MM Story Teller

Chapter 189

Viewers 32k

🦊Arc 12 -[ နတ်ဘုရား၏ မျက်နှာသာပေးခံရသော ဝံပုလွေပေါက်လေး]

Chapter 189

12.12 - ခင်ဗျား ဘယ်လိုလုပ် သူ့ကိုရန်စလိုက်ရတာလဲ

အိုင်ဗန်က မြို့တော်ကိုနှစ်ရက်နှင့် အမီပြန်လာလိမ့်မည်။ ရွှယ်လင်သည်ကား အလုပ်စရန်အကောင်းဆုံးချိန်ဟု ဆင်ခြင်မိလေ၏။

အိုင်ဗန်ဖြစ်စေ၊ ခန် ဖြစ်စေ တစ်ယောက်တည်းကိုသာ အပြစ်ပေးလိုက်ခြင်းက အဓိပ္ပါယ်မရှိပေ။ ရွှယ်လင်သည် အနှီအတွဲကို ကမ္ဘာကြီးက ၎င်းတို့ကိုဗဟိုပြုကာ လည်ပတ်နေခြင်းမဟုတ်ကြောင်း နားလည်စေချင်ပြီး အမေတစ်ယောက်လို မည်သူကမှ သူတို့အစား အနစ်နာခံပေးမည်မဟုတ်ကြောင်း သိစေချင်ခဲ့သည်။ လွှမ်းမိုးနိုင်ရန် 'ကမ္ဘာကြီးကငါ့ကိုအလယ်မှာထားပြီး လည်ပတ်နေတာ' ဟုဆိုကာ သူတို့ကိုယ်သူတို့ ဘုန်းတော်ကြီးလို မြှုပ်နှံနေခြင်းက ရယ်စရာကောင်းရုံမက ရင်နာစရာလည်းကောင်းပေသည်။

ရွှယ်လင်သည် ဇာတ်လိုက်နှစ်ယောက်လုံးပါနေသော အစီအစဥ်မျိုးကို ချတတ်သည်မှာရှားပါးပြီး ပြင်ပစွမ်းအားများကြောင့် အကြောက်အလန့် အထိန်းအကွပ်မရှိသလိုထင်ရသည့် အတွဲများဆိုလျှင် အသေအချာဆန်းစစ်ဝေဖန်ကာ ၎င်းတို့ကြားမှ အချစ်ကိုစမ်းသပ်တတ်သည်။

မူလဇာတ်လမ်းတွင် ရှီး၏ဂရုစိုက်မှုကိုခံရသော ယဥ်ကျေးရည်မွန်သည့် အိုင်ဗန်သည် ခန်က သူ့အားသံသယရှိသည်နှင့် သူ့ကိုယ်သူစတေးခဲ့ကာ ခန်၏ဓားချက်အောက်သို့ ဝင်ခဲ့သည်။ ယခုမူ အချိန်တိုင်းသေမင်းတွေ့လုနီးပါးဖြစ်ခဲ့သည်ကိုပင် မည်သည့်အချိန်မှ သူ့ကိုယ်သူစတေးခံမည်နည်း? သူ့ဘဝသူသံသယဝင်စပြုနေပြီဖြစ်ကာ အချစ်၏စွမ်းအားကို ထပ်ယုံကြည်မှုမရှိတော့ဘဲ ခန်ကသူ့အား မယုံကြည်တော့ဟု ထင်မှတ်ပြီး မေးခွန်းများအပြည့်နှင့် ဓားဖြင့်သူ့အားချိန်ရွယ်ထားခံနေရသည့် အိုင်ဗန်ကလေ?။

ရွှယ်လင်သည် ချစ်သူနှစ်ယောက်ကြားမှ ထိပ်တိုက်တွေ့မှုကို တွေးကြည့်ပြီး ပွဲကြည့်ရန်စိတ်ဝင်စားစရာကောင်းသလို ခံစားရ၏။ ထို့ကြောင့် သူသည်နန်းတော်ကိုစာပို့ပြီး ထိုနေ့ညတွင် နန်းတော်ကိုဝင်ပြီး လုယက်ရန် ကြံရွယ်ထားလိုက်သည်။

ထူးဆန်းသည့် ဓားပြများနှင့် ပတ်သတ်ပြီး ကောလဟလများ အမျိုးမျိုးပျံ့နေလေသည်။ အချို့သူများက ၎င်းတို့ကအုပ်စုဖွဲ့လုယက်သည်ဆိုကြသည်။ သို့မဟုတ်ပါက အထက်တန်းလွှာအိမ်များမှ ဤမျှများပြားသော ရွှေနှင့်ကျောက်သံပတ္တမြားများကို ယူနိုင်မည်မဟုတ်ချေ။ ၎င်းတို့ကအားလုံးကို အမြန် သယ်ထုတ်သွားနိုင်ခြင်းကြောင့်သာ လူအုပ်ကြီးက နန်းတော်ထဲသို့ အဝင်အထွက်လုပ်ရန် အချိန်လောက်မည်မဟုတ်ဘဲ လူအများစုက ထိုယူဆချက်ကို ပယ်ချလိုက်ကြသည်။ နောက်ပိုင်း ဓားပြများက ကိုယ်ပိုင်အကွာအဝေးကို တွက်ဆထားသည့် မှော်ဆရာတစ်ယောက်ဖြစ်ပြီး သူတို့အချိန်မရွေး ထွက်ခွာနိုင်အောင် ဘဏ္ဍာတိုက်ကို ရှင်းလင်းထားလိမ့်မည်။ အနှီယူဆချက်မှာ လူအများစုလက်ခံယုံကြည်ထားသည့် အချက်များမှ တစ်ချက်သာဖြစ်ပြီး ထိုသို့သောအစွမ်းမျိုးနှင့် မှော်ဆရာက ခိုးသည့်အလုပ်လုပ်ရခြင်း သို့မဟုတ် ၎င်း၏ အမှန်တကယ်လှုပ်ရှားမှုကို နားမလည်နိုင်ကြပေ။

သို့သော်လည်း မှော်ဆရာနှင့် အထက်တန်းလွှာများအကြားမှ ဂယက်က စတင်လာသည်နှင့် သာမန်လူများအကြားတွင် ပို၍စိတ်ဝင်စားစရာကောင်းကာ လူပြောများလာကြလေသည်။ မည်သို့ပင်ဖြစ်စေ ၎င်းတို့၏ပိုင်ဆိုင်မှုတစ်ခုမှမဆုံးရှုံးလိုက်ရဘဲ အမြင့်ကိုမျှော်ကြည့်နေရင်း အထက်တန်းလွှာများ၏ မျက်နှာကို တစ်ယောက်ချင်းစီ ဖြတ်ရိုက်နေရသည့်ခံစားချက်က တကယ်ကောင်းမွန်သည်။ ထိုသူခိုးမျိုးက သာမန်လူများ၏ အကြိုက်ဖြစ်လာခဲ့၏။ ၎င်းတို့က လူချမ်းသာများထံမှ လုယက်ပြီး သူဆင်းရဲများကို ပြန်ပေးသည့်ဓားပြမျိုးမဟုတ်၍ နှမြောမိလေသည်၊ မဟုတ်ပါက သူတို့လည်း ငွေစအနည်းငယ်ခန့်တော့ ရမည်ပင်။

အမည်သာရှိသော သူခိုးရွှယ်လင်မှာ ထုတ်ပြောလိုက်ချင်သွားရသည်: "ဘာမှမပေးဘဲအချောင်လိုချင်တယ်လား...ဟား..ဟား..."

ရွှယ်လင်ထံတွင် မှော်စွမ်းရည်ရော အကွာအဝေးခြားသည့် မှော်ပညာရောမရှိ။ သူသည် အင်မတန်ကြီးမားသော ပေါင်လုံးကြီးရှီးကိုသာ အားကိုးနေရလေသည်။ ရွှယ်လင်တောင်းဆိုလိုက်သည့် အရာတိုင်းက ရှီးကိုစိတ်ကျေနပ်စေသည်၊ ရွှယ်လင် သူ့အနားတွင်နေရန် ဆန္ဒရှိနေသမျှ ရှီးသည် အာရာအားလုံးကို အဆင်ပြေစေမည့် သူ၏နတ်ဘုရားသိက္ခာကိုပင် အညှိုးနွမ်းခံလိုက်မည်ပင်။

သူသည် လူကောင်းတစ်ယောက်အနေနှင့် ပေါ်လာခဲ့ခြင်းမဟုတ်သလို ရွှယ်လင်ကိုလည်း ထိုအတိုင်းမဖြစ်စေလိုပေ။ တကယ်တမ်းတွင် အထက်တန်းလွှာများ၏ ဘဏ္ဍာတိုက်ကို အလွတ်ဖြစ်အောင်လုပ်မည့်အကြံက သူ့ထံမှထွက်လာခြင်းဖြစ်သည်။ အနှီသူ၏ အပြာရောင်မီးတောက်ဝံပုလွေသားမွှေးတစ်ခုတည်းကိုသာ ယူသွားမည့်အကြောင်းပြချက်က သိသာလွန်းနေသောကြောင့်သာ။

နှစ်ယောက်သားသည် ကိုင်းကျွန်းမှီကျွန်းကိုင်းမှီနှင့် သူခိုးဟူသော အမည်ခံဂုဏ်ပုဒ်ကို ရခဲ့ကြ၏။

နန်းတော်ထဲမှ လူများအကြောင်း ပြောရမည်ဆိုပါက လူတစ်ယောက်သည် စာကိုရပြီး စာရွက်စာတမ်းအပုံများကြားတွင် ထားခဲ့ကာ ဘုရင်မကြီးထံသို့ အစီအရင်ခံပြီးသား ဖြစ်သွားခဲ့သည်။ ဘုရင်မကြီးက အချိန်ကိုက်တွေ့သွားကာ ကိစ္စကို သိလိုက်ရသည်နှင့် အမျက်ထွက်ပြီး မတိုင်ခင်က သူခိုးအကြောင်းစုံစမ်းခိုင်းထားသည့်လူများကို ဆူပူကြိမ်းမောင်းတော့သည်။

နောက်ဆုံး ဘုရင်မကြီးနှင့် ရက်ပေါင်းအတန်ကြာ စစ်အေးတိုက်ပွဲဖြစ်နေသော အိမ်ရှေ့မင်းသားက ထိုနေ့ညတွင် နန်းတော်ကို အစောင့်အလုံအခြုံထားရန် တောင်းဆိုခဲ့သည်။

ခန်သည် နန်းတော်ထဲတွင် အာဏာအရှိဆုံးလူမဟုတ်သည့်တိုင် လူအများဖြင့် ဝန်းရံခံထားရကာမှော်ပညာကြီးစိုးသောတိုင်းပြည်၏ ရွှေထီးဆောင်းအမွေဆက်ခံသူအဖြစ် သတ်မှတ်ခံထားရ၏။ သူသာ ထိုနေရာတွင်ရှိနေလျှင် စွမ်းအားအကြီးဆုံးမှော်ဆရာ၊ ကောင်းကင်ဘုံအဆင့် မှော်ဆရာပင် လူကိုယ်တိုင်ထွက်လာရမည်။ ဘုရင်မကြီးက တောင်းဆိုချက်ကို လက်ခံရန်သင့်မသင့်စဥ်းစားပြီး အဆုံးတွင် အိမ်ရှေ့မင်းသား၏ တောင်းဆိုချက်ကို လက်ခံလိုက်ရသည်။

မင်းသားက သည်ကိစ္စကို ဖြေရှင်းလိုက်သည်နှင့် မြို့တော်တွင် သူကသူမထက်ပိုမိုလွှမ်းမိုးသွားနိုင်ကြောင်း သိသော်လည်း ဤကိစ္စကထူးဆန်းလွန်းနေပြီး ဘုရင်မကြီးအနေဖြင့် အခြားတစ်ယောက်ကို တာဝန်လွှဲမပေးလျှင် စိတ်ချရမည်မဟုတ်၊ ကောင်းကင်အဆင့်မှော်ဆရာ၏ ကာကွယ်မှုကို ပိတ်ပင်ထားမိသလိုပင် ဖြစ်သွားလိမ့်မည်။ သူမထံတွင် အခြားရွေးချယ်စရာမရှိတော့ဘဲ မင်းသားကိုယုံကြည်ထားရန်သာ ရှိတော့သည်။

အိမ်ရှေ့စံသာ အခက်အခဲကိုမဖြေရှင်းနိုင်ခဲ့လျှင် သို့မဟုတ် ကောင်းကင်အဆင့်မှော်ဆရာက သူခိုးကိစ္စကို မကိုင်တွယ်နိုင်ခဲ့လျှင်....။

ဘုရင်မကြီးသည် ဖြစ်နိုင်ချေများကို တိုက်ရိုက်တွက်ထုတ်လိုက်၏။ ကောင်းကင်အဆင့်မှော်ဆရာက မြို့တော်တွင် အသန်မာဆုံးဖြစ်သည်။ သူမသာမဖြေရှင်းနိုင်လျှင် သူခိုးများက တစ်လောကလုံးတွင် ကဆုန်ပေါက်သွားနေပြီး ၎င်းတို့ကိုဖမ်းမိနိုင်တော့မည်မဟုတ်။ ဘုရင်မကြီးမှာ အဆိုးဆုံးအဖြေကို မစဥ်းစားထားချင်ချေ။

နေ့ပိုင်းတွင် ခန်က နန်းတော်ကို လူအင်အားအရေအတွက်များစွာဖြင့် စောင့်ကြပ်နေ၏။ သူသည် ဘုရင်မကြီးထံမှ အမိန့်စာကိုပင်ရလာပြီး ထိုနေ့ညတွင် ညမထွက်ရအမိန့်ကိုပင်ထုတ်ခဲ့သည်။ လမ်းပေါ်တွင် မည်သူမှရှိမနေရဘဲ ဖမ်းမိခဲ့လျှင် နန်းတော်က ၎င်းတို့ကို သူခိုးအဖြစ် သတ်မှတ်မည်။

၎င်းတို့၏ဗျုဟာမှာ မြင်သာလွန်း၍ လူအများက အမိန့်စာကို ကြားပြီးသည်နှင့် တုန်လှုပ်သွားကြလေ၏။

နန်းတော်သို့စာပို့ပြီးနောက် ရွှယ်လင်သည် ထိုနေ့ညတွင် သူခိုးများက နန်းတော်သို့ ဖောက်ထွင်းဝင်ရောက်မည်ဟု သတင်းလွှင့်ထားလေရာ ထိုအကြောင်းကို လူအများက ဘုရင်မကြီးမသိခင် ကြိုတင်သိထားနှင့်ကြသည်။ ၎င်းတို့သည် ညရောက်သည်နှင့် နန်းတော်ကို စောင့်ကြည့်နေလင့်ကစား အရှင်မင်းသားက ယခုကဲ့သို့ မစဥ်းမစားလုပ်လိမ့်မည်ဟု မထင်ထားခဲ့ကြပေ။ ယခု သူတို့မှာ အိမ်ထဲတွင်သာ သတင်းကိုထိုင်စောင့်နေရတော့သည်။

လူထုမှာ မပျော်ရွှင်တော့သော်လည်း ရွှယ်လင်ကမူ ထိုလူများကို အစတည်းက မမျှော်လင့်ထားခဲ့ချေ၊ သို့ဖြစ်၍ သူနှင့်သက်ဆိုင်မှုမရှိ။ အချိန်ရောက်သည်နှင့် ရှီးကိုခေါ်ကာ အလုပ်စလေတော့၏။

၎င်းတို့ 'အလုပ်စပုံ' မှာ အတော်လေးဇယားရှုပ်သည်။ ရှီးထံတွင် တိုက်ရိုက်ခရီးရောက်စွမ်းရည်ရှိသောကြောင့် အတွင်းဘက်သို့တိုက်ရိုက်ဝင်သွားပြီး ဘဏ္ဍာတိုက်ပတ်လည်တွင် လုံခြုံရေးမည်မျှတင်းကျပ်ထားပါစေ၊ သူတို့မကြောက်ကြပေ။

ခန်က သူတို့နည်းလမ်းကို မသိလိုက်ဘဲ ၎င်း၏လူများက ဘဏ္ဍာတိုက်ပတ်လည်တွင်စောင့်နေကြသည်။ ၎င်းက ရွှေဉာဏ်တော်စူးရောက်လှသောကြောင့် ဘဏ္ဍာတိုက်ပတ်လည်တွင် လူအချို့ရှိလင့်ကစား အခြေအနေမှာ ယခင်ကဓားပြအတိုက်ခံခဲ့ရသော ကံမကောင်းသည့် အထက်တန်းလွှာများထက် ကောင်းသေးသည်ဟု ဆိုရမည်။ လူအများစုက ဘဏ္ဍာတိုက်ထဲတွင် အစောင့်ချထားသော်လည်း ခန်က အကြီးမားဆုံးဝှက်ဖဲ ကောင်းကင်အဆင့်မှော်ဆရာကို ထုတ်သုံးရန်ရွေးချယ်ခဲ့သည်။

ကောင်းကင်အဆင့်မှော်ဆရာ၏ စိတ်ဝိညာဥ်အသိတရားက မြို့တော်တစ်ခွင်သို့ဖြန့်ကျက်လိုက်၏။ ခန်ကမူ သူမနှင့် အလယ်တွင်ထိုင်နေရင်း အင်မတန်ယုံကြည်မှုရှိနေသလို ခံစားလိုက်ရသည်။

ရွှယ်လင်နှင့်ရှီး ဘဏ္ဍာတိုက်အတွင်းသို့ ဝင်လိုက်သည်နှင့် ၎င်းတို့က မှော်ဆရာကို မြင်တွေ့သွားပြီး မှော်ဆရာသည်လည်း ၎င်းတို့ကိုသတိထားမိသွားလေသည်။ ရှီး၏ လက်ချောင်းက အသာအယာလှုပ်ရှားသွားကာ နေရာတွင်ပင် ရုတ်တရက်ပျောက်ကွယ်သွားခဲ့၏။ ရွှယ်လင်သည် ပစ္စည်းခိုးနေစဥ် အနှောင့်အယှက်ခံနေရသည်ကို မကြိုက်၍ ရှီးကအလိုလိုလုပ်ဆောင်လိုက်မိခြင်းပင်။

သူသည်ကား ရွှယ်လင်တိုက်ခိုက်နေသည်ကို မကူညီပေ။ ၎င်းက ရွှယ်လင်၏ရန်သူဖြစ်ပြီး ယနေ့ည သူလုပ်ရမည့်အရာမှာ အနှီသူကို ခေါ်လာပြီး ပြန်ပို့ပေးရန်ပင်ဖြစ်သည်။ ကျန်သည့်အချိန်များတွင် သူဘေးမှထိုင်ကြည့်နေရုံပင်။

"နှစ်ယောက်လား..." မှော်ဆရာမှာ အင်မတန်လှပသည့် မိန်းမပျိုလေးဖြစ်၏၊ အသားဖြူပြီး နှင်းပွင့်လေးပမာ စိတ်ထားဖြူစင်သည်။ ရှည်လျားထူထဲသောဆံပင်ကို အနောက်ဘက်တွင်စုချည်ထားပြီး ရွှေရောင်ဖျော့ဖျော့ခါးစည်းကြိုးကို ဆင်မြန်းထား၏။ သူမသည် ရှီးတစ်ယောက် ခပ်ရိုးရိုးဝတ်ဆင်သည့်အတိုင်း ပုံတူကူးထားသလိုပင်။ လှပသည့်မျက်နှာလေးဖြင့် နှင်းနှင့်ရေခဲပြင်များပေါ်လမ်းလျှောက်လာသည့်အခါ ဘုရင်မကဲ့သို့ နှုတ်ခမ်းများကို တင်းတင့်စေ့ထားသည့်တိုင် သူမသည်ကား အိုမင်းလွန်းနေချေသည်။ သူမ၏ စွမ်းအားကောင်းပုံကြောင့်သာ ကြည့်ကောင်းနေရခြင်းပင် "ငါအရမ်းအံ့ဩသွားတာ..."

"ကောင်းကင်အဆင့်မှော်ဆရာ?" နန်းတော်ထဲတွင် သန့်စင်သောဝိညာဥ်တော်စောင့်ရှောက်သူတစ်ယောက်ရှိသည်ဟု ရွှယ်လင်သိထားခဲ့သည်။ သူမက တော်ဝင်မိသားစုမှ မင်းသမီးတစ်ယောက်ဖြစ်သည်ဟုဆိုကြပြီး သူမ၏ စွမ်းအားကြီးမှုကြောင့် ကျင့်ကြံဆင့်ကိုမြှင့်တင်ပြီး တော်ဝင်မိသားစုကို ကာကွယ်စောင့်ရှောက်လာသည်ဟု ဆိုကြသည်။ ခေတ်အဆက်ဆက် ထီးနန်းဆက်ခံသူများမှာ သူမ၏ အသိအမှတ်ပြုမှုကို ခံယူခဲ့ရ၏။ သူမ၏နေရာက အလွန်မြင့်မားစေကာမူ ခန်က သူမအားလွှမ်းမိုးချုပ်ကိုင်ရန် ကြိုးစားနေဆဲ သူမကတကယ်ကို တော်ဝင်မိသားစု၏ အရေးပေးခံရသူတစ်ယောက်အဖြစ် ထင်မြင်ခံရပြီ အိမ်ရှေ့စံမင်းသားနေရာပင် အဓိကနေရာမပြောင်းလဲသရွေ့ မဖြစ်လာနိုင်ပေ။

"အိမ်ရှေ့စံက တကယ်ငါ့ကိုအနှောင့်အယှက်ပေးတာပဲ...ဒီကိစ္စလေးကိုရှင်းဖို့နဲ့ ကောင်းကင်အဆင့်မှော်ဆရာကိုတောင် ခေါ်လိုက်သေးတယ်..."

"မင်းက တော်ဝင်မိသားစုကို မလေးမစားလုပ်တယ်...သူတို့ပိုင်ဆိုင်မှုတွေကို လုယက်တယ်...တော်ဝင်မိသားစုကို စော်ကားတယ်..ပြီးတော့ တော်ဝင်နန်းတော်ကို ဖောက်ဝင်တယ်...အမှုတစ်ခုကတောင် မင်းကို အသားတောင်မကျန် သေခိုင်းလို့ရနေပြီ.." ကောင်းကင်ဘုံမှော်ဆရာ၏ နီရဲရဲနှုတ်ခမ်းမှာပွင့်ဟလာရင်း ရွှယ်လင်၏အမှုတစ်ခုချင်းစီကို ရှင်းပြပြီးနောက် ချက်ချင်းပြန်ပိတ်သွားလေသည်။ သူမအသံက တုံးတိဖြစ်နေကာ သူမအရှေ့တွင် လူနှစ်ယောက်ကို မြင်နေရသော်လည်း စကားပြောသည့်အရှိန်ကို နည်းနည်းပင်မလျှော့ပေ။

သူမက တည်ငြိမ်ပြီး အလျင်မလိုပုံပေါ်သော်ငြား ကောင်းကင်အဆင့်မှော်ဆရာက သူမ၏လှုပ်ရှားမှုကို ပုံသေချထားပြီးဖြစ်သည်။ ရှီး သို့မဟုတ် ရွှယ်လင်က ရုတ်တရက်လှုပ်ရှားလိုက်သည်နှင့် သူမကချက်ချင်းတုံ့ပြန်လာလိမ့်မည်။ သူမ၏ ပြိုင်ဘက်ကို လျှော့မတွက်ခြင်းက သူမနှစ်ပေါင်းများစွာကြာအောင် တိုးတက်လာခဲ့သည့် ယှဥ်နိုင်သူမရှိသော အရည်အချင်းတစ်ခုပင်။

ရွှယ်လင်က ပေစောင်းစောင်းကြည့်ကာ အနည်းငယ်ခန့် စိတ်ဝင်စားစရာကောင်းနေမှန်း သဘောပေါက်လိုက်သည်။ သူ၏စွမ်းရည်က ခပ်မြန်မြန်ပင် မြင့်တက်သွားခဲ့၏၊ သို့သော် ရှီးကသာ တစ်လျှောက်လုံးလှုပ်ရှားခဲ့သူဖြစ်ပြီး သူ့ထံတွင် လေ့ကျင့်ချိန်မရခဲ့ပေ။ လူသားမျိုးနွယ်အတွင်းမှ 'ကောင်းကင်ဘုံအဆင့်' သည် နတ်ဘုရားအဆင့်သို့ပင် ရောက်နိုင်ပြီး သူလက်ရှိရှိနေသည့် နတ်ဘုရားငယ်အဆင့်နှင့် ဆင်တူသည်။ ရွှယ်လင်သည် အနှီ ကောင်းကင်အဆင့်မှော်ဆရာနှင့် တိုက်ခိုက်ရန်စိတ်ဝင်စားနေပြီး တိုက်ပွဲတွင် တိုက်ခိုက်သူနီးပါးဖြစ်သည့်တိုင် တစ်ဖက်လူက အဝေးမှတိုက်ခိုက်သူ။ သူသာတိုက်ခိုက်ချင်လျှင် သူလုပ်ရန်လိုအပ်နေသည်က....။

"ရှီး...ငါ့ကိုအဲဒီအဝတ်တွေ ကူရှာပေး..ဒီနန်းတော်ထဲက ကျန်တာတွေကို ဖျက်စီးပစ်လိုက်...ငါလိုချင်နေတဲ့ပစ္စည်းကိုတော့ လုံးဝမထိခိုက်စေနဲ့..." သူက ရှီးကိုခပ်ပြုံးပြုံးလေးပင် ပြောလိုက်သည်။

ရှီးက ခေါင်းညိတ်ပြလာသည်၊ နောက်တစ်စက္ကန့်အတွင်း ရွှယ်လင်က သူ့ကိုယ်သူအသွင်ပြောင်းလိုက်၏။ ဝံပုလွေတစ်ကောင်အနေဖြင့် သူသည်အင်မတန်မြန်ဆန်လာပြီး တစ်ခဏအတွင်းလေဟုန်ကိုခွင်းကာ ထက်ရှသောလက်သည်းချွန်များက အနီရောင်အဖြစ်ပြောင်းလဲသွားပြီး ၎င်းတို့အကြားမှ အနက်ရောင်မီးတောက်များကို ကောင်းကင်အဆင့်မှော်ဆရာထံ ထုတ်လွှတ်လိုက်သည်။

ကောင်းကင်အဆင့်မှော်ဆရာက သူမပတ်လည်တွင် စည်းချကာရံထားလိုက်ပြီ။ စည်းက မီးလျံများကို ကာကွယ်ပေးထားသည့်တိုင် ထိုမီးတောက်များက အတွင်းဘက်အထိ လောင်ကျွမ်းနေလေသည်။ မရေတွက်နိုင်သော မှော်အလင်းတန်းများက သူမခြေထောက်အောက်မှ ထွက်ပေါ်လာကာ မရေတွက်နိုင်သည့် မီးအလင်းတန်းများက ရွှယ်လင်ထံ ဦးတည်ဝင်ရောက်လာလေသည်။

ကောင်းကင်အဆင့်မှော်ဆရာက တစ်ခဏခန့်အေးခဲသွားကာ ရွှယ်လင်က အလင်းရောင်များထံမှလွတ်မြောက်ရန် အခွင့်ကောင်းကိုဖမ်းဆုပ်လိုက်သည်။ ၎င်းက အမြန်ပုန်းရှောင်လိုက်စေကာမူ တိုက်ခိုက်မှုကြောင့် ချဥ်းကပ်မှုက အနှောင့်အယှက်ဖြစ်သွားခဲ့၏။ ရွှယ်လင်သည် နောက်ပြန်ဆုတ်ကာ ကောင်းကင်ပေါ်သို့ခုန်တက်လိုက်၏။ ခြေထောက်အောက်မှ မရေတွက်နိုင်သည့် အလင်းတန်းများမှာ ပြန့်ကျဲနေသော မီးလျံများအသွင် ပြိုကွဲသွားကာ စတင်လောင်ကျွမ်းလေသည်။

ယင်းက အနီးကပ်တိုက်ခိုက်သူနှင့် အဝေးမှတိုက်ခိုက်သူတို့၏ အပြန်အလှန်တိုက်ပွဲဖြစ်၏၊ ကောင်းကင်အဆင့်မှော်ဆရာက ရှောင်နေချိန်တွင် ရွှယ်လင်က ချဥ်းကပ်ရန် မရပ်မနားကြိုးစားနေလေသည်။ နှစ်ယောက်အကြားတွင်မည်သူက အားသာကြောင်းပြောရန်မှာ ခက်ခဲနေပြီး တိုက်ခိုက်နေစဥ်တွင် ဘဏ္ဍာတိုက်တစ်ခုလုံးလည်း ၎င်းတို့လက်ချက်ဖြင့် ပျက်စီးသွားလေ၏။

ရှီးက ရွှယ်လင်ခိုင်းသည့်အတိုင်း လုပ်ပြီးနောက် သူ့အတွက် သူ၏မိဘများအမွှေးဖြင့် ရက်ထားသောအဝတ်အစားများကို ယူလာခဲ့ကာ အဖိုးတန်သည့်ပစ္စည်းများကိုပါ ရွေးထုတ်နေလေသည်။ အနားမှတိုက်ပွဲကြောင့် မီးလုံးများက သူ့ကိုယ်အနီးမှဖြတ်သွားကြသော်ငြား သူကာရံထားသော အတားအဆီးမှပြန်ထွက်လာကာ မြေကြီးပေါ်သို့ အသုံးမဝင်စွာပစ်ကျသွားခဲ့ပြီး ပျက်စီးသွားခဲ့ကြသည်။

စည်းအပြင်ဘက်ရှိ လူအချို့က ဘဏ္ဍာတိုက်ထဲမှ မူမမှန်မှုများကို မြင်တွေ့သွားခဲ့ကြသည်။ ၎င်းတို့က ဝင်ရန်ကြိုးစားသည့်တိုင် နေရာက စည်းဖြင့် ဖုံးလွှမ်းခံထားရပြီး အထဲဝင်နိုင်ရန် စတင်ချိုးဖျက်ကြတော့သည်။ ရှီးက အပြင်သို့တစ်ချက်သာလှမ်းကြည့်ပြီး ၎င်းတို့အနက်မှတစ်ယောက်ကို ဝင်လာခွင့်ပေးလိုက်၏။

ထို့နောက် သူ့မြင်ကွင်းကကွယ်သွားကာ စိတ်လှုပ်ရှားစွာဖြင့် ပွဲဆက်ကြည့်နေလိုက်သည်။

အထဲဝင်ရောက်လာသူမှာ ခန်ဖြစ်နေ၏။ သူတို့ ယနေ့တွင် သည်နေရာမရောက်လာခင် ရွှယ်လင်သည် သည်ည၌ ခန်ကိုတွေ့ဖြစ်အောင်တွေ့ရမည်ဟုပြောခဲ့သည်၊ ထို့ကြောင့်ပင် ရှီးက အခွင့်ကောင်းယူကာ ထိုသူကိုအထဲပေးဝင်လိုက်ခြင်းပင်။

ခန်သည် စည်းပွင့်လာအောင် မနားမနေကြိုးစားသည့်တိုင် မျှော်လင့်မထားဘဲ ချက်ချင်းဝင်လာနိုင်ခဲ့သည်။ ထိုသူသည် ဘဏ္ဍာတိုက်တံခါးကို မျက်လှည့်ဆန်စွာဝင်လာနိုင်ခဲ့ပြီး စည်းအတွင်းဘက်သို့ တိုက်ရိုက်ဝင်လာနိုင်လင့်ကစား သူရောက်လာသည်နှင့် ပထမဆုံးမြင်လိုက်ရသည်က ရွှယ်လင်နှင့် ကောင်းကင်ဘုံမှော်ဆရာ၏ အစဥ်မပြတ်တိုက်ပွဲဖြစ်ပြီး ပျက်စီးနေပြီးသောဘဏ္ဍာတိုက်ကြီး။

"အရှင်မှော်ဆရာ..!" ခန်က ဓားကိုဆွဲထုတ်ပြီး ရွှယ်လင်နှင့်တိုက်ခိုက်နေသည့် မှော်ဆရာထံပြေးသွားလေ၏။

အင်အားကြီးလူနှစ်ယောက်၏ တိုက်ပွဲအကြားသို့ အားနည်းသည့် လူတစ်ယောက်ဝင်လာသည်မှာ ရယ်စရာကောင်းနေ၏။ ကောင်းကင်ဘုံမှော်ဆရာ၏ နေရာလွတ်က ချက်ချင်းနှောင့်ယှက်ခံလိုက်ရ၍ တိုက်ခိုက်မှုမှ နောက်ဆုတ်လိုက်ရကာ ချက်ချင်းပင် ခုခံသည့်အနေအထားသို့ ပြောင်းလိုက်ရသည်။

စည်းကို တဖက်လူကချထားမှန်း သူမ သိသော်ငြား သည်လူနှစ်ယောက်က ဘာကြောင့်ခန်ကို ဝင်ခိုင်းရမှန်း နားမလည်သေးပေ။ သူမတိုက်ခိုက်နေသည့်အရှိန်က အစဥ်မကျတော့ဘဲ အတွေးများလည်း ကယောက်ကယက်ဖြစ်လာသည်၊ တိုက်ခိုက်နေသည့်အရှိန်က လျော့လာကာ ရွှယ်လင်က အခွင့်အရေးယူ၍ တိုက်ခိုက်လိုက်သောကြောင့် သူမမှာ ခြေနှစ်လှမ်းခန့် နောက်ဆုတ်လိုက်ပြီး ပါးစပ်အပြည့်ဖြင့် သွေးများအန်ထုတ်လိုက်၏။

တစ်ဖက်တွင် ခန်က အရှေ့သို့ဆက်လက်ချီတက်နေပြီး ကောင်းကင်အဆင့်မှော်ဆရာ၏အမည်ကို ခေါ်နေဆဲ၊ သို့ထိတိုင် ရွှယ်လင်၏ ခပ်စူးစူးအကြည့်ကြောင့် နေရာမှာပင် တုံ့ကနဲရပ်သွားလေသည်။

အချိန်ကား ရပ်တန့်နေလေ၏။ ရွှယ်လင်သည် ကောင်းကင်အဆင့်မှော်ဆရာသွေးအန်သည်နှင့် တိုက်ခိုက်နေသည်ကို ရပ်လိုက်ပြီး ၎င်းတို့သုံးယောက်က တြိဂံပုံစံ မျက်နှာချင်းဆိုင်လိုက်ကြသည်။ ရွှယ်လင်က ခန်ကို မထီလေးစားသလိုကြည့်နေရာူ နောက်ဆုံးတွင်ညခန်သည် အံ့အားသင့်နေရာမှ အသိစိတ်ပြန်ဝင်လာလေ၏။

"မင်းကိုး..." သူသည် အသံတိုးတိုးဖြင့် ရေရွတ်လိုက်ပြီး ကောင်းကင်အဆင့်နတ်ဆရာဘေးသို့ အလျင်စလိုပြေးသွားလိုက်ကာ သူမအားထူပေးလိုက်လေသည်။

"တောင်းပန်ပါတယ်...အရှင်...ကျွန်တော် မဆင်မခြင်လုပ်မိသွားတယ်..."

ကောင်းကင်မှော်ဆရာက ခေါင်းယမ်းပြသည်။ သူမ ဒဏ်ရာရနေသော်လည်း တစ်ဖက်လူက မည်သည့်ဒဏ်ရာမှ ပြင်းပြင်းထန်ထန်မရထားချေ။ ရွှယ်လင်ကသူမကို အပီသိပ်လိုက်နိုင်သော်ငြား သူ့စွမ်းအားကိုထိန်းချုပ်ပြီး သူမသွေးအန်ချိန်တွင်ရပ်ခဲ့သည်။

"အရှင့်သား...ဒီလူကိုသိတာလား.." ကောင်းကင်မှော်ဆရာမှာ ခန်၏စကားကြောင့် သူမခန္ဓာကိုယ်ထက် သတိချပ်လိုက်သည်။ "ဒီလူကစွမ်းအားကြီးတယ်...ပြီးတော့..သူ့နောက်က လူက ပိုပြီးတောင်ထူးဆန်းသေးတယ်...ခင်ဗျားဘယ်လိုလုပ် သူတို့ကိုရန်စလိုက်ရတာလဲ..."

အစပိုင်းတွင်တော့ ကောင်းကင်မှော်ဆရာက ၎င်းတို့မှာ တိုင်းပြည်ပိုင်ရတနာနှင့်ဘဏ္ဍာတိုက်ထဲမှ ရွှေများကြောင့် ရောက်လာခဲ့သည်ဟုထင်ခဲ့၏၊ သို့ထိတိုင် သည်လူနှစ်ယောက်က အကြောင်းမဲ့လုယက်ခိုးယူရန် ရည်ရွယ်ချက်မရှိကြချေ။ သည်လူများက ပစ္စည်းများအပေါ်တွင် သွားရည်တမြားမြားကျနေပုံမရဘဲ တိုက်ခိုက်နေစဥ်တွင်လည်း ၎င်းတို့အပေါ်တွင်အာရုံမရှိ။ ယင်းကြောင့် ၎င်းတို့က တကယ်ကို ရတနာများအတွက် ရောက်လာခြင်းကြောင့် မဟုတ်ကြောင်းသိသာနေသည်၊ ယင်းက လက်စားချေရန်အတွက်သာ။

ခန်က ၎င်းတို့ကိုသိနေသည်မှာ ခန်၏တိုးတက်မှုကြောင့်လည်းဖြစ်နိုင်သည်။

စကားခေါင်းစဥ်က ပြောင်းလဲသွားသည်နှင့် ခန်၏အမူအရာက ထူးဆန်းလာလေ၏။

ရွှယ်လင်က တစ်ဖက်လူကို အေးစက်စက်ကြည့်ကာနှာမှုတ်လိုက်သည်။ ခန်၏ပါးစပ်မှ မည်သည့်စကားမျိုး ထွက်လာမလဲဟူ၍ သူတကယ်ပင်သိချင်နေလေပြီ။

Prev Next