အခန်း (၄၇) မိစ္ဆာများနှင့် သတ္တဝါဆန်းများ

ညဘက်တွင် လူတိုင်း ကွင်းထဲ၌ စတင်ပြေးလွှားနေကြသည်။ 

ထိုနေရာတွင် စစ်ကြောင်း ရှစ်ကြောင်းသာ ရှိသည်။ 

တစ်နည်းအားဖြင့်ဆိုသော် နိုးထသူကျောင်းသား ရှစ်တန်းမှလွဲ၍ သာမန်ကျောင်းသားများသည် ညဘက်တွင် စစ်သင်တန်း တက်ရန်မလိုပေ။

သူတို့၏ အတန်းလိုက်ဖွဲ့စည်းပုံမှာ အလျားလိုက်မှ ဒေါင်လိုက်သို့ ပြောင်းလဲသွားပြီး၊ မူလက ကျန်းရှောင်၏ ရှေ့တွင်ရှိသော ဝတုတ်ကြီး လျှိုပုဖန် မှာ သူ၏ဘေးသို့ ရောက်လာသည်။ 

စိပ်စိပ်ရစ်ရစ်ရှိသော အဖွဲ့များနှင့် ခြေသံတရှပ်ရှပ်ကြားတွင် လျှိုပုဖန်အတွက် အခွင့်အရေးရသွား၏။

မနက်ဖြန်တွင် အဖွဲ့ဖွဲ့စည်းပုံ ထပ်မံပြောင်းလဲမည်ဖြစ်ရာ ကျန်းရှောင်မှာ အခြားတစ်နေရာသို့ ရောက်သွားပေလိမ့်မည်။ 

ထို့ကြောင့် ယနေ့ညသည် အကောင်းဆုံး အခွင့်အရေးပင်။ 

နောက်ဆုံးတွင် ကျန်းရှောင်မှာ အရပ် ၁.၇၂ မီတာရှိသဖြင့် ရှေ့ဆုံးတန်းတွင်သာ နေရာချခံရပေလိမ့်မည်။

သူက ‘ဒီကလေးတွေ ကြီးလာတော့ ဘာတွေကျွေးထားတာလဲ’ ဟု တွေးနေမိသည်။ 

'ယောင်္ကျားလေးတွေ ၁.၈၅ မီတာ သို့မဟုတ် ၁.၉ မီတာ ရှည်တာက ထားပါတော့၊ မိန်းကလေးတွေကပါ ၁.၈၄ မီတာ သို့မဟုတ် ၁.၈၈ မီတာ ဖြစ်နေတာ ဘယ်လိုဖြစ်တာလဲ'

'သစ်ကုလားအုတ် နို့တွေသောက်ပြီး ကြီးလာကြတာလား'

ပြေးနေရင်းနှင့် လျှိုပုဖန်က သူ့ဘေးရှိ ကျန်းရှောင်ကို တိုးတိုးလေးပြောလိုက်သည်။

"ငါ့ဘေးက ဒီအလှလေးကို မြင်လား၊ သူက ငါတို့အတန်းရဲ့ အလှဘုရင်မပဲ"

"ဘယ်သူလဲ"

ကျန်းရှောင် မေးလိုက်သည်။ 

သူ၏အရပ်နှင့်ဆိုလျှင် အနောက်တန်းတွင် ရပ်မှသာ အားသာချက်ရှိမည်ဖြစ်သည်။ 

လျှိုပုဖန်ဘေးတွင် လှပသော မိန်းကလေးတစ်ယောက်ကို သူတွေ့လိုက်ရ၏။

ဤကလေးမလေးမှာ တကယ်ကို သပ်ရပ်လှပလွန်းသည်။ 

ကျန်းရှောင် တစ်ချက်ကြည့်ပြီးနောက် မျက်နှာကို ချက်ချင်းပြန်လွှဲလိုက်သည်။ 

နောက်ဆုံးတွင် မိန်းကလေးတစ်ယောက်ကို အကြာကြီး စိုက်ကြည့်နေခြင်းမှာ မရိုသေရာ ရောက်သောကြောင့် ဖြစ်သည်။ 

ကျန်းရှောင်မှာ အနောက်တွင် ရပ်နေရသဖြင့် ထိုအလှလေးကို သက်သောင့်သက်သာ အကဲခတ်

နိုင်သည်။ 

ရှေ့တန်းမှ မိန်းကလေးတစ်ယောက်မှာ အထူးတလည် ထင်ရှားနေသည်ကို သူသတိပြုမိလိုက်သည်။

"အဲဒါ ရီလျန်နာ ပဲ၊ သူက တရုတ်-ရုရှား ကပြားမလေး"

"ဒါပေမဲ့ သူ့အဖေဆီက မျိုးဗီဇ သိပ်မပါလာတော့ အာရှသူနဲ့ သိပ်မတူဘူး"

လျှိုပုဖန်က ကျန်းရှောင် ဘာကို သတိထားနေသည်ကို သိသိသာသာ မြင်သွားပြီး ဆက်လက်ရှင်းပြသည်။

"သူ့ပုံစံကို ကြည့်ပြီး အထင်မသေးနဲ့၊ သူက ငါတို့အားလုံးထက်တောင် မန်ဒရင်စကားကို ပိုကျွမ်းကျင်သေးတယ်"

"သူက တရုတ်ပြည်မှာပဲ ကြီးပြင်းလာတာ"

"သူ့အရပ်က တကယ့်ကို ကြောက်စရာကြီးပဲ"

ကျန်းရှောင် မျက်နှာလွှဲလိုက်သည်။

လျှိုပုဖန်က ပြုံးပြီး ပြောလိုက်သည်။

"ဟေး သူငယ်ချင်း၊ မင်းကို စောင့်နေရတာ တော်တော်ကြာပြီ"

"အတန်း ရှစ်တန်းလုံးက နိုးကြားသူတွေ အားလုံး မင်းလာမှာကို စောင့်နေကြတာ"

"စစ်သင်တန်းကလည်း ပြီးတော့မယ်၊ အတန်း (၂) ရဲ့ သီးသန့်နေရာနဲ့ ထိုက်တန်တဲ့ ဘယ်လိုလူကြီးလူကောင်းလဲဆိုတာ အားလုံးက သိချင်နေကြတာ"

"မဟုတ်ပါဘူး၊ ငါက လူကြီးလူကောင်း မဟုတ်ပါဘူး"

ကျန်းရှောင်က သက်ပြင်းချရင်း ပြောလိုက်သည်။ 

"ရုပ်ချောနေတာက ငါ့အတွက် အားသာချက် ဖြစ်နေတာလည်း ဖြစ်နိုင်တာပဲ"

လျှိုပုဖန်မှာ အနည်းငယ် ကြောင်သွားသည်။ 

ခဏတာ စကားပြောကြည့်ရုံနှင့်ပင် ကျန်းရှောင်မှာ ပေါင်းသင်းရလွယ်သူ၊ ပျော်ပျော်နေတတ်သူနှင့် နောက်ပြောင်တတ်သူဖြစ်ကြောင်း သူသိလိုက်သည်။ 

ထို့ကြောင့် လျှိုပုဖန်က နည်းဗျူဟာပြောင်းကာ ပြုံးလျက် ပြောလိုက်၏။

"ဟီးဟီး၊ မင်းပြောတာ မှန်တာပဲ"

'ဒါပေမဲ့ ဘာလို့ အဲဒီစကားက ထူးဆန်းနေရတာလဲ'

"အစ်ကို၊ မင်းမှာ ကြယ်တာရာ နေရာတွေ အများကြီးရှိတယ်မဟုတ်လား"

"ဘယ်လို ကြယ်တာရာ အတတ်ပညာတွေရှိလဲ"

လျှိုပုဖန်က ရယ်မောရင်း မေးလိုက်သည်။

နိုးထသူများသည် သာမန်ကျောင်းသားများနှင့် မတူပေ။ 

သူတို့၏ အရည်အချင်းနှင့် အလားအလာကို သက်သေပြရန် အချိန်အကြာကြီး မလိုသလို၊ စမ်းသပ်စစ်ဆေးရန်လည်း မလိုပေ။ 

အရာအားလုံးကို ကြယ်တာရာ မြေပုံတွင် မြင်နိုင်သည်။

နိုးထသူ ရှစ်တန်းထဲတွင် အနည်းငယ်သော သူများသာ ကျောင်းစတက်စဉ်က ပေးအပ်ခဲ့သော ကြယ်တာရာ ပုတီးစေ့များကို သုံး၍ ပထမဆုံး ကြယ်နည်းစနစ်ကို ရရှိခဲ့ကြခြင်းဖြစ်သည်။ 

ကျောင်းသားအများစုမှာ ကြယ်တာရာ အတတ်ပညာများ ပါရှိပြီးသားဖြစ်၏။ 

ကြယ်တာရာ အတတ်ပညာသုံးခု သို့မဟုတ် လေးခု ရှိသော ကျောင်းသားမှာ ရှားပါးသည်။

တရုတ်ပြည်တွင် ကုန်သည်များထံမှ ကြယ်တာရာ ပုတီးစေ့များကို အလွယ်တကူ ဝယ်ယူနိုင်သော ချမ်းသာကြွယ်ဝသူများစွာ ရှိသည်။ 

အမှန်တော့ နိုးထသူတစ်ယောက်အတွက် အခြေခံနည်းစနစ် နှစ်ခုမှ လေးခုအထိ ရှိလျှင် လုံလောက်ပြီဖြစ်၏။

နောက်ဆုံးတွင် သူတို့အများစုမှာ သာမန်လူများဖြစ်ပြီး ကြယ်တာရာ နေရာ ၁၅ ခုခန့်သာ ရှိကြရာ၊ လေးခုရှိနေခြင်းမှာပင် ရှိသမျှ၏ သုံးပုံတစ်ပုံ ဖြစ်နေ၍ လုံလောက်သည်ဟု သတ်မှတ်နိုင်သည်။

ပေကျန်းတွင် ဘီလူးဖြူ နှင့် လာဗာ ဘီလူးဖြူ ကြယ်တာရာ ပုတီးစေ့များမှာ အသုံးအများဆုံးနှင့် အလက်တွေ့ကျဆုံး ဖြစ်သည်။ 

စတင်သူ ကလေးများအတွက် ရုပ်ပိုင်းဆိုင်ရာနှင့် စွမ်းအားဆိုင်ရာ ကြယ်တာရာ ပုတီးစေ့များကို ကြယ်တာရာ စွမ်းအား မြှင့်တင်ရန်နှင့် ကုန်ခမ်းသွားသော စွမ်းအင်များ ပြန်ဖြည့်ရန် သုံးကြသည်။

၎င်းမှာ လုံလောက်နေပြီဖြစ်သည်။

ချမ်းသာရုံမျှနှင့် ထိုကြယ်တာရာ ပုတီးစေ့များကို ဝယ်ယူရန်မှာ လွယ်ကူလှသည်။ 

ထို့ကြောင့် နိုးထသူ အများစုမှာ ကြယ်တာရာ အတတ်ပညာများ ပါရှိပြီးသားဖြစ်ခြင်းမှာ ထူးဆန်းသည်မဟုတ်ပေ။

သို့သော် ပြဿနာမှာ ကျန်းရှောင်သာ သူ၏ ကြယ်တာရာ အတတ်ပညာများအကြောင်း ပြောပြလိုက်လျှင် မျက်စိစပါးမွှေး စရာ ဖြစ်သွားပေလိမ့်မည်။ 

ကျန်းရှောင်၏ ပြဿနာမှာ အတတ်ပညာအရေအတွက် မဟုတ်ဘဲ အရည်အသွေး ဖြစ်နေခြင်းပင်။ 

အခြားကလေးများတွင် ဘယ်လိုနည်းစနစ်တွေ ရှိသနည်း။ 

အသုံးများသော အစိမ်းရောင်အလင်းတန်း၊ ခံနိုင်ရည်၊ တောက်လောင်မီးလျှံ နှင့် ပေါက်ကွဲမီးလျှံတို့ ဖြစ်သည်။

ကျန်းရှောင်၏ အတတ်ပညာက ဘာလဲ။ 

ကောင်းချီးပေးခြင်းလား။ 

သူ ထုတ်မပြချင်သော လှည့်စားခြင်း အတတ်ပညာမှာလည်း ဈေးကွက်တွင် ဝယ်ရန်

ခဲယဉ်းသော အတတ်ပညာတစ်ခု ဖြစ်သည်။

သို့သော် ခံနိုင်ရည်ကို ဈေးကွက်တွင် ဝယ်

နိုင်သော်လည်း ကျန်းရှောင်၏ အစိမ်းရောင်

အလင်းတန်း မှာ ကြေးဝါအဆင့် မဟုတ်ဘဲ ငွေအဆင့် ဖြစ်နေသည်။ 

နောက်ဆုံးတွင် ခေါင်းလောင်း နှင့် အမှတ်အသား တို့ရှိရာ ၎င်းတို့ကို သူထုတ်ပြရန် အစီအစဉ်မရှိပေ။ 

၎င်းမှာ ဈေးကွက်တွင် ဝယ်ရန်ခဲယဉ်းသော ဆေးဖက်ဆိုင်ရာ အတတ်ပညာဖြစ်ပြီး တကယ်တမ်း ကောင်းမွန်သော ငွေအဆင့် အတတ်ပညာတစ်ခု ဖြစ်သည်။

သူ့ရဲ့ ကြယ်တာရာ အတတ်ပညာ တစ်ခုမှ ပုံမှန်မဟုတ်ဘူး။

ဈေးကွက်မှာ ဝယ်လို့မရတာတွေ ဖြစ်နေသလို၊ အရည်အသွေးတွေကလည်း ပြဿနာရှိနေသည်။ 

ကျန်းရှောင် စကားမပြောသည်ကို မြင်သောအခါ လျှိုပုဖန်က ဆက်ပြောသည်။

"အစ်ကို၊ ငါ့မှာ ကြယ်တာရာ နေရာ (၁၉) ခု ရှိတယ်"

ကျန်းရှောင်မှာ လျှိုပုဖန်အပေါ် အမြင်ကောင်းရှိသည်။ 

ခုနက စိတ်ပုပ်သော အတန်းဖော်ကို လျှိုပုဖန် တုံ့ပြန်ပုံကို ကြည့်ခြင်းအားဖြင့် သူသည် သာမန်ကလေးများထက် ပို၍ ရင့်ကျက်ကြောင်း ကျန်းရှောင် သိလိုက်သည်။ 

လျှိုပုဖန် ပြောနေသည်မှာ ကြွားဝါသလို ဖြစ်နေသော်လည်း အမှန်တကယ်တွင် ထိုသို့မဟုတ်ပေ။

ကျန်းရှောင် ခေတ္တစဉ်းစားပြီးမှ ဖြေလိုက်သည်။ 

"ငါ့မှာ မင်းထက် ကြယ်တာရာ နေရာ နည်းတယ်၊ ဒါပေမဲ့ ငါက ဆေးဖက်ဆိုင်ရာ နိုးထသူ တစ်

ယောက်ပဲ"

"အဲဒါကြောင့် ငါ့ကို အတန်း (၂) ထဲ ထည့်လိုက်တာ ထင်တယ်"

လျှိုပုဖန်မှာ သူ၏ခြေလှမ်းများ ရပ်တန့်သွားပြီး ရှေ့သို့ ငိုက်ကျကာ လဲကျလုနီးပါး ဖြစ်သွားသည်။

"လျှိုပုဖန်...နောက်ထပ် တစ်ပတ်ပြေးဦး"

လေကျင်းက ဟိန်းဟောက်သံနှင့် အော်လိုက်သည်။

"ဟုတ်ကဲ့"

လျှိုပုဖန် ကပြာကယာ ပြေးလိုက်ရင်း ပြုံးလျက်ပြောသည်။

"မင်းက တကယ့်ကို ပြက်လုံးထုတ်တာ တော်တာပဲ"

"ငါ မလိမ်ဘူး" ဟု ကျန်းရှောင် ပြန်ဖြေသည်။ 

စစ်သင်တန်းမှာ နောက်သုံးရက်ဆိုလျှင် ပြီးတော့မည်ဖြစ်ရာ သူသည် အတန်းကိုယ်စားပြု ယှဉ်ပြိုင်လိုသောကြောင့် သူ၏ ဝိသေသကို ထုတ်ပြရမည်။

သို့သော် ကျန်းရှောင်မှာ ဟိတ်ဟန်ထုတ်ပြီး ကြွားဝါ၍ မရပေ။ 

ထို့ကြောင့် လျှိုပုဖန်မှတစ်ဆင့် သတင်းဖြန့်လိုက်ခြင်းမှာ အကောင်းဆုံး ရွေးချယ်မှုဟု သူခံစားရသည်။

"မင်း တကယ်ပဲ ဆေးဖက်ဆိုင်ရာ နိုးထသူ လား"

လျှိုပုဖန်က ထပ်မေးသည်။

ကျန်းရှောင်က "အင်း" ဟု ဖြေလိုက်သည်။

လျှိုပုဖန်၏ မျက်လုံးများမှာ ဝမ်းသာအားရ တောက်ပသွားသည်။

"ဒါဆိုရင် ငါတို့အတန်းဖော်တွေ ကံကောင်းပြီ"

"ငါတို့က ခဏခဏ တိုက်ပွဲတွေဝင်ရမှာ၊ ချော်လဲတာတို့၊ ဒဏ်ရာရတာတို့က ပြဿနာမဟုတ်တော့ဘူးပေါ့"

"ငါတို့အတန်းထဲမှာ တခြား ဆေးဖက်ဆိုင်ရာ နိုးထသူ မရှိဘူးလား"

ကျန်းရှောင်က နားမလည်နိုင်စွာ မေးလိုက်သည်။

လျှိုပုဖန်က ပုခုံးတွန့်ရင်း "မရှိဘူး" ဟု ပြောသည်။

"ကျန်တဲ့ အတန်း ခုနစ်တန်းမှာရော"

လျှိုပုဖန်က ချက်ချင်းပင် "လုံးဝမရှိဘူး" ဟု ဖြေသည်။

'ဟမ်'

'အတန်း ရှစ်တန်း၊ နိုးထသူ ၁၉၂ ယောက်မှာ တစ်ယောက်မှ ဆေးဖက်ဆိုင်ရာ နိုးကြားသူ မရှိဘူးလား'

'ဟန်ကျန်းရွှယ်ပြောတုန်းက နိုးထသူ ၁၀၀ မှာ တစ်ယောက် ရှိတယ်ဆို'

'အခုက ၂၀၀ မှာတောင် တစ်ယောက် မရှိသလို ဖြစ်နေပြီ'

ဆေးဖက်ဆိုင်ရာ နိုးထသူတွေ ဘယ်လောက် အဖိုးတန်တယ်ဆိုတာ ကျန်းရှောင် သိသော်လည်း ဤမျှလောက်အထိ ရှားပါးလိမ့်မည်ဟု သူ မထင်ခဲ့ပေ။

ကျန်းရှောင် မခန့်မှန်းဘဲ မနေနိုင်တော့ပေ။ 

"တခြားသူတွေလည်း ရှိမှာပါ၊ သူတို့ရဲ့ အလားအလာကို မထုတ်ပြရသေးတာ ဖြစ်နိုင်

တယ်"

"ဆေးဖက်ဆိုင်ရာ ကြယ်တာရာ ပုတီးစေ့တွေက အရမ်းရှားတာကိုး"

"အင်း၊ အဲဒါလည်း ဟုတ်တာပဲ"

လျှိုပုဖန် ခေါင်းညိတ်လိုက်သည်။

စကားပြောရင်းနှင့် နှစ်ယောက်သား အခြားသူများနှင့်အတူ ပတ်ပြေးခြင်းကို အဆုံးသတ်လိုက်ပြီး ခန္ဓာကိုယ် အကြောလျှော့လေ့ကျင့်ခန်းများ ပြုလုပ်ကြသည်။ 

လေကျင်း၏ လမ်းညွှန်မှုအောက်တွင် သူတို့သည် ချုပ်နည်းအချို့နှင့် တိုက်ခိုက်ရေးကွက်များကို ပြန်လည် လေ့ကျင့်ကြသည်။

ညကိုးနာရီတွင် အဖွဲ့ကို လူစုခွဲလိုက်သည်။ 

တက်ကြွသော အတန်းဖော် လျှိုပုဖန်၏ အကူအညီဖြင့် ကျန်းရှောင်မှာ စူပါမားကတ်သို့ သွားကာ နေ့စဉ်သုံး ပစ္စည်းအချို့ ဝယ်ယူလိုက်၏။

ကျောင်းအဆောင်မှာ ပစ္စည်းစုံလင်စွာ တပ်

ဆင်ထားသဖြင့် အခက်အခဲ မရှိပေ။ 

ဖုန်းနံပါတ်ချင်း ဖလှယ်ပြီးနောက် ကျန်းရှောင်သည် နံပါတ် (၆) အဆောင်သို့ ဝင်လိုက်သည်။

အခြားကျောင်းသားများမှာ နံပါတ် (၁) အဆောင်တွင် ရှိနေကြသော်လည်း သူတစ်ယောက်တည်း နံပါတ် (၆) တွင် ဖြစ်နေခြင်းကို ကျန်းရှောင် နားမလည်နိုင်ဖြစ်နေသည်။ 

‘အသားညိုညို ကျောင်းအုပ်ကြီး ကောင်း က ငါ့ကို နေရာမှားပေးလိုက်တာလား’

အဆောင်မှာ ဟာလာဟင်းလင်း ဖြစ်နေပြီး အလွှာတစ်ခုစီတွင် ကျောင်းသား အနည်းငယ်သာ ရှိသည်။ 

အများစုမှာ သူတို့၏ ကုတင်များသို့ ရောက်နေကြပြီဟု သူယူဆလိုက်သည်။ 

ကျန်းရှောင်မှာ အခြားသူများနှင့် အခန်းမျှနေရခြင်းမှလွဲ၍ ရွေးချယ်စရာမရှိပေ။ 

ကံမကောင်းစွာဖြင့် ၎င်းမှာ ယောင်္ကျားလေး/မိန်းကလေး ရောနေသော အခန်းမဟုတ်ပေ။

ဟင်း...

နေ့စဉ်သုံးပစ္စည်းများကို ကိုင်ဆောင်ကာ ပထမထပ်၏ ဘယ်ဘက်အစွန်ဆုံး အဆောင်တံခါးသို့ လျှောက်သွားသော ကျန်းရှောင်ကို အဆောင်မှူး အမျိုးသမီးက ကြည့်နေသည်။ 

'ဘာလို့ တံခါးစောင့်နေတဲ့သူက ဒေါ်ကြီး ဖြစ်နေရတာလဲ'

'နားမလည်နိုင်ပါဘူး၊ တကယ်ကို နားမလည်နိုင်ပါဘူး'

ကျန်းရှောင် သော့ကိုကိုင်ပြီး တံခါးဖွင့်လိုက်သောအခါ စာကြောင်းတစ်ကြောင်း သူ၏ခေါင်းထဲသို့ ရောက်လာသည်။

'ဒီငါးတစ်တုံးက... မဟုတ်ဘူး၊ ဒီအဆောင်က ငါ့အပိုင်ပဲ'

ကုတင် စုစုပေါင်း ခြောက်လုံး ရှိသည်။ 

ကုတင် ခြောက်လုံး ရှိသော်လည်း ၎င်းမှာ တစ်ယောက်ခန်း ဖြစ်နေသည်။ 

ဘယ်သူမှ မရှိဘူးလား။ 

ကျန်းရှောင်က ပြတင်းပေါက်နားက ကုတင်ကို ဝမ်းသာအားရ ရွေးလိုက်ပြီး အပြင်သို့ လှမ်းကြည့်လိုက်ရာ လမ်းဘေးတွင် နမ်းနေကြသော စုံတွဲတစ်တွဲကို တွေ့လိုက်ရသည်။

'စိတ်ပျက်စရာပဲ'

ကျန်းရှောင် ချက်ချင်း လှည့်လိုက်သောအခါ ကုတင်အောက်တွင် စားပွဲတစ်လုံးနှင့် ညာဘက်တွင် ဗီရိုလေးတစ်ခု ရှိနေသည်ကို တွေ့လိုက်ရ၏။

သူသည် စောင်ကို ထုတ်ကြည့်ပြီးနောက် အနီးအနားကို ဝေ့ကြည့်ကာ ပြန်ထည့်လိုက်သည်။

'ဒီညတော့ သစ်သားပြားပေါ်မှာပဲ အိပ်လိုက်တော့မယ်၊ စောင်ကိုတော့ မနက်ဖြန်မှ လျှော်တော့မယ်'

'ငါ့မှာ ကြယ်တာရာ စွမ်းအားတွေ ရှိနေပြီဆိုတော့ ငါ့ခန္ဓာကိုယ်က တကယ်ကို ကြံ့ခိုင်နေပြီ'

နှင်းတောထဲမှာတောင် အိပ်ခဲ့ဖူးတာပဲ၊ သစ်သားပြားပေါ် အိပ်ရတာက သူ့အတွက် ဘာမှမဟုတ်ပေ။

ကောင်းချီးပေးခြင်း အလင်းတန်းတစ်ခု သူ၏ ခန္ဓာကိုယ်ပေါ် ကျရောက်လာပြီး သူ့ကို နွေးထွေးသွားစေသည်။

နောက်တစ်နေ့တွင် မိုးလင်းစအချိန်၌ ကျန်

းရှောင် နိုးလာသည်။ 

'ကျန်းပင် အထက်တန်းကျောင်းရဲ့ မနက် ၄ နာရီ ပုံရိပ်ကို ကြည့်ရမယ့် အချိန်ပဲ'

'ငါ့လိုပဲ စည်းကမ်းရှိပြီး ကြိုးစားတဲ့ မိစ္ဆာတွေ ရှိမလားဆိုတာ ကြည့်ရသေးတာပေါ့'

ကျန်းရှောင် အံ့သြသွားသည်မှာ သူသည် မိစ္ဆာနှင့် သတ္တဝါဆန်း လေးကောင်ကို အမှန်တကယ်ပင် ဆုံတွေ့လိုက်ရခြင်းဖြစ်သည်။