[ရေချိုးကန်?!!!!]
[ဘယ်သူက ရေချိုးကန်ဆွဲတာကိုအရမ်းထူးချွန်နေရတာလဲ။]
[ရေချိုးကန်ရဲ့နောက်ကွယ်အဓိပ္ပာယ်တစ်ခုခုရှိနေတာလား။]
[ဒါက လူလည်ကျတဲ့ လုပ်ရပ်ပဲ။ ငါတို့ကလေးလေးကဆွဲထားတယ်လို့ ဘာလို့ငါ ထင်နေရတာလဲ။]
မှတ်ချက်များတွင် လှုပ်လှုပ်ရှားရှားဖြစ်နေသည်။ ကျန်သောဧည့်သည်အမျိုးသမီးသုံးယောက်ကလည်း ရေချိုးကန်ကို မည်သူဆွဲသည်ကို သိချင်နေကြသည်။
"အားလုံးရွေးချယ်ပြီးပြီဆိုတော့ တစ်နေ့တာအတွက် ကျွန်တော်တို့ရဲ့ အမျိုးသားဧည့်သည်တွေကို တစ်ယောက်ပြီးတစ်ယောက် ဖိတ်ခေါ်ကြရအောင်။ ပထမတစ်ယောက်ကတော့ ယွီဇစ်ကျန်းရွေးချယ်ခဲ့တဲ့ ဝက်ဝံလေးပန်းချီကားကိုဆွဲခဲ့တဲ့သူပါ။"
ဒါရိုက်တာ၏အသံနောက်တွင် တံခါးနှစ်ဘက်စလုံးမှ ပွင့်လာပြီး ရုပ်ပုံလွှာသည် တဖြည်းဖြည်း ပေါ်လာသည်။
[ဝက်ဝံငယ်၊ သူက ချူးကျင်းချန်းဖြစ်ရမယ်။]
[တတိယသခင်လေး မနေ့က ဝက်ဝံလေးနှစ်ကောင်ကို ကိုင်ထားတယ်။ သူပဲဖြစ်ရမယ်။]
[သိသာပါတယ်။ ဒီဝက်ဝံကို မာစတာရန်အတွက် ဆွဲခဲ့တာ။ ကံမကောင်းစွာနဲ့ပဲ မာစတာရန်က နောက်ဆုံးမှရွေးချယ်ခဲ့တဲ့သူလေ။]
[ယွီဇစ်ကျန်းကရော ဝက်ဝံငယ်ကို တတိယသခင်လေးက ရွေးချယ်ခဲ့တယ်လို့ထင်နေတာလား။]
[အရပ်ရှည်၊ ချမ်းသာပြီး ချောမောတဲ့ ယောက်ျားတွေကို ဘယ်သူက မကြိုက်လို့လဲ။ နင်တို့ရဲ့ ရှီရန်ကပဲ ရွေးလိုရမလား။]
[သူတို့စုံတွဲရဲ့ ပရိသတ်တွေက အေးအေးဆေးဆေး နေပေးနိုင်မလား။]
ယွီဇစ်ကျန်းသည် သူမလက်ထဲတွင် ပန်းချီကားတစ်ချပ်ကို စိတ်လှုပ်ရှားကာကိုင်လိုက်ပြီး တံခါးနောက်ကွယ်ရှိလူကို သူမ စိုက်ကြည့်နေသည်။
သို့သော် တံခါးကို လုံး၀ဖွင့်လိုက်သောအခါ လူတိုင်းရှေ့တွင် ပေါ်လာသည့်ရုပ်ပုံကြောင့် ယွီဇစ်ကျန်းက မယုံကြည်နိုင်ဖြစ်နေသည်။
သူ ဘယ်လိုဖြစ်နိုင်မှာလဲ။
ဝက်ဝံပုံပိုင်ရှင်သည် သွယ်လျကာ ငွေရောင် ဆံပင်ရှိပြီး ဖြူဖွေးသော အသားအရည်ရှိသည်။ ၎င်းက ကျူယီဖေးဖြစ်သည်။
ကျူယီဖေးက ပြုံးပြုံးရွှင်ရွှင်နဲ့ ဝင်လာသည်။
သို့သော် ယွီဇစ်ကျန်း၏လက်ထဲမှ ပန်းချီကားကို သူမြင်လိုက်သောအခါတွင် သူ့အပြုံးသည် အေးခဲသွားပြီး ရှီရန်ကို မသိစိတ်ဖြင့် လှမ်းကြည့်လိုက်သည်။
[ဖူး ဟားဟား၊ ငါ တကယ်ရယ်ချလိုက်တော့မယ်]
[ဒီနှစ်ယောက်က သူတို့ရဲ့ စိတ်ပျက်မှုတွေကို ဒီလောက်တောင်ရှင်းရှင်းလင်းလင်း လူသိအောင် လုပ်စရာလိုလို့လား။]
[ ယွီဇစ်ကျန်းရဲ့ အမူအရာက ဘာလဲဟ။ ငါတို့ ကလေးကို ရွေးမိတာ သူမရဲ့ကံကောင်းခြင်းပဲလေ၊ ဟုတ်ပြီလား။]
[အင်တာနက်ကျော်ကြားသူက အင်တာနက်ကျော်ကြားသူပဲ။ ဒီရိုးရှင်းတဲ့အမူအရာကိုတောင် သူမ မဖုံးကွယ်ထားနိုင်ဘူး။]
[ငါတို့ကလေးလေးက မာစတာရန်ကို စိတ်ထဲရှိနေပေမဲ့ ယွီဇစ်ကျန်းက သူ့ကို ရွေးချယ်ခဲ့တယ်။]
[ဒီရှိုးပွဲက ဘာကြောင့် အင်တာနက်ကနာမည်ကြီးတစ်ယောက်ကို လိုအပ်တယ်ဆိုတာကို ငါနားမလည်ဘူး။]
နောက်အလှည့်ကျလာသည်မှာ ရှီဝန်ဖေးဖြစ်သည်။ သူမလက်ထဲတွင် နှလုံးသားပန်းချီကားတစ်ချပ်ရှိသည်။
နှလုံးသားပန်းချီကားပိုင်ရှင်က...
လူတိုင်းက ကျုံးယူဖန်ပေါ်လာသည်ကို တွေ့လိုက်ရသောအခါတွင် အားလုံးက သက်ပြင်းချကြသည်။
[သူတို့နှစ်ယောက်က တကယ်ကို ဖောက်ပြန်နေကြတာပဲ။]
[တတိယသခင်လေးနဲ့တွေ့တဲ့အခါ ဖြစ်နေမယ့် သူတို့ရဲ့အမူအရာတွေကို သိချင်မိတယ်]
[သေတာပဲ! ခွေးဝဲစားနှင့် ခွေးဝဲစားမတို့ တစ်ဖွဲ့တည်းကျပြန်ပြီလား။]
[ဒီနှစ်ယောက်က ကြိုပြီးစီစဉ်ထားကြတာဟုတ်တယ်မလား??]
ဧည့်သည်ယောက်ျားနှစ်ယောက် ပေါ်လာပြီးနောက် ချူးကျင်းချန်းနှင့် ပိုင်ကျင်းထျန်နှစ်ယောက်တည်းသာ ကျန်တော့သည်။
တစ်ခုက ပင်လယ်ပုံနှင့် နောက်တစ်ခုက ရေချိုးကန်ပုံဖြစ်သည်။
ရေချိုးကန်ကို မည်သို့ပင်အလွန်ဆွဲအားကောင်းအောင်ဆွဲထားစေကာမူ ထိုလူချောနှစ်ယောက်နှင့် ၎င်းကိုယှဥ်တွဲစဥ်းစားရသည်မှာ လူတိုင်းအတွက် ခက်ခဲသည်။
ကူကျားသည် တည်ငြိမ်သော အမူအရာဖြင့် ပန်းချီကားကို လက်ထဲတွင် ကိုင်ထားသည်။
သူမ ရှီရန်ဘက်သို့ လှည့်လိုက်သည်။ "အစ်မပန်းချီကားကို ကျင်းထျန်ဒါမှမဟုတ် တတိယမြောက်သခင်လေးထဲက ဘယ်သူ ဆွဲတယ်လို့ ထင်လဲ"
ရှီရန်က မဖြေဘဲ ပြုံးလိုက်သည်။
ကူကျားသည် မကြာမီ သူမ၏အဖြေသိလိုက်ရသည်။
- ထိုသူသည် ပိုင်ကျင်းထျန် ဖြစ်သည်။
ထို့ကြောင့် ယခု ရေချိုးကန်ပန်းချီကားပိုင်ရှင် ဖြစ်သောလူတယောက်တည်းသာ ကျန်တော့သည်။
လူတိုင်း၏အကြည့်အောက်တွင် ချူးကျင်းချန်းသည် ခန်းမထဲသို့ဝင်လာသည်။
ယနေ့တွင် သူသည် ထူးထူးခြားခြားနုပျိုနေပုံပေါ်သည်။
ရိုးရှင်းသော တီရှပ်အဖြူနှင့် အနက်ရောင်ကားဂိုဘောင်းဘီဖြင့် ကောလိပ်ကျောင်းသားတစ်ဦးပုံစံ ပေါက်နေသည်။
သူသည် ရှီရန်အနားတွင် ရပ်လိုက်ပြီး သူ့နှုတ်ခမ်းပေါ်တွင်အပြုံးတစ်ခုတွေ့နေရသည်။
[ရေချိုးကန်ကို ဆွဲတဲ့သူက တတိယသခင်လေး။ ငါ သူဖြစ်မယ်လို့ ဘယ်တုန်းကမှ မမျှော်လင့်ထားဘူး။]
[တခြားအရာတွေကလွဲလို့ တတိယသခင်လေးရဲ့အပြုံးကရိုးရှင်းတဲ့အပြုံးတစ်ခုဖြစ်ပုံမပေါ်ဘူး။]
[ဘုရင်တစ်ပါးရဲ့အပြုံးလိုပဲ]
[ရေချိုးကန်မှာ အဓိပ္ပာယ်တစ်ခုခုရှိနေတာလား။]
[တတိယသခင်လေးက မာစတာရန်ရဲ့ငါးဖြစ်ချင်တယ်လို့ ပြောပြချင်နေတာလား။]
[တတိယသခင်လေးက မာစတာရန်ရဲ့ငါးဖြစ်ချင်တယ်?? နင်တို့ ဘာတွေတွေးနေတာလဲ]
[မာစတာရန်ကို အရုပ်ကလေးလိုကစားဖို့ သူ့ရဲ့စိတ်ပိုင်းဖြတ်ထားတာကို ထုတ်ပြဖို့ တတိယသခင်လေးက ကြိုးစားနေတာ ဖြစ်နိုင်တယ်။]
စခရင်ပေါ်တွင် မှန်းဆချက်အမျိုးမျိုးရှိသည်။
ဒါရိုက်တာသည် စခရင်ပေါ်ရှိအကြောင်းအရာများကို သတိပြုမိသောကြောင့် ချက်ချင်း အပိုင်းပိုတစ်ခုကို ထည့်သွင်းလိုက်သည်။
“ကဲ၊ အခု ဘယ်ဘက်ကနေစလို့ညာဘက်အထိဧည့်သည်ယောက်ျားတိုင်းက ပန်းချီကားရဲ့ အဓိပ္ပါယ်ကို ပြောပြပေးရပါမယ်” လို့ သူ ကျယ်လောင်စွာ ပြောသည်။
ထိုအပိုင်းက အနည်းငယ် မထင်မှတ်ထားသောအပိုင်းဖြစ်သည်။
ကျူယီဖေးက ရှီရန်ကို ကြည့်လိုက်ပြီး "ဝက်ဝံကချစ်စရာလေးလို့ထင်လို့ ကျွန်တော် ဆွဲခဲ့တာ" ဟု မှုန်ကုပ်ကုပ်ပြောသည်။
ပိုင်ကျင်းထျန်အသံက နွေးထွေးနူးညံ့သည်။ "မနေ့ညက ကမ်းခြေမှာ လမ်းလျှောက်ထွက်ခဲ့တယ်။ ပင်လယ်ကအရမ်းလှလွန်းလို့ ကျွန်တော် မှင်တက်မိသွားတယ်"
[ဒီနှစ်ယောက်က တစ်ခုခုကို ရည်ညွှန်းနေတယ်လို့ ငါဘာလို့ခံစားမိတာလဲ??]
[ ပိုင်ကျင်းထျန်နဲ့ ကျူယီဖေးက ရှီရန်နဲ့တစ်ဖွဲ့တည်းကျချင်တဲ့ပုံပဲ။]
[တတိယသခင်လေးရဲ့ ရေချိုးကန်က အနိုင်ရသွားလိမ့်မယ်လို့ ဘယ်သူက ထင်မိမှာလဲ။]
[မနေ့ညက ကမ်းခြေတိုက်ပွဲအပြီးမှာ တတိယမြောက်သခင်လေးက ဒီနေ့ ထပ်မံအနိုင်ရခဲ့တယ်။]
[မျှော်လင့်ထားတဲ့အတိုင်း တတိယမြောက် သခင်လေးပဲ အနိုင်ရတယ်]
ကျုံးယူဖန်က ပခုံးတွန့်လိုက်ပြီး "ကျွန်တော် ဘယ်လိုပုံဆွဲရမှန်းမသိလို့ နှလုံးသားကို ဆွဲလိုက်တာပါ" လို့ပြောလိုက်သည်။
"ဒါပေမယ့် အရမ်းချစ်စရာကောင်းတယ်" ရှီဝန်ဖေးက ကျုံးယူဖန်နှင့် သူမ၏ရင်းနှီးမှုကို ဖုံးကွယ်မထားဘဲ ကျီစယ်ကာပြောလိုက်သည်။
သူမနဲ့ ကျုံးယူဖန်ကြားက ဖြစ်ပျက်ခဲ့သောအရာများကို လူတိုင်းက ခန့်မှန်းမိကြပြီမို့ သူမ၏ခံစားချက်များကို ဖုံးကွယ်ထားစရာမလိုတော့ပေ။
လျှို့ဝှက်ပြီး ဟန်ဆောင်နေမည့်အစား ပွင့်ပွင့်လင်းလင်း ချပြခြင်းက ပိုကောင်းသည်။
သူတို့ ကောင်းကောင်းစွမ်းဆောင်နိုင်ပါက ထောက်ခံသူပရိသတ် အများအပြား ရရှိနိုင်ပေမည်။
မယားငယ်ကိစ္စအတွက်မူ...
အင်တာနက်သုံးစွဲသူများက အမှန်တရားကို မသိကြပေ။ အချိန်တန်ပါက သူမ ပြောချင်သောအရာအားလုံးကို သူတို့လက်ခံကြပေမည်။
[သူတို့နှစ်ယောက်က ဟန်တောင်မဆောင်ကြတော့ဘူး။]
[ကြည့်ရတာရွံစရာကြီး။ ကျော်လိုက် ကျော်လိုက်။]
[တချို့လူတွေက ကောလဟာလတွေကိုပဲ နားထောင်ကြတယ်။ ဖေးဖေးက အဲ့ဒီလိုလူစားမျိုးမဟုတ်ဘူး၊ အိုကေလား?]
[ရှီရန်က သူ့စေ့စပ်ထားသူဖြစ်တာကြောင့်နဲ့ပဲ ဖေးဖေးက အငယ်အနှောင်းဖြစ်ရမယ်??]
[ရှီဝန်ဖေးရဲ့ပရိသတ်တွေကတော့ တကယ့် လက်လန်စရာပဲဟေး။]
[ဒီရေချိုးကန်ရဲ့ နောက်ကွယ်ကအကြောင်းအရင်းကို ငါ စောင့်မျှော်နေတုံးပဲ။]
ချူးကျင်းချန်းသည် သူ့ပန်းချီကားကို လက်ထဲတွင် ကိုင်ထားပြီး အားလုံး၏မျက်လုံးများက သူ့အပေါ် ရောက်နေသည်။
ပရိသတ်တင်မကပဲ အားလုံးကလည်း ချူးကျင်းချန်းက အဘယ်ကြောင့် ရေချိုးကန်ကို ဆွဲခဲ့သည်ကို သိချင်မိကြသည်။
"ရေချိုးကန်ထဲမှာ တတိယသခင်လေးက ပုံဆွဲခဲ့လို့ ရေချိုးကန်ကိုဆွဲတာလို့တော့ မပြောနဲ့နော်။" ယွီဇစ်ကျန်းသည် အခြေအနေကို ပေါ့ပါးစေရန် ကြိုးစားသည်။
ချူးကျင်းချန်းက သူမကို မော့ကြည့်လိုက်သည်။
ချူးကျင်းချန်းကို သူမ၏အကောင်းဆုံးအပြုံးဟု သူမထင်သည့်အပြုံးကိုပြုံးပြလိုက်သည်။
သို့သော် ချူးကျင်းချန်းသည် သူ့အကြည့်ကို ပြန်ရုတ်သိမ်းပြီးနေပြီဖြစ်သည်။
ယွီဇစ်ကျန်းအံကြိတ်ကာ ရှီရန်ကို စိုက်ကြည့်နေသည်။
ထိုအချိန်တွင် ရှီရန်သည် ယွီဇစ်ကျန်းကို ဂရုမစိုက်နိုင်တော့ပေ။ သူမ မျက်လုံးကို ကျဥ်းမြောင်းလိုက်သည်။
တခြားသူများက မသိသော်လည်း သူမက အဖြေကို သိသည်။
ရေချိုးကန်ကို မြင်လိုက်သည့်အခိုက်တွင် ပုံရိပ်များက သူမစိတ်ထဲတွင် ကွက်ကွက်ကွင်းကွင်းပေါ်လာသည်။
ထိုပြောရခက်သောအခြေအနေနဲ့ အနမ်းခံထားရသောအမှတ်သား...
ချူးကျင်းချန်းက လက်တစ်ဖက်ကို အိတ်ကပ်ထဲထည့်လိုက်ပြီး ရှီရန်၏မျက်လုံးကို ဆုံလိုက်သည်။ သူ့အပြုံးက ကျီစယ်နေသည်။ "ကျွန်တော် ပြောလိုက်လို့ရမလား?"
[ကျွန်တော် ပြောလို့ရမလား????]
[ ဒါကလည်း မာစတာရန်နဲ့သက်ဆိုင်နေတာလား ??]
[တစ်ခုခုတော့မှားနေပြီ။ တစ်ခုခုတော့ အရမ်းမှားနေပြီ။]
[တတိယသခင်လေးက ငါတို့ကို အထူးသတင်းကောင်းတစ်ခုပေးတော့မယ်လို့ ခံစားရတယ်။]
ရှီရန်က အသက်မပါသောအပြုံးကိုပြုံးပြသည်။ "အဲဒါက ကျွန်မနဲ့ဘာဆိုင်လို့လဲ"
"မင်းနဲ့ဘာမှမဆိုင်ဘူးလား?" ချူးကျင်းချန်းသည် ထိုစကားများကို သေသေချာချာ စဉ်းစားနေသည်။
ရှီရန်က စိတ်ထဲကနေ အော်ဟစ်လိုက်ပြီး ချူးကျင်းချန်း၏ပန်းရောင်ဖျော့ဖျော့နှုတ်ခမ်းကို စိုက်ကြည့်နေသည်။
ချူးကျင်းချန်းသည် ထိုညနှင့်ပတ်သက်သောအကြောင်းအရာ တစ်စုံတစ်ရာကို ပြောဝံ့ပါကသူမက သူ့ကို ပါးစပ်ပိတ်အောင်လုပ်ပေမည်။
ချူးကျင်းချန်းသည် ခဏလောက် စဉ်းစားနေသည်။
လူတိုင်း၏စူးစူးရှရှအကြည့်များအောက်တွင် သူ၏နှုတ်ခမ်းပါးလွှာသည် တဖြည်းဖြည်း ပွင့်လာသည်။ "ဘာလို့လဲဆိုတော့ ကျွန်တော်တို့ ပထမဆုံးတွေ့တဲ့နေရာမို့လို့လေ"
လူတိုင်း ဆွံအသွားသည်။
[-ီး -ီး -ီး!!]
[အဲဒါကို တိုက်ရိုက်ထုတ်လွှင့်နိုင်လို့လား??]
[ဒါက ငါ အခကြေးငွေပေးစရာမလိုဘဲ ကြည့်ရှုနိုင်တဲ့ တိုက်ရိုက်ထုတ်လွှင့်မှုတစ်ခုလား???]
[ချီး ငါထင်နေတဲ့အရာများလား။ ရေချိုးကန်မှာအပျော်ရှာတာလား?]
[ဖောက်ပြန်တာဖြစ်ရမယ်။ ငါဂရုစိုက်မနေတော့ဘူး။ သူတို့နှစ်ယောက်ကြား တစ်ခုခုတော့ရှိရမယ်!!]
[ငါတို့ပေးစားတဲ့အချောအလှအတွဲက အခိုင်အမာရပ်တည်နေတယ်။]
[ဘယ်လိုတွေ့ဆုံမှုမျိုးက ရေချိုးကန်မှာဖြစ်နိုင်မလဲ??? ချီး! စိတ်ကူးယဉ်မိပြီ။]
[မာစတာရန်ရဲ့မျက်နှာအမူအရာကို ကြည့်လိုက်ကြဦး။]
[မာစတာရန်- တစ်စုံတစ်ယောက်ကို ဓားနဲ့ထိုးချင်တဲ့အခါ မင်းရဲ့အမူအရာကို ဖုံးကွယ်လို့မရနိုင်ဘူး။]
LOGIN