက်တည်ရှိနေဆဲဖြစ်ပြီး သန္ဓေသားကြီးထွားလာချိန်မှာ အဲဒါကမဖွံ့ဖြိုးတော့တာပဲရှိတယ်…"

လန်ယာရုန်က ရုတ်တရက် သဘောပေါက်သွားသည်။

"အဲဒါက ဒီလိုကို… လက်နဲ့ခြေတွေအပြင် အမြီးကဘာလို့ ရှိသေးတာလို့ ငါတွေးနေခဲ့တာ!"

လင်းမန့်လော်က မေးသည်။

"နောက်တစ်ယောက်က ကျွန်မ မလား? မျက်နှာသွင်ပြင်တွေကို စတင်လုပ်ရတော့မှာလား?"

လျှိုကျောက်ချင်းက အသံတိုးတိုးဖြင့် ညွှန်ကြားသည်။

"မျက်နှာသွင်ပြင်တွေက သိမ်မွေ့တဲ့အလုပ်ပဲ၊ မင်းဂရုစိုက်ရမယ်… လက်ရှိမှာ မျက်လုံး၊ နှာခေါင်း၊ နှာခေါင်းပေါက်နဲ့ နားတွေကိုပဲ မင်းခွဲခြားနိုင်ဦးမယ်… ကလေးရဲ့မျက်လုံးတွေက မှိတ်နေတုန်းမလို့ သင်တန်းအချက်ပြမှုတွေကို လိုက်နာပြီး နေရာသတ်မှတ်လိုက်…"

လင်းမန့်လော်က လေးလေးနက်နက် မျက်တောင်ခတ်လိုက်သည်။

"ကောင်းပြီ၊ ဒါဆို ကျွန်မသွားပြီ…"

သူမသည် သန္ဓေသား၏ မျက်နှာနေရာဆီသို့ လျှောက်သွားကာ မျက်လုံး၊ နား၊ နှာခေါင်းနှင့် အခြားအမှတ်အသားများကို မြင်လိုက်ရသည်။ လင်းမန့်လော်သည် အချက်ပြမှုအတိုင်း ဖြည့်သွင်းပြီး မေးလိုက်သည်။ 

"နင်တို့တွေ၊ ကလေးရဲ့ မျက်ခွံတစ်ထပ်က ပိုကြည့်ကောင်းတယ်ထင်လား? မျက်ခွံနှစ်ထပ်က ပိုကြည့်ကောင်းတယ်ထင်လား?"

ယွဲ့ရှင်းဝမ်က တုံ့ဆိုင်းခြင်းမရှိပြောလာသည်။ 

"မျက်ခွံတစ်ထပ်က ပိုကြည့်ကောင်းတယ်ထင်တယ်…"

မျက်ခွံနှစ်ထပ်ကို လူအများစုက ကြိုက်ကြသည်။ ဘာကြောင့် ရှင်းဝမ်က မျက်ခွံတစ်ထပ်ကို ကြိုက်ရတာလဲ? လင်းမန့်လော်က ခဏလောက်စဉ်းစားပြီး လျင်မြန်စွာ သဘောပေါက်သွားသည်။

"ကျန်းဖျင်စစ်လို မျက်ခွံတစ်ထပ်ကို ဆိုလိုတာလား?"

ယွဲ့ရှင်းဝမ်: "ဟုတ်တယ်၊ ပတ်ဝန်းကျင်မှာ ချောမောလှပတဲ့ ယောင်္ကျားနဲ့ မိန်းမတွေကြားမှာ မျက်ခွံနှစ်ထပ်က အရမ်းအဖြစ်များတယ်… ဒါပေမယ့် မျက်ခွံတစ်ထပ်က ပိုထူးခြားပြီး ပိုသိသာတယ်… ဖျင်စစ်က အတော်လေးချောတယ်လို့ ကျွန်တော်ထင်တယ်…"

ကျန်းဖျင်စစ်: "…ကျေးဇူးတင်ပါတယ်"

ရွှီယိရှန်းက ပြုံးကာ ပြောသည်။

"မျက်ခွံနှစ်ထပ်က Aa ဒါမှမဟုတ် AA ကြီးစိုးတဲ့မျိုးရိုးဗီဇဖြစ်တယ်… မျက်ခွံတစ်ထပ်က ငိုလျှိုးတဲ့မျိုးရိုးဗီဇ aa ဖြစ်ပြီး autosomal မျိုးရိုးဗီဇတွေက အမွေဆက်ခံတယ်… မိဘနှစ်ပါးစလုံးမှာ မျက်ခွံနှစ်ထပ်ပါရင် ကလေးမှာလည်း မျက်ခွံနှစ်ထပ်ပါနိုင်ချေများတယ်… မိဘနှစ်ပါးစလုံးက မျက်ခွံတစ်ထပ်ဆိုရင် ကလေးက မျက်ခွံတစ်ထပ်ဖြစ်နိုင်ခြေ 100% ရှိတယ်… မိဘနှစ်ပါးစလုံးမှာ တစ်ယောက်က မျက်ခွံနှစ်ထပ်၊ တစ်ယောက်က မျက်ခွံတစ်ထပ်ဆိုရင် ဖြစ်နိုင်ခြေအမျိုးမျိုးရှိတယ်…"

ဝိဇ္ဇာကျောင်းသားများသည် ဒါကိုကြားပြီးနောက် အနည်းငယ် အံ့အားသင့်သွားပြီး သူတို့တွေ နားမလည်သော်လည်း တွေးကြည့်တာတော့ အတော်လေးမိုက်မည့်ပုံပေါ်သည်။

လန်ယာရုန်က ကောက်ချက်ချခဲ့သည်။

"အဲဒီလိုဆိုရင် ကလေးက အနာဂတ်မှာ မျက်ခွံတစ်ထပ်လား၊ မျက်ခွံနှစ်ထပ်လားဆိုတာကို မျိုးရိုးဗီဇက ဆုံးဖြတ်တာဖြစ်ပြီး၊ ငါတို့က အဲဒါကိုပြောင်းလဲလို့မရဘူးပေါ့…"

ရွှီယိရှန်း: "ဟုတ်တယ်…"

လင်းမန့်လော်က အနည်းငယ်နောင်တရသွားပြီး ပြောလာသည်။

"ကောင်းပြီ၊ ဒါဆို ကလေးရဲ့မျက်လုံးတွေကို ငါအရင်ပြုလုပ်လိုက်မယ်…"

မျက်လုံး… နား… နှာခေါင်း…

စီနီယာအစ်မလင်းမန့်လော်သည် ခဏတာ အလုပ်များနေပြီး သန္ဓေသား၏မျက်နှာသွင်ပြင်ကို တည်ဆောက်ပြီးပြီးချင်းတွင် လျှိုကျောက်ချင်းသည် ဦးနှောက်နှင့်အာရုံကြောစနစ်၏ pituitary ဂလင်းကိုစတင်တည်ဆောက်ခဲ့သည်။

Pituitary ဂလင်းသည် ခန္ဓာကိုယ်၏ သေးငယ်သော အစိတ်အပိုင်းဖြစ်သော်လည်း ခန္ဓာကိုယ်အနှံ့ ဟော်မုန်းများ ထိန်းညှိခြင်းလုပ်ငန်းစဉ် ပါဝင်မှုတွင် အလွန်အရေးကြီး ပါသည်။ စီနီယာအစ်ကိုလျှိုသည် ဆေးပညာကို လေ့လာခဲ့ပြီး အခြားသူများထံမှ လမ်းညွှန်မှု မလိုအပ်သောကြောင့် pituitary ဂလင်းတည်နေရာကို အမြန်ရှာဖွေပြီး ကွဲပြားမှုကို အပြီးသတ်ခဲ့သည်။

တစ်ဖန် သူတို့နားထဲတွင် စက်အသံတစ်ခုက မြည်လာသည်။

"ကိုယ်ဝန် 9 ပတ်မှာ သန္ဓေသားရဲ့ ကိုယ်တွင်းအင်္ဂါတွေ၊ ကြွက်သားတွေနဲ့ အာရုံကြောတွေ အားလုံးက စတင်အလုပ်လုပ်ပြီး လျင်မြန်စွာ ဖွံ့ဖြိုးနေတယ်…"

သည်အသံထွက်လာတာနဲ့ လျှိုကျောက်ချင်းက အလျင်အမြန် ပြောလိုက်သည်။ 

"အားလုံး အလုပ်သွားလုပ်ကြတော့! endoderm ‌ကျောင်းသားတွေလည်း အလုပ်စလုပ်ရမယ်၊ သန္ဓေသားရဲ့ thymus က ဖွံ့ဖြိုး တော့မယ်၊ thyroid ကတော့ အနည်းငယ် နှောင့်နှေးလိမ့်မယ်… ကျန်းရှောင်နျန်၊ မင်းက thymus ရဲ့ နေရာကို အရင်သွားလိုက်…"

ကျန်းရှောင်နျန်က ဇဝေဇဝါဖြင့် မေးလိုက်သည်။

"thymus က ဘယ်မှာလဲ?"

လျှိုကျောက်ချင်း: "ဖွံ့ဖြိုးမှုက pharynx ကနေစတင်ပြီး anterior mediastinum ကို ဆင်းသွားလိမ့်မယ်၊ အဲဒါက အဆုတ်သွေးလွှတ်ကြော၊ aorta နဲ့ superior vena cava တို့အရှေ့က နေရာမှာဖြစ်တယ်… မင်း အရှေ့ကို တောက်လျှောက်သွားပြီး ရွှီယိရှန်းလုပ်ထားတဲ့ သွေးကြောကြီးတွေကို ရှာလိုက်၊ ပြီးတော့ အပေါ်ကိုတက်သွားပြီး အမှတ်အသားကို မြင်ရမယ်…"

ကျန်းရှောင်နျန်သည် ဆေးပညာအကြောင်း ဘာမှမသိဘဲ စီနီယာအစ်ကိုလျှို၏ ညွှန်ကြားချက်ကို ကြားပြီးနောက် ချက်ချင်းဆိုသလို အရှေ့သို့လိမ့်ကာ သွေးကြောသုံးခု၏အထက်တွင် စီနီယာအစ်ကိုလျှိုပြောခဲ့သည့် အမှတ်အသားကို အမှန်ပင် မြင်လိုက်ရသည်။

ခယ်ရှောင်ပင်းက စိတ်လှုပ်ရှားစွာ ပြောသည်။ 

"ကျွန်တော်ကလည်း အစာခြေစနစ်အတွက် အလုပ်လုပ်ရမှာလား?"

လျှိုကျောက်ချင်း: "သန္ဓေသားရဲ့ အစာခြေစနစ်က အနှေးဆုံးဖြစ်ပြီး အလျင်စလိုလုပ်ဖို့ မလိုဘူး၊ အစာအိမ်နဲ့ အူပြွန်တွေရဲ့ ကနဦးအဆင့်ကို အရင်ဆုံးလုပ်လိုက်… အသည်းက 13 ပတ်မရောက်ခင်အထိ အလုပ်မလုပ်သေးဘူး၊ အစာအိမ်နှင့် အူလမ်းကြောင်းက ရိုးရှင်းတဲ့ peristaltic လှုပ်ရှားမှုကိုပဲ ထိန်းထားပေးလိုက်ပါ…"

ကလေးမွေးပြီးသည့်တိုင် အရသာရှိသောအစားအစာကို ချက်ချင်းမစားနိုင်ဘဲ အချိန်အတိုင်းအတာတစ်ခုအထိ မိခင်နို့တိုက်ကျွေးရသည်။ အခြေခံအားဖြင့် အာဟာရဓာတ်ရရန် မိခင်နှင့် သွေးလည်ပတ်မှုအပေါ် မှီခိုနေရသော သန္ဓေသားကိုမဆိုထားနှင့် ကလေး၏ အစာခြေဖျက်မှုသည် အလွန်အားနည်း၏။

ခယ်ရှောင်ပင်းသည် လမ်းညွှန်မှုများ မလိုအပ်ဘဲ အစာအိမ် နှင့် အူလမ်းကြောင်း တည်နေရာကို လျင်မြန်စွာ ရှာဖွေတွေ့ရှိခဲ့သည်။

ရှင်းယန်သည် သူနှင့်အတူ အသည်း၊ pancreas နှင့် အခြား အင်္ဂါအစိတ်အပိုင်းများအတွက် တာဝန်ရှိသည်။

ကျိုဖုန်းသည် endoderm မှ အသက်ရှူလမ်းကြောင်းစနစ်ကို တာဝန်ယူရန် စတင်ခဲ့သည်။ အမှန်တော့ ရွှီယိရှန်းသည် သွေးကြောများကို စတင်တည်ဆောက်သောအခါတွင်။သူသည် အဆုတ်နှင့် bronchi များကို တည်ဆောက်ရန် အဆင်သင့်ဖြစ်နေပြီဖြစ်ပြီး ညွှန်ကြားချက်များကို လက်ခံရရှိကာ ချက်ချင်းပင် တက်ကြွစွာ လုပ်ဆောင်နိုင်ခဲ့သည်။

Endoderm မှ ကျောင်းသားလေးယောက်က အလုပ်ရှုပ်သွား သည်။

Ectoderm နဲ့ mesoderm ၏ ကျောင်းသားတွေကလည်း အားနေတာမျိုးမရှိပေ။

သန္ဓေသားသည် ယခုအပတ်မှစတင်၍ လျင်မြန်စွာကြီးထွား လာသည်နှင့်အမျှ လန်ယာရုန်သည် မွေးကင်းစသန္ဓေသား၏အရေပြားကို အဆက်မပြတ်ဖြည့်ရန် လိုအပ်ပြီး အရေပြားတစ်စွန်းတစ်စစီဖြင့် epidermis အလွှာငါးလွှာ ကြားတွင် အပြန်ပြန်အလှန်လှန်ပြေးလွှားနေရကာ တစ်ခါတစ်ရံ တိုင်ဖြစ်လာလိုက်၊ တစ်ခါတစ်ရံ ဗိုင်းလိပ်တံဖြစ်လာလိုက်၊ တစ်ခါတစ်ရံ ပြားချပ်ချပ်ဆဲလ်များဖြစ်လာသည်…

ကလေး၏ အသားအရေအတွက် စီနီယာအစ်မလန်က အလွန်ကြိုးစားရင်း အလုပ်များနေသည်။

ယွဲ့ရှင်းဝမ် အတွက်လည်း မလွယ်ပေ။ epidermis အလွှာအောက်ရှိ dermis အလွှာနှင့် ကြွက်သားအလွှာသည် သူ့တာဝန်သာဖြစ်သည်။ တစ်ခါတစ်ရံ ကြယ်များအဖြစ်သို့ ပြောင်းလဲကာ တစ်ခါတစ်ရံ trapezoidal ဖြစ်လာပြီး လမ်းကြောင်းအလွှာများစွာကြားတွင် လျှောဆင်းသွားသည်...

ကလေး၏ ချွေးဂလင်းများလည်း ပေါ်လာပြီး ချင်မြောင်သည် dermis အလွှာရှိ ချွေးဂလင်းများနှင့် ဆီကြည်ဂလင်းများကို အမျိုးမျိုးလုပ်ဆောင်ခဲ့ရသည်။

လျှိုကျောက်ချင်းသည် ဦးနှောက်မှစတင်ကာ လေးလံသော အလုပ်တစ်ခုဖြစ်ပြီး ကလေး၏ အာရုံကြောသွေးပြန်ကြော များကို ခန္ဓာကိုယ်အနှံ့ ပျံ့နှံ့စေသည်။

ရွှီယိရှန်းသည် သွေးကြောမျှင်များ ကွန်ရက်ကို စတင်တည်ဆောက်ခဲ့ပြီး သွေးဆဲလ်များ ပိုများလာခဲ့သည်။ ကျန်းဖျင်စစ်သည် ဆီးလမ်းကြောင်းဆီသို့ ဆီးထွက်ပြွန်လမ်းကြောင်းကို စတင်တည်ဆောက်ခဲ့ပြီး ကျောက်ကပ်၏ တစ်ရှူးဖွဲ့စည်းပုံကိုလည်း ပိုမိုတိုးတက်ကောင်းမွန်အောင် လုပ်ဆောင်ရန် လိုအပ်ပါသည်။

ချင်လုသည် အတွင်းအင်္ဂါများနှင့် ကြွက်သားများအကြား ချိတ်ဆက်မှုတချို့အတွက် တာဝန်ရှိပြီး သူတို့အလုပ်များနေချိန်တွင် mesoderm ကျောင်းသားများကို ကူညီပေးခဲ့သည်။

စက်ရုံအလုပ်ရုံတစ်ခုတွင် ပင်ပင်ပန်းပန်း အလုပ်လုပ်နေသော လူ 12 ဦးကဲ့သို့ သန္ဓေသားသည် 'လူသား'၏ မူလပုံစံကို တဖြည်းဖြည်းယူဆောင်လာပြီး ခန္ဓာကိုယ်၏ ကိုယ်တွင်းအင်္ဂါများ၊ တစ်ရှူးများ၊ အာရုံကြောများနှင့် သွေးကြောများကိုလည်း အစပိုင်းတွင် ဖွဲ့စည်းခဲ့သည်။

နောက်တော့ သူတို့တွေ ခက်ခဲသောပြဿနာနဲ့ ကြုံလာရသည်။

"ကိုယ်ဝန် 11 ပတ်မှာ သန္ဓေသားရဲ့လိင်အင်္ဂါက စတင်ဖွံ့ဖြိုးလာတယ်…"

ဤစက်သံကိုကြားပြီးနောက် လူတိုင်းက အံ့အားသင့်သွားကြ သည်။

ထို့နောက် လျှိုကျောက်ချင်းက လေးလေးနက်နက် မေးခွန်း တစ်ခုမေးခဲ့သည်။

"ပြောပြရင်တော့ ငါတို့တွေ အချိန်အကြာကြီး အလုပ်အရမ်းကြိုးစားနေကြတာ၊ ငါတို့မွေးမယ့်ကလေးက ယောင်္ကျားလေးလား? မိန်းကလေးလား?"

ရွှီယိရှန်းက အကူအညီမဲ့စွာ ဆိုသည်။

"ယောင်္ကျားလေးပဲ ဖြစ်ဖြစ် မိန်းကလေးပဲ ဖြစ်ဖြစ်၊ မျိုးအောင်ပြီးတဲ့ အချိန်မျိုးမှာ မျိုးဗီဇအရ ဆုံးဖြတ်တာပဲ မဟုတ်ဘူးလား? 11 ပတ်၊ 12 ပတ်မှာ လိင်င်္ဂါကြီးထွားမှုကို ရုတ်တရက် ပြောင်းလဲဖို့ မဖြစ်နိုင်ဘူး… အဲဒါက ကလေးရဲ့လိင်အင်္ဂါပေါ် မူတည်ပြီး လိင်အင်္ဂါ စတင်ဖွံ့ဖြိုးမယ့် အဆင့်အတိအကျပဲ…"

လျှိုကျောက်ချင်း: "ယောင်္ကျားအင်္ဂါပေါ်လာရင် ယောင်္ကျားလေးဖြစ်ပြီးတော့ မပေါ်ရင် မိန်းကလေးဖြစ်လိမ့်မယ်… ဖျင်စစ်၊ မင်းက genitourinary စနစ်ကို တာဝန်ယူနေတာမလား? မင်းတစ်ချက်လောက် သွားကြည့်လိုက်ပါလား?"

ကျန်းဖျင်စစ်က “အင်း” ဟု ပေါ့ပေါ့ပါးပါး ပြန်ဖြေသည်။ ထိုအချိန်တွင် သူသည် ကျောက်ကပ်၏ တည်နေရာတွင် ရှိနေသည်။ ကြည့်ရှုရန် လျင်မြန်စွာ လိမ့်သွားကာ သူ့ဟာနှင့် ဆင်တူသော ကနဦးအဆင့်ရှိ အင်္ဂါအစိတ်အပိုင်းကို တွေ့ရှိသောကြောင့် သူကတည်ငြိမ်စွာ ပြောလိုက်သည်။

"အဲဒါက ယောင်္ကျားလေးပဲ…"

လန်ယာရုန်က နောင်တရစွာ သက်ပြင်းချလိုက်သည်။

"သားလေးပေါ့၊ သူမွေးလာရင် အရမ်းဆိုးလောက်မှာ၊ ငါက သမီးလေးသဘောကျတာကို…"

ခယ်ရှောင်ပင်း: "စာကြည့်တိုက်က ဒါကို ရည်ရွယ်ချက်ရှိရှိလုပ်နေတာ မဟုတ်ဘူးလား? သားလေးမွေးပြီး အိမ်ပြန်မယ်… သူက သစ်ပင်ပေါ်တက်ပြီး ဒဏ်ရာရမယ်၊ ငါတို့က သူ့ကို ကယ်ရမယ် ဟုတ်တယ်မလား?"

လူတိုင်း: "..."

ကလေးတစ်ယောက်ကို ဖန်တီးနေတာက အရမ်းပင်ပန်းလွန်းတယ်၊ ဒါပေမယ့် ကလေးတစ်ယောက်ကို ပြုစုပျိုးထောင်ရမှာက ပိုပင်ပန်းတယ် မဟုတ်ပါလား?

#TK