MM Story Teller

Chapter 188

Viewers 32k

🦊Arc 12 -[ နတ်ဘုရား၏ မျက်နှာသာပေးခံရသော ဝံပုလွေပေါက်လေး]

Chapter 188

12.11

အိုင်ဗန်က တောအုပ်ထဲမှထွက်ကာ မြို့တော်သို့ပြန်လာရန် ရုန်းကန်နေချိန် နောက်တစ်ရက်တွင် ခန်သည်ကား အမေဖြစ်သူကြောင့် အတတ်နိုင်ဆုံးစောစီးစွာဖြင့် နောက်ဆုံးစာမေးပွဲကို ဖြေဆိုနေရလေသည်။ အိုင်ဗန်က မကောင်းဆိုးဝါးသားရဲတောအုပ်မှ ထွက်လာနိုင်လျှင်ပင် ခန်နှင့် ချက်ချင်းတွေ့နိုင်ဦးမည်မဟုတ်။

ရွှယ်လင်က အိုင်ဗန်ကို စိတ်ဝင်စားစရာကောင်းသည့် ကျိန်စာတစ်ခုပေးခဲ့သည်။ အခြားသူများကို ကူညီပေးရန် သူ၏ကုသစွမ်းရည်ကိုသာ အသုံးပြုနေသရွေ့ သူ၏ကိုယ်ထဲမှ အလင်းစွမ်းအင်က ပျောက်ဆုံးသွားပြီး ကျင့်ကြံဆင့်ကို ပြန်ရနိုင်တော့မည်မဟုတ်။ သူ၏ အလင်းစွမ်းအင်က အနည်းငယ်ချင်းစီ ပျောက်သွားမည်ဆိုပါက သူ၏ကိုယ်မှာ 'ကောင်းကင်ဘုံပေါ်မှနတ်သတ်ကြွေ' သလို တဖြည်းဖြည်းနှင့် ယိုယွင်းဆွေးမြည့်သွားမည်သာ။

အစက ရွှယ်လင်သည် အနှီသူကို တစ်ဆင့်ချင်းသာ ပျက်စီးသွားစေချင်ခဲ့သည်။ နောက်ပိုင်းတွင် ထိုနည်းလမ်းအတိုင်းလုပ်နေခြင်းက သူ့အတွက် ပိုပြီးစိတ်ဝင်စားစရာကောင်းလာစေခဲ့သည်။ အိုင်ဗန်၏ သန့်စင်သောစိတ်နှင့်သာဆိုပါက အခြားသူကိုကယ်တင်ရန်အတွက် ကျိန်းသေပေါက်သူ့အစွမ်းကိုသုံးမည်သာ။ ထိုအချိန်ရောက်လျှင် သူရွေးချယ်သည့်အပေါ်၌သာ မူတည်သွားလိမ့်မည်။

ရွှယ်လင်မှာ အိုင်ဗန်မည်သည့်အဆင့်ထိ ရောက်နေပြီဖြစ်ကြောင်း သိချင်လာသည်။ သူနောက်တစ်ကြိမ် ခန်ကိုပြန်တွေ့သည့်အခါ သူ၏ကိုယ်က ကောင်းကင်ဘုံမှ နတ်သက်ကြွေပြီး လုံးဝပျက်စီးသွားလေမလား သို့မဟုတ် သူ၏ကိုယ်ထဲမှ အလင်းရောင်က သူ့အားဆက်ငြိမ်အောင် ထိန်းပေးထားလေမလား?။

ရိုးအလွန်းသောဘုန်းတော်ကြီးသည် အပေါ်ယံတွင်တော့ ကမ္ဘာကြီးကိုကယ်တင်ရန် အခြားသူများထိခိုက်အောင်လုပ်နေပြီး လောကကြီးအားကယ်တင်ရန် သူ့ကိုယ်သူလည်းအနစ်နာခံလိမ့်မည်။ အိုင်ဗန်က နောက်ဆုံးမည်သည့်အရာကို ရွေးချယ်မည်လဲ သူမသိပေ။

အိုင်ဗန်၏ကိစ္စများကို စီစဥ်ပြီးနောက် ရွှယ်လင်က မြို့တော်ကိုသွားရန် ဆုံးဖြတ်ခဲ့သည်။ ယခင်ကိုယ်ပိုင်ရှင်၏ ဆန္ဒအရ အပြာရောင်မီးတောက်ဝံပုလွေ၏အမွှေးဖြင့် ချုပ်ထားသည့် အဝတ်အစားများအားလုံးကို ပြန်ယူရပေမည်။

မြို့တော်သည် အကြီးအကဲအကယ်ဒမီရှိနေသော လိဒ်ရှိုင်းယားမြို့တော်နှင့် မဝေးသည့်နေရာတွင်ရှိသည်။ မြို့တော်သည် ဘက်စ်ပိုကာမြို့ဖြစ်ပြီး မြို့အလယ်တွင်ရှိကာ နံဘေးတွင် အခြားသော လူနေမြို့များ ဝန်းရံထားသည်။ သူတို့က မကောင်းဆိုးဝါးသားရဲတောအုပ်မှ သုံးပုံနှစ်ပုံ နေရာယူထားသော စီရင်စုတွင်နေထိုင်၏။ ထို့ကြောင့်ပင် အပင်များကို တောင်တန်းများက ဝန်းရံထားသလိုပင်ထင်ရစေသည်။

လိဒ်ရှိုင်းယားနှင့် ဘက်စ်ပိုကာ မြို့အကြားတွင် စီရင်စုနှစ်စုရှိပြီး နိုင်ငံက အလွန်အမင်းကျယ်ဝန်းသည် မဟုတ်လှ၍ စီရင်စုဟုပင်ခေါ်ကြသည်။ မြင်းနှင့်သွားလျှင် တစ်လသာကြာမည်ဖြစ်ပြီး မကောင်းဆိုးဝါးသားရဲနှင့်ဆိုလျှင်မူ နှစ်ပတ်နီးနီးသာ ကြာပေမည်။

ရွှယ်လင်နှင့် ရှီးတို့ကမူ ခြေလျင်သွားကြ၏။

ရှီးသည်နတ်ဘုရားတစ်ပါးပင်။ သူသွားချင်သရွေ့ ကမ္ဘာကြီး၏ မည်သည့်ထောင့်တွင်မဆို ပေါ်လာပြီး ရွှယ်လင်၏အသွားနှုန်းကအင်မတန်မြန်သည်။ သူကိုယ်တိုင်က မကောင်းဆိုးဝါးသားရဲဖြစ်ပြီး လူသားပုံစံနှင့်ပင် အရှိန်မသေးလှ။ ထို့ကြောင့် ၎င်းတို့အတူသွားသည့်အခါ ဖြတ်သွားသည့်မြို့တိုင်း၏ တော်ဝင်မိသားစုထံမှ လုယက်ကြသည်။ အပြာရောင်မီးတောက်ဝံပုလွေ၏ သားမွှေးမှ အဝတ်ကို ချုပ်လုပ်သည့်အချက်ပါ ထပ်ပေါင်းလိုက်လျှင် ရွှယ်လင်သည် တော်ဝင်မိသားစုများ၏ ရွှေ၊ ငွေ၊ ပိုးထည်နှင့်

ဖဲစများမကျန် အကုန်အစင်သိမ်းယူခဲ့သည်။ မြင်သမျှအရာတိုင်းကို သယ်ခဲ့သည်။

သူတို့သည် အမြန်ခရီးနှင်ခဲ့ပြီး ခန်ကမြို့ထဲသို့ခြေချသည်နှင့် သူတို့လည်း ဘက်စ်ပိုကာမြို့ထဲသို့ ဝင်ခဲ့ကြ၏။

ရက်သတ္တပတ်နှစ်ပတ်အကြာတွင် တော်ဝင်မိသားစုများ၏ ပစ္စည်းများအခိုးခံရမှုမှာ တနိုင်ငံလုံးကို သတင်းပျံ့နေပြီဖြစ်သည်။ ၎င်းတို့သည် မြို့တော်ကိုလာသည့်လမ်းတလျှောက် ခိုးလာကြခြင်းဖြစ်ပြီး သူခိုးများနောက်ခိုးမည့်နေရာကိုပင် လူအများကကြိုတင်မှန်းထားနိုင်ခဲ့ကြသည်။

ကြောက်စရာအကောင်းဆုံး အပိုင်းသည်ကား တော်ဝင်မျိုးနွယ်များ သတိမထားမိကြခြင်းပင်။ ၎င်းတို့က အေးဆေးသက်သာစွာ နေထိုင်ပြီး အချိန်အတန်ကြာ ဇိမ်ကျခဲ့ကြကာ ကြိုတင်စီစဥ်မှုလည်း မရှိခဲ့ကြပေ။ ယခုမူ ၎င်းတို့အားလုံး ပစ်မှတ်ထားခံနေရချေပြီ၊ ပိုက်ဆံအများအပြား အကုန်အကျခံကာ သူခိုးဖမ်းပြီးမျက်နှာရအောင် ကြိုးစားသော်လည်း ဓားပြတိုက်ခံရသည့် ကံကြမ္မာမှ မလွတ်မြောက်ကြချေ။ နှစ်ပတ်ကုန်လွန်သွားပြီးနောက် တော်ဝင်မိသားစုများအားလုံး ခြေမကိုင်မိလက်မကိုင်မိဖြစ်လာကြတော့၏။

အဆိုပါသူခိုးများက ၎င်းတို့၏ရတနာပစ္စည်းများကို တိတ်တဆိတ်ယူသွားကြသည်မှာ အမှန်ဆိုလျှင် သူတို့အသက်ကိုပါ တိတ်တိတ်လေးနှုတ်မသွားနိုင်ဟု မည်သူမှမပြောနိုင်ပေ။ တော်ဝင်မိသားစုများမှာ ၎င်းတို့အသက်ကိုအာရုံစိုက်နေပြီး ငွေထက်သူတို့အမည်ကပို၍ အရေးပါနေလေသည်။ ထိုသူခိုးများသာအလိုရှိပါက သူတို့အသက်ကိုအချိန်မရွေးယူသွားနိုင်သည် - ၎င်းက တော်ဝင်မိသားစုများကို အနှောင့်အယှက်အပေးနိုင်ဆုံး ကိစ္စပင်။

အစီရင်ခံစာများက မြို့တော်နှင့်ပတ်သတ်နေပြီး ဘုရင်မ၏စားပွဲခုံပေါ်သို့ ရောက်လာကြသည်။ ဘုရင်မကြီးက ထိုကိစ္စကိုစတင်သတိထားမိသွားပြီး စုံစမ်းစစ်ဆေးရန် အမိန့်ချလိုက်၏။

တိုင်းပြည်တွင် ဤမျှအတင့်ရဲသောဓားပြမျိုးကို မမြင်တွေ့ခဲ့ရသည်မှာ အတော်လေးကြာခဲ့ပြီ။ ၎င်းတို့နှင့် ပတ်သတ်သမျှကို ထိမ်ချန်မထားဘဲ ညအချိန်တွင် ၎င်းတို့အိမ်ကိုလာလည်မည်ဆိုကာ တော်ဝင်မိသားစုထံစာများပင် ပေးပို့ခဲ့သေးသည်။

ယင်းက မြို့တော်မှတော်ဝင်မိသားစုများ၏ စိတ်ဝင်စားမှုကို မြင့်တက်စေပြီး ဘုရင်မကြီးကလည်း ထိုကိစ္စကို အရေးယူဆောင်ရွက်ရန် ချက်ချင်းအမိန့်ချထားလေသည်။ ထိုသို့သောလူများသာ အဖမ်းမခံရသေးလျှင် တော်ဝင်မိသားစု၏ ဂုဏ်သိက္ခာက ညှိုးနွမ်းပြီး သာမန်လူထုက တော်ဝင်မိသားစု၏ စည်းမျဥ်းကို ဆန့်ကျင်ကာ မကောင်းပြောကြပေလိမ့်မည်။

သူမအမိန့်ပေးလိုက်သည်နှင့် အရှင့်သားပြန်ရောက်လာပြီဖြစ်ကြောင်း အကြောင်းကြားလာကြသည်။

ဘုရင်မကြီးမှာ မျက်လွှာချကာ အမိန့်အချို့ပေးပြီးနောက် မင်းသားကိုအထဲဝင်လာခိုင်းလိုက်သည်။

ဘုရင်မကြီးနှင့် မင်းသားတို့ အချေအတင် စကားနိုင်လုနေစဥ်အတွင်း ရွှယ်လင်နှင့်ရှီးတို့က မြို့တော်တွင်နေထိုင်ရန် နေရာရှာနေကြသည်။

ရွှယ်လင်က သည်နေရာတွင် အချိန်တစ်ခုကြာအောင် နေလိုသော်လည်း သည်နေရာမှဟိုတယ်အရည်အသွေးက ညံ့ဖျင်းလွန်းလေရာ မြို့တော်မှ ကိုယ်ပိုင်အိမ်တစ်လုံးဝယ်ရန် စိတ်ကူးလိုက်သည်။ ၎င်းတို့နှစ်ယောက် မြို့တော်ကို ရောက်ရုံရှိသေးသည့်တိုင် မြို့တော်တွင် ဟိုတယ်တစ်လုံးရှာရန် အချိန်ဖြုန်းမနေဘဲ အိမ်တစ်လုံးဝယ်ရန် ချက်ချင်းရှာဖွေရတော့သည်။

ဤကမ္ဘာသည်ကား အနောက်တိုင်းစိတ်ကူးယဥ်ကမ္ဘာကို အခြေခံထားပြီး လူဦးရေတိုးတက်မှုက မမြင့်မားပေ၊ တော်ဝင်မိသားစုများက ဗီလာ အိမ်အသေးလေးများတွင် နေထိုင်ကြစဥ် အများစုက ရွှံ့နှင့်လုပ်ထားသောအိမ်တွင် နေထိုင်နေကြသည်။

ရွှယ်လင်မှာ ယခုလို နေထိုင်ချင်သော်လည်း တော်ဝင်မျိုးနွယ်ဂုဏ်ပုဒ်မရှိ၍ ဗီလာဝယ်၍မရချေ။ မှောင်ခိုဈေးကွက်မှ ပွဲစားဖြင့် အိမ်တစ်လုံးငှားကာ သူ့အားကံဆိုးမိုးမှောင်ကျစေခဲ့သည့် တော်ဝင်မျိုးနွယ်၏အမည်ကို ငှားယူလိုက်သည်။

အိမ်ဝယ်သည့်ကိစ္စပြီးသည့်အခါ အိမ်တွင်းအလှဆင်ရန်နှင့် ပရိဘောဂများဝယ်ရန် ရွှယ်လင်မှာ သူနှင့်အတူရှီးကို ဆွဲခေါ်သွားရသည်။ ရှီးမှာ သူ၏တက်ကြွနေမှုကြောင့် ကြောင်တောင်တောင်ပင်ဖြစ်နေပြီး သူလိုချင်သည့်စတိုင်လ်ကို ပြောပြခိုင်းကာ သူ၏အစွမ်းဖြင့် အိမ်ကို တိုက်ရိုက်အလှဆင်လိုက်လေသည်။

ရွှယ်လင်သည် အနှီနည်းလမ်းဖြင့် မှော်အစွမ်းကိုအသုံးပြုနိုင်၍ အံ့ဩနေလေ၏။ ရုတ်တရက်ပင် ဉာဏ်အလင်းပေါက်သွားကာ ရှီး၏အံ့အားသင့်ဖွယ်ရာ အသုံးဝင်ပုံကို ရှာဖွေတွေ့ရှိလိုက်ရသည်။

၎င်းတို့နှစ်ယောက်မှာ မြို့တော်ကို ရောက်လာရသော်လည်း မြို့တော်တွင် သူခိုးလုပ်ငန်းကို ချက်ချင်းစရန် မရည်ရွယ်ထားခဲ့ပေ။ ရွှယ်လင်သည် ဇာတ်လိုက် shou နှင့် ခန် ကသည်နေရာကိုရောက်နေပြီဖြစ်ကြောင်း သိရရန် စနစ်ကိုသုံးနိုင်လေရာ ထိုအခါမှသာ လှုပ်ရှားပြီး အရာအားလုံးကို တစ်ချက်တည်းနှင့် ဖြေရှင်းနိုင်ရန် နန်းတော်ကိုသွားနိုင်မည်ဖြစ်သည်။

"မင်းငါ့နောက်ကို ဒီလောက်ကြာအောင်လိုက်နေတာ လက်လျှော့ဖို့စိတ်ကူး မရှိသေးဘူးလား..." ရွှယ်လင် ခြေသုတ်ဝတ်အထူပေါ်တွင်လှဲချလိုက်သည်။ ရှီးဖန်တီးထားသည့်အရာတိုင်းက သူ့အကြိုက်ချည်းပင်။ ခြေသုတ်ဝတ်မှာ မကောင်းဆိုးဝါးသားရဲအမွှေးဖြင့် လုပ်ထားပြီး သူ၏လက်အောက်တွင် ထားအိပ်သည့်အခါ အလွန်ကောင်းမွန်သည်။ ရွှယ်လင်သည် ၎င်းအပေါ်တွင်ခြေဗလာနှင့် ပြေးလွှားနေရသည်ကို ကြိုက်ပြီး ဘာမှလုပ်စရာမရှိသည့်အခါ ထိုအခင်းပေါ်တွင် လှိမ့်နေတတ်သည်။

ပုံမှန်ဆိုလျှင် ထိုအချိန်မျိုး၌ ရှီးသည်လည်းသူ့အနားတွင် ထိုင်နေတတ်သောကြောင့် ရွှယ်လင်က သူ့အဝတ်စထောင့်ကို လှမ်းဆွဲနေတတ်၏။

ရွှယ်လင်အတွက် ချုပ်ပေးထားသည့်အဝတ်အစားမှာ ကျပ်နေခြင်းမျိုးမဟုတ်ဘဲ ကိုယ်နှင့်အံကိုက်ဖြစ်နေခြင်းသာ၊ ရှီးကမူ အဖြူရောင်ခါးစည်းကြိုးနှင့် အဝတ်အစားကိုဝတ်တတ်ပြီး သူ့ဆံပင်များကို စုချည်မထားဘဲ ဖြန့်ချထားတတ်သည်။ ၎င်း၏ခါးစည်းကြိုးက အမျိုးမျိုးသော သတ္တုများမှရရှိသည့် အရောင်စုံချည်ကြိုးများကြောင့် သေသပ်လှပနေတတ်၏။ ယင်းတို့က အင်မတန်ရှုပ်ထွေးပြီး ပုံစံကအင်အားကြီးမားမှုကို ပေးစွမ်းပေသည်။ ရှီးထံတွင် ထိုသို့သော ခါးစည်းကြိုးများရှိပြီး ရွှယ်လင်က တစ်ချိန်လုံးကြိုးတစ်ခုတည်းနှင့် ဝတ်နေသည်ဟု ဝေဖန်ခဲ့ဖူးသည်၊ အနှီသူသည်နေ့စဥ် ကွဲပြားသောခါးစည်းကြိုးများနှင့် စတင်ဝတ်လာလေ၏။ ရံဖန်ရံခါတွင် အနှီသူသည် ရွှယ်လင်ကဲ့သို့ ဆံပင်ကိုချည်တတ်ပြီး ရွှယ်လင်က အားအားနေရင်း ထိုသူအနားတွင်ထိုင်ကာ ဆံပင်ကို ကျစ်ဆံမြှီးကျစ်ပေးတတ်သည်။ ယင်းက အချိန်ဖြုန်းရန် အကောင်းဆုံးနည်းလမ်းဖြစ်ပြီး ရွှယ်လင်သည်လည်း အင်မတန်ပျော်စရာကောင်းသလို ခံစားရ၏။

ရှီးက သူစိတ်ကျေနပ်သည်အထိ လုပ်ခွင့်ပေးထားလိုက်သည်။ သူဆံပင်များကို ဖွနေလျှင်ပင် သူ၏အစွမ်းဖြင့် မျက်တောင်တစ်ခတ်စာအတွင်း ပြန်ရှင်းနိုင်သည်၊ သို့ဖြစ်၍ ရွှယ်လင် သူ့ဆံပင်ကို ဘာပင်လုပ်လုပ် အရေးမစိုက်ချေ။ ဆော့ကစားနေသည့် အချိန်ဆိုလျှင် ရွှယ်လင်၏နှုတ်ခမ်းထောင့်က ပြုံးနေဟန် ကော့တက်နေတတ်ပြီး ရှီးကိုရင်းနှီးကျွမ်းဝင်ကာလှပနေသော ထူးခြားဆန်းသစ်သည့် ခံစားချက်ကိုပေးတတ်၏။ ထို့ကြောင့်ပင် အနှီသူ၏သဘောအတိုင်း ထားနေခြင်းသာ။

"မင်းဘာလို့ငါ့ကို ခွေးပေါက်လေးလိုဆက်ဆံနေတာလဲ ငါနားမလည်တော့ဘူး...ငါကအဲဒီလောက်လည်း ချစ်စရာမကောင်းပဲနဲ့..." ရွှယ်လင်သည် အနှီသူ၏ သူ့အပေါ်ခံစားချက်ကို အတိအကျနားလည်သော်ငြား ထိုလူကနားမလည်သေးပေ! အင်အားကြီးနတ်ဘုရားတစ်ပါးအနေဖြင့် ရှီးသည် ရွှယ်လင်အပေါ် အလွန်အမင်း ဂရုစိုက်နေသော်ငြား အနှီသူက လုံးဝသဘောမပေါက်သေး။

အစတွင်တော့ ရွှယ်လင်က သူ့အားသတိမပေးချင်သော်လည်း နောက်ပိုင်း၌ ယင်းကဆုံးဖြတ်ချက်ကောင်းမဟုတ်ကြောင်း နားလည်လိုက်သည်။ ဤအတိုင်းပင် ကြာညောင်းလေပြီးသော ချစ်သူနှစ်ယောက်ကြားမှ နွေးထွေးမှုများ အချိန်နှင့်အမျှ ထွက်ပေါ်လာခဲ့သည်။ ရွှယ်လင်သည်လည်း အိပ်ရာထဲသို့ဆွဲခေါ်မသွားချင်၍ ရှီး၏စိတ်ရင်းအမှန်ကိုဆွဲထုတ်ပြီး ၎င်းတို့၏ ပတ်သတ်မှုကိုရှင်းလင်းရန် မကြိုးစားခဲ့ပေ။

"မင်းက အရမ်းကိုချစ်စရာကောင်းပါတယ်..."

ရှီး၏လမ်းကြောင်းက ရွှယ်လင်နှင့်မတူ။ ယခုလိုပင် ခေါင်းစဥ်အမျိုးမျိုးဖြင့် စကားဖောင်ဖွဲ့ကြမည်။ သူ့စိတ်ထဲတွင် ရွှယ်လင်က အလွန်ချစ်စရာကောင်းသလို ခံစားရသည်။ သူဘာပင်လုပ်နေပါစေ၊ အိုင်ဗန်ကို ခြိမ်းခြောက်ပြီး သူ့ဘဝကို ခက်ခဲအောင်လုပ်နေသည်ဖြစ်စေ၊ တော်ဝင်မိသားစု၏ ပစ္စည်းများကိုယူနေသည်ပင်ဖြစ်စေ ထိုသူလုပ်နေသမျှ အရာအားလုံးက ရှီးမျက်လုံးထဲတွင် ချစ်စရာကောင်းနေသည်ပင်။

အလှလေးက ရှုချင်စရာကောင်းနေ၍ဖြစ်မည်။ သို့သော် သူ့မျက်လုံးထဲတွင် ရွှယ်လင်နှင့်ပတ်သတ်သမျှတိုင်းက ကောင်းနေသည်ပင်။

တစ်ခုသာ၊ ရွှယ်လင်အပေါ်တွင် ထားနေသည့်သူ၏ချစ်ခြင်းမေတ္တာက အိမ်မွေးတိရစ္ဆာန်လေးတစ်ကောင်အပေါ် သခင်ဖြစ်သူက ချစ်မြတ်နိုးပုံမျိုးမဟုတ်။ သို့ထိတိုင် အိမ်မွေးတိလေးမဟုတ်လျှင် သူ့ကိုမည်သည့်အရာဟုပြောရမည်လည်း သူမသိ။

ရွှယ်လင်သည် ကြမ်းခင်းပေါ်တွင်အိပ်နေရင်း ထိုယောကျ်ားကိုကြည့်ကာ ခဏတာခန့်စဥ်းစားနေသေးသည်။ ရှီးသည် နေရာတွင်သာအေးခဲနေသလိုထင်ရပြီး ဖြည်းဖြည်းချင်းအကြည့်လွှဲသွားကာ တီးတိုးရေရွတ်နေလေသည်။ "ထူးဆန်းတယ်..မင်းသိသိ မသိသိ ငါဘယ်လောက်ပဲကြည့်ပါစေ မင်းရဲ့အူကြောင်ကြောင်နိုင်နေတဲ့ပုံက ချစ်စရာကောင်းတယ်.." သူမတုံ့ပြန်ရသေးခင် ရှီး၏ခြေထောက်ကြောင့် သူ၏နေထိုင်နေပုံက ပြောင်းသွားလေ၏။

ထိုသူနားမလည်သေးခင် အနှီသူကိုရက်အနည်းငယ်ကြာအောင် စနောက်နိုင်သေးသည်။ မည်သို့ပင်ဖြစ်စေ ရှီး၏ခံစားချက်များကိုသိလျှင်ပင် ဤကမ္ဘာတွင် သူတို့ပထမဆုံးစတွေ့ချိန်က အနှီသူ သူ့ကိုဆက်ဆံပေးခဲ့သည့်ပုံစံကြောင့် သူလက်စားချေနေသည့် အချိန်အတွင်း အနှီသူကို ကပ်တွက်နေရန်ကြံစည်နေဆဲပင်။

Prev Next